IL-KUMMISSJONI EWROPEA

Brussell, 19.7.2022

COM(2022) 340 final

RAPPORT TAL-KUMMISSJONI LILL-KUNSILL U LILL-PARLAMENT EWROPEW

Sommarju tar-rapporti annwali ta’ implimentazzjoni għall-programmi operazzjonali kofinanzjati mill-Fond għal Għajnuna Ewropea għall-Persuni l-Aktar fil-Bżonn fl-2020

   1. INTRODUZZJONI

Il-Fond għal Għajnuna Ewropea għall-Persuni l-Aktar fil-Bżonn (FEAD) 1 jgħin sabiex jindirizza l-agħar forom ta’ faqar fl-UE, bħall-privazzjoni alimentari, il-faqar fost it-tfal u l-kondizzjoni ta’ persuni mingħajr dar. Kien hemm total ta’ EUR 3,8 biljuni (prezzijiet attwali) disponibbli mill-FEAD għall-perjodu bejn l-2014 u l-2020. L-UE tipprovdi sa 85 % tal-finanzjament, u dan huwa kkomplementat mir-riżorsi proprji tal-Istati Membri. Dan iġib il-valur totali tal-fond għal madwar EUR 4,5 biljuni.

L-Istati Membri jistgħu jużaw il-fond b’żewġ modi:

·għal programm operazzjonali li jagħti assistenza alimentari u/jew assistenza materjali bażika (PO I); u/jew

·għal programm operazzjonali li jippromwovi l-inklużjoni soċjali (PO II).

L-assistenza alimentari u/jew assistenza materjali bażika trid tiġi kkomplementata minn miżuri ta’ akkumpanjament, bħal attivitajiet edukattivi għall-promozzjoni ta’ nutrizzjoni sana u pariri tajbin rigward it-tħejjija u l-ħżin tal-ikel, l-iffaċilitar tal-aċċess għall-kura tas-saħħa, appoġġ psikoloġiku u terapewtiku, programmi ta’ ħiliet, pariri dwar il-ġestjoni tal-baġit ta’ unità domestika, attivitajiet soċjali u ta’ divertiment u l-għoti ta’ servizzi legali.

F’konformità mal-bażi ġuridika tiegħu 2 , dan is-sommarju huwa bbażat fuq ir-rapporti ta’ implimentazzjoni nazzjonali tal-2020, li l-Kummissjoni rċeviet mingħand l-Istati Membri. Bħalma sar fis-snin ta’ qabel, ir-rapport jinkludi wkoll żviluppi u informazzjoni finanzjarja lil hinn mill-2020 meta disponibbli.

Skont ir-Rapporti ta’ Implimentazzjoni Annwali tal-FEAD tal-2020, il-fond għen sabiex jiġu indirizzati l-impatti negattivi tal-pandemija tal-COVID-19 fuq il-persuni l-aktar fil-bżonn u sabiex jittaffew l-agħar forom ta’ faqar u esklużjoni soċjali. Minkejja l-baġit limitat tiegħu, il-FEAD wera li rnexxielu jikkomplementa l-isforzi nazzjonali sabiex jindirizza l-privazzjoni materjali u jiġġieled il-faqar u l-esklużjoni soċjali. B’mod partikolari, indirizza l-privazzjoni alimentari, il-faqar fost it-tfal u l-kondizzjoni ta’ persuni mingħajr dar. Bis-saħħa tal-flessibilitajiet addizzjonali għall-programmi tal-FEAD ipprovduti skont l-Azzjoni ta’ Koeżjoni għar-Refuġjati fl-Ewropa (CARE), il-finanzjament mill-FEAD se jkun kruċjali wkoll sabiex tingħata assistenza alimentari u assistenza materjali bażika tant meħtieġa lil dawk li qed jaħarbu mill-Ukrajna.

Il-FEAD huwa konsistenti mal-Istrateġija Ewropa 2020 u mal-Pjan ta’ Azzjoni tal-Pilastru Ewropew tad-Drittijiet Soċjali (b’mira li mill-anqas 15-il miljun persuna jitneħħew mir-riskju ta’ faqar jew esklużjoni soċjali sa tmiem l-2030), billi għandu l-għan li jippromwovi l-inklużjoni u l-protezzjoni soċjali. Jikkomplementa fondi oħrajn tal-UE, b’mod partikolari l-FSE u l-Fond għall-Ażil, il-Migrazzjoni u l-Integrazzjoni (AMIF), billi jimmira gruppi oħrajn jew billi jipprovdi miżuri komplementari.

Is-sitwazzjoni soċjali li fiha opera l-FEAD fl-2020 kienet ikkaratterizzata minn aktar sfidi f’termini ta’ faqar u esklużjoni soċjali minħabba l-pandemija tal-COVID-19. Fl-2020 ġie stmat li n-numru ta’ persuni f’riskju ta’ faqar jew ta’ esklużjoni soċjali 3 fl-UE huwa ta’ 96,5 miljun persuna, li jirrappreżenta 21,9 % tal-popolazzjoni totali. Dan ifisser żieda ta’ madwar 900 000 persuna meta mqabbel mal-2019. Madwar 6,3 miljun persuna esperjenzaw it-tliet riskji ta’ faqar u ta’ esklużjoni soċjali fl-istess ħin (jiġifieri r-riskju ta’ faqar ta’ introjtu, il-privazzjoni materjali u soċjali serja, u l-għajxien f’unità domestika b’intensità tax-xogħol baxxa ħafna). Fl-2020, 38 miljun persuna fl-UE ma felħux iħallsu għal ikla ta’ kwalità kull jumejn 4 , u llum, l-assistenza alimentari għadha essenzjali għal parti mill-popolazzjoni f’ħafna Stati Membri.

1.1    Żviluppi fil-futur

Għall-Qafas Finanzjarju Pluriennali 2021-2027 attwali, il-FEAD huwa integrat fil-Fond Soċjali Ewropew Plus (FSE+) sabiex jissimplifika l-finanzjament u jsaħħaħ is-sinerġiji bejn il-fondi. Sabiex jagħti spinta lill-appoġġ għall-inklużjoni soċjali, ir-Regolament dwar l-FSE+ 5 jirrikjedi li mill-anqas 25 % tal-fergħa tal-FSE+ dwar il-ġestjoni kondiviża tiġi allokata għall-għanijiet ta’ inklużjoni soċjali (meta mqabbla mal-20 % skont l-FSE 2014-2020), u b’allokazzjoni minima ulterjuri ta’ 3 % għal kull Stat Membru sabiex tiġi indirizzata l-privazzjoni materjali, l-objettiv ewlieni attwali tal-FEAD.

Japplikaw regoli speċifiċi għall-appoġġ sabiex tiġi indirizzata l-privazzjoni materjali, sabiex dan jibqa’ sempliċi kemm jista’ jkun. Kif irriżulta fl-evalwazzjoni ta’ nofs it-terminu tal-FEAD, il-partijiet ikkonċernati jivvalutaw u jenfasizzaw il-ħtieġa li jiġu ppreservati l-aspetti speċifiċi għall-fondi, (i) bħall-flessibbiltà u r-rekwiżiti amministrattivi ġeneralment anqas stretti meta mqabbla mal-programmi prinċipali tal-FSE, u (ii) bħan-networks u l-modalitajiet ta’ twassil operazzjonali stabbiliti. Livelli limiti baxxi jippermettu li l-għajnuna tingħata lil persuni li ma jintlaħqux mis-servizzi soċjali bħal persuni mingħajr dar, migranti ġodda jew mhux dokumentati, jew ċerti anzjani f’riskju ta’ faqar. Dan jippermetti wkoll rispons rapidu għall-ħtiġijiet emerġenti u s-sitwazzjonijiet ta’ kriżi.

1.2 Koordinazzjoni tal-FEAD fil-livell tal-UE

Bħalma sar fis-snin ta’ qabel, il-grupp ta’ esperti tal-FEAD baqa’ l-forum ewlieni għall-awtoritajiet maniġerjali sabiex jiskambjaw informazzjoni dwar l-implimentazzjoni tal-fond. Il-grupp ta’ esperti ltaqa’ darbtejn fl-2019 u erba’ darbiet fl-2020 sabiex jiddiskuti aspetti tal-implimentazzjoni tal-programm tal-FEAD, b’mod partikolari miżuri ta’ akkumpanjament, donazzjonijiet tal-ikel, awditi, koordinazzjoni ma’ fondi oħrajn tal-UE, għażliet ta’ kostijiet issimplifikati u vawċers elettroniċi. Fl-2020, l-aġenda tal-laqgħat kienet tinkludi wkoll ir-rispons għall-kriżi marbuta mal-pandemija tal-COVID-19, inklużi l-emendi rilevanti tar-Regolament dwar il-FEAD. F’Ottubru u f’Diċembru 2020, il-grupp ta’ esperti tal-FEAD iltaqa’ b’mod konġunt mal-grupp ta’ ħidma tekniku tal-FSE.

Sabiex jissaħħu r-relazzjonijiet mal-partijiet ikkonċernati, fl-2020 u fl-2021 l-attivitajiet ta’ apprendiment reċiproku għall-Komunità tal-FEAD ħadu post il-laqgħat preċedenti tan-network tal-FEAD. Matul dan il-perjodu saru tliet seminars tematiċi online, tliet skambji bejn il-pari u żewġ konferenzi, li matulhom ġew diskussi l-isfidi tal-implimentazzjoni li għad fadal u l-opportunitajiet offruti mill-FSE+.

B’mod partikolari, is-seminars u l-iskambji bejn il-pari ddiskutew:

·il-karatteristiċi tar-riċevituri finali l-ġodda tal-miżuri ffinanzjati mill-FEAD u l-prattiki ġodda implimentati matul il-kriżi tal-COVID-19;

·l-approċċi integrati possibbli sabiex tiġi appoġġata l-inklużjoni soċjali tar-riċevituri finali;

·il-monitoraġġ u s-sensibilizzazzjoni;

·il-miżuri ta’ akkumpanjament għall-inklużjoni soċjali matul u wara l-pandemija;

·l-implimentazzjoni ta’ skemi ta’ vawċers fiżiċi/vawċers elettroniċi;

·l-involviment u r-rwol tal-partijiet ikkonċernati u tar-riċevituri finali.

   

2. PROGRESS FL-IMPLIMENTAZZJONI TAL-PROGRAMMI OPERAZZJONALI 6

2.1. Implimentazzjoni finanzjarja

In-nefqa pubblika eliġibbli totali impenjata għall-appoġġ tal-FEAD kienet EUR 643 miljun fl-2020, jiġifieri żdiedet minn EUR 608 miljuni fl-2019. Fi tmiem l-2020, il-fondi kumulattivi impenjati (għall-2014-2020) ammontaw għal kważi EUR 3,9 biljuni, jew 85 % tar-riżorsi totali tal-programmi (li jinkludu fondi tal-UE u kofinanzjament nazzjonali). Tħallas ammont ta’ madwar EUR 552,2 miljun lill-benefiċjarji fl-2020, li hija żieda notevoli meta mqabbla mal-livelli tas-snin preċedenti (EUR 478,5 miljun fl-2019, EUR 501,2 miljun fl-2018, EUR 412,8-il miljun fl-2017 u EUR 435,2 miljun fl-2016). Iż-żieda prinċipalment saret minħabba li l-operazzjonijiet fir-Rumanija nbdew mill-ġdid fl-2020 7 . Din tirrifletti wkoll iż-żieda fid-domanda minħabba l-pandemija tal-COVID-19.

Skont id-data tal-2020, it-tifqigħa tal-COVID-19 irriżultat f’dikjarazzjonijiet aktar baxxi tan-nefqa mill-Istati Membri. Matul it-tieni trimestru tal-2020, dawk kienu jirrappreżentaw EUR 51 miljun - anqas minn nofs l-ammont korrispondenti mill-2019 (EUR 128 miljun). Madankollu, is-sitwazzjoni tjiebet fit-tieni nofs tas-sena. Finalment, l-ammont totali tal-FEAD iddikjarat matul l-2020 kien biss ftit anqas mill-ammont totali ddikjarat matul l-2019 (EUR 549 miljun meta mqabbel ma’ EUR 573 miljun fl-2019). L-ammont totali mħallas għall-FEAD fl-2021 żdied għal EUR 621 miljun minħabba r-riżorsi addizzjonali (EUR 81 miljun) li saru disponibbli taħt REACT-EU.

Il-FEAD wera li huwa adattabbli għall-ħtiġijiet emerġenti, bħall-kriżi tal-COVID-19, u li jindirizzahom. Ir-Regolament dwar il-FEAD ġie emendat f’April 2020 8 bħala parti mill-inizjattiva CRII+, u dan għamilha possibbli li jintużaw modalitajiet ta’ twassil indiretti, eż. vawċers jew kards (sabiex jitnaqqas ir-riskju ta’ kontaminazzjoni) u x-xiri ta’ tagħmir protettiv personali għall-organizzazzjonijiet li jagħtu l-appoġġ tal-FEAD. Barra minn hekk, l-emendi għamluha possibbli li tiġi pprovduta rata ta’ kofinanzjament ta’ 100 % lill-Istati Membri għal sena kontabilistika waħda. Sa tmiem l-2021 ġew emendati 12-il programm tal-FEAD: tmienja minnhom sabiex jibbenefikaw mir-rata ta’ kofinanzjament ta’ 100 %, u erbgħa minnhom biex jintroduċu miżuri ta’ emerġenza ħalli tiġi indirizzata l-pandemija tal-COVID-19.

Fi Frar 2021 ġiet adottata emenda oħra tar-Regolament dwar il-FEAD bħala parti mill-pjan ta’ rkupru tal-Kummissjoni skont REACT-EU 9 . Din l-emenda tippermetti lill-Istati Membri jallokaw finanzjament addizzjonali għal programmi skont l-FSE, il-FEAD u l-Fond Ewropew għall-Iżvilupp Reġjonali. Riżorsi addizzjonali jistgħu jsaħħu l-appoġġ eżistenti, bħall-assistenza alimentari u/jew assistenza materjali bażika jew proġetti ta’ inklużjoni soċjali. Dawn għandhom ikunu konformi mal-ħtiġijiet speċifiċi ta’ kull Stat Membru, u jqisu ż-żieda fin-numru ta’ persuni fil-bżonn mit-tifqigħa tal-pandemija tal-COVID-19. Taħt REACT-EU 2021, ġew emendati 13-il programm operazzjonali (il-Belġju, il-Bulgarija, l-Estonja, Spanja, Franza, il-Kroazja, l-Italja, il-Latvja, il-Lussemburgu, l-Awstrija, ir-Rumanija, is-Slovenja u s-Slovakkja), b’żieda totali ta’ EUR 506 miljun.

Fis-6 ta’ April 2022, ir-Regolament dwar il-FEAD ġie emendat 10 fir-rigward tal-Azzjoni ta’ Koeżjoni għar-Refuġjati fl-Ewropa (CARE). Issa jippermetti lill-Istati Membri u lir-reġjuni jkollhom aktar flessibbiltà sabiex jużaw il-FEAD ħalli jagħtu appoġġ ta’ emerġenza lill-persuni li qed jaħarbu mill-Ukrajna wara l-invażjoni mill-Federazzjoni Russa. B’mod speċifiku, dan jippermetti lill-Istati Membri jemendaw ċerti elementi tal-programm sabiex jindirizzaw il-kriżi, meta meħtieġ, u kemm jinnotifikaw lill-Kummissjoni minflok ma jkollhom bżonn l-approvazzjoni tagħha biex jagħmlu dan. Barra minn hekk, jipprevedi wkoll data aktar bikrija ta’ eliġibbiltà għal dawn l-azzjonijiet, mill-24 ta’ Frar 2022. Fl-aħħar nett, dan jestendi l-possibbiltà ta’ kofinanzjament tal-UE ta’ 100 % għas-sena kontabilistika li tibda fl-1 ta’ Lulju 2021 u li tispiċċa fit-30 ta’ Ġunju 2022. Minbarra f’hekk, fit-12 ta’ April ġie adottat Regolament 11 biex jikkomplementa l-CARE. Din l-emenda se tipprovdi likwidità u se tħaffef l-aċċess għall-fondi għall-benefiċjarji billi tipprovdi pagamenti addizzjonali ta’ prefinanzjament ta’ EUR 3,5 biljuni għall-porzjon ta’ REACT-EU tal-2021 għall-FEAD u l-programmi ta’ politika ta’ koeżjoni li jibbenefikaw mir-riżorsi ta’ REACT-EU. 

