EUR-Lex Access to European Union law
This document is an excerpt from the EUR-Lex website
Document 32004D0634
2004/634/EC: Council Decision of 30 March 2004 concerning the conclusion of the Agreement between the European Community and the United States of America on intensifying and broadening the Agreement on customs cooperation and mutual assistance in customs matters to include cooperation on container security and related matters
Id-Deċiżjoni tal-Kunsill tat-30 ta' Marzu 2004 dwar il-konklużjoni tal-Ftehim bejn il-Komunità Ewropea u l-Istati Uniti ta' l-Amerika f'dak li hu intensifikar u twessigħ tal-Ftehim dwar koperazzjoni doganali u għajnuna reċiproka f'affarijiet doganali biex tkun inkluża l-koperazzjoni f'dik li hi sigurtà fir-rigward ta' containers u affarijiet relatati
Id-Deċiżjoni tal-Kunsill tat-30 ta' Marzu 2004 dwar il-konklużjoni tal-Ftehim bejn il-Komunità Ewropea u l-Istati Uniti ta' l-Amerika f'dak li hu intensifikar u twessigħ tal-Ftehim dwar koperazzjoni doganali u għajnuna reċiproka f'affarijiet doganali biex tkun inkluża l-koperazzjoni f'dik li hi sigurtà fir-rigward ta' containers u affarijiet relatati
ĠU L 304, 30.9.2004, p. 32–33
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
ELI: http://data.europa.eu/eli/dec/2004/634/oj
Official Journal L 304 , 30/09/2004 P. 0032 - 0033
Id-Deċiżjoni tal-Kunsill tat-30 ta' Marzu 2004 dwar il-konklużjoni tal-Ftehim bejn il-Komunità Ewropea u l-Istati Uniti ta' l-Amerika f'dak li hu intensifikar u twessigħ tal-Ftehim dwar koperazzjoni doganali u għajnuna reċiproka f'affarijiet doganali biex tkun inkluża l-koperazzjoni f'dik li hi sigurtà fir-rigward ta' containers u affarijiet relatati (2004/634/KE) IL-KUNSILL TA' L-UNJONI EWROPEA, Wara li kkonsidra t-Trattat li jistabbilixxi l-Komunità Ewropea, u b'mod partikolari l-Artikolu 133 tiegħu, flimkien ma' l-Artikolu 300(2), l-ewwel sentenza tiegħu, Wara li kkonsidra l-proposta tal-Kummissjoni, Billi: (1) Il-Ftehim bejn il-Komunità Ewropea u l-Istati Uniti ta' l-Amerika dwar koperazzjoni doganali u għajnuna reċiproka f'affarijiet doganali [1] (CMAA) jagħmel dispożizzjoni għall-possibiltå tat-tkabbir tiegħu bil-ħsieb li jogħlew il-livelli ta' koperazzjoni doganali u li dawn ikunu supplimentati bi ftehimiet f'setturi jew suġġetti speċifiċi. (2) Il-Kummissjoni nnegozjat ftehim għan-nom tal-Komunità ma' l-Istati Uniti ta' l-Amerika li jintensifika u jwessa' iċ-CMAA biex tkun inkluża l-koperazzjoni fir-rigward tas-sigurtà ta' containers u affarijiet relatati oħra (il-Ftehim) (3) Il-Ftehim ikabbar iżjed il-koperazzjoni doganali bejn il-Komunità u l-Istati Uniti ta' l-Amerika biex ikopri s-sigurtà tal-containers u affarijiet oħra relatati. Dan jaħseb għal tkabbir fil-pront u b'suċċess ta' l-Inizjattiva għas-Sigurtà dwar Containers fil-portijiet kollha tal-Komunità li jissodisfaw il-ħtiġijiet rilevanti. Il-Ftehim fih ukoll programm ta' xogħol għal iżjed miżuri