EUR-Lex Access to European Union law
This document is an excerpt from the EUR-Lex website
Document 52014DC0445
COMMUNICATION FROM THE COMMISSION TO THE EUROPEAN PARLIAMENT, THE COUNCIL, THE EUROPEAN ECONOMIC AND SOCIAL COMMITTEE AND THE COMMITTEE OF THE REGIONS ON RESOURCE EFFICIENCY OPPORTUNITIES IN THE BUILDING SECTOR
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI DWAR OPPORTUNITAJIET GĦALL-EFFIĊJENZA FIR-RIŻORSI FIS-SETTUR TAL-BINI
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI DWAR OPPORTUNITAJIET GĦALL-EFFIĊJENZA FIR-RIŻORSI FIS-SETTUR TAL-BINI
/* COM/2014/0445 final */
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI DWAR OPPORTUNITAJIET GĦALL-EFFIĊJENZA FIR-RIŻORSI FIS-SETTUR TAL-BINI /* COM/2014/0445 final */
OPPORTUNITAJIET
GĦALL-EFFIĊJENZA FIR-RIŻORSI FIS-SETTUR TAL-BINI
1.
INTRODUZZJONI
Il-kostruzzjoni
u l-użu tal-bini fl-UE huma responsabbli għal madwar nofs
il-materjali estratti[1] u l-konsum tal-enerġija[2]
kollha tagħna u madwar terz tal-konsum tal-ilma tagħna[3].
Is-settur jiġġenera wkoll madwar terz tal-iskart kollu[4] u
huwa assoċjat ma' pressjonijiet ambjentali li jinħolqu fi stadji
differenti taċ-ċiklu tal-ħajja tal-bini, li jinkludu
l-manifattura tal-prodotti tal-kostruzzjoni, il-kostruzzjoni, l-użu u r-rinnovament
tal-bini u l-immaniġġjar tal-iskart tal-bini. L-għanijiet
prinċipali ta' din l-inizjattiva huma li tippromwovi użu aktar
effiċjenti tar-riżorsi kkunsmati minn binjiet kummerċjali, residenzjali
u pubbliċi ġodda u rinnovati u tnaqqas l-impatti ambjentali globali
tagħhom matul iċ-ċiklu tal-ħajja sħiħ
tagħhom. L-użu tar-riżorsi huwa determinat f'parti kbira
mid-deċiżjonijiet dwar id-disinn u l-għażliet dwar
il-materjali tal-kostruzzjoni. Sabiex jinkisbu żidiet fl-effiċjenza
tar-riżorsi, id-diżinjaturi, il-manifatturi, il-kuntratturi,
l-awtoritajiet u l-utenti jeħtieġu informazzjoni li tista'
tintuża u affidabbli sabiex tinforma t-teħid
tad-deċiżjonijiet tagħhom. Din l-inizjattiva tindirizza dan
id-defiċit ta' informazzjoni billi tipproponi sett ta' indikaturi definiti
b'mod ċar u miżurabbli, għall-valutazzjoni tal-prestazzjoni
ambjentali tal-bini.
2.
TNAQQIS FL-UŻU TAR-RIŻORSI FIL-BINI
Il-konsum
tar-riżorsi u l-impatti ambjentali relatati matul iċ-ċiklu
tal-ħajja ta' bini jistgħu jitnaqqsu permezz ta': ·
Promozzjoni ta' disinn
aħjar li jiżen l-użu tar-riżorsi kontra
l-ħtiġijiet u l-funzjonalità tal-bini u jikkunsidra xenarji
għad-dekostruzzjoni; ·
Ippjanar aħjar
tal-proġetti li jassigura użu akbar tar-riżorsi u prodotti
effiċjenti fl-enerġija; ·
Promozzjoni tal-manifattura ta'
prodotti tal-kostruzzjoni aktar effiċjenti fl-użu tar-riżorsi
billi, pereżempju, jintużaw materjali riċiklati,
jerġgħu jintużaw materjali eżistenti u billi l-iskart
jintuża bħala karburant; ·
Promozzjoni ta' kostruzzjoni u
rinnovazzjoni aktar effiċjenti fl-użu tar-riżorsi billi,
pereżempju, jitnaqqas l-iskart tal-kostruzzjoni u jiġu
riċiklati/jerġgħu jintużaw materjali u prodotti sabiex
jintbagħtu anqas lejn il-miżbla. Ir-riċiklaġġ
jew l-użu mill-ġdid ta' materjali jew saħansitra prodotti
sħaħ huwa dejjem aktar importanti bħala mezz sabiex jittejjeb
l-użu effiċjenti tal-materjali u biex jiġu evitati
l-impatti negattivi assoċjati mal-materjal verġni. Madankollu,
il-bilanċ globali jiddependi b'mod sostanzjali fuq l-eżistenza ta'
sistema ta' riċiklaġġ effiċjenti fuq livell lokali,
reġjonali jew nazzjonali li tippreżenta alternattiva attraenti u
kosteffiċjenti għall-miżbla. L-attrattività tal-alternattivi
tar-riċiklaġġ hija regolata mit-tul tad-distanzi tat-trasport
għas-siti tar-riċiklaġġ, il-kisba tal-livell
meħtieġ ta' purità tal-materjali riċiklati u l-proċessi
tar-riċiklaġġ u l-produzzjoni. Il-konsum tal-enerġija fil-fażi
tal-użu mit-tisħin u t-tidwil huwa kopert minn diversi regolamenti
tal-UE[5][6][7][8].
