An Coimisiún Eorpach

Is é an Coimisiún Eorpach brainse feidhmiúcháin an Aontais Eorpaigh (AE).

Bunaíodh an Coimisiún in 1957, agus cuimsítear ann faoi láthair 27 gCoimisinéir lena n–áirítear a Uachtarán. Gníomhaíonn sé ar mhaithe le leas comhchoiteann AE agus tá sé neamhspleách go hiomlán ar rialtais náisiúnta Bhallstáit AE agus tá sé freagrach do Pharlaimint na hEorpa.

Tá ceart tionscnaimh aige dlíthe a mholadh i réimse leathan réimsí beartais. I réimse an cheartais agus gnóthaí baile, comhroinneann sé ceart tionscnaimh leis na Ballstáit. Féadfaidh Parlaimint na hEorpa agus Comhairle an Aontais Eorpaigh a iarraidh ar an gCoimisiún tograí reachtacha a chur síos. Féadfaidh saoránaigh AE a iarraidh ar an gCoimisiún dlíthe a mholadh tríd an Tionscnamh ó na Saoránaigh chomh maith.

Féadfar an ceart a thabhairt don Choimisiún gníomhartha neamhreachtacha a ghlacadh, go háirithe gníomhartha tarmligthe agus gníomhartha cur chun feidhme, agus tá cumhachtaí tábhachtacha aige lena áirithiú go mbeidh coinníollacha iomaíochta cothroma ann idir gnólachtaí AE.

Déanann an Coimisiún maoirseacht ar chur i bhfeidhm dhlí AE. Cuireann sé buiséad AE chun feidhme i gcomhar leis na Ballstáit agus bainistíonn sé cláir um maoiniú. Comhlíonann sé feidhmeanna comhordúcháin, feidhmiúcháin agus bainistíochta freisin, mar atá leagtha síos sna Conarthaí. Déanann sé ionadaíocht do AE le linn idirbheartaíocht idirnáisiúnta, go háirithe i réimsí an bheartais trádála agus na cabhrach daonnúla.

Tá an Coimisiún eagraithe ina ranna beartais, ar dtugtar Stiúrthóireachtaí Ginearálta (ASanna) agus Seirbhísí, atá lonnaithe den chuid is mó sa Bhruiséil agus i Lucsamburg.

FÉACH FREISIN

• Limistéar na saoirse, na slándála agus an cheartais
• Tionscnamh ó na saoránaigh
• Iomaíocht
• Comhdhéanamh an Choimisiúin Eorpaigh
• Deimhniú an Choimisiúin Eorpaigh
• Comhairle an Aontais Eorpaigh
• Gníomhartha tarmligthe
• Forfheidhmiú dhlí AE
• Buiséad AE
• Institiúidí an Aontais Eorpaigh
• Parlaimint na hEorpa
• Beartas trádála AE
• Cabhair dhaonnúil
• Gníomhartha cur chun feidhme
• Ballstáit
• Gníomhartha neamhreachtacha
• Uachtarán an Choimisiúin Eorpaigh
• An ceart tionscnaimh
• Conarthaí
• Rialacha Nós Imeachta an Choimisiúin Eorpaigh (achoimre)
• An Coimisiún Eorpach (achoimre)
• An Coimisiún Eorpach (suíomh gréasáin).