(1)

Ir-Regolament tal-Kunsill (UE) 2020/123 (1) jistabbilixxi l-opportunitajiet tas-sajd għall-2020 għal ċerti stokkijiet tal-ħut u gruppi ta’ stokkijiet tal-ħut applikabbli fl-ilmijiet tal-Unjoni u, fil-każ ta’ bastimenti tal-Unjoni, f’ċerti ilmijiet mhux tal-Unjoni.

(2)

Fir-Regolament (UE) 2020/123, il-qabda totali permissibbli (TAC) għall-inċova (Engraulis encrasicolus) fis-subżoni 9 u 10 tal-Kunsill Internazzjonali għall-Esplorazzjoni tal-Baħar (ICES) u fl-ilmijiet tal-Unjoni tad-diviżjoni 34.1.1 tal-Kumitat tas-Sajd għall-Atlantiku Ċentrali tal-Lvant (CECAF) ġiet stabbilita għal żero. Fir-Regolament tal-Kunsill (UE) 2020/900 (2), li jemenda r-Regolament (UE) 2020/123, ġiet stabbilita TAC proviżorja biex l-attività tas-sajd titħalla titkompla. L-inċova hija speċi b’ħajja qasira u l-parir xjentifiku l-aktar reċenti nħareġ mil-ICES fit-18 ta’ Ġunju 2020. Il-limiti ta’ qbid għall-inċova fis-subżoni 9 u 10 tal-ICES u fl-ilmijiet tal-Unjoni tad-diviżjoni 34.1.1 tas-CECAF, jenħtieġ li jiġu emendati f’konformità ma’ dak il-parir xjentifiku u stabbiliti għal 15 699 tunnellata.

(3)

Fir-Rekord Maqbul tal-konsultazzjonijiet dwar is-sajd bejn il-Gżejjer Faeroe u l-Unjoni Ewropea għall-2020, iż-żewġ partijiet qablu li jagħtu lil xulxin aċċess reċiproku għall-ilmijiet ta’ xulxin għas-sajd tal-istokkafixx (Micromesistius poutassou) fl-Unjoni u fl-ilmijiet internazzjonali taż-żoni 1, 2, 3, 4, 5, 6, 7, 8a, 8b, 8d, 8e, 12 u 14 fl-ilmijiet tal-Gżejjer Faeroe, b’limitu ta’ 37 500 tunnellata. Kundizzjoni speċjali fit-tabella tat-TAC tagħti aċċess lill-Unjoni għall-ilmijiet tal-Gżejjer Faeroe u tillimita, fl-għamla ta’ perċentwal tas-sehem totali tal-Unjoni, l-ammont ta’ stokkafixx li l-Istati Membri jistgħu jistadu mill-kwoti tagħhom stess fl-ilmijiet tal-Gżejjer Faeroe. Dak il-perċentwal jenħtieġ li jirrappreżenta l-proporzjon tad-drittijiet tal-aċċess tal-Unjoni fl-ilmijiet tal-Gżejjer Faeroe ta’ 37 500 tunnellata meta mqabbel mas-sehem totali tal-Unjoni ta’ 326 484 tunnellata ta’ stokkafixx. 37 500 tunnellata jammonta għal perċentwal ta’ 11,4 %, tas-sehem totali tal-Unjoni ta’ 326 484 tunnellata ta’ stokkafixx. Billi l-perċentwal tas-sehem totali tal-Unjoni tal-istokkafixx li l-Istati Membri jistgħu jistadu mill-kwoti tagħhom stess fl-ilmijiet tal-Gżejjer Faeroe attwalment huwa stabbilit għal 7 %, dak il-perċentwal. jenħtieġ li jiġi emendat skont dan.