L-enerġija użata fil-manifattura tal-prodotti tal-kostruzzjoni u
fil-proċess tal-kostruzzjoni għandha wkoll rwol importanti fl-impatt
ambjentali ġenerali ta' bini. Studji juru li bejn 5-10% tal-konsum totali tal-enerġija madwar l-UE huwa
relatat mal-produzzjoni ta' prodotti tal-kostruzzjoni[9].
Barra minn hekk, l-emissjonijiet inkorporati ta' gassijiet serra ta' bini
qegħdin jiżdiedu[10] u jistgħu jinkludu proporzjon sinifikanti
mill-emissjonijiet totali ta' gassijiet serra. Biex l-impatti ambjentali
jiġu indirizzati b'mod effettiv irid jitqies iċ-ċiklu
tal-ħajja sħiħ ta' bini. Inkella, jistgħu jiġu
injorati xi impatti jew jinħolqu problemi addizzjonali f'partijiet
oħra taċ-ċiklu tal-ħajja. Pereżempju, xi
soluzzjonijiet sabiex tittejjeb l-effiċjenza enerġetika ta' bini
fil-fażi tal-użu jistgħu jagħmlu r-riċiklaġġ
aktar tard aktar diffiċli u għali. Tnaqqis
tal-kostijiet tul iċ-ċiklu tal-ħajja Bini li jkun iddisinjat u
mibni sabiex inaqqas l-impatti ambjentali matul iċ-ċiklu
tal-ħajja joffri benefiċċji ekonomiċi diretti bħal
kostijiet operattivi u ta' manutenzjoni aktar baxxi,[11],[12],[13] deprezzament aktar bil-mod u valur
ogħla tal-assi[14],[15]. Barra minn hekk, hemm ukoll impatti
soċjali pożittivi bħat-titjib fis-saħħa u
l-produttività. Attwalment, il-biċċa l-kbira tal-binjiet
iċċertifikati huma binjiet kummerċjali u pubbliċi ta'
livell għoli (eż. lukandi u
uffiċċji prestiġjużi) minħabba l-kostijiet
amministrattivi u ta' ċertifikazzjoni addizzjonali li pjuttost
għandhom jitqiesu fil-kuntest tal-benefiċċji aktar fit-tul. Hekk
kif l-għarfien fost id-diżinjaturi, il-fornituri u l-manifatturi
qiegħed jiżdied, il-kostijiet naqsu hekk kif il-katina tal-provvista
qiegħda tadatta għar-rekwiżiti u l-prattiċi ġodda. Fi
Franza, studju minn QUALITEL
ikkonkluda li l-kost żejjed għall-kostruzzjoni ta' bini residenzjali
sostenibbli meta mqabbel ma' bini standard niżel minn 10 % fl-2003
għal inqas minn 1 % illum[16]. Din ix-xejra kienet innotata wkoll
fir-Renju Unit[17]. 3. LEJN APPROĊĊ EWROPEW KOMUNI
GĦALL-VALUTAZZJONI TAL-PRESTAZZJONI AMBJENTALI TAL-BINI Status
attwali Il-Pjan
Direzzjonali għal Ewropa b'Użu Effiċjenti tar-Riżorsi[18]
ppropona li l-bini għandu jiġi rinnovat u mibni b'effiċjenza
akbar fir-riżorsi li tkun teħtieġ politiki li jħarsu lejn
firxa wiesgħa ta' impatti ambjentali matul iċ-ċiklu
tal-ħajja sħiħ. "L-Istrateġija tal-kompetittività
sostenibbli fis-Settur tal-Kostruzzjoni u tal-Intrapriżi tiegħu"[19]
reġgħet sostniet li l-effiċjenza fir-riżorsi kienet fost
l-isfidi prinċipali li s-settur qiegħed jiffaċċja
fil-perjodu sal-2020. L-istrateġija indikat ukoll li l-Kummissjoni
"se tipproponi approċċi għar-rikonoxximent reċiproku
jew l-armonizzazzjoni tad-diversi metodi ta' valutazzjoni eżistenti, anki
bil-għan li tirrendihom iktar operazzjonali u affordabbli
għall-intrapriżi tal-kostruzzjoni, l-industrija tal-assigurazzjoni u
l-investituri". Filwaqt
li hemm diversi strumenti li għandhom impatt fuq il-bini u l-prodotti
tal-kostruzzjoni bħad-Direttiva dwar ir-Rendiment tal-Bini fl-Użu
tal-Enerġija[20], id-Direttiva dwar l-Effiċjenza
fl-Enerġija[21], ir-Regolament dwar il-Prodotti għall-Bini[22],
is-Sistema ta' Skambju tal-Emissjonijiet tal-UE[23],
id-Direttiva dwar l-Emissjonijiet Industrijali[24], id-Direttiva Qafas dwar l-Iskart[25]
u d-Direttiva dwar ir-Rimi ta' Skart f'Terraferma[26],
huma jiffukaw fuq riżorsi differenti u partijiet taċ-ċiklu
tal-ħajja u għalissa mhumiex imfassla sabiex jipprovdu
approċċ globali għaċ-ċiklu tal-ħajja. Fuq livell
nazzjonali, numru żgħir ta' Stati Membri qegħdin jippreparaw
politiki marbuta mal-informazzjoni dwar iċ-ċiklu tal-ħajja. Hemm
ir-riskju li l-indikaturi li eventwalment se jiżviluppaw ikunu differenti,
li jwassal għal ambjent kummerċjali kumpless bla bżonn.