ta' implimentazzjoni, inkluż l-iżvilupp ta' standards f'tekniki ta' maniġġjar b'riskju, informazzjoni meħtieġa biex ikunu identifikati tagħbijiet li jkunu ser jiġu impurtati mill-Partijiet, u programmi ta' sħubija fl-industrija. (4) Il-kordinament estern ta' standards ta' kontrolli doganali ma' l-Istati Uniti ta' l-Amerika hu meħtieġ biex tkun żgurata s-sigurtà f'dik li hi l-katina ta' fornimenti waqt li jkun garantit ix-xogħol bla ma jaqta' tal-kummerċ leġittmu tal-containers. B'mod partikolari, hu essenzali li jkun żgurat li l-portijiet kollha tal-Komunità jkunu jistgħu jieħdu sehem fl-Inizjattiva għas-Sigurtà dwar Containers fuq il-bażi ta' prinċipji uniformi u li standards bħal dawn jiġu nkoraġġiti fil-portijiet ta' l-Istati Uniti (US). Għalhekk, l-iskop dirett u l-kontenut tal-Ftehimiet jirrigwarda l-faċilitazzjoni ta' kummerċ leġittmu bejn il-Komunità u l-Istati Uniti ta' l-Amerika waqt li jkun żgurat fuq bażi reċiproka livell għoli ta' sigurtà billi tinħoloq koperazzjoni fl-iżvilupp ta' azzjonijiet f'żoni speċifiċi ta' kontroll li fihom il-Komunità għandha kompetenza. (5) L-Istati Membri għandu jkollhom il-possibiltà li jifirxu l-Inizjattiva għas-Sigurtà dwar Containers fil-portijiet kollha tal-Komunità permezz ta' arranġamenti ma' l-Istati Uniti ta' l-Amerika li jidentifikaw portijiet fil-Komunità li jieħdu sehem fl-Inizjattiva għas-Sigurtà dwar Containers u li jipprovdu għall-istazzjonar fihom ta' uffiċjali tad-dwana ta' l-US biex iħarsu xi dikjarazzjonijiet ta' prinċipji eżistenti bħal dawn għal dak il-għan, basta li dawn l-arranġamenti ikunu jikkonformaw mat-Trattat u kompatibbli maċ-CMAA kif imkabbra bil-Ftehim. (6) Hu meħtieġ li tkun żgurata koperazzjoni mill-qrib bejn l-Istati Membri u l-istituzzjonijiet tal-Komunità bl-iskop ta' intensifikazzjoni u twessigħ tal-koperazzjoni doganali taħt iċ-CMAA kif tkun hekk imkabbra. (7) Għal dak il-għan għandha tiġi stabbilita proċedura ta' konsultazzjoni li biha Stati Membri bil-ħsieb li jinnegozjaw arranġamenti ma' l-Istati Uniti ta' l-Amerika dwar materji koperti miċ-CMAA kif imkabbra ikunu jistgħu javżaw minnufih b'dan il-ħsieb u jagħtu l-informazzjoni meħtieġa. Jekk ikunu mitluba dan minn xi Stat Membru jew mill-Kummissjoni f'limiti ta' żmien qasir l-informazzjoni għandha tkun is-suġġett ta' konsultazzjonijiet bejn l-Istati Membri u l-Kummissjoni. (8) L-għan ewlieni tal-konsultazzjonijiet għandu jkun li jiġi faċilitat il-bdil ta' informazzjoni u li jkun żgurat li l-arranġamenti jkunu konsistenti mat-Trattat u ma' proċeduri komuni, b'mod partikolari l-qafas komuni ta' koperazzjoni ma' l-Istati Uniti ta' l-Amerika skond dak li hemm fiċ-CMAA kif imkabbra. (9) Meta l-Kummissjoni jkun jidhrilha li xi arranġament li Stat Membru jixtieq jimplimenta ma' l-Istati Uniti ta' l-Amerika ma jkunx kompatibbli maċ-CMAA kif imkabbra jew li l-materja għandha tiġi ndirizzata fil-qafas taċ-CMAA kif imkabbra, għandha tinforma