(4)

Fir-Rekord Maqbul tal-konsultazzjonijiet dwar is-sajd bejn in-Norveġja u l-Unjoni Ewropea dwar arranġamenti għas-sajd ad hoc fir-rigward tal-ġestjoni tal-istokkafixx u tal-aringi Norveġiżi (Atlantu-Skandjani) li jirriproduċu fir-rebbiegħa għall-2020, iż-żewġ partijiet jingħataw aċċess għas-sajd ta’ 190 809 tunnellati ta’ stokkafixx fl-ilmijiet ta’ xulxin. Fit-tabella tat-TAC għall-istokkafixx li tippermetti l-aċċess lin-Norveġja għas-sajd fl-ilmijiet tal-Unjoni taż-żoni 2, 4a, 5, 6 fit-Tramuntana ta’ 56° 30′ N u 7 fil-Punent ta’ 12° W, kundizzjoni speċjali tillimita l-qabda fiż-żona 4a ta’ mhux iktar minn 40 000 tunnellata (f’konformità mar-Rekord Maqbul dwar il-konsultazzjonijiet tas-sajd bejn in-Norveġja u l-Unjoni Ewropea għall-2020). Dak il-limitu ta’ qbid fiż-żona 4a jammonta għal 21 % tal-kwota tal-aċċess tan-Norveġja. Dak il-perċentwal, attwalment stabbilit għal 18 %, jenħtieġ li jiġi emendat skont dan.

(5)

Il-Ftehim ta’ Sħubija dwar is-Sajd bejn il-Komunità Ewropea minn naħa waħda, u l-Gvern tad-Danimarka u l-Gvern Awtonomu ta’ Greenland, min-naħa l-oħra (3), u l-Protokoll (4) tiegħu, jipprevedi li l-Unjoni għandha tirċievi 7,7 % tat-TAC għall-kapelin (Mallotus villosus) li jinqabad fl-ilmijiet ta’ Greenland fis-subżoni 5 u 14 tal-ICES. F’konformità ma’ dak il-Protokoll, fit-12 ta’ Ġunju 2020 Greenland offriet lill-Unjoni 13 053 tunnellata ta’ kapelin biex jinqabad bejn l-20 ta’ Ġunju 2020 u l-15 ta’ April 2021. Għalhekk, jenħtieġ li t-tabella tal-opportunitajiet tas-sajd għall-kapelin tiġi emendata skont dan.

(6)

Għalhekk, jenħtieġ li r-Regolament (UE) 2020/123 jiġi emendat skont dan.

(7)

Il-limiti ta’ qbid previsti fir-Regolament (UE) 2020/123 japplikaw mill-1 ta’ Jannar 2020 għall-istokkafixx fl-ilmijiet tal-Unjoni taż-żoni 2, 4a, 5, 6 fit-Tramuntana ta’ 56° 30′ N u 7 fil-Punent ta’ 12° W, mill-20 ta’ Ġunju 2020 għall-kapelin fl-ilmijiet ta’ Greenland tas-subżoni 5 u 14 tal-ICES, u mill-1 ta’ Lulju 2020 għall-inċova fis-subżoni 9 u 10 u fl-ilmijiet tal-Unjoni tad-diviżjoni 34.1.1 tas-CECAF. Għalhekk, id-dispożizzjonijiet introdotti b’dan ir-Regolament dwar il-limiti ta’ qbid jenħtieġ li jidħlu fis-seħħ mill-iktar fis possibbli u jenħtieġ li japplikaw retroattivament għall-istokkafixx mill-1 ta’ Jannar 2020, għall-kapelin mill-20 ta’ Ġunju 2020, u għall-inċova mill-1 ta’ Lulju 2020. Tali applikazzjoni retroattiva ma taffettwax il-prinċipji taċ-ċertezza legali u tal-protezzjoni tal-aspettattivi leġittimi billi l-opportunitajiet tas-sajd ikkonċernati żdiedu u għadhom ma ġewx eżawriti.

(8)

Skont il-parir xjentifiku tal-ICES, jenħtieġ li l-qabdiet tal-merluzz tan-Norveġja (Trisopterus esmarkii) fis-subżona 4 u fid-diviżjoni 3a tal-ICES fil-perijodu mill-1 ta’ Novembru 2019 sal-31 ta’ Ottubru 2020 ma jaqbżux il-1 67  105 tunnellata. Minn dak l-istokk, l-Unjoni Ewropea rriżervat sehem ta’ 92 000 tunnellata u ffissat kwota preliminari tal-Unjoni ta’ 65 000 tunnellata fir-Regolament tal-Kunsill (UE) 2019/1838 (5). Wara l-konsultazzjonijiet, f’Diċembru 2019, l-Unjoni ttrasferiet mill-ammont riżervat li jifdal 14 500 u 5 000 tunnellata biss lin-Norveġja u lill-Gżejjer Faeroe rispettivament. B’riżultat ta’ dan, jenħtieġ li s-7  500 tunnellata li jifdal jiżdiedu mal-kwota attwali tal-Unjoni.