Mill-banda l-oħra, l-interess preżenti jista' jitqies bħala
opportunità sabiex jiġu koordinati approċċi nazzjonali
diverġenti, biex tiġi żviluppata dejta komparabbli u biex
tiġi kondiviża l-aħjar prattika. Fi ħdan il-kuntest
tal-Komunikazzjoni dwar il-“kompetittività sostenibbli fis-settur
tal-kostruzzjoni[27] il-Kummissjoni pproponiet li ttejjeb
ir-rikonoxximent reċiproku tal-metodi ta' valutazzjoni ambjentali biex toffri
opportunitajiet ta' negozju addizzjonali lill-intrapriżi żgħar u
medji (SMEs) fis-settur tal-kostruzzjoni. Anki fis-settur
privat, il-prestazzjoni ambjentali tal-bini ħafna drabi ma tiġix
valutata b'mod sinifikanti permezz ta' skemi ta' ċertifikazzjoni
kummerċjali volontarji b'ħafna kriterji. Anqas minn wieħed
fil-mija tal-bini fl-Ewropa huwa ċċertifikat permezz ta' tali skemi[28].
L-adozzjoni hija mxekkla mill-kostijiet preżunti għoljin
taċ-ċertifikazzjoni u wkoll mill-inċertezza dwar jekk hix se
tkun meħtieġa skema ta' valutazzjoni mill-klijent finali u jekk iva,
skont liema skema speċifika. Il-fatt li ma hemm l-ebda komparabbiltà
stabbilita bejn l-iskemi differenti jżid ukoll l-inċertezza u
l-kumplessità għan-negozji. Fil-qosor,
hemm nuqqas ta' dejta, metodi u għodod affidabbli, komparabbli u
affordabbli li bihom l-operaturi fil-katina tal-provvista jistgħu
janalizzaw u jkejlu l-prestazzjoni ambjentali ta' soluzzjonijiet differenti.
Għaldaqstant huwa diffiċli li jittieħdu deċiżjonijiet
sinifikanti rigward ir-riskju fil-katina tal-provvista, l-opportunitajiet
tas-suq u l-prijoritajiet interni ta' investiment. Il-konsumaturi jsofru
min-nuqqas ta' gwida adegwata dwar kif jinkorporaw il-konsiderazzjonijiet
ambjentali fid-deċiżjonijiet tax-xiri tagħhom u dan
jagħmilha diffiċli biex tiġi żviluppata l-fiduċja u
l-kunfidenza fis-suq. Sa 79%
tal-Ewropej intervistati jsostnu li dan ikun fattur importanti fit-teħid
tad-deċiżjonijiet tagħhom, kieku jingħataw l-informazzjoni.[29] Passi
'l quddiem – bżonn ta' dejta oġġettiva u affidabbli Sabiex
il-professjonisti, dawk li jieħdu d-deċiżjonijiet u
l-investituri madwar l-UE jkunu jistgħu jużaw aspetti
taċ-ċiklu tal-ħajja, huma jeħtieġu dejta affidabbli,
trasparenti u komparabbli bbażata b'mod empiriku[30],
li min-naħa tagħha trid tkun ibbażata fuq indikaturi ċari
għall-prestazzjoni tal-bini li jgħaqqdu flimkien l-objettivi ta'
rekwiżiti pubbliċi u privati differenti. Filwaqt li skemi nazzjonali u kummerċjali
differenti jista' jkollhom raġunijiet sabiex jiddevjaw daqsxejn l-approċċi
tagħhom (eż. materjali speċifiċi jew konsiderazzjonijiet
klimatiċi), xorta għandu jiġi stabbilit qafas komuni ta' indikaturi
ċentrali, li jiffoka fuq l-aktar aspetti essenzjali tal-impatti
ambjentali. Dan jippermetti l-komparabbiltà u jipprovdi lill-konsumaturi u lil
dawk li jfasslu l-politika aċċess aktar faċli għal
informazzjoni affidabbli u konsistenti. Qafas
uniku b'indikaturi ċentrali se: ·
Jippermetti komunikazzjoni
aktar faċli tal-informazzjoni lill-professjonisti u lil persuni mhux
esperti; ·
Jipprovdi dejta affidabbli u
komparabbli li għandha tintuża f'teħid ta'
deċiżjonijiet li jkopri ċ-ċiklu tal-ħajja
sħiħ tal-bini; ·
Jippermetti l-istabbiliment ta'
objettivi u miri ċari, inkluż limiti tas-sistema,
għall-prestazzjoni tal-bini, li jikkumplimentaw il-leġżlazzjoni
Ewropea diġà eżistenti dwar il-bini[31]; ·
Iżidu l-għarfien dwar
il-benefiċċji tal-bini sostenibbli fost l-atturi involuti
fil-forniment tal-bini, kif ukoll il-klijenti privati u pubbliċi, inklużi l-utenti tal-bini; ·
Jiffaċilita t-trasferiment
effettiv ta' prattiċi tajba minn pajjiż għall-ieħor; ·
Inaqqas il-kost
tal-valutazzjoni effettiva u l-komunikazzjoni tal-prestazzjoni ambjentali
tal-bini; ·
Jipprovdi lill-awtoritajiet
pubbliċi aċċess għal indikaturi ċentrali u għal
massa kritika ta' dejta rilevanti li fuqhom jistgħu jibbażaw
l-inizjattivi ta' politika tagħhom, inkluż l-Akkwist Pubbliku
Ekoloġiku; ·
Iwessa' s-suq għall-bini
sostenibbli għal aktar pajjiżi milli jindikaw ix-xejriet
preżenti u għal aktar setturi tal-bini bħall-bini mhux
residenzjali u, eventwalment, għas-suq residenzjali. Il-vantaġġi għall-professjonisti
tas-settur tal-bini (inklużi l-SMEs) huma: ·
Il-periti, id-diżinjaturi,
il-manifatturi ta' prodotti tal-kostruzzjoni, il-bennejja, l-iżviluppaturi
u l-investituri se jkunu jistgħu jibbenefikaw minn vantaġġi
kompetittivi bbbażati fuq il-prestazzjoni ambjentali; ·
Il-manifatturi ta' prodotti
tal-kostruzzjoni se jkunu meħtieġa jipprovdu biss informazzjoni dwar
il-prodott li tkun meħtieġa għall-valutazzjoni tal-bini b'mod
wieħed, li twassal għal iffrankar fl-ispejjeż[32]; ·
Il-periti u l-bennejja se jkunu
appoġġati permezz ta' informazzjoni usa' f'livell kemm tal-prodotti
kif ukoll tal-bini, bi tnaqqis fl-ispejjeż meta jinkorporaw aspetti
tas-sostenibbiltà[33]; ·
L-iżviluppaturi se jkunu
jistgħu jqabblu aktar faċilment il-prestazzjoni tal-proġetti[34];
L-investituri, is-sidien tal-proprjetà u l-assiguraturi se jkunu
jistgħu jtejbu l-allokazzjoni tal-kapital u jintegraw ir-riskju
ambjentali fid-deċiżjonijiet tagħhom.