2.2 Implimentazzjoni fil-prattika

Għajnuna tal-FEAD u profil tar-riċevituri finali

Fl-2020, il-FEAD irnexxielu jipprovdi assistenza f’27 Stat Membru u għamel progress tajjeb sabiex jilħaq l-objettivi tiegħu. Il-biċċa l-kbira tal-Istati Membri (23 minn 27) qassmu assistenza alimentari u/jew assistenza materjali bażika flimkien mal-miżuri ta’ akkumpanjament (PO 1 – Tabella 1). Erba’ Stati Membri komplew iwettqu programmi ta’ inklużjoni soċjali (PO II – Tabella 1).

Tabella 1. Tip ta’ assistenza mogħtija fl-2020

PO	Tip ta’ assistenza	Stat Membru
PO I	Ikel	BE, BG, EE, ES, FI, FR, MT, PL, PT, SI, SK (11)
	Materjal bażiku	AT (1)
	It-tnejn li huma	CZ, EL, HR, HU, IE, IT, LT, LU, LV, RO (10)
PO II	Inklużjoni soċjali	DE, DK, NL, SE (4)

Sors: SFC2014

Fl-2020, il-FEAD appoġġa kważi 15-il miljun persuna b’assistenza alimentari (żieda minn 12,2-il miljun fl-2019), madwar 1,96 miljun persuna b’assistenza materjali (żieda minn 800 000 fl-2019) u 30 000 persuna b’assistenza għall-inklużjoni soċjali, l-istess bħal fl-2019. Iż-żidiet prinċipalment saru minħabba li l-operazzjonijiet fir-Rumanija nbdew mill-ġdid. Madankollu, dawn jirriflettu wkoll il-kriżi tas-saħħa tal-COVID-19 li aggravat il-kundizzjonijiet għall-persuni vulnerabbli eżistenti li jingħataw l-appoġġ mill-FEAD, filwaqt li persuni ġodda fittxew ukoll assistenza alimentari, inkluż persuni b’impjiegi prekarji (eż. kuntratti għal żmien qasir, xogħol temporanju jew informali), ħaddiema indipendenti u studenti żvantaġġjati fl-edukazzjoni terzjarja. L-aktar żidiet sinifikanti fir-riċevituri finali nstabu fi FR (714 000 aktar mill-2019), fl-IT (597 000 aktar), fi ES (268 000 aktar) u fl-HU (113 000 aktar). Min-naħa l-oħra, tmien Stati Membri 12 rreġistraw tnaqqis fin-numru tar-riċevituri finali, speċjalment il-HR (tnaqqis ta’ 175 000 riċevitur jew 88 % anqas mill-2019), is-SK (145 000 jew 51 % anqas 13 ), u CY (1 800 jew 76 % anqas), kif ukoll id-DK u n-NL.

Illustrazzjoni 1. Numru ta’ persuni li jirċievu appoġġ alimentari u/jew assistenza materjali bażika (miljuni)

Sors: SFC2014

Illustrazzjoni 2. Numru totali ta’ persuni li jirċievu appoġġ għall-inklużjoni soċjali

Sors: SFC2014

Ġeneralment, il-profil tal-gruppi fil-mira baqa’ stabbli iżda b’xi bidliet minuri. Fl-2020, skont l-istimi mill-organizzazzjonijiet sħab, madwar 47 % tar-riċevituri finali kienu nisa (2 punti perċentwali anqas mill-2019), 28 % kienu tfal ta’ 15-il sena jew anqas, madwar 10 % kienu migranti, parteċipanti bi sfond barrani jew minoranzi, 10 % kienu persuni ta’ 65 sena jew aktar (2 punti perċentwali aktar mill-2019), 6 % kienu persuni mingħajr dar u 6 % kienu persuni b’diżabilità.

It-tfal jirrappreżentaw madwar 28 % ta’ dawk li rċevew assistenza alimentari, assistenza materjali bażika jew assistenza għall-inklużjoni soċjali fl-2020. Dan is-sehem naqas bi ftit meta mqabbel mal-2019, meta kien 30 %. F’diversi Stati Membri, it-tfal irċevew l-akbar sehem ta’ appoġġ alimentari – b’mod partikolari fil-HR (93 %), fl-HU u f’MT (60 %) u fiċ-CZ (52 %). Barra minn hekk, it-tfal biss ngħataw assistenza materjali bażika f’CY, fl-HU u fl-IE, filwaqt li fl-AT kienu l-akbar grupp uniku (85 % tar-riċevituri finali).

Madwar 10 % tar-riċevituri finali kienu migranti, persuni bi sfond barrani, jew minoranzi. Madankollu, dan is-sehem jista’ jiġi sottovalutat peress li l-informazzjoni dwar il-migranti li jirċievu appoġġ mhux dejjem tiġi rrapportata għal raġunijiet ta’ protezzjoni tad-data (EL, FR u SK). Il-migranti b’mod ġenerali huma l-akbar grupp, segwit mir-rifuġjati u l-persuni li jfittxu l-ażil.

Madwar 6 % tar-riċevituri finali tal-FEAD kienu persuni mingħajr dar, u b’mod ġenerali, dan il-proporzjon għadu stabbli. Madankollu, huwa partikolarment diffiċli li tingħata stima tan-numru ta’ persuni mingħajr dar, peress li dawn mhumiex irreġistrati u sikwit joqogħdu lura milli jagħtu kwalunkwe informazzjoni personali. Fl-IE, fiċ-CZ u fi FR, aktar minn 13 % tar-riċevituri finali li rċevew assistenza alimentari kienu persuni mingħajr dar. Fl-IT, il-proporzjon ta’ persuni mingħajr dar li jirċievu assistenza alimentari kien relattivament baxx (3 %) iżda kien l-akbar grupp li rċieva għajnuna materjali bażika (66 % tar-riċevituri finali kollha). Iċ-CZ ukoll kellha proporzjon relattivament għoli ta’ riċevituri finali ta’ għajnuna materjali bażika li kienu mingħajr dar (21 %).

Madwar 6 % tar-riċevituri finali kienu persuni b’diżabilità. L-akbar sehem ta’ persuni b’diżabilità li jirċievu assistenza alimentari kien fil-BG u fl-HU (31 %), fir-RO (20 %), fil-PL u fil-LV (17 %). Fi FR, fl-IT, f’MT u fil-PT, dan il-perċentwal kien ta’ 1 % jew anqas. Min-naħa l-oħra, is-sehem ta’ persuni b’diżabilità li jirċievu assistenza materjali kien relattivament għoli fil-LV, fir-RO u fil-LT (bejn 13 % u 17 %).

Eżempji nazzjonali ta’ kif jintlaħqu t-tfal

Il-Latvja: Bi tkomplija ta’ dak li wettqet fl-2019, fl-2020 il-LV pprovdiet għajnuna speċifika lit-tfal. Dan jinkludi: i) tliet tipi ta’ pakketti tal-ikel għat-trabi u għat-tfal żgħar skont l-età; ii) erba’ settijiet differenti ta’ prodotti tal-iġjene għat-trabi u għat-tfal żgħar bejn 0 xhur u 24 xahar, skont l-età; iii) għajnuniet individwali għat-tagħlim għat-tfal bejn 5 u 10 snin; u iv) għajnuna individwali għat-tagħlim għat-tfal bejn 11 u 16-il sena. Sabiex tevita d-diskriminazzjoni, il-LV tiżgura b’mod speċifiku li l-materjali tal-iskola (bħall-basktijiet tal-iskola) ma jinkludux forom u tpinġijiet ikkuluriti li jsaħħu l-perċezzjonijiet stereotipiċi tal-ġeneru. Ir-Rumanija: It-tfal, b’mod partikolari dawk l-aktar żvantaġġjati, jikkostitwixxu l-biċċa l-kbira tar-riċevituri finali tal-programmi tal-FEAD. Dawn jirċievu għajnuna speċifika li tinkludi: i) pakketti ta’ iġjene personali; ii) vawċers elettroniċi għall-appoġġ edukattiv (għat-tfal żvantaġġjati eliġibbli), bl-għan li jiġi evitat li t-tfal ma jibqgħux jistudjaw u jħallu l-edukazzjoni preprimarja, primarja u sekondarja inferjuri fi stadju bikri. Kien previst ukoll l-għoti ta’ pakketti għat-trabi tat-twelid għall-2020. Madankollu, minħabba l-pandemija tal-COVID-19, il-miżura ma setgħetx tiġi implimentata. Ċipru: Fi Frar 2018, il-proċess tal-għoti ta’ assistenza materjali lir-riċevituri beda bl-implimentazzjoni tal-programm bl-isem ta’ “dota għat-trabi tat-twelid” (prika tou morou), għat-trabi li twieldu wara l-1 ta’ Jannar 2017. Il-programm qiegħed jiġi implimentat b’mod sodisfaċenti u kif ippjanat. L-oġġetti essenzjali għat-trabi tat-twelid jinkludu s-sodod, il-ħrieqi u s-saqqijiet. Minkejja l-isfidi minħabba l-COVID-19, it-tqassim ta’ dawn il-prodotti essenzjali ma ġiex interrott, iżda kien hemm xi bidliet fil-mod kif il-prodotti ġew ikkunsinnati sabiex jiġu żgurati s-sikurezza u s-saħħa ta’ dawk kollha involuti.

PO I – Assistenza alimentari

Wara tliet snin bi tnaqqis minuri mil-lat tal-kwantità, l-assistenza alimentari żdiedet b’mod sostanzjali fl-2020 u laħqet l-428 000 tunnellata (żieda minn 345 000 tunnellata fl-2019). L-ammont kumulattiv matul il-perjodu 2014-2020 ammonta għal aktar minn 2 460 000 tunnellata ta’ ikel. Madwar żewġ terzi tat-23 Stat Membru li qegħdin jimplimentaw il-PO I, żiedu l-kwantità ta’ ikel li tqassam jew żammew l-istess kwantità. Iż-żidiet f’termini perċentwali kienu partikolarment b’saħħithom fil-PT (+123 %), fl-IT (+77 %), fil-PL (+55 %) u fl-EE (+36 %), filwaqt li r-RO rrapportat ammont pożittiv għall-ewwel darba mill-2016. L-aktar tnaqqis sinifikanti, ukoll f’termini perċentwali, sar fil-HR (-79 %) u fis-SK (-64 %) 14 , filwaqt li CY waqqaf it-tqassim tal-assistenza alimentari. Fl-2020, l-Estonja għall-ewwel darba implimentat it-tqassim tad-donazzjonijiet tal-ikel, bl-għajnuna tal-organizzazzjoni sieħba tagħha (il-Bank tal-Ikel tal-Estonja).

Illustrazzjoni 3. Assistenza alimentari pprovduta fl-2014-2019 (eluf ta’ tunnellati) mill-Istat Membru

Sors: SFC2014

Fl-2020, aktar minn nofs it-total tal-ikel imqassam (57 %) kien jikkonsisti fi prodotti tal-ħalib, kif ukoll dqiq, ħobż, patata, u prodotti oħrajn li fihom il-lamtu. Il-proporzjon ta’ prodotti tal-ħalib (31 % tat-total) kien partikolarment għoli fi FR (50 %), fi ES (47 %) u fis-SI (46 %). Il-proporzjon ta’ dqiq, ħobż, patata, u prodotti oħrajn li fihom il-lamtu (26 % tat-total) kien jikkostitwixxi l-biċċa l-kbira tal-ikel imqassam fil-FI, fis-SK, fir-RO, fil-LV u f’MT (li jvarja minn 62 % fil-FI għal 50 % f’MT) filwaqt li fl-IT kien l-akbar grupp tal-ikel uniku, b’49 %. Bi 18 %, il-frott u l-ħaxix jikklassifikaw bħala t-tielet kategorija f’termini perċentwali, bi proporzjonijiet partikolarment għoljin fil-PT (38 %), f’MT (36 %), fil-BG (33 %), fil-PL u fl-IE (it-tnejn bi 28 %). Il-kategoriji li jifdal (laħam, bajd, ħut, u frott tal-baħar; xaħmijiet u żjut; ikel ta’ konvenjenza 15 ) kollha kienu jikkostitwixxu madwar 7 sa 8 % tat-total, filwaqt li z-zokkor ikkostitwixxa 3 % 16 . Il-kost tal-ikel imqassam għal kull persuna jvarja b’mod pjuttost sinifikanti bejn l-Istati Membri u minn sena għall-oħra. Dan huwa l-aktar minħabba l-ammont u t-tip ta’ prodotti mqassma (eż. rata għolja ta’ prodotti friski) kif ukoll l-intensità tal-appoġġ.

Il-proporzjon ta’ prodotti tal-ikel kofinanzjati mill-FEAD fil-volum totali ta’ ikel imqassam mill-organizzazzjonijiet sħab kien madwar 50 % tat-total. Filwaqt li l-proporzjon kien anqas minn 25 % fi FR, fil-LU u fil-FI, l-ikel tqassam kollu fil-BG, fi ES u fl-HU 17 . Il-21 Stat Membru kollha li jqassmu l-ikel qassmuh fl-għamla ta’ pakketti tal-ikel standardizzati. 13-il Stat Membru wkoll ipprovdew l-ikliet: BE, BG, CZ, EL, ES, FI, HR, HU, IE, IT, LV, PL u SK.

PO I – Assistenza materjali bażika

12-il Stat Membru qassmu assistenza materjali bażika fl-2020. Dawn kienu AT, CY, CZ, EL, HR, HU, IE, IT, LT, LU, LV u RO. Il-lista hija simili għal dik tal-2019 għajr ir-RO, li ma kinitx qiegħda tqassam assistenza materjali bażika, u s-SK, li waqfet tqassam din l-għajnuna fl-2020, kif imsemmi qabel.

L-ammont ta’ assistenza materjali bażika kompla jiżdied b’mod sinifikanti. Fl-2020, l-Istati Membri qassmu materjal bażiku b’valur ta’ EUR 69,2 miljun, żieda minn 19,2-il miljun fl-2019, (li diġà kienet żdiedet bi 42 % meta mqabbla mal-2018 u b’44 % meta mqabbla mal-2017). Din iż-żieda saret minħabba żieda pjuttost mifruxa fl-għoti ta’ assistenza materjali f’diversi Stati Membri. Iż-żidiet kienu partikolarment evidenti fl-AT, fiċ-CZ, fil-EL, fil-LV, u fuq kollox fl-IT (b’żieda ta’ aktar minn ħames darbiet) u fir-RO, li hija responsabbli għall-maġġoranza assoluta tal-assistenza materjali mqassma fl-UE (EUR 41,2 miljun). L-assistenza materjali bażika naqset b’mod sinifikanti fil-HR (minn EUR 2,2 miljuni għal EUR 368 000) u sa ċertu punt fil-LT u fil-LU, filwaqt li s-SK waqfet it-tqassim 18 .

