Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 42010X0717(03)

Ir-Regolament Nru 93 tal-Kummissjoni Ekonomika għall-Ewropa tan-Nazzjonijiet Uniti (UN/ECE) – Dispożizzjonijiet uniformi għall-approvazzjoni ta’: I. Tagħmir ta' protezzjoni kontra t-trikkib minn quddiem (TPTQ) – II. Il-vetturi fir-rigward tal-installazzjoni ta' TPTQ ta' tip approvat – III. Il-vetturi fir-rigward tal-protezzjoni kontra t-trikkib fuq quddiem (PTQ) tagħhom

OJ L 185, 17.7.2010, p. 56–73 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 11 Volume 063 P. 188 - 205

Legal status of the document In force

ELI: http://data.europa.eu/eli/reg/2010/93(2)/oj

Date of document:
17/07/2010; Data tal-pubblikazzjoni
Date of effect:
27/02/1994; Dħul fis-seħħ Ara Test
Date of end of validity:
No end date
Author:
Il-Kummissjoni Ekonomika għall-Ewropa tan-Nazzjonijiet Uniti
Form:
Regolament adottat minn korpi stabbiliti permezz ta’ ftehimiet internazzjonali
Treaty:
Trattat dwar il-Funzjonament tal-Unjoni Ewropea
Link
Link
Link
Select all documents mentioning this document
Link

17.7.2010   

MT

Il-Ġurnal Uffiċjali tal-Unjoni Ewropea

L 185/56

It-testi oriġinali UN/ECE biss għandhom effett legali skont id-dritt pubbliku internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu ċċekkjati fl-aħħar verżjoni tad-dokument tal-istat UN/ECE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html

Ir-Regolament Nru 93 tal-Kummissjoni Ekonomika għall-Ewropa tan-Nazzjonijiet Uniti (UN/ECE) – Dispożizzjonijiet uniformi għall-approvazzjoni ta’:

I.

Tagħmir ta' protezzjoni kontra t-trikkib minn quddiem (TPTQ)

II.

Il-vetturi fir-rigward tal-installazzjoni ta' TPTQ ta' tip approvat

III.

Il-vetturi fir-rigward tal-protezzjoni kontra t-trikkib fuq quddiem (PTQ) tagħhom

Data tad-dħul fis-seħħ: 27 ta’ Frar 1994

WERREJ

REGOLAMENT

1.

 Kamp ta' applikazzjoni

2.

 Għan

3.

 Definizzjonijiet

4.

 Applikazzjoni għall-approvazzjoni

Parti I –   Approvazzjoni tat-tagħmir ta’ protezzjoni kontra t-trikkib fuq quddiem (TPTQ)

5.

 Approvazzjoni għal TPTQ

6.

 Rekwiżiti għal TPTQ

Parti II –   Approvazzjoni ta' vettura fir-rigward tal-installazzjoni ta' TPTQ ta' tip approvat

7.

 Approvazzjoni ta’ installazzjoni ta’ TPTQ approvat

8.

 Rekwiżiti għall-installazzjoni ta’ TPTQ approvat

Parti III –   Aprovazzjoni ta' vettura fir-rigward tal-protezzjoni tagħha kontra t-trikkib fuq quddiem (PTQ)

9.

 Approvazzjoni ta’ vettura bil-PTQ

10.

 Rekwiżiti għal vettura bil-PTQ

ANNESSI

Anness 1 –

 Komunikazzjoni dwar l-approvazzjoni jew l-estensjoni jew ir-rifjut jew l-irtirar ta' approvazzjoni jew produzzjoni li twaqqfet għal kollox ta' tip ta' tagħmir ta’ protezzjoni kontra t-trikkib fuq quddiem (TPTQ) skont ir-Regolament Nru 93 (Parti I)

Anness 2 –

 Komunikazzjoni li tikkonċerna l-approvazzjoni jew l-estensjoni jew iċ-ċaħda jew l-irtirar ta’ approvazzjoni jew il-produzzjoni mwaqqfa għal kollox ta’ tip ta’ vettura fir-rigward tal-installazzjoni ta’ tagħmir ta’ protezzjoni kontra t-trikkib fuq quddiem (TPTQ) ta’ tip approvat skont ir-Regolament Nru 93 (Parti II)

Anness 3 –

 Komunikazzjoni dwar l-approvazzjoni jew l-estensjoni jew ir-rifjut jew l-irtirar ta' approvazzjoni jew produzzjoni li twaqqfet għal kollox ta' vettura fir-rigward tal-protezzjoni tagħha kontra t-trikkib fuq quddiem (PTQ) skont ir-Regolament Nru 93 (Parti III)

Anness 4 –

 Arranġamenti tal-marki tal-approvazzjoni

Anness 5 –

 Kundizzjonijiet u Proċeduri tat-Test

Anness 6 –

 Konformità tal-produzzjoni u proċeduri amministrattivi oħra

1.   KAMP TA' APPLIKAZZJONI

1.1.

Dan ir-Regolament japplika għal:

1.1.1.

PARTI I: it-TPTQ maħsuba biex jintramaw fuq vetturi ta' kategoriji N2 u N3. (1);

1.1.2.

IL-PARTI II: l-installazzjoni fuq vetturi tal-kategoriji N2 u N3  (1) tat-TPTQ li għandhom l-approvazzjoni tat-tip mal-Parti I ta’ dan ir-Regolament;

1.1.3.

PARTI III: vetturi tal-kategoriji N2 u N3 fir-rigward tal-protezzjoni kontra t-trikkib fuq quddiem tagħhom (PTQ), mgħammra b’TPTQ li ma ġiex approvat separatament skont il-Parti I ta’ dan ir-Regolament jew imfassla u/jew mgħammra b’tali mod li l-partijiet tal-komponenti tagħhom jistgħu jitqiesu li jissodisfaw il-funzjoni tat-TPTQ.

1.2.

Vetturi tal-kategoriji N2 b'massa massima li ma taqbiżx is-7,5 tunnellati għandhom jikkonformaw biss mar-rekwiżit ta’ għoli mill-art b’400 mm stabbilit f'dan ir-Regolament.

