IL-KUMMISSJONI EWROPEA
Brussell, 31.5.2018
COM(2018) 369 final
2018/0194(COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jistabilixxi programm ta’ skambju, assistenza u taħriġ għall-protezzjoni tal-euro kontra l-iffalsifikar għall-perjodu 2021-2027 (il-‘‘programm Pericles IV”)
{SWD(2018) 281 final}
MEMORANDUM TA’ SPJEGAZZJONI
1.KUNTEST TAL-PROPOSTA
Din il-proposta tipprevedi data ta' applikazzjoni mill-1 ta' Jannar 2021 u hija ppreżentata għall-Unjoni ta' 27 Stat Membru, b'konformità man-notifika mir-Renju Unit bl-intenzjoni tiegħu li jirtira mill-Unjoni Ewropea u l-Euratom abbażi tal-Artikolu 50 tat-Trattat tal-Unjoni Ewropea li waslet għand il-Kunsill Ewropew fid-29 ta' Marzu 2017.
·Raġunijiet u għanijiet
L-euro huwa, bħala l-munita unika tal-Unjoni, ta’ interess Ewropew ewlieni, li l-integrità tiegħu jeħtieġ li tkun protetta fid-dimensjonijiet kollha tiegħu. L-iffalsifikar tal-euro joħloq problema vera għall-Unjoni u għall-istituzzjonijiet tagħha. It-theddid tiegħu għadu sostanzjali, kif jidher mid-disponibbiltà dejjem tiżdied tal-euros u l-karatteristiċi ta’ sigurtà foloz ta’ kwalità għolja fuq l-internet/darknet u l-eżistenza ta’ hotspots ta’ ffalsifikar, eż. fil-Kolombja, il-Peru u ċ-Ċina. L-iffalsifikar ta’ flus huwa ta’ ħsara għaċ-ċittadini u n-negozji li ma jingħatawx rimborż għall-flus foloz, anki jekk dawn ikunu waslulhom b’rieda tajba. B’mod aktar ġenerali, iħalli impatt fuq l-istatus tal-valuta legali u fuq il-fiduċja taċ-ċittadini u n-negozji f'noti u muniti tal-euro ġenwini.
·Konsistenza mad-dispożizzjonijiet eżistenti fil-qasam ta’ politika
Mill-introduzzjoni tal-euro bħala munita unika, hemm il-ħtieġa li l-euro jitħares kontra l-iffalsifikar fil-livell tal-UE u li jkun hemm programm speċifiku ddedikat għal dan l-għan. Il-programm attwali "Pericles 2020" huwa ddedikat speċifikament għall-protezzjoni tal-karti tal-flus u l-muniti tal-euro kontra l-iffalsifikar, u ġie stabbilit bir-Regolament (UE) Nru 331/2014 tal-Parlament Ewropew u tal-Kunsill tal-11 ta’ Marzu 2014.
L-approċċ transnazzjonali u multidixxiplinarju distint ta’ Pericles 2020 u l-enfasi fuq il-bini tal-kapaċitajiet biex jipproteġu l-euro jagħmluh uniku fost il-programmi fil-livell tal-UE. Politiki oħrajn tal-Unjoni bħall-istrument tal-Pulizija tal-Fond għas-Sigurtà Interna (ISF Police) u l-Istrument ta’ Assistenza Teknika u Skambju ta’ Informazzjoni (TAIEX) jistgħu jitqiesu bħala kumplimentari kif ikkonfermati minn diversi awtoritajiet nazzjonali.
Din il-proposta leġiżlattiva tikkonċerna l-inizjattiva biex tkompli l-programm Pericles 2020 lil hinn mill-2020.
·Konsistenza ma’ politiki oħra tal-Unjoni
Protezzjoni b'saħħitha tal-euro kontra l-iffalsifikar tifforma komponent essenzjali tas-sigurtà bħala wieħed mill-punti fokali tal-azzjoni tal-UE, kif enfasizzat fid-dokument ta’ riflessjoni dwar il-ġejjieni tal-finanzi tal-UE. Il-prevenzjoni u l-ġlieda kontra l-iffalsifikar u l-frodi relatati jippreservaw l-integrità tas-sistema tal-euro u b’hekk itejbu l-kompetittività tal-ekonomija tal-UE u jiżguraw is-sostenibbiltà tal-finanzi pubbliċi. Għaldaqstant huma wkoll marbuta direttament mal-għan tal-Unjoni li ttejjeb il-funzjonament effiċjenti tal-Unjoni Ekonomika u Monetarja.
