24.10.2007   

MT

Il-Ġurnal Uffiċjali ta’ l-Unjoni Ewropea

L 280/27

(1)

L-Artikolu 4(1) tar-Regolament tal-Kunsill (KE) Nru 378/2007 tas-27 ta’ Marzu 2007 li jistipula r-regoli applikabbli għall-modulazzjoni fakultattiva tal-ħlasijiet diretti stipulati bir-Regolament (KE) Nru 1782/2003, li jistabbilixxi regoli komuni għal skemi diretti ta’ appoġġ fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa u li jemenda r-Regolament (KE) Nru 1290/2005, jipprovvdi li l-Kummissjoni għandha tistabbilixxi ammonti netti li jirriżultaw mill-applikazzjoni tal-modulazzjoni fakultattiva u li dawn għandhom jiġu integrati fl-appoġġ annwali konċess lil kull Stat Membru, fir-rigward ta’ l-appoġġ Komunitarju u l-iżvilupp rurali msemmi fl-Artikolu 69(4) u (5) tar-Regolament (KE) Nru 1698/2005.

(2)

L-Artikolu 12 tar-Regolament (KE) Nru 1290/2005, jistipula li l-Kummissjoni tsitabbilixxi l-ammonti li skond l-Artikolu 4(1) tar-Regolament (KE) Nru 378/2007, kif ukoll ta’ l-Artikoli 10(2), 143(d) u 143(e) tar-Regolament tal-Kunsill (KE) Nru 1782/2003 tad-29 ta’ Settembru 2003 li jistabbilixxi regoli komuni għal skemi diretti ta’ appoġġ fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa (3), għandhom jitpoġġew għad-dispożizzjoni ta' l-EAFRD, kif ukoll l-ammont nett disponibbli għall-ispejjeż tal-EAGF.

(3)

L-ammonti għad-dispożizzjoni ta' l-EAFRD u dawk għall-ispejjeż ta' l-EAGF għandhom jiġu stabbiliti abbażi ta’ l-ammonti annwali massimi korrispondenti għas-snin finanzjarji 2007-2013.

(4)

Id-Deċiżjoni tal-Kummissjoni 2006/410/KE (4) tistipula l-ammonti riżultanti mill-applikazzjoni tat-tnaqqis tal-ħlasijiet diretti stabbiliti bl-Artikoli 10(2), 143(d) u 143(e) tar-Regolament (KE) Nru 1782/2003, biex jintużaw għall-ispejjez ta' l-EAGF, għas-snin finanzjarji 2007 sa 2013.

(5)

Id-Deċiżjoni tal-Kunsill 2006/493/KE (5) tistipula l-ammont ta’ l-appoġġ Komunitarju favur l-iżvilupp rurali għall-perjodu mill-1 ta' Jannar 2007 sal-31 ta' Diċembru 2013, l-analiżi annwali kif ukoll l-ammont minimu għar-reġjuni li jistgħu jibbenefikaw mill-oġġettiv tal-“konverġenza”.

(6)

Id-Deċiżjoni tal-Kummissjoni 2006/636/KE (6) tistipula l-analiżi għal kull Stat Membru Komunitarju, ta’ l-appoġġ favur l-iżvilupp rurali għall-perjodu mill-1 ta' Jannar 2007 sal-31 ta' Diċembru 2013, inklużi l-ammonti li jikkonċernaw l-ammonti trasferiti lejn l-EAFRD.

(7)

Wara l-adozzjoni tad-Deċiżjoni 2007/679/KE tal-Kummissjoni tat-22 ta’ Ottubru 2007 li tistipula l-ammonti netti riżultanti mill-applikazzjoni tal-modulazzjoni fakultattiva tar-Renju Unit għas-snin 2007-2012 (7), skond l-Artikolu 4(1) tar-Regolament (KE) Nru 378/2007, jeħtieġ li l-ammonti mqegħda għad-dospożizzjoni tal-EAFRD jiġu emendati u li dawn l-ammonti jiżdiedu ma’ l-analiżi annwali relattiva għall-appoġġ Komuniatrju għall-iżvilupp rurali għar-Renju Unit.

(8)

Jeħtieġ għalhekk li d-Deċiżjonijiet 2006/410/KE u 2006/636/KE jiġu emendati skond dan,

(1)

l-Artikolu uniku għandu jinbidel b'dan li ġej:

“Artikolu

L-ammonti mqiegħda għad-dispopżizzjoni tal-Fond Agrikolu Ewropew għall-Iżvilupp Rurali (EAFRD) għas-snin baġitarji 2007-2013, skond l-Artikoli 10(2), 143(d) u 143(e) tar-Regolament (KE) Nru 1782/2003 u ta’ l-Artikolu 1(1) tar-Regolament (KE) Nru 378/2007, kif ukoll l-ammont nett għall-ispejjeż tal-Fond Agrikolu Ewropew ta’ garanzija (EAGF) jidhru fl-Anness għal din d-Deċiżjoni”;

(2)

l-Anness għal din id-Deċiżjoni għandu jinbidel bit-test ta’ l-Anness I għal din id-Deċiżjoni.