Kooperazzjoni xjentifika u teknologika bejn l-UE u l-Eġittu

PUNTI EWLENIN

L-attivitajiet li saru taħt il-ftehim huma bbażati fuq sett ta’ prinċipji:

• il-promozzjoni ta’ soċjetà bbażata fuq l-għarfien biex trawwem l-iżvilupp soċjali u ekonomiku taż-żewġ partiti;
• benefiċċji reċiproki bbażati fuq bilanċ globali tal-vantaġġi;
• aċċess reċiproku għall-attivitajiet ta’ programmi u proġetti ta’ riċerka mwettqa minn kull parti;
• l-iskambju f’waqtu ta’ informazzjoni;
• il-protezzjoni tad-drittijiet tal-proprjetà intellettwali

Kooperazzjoni

• Entitajiet ġuridiki¹ tista’ tieħu sehem f’attivitajiet kooperattivi indiretti fil-programmi qafas ta’ riċerka u innovazzjoni tal-UE (Orizzont Ewropa) taħt l-istess kundizzjonijiet bħal dawk applikabbli għal entitajiet legali tal-Istati Membri tal-UE, suġġett għat-termini u kundizzjonijiet stipulati f’Annessi I u II tal-ftehim.
• Entitajiet legali stabbiliti ġo Stat Membru jistgħu jieħdu sehem fi programmi u proġetti ta’ riċerka li jkopru oqsma simili għal dawk tal-programmi qafas taħt l-istess kundizzjonijiet bħal dawk applikabbli għal entitajiet legali tal-Eġittu, suġġett għat-termini u kundizzjonijiet stipulati f’Anness I u II tal-ftehim.

L-attivitajiet koperattivi jistgħu jinkludu dawn li ġejjin:

• diskussjonijiet regolari dwar il-linji gwida u l-prijoritajiet għall-politiki ta’ riċerka u ppjanar fl-Eġittu u l-UE;
• diskussjonijiet dwar prospetti ta’ kooperazzjoni u żviluppi;
• għoti f’waqtu ta’ informazzjoni dwar l-implimentazzjoni ta’ programmi u ta’ proġetti ta’ riċerka rispettivi;
• laqgħat konġunti;
• żjarat u skambji ta’ riċerkaturi, ta’ inġiniera u ta’ tekniċi, inkluż għal skopijiet ta’ taħriġ;
• skambji u kondiviżjoni ta’ tagħmir u materjal;
• kuntatti regolari u sostnuti bejn diretturi ta’ programmi jew ta’ proġetti tal-partijiet;
• parteċipazzjoni ta’ esperti f’seminars, konferenzi, simpożja u sessjonijiet ta’ ħidma;
• skambji ta’ informazzjoni dwar prattiċi, liġijiet, regolamenti u programmi rilevanti għall-kooperazzjoni taħt dan il-ftehim;
• taħriġ fl-iżvilupp tar-riċerka u tat-teknoloġija;
• aċċess reċiproku għall-informazzjoni xjentifika u teknoloġika fi ħdan il-kamp ta’ applikazzjoni ta’ din il-kooperazzjoni;
• kwalunkwe arranġament ieħor adottat mill-Kumitat ta’ Kooperazzjoni Xjentifika u Teknika Konġunta mwaqqaf taħt dan l-arranġament.

Taħt il-protokoll, l-Eġittu trid tikkontribwixxi finanzjarjament għall-baġit ġenerali tal-UE li jikkorrispondi għall-programmi speċifiċi li taħthom tipparteċipa. Memorandum ta’ qbil bejn il-Kummissjoni u l-awtoritajiet tal-Eġittu jistabbilixxi t-termini u l-kundizzjonijiet speċifiċi, b’mod partikolari il-kontribuzzjoni finanzjarja u l-proċeduri ta’ rapportar u evalwazzjoni, fir-rigward tal-parteċipazzjoni tal-Eġittu f’kull parteċipazzjoni.

L-Eġittu tipparteċipa fl-inizjattiva Sħubija għar-Riċerka u Innovazzjoni fiż-Żona tal-Mediterran (PRIMA), imwaqqfa taħt Deċiżjoni (UE) 2017/1324 (ara s-sommarju). PRIMA għandha l-għan li tiġbor flimkien l-għarfien u r-riżorsi finanzjarji tal-UE u tal-pajjiżi parteċipi biex tibni kapaċitajiet tar-riċerka u innovazzjoni u tiżviluppa soluzzjonijiet tal-għarfien u innovattivi konġunti għall-ilma u sistemi tal-ikel fiż-żona tal-Mediterran. L-UE ser tipprovdi sa €200 miljun mill-programm Orizzont 2020 lil PRIMA.