Passi 'l quddiem – għażla ta' indikaturi
affidabbli F'kollaborazzjoni mal-partijiet interessati, il-Kummissjoni se tiżviluppa qafas li jikkonsisti minn indikaturi ċentrali, inklużi l-metodi sottostanti tagħhom, li għandhom jintużaw biex tiġi valutata l-prestazzjoni ambjentali tal-bini matul iċ-ċiklu tal-ħajja tiegħu. Fuq il-bażi tal-politiki, ir-regolamenti u d-dejta eżistenti[35] fuq livell tal-UE u nazzjonali, u mingħajr ma jiġu mxekkla r-riżultati tal-ħidma futura, dan il-proċess għandu bħala minimu jinvestiga l-oqsma li ġejjin[36]: L-użu totali tal-enerġija, inkluża l-enerġija operazzjonali[37] (fuq il-bażi tal-leġislazzjoni eżistenti) u l-enerġija inkorporata tal-prodotti u l-proċessi tal-kostruzzjoni · L-użu tal-materjali u l-impatti ambjentali inkorporati[38] · Id-durabilità tal-prodotti tal-kostruzzjoni · Id-disinn għad-dekostruzzjoni · L-immaniġġjar tal-iskart tal-kostruzzjoni kif ukoll tat-twaqqigħ (CDW) · Il-kontenut riċiklat fil-materjali tal-kostruzzjoni · Il-kapaċità ta' riċiklaġġ u użu mill-ġdid tal-materjali u l-prodotti tal-kostruzzjoni · L-ilma użat mill-bini[39] · L-intensità tal-użu ta' bini (prinċipalment pubbliku) (eż. funzjonalità flessibbli għal utenti differenti matul ħinijiet differenti tal-ġurnata)[40] Il-kumdità fuq ġewwa Meta
jitqiesu l-firxa wiesgħa ta' bini fl-UE kif ukoll id-differenzi
fil-kostruzzjoni ta' bini ġdid jew ir-rinnovament ta' bini eżistenti,
il-qafas mhux se jkopri l-aspetti kollha tal-prestazzjoni ambjentali, iżda
jinkludi l-indikaturi li wara l-konsultazzjoni mal-partijiet interessati kienu
identifikati bħala dawk bl-akbar impatt ambjentali fl-UE. Passi
'l quddiem – żvilupp tal-qafas Il-qafas
bl-indikaturi ċentrali u l-metodi sottostanti tagħhom għandu
wkoll: ·
Jippreżenta gwida dwar
l-implimentazzjoni tiegħu, b'mod partikolari rekwiżiti
għall-kwalità u l-affidabbiltà tad-dejta, li jinkoraġġixxu
l-verifika minn partijiet terzi; ·
Jinkludi l-gwida
neċessarja għall-użu tal-indikaturi; ·
Jissuġġerixxi
parametri referenzjarji rilevanti tal-prestazzjoni tal-bini, lil hinn
mill-effiċjenza enerġetika; ·
Jaħseb
għat-traduzzjoni tal-indikaturi tekniċi f'informazzjoni utli
għall-komunità finanzjarja kull fejn ikun neċessarju. Il-qafas
irid ikun flessibbli sabiex ikun jista' jiġi integrat fl-iskemi ta'
valutazzjoni eżistenti u ġodda, jew jintuża waħdu.
Għandu jkun rigoruż biżżejjed li jixpruna t-titjib
fil-prestazzjoni u jippermetti t-tqabbil bejn il-bini. Il-qafas
bl-indikaturi ċentrali, u l-ġbir u l-kondiviżjoni effettivi
tad-dejta, se jiġu maqbula f'kooperazzjoni mal-partijiet interessati u
l-Istati Membri. Il-proċess se jieħu madwar sentejn b'perjodi ta'
konsultazzjoni mal-partijiet interessati sabiex tiġi assigurata
parteċipazzjoni xierqa. Se jkun ibbażat parzjalment fuq ħidma
eżistenti, bħall-istandard tekniku EN15978[41]
kif ukoll skemi ta' ċertifikazzjoni kummerċjali volontarji
eżistenti għall-bini, fosthom il-ħidma tal-Alleanza għal
Bini Sostenibbli[42] iżda wkoll fuq proġetti ta' riċerka
rilevanti[43] u żviluppi fuq livell internazzjonali. L-intenzjoni
hija li l-qafas ikun liberu biex jintuża fit-teħid
tad-deċiżjonijiet fi stadji differenti, iżda wkoll li
jintuża fl-istabbiliment tal-politika f'diversi livelli. Għalhekk,
il-qafas għandu jippermetti li: ·
Jiġi inkorporat bħala
modulu fl-iskemi ta' valutazzjoni flimkien mas-settijiet akbar ta' indikaturi
tagħhom; jew ·
Jintuża waħdu,
bħala soluzzjoni affordabbli għall-ewwel għal bini mhux
residenzjali u aktar tard minn bini residenzjali, ladarba tkun inkisbet
l-esperjenza. 4.