(9)

Ir-Renju Unit ġie kkonsultat f’konformità mal-Artikolu 130(1) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (6),

(1)

Il-Konvenzjoni dwar il-Kummerċ taċ-Ċereali tal-1995 (“il-Konvenzjoni”) ġiet konkluża mill-Unjoni permezz tad-Deċiżjoni tal-Kunsill 96/88/KE (1) u daħlet fis-seħħ fl-1 ta’ Lulju 1995. Il-Konvenzjoni ġiet konkluża għal perijodu ta’ tliet snin.

(2)

Skont l-Artikolu 33 tal-Konvenzjoni, il-Kunsill Internazzjonali taċ-Ċereali jista’ jestendi l-Konvenzjoni għal perijodi suċċessivi ta’ mhux aktar minn sentejn kull darba. Mill-konklużjoni tagħha, il-Konvenzjoni ġiet estiża regolarment għal perijodi oħra ta’ sentejn. Il-Konvenzjoni ġiet estiża l-aħħar permezz tad-deċiżjoni tal-Kunsill Internazzjonali taċ-Ċereali fl-10 ta’ Ġunju 2019 (2), u ser tibqa’ fis-seħħ sat-30 ta’ Ġunju 2021.

(3)

Skont l-Artikolu 27(2) tal-Konvenzjoni, il-Konvenzjoni hija miftuħa għall-adeżjoni mill-Gvernijiet tal-Istati kollha taħt il-kundizzjonijiet li l-Kunsill Internazzjonali taċ-Ċereali jqis xierqa.

(4)

Fid-9 ta’ April 2020, ir-Renju Unit applika formalment għall-adeżjoni mal-Konvenzjoni mill-1 ta’ Jannar 2021.

(5)

Ir-Renju Unit huwa produttur ewlieni taċ-ċereali, b’mod partikolari tax-xgħir u l-qamħ. Jekk tingħata l-approvazzjoni tal-applikazzjoni tar-Renju Unit biex jissieħeb mal-Konvenzjoni u konsegwentement biex jipparteċipa fil-Kunsill Internazzjonali taċ-Ċereali, ir-Renju Unit se jkun membru importatur f’konformità mal-Artikolu 12 tal-Konvenzjoni. Peress li l-Unjoni hija membru esportatur, l-adeżjoni tar-Renju Unit mhix se timpatta n-numru ta’ voti allokati lill-Unjoni għall-finijiet tal-votazzjoni skont l-Artikolu 12 tal-Konvenzjoni. Madankollu, mis-sena finanzjarja tal-2021/22, l-adeżjoni tar-Renju Unit se tnaqqas in-numru tal-voti allokati lill-Unjoni skont l-Artikolu 11 tal-Konvenzjoni, li jiddeterminaw il-kontribuzzjoni finanzjarja tal-membri.

(6)

Jixraq li tiġi stabbilita l-pożizzjoni li għandha tittieħed f’isem l-Unjoni fil-Kunsill Internazzjonali taċ-Ċereali u li tiġi approvata l-adeżjoni tar-Renju Unit mal-Konvenzjoni dment li l-adeżjoni ma tidħolx fis-seħħ u l-Konvenzjoni ma tiġix applikata b’mod proviżorju fir-rigward tar-Renju Unit qabel tmiem il-perijodu ta’ tranżizzjoni msemmi fl-Artikolu 126 tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (3),

(1)

Il-Konvenzjoni dwar il-Kooperazzjoni Multilaterali fil-Ġejjieni dwar is-Sajd fl-Atlantiku tal-Grigal (1) (“il-Konvenzjoni NEAFC”) ġiet approvata bid-Deċiżjoni tal-Kunsill 81/608/KEE (2) u daħlet fis-seħħ fis-17 ta’ Marzu 1982.