1.3.

Ir-rekwiżiti ta’ dan ir-Regolament ma japplikawx għal:

1.3.1.

vetturi tat-tip off-road tal-kategoriji N2G u N3G (1)

1.3.2.

vetturi li l-użu tagħhom huwa inkompatibbli mad-dispożizzjonijiet tat-tagħmir ta’ protezzjoni kontra t-trikkib fuq quddiem.

2.   GĦAN

L-għan ta’ dan ir-Regolament huwa li joffri protezzjoni effettiva għall-vetturi tal-kategoriji M1 jew N1  (1) kontra t-trikkib tal-vetturi msemmija fil-paragrafu 1 ta’ dan ir-Regolament fil-każ ta’ ħabta fuq quddiem.

3.   DEFINIZZJONIJIET

3.1.

Għall-għan ta’ dan ir-Regolament:

3.1.1.

“Massa massima” tal-vettura tfisser il-massa ddikjarata mill-manifattur tal-vettura li tkun il-massimu teknikament permissibbli (din il-massa tista' tkun ogħla mill-“massa massima permissibbli” stipulata mill-amministrazzjoni nazzjonali);

3.1.2.

“Piż massimu” tal-vettura tfisser il-forza vertikali meħtieġa (f’newtoni) biex tappoġġja l-istess vettura mgħobbija sal-massa massima tagħha;

3.1.3.

“Vettura mingħajr tagħbija” tfisser il-vettura waqt li qed taħdem, mhux okkupata u mhux mgħobbija iżda mimlija bil-fjuwil, bil-lubrikanti, bl-għodda u b'rota awżiljari (jekk mogħtija bħala tagħmir standard mill-manifattur tal-vettura);

3.1.4.

“Approvazzjoni ta' TPTQ” tfisser l-approvazzjoni ta' tip bħal dan ta' TPTQ fir-rigward tar-rekwiżiti stipulati fil-paragrafu 7 hawn taħt;

3.1.5.

“Tip ta' TPTW” tfisser TPTQ li ma għandux differenzi fir-rigward tal-karatteristiċi essenzjali bħalma huma l-għamla, id-dimensjonijiet, il-mod kif jintrabat, il-materjali, u l-marki msemmija fil-paragrafu 4.2 hawn taħt;

3.1.6.

“Protezzjoni kontra t-trikkib fuq quddiem (PTQ)” tfisser il-preżenza fuq in-naħa ta' quddiem tal-vettura ta':

3.1.6.1.

Jew tagħmir speċjali (TPTQ); inkella

3.1.6.2.

Karrozzerija, parts taċ-chassis jew komponenti oħra, b'tali mod li, minħabba l-għamla u l-karatteristiċi tagħhom, dawn l-elementi jistgħu jitqiesu li jilħqu l-funzjoni ta' TPTQ;

3.1.7.

“Approvazzjoni ta' vettura” tfisser l-approvazzjoni tat-tip tal-vettura:

 

għall-Parti II ta' dan ir-Regolament - fir-rigward tal-installazzjoni ta' TPTQ ta' tip approvat skont il-Parti I ta' dan ir-Regolament, jew

 

għall-Parti III ta’ dan ir-Regolament – fir-rigward tal-PTQ tagħha;

3.1.8.

“Tip ta’ vettura” tfisser vetturi li mhumiex essenzjalment differenti f’aspetti bħal:

 

Il-wisa’ tal-fus ta’ quddiem imkejjel fil-parti ta’ barra nett tat-tajers inkluż il-biċċa li toħroġ ‘il barra tat-tajers viċin l-art.

 

L-istruttura, id-dimensjonijiet, il-forma u l-materjali tal-parti ta' quddiem tal-vettura sa fejn għandhom rilevanza skont ir-rekwiżiti tal-Parti rilevanti ta' dan ir-Regolament.

 

Il-TPTQ approvati imwaħħlin mal-vettura, meta l-applikazzjoni tkun tissodisfa l-Parti II ta' dan ir-Regolament.

 

Il-massa massima tat-tip ta’ vettura.

4.   APPLIKAZZJONI GĦALL-APPROVAZZJONI

4.1.

L-applikazzjoni għall-approvazzjoni ta’ Parti minn dan ir-Regolament għandha tiġi sottomessa mill-manifattur tat-tip (vettura/TPTQ) jew mir-rappreżentant akkreditat tiegħu.

4.2.

Għal kull tip l-applikazzjoni għandha tkun akkumpanjata minn:

4.2.1.

Dokumentazzjoni fi tliet kopji li tagħti deskrizzjoni tal-karatteristiċi tekniċi tat-tip (vettura/TPTQ): id-dimensjonijiet tagħha, il-linji u l-materjali kostitwenti, safejn meħtieġ għall-iskop ta' dan ir-Regolament.

4.2.2.

Fil-każ ta’ kampjun tat-TPTQ tat-tip: il-kampjun għandu jkun immarkat b’mod ċar u li ma jitħassarx fuq il-komponenti ewlenin kollha tiegħu, rilevanti għat-trikkib fuq quddiem, bl-isem jew il-marka tan-negozju tal-applikant u d-deskrizzjoni tat-tip;

4.2.3.

Rappreżentant tat-tip ta' tagħmir jew vettura biex tkun approvata għandha tiġi sottomessa għal kull test lis-servizz tekniku responsabbli għat-twettiq tat-testijiet ta' approvazzjoni;

4.2.4.

Għall-applikazzjonijiet skont il-Partijiet II jew III ta' dan ir-Regolament, vettura li ma tinkludix il-komponenti kollha xierqa għat-tip tista' tiġi aċċettata għat-test sakemm dawn ma jaffettwawx ħażin il-protezzjoni kontra t-trikkib fuq quddiem.

4.2.5.

Identifikazzjoni tal-pożizzjonijiet tal-punti P1, P2 u P3 kif definit fl-Anness 5. Għall-applikazzjonijiet li jissodisfaw il-Parti I ta' dan ir-Regolament, dawn għandhom iqisu r-rekwiżiti li hemm fil-Parti II.