L-oġġetti għall-iskejjel u l-prodotti tal-kura personali għall-familji bit-tfal baqgħu l-oġġetti ewlenin tal-assistenza materjali bażika mqassma permezz tal-FEAD. Fl-2020, l-oġġetti li ngħataw lill-familji bit-tfal kienu jinkludu l-kartolerija u materjali tal-iskola (AT, EL, HR, HU, IE u LV), basktijiet tal-iskola (AT, EL, HR u LV), pakketti għall-kura tat-trabi (CY, EL, HR, HU, IE u LV), tagħmir sportiv (EL u HR) u ħwejjeġ (EL, HR u IT). Fil-EL, fl-HU, fil-LU u fil-LV tqassmu wkoll oġġetti bħal deterġenti tal-ħasil tal-ħwejjeġ, kremi u sapun għat-trabi u għat-tfal żgħar, wet wipes u ħrieqi. Iċ-CZ, il-HR, l-HU, il-LT, il-LV, il-PL, il-PT u r-RO taw ukoll pakketti tal-iġjene b’tagħmir protettiv biex jevitaw it-tixrid tal-COVID-19, u dawn kienu jinkludu maskri, prodotti ta’ sanitizzazzjoni, eċċ.

Il-persuni mingħajr dar, kienu partikolarment fil-mira tal-miżuri ta’ appoġġ għall-akkomodazzjoni fl-IT, iżda rċevew assistenza wkoll fiċ-CZ u fil-EL ukoll; dawn ngħataw prodotti ta’ kura personali u prodotti oħrajn. Fiċ-CZ u fl-IT irċevew ukoll tagħmir tal-kċina (in-nies li kienu qegħdin jingħataw akkomodazzjoni ġdida jew li kienu qegħdin jgħixu f’akkomodazzjoni prekarja) u ħwejjeġ, u fiċ-CZ, fil-EL u fl-IT irċevew basktijiet tal-irqad u kutri.

Illustrazzjoni 4. Il-valur monetarju totali tal-oġġetti mill-2014 sal-2020 skont it-tip

Sors: SFC2014

Illustrazzjoni 5. Il-valur monetarju totali tal-oġġetti mill-2014 sal-2020 mill-Istat Membru

Sors: SFC2014

PO I – Miżuri ta’ akkumpanjament

F’konformità mar-Regolament dwar il-FEAD, l-Istati Membri li implimentaw il-programmi tal-PO I fl-2020 ipprovdew ukoll miżuri ta’ akkumpanjament. Madankollu, il-kriżi tal-COVID-19 ħolqot sfida sinifikanti għat-twettieq ta’ miżuri ta’ akkumpanjament bħala parti mill-programmi tal-FEAD, u l-implimentazzjoni tagħhom ġeneralment ma kinitx l-istess bejn l-Istati Membri. Min-naħa l-oħra, ġew implimentati miżuri addizzjonali ta’ akkumpanjament biex jindirizzaw l-isfidi attwali minħabba l-pandemija. Pereżempju:

-Fi ftit Stati Membri ngħatat informazzjoni dwar miżuri ta’ prekawzjoni fil-kuntest tal-pandemija, inkluż fl-AT, fil-BG, fil-EL, fil-FI, fl-HU u fl-IT.

-F’ċerti Stati Membri, l-awtoritajiet maniġerjali inkludew b’mod speċifiku l-appoġġ psikoloġiku fil-miżuri ta’ akkumpanjament sabiex jindirizzaw l-impatt fuq is-saħħa mentali minħabba l-pandemija tal-COVID-19 u r-restrizzjonijiet soċjali relatati (eż. il-EL, FR, il-PL, ir-RO u s-SI).

-Minħabba d-diversi lockdowns li saru fl-Istati Membri, ir-rwol tat-teknoloġija diġitali sar importanti ħafna. L-HU, il-LT, MT u l-PL implimentaw attivitajiet biex itejbu l-ħiliet diġitali fil-qasam tal-edukazzjoni u l-impjiegi, kif ukoll biex jiżguraw li s-servizzi soċjali jibqgħu joperaw u biex ir-rabtiet familjari u/jew komunitarji jibqgħu b’saħħithom.

Barra minn hekk, il-biċċa l-kbira tal-Istati Membri komplew jimplementaw taħlita ta’ miżuri ta’ akkumpanjament u kienu biss ftit dawk li għażlu li jiffokaw fuq attività waħda biss jew fuq żewġ attivitajiet. Madankollu, ġie osservat li fl-2020, il-miżuri ta’ akkumpanjament tnaqqsu fi ftit Stati Membri, bħal fl-EE u fl-IE, minħabba l-COVID-19. Min-naħa l-oħra, fl-2020, ir-RO kellha żieda sinifikanti fl-implimentazzjoni ta’ miżuri ta’ akkumpanjament permezz tal-FEAD. Fil-LV, fl-2020 kien hemm żieda ta’ 10 % (112-il miżura ta’ akkumpanjament oħra) meta mqabbla mal-2019, iżda tnaqqis ta’ 11 % (677 persuna) fir-riċevituri tal-miżuri ta’ akkumpanjament.

Il-miżuri ta’ akkumpanjament implimentati fl-2020 kienu jinkludu:

·pariri dwar il-preparazzjoni u l-ħżin tal-ikel (BE, BG, CZ, ES, FI, FR, HR, LT, LV, MT, PL, PT u SK);

·attivitajiet edukattivi jew informazzjoni biex jiġu promossi n-nutrizzjoni tajba għas-saħħa u l-istil ta’ ħajja sana, eż. workshops tat-tisjir (BE, BG, CZ, EL, ES, FI, FR, HR, IT, LT, LU, LV, PT, PL, RO u SK);

·pariri dwar kif titnaqqas il-ħela tal-ikel (BG, CZ, ES, FI, LU, LV, PL u PT);

·pariri dwar l-iġjene personali (BE, BG, EL, HR, HU, LV, RO u SK);

·riferiment għal servizzi rilevanti (eż. soċjali/amministrattivi) (BE, BG, CZ, EE, FI, FR, IE, IT, LU, LV, PT u SK);

·ikkowċjar u workshops, speċjalment biex tissaħħaħ l-integrazzjoni fl-edukazzjoni jew fis-suq tax-xogħol (BG, CY, CZ, EL, FI, FR, IE, IT, LT, MT, RO u SI);

·attivitajiet edukattivi u taħriġ/programmi dwar il-ħiliet (EL, FR, MT, PL, RO u SI);

·iffaċilitar tal-aċċess għall-kura tas-saħħa (BG, ES, FI, FR, HU, IE, IT, LV u RO);

·appoġġ psikoloġiku u terapewtiku (CZ, EL, FI, FR, HU, IT, LT, PL, RO u SI);

·pariri dwar il-ġestjoni tal-baġit ta’ unità domestika (BG, CZ, EL, FR, HR, IE, IT, LT, LV, MT, PL, PT u SK);

·pariri speċifiċi dwar iż-żamma jew it-tisħiħ tar-rabtiet familjari/komunitarji, inkluż ir-riżoluzzjoni tal-kunflitti, assistenza għall-ġenituri, assistenza għall-kura fid-dar (BG, CY, FR, IE, LT, LV u PL);

·attivitajiet soċjali u ta’ divertiment (CZ, FI, FR, LV, LU, MT, PL u SI);

·għoti ta’ servizzi legali (CZ, FR, IT, LT, PL u RO);

attivitajiet oħrajn ta’ akkumpanjament (AT, BE, BG, CY, CZ, EE, ES, FI, FR, IE, EL, IT, LU, MT, PL, PT, RO u SI), li prinċipalment kienu jinkludu servizzi ta’ appoġġ personali, kura għall-adulti, trasport soċjali, iffaċilitar tal-aċċess għall-akkomodazzjoni jew għall-kenn, appoġġ għall-aċċess għad-drittijiet u l-appoġġ għall-iskejjel.

Illustrazzjoni 6. It-tipi ta’ miżuri ta’ akkumpanjament implimentati fl-2019 (n=23)

Kaxxa 2. L-użu ta’ fondi ta’ assistenza teknika fil-kuntest tal-pandemija

PO II – Inklużjoni soċjali

L-Istati Membri tal-PO II 19 (DE, DK, NL u SE) komplew jimplimentaw azzjonijiet ta’ inklużjoni soċjali fl-2020, minkejja l-fatt li l-kriżi tal-COVID-19 kellha impatt negattiv sinifikanti fuq l-attivitajiet fl-Istati Membri kollha.

Il-DE kompliet taħdem sabiex tilħaq l-adulti u l-persuni mingħajr dar li jkunu għadhom kif waslu, u tagħtihom aċċess aħjar għal miżuri ta’ konsulenza u appoġġ. L-objettiv speċifiku A ta appoġġ lil 4 275 tifel u tifla immigranti fl-età ta’ qabel l-iskola sal-età ta’ seba’ snin. 3 767 tifel u tifla immigranti ħadu mill-anqas offerta waħda ta’ edukazzjoni bikrija. Dan jikkorrispondi għal indikatur tar-riżultat ta’ 88,11 %. Skont l-objettiv speċifiku B, 5 365 persuna mingħajr dar u persuni f’riskju li ma jkollhomx dar ingħataw pariri. 4 373 persuna setgħu jirċievu assistenza bħala riżultat ta’ konsulenza u mentoraġġ minn tal-anqas servizz soċjali wieħed (81,56 % tat-total).

Fid-DK, l-attivitajiet ġew estiżi biex itejbu l-kundizzjonijiet għall-persuni mingħajr dar – inkluż dawk minn pajjiżi oħrajn tal-UE li għandhom permessi li jibqgħu fid-DK. Filwaqt li l-attivitajiet tal-proġetti komplew matul il-perjodi ta’ restrizzjonijiet relatati mal-COVID-19, irriżulta li l-pandemija kienet ta’ sfida, u n-numru ta’ parteċipanti naqas drastikament: minn 757 fl-2019 għal 277 fl-2020. Il-COVID-19 kellha l-akbar impatt għall-assoċjazzjonijiet li jaħdmu mal-migranti peress li ħafna marru lura lejn il-pajjiż ta’ oriġini tagħhom.

Fin-NL, il-proġett “Anzjani fil-viċinat” (Elderly in the neighbourhood) kien affettwat b’mod sinifikanti mill-kriżi kkawżata mit-tifqigħa tal-COVID-19, iżda rriżulta li kien partikolarment siewi. Il-proġett għandu l-għan li jtaffi l-esklużjoni soċjali fost nies żvantaġġjati ta’ aktar minn 65 sena. Il-punti ta’ kuntatt ewlenin huma l-libreriji lokali, iżda dawn regolarment spiċċaw magħluqa. Madankollu, min kien ħa sehem fl-attivitajiet tal-ħiliet diġitali ħasad il-frott tagħhom matul il-lockdown għaliex seta’ jkompli bl-attivitajiet online. Għaldaqstant, il-proġett irnexxielu jkompli jrawwem sentiment ta’ inklużjoni soċjali fost il-parteċipanti eżistenti. F’ċerti każijiet, il-parteċipanti nfushom saħansitra ħadu l-inizjattiva li jkomplu bil-laqgħat fil-miftuħ. Eventwalment, il-libreriji parteċipanti xorta rnexxielhom jilħqu parteċipanti ġodda, għalkemm in-numru naqas minn 579 għal 366, b’total ta’ 3 219 għall-perjodu 2014-2020. Iddikjaraw ukoll l-intenzjoni tagħhom li jkomplu bil-proġett wara li jintemm il-finanzjament tal-FEAD billi jużaw ir-riżorsi proprji tagħhom.

Il-programmi ta’ inklużjoni soċjali fl-SE jinkludu żewġ tipi ta’ appoġġ: il-promozzjoni tas-saħħa, u l-għoti ta’ informazzjoni bażika dwar is-soċjetà Żvediża, immirati għal persuni fil-bżonn li ġejjin minn pajjiżi oħrajn tal-UE jew taż-ŻEE. Fl-2020, in-numru ta’ parteċipanti żdied drastikament għal 1 175 parteċipant, jiġifieri żdied minn 658 fl-2019. In-numru kumulattiv ta’ parteċipanti mill-2014 sal-2020 laħaq it-3 849. Il-gruppi fil-mira ewlenin huma persuni mingħajr dar (jew persuni f’riskju li jispiċċaw mingħajr dar), migranti, persuni bi sfond barrani, minoranzi u nisa. Flimkien, dawn il-gruppi jirrappreżentaw aktar minn 90 % tar-riċevituri finali tal-programmi tal-FEAD.

2.3 Ostakli għall-implimentazzjoni

Il-FEAD jinsab fit-triq it-tajba biex jilħaq l-objettivi tiegħu. Madankollu, ċerti ostakli għall-implimentazzjoni komplew jippersistu, bħal kwistjonijiet ta’ kapaċità għall-organizzazzjonijiet sħab u sfidi loġistiċi prinċipalment relatati mal-pandemija tal-COVID-19. Dawn ġew indirizzati parzjalment permezz taż-żieda fil-flessibbiltà u t-tnaqqis fil-piż amministrattiv bl-emendi tal-FEAD tal-2020, li ppermettew l-użu ta’ vawċers elettroniċi biex tingħata assistenza alimentari (PT, RO) u assistenza materjali bażika (LT, LU, RO), il-forniment ta’ tagħmir protettiv personali (li permezz tiegħu jitnaqqas ir-riskju ta’ kontaminazzjoni) u l-finanzjament ta’ 100 % tal-miżuri għas-sena kontabilistika 2020-2021. Irriżulta wkoll li l-kooperazzjoni b’saħħitha bejn l-Awtoritajiet Maniġerjali u l-organizzazzjonijiet sħab kienet essenzjali biex jiġu indirizzati sfidi ġodda.

Ġew irrapportati ostakli għall-implimentazzjoni minn aktar minn 20 Stat Membru. Il-biċċa l-kbira tal-Istati Membri (inklużi l-BE, CY, iċ-CZ, l-EE, ES, il-EL, il-FI, FR, il-HR, l-IE,l-IT, il-LT, il-LU, il-LV, MT, il-PL, il-PT, ir-RO, l-SE, is-SI u s-SK) irrapportaw li l-pandemija tal-COVID-19 u l-impatt tagħha f’diversi livelli kkawżaw ostakli sinifikanti għall-implimentazzjoni tal-programmi tal-FEAD fl-2020:

-Is-sospensjoni fl-implimentazzjoni tal-attivitajiet minħabba l-lockdowns u r-restrizzjonijiet ġiet osservata f’numru kbir ta’ dawn l-Istati Membri. F’xi każijiet, in-nuqqas ta’ persunal irriżulta fl-għeluq ta’ xi ċentri ta’ distribuzzjoni (il-BE, l-IE, il-LU). Madankollu, fil-maġġoranza tal-Istati Membri, saru adattamenti biex l-ikel ikun jista’ jibqa’ jitqassam minkejja r-restrizzjonijiet. B’mod ġenerali kien possibbli għar-riċevituri finali li jingħataw l-assistenza alimentari f’ħin u post speċifiku jew b’mezzi differenti (fil-BE, f’CY, fiċ-CZ, fl-EE, fi ES, fil-EL, fil-FI, fi FR, fil-HR, fl-IE, fl-IT, fil-LT, fil-LU, fil-LV, f’MT, fil-PL, fil-PT, fir-RO, fis-SI, fis-SK). Pereżempju, ingħatat assistenza alimentari u materjali fid-djar tar-riċevituri finali, jew permezz ta’ appuntamenti individwali jew vawċers tal-ikel (il-PT, ir-RO), sabiex iċ-ċentri ta’ distribuzzjoni ma jkunux iffullati. Bl-istess mod, f’xi Stati Membri, il-miżuri ta’ akkumpanjament ġew adattati għall-isfidi l-ġodda (eż. fin-NL, l-attivitajiet saru kemm fiżikament kif ukoll b’mod remot), filwaqt li f’oħrajn (eż. fil-PL) ma tkomplewx.