(2)

Il-Konvenzjoni NEAFC bħalissa tapplika għar-Renju Unit bħala riżultat tal-fatt li l-Unjoni hija Parti Kontraenti għal dik il-Konvenzjoni, filwaqt li l-Artikolu 20(4) tal-Konvenzjoni NEAFC jeskludi l-adeżjoni tal-Istati Membrima’ dik il-Konvenzjoni.

(3)

Skont l-Artikolu 20(4) tal-Konvenzjoni NEAFC, kwalunkwe Stat jista’ jaderixxi mal-Konvenzjoni NEAFC sakemm applikazzjoni għall-adeżjoni ta’ dak l-Istat tiġi approvata minn tliet kwarti tal-Partijiet Kontraenti kollha għall-Konvenzjoni fi żmien 90 jum mid-data tan-notifika mid-Depożitarju dwar il-wasla tal-applikazzjoni.

(4)

Fit-8 ta’ Jannar 2019, ir-Renju Unit ressaq applikazzjoni biex jaderixxi mal-Konvenzjoni NEAFC bħala Parti Kontraenti. Fl-istess data, id-Depożitarju nnotifika lill-Kummissjoni dwar dan.

(5)

Fil-25 ta’ Marzu 2019, il-Kunsill adotta d-Deċiżjoni (UE) 2019/510 (3). Dik id-deċiżjoni kienet favorevoli għall-adeżjoni tar-Renju Unit mal-Konvenzjoni NEAFC u ġiet adottata sabiex tiġi antiċipata s-sitwazzjoni fejn ir-Renju Unit jitlaq mill-Unjoni mingħajr ftehim dwar il-ħruġ. Għaldaqstant, id-Deċiżjoni (UE) 2019/510 awtorizzat biss lill-Kummissjoni tinnotifika l-pożizzjoni tal-Unjoni f’każ li ma jkunx ġie konkluż ftehim dwar il-ħruġ.

(6)

L-applikazzjoni għall-adeżjoni tar-Renju Unit ma ġietx approvata mill-għadd meħtieġ tal-Partijiet Kontraenti għall-Konvenzjoni NEAFC billi ma ntlaħaqx il-kworum ta’ tliet kwarti.

(7)

Skont l-Artikolu 129(4) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (4) (“il-Ftehim dwar il-Ħruġ”), matul il-perijodu ta’ tranżizzjoni, ir-Renju Unit jista’ jinnegozja, jiffirma u jirratifika ftehimiet internazzjonali li jkun daħal għalihom fil-kapaċità tiegħu stess fl-oqsma ta’ kompetenza esklużiva tal-Unjoni, dment li dawk il-ftehimiet ma jidħlux fis-seħħ jew ma jkunux japplikaw matul il-perijodu ta’ tranżizzjoni, sakemm dan ma jkunx awtorizzat mill-Unjoni. Id-Deċiżjoni tal-Kunsill (UE) 2020/135 (5) tistipula l-kondizzjonijiet u l-proċedura għall-għoti ta’ tali awtorizzazzjonijiet.

(8)

Permezz tal-ittra tiegħu tat-3 ta’ April 2020, ir-Renju Unit innotifika lill-Kummissjoni dwar l-intenzjoni tiegħu li jesprimi l-kunsens tiegħu, fil-kapaċità tiegħu stess, li jkun marbut mill-Konvenzjoni NEAFC matul il-perijodu ta’ tranżizzjoni. Fis-6 ta’ Lulju 2020, ir-Renju Unit ippreżenta applikazzjoni ġdida għall-adeżjoni ma’ dik il-Konvenzjoni; adeżjoni li tidħol fis-seħħ matul il-perijodu ta’ tranżizzjoni b’mod konsistenti mal-Ftehim dwar il-Ħruġ.

(9)

Id-Deċiżjoni ta’ Implimentazzjoni tal-Kunsill (UE) 2020/1305 (6) tawtorizza lir-Renju Unit biex jesprimi l-kunsens tiegħu, fil-kapaċità tiegħu stess, li jkun marbut mill-Konvenzjoni NEAFC peress li l-kundizzjonijiet stabbiliti fl-Artikolu 3(1) tad-Deċiżjoni (UE) 2020/135 huma ssodisfati.