4.3.

Biex jissodisfaw il-Parti II ta' dan ir-Regolament, l-applikazzjonijiet għandhom ikunu akkumpanjati minn:

4.3.1.

Lista ta' TPTQ maħsuba biex jintramaw fuq it-tip ta’ vettura;

4.3.2.

Fuq talba tal-awtorità kompetenti, għandha tiġi fornuta wkoll il-formola ta’ komunikazzjoni tal-approvazzjoni tat-tip ta' kull TPTQ f’konformità mal-anness 1 ta' dan ir-Regolament.

4.4.

Biex jissodisfaw il-Partijiet II u III ta' dan ir-Regolament, l-applikazzjonijiet għandhom ikunu akkumpanjati minn informazzjoni dwar it-tip ta' vettura kif definit fil-paragrafu 3.1.8.

4.5.

L-awtorità kompetenti għandha żżomm il-proċeduri amministrattivi li ġejjin skont l-Anness 6 biex tkopri dan li ġej:

4.5.1.

Verifika tal-eżistenza ta' arranġamenti sodisfaċenti biex jiġu żgurati kontrolli effettivi tal-konformità tal-produzzjoni qabel tinħareġ l-approvazzjoni tat-tip,

4.5.2.

Penali għal nuqqas ta’ konformità tal-produzzjoni,

4.5.3.

Modifika jew estensjoni ta’ approvazzjoni ta’ tip,

4.5.4.

Produzzjoni li tiġi mwaqqfa għal kollox.

PARTI I

APPROVAZZJONI TAT-TAGĦMIR TA' PROTEZZJONI KONTRA T-TRIKKIB FUQ QUDDIEM (TPTQs)

5.   APPROVAZZJONI TA’ TPTQ

5.1.

Jekk it-TPTQ mressaq għall-approvazzjoni skont dan ir-Regolament jissodisfa r-rekwiżiti tal-paragrafu 6 ta’ hawn taħt, l-approvazzjoni ta’ dak it-tip ta’ TPTQ għandha tingħata skont l-arranġamenti li hemm fl-anness 4.

5.2.

L-avviż tal-approvazzjoni, jew l-estensjoni jew iċ-ċaħda tal-approvazzjoni ta' tip ta’ TPTW skont dan ir-Regolament għandu jintbagħat lill-Partijiet tal-Ftehim tal-1958 li japplikaw dan ir-Regolament, permezz ta’ formola li tikkonforma mal-mudell fl-Anness 1 ta' dan ir-Regolament.

6.   REKWIŻITI GĦAT-TPTQ

6.1.

It-TPTQ irid joffri reżistenza adegwata għall-forzi applikati b'mod parallel għall-assi lonġitudinali tal-vettura u jrid jissodisfa wkoll certi rekwiżiti dimensjonali. Dawn għandhom jintwerew skont il-proċedura u l-kundizzjonijiet tat-test speċifikati fl-Anness 5 ta' dan ir-Regolament.

6.2.

L-għoli tat-taqsima tas-sezzjoni trasversali tat-TPTQ m'għandux ikun inqas minn 100 mm għall-vetturi tal-kategorija N2 u ta’ 120 mm għall-vetturi tal-kategorijaN3. L-estremitajiet laterali tas-sezzjoni trasversali m’għandhomx jitgħawġu għan-naħa ta’ quddiem jew ikollhom tarf jaqta’ fuq barra; din il-kundizzjoni tkun ssodisfatta meta l-estremitajiet laterali tas-sezzjoni trasversali jkunu ttundjati fuq barra u jkolhom raġġ ta’ kurvatura ta’ mhux anqas minn 2,5 mm.

6.3.

Il-mezz jista' jkun hekk maħsub li l-pożizzjoni tiegħu fuq quddiem tal-vettura tista' tiġi varjata. F’dan il-każ, għandu jkun hemm metodu garantit biex jiġi assigurat fil-pożizzjoni tas-servizz sabiex b’hekk tiġi prekluża kwalunkwe bidla mhux intenzjonata ta’ pożizzjoni. Għandu jkun possibbli għall-operatur li jvarja l-pożizzjoni tal-mezz billi japplika forza li ma teċċedix l-40 daN;

6.4.

L-uċuħ l-aktar imbiegħda ta’ kull installazzjoni gwardja ta' quddiem għandhom ikunu essenzjalment lixxi jew korrugati orizzontalment ħlief għall-irjus tondi (“domed heads”) tal-boltijiet jew rivits li jistgħu jisporġu lil hinn mill-wiċċ sa għoli ta' mhux aktar minn 10 mm.

PARTI II

APPROVAZZJONI TA' VETTURA FIR-RIGWARD TA' INSTALLAZZJONI TA' TPTQ TA' TIP APPROVAT

7.   APPROVAZZJONI TA' INSTALLAZZJONI TA’ TPTQ APPROVAT

7.1.

Jekk il-vettura sottomessa għall-approvazzjoni skont din il-Parti ta' dan ir-Regolament tkun provduta b’TPTQ u tkun tissodisfa r-rekwiżiti tal-paragrafu 8 ta’ hawn taħt, l-approvazzjoni ta’ dak it-tip ta’ vettura għandha tingħata skont l-arraġamenti li hemm fl-anness 4.

7.2.

L-avviż tal-approvazzjoni, jew l-estensjoni jew iċ-ċaħda tal-approvazzjoni ta' tip ta’ vettura skont dan ir-Regolament għandu jintbagħat lill-Partijiet tal-Ftehim tal-1958 li japplikaw dan ir-Regolament, permezz ta’ formola li tikkonforma mal-mudell fl-Anness 2 ta' dan ir-Regolament.

8.   IR-REKWIŻITI GĦALL-INSTALLAZZJONI TA’ TPTQ APPROVAT

8.1.

Il-massa massima tat-tip tal-vettura li għalih intalbet approvazzjoni ma għandhiex taqbeż il-valur indikat tal-formola tal-komunikazzjoni tal-approvazzjoni tat-tip ta' kull TPTQ approvat maħsub biex jintrama fuq dik il-vettura.