-Id-dewmien u d-diffikultajiet fl-implimentazzjoni tat-tqassim tal-ikel u tal-assistenza materjali kienu kkawżati direttament mill-pandemija fil-BE, fil-BG, fiċ-CZ, fid-DK, fi FR, fil-EL, fl-HR, f’MT, fil-PL, fil-PT u fir-RO. Ġew irrapportati sfidi partikolarment fir-rigward tat-twassil ta’ prodotti tal-ikel speċifiċi (il-LU, il-PL), minħabba d-disponibbiltà limitata tal-materja prima fis-suq u d-dewmien fil-proċess tal-produzzjoni. Barra minn hekk, in-nuqqas ta’ persunal fil-PL wassal għad-diffikultajiet fl-implimentazzjoni tal-kuntratti, pereżempju mal-kumpaniji tat-trasport, li rriżultaw f’diffikultajiet fit-tqassim ta’ ċerti prodotti. Is-SK irrapportat diffikultajiet f’xi każijiet okkażjonali minħabba li r-riċevituri finali bidlu l-indirizz permanenti tagħhom u rrifjutaw l-assistenza.

Bħalma sar fis-snin ta’ qabel, il-flessibbiltà tal-FEAD, u l-kooperazzjoni b’saħħitha bejn l-awtoritajiet maniġerjali u l-organizzazzjonijiet sħab, għenu lill-pajjiżi jegħlbu ħafna minn dawn l-ostakoli. F’xi Stati Membri (bħall-BE, il-DE, id-DK, FR, l-IT, l-IE u l-SE), l-awtorità maniġerjali organizzat laqgħat regolari, wiċċ imb wiċċ jew online, mal-organizzazzjonijiet sħab u mal-partijiet ikkonċernati rilevanti biex tiddiskuti u tappoġġa l-implimentazzjoni tal-programm.

Filwaqt li l-Istati Membri prinċipalment irrapportaw dwar sfidi marbuta mal-impatti tal-kriżi tal-COVID-19, kien hemm sfidi addizzjonali relatati ma’ dawn li ġejjin:

·il-loġistika, pereżempju, kostijiet għoljin tat-trasport; il-qerda tal-prodotti waqt it-trasport; in-nonkonformità mal-prinċipji ta’ ġestjoni razzjonali tal-istokk – “joħroġ li daħal l-ewwel” (il-BE, il-EL, il-HR, il-LV, il-PL u l-PT);

·Fil-PL, xi operaturi tal-programmi rrapportaw każijiet ta’ nonkonformità mar-rekwiżiti tal-kwalità, li rriżultaw f’penali kuntrattwali għall-fornitur tal-ikel;

·in-nuqqas ta’ kapaċità tal-organizzazzjonijiet sħab (id-DK u l-PL); b’mod partikolari fir-rigward tar-reġistrazzjoni tal-gruppi fil-mira, jew minħabba l-konfigurazzjoni territorjali tal-Istati Membri (il-LT).

Kaxxa 3: Sfidi marbuta mal-COVID-19

2.4 Prinċipji ġenerali

L-Artikolu 5 tar-Regolament dwar il-FEAD jidentifika l-prinċipji li għandhom jiġu applikati b’mod ġenerali fit-tfassil u fl-implimentazzjoni tal-Fond. Dawn jinkludu l-komplementarjetà tal-finanzjament, l-ugwaljanza bejn il-ġeneri, il-ġlieda kontra d-diskriminazzjoni, l-evitar tal-ħela tal-ikel, dieta bilanċjata, is-saħħa pubblika, u l-aspetti ambjentali u klimatiċi. L-Istati Membri għandhom jirrispettaw dawn il-prinċipji u jirrapportawhom fir-rapporti annwali ta’ implimentazzjoni tagħhom.

L-Istati Membri jissodisfaw il-prinċipju ta’ komplementarjetà billi jikkoordinaw ma’ strumenti oħrajn ta’ finanzjament biex jevitaw finanzjament doppju u jwessgħu l-ambitu tal-assistenza. Pereżempju, fl-HU, l-awtoritajiet maniġerjali jiżguraw li operazzjoni li tirċievi appoġġ ma tirċevix appoġġ minn kwalunkwe programm operazzjonali ieħor jew minn kwalunkwe strument ieħor tal-UE. Fil-LT, l-awtorità maniġerjali taqdi rwol ewlieni fil-prevenzjoni ta’ finanzjament doppju matul il-perjodu ta’ programmazzjoni, fit-tħejjija ta’ leġiżlazzjoni nazzjonali dwar il-ġestjoni tal-programm u tal-proġetti operazzjonali, u fil-proċess tat-teħid tad-deċiżjonijiet dwar il-finanzjament tal-proġetti. Il-korp intermedju jaqdi rwol fil-prevenzjoni u fil-kontroll tal-finanzjament doppju permezz tal-verifika tat-talbiet għal pagament, il-proċeduri ta’ monitoraġġ tal-akkwist pubbliku u l-verifiki fuq il-post tal-proġetti. Fir-RO ġiet iggarantita l-koordinazzjoni mal-FSE kif ukoll ma’ politiki, strateġiji u strumenti oħrajn tal-UE, b’mod partikolari ma’ inizjattivi tal-UE dwar is-saħħa pubblika u l-ġlieda kontra l-ħela tal-ikel, billi dan il-programm operazzjonali tqiegħed taħt ir-responsabbiltà tal-istess Awtorità Maniġerjali, biex jiġi evitat finanzjament doppju u jiġi żgurat li miżuri koperti mill-FEAD jiġu kkoordinati kif xieraq.

L-Istati Membri kollha jirrapportaw konformità mal-prinċipji tal-ugwaljanza bejn il-ġeneri u l-politiki kontra d-diskriminazzjoni. Il-biċċa l-kbira tal-Istati Membri ddefinew kriterji oġġettivi ta’ eliġibbiltà – jiġifieri l-istatus soċjoekonomiku tal-individwu – biex jidentifikaw il-grupp fil-mira u r-riċevituri finali, u b’hekk jipprevjenu li jkun hemm diskriminazzjoni fi kwalunkwe livell tat-tqassim tal-għajnuna. Fl-FI, l-Awtorità Maniġerjali tat struzzjonijiet lill-organizzazzjonijiet sħab tagħha u lill-punti ta’ distribuzzjoni dwar il-prinċipji ewlenin tal-Fond, u network ta’ organizzazzjonijiet sħab ikopri l-organizzazzjonijiet li jaħdmu sabiex jilħqu gruppi fil-mira differenti, biex jiġi żgurat li l-appoġġ ikun disponibbli irrispettivament mill-ġeneru. Fil-LV ittieħdu miżuri biex tiġi żgurata l-konformità mal-prinċipju tal-aċċessibbiltà, inkluż fir-rigward tal-ħtiġijiet tal-persuni b’diżabilità funzjonali (skont l-istandards nazzjonali). B’mod partikolari, il-pakketti jitwasslu fid-dar tar-riċevituri finali jekk ma jkunux jistgħu jaslu sas-sit ta’ distribuzzjoni. In-nies li għandhom diffikultà biex jivvjaġġaw, il-ġenituri bi tfal żgħar u l-anzjani jingħataw preferenza fis-siti ta’ distribuzzjoni ħalli jirċievu l-pakketti mingħajr ma jdumu jistennew, u l-punti ta’ distribuzzjoni jinsabu qrib il-waqfiet tat-trasport pubbliku. Il-LU juża l-indikatur ta’ Ewropa 2020 biex jidentifika persuni f’riskju ta’ faqar u esklużjoni soċjali. Uħud minn dawn il-persuni vulnerabbli mhumiex Lussemburgiżi u mhux neċessarjament għandhom il-permessi kollha li jippermettulhom jirresjedu fil-pajjiż b’mod legali; oħrajn ma rnexxilhomx jipprovdu l-informazzjoni kollha mitluba fil-ħin. Il-prijorità kienet li jingħata aċċess ukoll għall-assistenza alimentari għal dawn in-nies u għall-familji, u li dawn jiġu inklużi fil-programm.

Ħafna Stati Membri qalu li jqassmu ikel varjat u b’nutrizzjoni bbilanċjata, u li jimplimentaw miżuri biex jillimitaw il-ħela tal-ikel. Fl-Istati Membri kollha, l-għażla tal-ikel qieset il-prodotti li jippromwovu dieta varjata kif ukoll is-sikurezza tal-ikel. Barra minn hekk, l-għażla tal-prodotti qieset it-trasportabbiltà tal-prodotti tal-ikel, il-kapaċità limitata ta’ ħżin tal-organizzazzjonijiet sħab u d-durabbiltà tal-prodotti. Fil-LT inxtraw prodotti b’ħajja twila, filwaqt li tfasslu listi preċiżi ta’ riċevituri finali biex jiġu identifikati l-kwantitajiet preċiżi meħtieġa. Fl-IE, konnessjoni bejn in-negozji u l-karitajiet, offruta minn intrapriża soċjali, ippermettiet ukoll ir-ridistribuzzjoni fil-pajjiż kollu, u pprovdiet aċċess għal varjetà ta’ prodotti tal-ikel ta’ kwalità li kienu żejda, u b’hekk il-karitajiet setgħu jiffrankaw b’mod konsiderevoli fuq il-kostijiet tal-ikel. Fi ES, il-programm iqassam ikel li faċilment jiġi trattat u ppreservat u b’ħajja twila. Barra minn hekk, l-ikel jiġi ttrasportat f’format xieraq għad-destinazzjoni finali u b’hekk jagħmilha aktar faċli biex jiġi mmaniġġat, b’riskju baxx li jinkiser l-imballaġġ u li jinħoloq skart tal-ikel.

L-Istati Membri kollha jiżguraw li l-ikel u l-prodotti mqassma jikkonformaw mal-istandards nazzjonali tas-saħħa u tas-sikurezza. Ħafna Stati Membri jappoġġaw ulterjorment is-saħħa tar-riċevituri finali b’miżuri ta’ akkumpanjament li jippromwovu stil ta’ ħajja sana. Fl-HU, fir-RO u fis-SK, l-awtoritajiet maniġerjali inkludew espert tad-dieti fil-proċess tal-ippjanar, biex jiżguraw li l-ikliet sħan li jitqassmu jkunu jikkonsistu minn ikel ottimali għal konsum san, rikk fil-minerali u fil-vitamini. L-IT kompliet tagħżel prodotti li jqisu l-ħtieġa ta’ teħid ta’ ammont xieraq ta’ proteini u karboidrati, tipiċi fid-dieta Mediterranja. Fis-SI, qabel kull stadju tal-provvista tal-ikel, il-fornituri huma meħtieġa jissottomettu rapport analitiku minn laboratorju akkreditat bl-analiżijiet tal-prodotti li għandhom jiġu fornuti. Fir-RO saru wkoll laqgħat mal-partijiet ikkonċernati rilevanti (il-Ministeru tas-Saħħa, l-Istitut Nazzjonali tas-Saħħa Pubblika u l-Istitut Nazzjonali għas-Saħħa tal-Ommijiet u t-Tfal; ir-rappreżentanti tal-Ministeru għax-Xogħol u l-Ġustizzja Soċjali) rigward il-kontenut tal-pakketti tal-prodotti tal-iġjene.

Fir-rapporti annwali ta’ implimentazzjoni tagħhom, il-biċċa l-kbira tal-Istati Membri jirrapportaw li ħadu azzjonijiet favur l-ambjent. Fil-FI, peress li l-volumi tal-prodotti akkwistati huma relattivament żgħar, ix-xiri u t-trasport ċentralizzat tagħhom se jħallu impatt ambjentali aktar baxx milli kieku kull organizzazzjoni sieħba ttrasportat il-prodotti individwalment. Fil-LV ġew promossi miżuri addizzjonali li jirrispettaw l-ambjent, bħall-iżgurar tal-possibbiltà li jiġu rriċiklati l-karti, il-limitazzjoni tan-numru ta’ karti stampati, l-użu mill-ġdid tal-karta (inkluż il-karta rriċiklata) għan-notebooks, u meta possibbli, l-użu ta’ kartolerija magħmula mill-injam minn foresti ċċertifikati mill-FSC.

Il-biċċa l-kbira tal-Istati Membri jirrapportaw li japplikaw il-prinċipju ta’ sħubija fl-ipprogrammar tal-FEAD. Fil-BG, il-prinċipju ta’ sħubija tfassal u ġie implimentat fil-programm operazzjonali abbażi ta’ konsultazzjoni estensiva mal-partijiet ikkonċernati; l-interazzjoni kontinwa mas-sħab ippermettiet identifikazzjoni bir-reqqa tal-problemi eżistenti u l-aktar mod xieraq biex dawn jiġu indirizzati. Fil-PL, l-organizzazzjonijiet nazzjonali japplikaw il-prinċipju ta’ sħubija fil-kooperazzjoni kontinwa tagħhom mal-organizzazzjonijiet reġjonali u lokali tagħhom, filwaqt li jimmonitorjaw il-progress fl-implimentazzjoni tad-distribuzzjoni tal-ikel u miżuri ta’ akkumpanjament u jindirizzaw id-diffikultajiet irrapportati. L-awtoritajiet maniġerjali u l-organizzazzjonijiet jorganizzaw ukoll laqgħat u sessjonijiet ta’ taħriġ regolari.

Ftit Stati Membri jirrapportaw li ħadu azzjoni biex inaqqsu l-piż amministrattiv. Fil-FI, ix-xiri u t-trasport ċentralizzat tal-prodotti akkwistati, li seta’ jsir minħabba l-volumi żgħar tal-prodotti, jgħinu biex jitnaqqas il-piż amministrattiv relatat ma’ dawn l-operazzjonijiet. Fil-BG twettqet analiżi fir-rigward tal-kriterju ta’ “effiċjenza” biex jiġi evitat piż amministrattiv bla bżonn fl-istadji kollha tal-implimentazzjoni tal-programmi, u ġew introdotti għadd ta’ regoli ta’ simplifikazzjoni. Fis-SK, biex jitnaqqas il-piż amministrattiv fuq l-organizzazzjonijiet sħab, l-awtorità maniġerjali stabbiliet prezz unitarju għall-ikliet sħan, b’rata differenti għall-ikliet ippreparati personalment u għall-ikliet sħan li jinxtraw mill-kuntrattur. Il-prezz unitarju ġie kondiviż mal-Kummissjoni għal informazzjoni qabel l-approvazzjoni.