(10)

Skont l-Artikoli 56, 63 u 116 tal-Konvenzjoni tan-Nazzjonijiet Uniti dwar il-Liġi tal-Baħar (7) (UNCLOS), ir-Renju Unit għandu interessi tas-sajd leġittimi fiż-Żona tal-Konvenzjoni previsti fil-Konvenzjoni NEAFC (ibħra internazzjonali) bħala Stat kostali, sa fejn l-ilmijiet taħt iż-żona ekonomika esklużiva tar-Renju Unit jaqgħu fi ħdan iż-żona ta’ dik il-Konvenzjoni.

(11)

Sabiex jiġi evitat sajd mhux sostenibbli, huwa fl-interess tal-Unjoni li r-Renju Unit jikkoopera fil-ġestjoni tal-istokkijiet ta’ interess komuni b’konformità sħiħa mad-dispożizzjonijiet tal-UNCLOS u mal-Ftehim tan-Nazzjonijiet Uniti fuq l-implimentazzjoni tad-dispożizzjonijiet tal-Konvenzjoni tan-Nazzjonijiet Uniti fuq il-Liġi tal-Baħar tal-10 ta’ Diċembru 1982 dwar il-konservazzjoni u l-amministrazzjoni ta’ ħażniet ta’ ħut li jpassi f’żona limitata (straddling) u ħażniet ta’ ħut li jpassi ħafna (highly migratory) (UNFSA) (8), u ma’ kwalunkwe ftehim internazzjonali jew regola oħra tad-dritt internazzjonali.

(12)

Kif previst fl-Artikolu 63(2) UNCLOS u fl-Artikolu 8 UNFSA, meta l-istess stokk jew stokkijiet ta’ speċijiet assoċjati jinstabu kemm fiż-żona ekonomika esklużiva kif ukoll fiż-żona lil hinn u maġenb dik iż-żona, l-Istat kostali u l-Istati li jistadu għal stokkijiet bħal dawn maġenb dik iż-żona jridu jikkooperaw bil-ħsieb li jaqblu dwar il-miżuri meħtieġa għall-konservazzjoni ta’ dawk l-istokkijiet maġenb dik iż-żona. Tali kooperazzjoni tista’ tiġi stabbilita fil-qafas tal-organizzazzjonijiet reġjonali għall-ġestjoni tas-sajd. L-adeżjoni tar-Renju Unit mal-Konvenzjoni NEAFC ser tippermetti li r-Renju Unit jikkoopera dwar il-miżuri meħtieġa għall-ġestjoni tas-sajd bil-ħsieb li jiġi żgurat li l-attivitajiet tas-sajd jitwettqu b’mod li jirriżulta fl-isfruttament sostenibbli tal-istokk jew l-istokkijiet ikkonċernati.

(13)

L-adeżjoni qabel l-iskadenza tal-perijodu ta’ tranżizzjoni tippermetti li r-Renju Unit jagħti effett sħiħ lill-obbligi li jirriżultaw mill-UNCLOS fir-rigward tal-miżuri ta’ konservazzjoni u ġestjoni li jidħlu fis-seħħ mill-mument li jintemm il-perijodu ta’ tranżizzjoni u d-dritt tal-Unjoni ma jibqax japplika għalih. Huwa għalhekk fl-interess tal-Unjoni li tapprova l-applikazzjoni għall-adeżjoni mal-Konvenzjoni NEAFC imressqa mir-Renju Unit sal-iskadenza tal-perijodu ta’ notifika msemmi fl-Artikolu 20(4) tal-Konvenzjoni NEAFC.

(14)

Fl-interessi taċ-ċarezza u ċ-ċertezza tad-dritt, id-Deċiżjoni (UE) 2019/510 jenħtieġ li titħassar,

“(a)

il-pajjiż jew l-organizzazzjoni ta’ integrazzjoni ekonomika reġjonali tal-oriġini tal-bijomassa forestali:

“(a)

il-pajjiż jew l-organizzazzjoni ta’ integrazzjoni ekonomika reġjonali tal-oriġini tal-bijomassa forestali huma Parti għall-Ftehim ta’ Pariġi u: