Il-kompiti ta' Petersberg

Dawn il-kompiti ġew stabbiliti fid-Dikjarazzjoni ta' Petersberg adottata fil-Kunsill Ministerjali tal-Unjoni Ewropea tal-Punent (WEU) f'Ġunju 1992. F'dik l-okkażjoni, il-pajjiżi membri tal-WEU ddikjaraw li huma lesti minnufih li jagħmlu disponibbli għall-WEU, iżda wkoll għan-NATO u għall-UE, unitajiet militari mill-ispettru sħiħ tal-forzi armati konvenzjonali tagħhom.

Minn dak iż-żmien 'il quddiem, koprew:

• kompiti umanitarji u ta' salvataġġ;
• kompiti tal-prevenzjoni ta' kunflitti u ta' żamma tal-paċi;
• kompiti tal-forzi tal-kumbattiment fil-ġestjoni ta' kriżijiet, inkluż ta' stabbiliment tal-paċi;
• operazzjonijiet konġunti ta' diżarm;
• kompiti ta' konsulenza u assistenza militari;
• kompiti ta' stabbilizzazzjoni ta' wara kunflitt.