8.2.

Il-vettura bit-TPTQ installat għandha tissodisfa ċerti rekwiżiti dimensjonali speċifikati fl-Anness 5 b'kont meħud tal-kundizzjonijiet tat-test u l-informazzjoni indikati fid-dokument ta' komunikazzjoni li jinsab fl-anness 1 maħruġ fir-rigward tat-TPTQ.

8.3.

It-TPTQ għandu jkun imwaħħal b’mod li d-distanza orizzontali mkejla fid-direzzjoni ta’ wara mill-parti l-iktar ‘il quddiem tal-vettura għall-faċċata tat-TPTQ ma tkunx taqbeż l-400 mm imnaqqsa mid-deformazzjoni reġistrata (l-Anness 1, punt 9) imkejla fi kwalunkwe wieħed mill-punti fejn il-forzi tat-test ġew applikati matul l-approvazzjoni tat-tip tat-TPTQ u dan f’konformità mad-dispożizzjonijiet tal-Parti I ta' dan ir-Regolament u reġistrata fil-formula ta’ komunikazzjoni tal-approvazzjoni tat-tip (ara l-figuri 1 u 2).

8.4.

Fil-kejl ta' dawn id-distanzi, kull parti tal-vettura li tkun iktar minn 2 m 'il fuq mill-art għandha tiġi eskluża.

8.5.

Distanza massima mill-art fir-rigward tal-qiegħ tat-TPTQ m'għandux ikun aktar minn 400 mm, kif speċifikat fil-paragrafu 3 tal-anness 5, bejn iż-żewġ punti P1 fil-kundizzjoni installata. In-naħa ta’ barra ta' kull punt P1 dan l-għoli jista' jkun akbar minn 400 mm b’mod li l-qiegħ ma jkunx fuq pjan li jgħaddi mill-qiegħ tat-TPTQ direttament taħt il-punt P1 u jifforma inklinazzjoni ta' 15° ‘il fuq mill-orizzontali (ara l-figura 3).

8.6.

L-għoli 'l fuq mill-art tal-punti tal-applikazzjoni tat-test għall-forzi applikati lit-TPTQ skont il-Parti I ta' dan ir-Regolament u rreġistrata fil-formola ta' komunikazzjoni tal-approvazzjoni tat-tip (l-Anness 1, punt 8) m'għandux jeċċedi l-445 mm kif speċifikat fil-paragrafu 3 tal-anness 5.

8.7.

Id-distanza massima mill-art fir-rigward tal-qiegħ tat-TPTQ bejn iż-żewġ punti P1 m'għandhiex tkun aktar minn 450 mm b'kont meħud tal-moviment tagħhom matul l-applikazzjoni tat-tagħbija tat-test, skont il-Parti I.

8.8.

Il-wisa' tat-TPTQ m’għandha fl-ebda punt teċċedi l-wisa' tal-parafangi li jkopru r-roti tal-fus u lanqas m'għandha tkun aktar minn 100 mm iqsar fuq kull naħa mill-fus prinċipali mkejjel mill-punti l-aktar imbiegħda tat-tajers, eskluża l-projjezzjoni tat-tajers qrib l-art (ara l-figura 1), jew 200 mm iqsar fuq kull naħa, imkejla mill-punti l-aktar imbiegħda tat-turġien li jagħtu aċċess għall-kabina tas-sewwieq.

PARTI III

L-APPROVAZZJONI TA’ VETTURA FIR-RIGWARD TAL-PROTEZZJONI TAGĦHA KONTRA T-TRIKKIB FUQ QUDDIEM (PTQ)

9.   APPROVAZZJONI TA’ VETTURA BIL-PTQ

9.1.

Jekk il-vettura mressqa għall-approvazzjoni skont dan ir-Regolament hija mgħammra b’PTQ li jissodisfa r-rekwiżiti tal-paragrafu 10 ta’ hawn taħt, l-approvazzjoni ta’ dik it-tip ta’ vettura għandha tingħata skont l-arranġamenti li hemm fl-anness 4.

9.2.

L-avviż tal-approvazzjoni, jew l-estensjoni jew iċ-ċaħda tal-approvazzjoni ta' tip ta’ vettura skont dan ir-Regolament għandu jintbagħat lill-Partijiet tal-Ftehim tal-1958 li japplikaw dan ir-Regolament, permezz ta’ formola li tikkonforma mal-mudell fl-Anness 3 ta' dan ir-Regolament.

10.   REKWIŻITI GĦAL VETTURA BIL-PTQ

10.1.

Kwalunkwe vettura f'waħda mill-kategoriji N2 jew N3 titqies li tissodisfa l-kundizzjoni stabbilita fil-paragrafu 2 jekk din hija mgħammra b'sistema ta’ TPTQ li ma ġietx separatament approvata għall-Parti I ta' dan ir-Regolament jew hija hekk maħsuba u/jew mgħammra fuq quddiem li, bis-saħħa tal-forma u karatteristiċi tagħhom, il-partijiet komponenti tagħha jistgħu jitqiesu bħala li jissostitwixxu t-tagħmir protettiv kontra t-trikkib fuq quddiem. Komponenti li l-funzjoni kombinata tagħhom tissodisfa r-rekwiżiti li ġejjin huma meqjusa li jiffurmaw tagħmir protettiv kontra t-trikkib fuq quddiem.

10.2.

Il-PTQ għandha toffri reżistenza adegwata għall-forzi applikati b'mod parallel għall-assi lonġitudinali tal-vettura. Il-PTQ għandha wkoll tissodisfa ċerti rekwiżiti dimensjonali. Dawn għandhom jiġu murija skont il-proċedura u l-kundizzjonijiet tat-test speċifikati fl-Anness 5 ta' dan ir-Regolament.

10.3.

Għal applikazzjoni skont il-Parti III, l-għoli tat-taqsima tas-sezzjoni trasversali tat-TPTQ (mhux approvata separatament għall-Parti I) m'għandux ikun inqas minn 100 mm għall-vetturi tal-kategorija N2 u ta’ 120 mm għall-vetturi tal-kategorija N3.