2.BAŻI ĠURIDIKA, SUSSIDJARJETÀ U PROPORZJONALITÀ
·Bażi ġuridika
Il-leġiżlazzjoni tal-Unjoni dwar il-protezzjoni tal-euro kontra l-iffalsifikar taqa’ fil-kamp ta’ applikazzjoni tal-Artikolu 133 tat-Trattat dwar il-Funzjonament tal-Unjoni Ewropea (TFUE). Din id-dispożizzjoni tipprevedi li l-Parlament Ewropew u l-Kunsill, li jaġixxu skont il-proċedura leġislattiva ordinarja, wara konsultazzjoni mal-Bank Ċentrali Ewropew, jistabbilixxu l-miżuri meħtieġa għall-użu tal-euro bħala l-munita unika. L-applikazzjoni tal-programm Pericles se jiġi estiż għall-Istati Membri li l-munita tagħhom mhijiex l-euro, permezz ta’ proposta għal Regolament parallel ibbażat fuq l-Artikolu 352 TFUE.
·Sussidjarjetà (għall-kompetenza mhux esklużiva)
Din il-proposta tikkonforma mal-prinċipju tas-sussidjarjetà. Il-protezzjoni tal-munita unika Ewropea bħala ġid pubbliku għandha dimensjoni transnazzjonali ċara, u għalhekk il-protezzjoni tal-euro tmur lil hinn mill-interessi u r-responsabbiltà tal-Istati Membri individwali tal-UE. Meta wieħed iqis iċ-ċirkolazzjoni transfruntiera tal-euro u l-involviment profond tal-kriminalità organizzata internazzjonali fl-iffalsifikar tal-euro (il-produzzjoni u d-distribuzzjoni), l-oqfsa ta’ protezzjoni nazzjonali jeħtieġu li jiġu kkumplimentati b’inizjattiva tal-UE li tiżgura kooperazzjoni nazzjonali u internazzjonali omoġenja, u li tiffaċċja r-riskji transnazzjonali emerġenti possibbli.
Skont l-evalwazzjoni ta’ nofs it-terminu tal-Programm, ''Il-valur miżjud tal-Programm, minħabba d-dimensjoni transnazzjonali unika tiegħu, jinsab essenzjalment fil-kapaċità tiegħu li jappoġġa forom ta’ kooperazzjoni internazzjonali li huma impossibbli li jintlaħqu mill-awtoritajiet nazzjonali''. Il-Programm ippromwova b’mod ċar il-kooperazzjoni transnazzjonali u transfruntiera fi ħdan l-UE kif ukoll l-iżgurar fuq livell internazzjonali ta’ protezzjoni globali tal-euro kontra l-iffalsifikar, u b’mod partikolari, ħa r-responsabbiltà li jiġġieled kontra t-theddid emerġenti speċifiku tal-iffalsifikar (bħall-web inviżibbli/dark web) u r-relazzjoni (ta’sfida) ma’ ċerti pajjiżi (pereżempju ċ-Ċina) minħabba li huwa diffiċli għall-Istati Membri individwali li jindirizzaw dawn it-theddidiet waħedhom b’mod effettiv. Inizjattivi bħall-istabbiliment ta’ djalogu mal-awtoritajiet Ċiniżi kontra l-iffalsifikar u l-appoġġ għal attivitajiet ta’ protezzjoni tal-euro fl-Amerika Latina ma kinux ikunu fattibbli mingħajr il-Programm. Ir-riċerka dwar l-elementi ta’ sigurtà innovattivi ta’ muniti tal-euro tat-tieni ġenerazzjoni jaqgħu ukoll f’din il-kategorija ta’ temi transnazzjonali.
·Proporzjonalità
Ir-Regolament propost huwa meħtieġ, adattat u xieraq biex jikseb l-għan aħħari. Huwa jipproponi li jsaħħaħ b’mod effiċjenti l-kooperazzjoni bejn l-Istati Membri u bejn il-Kummissjoni u l-Istati Membri, mingħajr ma jirrestrinġi l-kapaċità tal-Istati Membri li jipproteġu l-euro kontra l-iffalsifikar. L-azzjoni fil-livell tal-Unjoni hija ġġustifikata billi tgħin b’mod ċar lill-Istati Membri biex kollettivament jipproteġu l-euro u tinkoraġġixxi l-użu ta’ strutturi komuni tal-Unjoni sabiex tiżdied il-kooperazzjoni u l-iskambju ta’ informżazzjoni bejn l-awtoritajiet kompetenti.
