Kriżi ekonomika u finanzjarja — Dimensjoni reġjonali u urbana

PUNTI EWLENIN

Impatt reġjonali

• Il-kriżi temmet perjodu twil fejn matulu d-disparitajiet reġjonali fil-prodott domestiku gross (PDG) għal kull ras u l-qagħad kienu naqsu. B'mod partikolari:
  • PDG: f'żewġ terzi tar-reġjuni tal-UE, il-PDG annwali naqas sa – 6 % bejn l-2007 u l-2010, filwaqt li 1 minn kull 2 reġjuni raw tnaqqis fl-impjiegi totali.
  • Qgħad: aktar minn 4 minn kull 5 reġjuni raw żieda bejn l-2008 u l-2010. Fl-2008, 52 reġjun kellhom 1 minn kull 3 żgħażagħ attivi ekonomikament mingħajr xogħol.
  • Migrazzjoni: bejn l-2009 u l-2011, iż-żieda annwali fin-numru ta' ċittadini tal-UE li jgħixu barra minn pajjiżhom kien ta' 0.9 miljun, filwaqt li bejn l-2004 u l-2008, kien ta' 1.5 miljun.

Impatt urban

• Ir-rapport jeżamina l-impatt li l-kriżi kellha fuq reġjuni b'aktar minn 250,000 abitant, magħrufa bħala reġjuni metro, kif ukoll fuq il-bliet. Qies il-punti li ġejjin.
  • Reġjuni metro: bejn l-2007 u l-2010, fi 2 minn kull 3 pajjiżi tal-UE, il-PDG għal kull ras kien żdied fuq medja meta mqabbla mal-pajjiż b'mod sħiħ. Waqt l-istess perjodu, niżel fi 3 minn kull 5 reġjuni, b'mod partikolari f'dawk żgħar.
  • Bliet: fl-2011, dawk li jgħixu fl-ibliet fil-pajjiżi 'antiki' tal-UE (UE-15) kienu f'riskju akbar ta' faqar jew ta' esklużjoni soċjali minn dawk li kienu jgħixu x'imkien ieħor. L-ibliet f'pajjiżi tal-UE aktar żviluppati kellhom it-tendenza li jkollhom rati ta' xogħol aktar baxxi u rati ta' qgħad ogħla minn bliet iżgħar, subborgi u żoni rurali.

Impatt tal-politika ta' koeżjoni

• Minħabba l-kriżi, ħafna mill-pajjiżi tal-UE qed jesperjenzaw:
  • PDG u livelli ta' xogħol taħt il-livelli ta' qabel il-kriżi;
  • livelli ogħla ta' qgħad, faqar u esklużjoni;
  • tnaqqis fid-dħul għal kull dar, anqas konsum u importazzjonijiet;
  • livelli mingħajr preċedent ta' dejn pubbliku u l-ħtieġa għal konsolidazzjoni fiskali (jiġifieri sabiex jitnaqqsu d-defiċits u d-dejn tal-gvern).
• Il-Kummissjoni tirrakkomanda li l-programmi ta' koeżjoni futuri:
  • jirriflettu l-intensità differenti tal-problemi esperjenzati madwar l-UE;
  • ipoġġu enfażi speċjali fuq l-investiment sabiex jippromwovu t-tkabbir ekonomiku u joħolqu x-xogħol;
  • jikkonċentraw ir-riżorsi fuq oqsma magħżula, b'mod partikolari
    • xogħol, speċjalment għaż-żgħażagħ
    • taħriġ u edukazzjoni
    • l-inklużjoni soċjali
    • innovazzjoni u SMEs
    • effiċjenza tal-enerġija u ekonomija b’livell baxx ta’ karbonju
    • teknoloġiji tal-informatika u l-komunikazzjoni, inkluż l-ekonomija diġitali.
• Id-dokument ta’ ħidma tal-persunal tal-Kummissjoni li jakkumpanja r-rapport jipprovdi evidenza ta' statistika addizzjonali.