10.4.

Il-mezz jista' jkun hekk maħsub li l-pożizzjoni tiegħu fuq quddiem tal-vettura tista' tiġi varjata. F’dan il-każ, għandu jkun hemm metodu garantit biex jiġi assigurat fil-pożizzjoni tas-servizz sabiex b’hekk tiġi prekluża kwalunkwe bidla mhux intenzjonata ta’ pożizzjoni. Għandu jkun possibbli għall-operatur li jvarja l-pożizzjoni tal-mezz billi japplika forza li ma teċċedix l-40 daN;

10.5.

Il-PTQ għandha tkun b’saħħitha biżżejjed b’mod li d-distanza orizzontali mkejla fid-direzzjoni lura bejn il-parti ta' quddiem tal-vettura wara l-applikazzjoni tal-forzi tat-test (speċifikati f'dan l-anness) u l-wiċċ ta’ kuntatt tal-istrument tat-test jagħti d-daqqa fuq il-vettura ma teċċedix l-400 mm.

10.6.

Fil-kejl ta' dawn id-distanzi, kull parti tal-vettura li tkun iktar minn 2 m 'il fuq mill-art għandha tiġi eskluża.

10.7.

Distanza massima mill-art fir-rigward tal-qiegħ tal-PTQ m'għandux ikun aktar minn 400 mm, kif speċifikat fil-paragrafu 2 tal-anness 5, bejn iż-żewġ punti P1. In-naħa ta’ barra ta' kull punt P1 dan l-għoli tista' tkun akbar minn 400 mm b’mod li l-qiegħ ma jkunx fuq pjan li jgħaddi mill-qiegħ tal-PTQ direttament għal taħt il-punt P1 u jifforma inklinazzjoni ta' 15° ‘il fuq mill-orizzontal (ara l-figura 3).

10.8.

Id-distanza massima mill-art fir-rigward tal-qiegħ tal-PTQ bejn iż-żewġ punti P1 m'għandhiex tkun aktar minn 450 mm b'kont meħud tal-moviment tagħhom matul l-applikazzjoni tat-tagħbija tat-test.

10.9.

Il-wisa' tal-PTQ m’għandha fl-ebda punt teċċedi l-wisa' tal-parafangi li jkopru r-roti tal-fus u lanqas m'għandha tkun aktar minn 100 mm iqsar fuq kull naħa mill-fus prinċipali mkejjel mill-punti l-aktar imbiegħda tat-tajers, eskluża l-projjezzjoni tat-tajers qrib l-art (ara l-figura 1), jew 200 mm iqsar fuq kull naħa, imkejla mill-punti l-aktar imbiegħda tat-turġien li jagħtu aċċess għall-kabina tas-sewwieq.

Figura 1

Image

Figura 2

Image

Figura 3

Image

(1)  Ara: Reżoluzzjoni Konsolidata dwar il-Bini tal-Vetturi (R.E.3), anness 7 (TRANS/SC1/WP29/78/Amend.3).

ANNESS 1

KOMUNIKAZZJONI

(Format massimu: A4 (210 × 297 mm))

Image

Test ta 'immaġni

Image

Test ta 'immaġni

ANNESS 2

KOMUNIKAZZJONI

(Format massimu: A4 (210 × 297 mm))

Image

Test ta 'immaġni

ANNESS 3

KOMUNIKAZZJONI

(Format massimu: A4 (210 × 297 mm))

Image

Test ta 'immaġni

ANNESS 4

ARRANĠAMENTI TAL-MARKI TAL-APPROVAZZJONI

1.   NUMRU TA' APROVAZZJONI

1.1.

Għandu jingħata numru tal-approvazzjoni lil kull tip approvat. L-ewwel żewġ ċifri tiegħu (bħalissa 00) għandhom jindikaw is-serje ta’ emendi li tinkorpora l-aktar emendi tekniċi ewlenin li saru l-aktar riċenti fir-Regolament fiż-żmien meta nħarġet l-approvazzjoni. L-istess Parti Kontraenti ma għandhiex tagħti l-istess numru lil tip ieħor.

1.2.

L-avviż tal-approvazzjoni, jew l-estensjoni jew iċ-ċaħda tal-approvazzjoni ta' tip ta’ TPTW skont dan ir-Regolament għandu jintbagħat lill-Partijiet tal-Ftehim tal-1958 li japplikaw dan ir-Regolament, permezz ta’ formola li tikkonforma mal-mudelli fl-Annessi 1, 2 jew 3 ta' dan ir-Regolament.

1.3.

Għandu jkun hemm imwaħħla, f'post fejn tidher u fil-każ ta' unità teknika f'pożizzjoni fejn fil-kundizzjoni installata tkun faċilment aċċessibbli u speċifikata fuq il-formola ta' approvazzjoni, għal kull wieħed minn serje li tikkonforma mat-tip approvat skont dan ir-Regolament, marka ta' approvazzjoni internazzjonali li tikkonsisti f'dan li ġej:

1.3.1.

Ċirku madwar l-ittra “E” segwit min-numru li jiddistingwi l-pajjiż li ta l-approvazzjoni (1);

1.3.2.

In-numru ta’ dan ir-Regolament, segwit bl-ittra “R”, sing u n-numru tal-approvazzjoni fuq il-lemin taċ-ċirku kif imsemmi fil-paragrafu 1.3.1.

1.3.3.

Simbolu addizzjonali separat min-numru ta' dan ir-Regolament permezz ta' linja vertikali u li jikkonsisti minn numeral(i) Ruman(i) għall-Parti (I, II jew III) tar-Regolament skont liema mezz jew vettura tkun ġiet approvata.

1.4.