LEJN SUQ LI JIFFUNZJONA AĦJAR GĦALL-MATERJALI TAL-KOSTRUZZJONI
RIĊIKLATI Fi
ħdan il-qafas, se tingħata attenzjoni speċjali sabiex
jiżdied l-użu tal-materjali riċiklati u jitnaqqas l-iskart
tal-kostruzzjoni u tat-twaqqigħ (CDW). Is-CDW jirrappreżenta terz
tal-iskart totali ġġenerat fl-UE[44].
Maġġoranza kbira tas-CDW huwa riċiklabbli iżda
bl-eċċezzjoni ta' ftit Stati Membri li jirriċiklaw sa 90%,
l-irkupru medju għall-UE27 huwa ftit inqas minn 50%[45][46]. Ir-riċiklaġġ
tas-CDW jista' jwassal għal benefiċċji sinifikanti
għar-riżorsi u l-ambjent. Pereżempju, il-metalli jaraw tnaqqis
globali fl-impatt ta' aktar minn 90% għall-aluminju u r-ram u ta' madwar
15% għall-azzar illigat b'mod ħafif[47].
Il-konkrit huwa l-aktar materjal użat fil-bini u
r-riċiklaġġ tiegħu jnaqqas it-tnaqqis tar-riżorsi
naturali u r-rimi ta' skart fil-miżbliet. Il-konkrit ħafna drabi
jista' jiġi riċiklat f'siti ta' twaqqigħ jew kostruzzjoni qrib
żoni urbani fejn jerġa' jintuża u b'hekk inaqqas id-domanda
għat-trasport b'iffrankar fl-ispejjeż u l-emissjonijiet relatati[48].
Ir-riċiklaġġ
jippermetti ffrankar ukoll għal materjali oħra.
Għall-ħġieġ ċatt (użat għat-twieqi,
eċċ.), tunnellata ta' materjal riċiklat tirriżulta
f'iffrankar ta' 1200 kg ta' materjal verġni, 25% ta' enerġija u 300
kg ta' emissjonijiet tas-CO2 (direttament marbuta mal-proċess
tat-tidwib)[49]. Hemm iffrankar simili f'termini ta' enerġija
u emissjonijiet tas-CO2 għall-ħġieġ
riċiklat f'forma ta' fibri[50]. Għall-fibra tal-ġebla, il-kisbiet
jistgħu jkunu ta' madwar 5% fir-rigward tal-konsum tal-enerġija u
l-emissjonijiet relatati[51]. Fir-rigward tal-ġibs, il-valutazzjonijiet
taċ-ċiklu tal-ħajja wrew tnaqqis tipiku ta' madwar 4-5%
fil-potenzjal ta' tisħin globali, tossiċità umana u ewtrofikazzjoni
meta tiġi prodotta tavla b'25% ta' kontenut riċiklat meta mqabbel
mal-użu biss ta' materjal verġni[52].
Apparti
mill-benefiċċji ambjentali, jista' jkun hemm opportunitajiet
ekonomiċi għall-manifatturi meta jużaw materjal riċiklat.
Bħala eżempju, l-industrija tal-ħġieġ ċatt fl-UE
tara prezz tas-suq għall-ħġieġ riċiklat ta' madwar 60-80
EUR/tunnellata, suffiċjentement taħt id-90 EUR/tunnellata
meħtieġ biex jikkompeti mal-materjal verġni. Fil-każ
tal-ħġieġ, għalhekk, ħafna drabi hemm
benefiċċju ekonomiku għall-manifatturi sabiex jużaw
materjal riċiklat. Madankollu, id-domanda tas-suq għall-materjal
riċiklat rari tintlaħaq. Ir-riċiklaġġ
tal-materjal iwassal għal tkabbir fl-impjiegi fid-dekostruzzjoni,
l-issortjar u r-riċiklaġġ tal-materjali tal-kostruzzjoni.