·Għażla tal-istrument
L-istrument propost huwa Regolament, f'kontinwità mar-Regolament (UE) Nru 331/2014 li jistabbilixxi l-programm Pericles 2020. Ir-Regolament wera li jipprovdi ċ-ċertezza legali meħtieġa għal protezzjoni effettiva tal-euro kontra l-iffalsifikar li ma setax jinkiseb permezz ta’ strumenti legali oħra.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
·Evalwazzjonijiet retrospettivi/kontrolli tal-idoneità tal-leġiżlazzjoni eżistenti
Saret evalwazzjoni ta’ nofs it-terminu tal-Programm minn kuntrattur indipendenti fuq il-bażi tal-Art 13(4) tar-Regolament (UE) Nru 331/2014. Il-Kummissjoni adottat il-Komunikazzjoni COM(2017) 741 lill-Parlament Ewropew u lill-Kunsill dwar l-Evalwazzjoni ta’ Nofs it-Terminu tal-programm fis-6 ta’ Diċembru 2017, li fiha hija taqbel mal-konklużjoni li l-Programm għandu jitkompla sal-iskadenza naturali tiegħu fl-2020, tappoġġja t-tkomplija tal-Programm lil hinn mill-2020 minħabba l-valur miżjud tiegħu għall-UE, l-impatt fit-tul tiegħu u s-sostenibbiltà, u taqbel mal-valutazzjoni tal-Evalwazzjoni dwar il-kontinwazzjoni tal-Programm bħala programm awtonomu lil hinn mill-2020. L-evalwazzjoni indipendenti tikkonkludi li s-sejbiet kollha jikkonverġu lejn valutazzjoni ġenerali pożittiva mingħajr ambigwità f’dak kollu li għandu x’jaqsam mal-valur miżjud lill-UE, il-koerenza, ir-rilevanza, l-effettività, is-sostenibbiltà u l-effiċjenza. Biex tkompli tissaħħaħ l-effiċjenza tal-programm, l-evalwazzjoni ssuġġeriet:
–l-inkoraġġiment għal parteċipazzjoni akbar tal-Awtoritajiet Nazzjonali Kompetenti: jenħtieġ li tingħata konsiderazzjoni għall-istabbiliment ta’ kuntatti ma’ dawk li jieħdu d-deċiżjonijiet nazzjonali biex ikun żgurat li l-opportunitajiet offruti mill-Programm jinftiehmu tajjeb;
–is-simplifikazzjoni tal-proċess tal-applikazzjoni: jenħtieġ li tiġi esplorata l-possibbiltà li jiġu ppreżentati applikazzjonijiet u dokumentazzjoni rilevanti oħra online;
–it-tisħiħ tal-proċess ta’ monitoraġġ: Huwa rrakkomandat li possibbilment issir modifika tal-indikaturi ewlenin tal-prestazzjoni tal-Programm biex tinkludi indikaturi kwalitattivi.
·Konsultazzjonijiet mal-partijiet ikkonċernati
It-tema tal-protezzjoni tal-euro kontra l-iffalsifikar u l-proposta tal-MFF dwar il-kontinwazzjoni tal-programm Pericles 2020 kienet inkluża fil-konsultazzjoni Pubblika dwar il-fondi tal-UE fil-qasam tas-sigurtà, li għaliha l-perjodu ta’ konsultazzjoni kien mill-10 ta’ Jannar 2018 sad-9 ta’ Marzu 2018. Total ta’ 153 kontribuzzjoni waslu minn partijiet interessati privatiu pubbliċi, li minnhom 20 (13, 07%) speċifikament irreferew għall-programm Pericles 2020. Ir-rispondenti enfasizzaw ir-rilevanza għolja tal-programm Pericles 2020, b’50% speċifikament jenfasizzaw il-valur miżjud tal-programm għall-UE biex tiġi żgurata l-kooperazzjoni internazzjonali. Fir-rigward tal-ħtieġa li jiġu modifikati jew miżjuda l-għanijiet tal-programmi/fondi f'dan il-qasam ta’ politika, l-opinjonijiet kienu maqsuma, b’erba’ rispondenti jipproponu li jinżamm il-livell ta’ finanzjament kif inhu u tliet rispondenti favur żieda ta’ fondi.
