Volver a la página principal de EUR-Lex

EUR-Lex El acceso al Derecho de la Unión Europea

Volver a la página principal de EUR-Lex

Este documento es un extracto de la web EUR-Lex

Utilice comillas para buscar una "expresión exacta". Trunque con un asterisco (*) el término de búsqueda para encontrar variantes del mismo (transp*, 32019R*). Sustituya alguno de los caracteres por un signo de interrogación para encontrar variantes (ca?a da como resultado casa, caja, cada).
Consejos de búsqueda
¿Necesita más opciones de búsqueda? Utilice la Búsqueda avanzada
Está usted aquí

Documento 32007R1500

Regolament tal-Kummissjoni (KE) Nru 1500/2007 tat- 18 ta’ Diċembru 2007 li jikkonċerna l-awtorizzazzjoni ta’ l-użu ġdid għal 6-phytase EC 3.1.3.26 (Ronozyme) bħala addittiv fl-għalf (Test b’relevanza għaż-ŻEE)

ĠU L 333, 19.12.2007, p. 54/56 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Estatuto jurídico del documento Ya no está vigente, Fecha de fin de validez: 15/03/2011; Imħassar b' 32011R0171

ELI: http://data.europa.eu/eli/reg/2007/1500/oj

Fecha del documento:
18/12/2007
Fecha de efecto:
20/12/2007; Dħul fis-seħħ Data tal-pubblikazzjoni + 1 Ara Art. 2
Fecha de fin de validez:
15/03/2011; Imħassar b' 32011R0171
Autor:
Il-Kummissjoni Ewropea
Forma:
Regolament
Informaciones complementarias:
Rilevanza għaż-ŻEE
Tratado:
Trattat li jistabbilixxi l-Komunità Ewropea
Base jurídica:
Enlace
Enlace
Enlace
Seleccionar todos los documentos que citan este documento
Modificado por:
Relación Acto Comentario Subdivisión de que se trata De a
derogado por 32011R0171
Actos citados:
Enlace

19.12.2007   

MT

Il-Ġurnal Uffiċjali ta’ l-Unjoni Ewropea

L 333/54

REGOLAMENT TAL-KUMMISSJONI (KE) Nru 1500/2007

tat-18 ta’ Diċembru 2007

li jikkonċerna l-awtorizzazzjoni ta’ l-użu ġdid għal 6-phytase EC 3.1.3.26 (Ronozyme) bħala addittiv fl-għalf

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 dwar l-addittivi għall-użu fl-għalf ta’ l-annimali (1), u b’mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jistipula l-awtorizzazzjoni ta’ addittivi għall-użu fin-nutrizzjoni ta’ l-annimali u għall-bażi u l-proċeduri biex tingħata awtorizzazzjoni bħal din.

(2)

Skond l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-preparazzjoni stipulata fl-Anness ta’ dan ir-Regolament. Dik l-applikazzjoni kienet akkumpanjata mid-dettalji u d-dokumenti meħtieġa skond l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna użu ġdid tal-preparazzjoni ta’ 6-phytase EC 3.1.3.26 (Ronozyme) prodotta minn Aspergillus oryzae (DSM 14223), bħala addittiv fl-għalf tal-papri, li għandha tiġi kklassifikata fil-kategorija ta’ addittivi “addittivi żootekniċi”.

(4)

L-użu tal-preparazzjoni tas-6-phytase EC 3.1.3.26 prodotta minn Aspergillus oryzae (DSM 14223) ġie awtorizzat mingħajr limitu ta’ żmien għat-tiġieġ għas-simna, tiġieġ tal-bajd, dundjani għas-simna, qżieqeż żgħar u qżieqeż għas-simna bir-Regolament tal-Kummissjoni (KE) Nru 255/2005 (2) u awtorizzat proviżjorjament għal salmonidi bir-Regolament tal-Kummissjoni (KE) Nru 521/2005 (3).

(5)

Tressqet data ġdida bħala sostenn ta’ l-applikazzjoni għall-awtorizzazzjoni għall-papri. L-Awtorità Ewropea tas-Sigurtà fl-Ikel (“l-Awtorità”) ikkonkludiet fl-opinjoni tagħha ta’ l-10 ta’ Lulju 2007 li l-preparazzjoni tas-6-phytase EC 3.1.3.26 (Ronozyme) prodott minn Aspergillus oryzae (DSM 14223) ma tħallix effett negattiv fuq is-saħħa ta’ l-annimali, is-saħħa tal-bniedem jew fuq l-ambjent (4). Ikkonkludiet ukoll li l-preparazzjoni ma tippreżenta l-ebda riskju ieħor li, skond l-Artikolu 5(2) tar-Regolament (KE) Nru 1831/2003, jeskludi l-awtorizzazzjoni għal din il-kategorija addizzjonali ta’ l-annimali. Skond dik l-opinjoni, l-użu tal-preparazzjoni huwa effettiv biex titjieb id-diġestjoni ta’ l-għalf. L-awtorità ma tikkunsidrax li hemm il-bżonn għal rekwiżiti speċifiċi ta’ sorveljanza wara t-tqegħid fis-suq. Hija vverifikat ukoll ir-rapport dwar il-metodu ta’ analiżi ta’ l-addittivi ta’ l-għalf fl-għalf imressaq mil-Laboratorju ta’ Referenza Komunitarju stabbilit mir-Regolament (KE) Nru 1831/2003.

