OLAF (An Oifig Eorpach Frith–Chalaoise)

Bunaíodh an Oifig Eorpach Frith–Chalaoise (OLAF) in 1999 le Cinneadh 1999/352/CE, CECG, Euratom leis an bpríomhaidhm imscrúdú a dhéanamh ar éilliú agus ar mhí–iompar tromchúiseach in institiúidí AE, agus ar an gcalaois i gcoinne bhuiséad AE freisin. Is é Rialachán (AE, Euratom) Uimh. 883/2013 (Rialachán OLAF) an creat dlíthiúil lena sainítear cumhachtaí agus inniúlachtaí OLAF.

De réir a stádais dhlíthiúil, is cineál hibrideach é OLAF. Mar chomhlacht neamhspleách, déanann an oifig imscrúduithe seachtracha san Aontas Eorpach agus i dtíortha nach tíortha den Aontas Eorpach iad ar chásanna calaoise, éillithe agus ar ghníomhaireachtaí neamhdhleathacha eile lena ndéantar difear do bhuiséad AE agus imscrúduithe inmheánacha laistigh d’institiúidí, de chomhlachtaí, d’oifigí agus de ghníomhaireachtaí AE chun mí–iompar tromchúiseach ag oifigigh AE a bhféadfadh imeachtaí araíonachta nó coiriúla a bheith mar thoradh orthu a bhrath.

Mar sheirbhís de chuid an Choimisiún, tá OLAF i gceannas ar bheartas agus ar reachtaíocht a fhorbairt sa réimse um chalaois a chosc agus leasanna airgeadais AE a chosaint.

Mar thoradh ar athbhreithniú reatha Rialachán OLAF, atá i bhfeidhm ón 17 Eanáir 2021, feabhsaíodh éifeachtúlacht imscrúduithe OLAF agus neartaíodh an comhar le hOifig an Ionchúisitheora Phoiblí Eorpaigh (OIPE) bunaithe ar chomhar, ar mhalartú faisnéise, ar chomhlántacht agus ar neamhdhúbailt.

FÉACH FREISIN

• Buiséad AE
• An Coimisiún Eorpach
• Oifig an Ionchúisitheora Phoiblí Eorpaigh (OIPE)
• Eurojust
• Europol (Gníomhaireacht an Aontais Eorpaigh i ndáil le Comhar i bhForfheidhmiú an Dlí)
• An comhrac i gcoinne na calaoise
• An Oifig Eorpach Frith–Chalaoise (achoimre)
• An Oifig Eorpach Frith–Chalaoise — Rialacha maidir le himscrúduithe (achoimre)
• An Oifig Eorpach Frith–Chalaoise (suíomh gréasáin)
• Tuarascálacha bliantúla OLAF (An Oifig Eorpach Frith–Chalaoise).