·Valutazzjoni tal-impatt
F’konformità mar-rekwiżiti stabbiliti mir-Regolament Finanzjarju tal-UE [daħħal ir-referenenza], programmi li jipprovdu kontinwità fir-rigward tal-kontenut u l-istruttura jew li għandhom baġit relattivament żgħir, ma jeħtiġux valutazzjoni tal-impatt iżda pjuttost evalwazzjoni ex ante fil-forma ta’ Dokument ta’ Ħidma tal-Persunal. L-evalwazzjoni ex-ante SWD (SWD(2018) 281) li takkumpanja din il-proposta tissodisfa r-rekwiżiti tar-Regolamentazzjoni Aħjar.
·Simplifikazzjoni
L-evalwazzjoni ta’ nofs it-terminu tal-programm Pericles 2020 tissuġġerixxi, bħala miżura ta’ simplifikazzjoni għall-kontinwazzjoni tal-Programm, li tagħmel disponibbli l-possibbiltà li tissottometti applikazzjonijiet u dokumentazzjoni rilevanti oħra online. Barra minn hekk, biex tiġi ssimplifikata l-implimentazzjoni finanzjarja tal-għotjiet Pericles 2020, ġie introdott kost unitarju għas-sussistenza fl-2017.
4.IMPLIKAZZJONIJIET BAĠITARJI
Il-pakkett finanzjarju għall-implimentazzjoni tal-programm għall-perjodu 2021 - 2027, għandu jkun ta’ EUR 7 700 000, f’termini ta’ prezzijiet attwali. Dan l-ammont huwa f'konformità mal-proposta tal-Kummissjoni għal Qafas Finanzjarju Plurennali li jmiss għall-perjodu 2021-2027. Id-dikjarazzjoni finanzjarja leġiżlattiva mehmuża ma’ din il-proposta għal Regolament tistipula l-implikazzjonijiet baġitarji u r-riżorsi umani u amministrattivi meħtieġa.
5.ELEMENTI OĦRA
·Arranġamenti ta’ monitoraġġ, ta’ evalwazzjoni u ta’ rapportar
Fil-Ftehim Interistituzzjonali bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar it-Tfassil Aħjar tal-Liġijiet, it-tliet Istituzzjonijiet qablu li jistabbilixxu rekwiżiti ta’ rapportar, ta’ monitoraġġ u ta’ evalwazzjoni fil-leġislazzjoni, filwaqt li jevitaw ir-regolamentazzjoni żejda u l-piżijiet amministrattivi, b’mod partikolari għall-Istati Membri.
F’konformità mal-Ftehim Interistituzzjonali u l-Artikolu 12 u l-Artikolu 13 tal-proposta:
–għandha tingħata informazzjoni annwali dwar ir-riżultati, inklużi l-konsistenza u l-komplimentarjetà ma’ programmi oħrajn tal-UE, lill-Parlament Ewropew u lill-Kunsill, filwaqt li jitqiesu l-indikaturi stabbiliti fl-Anness ta’ din il-proposta;
–għandha ssir evalwazzjoni interim tal-Programm meta jkun hemm biżżejjed informazzjoni disponibbli dwar l-implimentazzjoni tal-Programm, iżda mhux aktar tard minn erba’ snin wara l-bidu tal-implimentazzjoni tal-programm; kif ukoll
–fit-tmiem tal-implimentazzjoni tal-Programm, iżda mhux aktar tard minn sentejn wara tmiem il-perjodu speċifikat fl-Artikolu 1, għandha ssir evalwazzjoni finali tal-Programm mill-Kummissjoni.
2018/0194 (COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jistabilixxi programm ta’ skambju, assistenza u taħriġ għall-protezzjoni tal-euro kontra l-iffalsifikar għall-perjodu 2021-2027 (il-‘‘programm Pericles IV”)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 133 tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġislattiv intbagħat lill-Parlamenti nazzjonali,
Wara li kkunsidraw l-opinjoni tal-Bank Ċentrali Ewropew
Filwaqt li jaġixxu skont il-proċedura leġislattiva ordinarja
Billi:
(1)L-Unjoni u l-Istati Membri intrabtu bl-għan li jistabbilixxu l-miżuri meħtieġa għall-użu tal-euro bħala munita unika. Dawn il-miżuri jinkludu l-protezzjoni tal-euro kontra l-iffalsifikar u l-frodi relatata biex b’hekk tissaħħaħ l-effettività tal-ekonomija tal-Unjoni u tiġi żgurata s-sostenibbiltà tal-finanzi pubbliċi.