2.5 Evalwazzjonijiet

Fl-evalwazzjoni ta’ nofs it-terminu tal-FEAD, ġie rrakkomandat li l-programmi futuri jkomplu jiffokaw fuq dawk li jinsabu l-aktar fil-bżonn u jżommu l-flessibbiltà biex jimplimentaw kemm programmi ta’ inklużjoni soċjali kif ukoll ta’ assistenza materjali. Il-fużjoni bejn il-FEAD u l-FSE, fil-fatt, se tippermetti s-sinerġiji u potenzjalment se tiftaħ bibien għal appoġġ bażiku għal inklużjoni soċjali li twassal biex in-nies jingħataw taħriġ u jsibu xogħol, meta l-gruppi fil-mira jkunu l-istess. Barra minn hekk, ġie rrakkomandat li l-Istati Membri jiġu mħeġġa jsegwu r-Regolament mill-qrib, biex jevitaw l-introduzzjoni ta’ rekwiżiti fil-livell nazzjonali li jmorru lil hinn mir-rekwiżiti tar-Regolament, peress li ħafna mill-piż amministrattiv joriġina minn rekwiżiti imposti fil-livell tal-Istati Membri, bħad-definizzjonijiet stretti dwar l-eliġibbiltà. Is-sejbiet preliminari ta’ “Study supporting the monitoring of FEAD – data collection systems implemented by Member States”, li għaddej bħalissa, jikkonfermaw is-sejbiet tal-evalwazzjoni ta’ nofs it-terminu tal-FEAD u se jagħtu eżempji ta’ prattiki tajbin għas-sistemi ta’ monitoraġġ.

L-isfidi għall-implimentazzjoni ġew indirizzati fil-laqgħat ta’ sħubija għall-evalwazzjoni tal-FEAD u fir-Regolament tal-2021-2027, fejn l-operazzjonijiet tal-FEAD huma integrati mal-FSE. Barra minn hekk, rekwiżiti simplifikati ta’ monitoraġġ huma applikati għal objettivi speċifiċi mmirati għal dawk l-aktar fil-bżonn. Għall-indikaturi tal-output, mhux se jibqa’ meħtieġ li jiġi rrapportat liema tipi ta’ oġġetti jkunu nxtraw, u mhux se tibqa’ ssir distinzjoni bejn il-kwantità tal-ikliet u l-pakketti tal-ikel li jitqassmu. Jekk id-data tkun ġejja mir-reġistri, l-Istati Membri jistgħu jużaw definizzjonijiet nazzjonali, ma għandhomx għalfejn jallinjaw ruħhom mad-definizzjonijiet tas-sett ta’ għodod. Barra minn hekk, hemm klawżola abilitanti li tippermetti lill-Istati Membri jużaw reġistri jew sorsi ekwivalenti. Mhux se jkun hemm aktar rapporti annwali ta’ implimentazzjoni. Minflok, ir-rapportar tad-data se jsir permezz tal-għodda tal-IT għal skambji regolari bejn il-Kummissjoni u l-awtoritajiet tal-programm, jiġifieri l-SFC2021. L-evalwazzjonijiet huma obbligatorji għall-objettivi speċifiċi kollha.

F’konformità mar-rekwiżiti tar-Regolament, l-Awtoritajiet Maniġerjali li jimplimentaw programm operazzjonali ta’ assistenza alimentari u/jew assistenza materjali bażika (il-Programm Operazzjonali I) wettqu stħarriġ strutturat dwar ir-riċevituri finali fl-2017. Dawn l-istħarriġiet, flimkien mas-sejbiet ta’ evalwazzjoni esterna u r-riżultati tal-konsultazzjoni pubblika miftuħa, intużaw għall-evalwazzjoni ta’ nofs it-terminu tal-Kummissjoni dwar il-FEAD, u ntużaw ukoll fin-negozjati għall-programmi tal-2021-2027. Barra minn hekk, it-tieni sessjoni ta’ stħarriġ strutturat dwar ir-riċevituri finali tal-FEAD għandha titwettaq mill-Awtoritajiet Maniġerjali għall-programmi tat-tip I (jiġifieri l-għoti ta’ assistenza alimentari u/jew assistenza materjali bażika u miżuri ta’ akkumpanjament) fl-2022. Ir-riżultati ta’ dan l-istħarriġ jistgħu jintużaw mill-Awtoritajiet Maniġerjali biex iwettqu evalwazzjonijiet u jieħdu tagħlimiet fil-livell nazzjonali, u se jippermettu li r-riżultati aggregati tal-istħarriġ fil-livell tal-UE jikkontribwixxu għall-evalwazzjoni ex post tal-FEAD li għandha titwettaq mill-Kummissjoni.

Kaxxa 4: Attivitajiet ta’ evalwazzjoni fil-BG, fil-FI u fis-SI

Il-Bulgarija L-Awtorità Maniġerjali wettqet evalwazzjoni esterna biex tivvaluta l-prestazzjoni tal-programm operazzjonali għall-assistenza alimentari u/jew assistenza materjali bażika. L-evalwazzjoni kkonkludiet li l-kriterji ta’ kwalità ġew issodisfati, u li l-bidliet operazzjonali li saru fil-programm servew biex isaħħu l-effettività, l-effiċjenza, il-konformità, il-koerenza u l-valur miżjud Ewropew tal-programmi. Għenu wkoll biex jiżdied in-numru ta’ riċevituri finali fit-tqassim ta’ ikliet sħan, u f’assistenza skont il-programm biex jingħelbu l-faqar u l-esklużjoni soċjali, permezz tal-għoti ta’ miżuri ta’ akkumpanjament. Ir-rakkomandazzjonijiet enfasizzaw il-lok għal titjib fir-rigward tal-komunikazzjoni tal-attivitajiet lill-pubbliku ġenerali; it-titjib tal-proċess fejn in-nies li jistgħu jaħdmu jiġu diretti mill-ġdid lejn attivitajiet ta’ titjib tal-ħiliet u l-inklużjoni attiva fis-suq tax-xogħol; l-introduzzjoni ta’ għażliet alternattivi ta’ appoġġ alimentari fil-mudell attwali, biex jiġu vvalutati r-riskji, tiġi evitata r-restrizzjoni tal-aċċess għall-għajnuna għall-persuni l-aktar fil-bżonn u tiġi żgurata l-kwalità tas-servizz ipprovdut; (fir-rigward tal-perjodu ta’ programmazzjoni mill-2021 sal-2027) il-kunsiderazzjoni tal-introduzzjoni ta’ miżuri għall-finanzjament ta’ forom addizzjonali ta’ assistenza materjali, li għandhom jingħataw flimkien mal-appoġġ għall-ikel; l-użu tal-flus mill-Fond għall-Protezzjoni Soċjali, prinċipalment biex jiġu ffinanzjati proġetti għar-rinnovazzjoni u l-immodernizzar tal-kantins pubbliċi. Il-Finlandja F’Novembru 2020, saret laqgħa ta’ evalwazzjoni annwali mal-Kummissjoni b’mod remot. F’Jannar saret ukoll il-laqgħa konġunta annwali tal-organizzazzjonijiet sħab u tal-awtorità maniġerjali, b’mod remot. Il-laqgħa annwali qieset kwistjonijiet attwali, kif ukoll feedback dwar it-twassil u t-tqassim tal-prodotti. Fl-istess ħin, kellha l-għan li tiggwida u tagħti pariri dwar kif għandhom jimtlew il-formoli u tiggwida l-punti ta’ twassil. Ġiet rieżaminata wkoll l-informazzjoni preliminari dwar l-implimentazzjoni fl-2021 u dwar is-sitwazzjoni attwali tat-tħejjija tal-FSE+. Is-Slovenja L-evalwazzjoni ta’ nofs it-terminu tal-programm operazzjonali tal-IMO imwettaq fl-2019 uriet li l-programm huwa implimentat b’mod kosteffettiv ħafna. Hemm lok għal titjib fil-proċess tal-akkwist tal-ikel, b’mod partikolari fil-kisba ta’ prezzijiet tal-prodotti aktar favorevoli. Ġie propost li s-sistemi jiġu standardizzati jew li jiġu implimentati interkonnessjonijiet ta’ bażijiet tad-data bejn l-organizzazzjonijiet sħab u ċ-Ċentru ta’ Ħidma Soċjali. Ġie propost ukoll li l-lista ta’ riċevituri finali titfassal minn organizzazzjoni kompetenti biex ittaffi l-piż fuq l-organizzazzjonijiet sħab. Ma kien hemm l-ebda piż amministrattiv sinifikanti kemm min-naħa tal-Awtorità Maniġerjali (il-Ministeru għax-Xogħol, il-Familja u l-Affarijiet soċjali – MDDSZ) kif ukoll min-naħa tal-organizzazzjonijiet sħab, u l-ottimizzazzjoni setgħet tinkiseb biss billi tiġi stabbilita riżerva ta’ benefiċjarji tal-għajnuna.

1.KONKLUŻJONIJIET

Fl-2020, l-operazzjonijiet tal-FEAD ġew affettwati mit-tifqigħa tal-pandemija tal-COVID-19. Il-kriżi tas-saħħa aggravat il-kundizzjonijiet għal persuni vulnerabbli eżistenti li jirċievu appoġġ tal-FEAD, filwaqt li persuni ġodda wkoll fittxew assistenza alimentari, u b’hekk żdiedet id-domanda globali għall-assistenza alimentari u materjali. Barra minn hekk, l-organizzazzjonijiet sħab li jipprovdu appoġġ prattiku kienu affettwati minn kwistjonijiet ta’ kapaċità u sfidi loġistiċi, minħabba problemi bħan-nuqqas ta’ persunal, it-tfixkil fit-tqassim ta’ oġġetti tal-ikel u oġġetti materjali, u restrizzjonijiet tas-saħħa bħal-lockdowns u rekwiżiti ġodda tal-iġjene.

Madankollu, il-FEAD wera li jadatta għall-ħtiġijiet emerġenti u jindirizzahom. Mil-lat regolatorju, ir-Regolament dwar il-FEAD ġie emendat fi tliet okkażjonijiet f’dawn l-aħħar sentejn.

1.Bħala parti mill-inizjattiva CRII+, l-emendi għamluha possibbli li jintużaw modalitajiet indiretti ta’ twassil, eż. vawċers jew kards (sbiex jitnaqqas ir-riskju ta’ kontaminazzjoni), u li jinxtara tagħmir protettiv personali għall-organizzazzjonijiet li jipprovdu appoġġ permezz tal-FEAD. Barra minn hekk issaħħet il-likwidità fl-Istati Membri, u b’hekk sar possibbli li tiġi pprovduta rata ta’ kofinanzjament ta’ 100 % għal sena kontabilistika waħda.

2.Bħala parti minn REACT-EU, l-emendi ppermettew lill-Istati Membri jallokaw finanzjament addizzjonali għall-FEAD biex ikomplu jsaħħu l-appoġġ eżistenti, bħall-assistenza alimentari u/jew assistenza materjali bażika, jew azzjonijiet ta’ inklużjoni soċjali. L-għarfien tal-gruppi fil-mira u l-attivitajiet ta’ sensibilizzazzjoni mill-organizzazzjonijiet sħab, flimkien mal-kooperazzjoni b’saħħitha tagħhom mal-Awtoritajiet Maniġerjali, ukoll urew li huma essenzjali fl-indirizzar tal-isfidi relatati mal-pandemija u fl-isfruttament tal-flessibilitajiet il-ġodda.

3.Bħala parti mill-inizjattiva CARE (l-Azzjoni ta’ Koeżjoni għar-Refuġjati fl-Ewropa), l-emendi jippermettu lill-Istati Membri u lir-reġjuni jkollhom aktar flessibbiltà u likwidità biex jużaw il-FEAD ħalli jipprovdu appoġġ ta’ emerġenza lill-persuni li qed jaħarbu mill-Ukrajna wara l-invażjoni mill-Federazzjoni Russa.

In-nefqa pubblika eliġibbli totali impenjata għall-appoġġ tal-FEAD kienet ta’ EUR 643 miljun fl-2020, żieda minn EUR 608 miljuni fl-2019. Fi tmiem l-2020, il-fondi kumulattivi impenjati (għall-2014-2020) ammontaw għal kważi EUR 3,9 biljuni, jew 85 % tar-riżorsi totali tal-programmi (li jinkludu fondi tal-UE u kofinanzjament nazzjonali). Fl-2020 tħallas ammont ta’ madwar EUR 552,2 miljun lill-benefiċjarji, li hija żieda notevoli fir-rigward tal-livelli tas-snin preċedenti, minħabba t-tkomplija tal-operazzjonijiet fir-Rumanija u ż-żieda fid-domanda matul il-pandemija. Għaldaqstant, l-implimentazzjoni finanzjarja tal-FEAD tidher li tinsab fit-triq it-tajba.

Fl-2020, il-FEAD irnexxielu jipprovdi assistenza f’27 Stat Membru u għamel progress tajjeb biex jilħaq l-objettivi tiegħu. Il-biċċa l-kbira tal-Istati Membri (23 minn 27) qassmu l-assistenza alimentari u/jew assistenza materjali bażika u stabbilew miżuri ta’ akkumpanjament, filwaqt li erba’ komplew iwettqu programmi ta’ inklużjoni soċjali. Kważi 15-il miljun persuna ġew appoġġati b’assistenza alimentari, madwar 1,96 miljun persuna b’assistenza materjali, u 30 000 persuna b’miżuri ta’ inklużjoni soċjali. Il-profil tal-gruppi fil-mira baqa’ ġeneralment stabbli, għalkemm b’xi bidliet minuri: madwar 47 % tar-riċevituri finali kienu nisa, 28 % kienu tfal, madwar 10 % kienu migranti, parteċipanti bi sfond barrani jew minoranzi, 10 % kienu persuni ta’ 65 sena jew aktar, 6 % kienu persuni mingħajr dar u 6 % kienu persuni b’diżabilità. L-Istati Membri kollha li jimplimentaw il-programmi tal-PO I pprovdew ukoll miżuri ta’ akkumpanjament li kellhom jiġu adattati għall-kriżi tas-saħħa. Ir-rapporti ta’ implimentazzjoni annwali nazzjonali wrew ukoll konformità globali mal-prinċipji ġenerali.

Hekk kif il-FEAD 2014-2020 wasal fi tmiemu, għall-perjodu ta’ programmazzjoni 2021-2027, il-FEAD se jsir parti integrali mill-FSE+, u b’hekk ikompli jintegra l-attenzjoni li tingħata biex jiġu indirizzati l-agħar forom ta’ faqar fi ħdan strateġiji u finanzjament usa’ tal-inklużjoni soċjali. Il-programmi tal-FSE+ se jkunu kruċjali fl-appoġġ tal-irkupru ekonomiku u soċjali wara l-pandemija, u fil-promozzjoni ta’ tranżizzjoni ġusta lejn ekonomija newtrali għall-klima f’konformità mal-ambizzjonijiet tal-Patt Ekoloġiku Ewropew, u flimkien mal-Fond għal Tranżizzjoni Ġusta. Dan se jkun ukoll programm ewlieni għat-twettiq tal-Pilastru Ewropew tad-Drittijiet Soċjali.

(1)

Ir-Regolament (UE) Nru 223/2014 tal-Parlament Ewropew u tal-Kunsill tal-11 ta’ Marzu 2014 dwar il-Fond għal Għajnuna Ewropea għall-Persuni l-Aktar fil-Bżonn (ĠU L 72, 12.3.2014, p. 1). Ir-Regolament ġie emendat f’Awwissu 2018, permezz ta’ reviżjoni tar-Regolament Finanzjarju: https://eur-lex.europa.eu/legal-content/MT/TXT/?qid=1537946431022&uri=CELEX:02014R0223-20180802 . Ir-Regolament (UE) 2020/559 jemenda r-Regolament (UE) Nru 223/2014 sabiex l-Istati Membri jkunu jistgħu jindirizzaw it-tifqigħa tal-COVID-19 u jintroduċi miżuri sabiex jiġi żgurat li l-persuni l-aktar fil-bżonn ikunu jistgħu jkomplu jirċievu assistenza skont il-FEAD f’ambjent sikur. Ir-Regolament emendatorju (UE) 2021/177 jippermetti lill-Istati Membri jużaw fondi addizzjonali disponibbli għall-irkupru wara l-COVID-19 taħt l-inizjattiva REACT-EU fl-2021 u fl-2022.