Jekk il-vettura tkun konformi ma’ tip ta’ vettura approvat, skont Regolament wieħed jew aktar annessi mal-Ftehim, fil-pajjiż li ta l-approvazzjoni skont dan ir-Regolament, is-simbolu preskritt fil-paragrafu 1.3.1 ta' dan l-anness m’għandux għalfejn jiġi ripetut; f’każ bħal dan, ir-Regolament u n-numri tal-approvazzjoni u s-simboli addizzjonali tar-Regolamenti kollha, li abbażi tagħhom tkun ingħatat l-approvazzjoni fil-pajjiż li jkun ta l-approvazzjoni skont dan ir-Regolament, għandhom jitqiegħdu f’kolonni vertikali fuq il-lemin tas-simbolu preskritt fil-paragrafu 1.3.1 ta' dan l-anness.

1.5.

Il-marka tal-approvazzjoni trid tkun tista' tinqara b'mod ċar u ma tkunx tista’ titħassar.

2.   ARRANĠAMENTI TAL-MARKI TAL-APPROVAZZJONI

2.1.   Mudell A

Image

2.1.1.

Il-marka ta' approvazzjoni ta' hawn fuq imwaħħla ma' vettura turi li t-tip ta' vettura kkonċernata, fir-rigward tal-protezzjoni kontra t-trikkib fuq quddiem fil-każ ta' ħabta, ġiet approvata fir-Renju Unit (E11) skont ir-Regolament Nru 93, Parti II (l-installazzjoni ta' tagħmir ta' protezzjoni kontra t-trikkib fuq quddiem (TPTQ) ta' tip approvat) taħt numru ta' approvazzjoni 002439. L-ewwel żewġ ċifri tan-numru ta’ approvazzjoni jindikaw li l-approvazzjoni ngħatat skont ir-rekwiżi ta’ Regolament Nru 93, Parti II fil-forma originali tiegħu.

2.2.   Mudell B

Image

2.2.1.

Il-marka ta' approvazzjoni ta' hawn fuq imwaħħla ma' vettura turi li t-tip ta' vettura konċernata ġiet approvata fir-Renju Unit (E 11) skont ir-Regolament Nru 93, Parti II u r-Regolament Nru 31. (2) In-numri ta' approvazzjoni jindikaw li, fid-dati meta l-approvazzjonijiet rispettivi ġew mogħtija, ir-Regolament Nru 93 kien fil-forma oriġinali tiegħu u r-Regolament Nru 31 kien jinkludi s-serje 02 ta' emendi.

(1)  1 għall-Ġermanja, 2 għal Franza, 3 għall-Italja, 4 għall-Olanda, 5 għall-Isvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għall-Jugoslavja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (vakanti), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24, 25 (vakanti), 26 għas-Slovenja u 27 għas-Slovakkja. In-numri sussegwenti għandhom jiġu assenjati lil pajjiżi oħra fl-ordni kronoloġika li fiha jirratifikaw jew jaderixxu għall-Ftehim li jikkonċerna r-Rikonoxximent tal-Approvazzjoni għal Tagħmir u Partijiet ta' Vetturi bil-Mutur, u n-numri assenjati għandhom jiġu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.

(2)  In-numru tal-aħħar qed jingħata biss bħala eżempju.

ANNESS 5

KUNDIZZJONIJIET U PROĊEDURI TAT-TEST

1.   IL-KUNDIZZJONIJIET TAT-TEST GĦAT-TPTQ

1.1.

Fuq talba tal-manifattur it-test jista' jitwettaq jew:

1.1.1.

Fuq vettura tat-tip li għaliha hu maħsub it-TPTQ; f'dak il-każ għandhom jiġu osservati l-kundizzjonijiet stipulati fil-paragrafu 2; inkella

1.1.2.

Fuq parti mix-chassis tat-tip ta' vettura li għalih hu maħsub it-TPTQ; din il-parti għandha tkun rappreżentattiva tat-tipi(i) ta’ vettura relevanti; inkella

1.1.3.

Fuq bank riġidu tat-testijiet.

1.2.

Fil-każ tal-paragrafi 1.1.2 u 1.1.3 imsemmija fuq, l-partijiet użati biex jikkollegaw it-TPTQ ma' parti mix-chassis tal-vettura jew mal-bank riġidu tat-testijiet għandhom ikunu ekwivalenti għal dawk li jintużaw biex jorbtu t-TPTQ meta jintrama fuq il-vettura.

1.3.

Fuq talba tal-manifattur u bil-kunsens tas-servizz tekniku l-proċedura tat-test deskritta fil-paragrafu 3 tista' ssir b'simulazzjoni permezz tal-kalkolu jew metodu ieħor bħal din sakemm l-ekwivalenza tiegħu tkun murija.

2.   KUNDIZZJONIJIET TAT-TEST GĦALL-VETTURI

2.1.

Il-vettura, jekk hu meħtieġ li jinkisbu l-forzi meħtieġa tat-test fil-paragrafu 3.1 hawn taħt, tista' titrażżan bi kwalunkwe metodu, dan il-metodu għandu jkun speċifikat mill-manifattur tal-vettura.

2.2.

Id-dimensjonijiet għandhom jittieħdu jekk il-vettura tkun fil-kundizzjoni li ġejja:

2.2.1.

Il-vettura ma tkunx mgħobbija.

2.2.2.

Il-vettura kienet wieqfa fuq art invellata, ċatta, riġida u lixxa.

2.2.3.

Ir-roti ta' quddiem kienu ppuntati dritt 'il quddiem.

2.2.4.

It-tajers kienu minfuħa sal-pressjoni rakkomandata mill-manifattur tal-vettura.

2.2.5.

Vetturi mgħammra b'sospensjoni idropnewmatika, ħajdrolik jew pnewmatika jew tagħmir għall-invellar awtomatiku skont it-tagħbija kienu fil-kundizzjoni normali tat-tħaddim speċifikat mill-manifattur.

3.   PROĊEDURA TAT-TEST

3.1.

Il-punti P1 huma lokalizzati sa 200 mm mill-pjani lonġitudinali tanġenzjali għall-punti l-aktar imbiegħda tat-tajers fuq il-fus ta' quddiem, eskluża l-projjezzjoni tat-tajers qrib l-art; il-punti P2 huma simmetriċi għall-pjan lonġitudinali medjan tal-vettura f'distanza minn xulxin ta' 700 sa 1 200 mm inklussivi. Il-pożizzjonijiet preċiżi għandhom ikunu speċifikati mill-manifattur.