(2)Ir-Regolament tal-Kunsill (KE) Nru 1338/2001 jipprevedi skambji ta' informazzjoni, koperazzjoni u assistenza reċiproka, u b' hekk jistabbilixxi qafas armonizzat għall-protezzjoni tal-euro. L-effetti ta ' dan ir-Regolament kienu estiżi bir-Regolament tal-Kunsill (KE) Nru 1339/2001 għal dawk l-Istati Membri li m’adottawx l-euro bħala l-munita unika tagħhom, sabiex jiġi pprovdut livell ta’ protezzjoni ekwivalenti tal-euro madwar l-Unjoni.
(3)L-azzjonijiet li għandhom l-għan li jippromwovu l-iskambji tal-informazzjoni u tal-persunal, assistenza teknika u xjentifika u taħriġ speċjalizzat jgħinu b’mod sinifikanti biex jipproteġu l-munita unika tal-Unjoni kontra l-iffalsifikar u l-frodi relatata biex b’hekk jintlaħaq livell għoli u ekwivalenti ta’ protezzjoni madwar l-Unjoni, filwaqt li tintwera l-kapaċità tal-Unjoni li tindirizza l-kriminalità organizzata serja.
(4)Il-programm għall-protezzjoni tal-euro kontra l-iffalsifikar jikkontribwixxi biex tiżdied is-sensibilizzazzjoni taċ-ċittadini tal-Unjoni, filwaqt li jtejjeb il-protezzjoni tal-euro, speċjalment permezz tad-disseminazzjoni kontinwa tar-riżultati ta' azzjonijiet appoġġati minn dan il-programm.
(5)L-appoġġ fl-imgħoddi għal dawn l-azzjonijiet, permezz tad-Deċiżjonijiet tal-Kunsill 2001/923/KE u 2001/924/KE, li ġew sussegwentement emendati u estiżi bid-Deċiżjonijiet tal-Kunsill 2006/75/KE, 2006/76/KE, 2006/849/KE, 2006/850/KE u r-Regolament (UE) Nru 331/2014 tal-Parlament Ewropew u tal-Kunsill, għamilha possibbli li jitjiebu l-attivitajiet tal-Unjoni u tal-Istati Membri fil-qasam tal-protezzjoni tal-euro kontra l-iffalsifikar. L-għanijiet tal-programm għall-protezzjoni tal-euro kontra l-iffalsifikar (il-“programm Pericles”) għall-perjodi 2002-2006, 2007-2013 u mill-2014 sal-2017 intlaħqu b’suċċess.
(6)Fil-Komunikazzjoni lill-Parlament Ewropew u lill-Kunsill dwar l-evalwazzjoni ta’ nofs it-terminu tal-Programm Pericles 2020, il-Kummissjoni waslet għall-konklużjoni li l-kontinwazzjoni tal-programm Pericles 2020 lil hinn mill-2020 għandha tkun appoġġata, minħabba l-valur miżjud tiegħu lill-UE, l-impatt tiegħu fit-tul u s-sostenibbiltà tal-azzjonijiet tiegħu.
(7)Il-parir li kien hemm fl-evalwazzjoni ta’ nofs it-terminu kien li l-azzjonijiet iffinanzjati taħt il-Programm Pericles 2020 jenħtieġ li jitkomplew, filwaqt li jitqiesu l-possibbiltajiet li tiġi ssimplifikata l-preżentazzjoni tal-applikazzjonijiet, li tkun inkoraġġuta d-differenzjazzjoni tal-benefiċjarji, li jitkompla l-iffukar fuq it-theddidiet ta’ falsifikar emerġenti u rikorrenti u li jiġu ssimplifikati l-indikaturi ewlenin tal-prestazzjoni.
(8)Għalhekk jenħtieġ li jiġi adottat Programm ġdid għall-perjodu 2021-2027 (il-programm “Pericles IV”). Jenħtieġ li jiġi żgurat li l-programm Pericles IV ikun konsistenti u komplimentari ma' programmi u azzjonijiet rilevanti oħra. Jenħtieġ għalhekk li l-Kummissjoni twettaq il-konsultazzjonijiet kollha meħtieġa fir-rigward tal-valutazzjoni tal-ħtiġijiet għall-protezzjoni tal-euro mal-partijiet prinċipali involuti, partikolarment mal-awtoritajiet nazzjonali kompetenti maħtura mill-Istati Membri, il-Bank Ċentrali Ewropew u l-Europol, fil-kumitat imsemmi fir-Regolament (KE) Nru 1338/2001, partikolarment fir-rigward tal-iskambju, l-assistenza u t-taħriġ, bl-iskop li jiġi applikat il-programm Pericles IV.