(2)

 L-Artikolu 13(9) tar-Regolament (UE) Nru 223/2014. Ir-Regolament ta’ Delega tal-Kummissjoni (UE) Nru 1255/2014 tas-17 ta’ Lulju 2014 jistabbilixxi l-kontenut tar-rapporti annwali u finali ta’ implimentazzjoni, inkluża l-lista tal-indikaturi komuni.

(3)

 In-numru ta’ persuni fir-riskju tal-faqar jew tal-esklużjoni soċjali, li jista’ jitqassar bħala “AROPE” (at risk of poverty or social exclusion), huwa n-numru totali ta’ persuni li (i) jinsabu f’riskju ta’ faqar (kif indikat mill-introjtu nett disponibbli tagħhom); u/jew (ii) jiffaċċjaw privazzjoni materjali u soċjali serja (kif indikat minn kemm jifilħu jħallsu għal sett ta’ oġġetti materjali predefiniti jew attivitajiet soċjali); u/jew (iii) jgħixu f’unità domestika b’intensità tax-xogħol baxxa ħafna.

(4)

 Dan l-indikatur huwa definit bħala l-inabilità li wieħed jiflaħ iħallas ikla bil-laħam, bit-tiġieġ jew bil-ħut (jew ekwivalenti veġetarjan) kull jumejn. Dan ġej mill-istħarriġ tal-EU-SILC

(5)

 Ir-Regolament (UE) 2021/1057 tal-Parlament Ewropew u tal-Kunsill tal-24 ta’ Ġunju 2021 li jistabbilixxi l-Fond Soċjali Ewropew Plus (FSE+) u li jħassar ir-Regolament (UE) Nru 1296/2013

(6)

 Iċ-ċifri jippreżentaw is-sitwazzjoni għall-perjodu ta’ programmazzjoni 2014-2020 implimentat sal-31 ta’ Diċembru 2020, kif irrapportat sat-12 ta’ Novembru 2021 fir-rapporti annwali ta’ implimentazzjoni. Ir-rapporti u d-data kollha jinġabru fis-Sistema għall-Ġestjoni tal-Fondi fl-Unjoni Ewropea – SFC2014 ( https://ec.europa.eu/sfc/en/2014/fund/fead ). L-SFC2014 hija regolata mir-Regolament ta’ Implimentazzjoni tal-Kummissjoni (UE) Nru 463/2014 tal-5 ta’ Mejju 2014.

(7)

 Ma ġiet irrapportata l-ebda għotja ta’ assistenza alimentari mir-Rumanija bejn l-2017 u l-2019 minħabba dewmien fit-tfassil mill-ġdid tal-programm operazzjonali tagħha wara sfidi istituzzjonali u problemi bl-akkwist pubbliku. Dawn il-kwistjonijiet ġew indirizzati minn dak iż-żmien ’l hawn, u l-appoġġ tal-FEAD, inkluż l-assistenza materjali, inbeda mill-ġdid fl-2020.

(8)

   https://eur-lex.europa.eu/legal-content/MT/TXT/?uri=celex%3A32020R0559  

(9)

  https://eur-lex.europa.eu/legal-content/MT/TXT/?uri=celex%3A32021R0177  

(10)

  https://eur-lex.europa.eu/legal-content/MT/HIS/?uri=uriserv:OJ.L_.2022.109.01.0001.01.MLT

(11)

  https://eur-lex.europa.eu/legal-content/MT/HIS/?uri=uriserv:OJ.L_.2022.115.01.0038.01.MLT

(12)

12 Fil-każ tal-Belġju, kien hemm żball fiċ-ċifri ppreżentati fir-Rapport ta’ Implimentazzjoni Annwali (AIR) tal-Belġju tal-2019, li fih ġie ddikjarat li n-numru ta’ persuni appoġġati kien ta’ 413 058, filwaqt li ċ-ċifra korretta kienet ta’ 358 726 persuna. Kif spjegat fir-rapporti preċedenti, kull sena, l-Awtorità Maniġerjali Belġjana tinnota stima eċċessiva taċ-ċifri introdotti mill-organizzazzjonijiet, u fl-AIR tal-2019, iċ-ċifra ma ġietx riveduta. Fl-2020, iċ-ċifra kienet akbar meta mqabbla mal-2019, iżda iżgħar meta mqabbla mal-2018 (minn 358 726 persuna megħjuna fl-2019 għal 381 951 persuna fl-2020 = > + 23 225).

(13)

 Madankollu, it-tnaqqis fin-numru totali ta’ riċevituri finali fis-Slovakkja sar minħabba li ma ngħatax appoġġ materjali fl-2020, filwaqt li ġie eżawrit il-baġit allokat għat-tqassim tal-pakketti tal-iġjene; sadanittant, l-awtorità maniġerjali kompliet bl-akkwist pubbliku għal riżorsi addizzjonali.

(14)

 Fis-Slovakkja, it-tnaqqis huwa relatat mar-riżorsi limitati li kien għad fadal fi tmiem il-perjodu ta’ programmazzjoni. Sadanittant, il-baġit tal-FEAD żdied bil-fondi ta’ REACT-EU.

(15)

 L-ikel ta’ konvenjenza jinkludi prodotti xotti lesti biex jittieklu, ikel stabbli fuq l-ixkaffa , taħlitiet ippreparati, u ikel ħafif .

(16)

 Għal aktar dettalji, ara l-indikaturi komuni tal-output 4 sa 10, fl-Anness.

(17)

 Ara l-indikatur 11b fl-Anness. Il-valuri għal dan l-indikatur huma stabbiliti fuq stima informata pprovduta mill-organizzazzjonijiet sħab.

(18)

 L-interruzzjoni tal-assistenza materjali fl-2020 fis-Slovakkja kienet minħabba nuqqas ta’ riżorsi finanzjarji. Sadanittant, l-Awtorità Maniġerjali allokat mill-ġdid il-fondi għal din il-miżura mill-ġdid, u tat bidu għal akkwist pubbliku ġdid biex l-assistenza materjali terġa’ titnieda fl-2022.

(19)

 Dan ifisser li l-Istati Membri li jimplimentaw il-“programm operazzjonali għall-inklużjoni soċjali tal-persuni l-aktar fil-bżonn” (imsejjaħ ukoll “PO II”), li jappoġġaw l-attivitajiet barra l-miżuri tas-suq tax-xogħol attiv, li jikkonsistu f’assistenza mhux finanzjarja u mhux materjali, maħsuba għall-inklużjoni soċjali tal-persuni l-aktar fil-bżonn. 

IL-KUMMISSJONI EWROPEA

Brussell, 19.7.2022

COM(2022) 340 final

ANNESS

tar-

RAPPORT TAL-KUMMISSJONI LILL-KUNSILL U LILL-PARLAMENT EWROPEW

Sommarju tar-rapporti annwali ta’ implimentazzjoni għall-programmi operazzjonali kofinanzjati mill-Fond għal Għajnuna Ewropea għall-Persuni l-Aktar fil-Bżonn fl-2020

I.L-indikaturi tal-input komuni (PO I u PO II) 2014 – 2020 1  

Stat Membru	Indikatur nru 1		Indikatur nru 2		Indikatur nru 2a		Indikatur nru 2b		Indikatur nru 3
	L-ammont totali tan-nefqa pubblika eliġibbli approvata fid-dokumenti li jistabbilixxu l-kundizzjonijiet għall-appoġġ tal-operazzjonijiet (EUR)		L-ammont totali tan-nefqa pubblika eliġibbli mġarrba mill-benefiċjarji u mħallsa fl-implimentazzjoni tal-operazzjonijiet (EUR)		L-ammont totali tan-nefqa pubblika eliġibbli mġarrba mill-benefiċjarji u mħallsa fl-implimentazzjoni tal-operazzjonijiet marbuta mal-għoti ta’ appoġġ alimentari, meta rilevanti (EUR)		L-ammont totali tan-nefqa pubblika eliġibbli mġarrba mill-benefiċjarji u mħallsa fl-implimentazzjoni tal-operazzjonijiet marbuta mal-għoti ta’ assistenza materjali bażika, meta rilevanti (EUR)		L-ammont totali tan-nefqa pubblika eliġibbli ddikjarata lill-Kummissjoni (EUR) 2
Perjodu	2020	Kumulattiv	2020	Kumulattiv	2020	Kumulattiv	2020	Kumulattiv	2020	Kumulattiv
AT	3 213 696,00	21 214 980,00	5 247 445,39	20 990 935,35	-	-	5 200 113,39	20 596 245,36	4 260 142,19	15 869 912,47
BE	13 353 123,11	92 210 189,00	15 701 324,59	80 271 707,30	15 150 742,53	77 236 799,93	-	-	11 672 377,45	66 424 847,81
BG	792 502,42	123 478 865,49	16 042 369,97	113 147 699,54	15 055 038,86	107 812 857,94	-	-	29 695 573,93	112 424 610,26
CY	702 995,00	4 640 777,00	675 325,87	2 767 236,81	-	756 258,75	675 325,87	1 940 629,78	614 146,63	2 379 221,67
CZ	7 259 760,77	33 180 302,36	2 891 676,10	15 705 240,35	1 959 816,69	10 149 721,69	931 859,41	4 827 779,45	3 642 759,99	15 477 915,23
DE	18 846 167,50	91 081 195,84	14 363 776,57	60 115 630,52	-	-	-	-	13 501 698,80	44 830 977,99
DK	1 051 996,75	3 287 000,71	989 291,51	3 021 482,99	-	-	-	-	840 897,78	2 557 099,56
EE	1 354 646,00	8 148 240,88	1 354 646,00	8 142 686,88	1 354 646,00	8 142 686,88	-	-	1 216 369,41	6 938 298,84
EL	39 716 131,62	196 064 282,35	47 007 729,64	152 904 733,00	39 547 484,94	131 012 153,18	7 460 244,70	21 892 579,82	49 181 732,30	152 449 584,14
ES	95 786 586,02	620 896 234,99	87 961 528,40	571 750 872,62	83 657 146,38	544 591 470,73	-	-	92 175 281,42	513 039 244,50
FI	-	26 519 000,00	4 659 469,58	19 766 121,87	4 475 437,00	18 956 004,46	-	-	4 659 469,58	19 766 121,87
FR	90 904 070,31	585 653 793,52	81 099 247,05	498 681 665,42	80 422 672,05	496 449 961,40	-	-	81 652 115,17	266 099 431,05
HR	5 736 690,37	40 366 110,90	3 683 782,26	30 009 660,51	2 934 523,80	23 685 101,86	594 114,89	5 082 646,50	-	20 172 783,86
HU	14 597 760,28	130 569 344,88	22 362 208,62	68 778 691,58	19 218 889,29	61 450 782,88	2 979 458,34	6 927 030,71	15 192 927,33	51 180 138,68
IE	5 026 988,94	18 508 569,05	4 525 770,04	17 772 257,28	4 481 299,16	15 520 600,36	44 470,88	2 251 656,92	6 511 871,75	16 818 929,42
IT	62 790 000,00	352 182 500,00	59 724 029,52	309 821 808,37	53 875 908,58	301 377 980,75	5 848 120,94	8 443 827,62	58 000 730,57	291 784 028,35
LT	-	90 857 522,24	8 932 428,28	55 560 085,67	7 596 318,53	52 144 981,00	1 336 109,75	3 415 104,67	8 211 329,39 3	48 944 045,41
LU	642 733,00	4 039 677,00	625 162,13	3 463 364,14	408 135,49	2 240 584,74	109 851,72	725 349,87	625 162,13	2 642 351,43
LV	7 311 154,00	48 264 082,00	9 282 798,00	35 727 937,80	6 641 401,00	27 405 086,47	2 353 530,00	6 461 822,52	9 471 964,00	33 549 951,45
MT	-	4 640 777,00	559 832,91	3 171 845,01	524 633,92	2 964 023,84	-	-	524 633,92	3 132 119,18
NL	-	4 408 740,00	934 381,00	3 892 878,00	-	-	-	-	975 966,00	3 076 224,79
PL	84 226 508,66	517 499 793,59	86 487 891,77	420 864 793,27	86 487 891,77	420 864 793,27	-	-	99 016 265,99	420 864 793,27
PT	21 069 065,64	214 426 487,61	31 483 431,49	97 912 521,99	29 970 214,70	92 266 902,21	-	-	29 944 145,49	93 926 971,38
RO	160 000 000,00	621 854 505,06	40 665 406,17	211 191 838,53	27 479 721,45	198 006 153,81	12 399 889,31	12 399 889,31	40 665 406,17	184 170 705,86
SE	-	8 052 035,00	1 214 719,00	6 525 613,00	-	-	-	-	532 925,45	4 786 829,80
SI	3 461 837,69	25 334 708,71	3 403 323,19	18 960 488,58	3 270 652,41	18 279 170,98	-	-	3 922 043,71	15 623 759,22
SK	5 358 867,38	61 136 282,03	279 650,91	41 383 338,46	-	38 920 422,63	38 626,20	1 195 089,30	861 045,74	41 232 586,53
Totali	643 203 281,46	3 948 515 997,21	552 158 645,96	2 872 303 134,84	484 512 574,55	2 650 234 499,76	39 971 715,40	96 159 651,83	567 568 982,29	2 450 163 484,02

II.Indikaturi tal-output komuni dwar l-appoġġ alimentari distribwita (PO I) 2014 – 2020 4