3.2.

L-ogħli ‘l fuq mill-art tal-punti P1 u P2 għandu jiġi definit mill-manifattur tal-vettura fil-linji li żammew il-wiċċ ta' quddiem tal-mezz. L-għoli ma għandux, madankollu, jeċċedi l-445 mm meta l-vettura mhijiex mgħobbija. P3 huwa fil-pjan medjan vertikali lonġitudinali tal-vettura (ara figura 1 tar-Regolament).

3.3.

Il-forzi tat-test msemmija hawn taħt għandhom jiġu applikati għal kull wieħed mill-punti tat-test f'testijiet separati fuq l-istess vettura jew apparat jew, jekk mitlub mill-fabbrikant/aġent, fuq vetturi differenti jew kampjuni ta' tagħmir.

3.3.1.

Jekk l-istruttura u l-komponenti tal-vettura rilevanti għall-protezzjoni kontra trikkib fuq quddiem jinsabu sostanzjalment simmetriċi għall-pjan medjan lonġitudinali tagħha, it-testijiet fil-punti P1 u P2 għandhom isiru fuq naħa waħda biss.

3.3.2.

Meta ttestjati l-forzi għandhom ikunu applikati malajr kemm jista' jkun u t-tagħmir jew vettura għandhom ikunu kapaċi jifilħu l-forzi msemmija fil-paragrafi li ġejjin għal mill-inqas 0,2 sekondi.

3.3.3.

Forza orizzontali ugwali għal 50 % tal-piż massimu tal-vettura jew tat-tip(i) ta' vettura maħsub imma li ma teċċedix 80 × 103 N għandha tiġi applikata suċċessivament liż-żewġ punti P1;

3.3.4.

Forza orizzontali ugwali għal 100 % tal-piż massimu tal-vettura jew tat-tip(i) ta' vettura maħsuba imma li ma teċċedix 160 × 103 N għandha tiġi applikata suċċessivament liż-żewġ punti P2; Jekk il-mezz mhux kontinwu u huwa mnaqqas fiż-żona trasversali bejn żewġ punti P2 imbagħad it-testijiet għandhom ikomplu bl-applikazzjoni ta' forza orizzontali applikata fuq il-punt P3 l-istess bħal dak li l-punti P1;

3.4.

L-ispostamenti massimi orizzontali u vertikali ta' kull punt tat-test matul l-applikazzjoni tal-forzi ta' hawn fuq għandu jiġi rreġistrat u l-ogħla livell għandu jkun irrekordjat fuq id-dokument ta' komunikazzjoni.

3.5.

Kull meta jitwettaq test prattiku sabiex jivverifika l-konformità mal-ħtiġiet imsemmija fuq, il-kundizzjonijiet li ġejjin għandhom jiġu sodisfatti:

3.5.1.

Għall-applikazzjoni skont il-Parti III, it-TPTQ (mhux approvat separatament għall-Parti I) għandu jkun imqabbad mat-travi man-naħa tax-chassis tal-vettura jew ma' kwalunkwe ħaġa li tissostitwihom jew struttura b'kapaċitajiet li jagħtu prestazzjoni ekwivalenti.

3.5.2.

Il-forzi speċifikati għandhom jiġu applikati bi staneg li huma artikolati b'mod adattat (eż. permezz ta' ġonot ta' użu universali) u għandhom ikunu paralleli mal-pjan lonġitudinali medjan tal-vettura permezz ta' superfiċi ta' mhux aktar minn 250 mm fl-għoli (l-għoli eżatt u l-wisa' għandu jkun indikat mill-manifattur) u mhux aktar minn 400 mm wiesa, b'radju ta' kurvatura ta' 5 + 1 mm fit-truf vertikali; iċ-ċentru tas-superfiċi jitqiegħed suċċessivament fil-punti P1, P2 u P3.

ANNESS 6

Konformità tal-produzzjoni u proċeduri amministrattivi oħra

1.   KONFORMITÀ TAL-PRODUZZJONI

1.1.

It-TPTQ u vetturi approvati għal dan ir-Regolament għandhom jiġu mmanifatturati b’mod li jkunu konformi mal-approvazzjoni tat-tip billi jissodisfaw ir-rekwiżiti stipulati f’dan ir-Regolament.

1.2.

Sabiex jiġi vverifikat li r-rekwiżiti tal-paragrafu 1.1 ġew sodisfatti, għandhom isiru kontrolli adegwati tal-produzzjoni.

1.3.

Il-pussessur tal-approvazzjoni għandu, b’mod partikolari:

1.3.1.

jassigura l-eżistenza ta’ proċeduri għal kontroll effettiv tal-kwalità tal-vettura jew it-tagħmir;

1.3.2.

ikollu aċċess għat-tagħmir neċessarju għall-ittestjar u għall-kontroll tal-konformità ma’ kull tip approvat;

1.3.3.

jirrekordja d-dejta tar-riżultati tat-test u dokumenti annessi li jibqgħu disponibbli għal perjodu li jrid jiġi determinat bi ftehim mas-servizz amministrattiv;

1.3.4.

janalizza r-riżultati ta’ kull tip ta’ test, sabiex jikkontrolla u jiżgura l-istabbiltà tal-karatteristiċi tal-vettura jew tat-tagħmir, filwaqt li jagħmel konċessjoni għal varjazzjonijiet fil-produzzjoni industrijali;

1.3.5.

jiżgura li għal kull tip ta’ vettura jew mezz jiġu mwettqa kontrolli u testijiet xierqa fir-rigward tad-dimensjonijiet, il-materjali u l-prestazzjoni tal-komponenti, li jissodisfaw il-funzjoni tal-PTQ u ta’ dawk maħsuba biex ikunu installati fuq il-vettura;

1.3.6.

jassigura li kull sett ta’ kampjuni jew biċċiet tal-prova li jagħtu evidenza li hemm nuqqas ta’ konformità fit-tip ta’ test meqjus għandhom iwasslu għal teħid ta’ kampjuni oħra u għal test ieħor. Il-passi kollha meħtieġa għandhom jittieħdu sabiex terġa’ tiġi stabbilita l-konformità tal-produzzjoni korrispondenti.

