L-azzjoni esterna tal-Unjoni Ewropea

Il-Ħames Parti tat-Trattat dwar il-Funzjonament tal-Unjoni Ewropea (TFUE) fiha serje ta’ Artikoli dwar l-azzjoni esterna tal-Unjoni Ewropea (UE). Barra minn hekk, it-Titolu V tat-Trattat dwar l-Unjoni Ewropea (TUE) jistabbilixxi regoli ġenerali dwar l-azzjoni esterna tal-UE u regoli speċifiċi dwar il-politika estera u ta’ sigurtà komuni (PESK) tagħha.

L-azzjoni esterna tal-UE tinkludi:

• il-politika kummerċjali tagħha — l-Artikoli 206 u 207 tat-TFUE;
• il-kooperazzjoni għall-iżvilupp — l-Artikoli 208, 209, 210 u 211 tat-TFUE;
• il-kooperazzjoni ekonomika, finanzjarja u teknika ma’ pajjiżi mhux tal-UE — l-Artikoli 212 u 213 tat-TFUE;
• l-għajnuna umanitarja — l-Artikolu 214 tat-TFUE;
• il-PESK u l-PSDK — (l-Artikoli 21-46 tat-TUE);
• id-dimensjoni esterna ta’ politiki interni oħra tal-UE (bħall-migrazzjoni, il-protezzjoni ambjentali, eċċ.).

Bħala parti mill-azzjoni esterna tagħha, l-UE tista’ tadotta miżuri restrittivi (l-Artikolu 215 tat-TFUE), tikkonkludi ftehimiet internazzjonali (l-Artikoli 216, 217, 218 u 219 tat-TFUE), tistabbilixxi relazzjonijiet ma’ organizzazzjonijiet internazzjonali u pajjiżi mhux tal-UE jew tistabbilixxi delegazzjonijiet tal-UE (l-Artikoli 220 u 221 tat-TFUE).

ARA WKOLL

• Politika Estera u ta’ Sigurtà Komuni (PESK)
• Il-Politika ta’ Sigurtà u ta’ Difiża Komuni (PSDK)
• Il-kooperazzjoni għall-iżvilupp
• Id-distribuzzjoni tal-kompetenzi
• Servizz Ewropew għall-Azzjoni Esterna (SEAE)
• Is-setgħat u l-kompetenzi tal-UE
• Il-politika kummerċjali tal-UE
• Ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà
• L-għajnuna umanitarja
• Il-miżuri restrittivi (sanzjonijiet)
• Il-qafas ġenerali għas-sanzjonijiet tal-UE (sommarju)
• Il-ftehimiet internazzjonali u l-kompetenzi esterni tal-UE (sommarju)
• Is-sħubija man-Nazzjonijiet Uniti: assistenza għall-iżvilupp u għajnuna umanitarja (sommarju)
• Il-linji gwida tal-UE dwar il-promozzjoni tal-konformità mad-dritt umanitarju internazzjonali (sommarju)
• Is-Servizz Ewropew għall-Azzjoni Esterna (Servizz Ewropew għall-Azzjoni Esterna).