Ġeneralment dan huwa xogħol lokali u joħloq opportunitajiet ta'
impjieg madwar l-Ewropa kollha. Minkejja
l-potenzjal għal benefiċċji ekonomiċi u ambjentali
sinifikanti mir-riċiklaġġ tas-CDW, partijiet kbar għadhom qegħdin jintremew
fil-miżbliet jew jiġu mimlija mill-ġdid (mili ta' spazji vojta
wara attivitajiet ta' kostruzzjoni jew skavar). Attwalment, huma
prinċipalment il-metalli li jiġu riċiklati minħabba l-valur
għoli tagħhom u s-swieq eżistenti. Ir-riċiklaġġ
ta' bosta partijiet oħra tas-CDW ħafna drabi jiffaċċja
ostakoli relatati ma' żewġ nuqqasijiet distinti tas-suq: il-kost tal-ħsara
ambjentali la huwa internalizzat fit-tariffi tal-miżbliet u lanqas
fil-prezz tal-materjali verġni, li jista' jwassal biex il-materjal
riċiklat ikun aktar għali mill-materjal verġni; u
l-inċentivi maqsuma fil-katina tal-valur tas-CDW fejn il-kost taż-żarmar,
is-separazzjoni u l-ipproċessar tal-iskart jinġarr l-aktar
fil-fażi tat-twaqqigħ filwaqt li l-benefiċċji potenzjali
mill-użu tal-materjali riċiklati ġeneralment jakkumulaw
fil-fażi tal-produzzjoni. Dawn in-nuqqasijiet tas-suq, flimkien ma' lakuni
fl-infrastruttura tal-immaniġġjar tal-iskart f'numru kbir ta' Stati
Membri jimpedixxu l-investiment f'operazzjonijiet ta' dekostruzzjoni u
separazzjoni, u r-rimi f'miżbla jew il-mili mill-ġdid jibqgħu
l-alternattivi preferiti. Il-kumpaniji tat-twaqqigħ għalhekk
jiffaċċjaw inċertezza rigward id-domanda anki jekk il-prezz
tal-materjali riċiklati jista' jiggarantixxi profitti
għall-manifattur. Is-swieq ma jiżviluppawx ekonomiji ta' skala u
l-ammont ta' materjali riċiklati pprovduti ma jikkorrispondix
għad-domanda potenzjali mill-kumpaniji tal-prodotti tal-kostruzzjoni. F'xi
każijiet, għad m'hemmx teknoloġiji li jippermettu materjali
riċiklati li jissodisfaw ir-rekwiżiti tekniċi, tas-sigurtà u
ambjentali kollha. Barra minn hekk, xi drabi huma neqsin il-proċeduri
adegwati ta' ċertifikazzjoni li jattestaw li l-materjal riċiklat
jissodisfa r-rekwiżiti kollha neċessarji. Il-Kummissjoni
se tinvestiga kif jistgħu jingħelbu dawn l-ostakoli sistemiċi.
Filwaqt li r-reviżjoni ta' partijiet differenti tal-leġiżlazzjoni
Ewropea dwar l-iskart hija mmirata sabiex tissimplifika aktar l-Acquis
dwar l-iskart u tassigura l-koerenza bejn bċejjeċ differenti
tal-leġiżlazzjoni dwar l-iskart, il-Komunikazzjoni preżenti
tesplora minflok miżuri ta' politika sabiex jistimulaw il-ħolqien ta'
swieq b'materjali riċiklati derivati mis-CDW. Ir-reviżjoni
tal-leġiżlazzjoni dwar l-iskart u l-azzjonijiet ippreżentati
hawnhekk għalhekk huma kumplimentari billi l-ħolqien
b'suċċess ta' swieq għall-materjal riċiklat naturalment se
jappoġġa b'mod b'saħħtu l-implimentazzjoni tal-partijiet
differenti tal-leġiżlazzjoni dwar l-iskart. Dan jista' jkollu rwol
importanti, fid-dawl ukoll tal-fatt li l-Kummissjoni Ewropea għandha
l-ħsieb li tivvaluta l-fattibilità ta' restrizzjoni ulterjuri tar-rimi ta'
CDW f'miżbliet. Fir-rigward
ta' dan, l-aħjar prattiċi juru li xi Stati Membri rnexxielhom
jiddevjaw is-CDW mir-rimi f'miżbla u l-mili mill-ġdid u żiedu
r-riċiklaġġ. Politiki mmirati li jgħaqqdu flimkien
miżuri bbażati fuq is-suq u miżuri regolatorji jipproduċu
benefiċċji partikolarment viżibbli[53]. 5. KONKLUŻJONI
FIL-QOSOR Filwaqt
li l-interess fit-titjib tal-effiċjenza fir-riżorsi fis-settur
tal-kostruzzjoni qiegħed jiżdied fuq livell nazzjonali u tal-UE,
l-approċċi pubbliċi u privati nazzjonali differenti qegħdin
iżidu l-kumplessità tal-ambjent ta' ħidma għall-partijiet
interessati kollha. In-nuqqas ta' objettivi, indikaturi u dejta komuni, u
n-nuqqas ta' rikonoxximent reċiproku tal-approċċi differenti
dalwaqt jista' jħassar il-progress li sar sal-lum u jwassal għal
distorsjonijiet fis-suq intern għall-professjonisti fil-qasam
tal-ippjanar, l-iddisinjar, il-kostruzzjoni u l-manifattura. Għalhekk, il-Kummissjoni se tistieden lill-partijiet interessati (b'mod partikolari: l-awtoritajiet pubbliċi, is-sħab soċjali, l-investituri, l-assiguraturi, il-periti, il-kuntratturi, l-operaturi tat-twaqqigħ, il-manifatturi, ir-riċiklaturi u l-fornituri ta' skemi ta' valutazzjoni) sabiex: · Jiddiskutu objettivi u indikaturi għall-valutazzjoni tas-sostenibbiltà tal-bini (2014-2015); · Jiddiskutu l-implimentazzjoni prattika ta' qafas li jinkludi indikaturi ċentrali (2014-2015); · Jikkontribwixxu għall-iżvilupp ta' dan il-qafas (2015-2016). Barra minn hekk, il-Kummissjoni se: Tippromwovi l-iskambju tal-aħjar prattika u se tikkollabora mal-Istati Membri dwar miżuri li: jiddevjaw is-CDW mir-rimi f'miżbla u l-mili mill-ġdid, jew permezz ta' żieda fl-imposti jew permezz ta' miżuri regolatorji; kif ikun xieraq, jintegraw il-kost ambjentali estern fil-prezz tal-materjali verġni għall-prodotti tal-kostruzzjoni