Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32010D0309

2010/309/: Deċiżjoni tal-Kummissjoni tat- 3 ta’ Ġunju 2010 li temenda d-Deċiżjoni 2008/721/KE fir-rigward tal-indennizzi mħallsa lill-membri tal-Kumitati Xjentifiċi u l-esperti fl-oqsma tas-sigurtà tal-konsumatur, tas-saħħa pubblika u tal-ambjent

ĠU L 138, 4.6.2010, p. 24–25 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/dec/2010/309/oj

Date of document:
03/06/2010
Date of effect:
05/06/2010; Dħul fis-seħħ Data tal-pubblikazzjoni + 1 Ara Art. 2
Date of end of validity:
No end date
Author:
Il-Kummissjoni Ewropea
Form:
Deċiżjoni
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32008D0721 Sostituzzjoni anness 3 05/06/2010
Modifies 32008D0721 Emenda artikolu 19 05/06/2010
Link

4.6.2010   

MT

Il-Ġurnal Uffiċjali tal-Unjoni Ewropea

L 138/24

DEĊIŻJONI TAL-KUMMISSJONI

tat-3 ta’ Ġunju 2010

li temenda d-Deċiżjoni 2008/721/KE fir-rigward tal-indennizzi mħallsa lill-membri tal-Kumitati Xjentifiċi u l-esperti fl-oqsma tas-sigurtà tal-konsumatur, tas-saħħa pubblika u tal-ambjent

(2010/309/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea, u b’mod partikolari l-Artikoli 168 u 169 tiegħu,

Billi:

(1)

L-Artikolu 19 tad-Deċiżjoni tal-Kummissjoni 2008/721/KE tal-5 ta’ Settembru 2008 li twaqqaf Struttura Konsultattiva ta’ Kumitati Xjentifiċi u esperti fil-qasam tas-sigurtà tal-konsumatur, is-saħħa pubblika u l-ambjent u li tirrevoka d-Deċiżjoni 2004/210/KE (1) tistipula li membri tal-Kumitati Xjentifiċi, il-konsultenti xjentifiċi mill-Grupp ta’ Konsulenti Xjentifiċi dwar l-Evalwazzjoni tar-Riskju (minn hawn ‘il quddiem “il-Grupp”) u esperti esterni għandhom ikunu intitolati għal indennizz għall-parteċipazzjoni tagħhom fil-laqgħat tal-Kumitati, laqgħat ta’ ħidma tematiċi, gruppi ta’ ħidma u laqgħat u avvenimenti oħrajn organizzati mill-Kummissjoni, u talli jservu ta’ Relaturi dwar xi kwistjoni speċifika.

(2)

L-Anness III għad-Deċiżjoni 2008/721/KE jistipula l-ammonti ta’ indennizzi li jridu jitħallsu lill-membri tal-Kumitati Xjentifiċi, il-konsulenti xjentifiċi tal-Grupp u l-esperti esterni.

(3)

Attwalment l-indennizzi għall-parteċipazzjoni fil-laqgħat jistgħu jitħallsu biss lill-esperti fiżikament preżenti f’dawk il-laqgħat. It-teknoloġiji moderni jippermettu l-iskambju ta’ opinjonijiet esperti fil-laqgħat virtwali billi jużaw apparat awdjo jew vidjow jew applikazzjonijiet online. L-użu ta’ dawn l-għodod jista’ jippermetti l-parteċipazzjoni usa’ ta’ esperti fl-attivitajiet tal-Kumitati Xjentifiċi filwaqt li jimminimizzaw l-impatt ambjentali u l-ispejjeż u jnaqqsu l-ħin espert li hemm bżonn għall-ivvjaġġar.

(4)

Fil-każ ta’ parteċipazzjoni minn distanza b’mezzi elettroniċi, l-ammont tal-indennizzi għandu jkun relatat mat-tul tal-laqgħa (attendenza qasira, laqgħa ta’ ġurnata sħiħa jew ta’ filgħodu jew ta’ wara nofsinhar biss).

(5)

Għalhekk huwa neċessarju li naġġustaw ir-regoli tal-pagament għall-indennizzi ta’ parteċipazzjoni lil membri, konsulenti u esperti esterni. L-Artikolu 19 u l-Anness III tad-Deċiżjoni 2008/721/KE għandhom jiġu emendati kif jixraq,

ADOTTAT DIN ID-DEĊIŻJONI:

Artikolu 1

Id-Deċiżjoni 2008/721/KE hija emendata skont li ġej:

(1)

Fl-Artikolu 19, l-ewwel subparagrafu għandu jiġi ssostiwit b’dan li ġej:

“Il-Membri tal-Kumitati Xjentifiċi, konsulenti xjentifiċi mill-Grupp u esperti esterni għandhom ikunu intitolati għal indennizz għall-parteċipazzjoni tagħhom, personali jew minn distanza b’mezzi elettroniċi fil-laqgħat tal-Kumitati, laqgħat ta’ ħidma tematiċi, gruppi ta’ ħidma u laqgħat oħra u avvenimenti organizzati mill-Kummissjoni, u talli jservu ta’ Relaturi fuq kwistjoni speċifika, kif stipulat fl-Anness III.”