b'dan lill-Istati Membri. (10) Il-proċedura ta' konsultazzjoni għandha tkun bla ħsara għall-kompetenzi rispettivi ta' l-Istati Membri u l-Komunità biex jikkonkludu l-arranġamenti maħsuba. (11) L-Arranġament għandu jiġi approvat, IDDEĊIEDA DAN LI ĠEJ: Artikolu 1 Il-Ftehim bejn il-Komunità Ewropea u l-Istati Uniti ta' l-Amerika biex ikun intensifikat u mwessa' l-Ftehim dwar koperazzjoni doganali u għajnuna reċiproka f'affarijiet doganali biex tkun inkluża l-koperazzjoni f'dik li hi sigurtà dwar containers u affarijiet relatati (il-Ftehim) hu hawnekk approvat f'isem il-Komunità Ewropea. It-test ta' dan il-Ftehim huwa anness ma' din id-Deċiżjoni. Artikolu 2 Il-President tal-Kunsill huwa hawnhekk awtorizzat jinnomina persuna(i) bis-setgħa li jiffirma(w) il-Ftehim biex ikun jorbot lill-Komunità. Artikolu 3 1. L-Istati Membri jistgħu iżommu fis-seħħ jew jikkonkludu arranġamenti ma' l-Istati Uniti ta' l-Amerika biex jinkludu portijiet tal-Komunità fl-Inizjattiva għas-Sigurtà dwar Containers. Kull arranġament bħal dan għandu jagħmel riferenza għaċ-CMAA kif imkabbra u jħares dak li din titlob, inklużi standards minimi darba dawn jiġu adottati. Il-Kummissjoni u l-Istati Membri konċernati jistgħu jikkonsultaw lil xulxin biex jiżguraw li dawn l-arranġamenti jaqblu maċ-CMAA kif imkabbra. 2. Qabel ma' Stat Membru jibda n-negozjati dwar arranġamenti ma' l-Istati Uniti ta' l-Amerika dwar materji għajr dawk imsemmija fil-paragrafu 1 iżda koperti miċ-CMAA kif imkabbra, għandu javża lill-Kummissjoni u lill-Istati Membri l-oħra u jagħti kull informazzjoni rilevanti man-notifika. 3. L-Istati Membri jew il-Kummissjoni jistgħu jitolbu, fi żmien tmint ijiem minn meta jirċievu n-notifika, għal konsultazzjonijiet ma' l-Istati Membri l-oħra u mal-Kummissjoni. Dawn il-konsultazzjonijiet jistgħu jsiru fi żmien tliet ġimgħat minn meta tasal in-notifika. Meta l-materja tkun urġenti, il-konsultazzjonijiet għandhom isiru bla dewmien. 4. Il-Kummissjoni għandha, mhux aktar tard minn ħamest ijiem wara l-konklużjoni tal-konsultazzjonijiet, tagħti l-opinjoni tagħha bil-miktub dwar il-kompatibbiltà ta' l-arranġamenti notifikati liċ-CMAA kif imkabbra, inkluż, meta xieraq, il-bżonn li l-materja tiġi ndirizzata fil-qafas ta' dak il-Ftehim. 5. Il-konsultazzjonijiet għandhom isiru fil-kumitat stabbilit bl-Artikolu 247 tar-Regolament (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità [2]. 6. L-Istati Membri għandhom jgħaddu lill-Kummissjoni u lill-Istati Membri l-oħra kopja ta' l-arranġamenti msemmija fil-paragrafi 1 u 2, kif ukoll kull denunzja ta', jew emenda għal dawn. Magħmul fi Brussel, 30 ta' Marzu 2004. F'isem il-Kunsill Il-President M. McDowell [1] ĠU L 222, 12.08.97, p. 17. [2] ĠU L 302, 19.10.92, p. 1. Regolament kif emendat l-aħħar bir-Regolament (KE) Nru 2700/2000 tal-Parlament Ewropew u tal-Kunsill (ĠU L 311, tat-12.12.2000, p. 17). --------------------------------------------------