sabiex jistimulaw użu akbar ta' materja prima sekondarja. · Tesplora alternattivi għal miżuri sabiex ikun assigurat li l-materjali riċiklati jilħqu l-istandards meħtieġa ta' kwalità u sikurezza, permezz ta' standardizzazzjoni u ċertifikazzjoni; · Tesplora kif parametri referenzjarji għall-kontenut tal-materjali riċiklati fil-prodotti tal-kostruzzjoni u l-bini jistgħu jistimulaw id-domanda għall-materjali riċiklati. Il-fokus inizjali se jkun fuq il-materjali ta' prijorità (bħall-konkrit bil-volum għoli u l-iżolament termiku tiegħu mal-produzzjoni tiegħu li tuża ħafna enerġija) b'espansjoni gradwali għas-CDW riċiklabbli kollha. Il-parametri referenzjarji u l-miri jistgħu jiġu promossi fost l-oħrajn għall-użu f'Akkwist Pubbliku Ekoloġiku u fi skemi ta' ġestjoni ambjentali fis-settur tal-kostruzzjoni; · Tistudja flussi ta' skart speċifiċi ta' CDW sabiex tidentifika opportunitajiet għall-valorizzazzjoni tas-CDW; Tiżviluppa għodod/linji gwida speċifiċi għall-valutazzjoni tal-bini qabel it-twaqqigħ u r-rinnovament bl-iskop ta' użu ottimali tas-CDW. Bħala azzjonijiet kumplimentari, il-Kummissjoni se tappoġġa: Riċerka u innovazzjoni fil-qasam tar-riċiklaġġ u l-produzzjoni ta' materjali tal-kostruzzjoni minn CDW permezz ta' Orizzont 2020. Proġetti ta' dimostrazzjoni permezz ta' strumenti bħal Orizzont 2020, COSME, LIFE+ u l-Fondi Strutturali li juru kif il-kollaborazzjoni bejn l-awtoritajiet pubbliċi u s-settur privat tista' toħloq swieq vijabbli bil-materjali riċiklati. Il-Kummissjoni għalhekk se tappoġġa proġetti f'oqsma bħal: id-disinn għad-dekostruzzjoni; l-awditjar tar-riċiklabbiltà ta' bini indikat għat-twaqqigħ jew kostruzzjoni mill-ġdid; l-iżvilupp ta' tekniki u prattiċi ta' separazzjoni tas-CDW fuq il-post; l-iżvilupp ta' teknoloġiji għall-ipproċessar tas-CDW f'materjali riċiklati ta' kwalità għolja; l-għoti ta' inċentivi lill-produtturi ta' prodotti tal-kostruzzjoni sabiex jużaw materjal riċiklat; l-iżvilupp ta' skemi kollaborattivi bejn is-setturi tal-prodotti tat-twaqqigħ u l-kostruzzjoni, biex jaqsmu l-kostijiet u l-benefiċċji tar-riċiklaġġ tas-CDW. [1] COM (2011) 571 [2] COM (2007) 860 [3] COM (2007) 414 [4] Studju dwar
"L-immaniġġjar tas-CDW fl-UE": http://ec.europa.eu/environment/waste/pdf/2011_CDW_Report.pdf [5] 2010/31/UE [6] 2012/27/UE [7] 2009/125/KE [8] 2010/30/UE [9] "Resource efficiency in
the building sector", Ecorys and Copenhagen Resource Institute, Rotterdam
May 2014 (http://ec.europa.eu/environment/eussd/pdf/Resource
efficiency in the building sector.pdf) U "Energy use and environmental
impacts of the Swedish building and real estate management sector", Toller,
S. et al, Journal of Industrial Ecology, 2011, Vol. 15, Nr 3 [10] "HQE Performance,
Premières tendencies pour les bâtiments neufs (Association HQE 2011) ISBN
978954110107" U l-istudju Svediż imsemmi hawn fuq. [11] Smart Market Report, (2013) http://www.worldgbc.org/files/8613/6295/6420/World_Green_Building_Trends_SmartMarket_Report_2013.pdf [12] Parker, J. (2012) The Value
of BREEAM, A BSRIA report [13] The business case for green
buildings, (2013), http://www.worldgbc.org/activities/business-case/ [14] From obsolescence to
resilience - 2013, Jones Lang LaSalle, , www.joneslanglasalle.co.uk [15] www.rehva.eu/publications-and-resources/hvac-journal/2013/012013/energy-efficiency-strategy-at-the-portfolio-of-a-property-owner/ [16] Ana Cunha Cribellier,
Responsable du Développement International, QUALITEL – CERQUAL [17] Future of sustainable housing,
KN5211 BRE May 2013 [18] COM (2011) 571 [19] COM (2012) 433 [20] 2010/31/UE, barra minn hekk,
bħalissa hemm skema ta' ċertifikazzjoni komuni volontarja tal-UE
għall-prestazzjoni enerġetika ta' bini mhux residenzjali li jkun qed
jiġi żviluppat, skont l-Artikolu 11 (9) ta' din id-Direttiva [21] 2012/27/UE [22] Ir-Regolament 305/2011/UE [23] 2003/87/KE [24] 2010/75/UE [25] 2008/98/KE [26] 1999/31/KE [27] COM (2012) 433 [28] "Resource efficiency in
the building sector", Ecorys and Copenhagen Resource Institute, Rotterdam
May 2014 (http://ec.europa.eu/environment/eussd/pdf/Resource
efficiency in the building sector.pdf) [29] Flash Eurobarometer 367 - TNS
Political & Social (Lulju 2013) [30] Rakkomandazzjoni
tal-Kummissjoni 2013/179/UE dwar l-użu ta' metodi komuni għall-kejl u
l-komunikazzjoni tal-prestazzjoni ambjentali taċ-ċiklu tal-ħajja
ta' prodotti u ta' organizzazzjonijiet [31] Barra minn hekk, anki biex jiġi sostnut
l-iżvilupp futur tal-kriterji għas-sostenibbiltà tal-bliet fis-seba'
Programm ta' Azzjoni Ambjentali,
http://eur-lex.europa.eu/LexUriServ/LexUriServ.do?uri=OJ:L:2013:354:0171:0200:MT:PDF [32] Dan ħafna drabi jrid
isir f'formati differenti, bi spiża sinifikanti għall-manifatturi.