(2)

L-Anness III huwa sostitwit bit-test stabbilit fl-Anness ta’ din id-Deċiżjoni.

Artikolu 2

Din id-deċiżjoni għandha tidħol fis-seħħ il-jum wara dik tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, it-3 ta’ Ġunju 2010.

Għall-Kummissjoni

Il-President

José Manuel BARROSO

(1)  ĠU L 241, 10.9.2008, p. 21.

ANNESS

“ANNESS III

INDENNIZZI

1.

Il-Membri tal-Kumitati Xjentifiċi, konsulenti xjentifiċi mill-Grupp u esperti esterni għandhom ikunu intitolati għal indennizz għall-parteċipazzjoni tagħhom fil-laqgħat tal-Kumitati, laqgħat ta’ ħidma tematiċi, gruppi ta’ ħidma u laqgħat oħra u avvenimenti organizzati mill-Kummissjoni, kif ġej:

(a)

Fil-każ ta’ parteċipazzjoni personali, EUR 385 għal kull jum fejn kienu preżenti;

(b)

Fil-każ ta’ parteċipazzjoni minn distanza, EUR 100 għal kull siegħa ta’ attendenza li tkun bdiet, b’limitu massimu ta’:

(i)

EUR 385 għal attendenza tul filgħodu jew wara nofsinhar u

(ii)

EUR 195 għal attendenza tul filgħodu jew wara nofsinhar;

2.

Membri tal-Kumitati Xjentifiċi, konsulenti xjentifiċi mill-Grupp u esperti esterni għandhom ikunu intitolati għal indennizz talli jaġixxu bħala Relatur kif ġej:

(a)

L-indennizz għandu jkun mibdul, skont l-ammont ta’ xogħol relatat mal-kumplessità tal-kwistjoni, it-tul tal-perjodu li hemm bżonn biex l-opinjoni tkun kompluta, l-ammont u l-aċċessibilità tad-dejta u tal-letteratura xjentifika u l-informazzjoni li trid tinġabar u tkun ipproċessata u l-ammont u l-kumplessità ta’ konsultazzjonijiet pubbliċi u mal-partijiet interessati u kuntatti ma’ korpi oħrajn, fid-dawl tal-kriterji indikattivi li ġejjin:

Ammont

Kriterji indikattivi

EUR 385

—

Kwistjoni sempliċi u ta’ rutina

—

Opinjoni bbażata fuq l-eżaminar tal-fajl, b’tiftix minimu ta’ dejta u eżaminar minimu ta’ letteratura

—

L-ebda konsultazzjoni pubblika

—

Mhux aktar minn ħames xhur bejn l-ewwel u l-aħħar laqgħa

EUR 770

—

Kwistjoni kumplessa

—

Opinjoni bbażata fuq ammont sinifikanti ta’ dejta u tiftix u eżaminar ta’ letteratura

—

Konsultazzjoni mal-partijiet interessati u/jew pubblika b’ammont ta’ xogħol limitat ta’ eżaminar tar-risposti

—

Minn ħamsa sa disa’ xhur bejn l-ewwel u l-aħħar laqgħa

EUR 1 155

—

Kwistjoni kumplessa ħafna

—

Bżonn ta’ tiftix u analiżi intensivi ħafna ta’ dejta u letteratura

—

Konsultazzjonijiet intensivi u kumplessi mal-partijiet interessati, mal-pubbliku u ma’ korpi xjentifiċi oħrajn, b’eżaminar importanti tar-risposti

—

Aktar minn disa’ xhur bejn l-ewwel u l-aħħar laqgħa

(b)

F’kull każ speċifiku, abbażi tal-kriterji msemmija fil-punt (a), il-Kummissjoni għandha tindika fit-talba għal opinjoni liema ammont japplika għall-indennizz tar-Relatur. L-għażla tal-ammont applikabbli tista’ titbiddel mill-Kummissjoni matul ix-xogħol preparatorju għall-opinjoni mitluba jekk dan ikun iġġustifikat minn tibdil mhux previst fir-rigward tal-kriterji rilevanti.”
Top