1.4.

L-awtorità kompetenti li tkun tat l-approvazzjoni tat-tip tista’ tivverifika fi kwalunkwe mument il-metodi ta’ kontroll applikabbli għal kull unità ta’ produzzjoni.

1.4.1.

F’kull spezzjoni, il-kotba tat-test u r-rekords tal-produzzjoni għandhom jiġu ppreżentati lill-ispettur li jkun qed iżur;

1.4.2.

L-ispettur jista’ jieħu kampjuni b’mod aleatorju sabiex jiġu ttestjati fil-laboratorju tal-manifattur. In-numru minimu ta’ kampjuni jista’ jiġi determinat skont ir-riżultati tal-verifika tal-manifattur stess;

1.4.3.

Meta l-livell tal-kwalità ma jidhirx sodisfaċenti jew jidher li hemm bżonn li tiġi ppruvata l-validità tat-testijiet li jkunu saru bl-applikazzjoni tal-paragrafu 1.4.2 hawn fuq, l-ispettur jista’ jagħżel il-kampjuni li għandhom jintbagħtu lis-servizz tekniku li jkun wettaq il-provi tal-approvazzjoni tat-tip;

1.4.4.

L-awtorità kompetenti tista’ twettaq kwalunkwe test stabbilit f’dan ir-Regolament;

1.4.5.

Il-frekwenza normali ta’ spezzjonijiet awtorizzati mill-awtorità kompetenti għandha tkun ta’ darba kull sentejn. F’każijiet fejn jinstabu riżultati mhux sodisfaċenti matul waħda minn dawn l-ispezzjonijiet, l-awtorità kompetenti għandha tiżgura li jittieħdu l-passi kollha meħtieġa sabiex terġa’ tinkiseb il-komformità tal-produzzjoni malajr kemm jista’ jkun.

2.   SANZJONIJIET GĦAL NUQQAS TA’ KONFORMITÀ TAL-PRODUZZJONI

2.1.

L-approvazzjoni mogħtija fir-rigward ta’ TPTQ jew vettura skont dan ir-Regolament tista’ tiġi rtirata jekk ir-rekwiżiti stipulati hawn fuq ma jintlaħqux jew jekk it-tagħmir protettiv ma jkunx għadda mit-test preskritt f’dan ir-Regolament.

2.2.

Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, minnufih għandha tinnotifika b’dan lill-Partijiet Kontraenti l-oħra li japplikaw dan ir-Regolament, permezz ta’ formola ta’ komunikazzjoni li tkun konformi mal-mudell fl-annessi 1, 2 jew 3 ta’ dan ir-Regolament.

3.   MODIFIKA U ESTENSJONI TAL-APPROVAZZJONI

3.1.

Kull modifikazzjoni ta’ tip tat-TPTQ jew vettura għandha tkun mgħarrfa lid-dipartiment amministrattiv li ta l-approvazzjoni tat-tip. Id-dipartiment imbagħad jista’ jew:

3.1.1.

Iqis li l-modifiki li saru m’għandhomx tendenza li jkollhom kull effett kuntrarju konsiderevoli u li, f’kull każ, it-TPTQ jew il-vettura xorta tibqa’ konformi mar-rekwiżiti; inkella

3.1.2.

Jitlob rapport ieħor ta’ test mis-servizz tekniku responsabbli mit-twettiq tat-testijiet.

3.2.

Konferma jew ċaħda ta’ approvazzjoni, li tispeċifika l-alterazzjonijiet għandha tiġi kkomunikata permezz ta’ formola li tkun konformi mal-mudell fl-annessi 1, 2 jew 3 ta’ dan ir-Regolament lill-Partijiet għall-Ftehim li japplikaw dan ir-Regolament.

3.3.

L-awtorità kompetenti li toħroġ l-estensjoni ta’ approvazzjoni għandha tagħti numru ta’ serje għal estensjoni bħal din u tgħarraf dan lill-Partijiet l-oħra għall-Ftehim tal-1958 li japplikaw dan ir-Regolament permezz ta’ formula ta’ komunikazzjoni li taqbel mal-mudell fl-annessi 1, 2 jew 3 ta’ dan ir-Regolament.

4.   PRODUZZJONI MWAQQFA GĦAL KOLLOX

Jekk id-detentur tal-approvazzjoni jwaqqaf għal kollox il-manifattura ta’ tip ta’ TPTQ jew PTQ ta’ vettura approvati skont dan ir-Regolament, huwa għandu jinforma b’dan lill-awtorità li tkun ħarġet l-approvazzjoni. Malli tirċievi l-komunikazzjoni rilevanti, dik l-awtorità għandha tinforma b’dan lill-Partijiet l-oħra għall-Ftehim tal-1958 li japplikaw dan ir-Regolament permezz ta’ formola ta’ komunikazzjoni li tkun konformi mal-mudell fl-annessi 1, 2 jew 3 ta’ dan ir-Regolament.

5.   L-ISMIJIET U L-INDIRIZZI TAS-SERVIZZI TEKNIĊI RESPONSABBLI BIEX JAGĦMLU T-TESTIJIET TAL-APPROVAZZJONI, U TAD-DIPARTIMENTI AMMINISTRATTIVI

Il-Partijiet Kontraenti fil-Ftehim tal-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli għat-twettiq ta’ testijiet ta’ approvazzjoni u tad-dipartimenti amministrattivi li joħorġu l-approvazzjoni u li lilhom għandhom jintbagħtu l-formoli li jiċċertifikaw l-approvazzjoni jew l-estensjoni, jew ċaħda jew irtirar ta’ approvazzjoni jew il-produzzjoni mwaqqfa għal kollox, maħruġa f’pajjiżi oħra.

Top