(9)Ir-regoli finanzjarji orizzontali adottati mill-Parlament Ewropew u mill-Kunsill fuq il-bażi tal-Artikolu 322 tat-Trattat dwar il-Funzjonament tal-Unjoni Ewropea japplikaw għal dan ir-Regolament. Dawn ir-regoli huma stipulati fir-Regolament Finanzjarju u jiddeterminaw b’mod partikolari l-proċedura għall-istabbiliment u l-implimentazzjoni tal-baġit permezz ta’ għotjiet, akkwist, premji, implimentazzjoni indiretta, u jipprovdu għal verifiki dwar ir-responsabilità ta’ protagonisti finanzjarji. Ir-regoli adottati abbażi tal-Artikolu 322 TFUE jikkonċernaw ukoll il-protezzjoni tal-baġit tal-Unjoni f’każ ta’ nuqqasijiet ġeneralizzati rigward l-istat tad-dritt fl-Istati Membri, peress li r-rispett għall-istat tad-dritt huwa prekondizzjoni essenzjali għal ġestjoni finanzjarja soda u finanzjament effettiv tal-UE.
(10)Dan ir-Regolament jikkonforma mal-prinċipji tal-valur miżjud u tal-proporzjonalità. Il-programm Pericles IV għandu jiffaċilita l-kooperazzjoni fost l-Istati Membri u bejn il-Kummissjoni u l-Istati Membri sabiex l-euro jkun protett mill-iffalsifikar, mingħajr ma jiġu mimsusa r-responsabbiltajiet tal-Istati Membri, u b'użu iktar effiċjenti tar-riżorsi minn dak li seta’ jsir fil-livell nazzjonali. Azzjoni fil-livell tal-Unjoni hija meħtieġa u ġġustifikata għax tgħin b' mod ċar lill-Istati Membri biex kollettivament jipproteġu l-euro u tinkoraġġixxi l-użu ta’ strutturi komuni tal-Unjoni sabiex tiżdied il-kooperazzjoni u l-iskambju ta’ informazzjoni bejn l-awtoritajiet kompetenti.
(11)Jenħtieġ li l-programm Pericles IV jiġi implimentat skont il-qafas finanzjarju pluriennali stabbilit fi [referenza għar-Regolament QFP wara l-2020 tar-Regolament tal-Kunsill (UE, Euratom) .../2018].
(12)Sabiex jiġu żgurati kondizzjonijiet uniformi għall-implimentazzjoni tal-programm Pericles IV, jenħtieġ li jiġu kkonferiti setgħat ta' implimentazzjoni lill-Kummissjoni. Jenħtieġ li l-Kummissjoni tadotta programmi ta’ ħidma annwali li jistipulaw il-prijoritajiet, it-tqassim tal-baġit u l-kriterji ta’ evalwazzjoni għall-għotjiet għall-azzjonijiet. Il-każijiet eċċezzjonali u debitament ġustifikati, li fihom iż-żieda fil-kofinanzjament tkun neċessarja sabiex l-Istati Membri jingħataw flessibilità ekonomika ikbar, biex b'hekk ikunu jistgħu jwettqu u jlestu proġetti biex jipproteġu u jissalvagwardjaw l-euro b'mod sodisfaċenti, jenħtieġ li jkunu parti mill-programmi ta' ħidma annwali.
(13)Dan ir-Regolament jistabbilixxi pakkett finanzjarju tal-programm Pericles IV, li għandu jikkostitwixxi l-ammont ta’ referenza ewlieni, skont it-tifsira ta’ [ir-referenza għandha tiġi aġġornata kif xieraq skont il-ftehim interistituzzjonali l-ġdid: il-punt 17 tal-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba], għall-Parlament Ewropew u l-Kunsill matul il-proċedura baġitarja annwali.