(6)

Il-valutazzjoni ta’ din il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, huma sodisfatti. Għalhekk, l-użu ta’ dik il-preparazzjoni għandu jiġi awtorizzat, kif speċifikat fl-Anness ta’ dan ir-Regolament.

(7)

Il-miżuri stipulati f’dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

ADOTTAT DAN IR-REGOLAMENT:

Artikolu 1

Il-preparazzjoni speċifikata fl-Anness, li tifforma parti mill-kategorija ta’ addittivi “addittivi żootekniċi” u mill-grupp funzjonali “sustanzi li jsaħħu d-diġestibbiltà”, hija awtorizzata bħala addittiv fin-nutrizzjoni ta’ l-annimali suġġetta għall-kundizzjonijiet stipulati f’dan l-Anness.

Artikolu 2

Dan ir-Regolament għandu jidħol fis-seħħ fl-għoxrin jum wara l-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 18 ta’ Diċembru 2007.

Għall-Kummissjoni

Markos KYPRIANOU

Membru tal-Kummissjoni

(1)  ĠU L 268, 18.10.2003, p. 29. Ir-Regolament kif emendat mir-Regolament tal-Kummissjoni (KE) Nru 378/2005 (ĠU L 59, 5.3.2005, p. 8).

(2)  ĠU L 45, 16.2.2005, p. 3.

(3)  ĠU L 84, 2.4.2005, p. 3. Ir-Regolament kif emendat mir-Regolament (KE) Nru 1812/2005 (ĠU L 291, 5.11.2005, p. 18)

(4)  Opinjoni tal-Bord Xjentifiku dwar l-addittivi u prodotti jew sustanzi użati fl-għalf ta’ l-Annimali (FEEDAP) dwar is-sigurtà u l-effikaċja tal-preparazzjoni ta’ l-enżimi Ronozyme P5000 (CT) u Ronozyme P20000 (L) (6-phytase) bħala addittiv fl-għalf għall-papri skond ir-Regolament (KE) Nru 1831/2003. Adottata fl-10 ta’ Lulju 2007, The EFSA Journal (2007) 519, p. 1-8.

ANNESS

Numru ta’ identifikazzjoni ta’ l-addittiv

Isem id-detentur ta’ l-awtorizzazzjoni

Addittiv

(Isem kummerċjali)

Kompożizzjoni, formula kimika, deskrizzjoni, metodu analitiku.

Speċi jew kategorija ta’ l-annimal

Età massima

Kontenut minimu

Kontenut massimu

Dispożizzjonijiet oħra

Tmiem tal-perjodu ta’ awtorizzazzjoni

Unitajiet ta’ attività/kg ta’ għalf sħiħ b’kontenut ta’ umdità ta’ 12 %

Kategorija ta’ addittivi żootekniċi. Grupp funzjonali: sustanzi li jsaħħu d-diġestibbiltà

4a1614(i)

DSM Nutritional Products Ltd.

6-phytase EC 3.1.3.26

(Bio-Feed Phytase CT 2X/Ronozyme P5000 (CT) u Bio-Feed Phytase L 4X/Ronozyme P20000 (L)

 

Kompożizzjoni ta’ l-addittiv:

Preparazzjoni ta’ 6-phytase prodott minn Aspergillus oryzae (DSM 14223) li għandu attività minima ta’:

Fil-forma miksija: 5 000 FYT (1)/g

Forma likwida: 20 000 FYT/ml

 

Karatterizzazzjoni tas-sustanza attiva:

6-phytase prodott minn Aspergillus oryzae (DSM 14223)

 

Metodu analitiku (2)

Metodu kolorimetriku bażat fuq ir-reazzjoni tal-vanadomolybdate fuq fosfat inorganiku b’azzjoni ta’ 6-phytase fuq substrate li fih il-phytate (sodium phytate) b’pH 5.5 u 37 °C

Papri

—

250

—

1.

Fl-istruzzjonijiet għall-użu ta’ l-addittiv u l-premixture indika t-temperatura li fiha għandhom jinħażnu, kemm jistgħu jdumu fil-ħażna u l-istabbilità għall-pelleting.

2.

Doża rakkomandata għal kull kilogramm ta’ għalf sħiħ:

500-1 000 FYT/kg

3.

Għall-użu f’għalf kompost li fih aktar minn 0,25 % phytin bound phosphorus

8.1.2018

(1)  1 FYT huwa l-ammont ta’ enżimi li jillibera 1 mikromole ta’ fosfat inorganiku mis-sodium phytate fil-minuta f’ pH ta’ 5,5 u 37 °C.

(2)  Dettalji tal-metodi analitiċi huma disponibbli fl-indirizz li ġej tal-Laboratorju ta’ Referenza tal-Komunità: www.irmm.jrc.be/crl-feed-additives

Arriba