Stat Membru	Indikatur nru 4		Indikatur nru 5		Indikatur nru 6		Indikatur nru 7		Indikatur nru 8		Indikatur nru 9		Indikatur nru 10
	Kwantità ta’ frott u ħaxix (tunnellati)		Kwantità ta’ laħam, bajd, ħut, frott tal-baħar (tunnellati)		Kwantità ta’ dqiq, ħobż, patata, ross u prodotti oħra li fihom il-lamtu (tunnellati)		Kwantità ta’ zokkor (tunnellati)		Kwantità ta’ prodotti tal-ħalib (tunnellati)		Kwantità ta’ xaħmijiet, żejt (tunnellati)		Kwantità ta’ ikel ta’ konvenjenza, oġġetti oħra tal-ikel (tunnellati)
Perjodu	2020	Kumulattiv	2020	Kumulattiv	2020	Kumulattiv	2020	Kumulattiv	2020	Kumulattiv	2020	Kumulattiv	2020	Kumulattiv
AT	-	-	-	-	-	-	-	-	-	-	-	-	-	-
BE	2 234,19	10 521,92	177,15	1 933,69	2 512,20	14 654,09		567,37	3 898,12	21 882,80	272,16	2 072,81	1 356,57	6 825,36
BG	4 366,92	21 775,44	1 803,06	9 744,52	4 685,09	36 936,56	864,97	4 940,04	428,06	2 769,65	1 135,79	3 937,18	124,32	915,30
CY	-	41,18	-	21,67	-	68,63	-	-	-	21,67	-	-	-	-
CZ	112,47	592,37	86,47	525,62	147,76	966,59	42,10	310,93	133,68	670,86	29,31	289,01	99,10	743,69
EE	70,00	271,00	134,00	976,00	185,00	1 190,00	56,00	463,00	41,00	41,00	45,00	356,00	120,00	526,00
EL	1 696,83	11 354,24	1 861,21	7 347,60	3 597,79	11 241,93	1 009,93	3 611,64	1 586,79	5 337,86	1 131,29	3 576,22	2 067,05	7 730,71
ES	17 875,96	105 821,97	5 702,61	30 474,79	7 977,37	85 817,14	-	-	41 550,49	232 550,78	7 628,72	31 776,89	8 348,67	105 339,90
FI	-	-	197,77	1 077,43	1 231,06	6 756,46	-	-	126,71	714,37	-	-	428,59	1 575,19
FR	11 343,00	61 847,25	4 872,00	30 506,27	9 535,00	71 613,93	2 075,00	19 833,08	36 230,00	279 433,44	3 637,00	21 614,92	5 199,00	35 786,85
HR	140,22	2 754,65	256,14	1 307,60	277,34	4 823,04	43,91	913,78	102,18	1 909,77	40,86	808,17	150,40	2 431,69
HU	866,43	2 611,57	80,54	489,97	1 492,02	5 725,04	180,39	1 322,38	448,46	970,25	448,46	1 240,44	1 639,87	5 058,06
IE	371,95	1 358,14	46,92	172,72	389,41	1 488,18	193,18	746,68	-	6,51	-	-	316,29	1 148,54
IT	2 994,32	23 162,11	1 947,10	6 117,08	37 589,66	152 923,94	650,08	7 618,93	22 945,51	95 804,42	5 302,71	17 717,51	5 495,03	37 199,45
LT	523,95	1 808,31	398,33	2 108,78	1 233,90	18 063,73	506,24	4 423,21	387,72	2 105,44	471,68	4 051,78	989,91	4 603,42
LU	512,29	1 947,29	224,15	1 228,15	498,38	1 695,38	62,38	350,38	621,39	2 867,39	113,93	489,93	152,86	2 271,86
LV	191,99	339,86	442,72	1 687,28	1 473,62	7 639,90	194,48	928,06	317,98	1 079,25	190,87	1 031,33	-	-
MT	61,79	326,35	15,96	86,50	84,68	381,36	-	-	-	147,05	-	-	8,20	53,37
PL	19 840,59	79 489,19	7 130,36	54 289,71	16 354,29	88 794,61	6 051,83	36 240,16	13 617,39	74 576,38	6 052,35	29 616,79	2 578,23	7 157,56
PT	9 450,89	20 900,37	2 086,81	7 916,19	4 848,11	11 582,42	-	981,00	7 144,80	19 677,11	566,94	2 281,87	508,33	1 831,24
RO	2 561,52	2 561,52	4 032,02	29 623,93	16 365,25	109 731,44	2 371,78	33 355,62	-	-	4 743,55	44 997,92	-	3 710,97
SI	-	-	-	-	1 166,40	8 412,62	-	-	1 758,69	10 608,13	474,88	2 334,48	443,34	2 292,49
SK	204,92	2 153,91	201,50	2 118,02	956,30	10 051,65	136,61	1 435,94	54,64	574,37	136,61	1 435,94	47,67	608,03
Totali	75 420,23	351 638,64	31 696,82	189 753,52	112 600,63	650 558,64	14 438,88	118 042,20	131 393,61	753 748,50	32 422,11	169 629,19	30 073,43	227 809,68

Stat Membru	Indikatur nru 11		Indikatur nru 11a	Indikatur nru 11b	Indikatur nru 12		Indikatur nru 13
	Kwantità totali ta’ appoġġ alimentari distribwit (tunnellati)		Sehem tal-ikel li għalih tħallsu biss it-trasport, id-distribuzzjoni u l-ħżin mill-PO (%)	Proporzjon ta’ prodotti tal-ikel kofinanzjati mill-FEAD fil-volum totali tal-ikel distribwit mill-organizzazzjonijiet imsieħba (%) 5	L-għadd totali ta’ ikliet distribwiti ffinanzjati parzjalment jew totalment mill-PO (numru) 6		In-numru totali ta’ pakketti ta’ ikliet distribwiti ffinanzjati parzjalment jew totalment mill-PO (numru) 7
Perjodu	2020	Kumulattiv	2020	2020	2020	Kumulattiv	2020	Kumulattiv
AT	-	-	-	-	-	-	-	-
BE	10 450,39	58 458,04	-	50,00	857 736,00	7 320 671,00	2 021 607,00	12 448 460,00
BG	13 408,21	81 018,69	-	100,00	6 833 412,00	41 724 543,00	344 499,00	1 451 149,00
CY	-	153,15	-	-	-	722 386,00	-	-
CZ	650,89	4 099,07	-	50,00	429 170,00	2 312 643,00	249 954,00	1 215 942,00
EE	651,00	3 823,00	37,00	27,00	-	-	53 214,00	257 592,00
EL	12 950,89	50 200,20	-	99,60	2 587 866,00	12 125 954,00	742 771,00	3 222 680,00
ES	89 083,82	591 781,47	-	100,00	27 709 748,00	198 514 146,84	4 404 111,00	27 512 356,00
FI	1 984,13	10 123,45	-	16,00	20 934,00	265 874,00	304 318,00	1 613 929,00
FR	72 891,00	520 635,74	-	24,50	-	-	62 934 453,00	463 457 683,00
HR	1 011,05	14948,70	-	68,80	2 153 705,00	12 663 906,00	39 816,00	748 562,00
HU	5 156,17	17 417,71	-	100,00	1 056 593,00	4 036 355,00	486 164,00	1 566 025,00
IE	1 317,75	4920,77	-	62,90	1 689 151,00	6 724 981,00	349 570,00	1 274 752,00
IT	76 924,41	340543,44	-	69,94	19 416 787,00	114 360 638,00	9 747 527,00	186 176 301,00
LT	4 511,73	37164,67	-	45,05	-	-	999 623,00	7 601 565,00
LU	2 185,38	10850,38	46,59	17,88	-	-	37 952,00	147 273,00
LV	2 811,66	12705,68	-	81,89	433 890,00	1 644 960,00	379 383,00	2 060 187,00
MT	170,63	994,63	-	35,00	-	-	10 002,00	56 994,00
PL	71 625,04	370164,40	-	74,29	2 432 273,00	9 737 121,00	6 219 109,00	37 836 162,00
PT	24 605,88	65170,20	-	94,17	-	-	452 543,00	1 890 007,00
RO	30 074,12	223981,40	-	-	-	-	1 185 888,00	16 268 287,00
SI	3 843,31	23 647,72	-	63,83	-	-	825 258,00	5 116 744,00
SK	1 738,25	18 377,86	-	87,08	88 960,00	190 773,00	136 615,00	1 435 952,00
Totali	428 045,71	2 461 180,37			65 710 225,00	412 344 951,84	91 924 377,00	773 358 602,00

III.Indikaturi tal-output komuni dwar l-appoġġ alimentari distribwit (PO I) 2014 – 2020 8

Stat Membru	Indikatur nru 14	Indikatur nru 14 a	Indikatur nru 14b	Indikatur nru 14c	Indikatur nru 14d	Indikatur nru 14e	Indikatur nru 14f
	In-numru totali ta’ persuni li jirċievu l-appoġġ alimentari	In-numru ta’ tfal li għandhom 15-il sena jew inqas	In-numru ta’ persuni li għandhom 65 sena jew iktar	In-numru ta’ nisa	In-numru ta’ migranti, parteċipanti bi sfond barrani, minoritajiet (inklużi komunitajiet marġinalizzati bħar-Rom)	In-numru ta’ persuni b’diżabbiltajiet	In-numru ta’ persuni bla dar
Perjodu	2020	2020	2020	2020	2020	2020	2020
AT	-	-	-	-	-	-	-
BE	381 951	114 482	29 395	138 855	106 155	10 639	16 009
BG	494 127	109 744	165 871	286 936	30 684	153 271	36
CY	-	-	-	-	-	-	-
CZ	78 416	40 449	7 516	32 768	20 581	5 233	11 238
EE	26 000	4 972	3 219	10 828	4 548	3 690	1 000
EL	293 891	58 657	26 341	152 090	23 175	7 480	4 069
ES	1 496 436	453 203	104 110	790 193	404 805	27 998	25 842
FI	317 490	48 358	105 770	144 497	36 302	7 470	2 707
FR	5 504 382	1 629 078	328 131	2 889 109	-	-	735 762,00
HR	23 053	21 453	1 274	11 977	2 451	436	-
HU	182 454	109 826	14 946	38 235	57 253	56 334	10 161
IE	276 919	84 042	29 706	88 102	37 367	11 304	51 313
IT	2 656 579	539 924	301 133	1 304 806	680 835	32 998	88 034
LT	183 411	44 553	19 905	94 830	1 804	23 520	196
LU	12 579	3 474	292	6 396	9 857	325	287
LV	75 469	11 597	15 308	39 263	837	13 048	543
MT	11 593	7 011	712	7 762	1 399	79	-
PL	1 337 134	339 501	158 349	682 902	8 939	223 165	31 436
PT	148 561	41 420	9 160	80 129	12 589	1 171	75
RO	1 185 888	356 577	129 521	351 206	55 059	238 581	825
SI	156 912	32 139	28 117	77 824	11 916	6 274	1 956
SK	136 930	40 926	2 725	67 088	-	5 668	3 334
Totali	14 980 175	4 091 386	1 481 501	7 295 796	1 506 556	828 684	249 061

IV.Indikaturi tal-output komuni dwar l-assistenza materjali bażika distribwita (PO I) 2014 – 2020

Stat Membru	Indikatur nru 15		Indikatur nru 15 a		Indikatur nru 15b		Indikatur nru 15c
	Il-valur monetarju totali tal-beni distribwiti		Il-valur monetarju totali tal-oġġetti għat-tfal		Il-valur monetarju totali tal-oġġetti għall-persuni mingħajr dar		Il-valur monetarju totali tal-oġġetti għal gruppi oħrajn fil-mira
Perjodu	2020	Kumulattiv	2020	Kumulattiv	2020	Kumulattiv	2020	Kumulattiv
AT	4 723 704,67	18 888 340,64	4 723 704,67	18 888 340,64	-	-	-	-
BE	-	-	-	-	-	-	-	-
BG	-	-	-	-	-	-	-	-
CY	675 325,87	1 938 721,96	675 325,87	1 938 721,96	-	-	-	-
CZ	1 973 442,28	5 695 459,00	829 650,44	2 355 775,13	331 691,09	816 317,14	812 100,73	2 523 368,78
EE	-	-	-	-	-	-	-	-
EL	7 038 691,47	20 896 160,85	711 721,04	2 478 312,38	85 452,61	268 339,80	6 152 600,03	17 992 396,85
ES	-	-	-	-	-	-	-	-
FI	-	-	-	-	-	-	-	-
FR	-	-	-	-	-	-	-	-
HR	368 915,67	4 131 740,38	190 003,80	1 572 927,39	159,57	40 300,97	178 752,30	2 518 512,02
HU	2 978 346,57	7 344 633,54	2 978 346,57	7 344 633,54	-	-	-	-
IE	1 153 887,22	3 433 600,98	1 091 914,70	3 338 794,02	-	-	20 000,00	54 034,44
IT	5 679 052,38	6 712 288,68	1 529,88	1 529,88	5 350 372,12	6 336 780,02	327 150,38	373 978,78
LT	1 104 948,50	3 637 948,46	-	-	-	-	-	-
LU	109 851,72	725 349,70	-	-	-	-	109 851,72	725 349,70
LV	2 137 207,00	6 093 091,36	695 026,00	3 690 426,36	-	-	1 442 181,00	2 402 665,00
MT	-	-	-	-	-	-	-	-
PL	-	-	-	-	-	-	-	-
PT	-	-	-	-	-	-	-	-
RO	41 267 699,20	41 267 699,20	12 288 688,37	12 288 688,37	4 250 107,75	4 250 107,75	28 957 676,60	28 957 676,60
SI	-	-	-	-	-	-	-	-
SK	-	1 141 074,00	-	1 058 424,00	-	25 938,00	-	56 712,00
Totali	69 211 072,55	121 906 108,75	24 185 911,34	54 956 573,67	10 017 783,14	11 737 783,68	38 000 312,76	55 604 694,17

(16)

Kategoriji ta’ oġġetti distribwiti lit-tfal 9

AT

BE

BG

CY

CZ

EE

EL

ES

FI

FR

HR

HU

IE

IT

LT

LU

LV

MT

PL

PT

RO

SI

SK

16a

Layette

Le

Le

Le

Iva

Iva

Le

Iva

Le

Le

Le

Iva

Iva

Iva

Iva

Le

Le

Le

Le

Le

Le

Le

Le

Le

16b

Basktijiet tal-iskola

Iva

Le

Le

Le

Le

Le

Iva

Le

Le

Le

Iva

Le

Le

Iva

Le

Le

Iva

Le

Le

Le

Le

Le

Le

16c

Kartolerija, pitazzi, pinen, materjal tat-tpinġija u materjal ieħor meħtieġ fl-iskola (mhux ħwejjeġ)

Iva

Le

Le

Le

Iva

Le

Iva

Le

Le

Le

Iva

Iva

Iva

Iva

Le

Le

Iva

Le

Le

Le

Le

Le

Le

16d

Tagħmir sportiv (żraben tal-isport, leotard, malja tal-għawm, eċċ.)

Le

Le

Le

Le

Le

Le

Iva

Le

Le

Le

Iva

Le

Le

Iva

Le

Le

Le

Le

Le

Le

Le

Le

Le

16e

Ħwejjeġ (kowt tax-xitwa, żraben, uniformi tal-iskola, eċċ.)

Le

Le

Le

Le

Le

Le

Le

Le

Le

Le

Iva

Le

Le

Iva

Le

Le

Le

Le

Le

Le

Le

Le

Le

16f

Oħrajn

Le

Le

Le

Iva

Iva

Le

Iva

Le

Le

Le

Iva

Iva

Iva

Iva

Le

Le

Iva 10

Le

Le

Le

Le

Le

Le

(17)

Kategoriji ta’ oġġetti distribwiti lil persuni mingħajr dar 11

AT

BE

BG

CY

CZ

EE

EL

ES

FI

FR

HR 12

HU

IE

IT

LT

LU

LV

MT

PL

PT

RO

SI

SK

17 a

Basktijiet tal-irqad/kutri

Le

Le

Le

Le

Iva

Le

Iva

Le

Le

Le

Iva

Le

Le

Iva

Le

Le

Le

Le

Le

Le

Le

Le

Le

17b

Tagħmir tal-kċina (borom, taġnijiet, pożati, eċċ.)

Le

Le

Le

Le

Iva

Le

Le

Le

Le

Le

Iva

Le

Le

Iva

Le

Le

Le

Le

Le

Le

Le

Le

Le

17c

Ħwejjeġ (kowt tax-xitwa, żraben, eċċ.)

Le

Le

Le

Le

Iva

Le

Le

Le

Le

Le

Iva

Le

Le

Iva

Le

Le

Le

Le

Le

Le

Le

Le

Le

17d

Bjankerija tad-dar (xugamani, friex tas-sodda)

Le

Le

Le

Le

Iva

Le

Le

Le

Le

Le

Iva

Le

Le

Iva

Le

Le

Le

Le

Le

Le

Le

Le

Le

17e

Oġġetti tal-iġjene (kaxxa għall-ewwel għajnuna, sapun, xkupilji tas-snien, xfafar li jintremew wara li jintużaw, eċċ.)