(14)Skont ir-Regolament Finanzjarju, ir-Regolament (UE, Euratom) Nru 883/2013 tal-Parlament Ewropew u tal-Kunsill, ir-Regolament tal-Kunsill (Euratom, KE) Nru 2185/96 u r-Regolament tal-Kunsill (UE) 2017/1939, l-interessi finanzjarji tal-Unjoni għandhom jiġu protetti permezz ta’ miżuri proporzjonati, inklużi l-prevenzjoni, id-detezzjoni, il-korrezzjoni u l-investigazzjoni ta’ irregolaritajiet u frodi, l-irkupru ta’ fondi mitlufa, imħallsa ħażin jew użati ħażin u, fejn xieraq, l-impożizzjoni ta' sanzjonijiet amministrattivi. B’mod partikolari, skont ir-Regolament (UE, Euratom) Nru 883/2013 u r-Regolament (Euratom, KE) Nru 2185/96, l-Uffiċċju Ewropew Kontra l-Frodi (OLAF) jista’ jwettaq investigazzjonijiet, inklużi kontrolli u spezzjonijiet fuq il-post, bil-ħsieb li jistabbilixxi jekk kienx hemm frodi, korruzzjoni jew kull attività illegali oħra li taffettwa l-interessi finanzjarji tal-Unjoni. Skont ir-Regolament tal-Kunsill (UE) 2017/1939, l-Uffiċċju tal-Prosekutur Pubbliku Ewropew jista’ jinvestiga u jista’ jagħmel prosekuzzjoni ta’ frodi u attivitajiet illegali oħra li jaffettwaw l-interessi finanzjarji tal-Unjoni kif previst fid-Direttiva (UE) 2017/1371 tal-Parlament Ewropew u tal-Kunsill. Skont ir-Regolament Finanzjarju, kull persuna jew entità li tirċievi fondi mill-Unjoni għandha tikkoopera bis-sħiħ fil-protezzjoni tal-interessi finanzjarji tal-Unjoni u tagħti d-drittijiet u l-aċċess neċessarji lill-Kummissjoni, lill-OLAF, lill-EPPO u lill-Qorti Ewropea tal-Awdituri (QEA).
(15)Jenħtieġ li l-Kummissjoni tippreżenta lill-Parlament Ewropew u lill-Kunsill rapport ta’ valutazzjoni ta’ nofs it-terminu dwar l-implimentazzjoni tal-programm Pericles IV u rapport ta’ evalwazzjoni finali dwar il-ksib tal-għanijiet tiegħu.
(16)Għalhekk ir-Regolament (UE) Nru 331/2014 jenħtieġ li jitħassar.
(17)Huwa xieraq li tiġi żgurata tranżizzjoni bla xkiel mingħajr interruzzjoni bejn il-programm Pericles 2020 u l-programm Pericles IV u huwa xieraq li d-durata tal-programm Pericles IV tiġi allinjata ma’ [referenza għar-Regolament QFP wara l-2020] ir-Regolament (UE, Euratom) …/ 2018] Għaldaqstant, il-programm Pericles IV jenħtieġ li japplika mill-1 ta’ Jannar 2021,
ADOTTAW DAN IR-REGOLAMENT:
KAPITOLU I
DISPOŻIZZJONIJIET ĠENERALI
Artikolu 1
Suġġett
Ir-Regolament jistabbilixxi l-programm Pericles IV, programm ta’ skambju, assistenza u taħriġ għall-protezzjoni tal-euro kontra l-iffalsifikar.
Jistabbilixxi l-għanijiet tal-Programm, il-baġit għall-perjodu mill-1 ta’ Jannar 2021 sal-31 ta’ Diċembru 2027, il-forom ta’ finanzjament tal-Unjoni u r-regoli għall-għoti ta’ dan it-tip ta’ finanzjament.
Artikolu 2
Għanijiet tal-programm
1.Il-Programm għandu l-għan ġenerali li ġej:
Li jipprevjeni u jiġġieled kontra l-iffalsifikar u l-frodi relatata, biex b' hekk tissaħħaħ il-kompetittività tal-ekonomija tal-Unjoni u tiġi żgurata s-sostenibbiltà tal-finanzi pubbliċi.
2.Il-Programm għandu l-għan speċifiku li ġej:
Li jipproteġi l-karti tal-flus u l-muniti tal-euro kontra l-iffalsifikar u l-frodi relatata, billi jappoġġa u jissupplimenta l-miżuri meħuda mill-Istati Membri u jassisti lill-awtoritajiet kompetenti nazzjonali u tal-Unjoni fl-isforzi tagħhom sabiex jiżviluppaw bejniethom u mal-Kummissjoni kooperazzjoni mill-qrib u regolari u skambju tal-aħjar prattiki, inklużi, fejn xieraq, pajjiżi terzi u organizzazzjonijiet internazzjonali.
Artikolu 3
Baġit
1.Il-pakkett finanzjarju għall-implimentazzjoni tal-Programm għall-perjodu bejn l-1 ta’ Jannar 2021 sal-31 ta’ Diċembru 2027 għandu jkun ta’ EUR 7 700 000 (fi prezzijiet attwali).
