Il-protezzjoni tal-konsumaturi

Il-politika tal-konsumatur tal-UE (Artikolu 169 tat-Trattat dwar il-Funzjonament tal-Unjoni Ewropea (TFUE)) tipprova tipproteġi s-saħħa, sigurtà u interessi ekonomiċi tal-konsumaturi, u tippromwovi d-dritt tagħhom għal informazzjoni, għal edukazzjoni u biex jorganizzaw lilhom infushom biex jipproteġu l-interessi tagħhom. Artikolu 12 tat-TFUE jirrikjedi ukoll li l-protezzjoni tal-konsumatur tiġi kkunsidrata meta jkunu definiti politiki oħra tal-Unjoni Ewopea (UE).

Il-politika dwar il-konsumatur hi responsabbiltà maqsuma bejn l-UE u l-Istati Membri tal-UE. Taħt Artikolu 114 tat-TFUE, deċiżjonijiet ibbażati fuq miżuri biex japprossimaw (jalinjaw) il-leġiżlazzjoni tal-Istati Membri dwar il-konsumatur jkunu deċiżi bl-użu tal-proċedura leġiżlattiva ordinarja u wara li jikkonsultaw il-Kumitat Ekonomiku u Soċjali Ewropew.

F’ċerti ċirkostanzi, Stat Membru jista’ jżomm jew jintroduċi miżuri dwar il-protezzjoni tal-konsumatur aktar stretti minn dawk stabbiliti mill-UE diment li jkunu kompatibbli mat-trattat u l-leġiżlazzjoni tal-UE u diment li l-Kummissjoni Ewropea tkun innotifikata dwar dan.

ARA WKOLL

• Proċedura ta’ konsultazzjoni
• Diviżjoni ta’ kompetenzi
• Il-Kummissjoni Ewropea
• Il-Kumitat Ekonomiku u Soċjali Ewropew
• L-Unjoni Ewropea
• Ġustizzja u konsumaturi (website)
• L-Istati Membri
• Proċedura leġiżlattiva ordinarja (kodeċiżjoni)
• Prinċipju prekawzjonarju
• Saħħa pubblika
• Trattat dwar il-Funzjonament tal-Unjoni Ewropea (sommarju).