Le

Le

Le

Le

Iva

Le

Iva

Le

Le

Le

Iva

Le

Le

Iva

Le

Le

Le

Le

Le

Le

Iva

Le

Le

17f

Oħrajn

Le

Le

Le

Le

Iva

Le

Iva

Le

Le

Le

Le

Le

Le

Iva

Le

Le

Le

Le

Le

Le

Le

Le

Le

(18)

Lista tal-aktar kategoriji rilevanti ta’ oġġetti distribwiti lil gruppi oħra fil-mira 13

AT

BE

BG

CY

CZ

EE

EL

ES

FI

FR

HR

HU

IE

IT

LT

LU

LV

MT

PL

PT

RO

SI

SK

18 a

kategoriji oħra li jridu jiġu speċifikati

Le

Le

Le

Le

Le

Le

Iva

Le

Le

Le

Le

Le

Iva

Le

Le

Iva 14

Iva 15

Le

Le

Le

Le

Le

Le

V.Indikaturi tal-output komuni dwar l-assistenza materjali bażika distribwita 16  (PO I) 2014 – 2020

Stat Membru	Indikatur nru 19	Indikatur nru 19 a	Indikatur nru 19b	Indikatur nru 19c	Indikatur nru 19d	Indikatur nru 19e	Indikatur nru 19f
	In-numru totali ta’ persuni li jirċievu assistenza materjali bażika	In-numru ta’ tfal li għandhom 15-il sena jew inqas	In-numru ta’ persuni li għandhom 65 sena jew iktar	In-numru ta’ nisa	In-numru ta’ migranti, parteċipanti bi sfond barrani, minoritajiet (inklużi komunitajiet marġinalizzati bħar-Rom)	In-numru ta’ persuni b’diżabbiltajiet	In-numru ta’ persuni bla dar
Perjodu	2020	2020	2020	2020	2020	2020	2020
AT	44 389	37 577	-	21 307	22 195	-	-
BE	-	-	-	-	-	-	-
BG	-	-	-	-	-	-	-
CY	568	568		568	400	-	-
CZ	57 624	21 795	6 778	22 005	20 319	5 022	12 247
EE	-	-	-	-	-	-	-
EL	265 560	52 232	23 847	136 302	20 238	6 876	6 217
ES	-	-	-	-	-	-	-
FI	-	-	-	-	-	-	-
FR	-	-	-	-	-	-	-
HR	242	28	97	109	18	6	-
HU	128 289	128 289	-	506	11 145	1 114	-
IE	51 201	51 000	-	26 000	3 539	-	-
IT	24 833	1 972	1 891	7 198	14 851	1 478	16 429
LT	183 411	44 553	19 905	94 830	1 804	23 520	196
LU	12 579	3 474	292	6 396	9 857	325	287
LV	69 241	11 182	13 204	36 877	450	11 494	76
MT	-	-	-	-	-	-	-
PL	-	-	-	-	-	-	-
PT	-	-	-	-	-	-	-
RO	1 121 954	351 809	121 675	350 284	60 432	194 710	949
SI	-	-	-	-	-	-	-
SK	-	-	-	-	-	-	-
Totali	1 959 891	704 479	187 689	702 382	165 248	244 545	36 401

VI.Indikaturi tal-output komuni dwar l-assistenza għall-inklużjoni soċjali 17  (PO II) 2014 – 2020

Stat Membru	Indikatur nru 20	Indikatur nru 20 a	Indikatur nru 20b	Indikatur nru 20c	Indikatur nru 20d	Indikatur nru 20e	Indikatur nru 20f
	In-numru totali ta’ persuni li jirċievu assistenza għall-inklużjoni soċjali	In-numru ta’ tfal li għandhom 15-il sena jew inqas	In-numru ta’ persuni li għandhom 65 sena jew iktar	In-numru ta’ nisa	In-numru ta’ migranti, parteċipanti bi sfond barrani, minoritajiet (inklużi komunitajiet marġinalizzati bħar-Rom)	In-numru ta’ persuni b’diżabbiltajiet	In-numru ta’ persuni bla dar
Perjodu	2020	2020	2020	2020	2020	2020	2020
DE	28 168	4 275	420	14 223	21 605	641	8 170
DK	277	-	3	40	265	106	277
NL	366	-	366	282	124	55	-
SE	1 175	2	20	633	1 175	-	1 133
Totali	29 986	4 277	809	15 178	23 169	802	9 580

VII.Il-kisba tal-mira tal-indikaturi tal-output speċifiċi għall-programm dwar l-assistenza għall-inklużjoni soċjali (OPII) 2014–2020

Stat Membru	Kodiċi tal-indikatur	Isem l-indikatur (tradott)	Valur kwantitattiv fil-mira	Valur kwantitattiv (2020)	Valur kumulattiv kwantitattiv (2014–2020)	Proporzjon tal-kisba
DE	1	In-numru ta’ immigranti adulti tal-UE li ngħataw parir	18 044	18 536	100 924	559 %
	2	In-numru ta’ ġenituri sponsorjati ta’ tfal immigranti tal-età tal-kindergarten	19 700	6 140	25 253	128 %
	3	In-numru ta’ tfal immigranti sponsorjati tal-età tal-kindergarten	19 700	4 275	20 949	106 %
	4	In-numru ta’ persuni bla dar u persuni mhedda li jisfaw bla dar li ngħataw parir	21 450	5 365	32 195	150 %
DK	1	In-numru ta’ persuni li qed jipparteċipaw fl-isforzi, skont l-età u l-ġeneru u s-sitwazzjoni soċjali, inkluża l-kondizzjoni ta’ persuni bla dar, l-istatus tar-residenza, l-abbuż, il-mard mentali, id-diżabilitajiet u kwistjonijiet oħra	-	-	-	-
	2	In-numru ta’ persuni li qed jipparteċipaw fl-isforzi, skont l-età u l-ġeneru u s-sitwazzjoni soċjali, inkluża l-kondizzjoni ta’ persuni bla dar, l-istatus tar-residenza, l-abbuż, il-mard mentali, id-diżabilitajiet u kwistjonijiet oħra	1 400	277	2 446	175 %
NL	1	In-numru ta’ parteċipanti (persuni anzjani ta’ iktar minn 65 sena) milħuqa mill-programm	5 000	366	3 219	64 %

VIII.Il-kisba tal-mira tal-indikaturi tar-riżultati speċifiċi għall-programm dwar l-assistenza għall-inklużjoni soċjali (OPII) 2014–2020

Stat Membru	Kodiċi tal-indikatur	Unità tal-kejl	Isem l-indikatur (tradott)	Valur kwantitattiv tal-linja bażi	Valur kwantitattiv fil-mira	Valur kwantitattiv (2020)	Proporzjon tal-kisba fl-2020	Proporzjon medju 18 tal-kisba (2014–2020)
DE	1	Perċentwal	Il-proporzjon ta’ immigranti adulti tal-UE li għandhom aċċess għal servizzi ta’ konsulenza u appoġġ bħala riżultat tal-monitoraġġ u l-konsulenza tal-immigranti adulti kollha tal-UE intervistati	70	70	86,90	124 %	126 %
	2	Perċentwal	Il-perċentwal ta’ ġenituri ta’ tfal immigranti tal-età tal-kindergarten li tqiegħdu f’servizzi ta’ appoġġ relatati mal-ġenituri, mit-total tat-tfal kollha ikkuntattjati minn fost it-tfal immigranti	50	50	90,16	180 %	181 %
	3	Perċentwal	Il-proporzjon ta’ tfal immigranti tal-età tal-kindergarten, li jieħdu vantaġġ mill-offerti ta’ edukazzjoni bikrija, fit-total tat-tfal immigranti involuti tal-età tal-kindergarten	50	50	88,11	176 %	169 %
	4	Perċentwal	Il-proporzjon ta’ persuni bla dar parteċipanti li, bħala riżultat tal-akkumpanjament u l-konsulenza, huma permessi jaċċettaw għajnuna u jagħmlu użu mis-servizzi soċjali, imqabbel ma’ dawk kollha bla dar li ngħataw parir	70	70	81,56	117 %	118 %
DK	1	Individwi	In-numru ta’ utenti li jużaw offerti eżistenti oħra (qabel u) wara l-isforz	-	-	-	-	-
	2	Individwi	In-numru ta’ utenti li jużaw offerti eżistenti oħra (qabel u) wara l-isforz	-	490	241	49 %	66 %
NL	1	Perċentwal	Wara sena, il-parteċipant għadu meqjus mill-organizzazzjonijiet tal-għajnuna u/jew il-muniċipalitajiet	65	65	80	123 %	114 %
	2	Perċentwal	Wara li jipparteċipa/tipparteċipa, jindika/tindika li għandu/għandha network soċjali aktar b’saħħtu	40	40	49	123 %	111 %
	3	Perċentwal	Wara li jipparteċipa/tipparteċipa, jindika/tindika li għandu/għandha kompetenzi msaħħa	60	60	68	113 %	87 %
SE	SWR01	Perċentwal	Il-perċentwal ta’ individwi li jiddikjaraw li rċevew appoġġ jew assistenza eż. informazzjoni, interpretazzjoni, direzzjonijiet, eċċ.	-	40	94	235 %	189 %
	SWR02	Perċentwal	Il-proporzjon ta’ individwi li jiddikjaraw li tejbu l-kundizzjonijiet tal-ġestjoni tas-saħħa u l-iġjene	-	40	88	220 %	171 %

(1)

 Ir-Regolament ta’ Delega tal-Kummissjoni (UE) Nru 1255/2014 tas-17 ta’ Lulju 2014 jistabbilixxi l-kontenut tar-rapporti annwali u finali ta’ implimentazzjoni, inkluża l-lista ta’ indikaturi komuni. Id-data kollha hija estratta mis-Sistema għall-Ġestjoni tal-Fondi fl-Unjoni Ewropea – SFC2014. L-Istati Membri għandhom il-possibbiltà li jibdlu l-valuri rrappurtati għal indikatur fis-snin ta’ qabel. Il-kolonna “Kumulattiv”, li fiha jiġi ppreżentat it-total tal-valuri rrappurtati għal kull indikatur mill-2014 ’il quddiem, tinkorpora kull bidla li l-Istati Membri introduċew għall-valuri rrappurtati bejn l-2014 u l-2018 fir-rapporti ta’ implimentazzjoni tagħhom tal-2019. 

(2)

 L-ammonti rrappurtati fl-SFC2014 mill-Istati Membri fir-rapporti annwali ta’ implimentazzjoni tagħhom imsejsa fuq sorsi nazzjonali b’mod konsistenti mal-indikaturi tal-output.

(3)

 Ċifra riveduta dwar it-talbiet għal pagament

(4)

 L-indikaturi 4 sa 11 jinkludu kwalunkwe forma ta’ dawn il-prodotti: eż. Oġġetti tal-ikel frisk, fil-landa u ffriżat

(5)

 Il-valuri għal dan l-indikatur huma stabbiliti permezz ta’ stima infurmata mogħtija mill-organizzazzjonijiet imsieħba.

(6)

Id-definizzjoni ta' ikla tista’ tingħata mill-organizzazzjoni/l-operazzjoni/l-awtorità ta’ ġestjoni sħab. Il-valuri għal dan l-indikatur huma stabbiliti permezz ta’ valutazzjoni mill-organizzazzjonijiet sħab.

(7)

Id-definizzjoni ta’ pakkett ta’ ikla tista’ tingħata mill-organizzazzjoni/l-operazzjoni/l-awtorità ta' ġestjoni sħab. Il-pakketti ma jeħtiġilhomx ikunu standardizzati fid-daqs jew fil-kontenut. Il-valuri għal dan l-indikatur huma stabbiliti abbażi ta’ valutazzjoni mill-organizzazzjonijiet sħab.

(8)

Il-valuri għal dawn l-indikaturi huma ddeterminati permezz ta’ stima infurmata pprovduta mill-organizzazzjonijiet imsieħba. La huwa mistenni u lanqas meħtieġ li jkunu msejsa fuq l-informazzjoni pprovduta mir-riċevituri finali. L-Indikatur 14 (inkluż minn 14a sa 14f) jipprovdi stima tal-għadd ta’ persuni mogħtija għajnuna għal kull sena finanzjarja, għalhekk il-valuri kumulattivi għan-numru totali ta’ persuni għandhom jinqraw b’attenzjoni, peress li l-istess persuna jaf tkun ġiet magħduda kull sena. Barra minn hekk, l-indikaturi 14 u 19 (inkluż a-f) għandhom jitqiesu flimkien, peress li f’xi pajjiżi l-istess persuni jingħataw simultanjament kemm assistenza alimentari kif ukoll assistenza materjali bażika u għaldaqstant jingħaddu darbtejn.

(9)

Il-lista tinkludi l-kategoriji kollha rilevanti li jkopru mill-inqas 75 % tal-oġġetti distribwiti.

(10)

Il-LV tqassam “xampù tax-xagħar, sapun likwidu, toothpaste, xkupilji tas-snin, deterġent tal-ħasil tal-ħwejjeġ universali, trab tal-ħasil (għal ħwejjeġ ikkuluriti), deterġent għall-ħasil tal-platti, ħrieqi tat-trabi, krema għat-trabi u tfal żgħar sa 24 xahar, wet wipes għat-trabi u t-tfal żgħar, ħrieqi (garżi) u sapun għat-trabi u t-tfal żgħar” kif irrapportat fl-indikaturi 16f0 u minn 16f16 sa16f26.

(11)

Il-lista tinkludi l-kategoriji kollha rilevanti li jkopru mill-inqas 75 % tal-oġġetti distribwiti.

(12)

Fl-2020 ma kien hemm l-ebda persuna mingħajr dar irreġistrata fil-HR li rċeviet ikel u/jew appoġġ materjali, u din il-lista hija relatata mal-ispejjeż mill-2019 li ġew approvati fl-2020.

(13)

Il-lista tinkludi l-kategoriji kollha rilevanti li jkopru mill-inqas 75 % tal-oġġetti distribwiti.

(14)

Il-Lussemburgu (LU) jiddistribwixxi ħtiġijiet bażiċi - kategoriji ta’ oġġetti distribwiti lil gruppi oħra fil-mira (ID 18a-1).

(15)

Il-LV tiddistribwixxi “xampù tax-xagħar, sapun likwidu, toothpaste, xkupilji tas-snien, deterġent universali għall-ħasil tal-ħwejjeġ, trab tal-ħasil (għall-ħasil tal-ħwejjeġ ikkuluriti), deterġent għall-ħasil tal-platti”, kif irrappurtat fl-indikaturi 18a-0, u minn 18a16 sa 18a21.

(16)

Il-valuri għal dawn l-indikaturi huma ddeterminati permezz ta’ stima infurmata pprovduta mill-organizzazzjonijiet sħab. La huwa mistenni u lanqas meħtieġ li jkunu msejsa fuq l-informazzjoni pprovduta mir-riċevituri finali. L-Indikatur 19 (inklużi minn 19a sa 19f) jipprovdi stima tal-għadd ta’ persuni appoġġati għal kull sena finanzjarja, għalhekk il-valuri aggregati għan-numru totali ta’ persuni jridu jinqraw b’attenzjoni; peress li l-istess persuni jaf ikunu ġew magħduda aktar minn darba. Barra minn hekk, l-indikaturi minn 14 u 19 (inkluż a-f) għandhom jitqiesu flimkien, peress li f’xi pajjiżi l-istess persuni jingħataw simultanjament kemm assistenza alimentari kif ukoll assistenza materjali bażika u għaldaqstant jingħaddu darbtejn.

(17)

L-Indikatur 20 (inklużi 20a sa 20f) jipprovdi stima tan-numru ta’ persuni appoġġati għal kull sena finanzjarja, għalhekk il-valuri kumulattivi għan-numru totali ta’ persuni għandhom jinqraw b’attenzjoni, peress li l-istess persuni jaf ikunu ntlaħqu aktar minn darba.

(18)

Peress li l-indikaturi tar-riżultati speċifiċi għall-programm mhumiex marbuta b’mod espliċitu mal-indikaturi tal-output, il-proporzjon medju tal-kisba huwa kkalkulat bħala medja sempliċi tal-proporzjon tal-kisbiet għas-snin kollha li fihom il-programm irreġistra r-riċevituri finali.