Kooperazzjoni amministrattiva fil-qasam tat-tassazzjoni

PUNTI EWLENIN

Id-Direttiva 2011/16/UE tapplika għat-taxxi kollha apparti minn dawn li ġejjin:

• taxxa fuq il-valur miżjud (VAT) jew dazji doganali;
• dazji tas-sisa koperti minn leġiżlazzjoni oħra tal-UE;
• kontribuzzjonijiet tas-sigurtà soċjali obbligatorji;
• mIżati għal ċertifikati u dokumenti maħruġa minn awtoritajiet pubbliċi;
• pagamenti lil utilitajiet pubbliċi.

Id-Direttiva Emendatorja (UE) 2021/514 tiċċara li l-VAT u taxxi oħra indiretti jaqgħu fl-ambitu tad-Direttiva 2011/16/UE. B’hekk, informazzjoni kkomunikata bejn l-Istati Membri tista’ tintuża wkoll għall-valutazzjoni, amministrazzjoni u infurzar ta’ VAT u taxxi oħra indiretti.

L-Istati Membri jappuntaw awtorità biex tissorvelja d-direttiva. Din tistabbilixxi uffiċċju ta’ kollegament ċentrali, li r-rwol tiegħu hu li:

• jżomm kuntatti mal-Kummissjoni u l-kontropartijiet nazzjonali;
• jipproċessa t-talbiet għal informazzjoni.

Skambju ta’ informazzjoni fuq talba

Il-proċedura tirrekjedi li:

• awtorità li tkun ikkuntattjata (l-awtorità rikjedenti) tixxerja kull informazzjoni fil-pussess tagħha jew li hi sussekkwentement tiskopri;
• formoli kompjuterizzati standard imfassla mill-Kummissjoni biex jintużaw, fejn possibbli;
• l-awtorità rikjedenti tispeċifika:
  • ir-raġunijiet ta’ taxxa wara t-talba tagħha;
  • l-informazzjoni li għandha bżonn;
• l-awtorità rikjesta:
  • tirrikonoxxi elettronikament fi żmien 7 ijiem ta’ ħidma li tkun irċeviet it-talba;
  • tiġbor l-informazzjoni, anki jekk ma jkollhiex bżonnha għall-iskopijiet ta’ taxxa tagħha stess;
  • tipprovdi l-informazzjoni kemm jista’ jkun mallajr, u fi żmien 3 xhur l-iktar tard jew fi żmien xahrejn jekk diġà jkollha l-informazzjoni,
  • twieġeb fi żmien xahar jekk tirrekjedi dettalji addizzjonali, ma jkollhiex l-informazzjoni jew tiċħad li taqsamha għal raġunijiet bħal sigriet kummerċjali jew politika pubblika, jew għax tirreferi għal taxxi ta’ qabel Jannar 2011.

Kull sena, l-awtoritajiet fi Stat Membru awtomatikament jiskambjaw informazzjoni mal-kontropartijiet tagħhom ġo Stat Membru ieħor għaċ-ċittadini ta’ dan l-aħħar li jirresjedu fit-territorju tal-ewwel. Din l-informazzjoni tirrelata mal-kategoriji li ġejjin:

• introjtu mill-impjieg;
• miżati tad-direttur;
• introjtu minn skemi tal-assigurazzjoni tal-ħajja;
• pensjonijiet;
• sjieda ta’ u introjtu minn proprjetà immobbli;
• royalties (li daħħlu f’DAC7);
• introjtu minn dividendi mhux ta’ kustodja (li daħlu f’DAC8).

L-Istati Membri:

• jimmiraw li jinkludu n-numru ta’ identifikazzjoni tat-taxxa ta’ individwu (TIN) flimkien mal-informazzjoni ta’ hawn fuq mill-1 ta’ Jannar 2024.
• jinfurmaw lill-Kummissjoni kull sena dwar l-informazzjoni skambjata, li inizjalment tkopri tnejn mill-kategoriji ta’ fuq imma li ser tkopri tal-inqas ħamsa minnhom mill-1 ta’ Jannar 2026:
• jirrekjedu li l-awtorità nazzjonali tipprovdi l-informazzjoni taħt DAC2 (“rapportar dwar l-istituzzjoni finanzjarja”) timplimenta r-rapportar dettaljat finanzjarju u personali u regoli dwar diliġenza dovuta stipulati f’Annessi I u II u awtomatikament jiskambjaw:
  • informazzjoni dwar sentenzi transkonfinali avvanzati u arranġamenti ta’ ffissar ta’ prezzijiet avvanzati taħt DAC3.
  • rapporti pajjiż b’pajjiż ta’ grupp ta’ intrapriżi multinazzjonali, inkluża data fuq kull ġuriżdizzjoni ta’ taxxa fejn tkun attiva u fuq profitt ta’ qabel it-taxxa (Anness II jelenka d-dettalji meħtieġa) taħt DAC4.
  • arranġamenti reportabbli transkonfinali li jinvolvu iktar minn Stat Membru wieħed jew Stat Membru u pajjiż mhux tal-UE taħt DAC6.
• jirrekjedu li pjattaformi diġitali (“operaturi ta’ pjattaformi”) taħt DAC7 jirrappurtaw ġo Stat Membru u jimplimentaw ir-rapportar u regoli ta’ diliġenza dovuta li hemm f’Anness V dwar bejjiegħa li jużaw is-servizzi tagħhom għal:
  • kiri ta’ proprjetà immobbli residenzjali u kummerċjali;
  • servizzi personali;
  • il-bejgħ ta’ prodotti;
  • kirjiet ta’ trasport;
• jagħtu lill-Kummissjoni kull sena statistiċi dwar l-iskambju awtomatiku ta’ informazzjoni;
• jżommu rekords tal-informazzjoni li jkunu rċevew permezz tal-iskambji awtomatiċi għal tal-inqas ħames snin;
• jimmonitorjaw u jassessjaw il-kooperazzjoni amministrattiva u jaqsmu s-sejbiet tagħhom kull sena mal-Kummissjoni;
• jiddeterminaw pieni għal ksur tal-leġiżlazzjoni.