Dan kien ikkonfermat minn Construction Products Europe, Glass for Europe u
Eurima. Ara wkoll Pacheco-Torgal F. et al., Eco-efficient construction and
building materials, Woodhead Publishing Ltd, 2013, ISBN 0857097679 [33] Dan huwa mistenni li
jiġi appoġġat aktar permezz ta' għodod ta' mmudellar
tal-informazzjoni dwar il-bini, li jiggwidaw id-disinn billi jikkalkulaw
il-funzjoni u l-prestazzjoni ta' bini skont id-disinn, l-għażla
tal-materjali, eċċ. Dawn l-għodod iqisu l-aspetti ambjentali
b'mod limitat ħafna. Huwa mistenni li tali aspetti jkunu parti
mill-iżvilupp kontinwu ta' dawn l-għodod kieku kellha
titneħħa l-inċertezza dwar kif tiġi valutata u rrappurtata
l-prestazzjoni ambjentali. [34] L-iżviluppaturi
jaħdmu bi skemi ta' ċertifikazzjoni kummerċjali differenti
minħabba d-domanda varjabbli tal-klijenti. [35] Ċentru
tad-Dejta dwar l-Iskart (http://epp.eurostat.ec.europa.eu/portal/page/portal/waste/introduction); Ċentru tad-Dejta dwar ir-Riżorsi Naturali (http://epp.eurostat.ec.europa.eu/portal/page/portal/data_centre_natural_resources/introduction); Tabella ta' Valutazzjoni tal-Effiċjenza
fir-Riżorsi (http://epp.eurostat.ec.europa.eu/portal/page/portal/europe_2020_indicators/ree_scoreboard); Pjattaforma Ewropea dwar il-Valutazzjoni
taċ-Ċiklu tal-Ħajja (http://eplca.jrc.ec.europa.eu/) [36] Il-Konsultazzjoni Pubblika
organizzata fir-rigward ta' din l-inizjattiva kkonkludiet dwar l-oqsma
elenkati. Il-kumdità fuq ġewwa ma kinitx inkluża fil-konsultazzjoni
iżda ġiet enfasizzata mill-partijiet interessati. [37] Filwaqt li l-fażi
tal-użu tiddependi fuq id-disinn u l-kostruzzjoni kif ukoll fuq
l-imġiba tar-residenti, din tal-aħħar mhijiex il-fokus ta' din
l-inizjattiva. [38] Fejn ikun xieraq, billi
jiġi kkunsidrat ukoll l-użu ta' elementi ta' infrastruttura
ekoloġika bħas-soqfa ekoloġiċi u l-ħitan
ekoloġiċi, COM(2013)249, http://ec.europa.eu/environment/nature/ecosystems/index_en.htm. [39] Ara n-nota f'qiegħ
il-paġna dwar l-użu tal-enerġija aktar 'il fuq. [40] Sabiex tiġi adattata
l-ħtieġa għal aktar ambjent mibni (eż. jintuża bini
vojt minflok bini ġdid, il-bini jintuża għal aktar minn skop
wieħed, jinbena bini biex jiġi adattat għal funzjonijiet
ġodda jew ħtiġijiet li jinbidlu) [41] http://www.en-standard.eu/csn-en-15978-sustainability-of-construction-works-assessment-of-environmental-performance-of-buildings-calculation-method/ [42] http://sballiance.org/ [43] Bħall-proġetti
tas-Seba' Programm Kwadru SuPerBuildings (http://cic.vtt.fi/superbuildings/) u
OPEN HOUSE (http://www.openhouse-fp7.eu/about_project/related_projects) [44] Studju dwar
l-"Immaniġġjar tas-CDW fl-UE": http://ec.europa.eu/environment/waste/pdf/2011_CDW_Report.pdf [45] Implimentazzjoni
tal-leġiżlazzjoni tal-UE dwar l-iskart għal tkabbir
ekoloġiku, DG ENV (2011) [46] Immaniġġjar tas-CDW
fl-UE http://ec.europa.eu/environment/waste/pdf/2011_CDW_Report.pdf [47] OVAM Ecolizer 2.0 Ecodesign
Tool http://www.ecodesignlink.be/images/filelib/EcolizerEN_1180.pdf [48] The Cement Sustainability
Initiative, World Business Council for Sustainable Development, ISBN
987-3-940388-49-0 [49] Glass for Europe, http://www.glassforeurope.com/images/cont/187_987_file.pdf [50] EURIMA [51] EURIMA [52] WRAP Technical report, Life
cycle assessment of plasterboard, April 2008, 1-84405-378-4 [53] Del Rio Merino, M., Gracia,
P. I., Azevedo, I. S. W. (2010) Sustainable construction: CDW reconsidered.
Waste Management and Research. 28: 118-129. DOI: 10.1177/0734242X09103841 u
l-każ tar-Renju Unit (p.170) http://ec.europa.eu/environment/enveco/taxation/pdf/annexes_phasing_out_env_harmful_subsidies.pdf