Skambju spontanju ta’ informazzjoni

L-awtoritajiet nazzjonali jridu spontanjament jipprovdu informazzjoni lill-kontropartijiet tagħhom kemm jista’ jkun malajr, u fi żmien mhux iktar minn xahar jekk jemmnu li:

• Stat Membru ieħor forsi jkollu telf ta’ taxxa;
• xi ħadd jirċievi benefiċċju ta’ taxxa fi Stat Membru wieħed li jżid l-obbligazzjoni tagħhom f’ieħor;
• kuntatti kummerċjali bejn żewġ persuni fi Stati Membri differenti jistgħu jwasslu għal tfaddil ta’ taxxa f’xi wieħed minnhom jew fit-tnejn;
• tfaddil ta’ taxxa huwa bbażat fuq trasferimenti artifiċjali fi ħdan grupp ta’ kumpaniji;
• informazzjoni li jirċievu minn xi awtorità oħra tista’ tkun rilevanti biex tassessja l-bażi tal-istima tat-taxxa fi Stat Membru ieħor.

Kooperazzjoni amministrattiva addizzjonali

L-awtoritajiet nazzjonali jistgħu:

• jitolbu li l-uffiċjali tagħhom jipparteċipaw f’inkjesti mwettqa fi Stat Membru ieħor;
• jaqblu li jwettqu verifiki simultanji f’żewġ Stati Membri jew iktar fuq individwi ta’ interess komuni;
• jistaqsu għal feedback fuq informazzjoni li jkunu pprovdew u jagħtu feedback annwali fuq l-iskambju awtomatiku ta’ informazzjoni lis-sieħba tagħhom.

Informazzjoni

• kkomunikata bejn Stati Membri hi koperta minn regoli dwar is-segretezza uffiċjali;
• tista’ tintuża biex:
  • tinforza l-leġiżlazzjoni nazzjonali fuq VAT, taxxi indiretti oħra, dazji doganali, u finanzjament tal-ġlieda kontra ħasil tal-flus u ta’ kontra t-terroriżmu,
  • tassessja taxxi u dazji oħra koperti minn arranġamenti ta’ assistenza reċiproka;
  • tappoġġja proċedimenti ġudizzjarji u amminstrattivi li jistgħu jwasslu għal pieni;
• tista’ tkun ixxerjata ma’ pajjiż mhux tal-UE jekk l-Istat Membru oriġinarjament ikun qabel;
• li tkun ġejja minn pajjiż mhux tal-UE, bi ftehim miegħu, tista’ tkun ipprovduta lil Stat Membru ieħor jekk din tkun meqjusa li tkun utli.

Il-Kummissjoni tipprovdi lill-Istati Membri b’mezzi elettroniċi u awtomatizzati biex jivverifikaw jekk it-TIN ta’ individwu hux korrett.

Id-direttiva rrevokat id-Direttiva 77/799/KEE fl-1 ta’ Jannar 2013.

Id-Direttiva Emendatorja (UE) 2023/2226 testendi l-kooperazzjoni amministrattiva tat-taxxa għal kriptoassi billi titlob li:

• fornituri tas-servizzi tal-kriptoassi jikkonformaw mal-obbligi ta’ rapportar dettaljat u ta’ diliġenza dovuta f’Anness VI;
• awtoritajiet nazzjonali awtomatikament jixxerjaw l-informazzjoni li jirċievu mill-fornituri tas-servizzi mal-kontropartijiet tal-UE tagħhom fi żmien 9 xhur mit-tmiem tas-sena kalendarja — l-ewwel skambju ser isir mill-1 ta’ Jannar 2026.

Hi titlob ukoll li l-awtoritajiet nazzjonali jikkomunikaw l-informazzjoni li ġejja għal kull:

• persuna koperta mil-leġiżlazzjoni (“persuna li tista’ tkun irraportata”) — isem, indirizz, Stat Membru tar-residenza, TIN u data u post tat-twelid;
• il-fornitur tas-servizzi tal-kriptoassi — isem, indirizz, TIN, u jekk ikun disponibbli, in-numru individwali ta’ identifikazzjoni pprovdut waqt ir-reġistrazzjoni;
• tranżazzjonijiet tal-kriptoassi — dettalji bħal ammont li tħallas, unitajiet involuti u l-valur tas-suq.

Dan jirrekjedi li l-Kummissjoni:

• tagħmel standard il-formola kompjuterizzata li trid tintuża għall-iskambju ta’ informazzjoni;
• tissettja arranġamenti prattiċi u tekniċi għar-reġistrazzjoni u identifikazzjoni ta’ fornituri ta’ kriptoassi;
• twaqqif reġistru tal-kriptoassi sal-31 ta’ Diċembru 2025;
• tipprovdi lill-Istati Membri b’aċċess għal direttorju ċentrali sigur sal-31 ta’ Diċembru 2026.