2.L-approprjazzjonijiet annwali għandhom jiġu awtorizzati mill-Parlament Ewropew u mill-Kunsill fil-limiti tal-qafas finanzjarju pluriennali.
3.L-ammont imsemmi fil-paragrafu 1 jista’ jintuża għal assistenza teknika u amministrattiva għall-implimentazzjoni tal-Programm, bħal attivitajiet preparatorji, ta’ monitoraġġ, ta’ kontroll, ta’ awditjar u ta’ evalwazzjoni inklużi sistemi tat-teknoloġija tal-informazzjoni korporattiva.
Artikolu 4
Implimentazzjoni u forom ta’ finanzjament mill-UE
1.Il-Programm għandu jiġi implimentat f’ġestjoni diretta skont [l-aħħar verżjoni tar-Regolament Finanzjarju, ir-Regolament (UE, Euratom) Nru 966/2012.]
2.Il-Programm għandu jkun implimentat mill-Kummissjoni f’kooperazzjoni mal-Istati Membri, permezz ta’ konsultazzjonijiet regolari fi stadji differenti tal-implimentazzjoni tal-Programm, b’kunsiderazzjoni tal-miżuri rilevanti meħuda minn entitajiet kompetenti oħrajn, b’mod partikolari l-Bank Ċentrali Ewropew u l-Europol.
3.L-appoġġ finanzjarju taħt il-Programm għal azzjonijiet eliġibbli elenkati fl-Artikolu 6 għandu jieħu l-forma jew ta’:
għotjiet ta' flus; jew
ta’ akkwist pubbliku.
Artikolu 5
Azzjonijiet konġunta
1.L-azzjonijiet taħt il-Programm jistgħu jiġu organizzati b’mod konġunt mill-Kummissjoni u sħab oħrajn li għandhom kompetenza relevanti, bħal:
(a)il-banek ċentrali nazzjonali u l-Bank Ċentrali Ewropew (BĊE);
(b)ic-Ċentri Nazzjonali ta ' Analiżi (NACs) u ċ-Ċentri Nazzjonali ta ' Analiżi tal-Muniti (CNACs);
(c)iċ-Ċentru Tekniku u Xjentifiku Ewropew (ETSC) u z-zekki ;
(d)l-Europol, l-Eurojust u l-Interpol;
(e)l-uffiċċji ċentrali nazzjonali kontra l-iffalsifikar, kif previst fl-Artikolu 12 tal-Konvenzjoni Internazzjonali għas-Soppressjoni tal-Falsifikazzjoni tal-Muniti iffirmata f' Ġinevra fl-20 ta ' April 1929 u aġenziji oħrajn speċjalizzati fil-prevenzjoni, fid-detezzjoni u fl-infurzar tal-liġi b’konnessjoni mal-iffalsifikar;
(f)korpi speċjalizzati kkonċernati fil-qasam tat-teknoloġija tad-dupplikazzjoni u ċ-ċertifikazzjoni, stampaturi u inċiżuri;
(g)korpi oħra minbarra dawk imsemmija fil-punti minn (a) sa (f) li joffru kompetenza speċifika, inklużi, fejn xieraq, korpi bħal dawn minn pajjiżi terżi u b'mod partikolari minn Stati aderenti u minn pajjiżi kandidati; kif ukoll
(h)entitajiet privati li żviluppaw u pprovdew evidenza ta ' għarfien tekniku u timijiet li jispeċjalizzaw fid-detezzjoni ta' karti tal-flus u ta’ muniti ffalsifikati.
2.Fejn l-azzjonijiet eliġibbli jkunu organizzati b’mod konġunt mill-Kummissjoni u l-BĊE, l-Eurojust, l-Europol jew l-Interpol, l-ispejjeż li jkun hemm għandhom jinqasmu bejniethom. Fi kwalunkwe każ, kull wieħed minnhom għandu jħallas l-ispejjeż tal-vjaġġi u tal-akkomodazzjoni tal-kelliema mistiedna tiegħu.
KAPITOLU II
ELIĠIBBILTÀ
Artikolu 6
Azzjonijiet eliġibbli
1.Il-Programm għandu jipprovdi, skont il-kundizzjonijiet stipulati fil-programmi ta ' ħidma annwali msemmija fl-Artikolu 10, appoġġ finanzjarju għall-azzjonijiet li ġejjin:
(a)skambju u disseminazzjoni ta ' informazzjoni, partikolarment permezz tal-organizzazzjoni ta' workshops, laqgħat u seminars inklużi taħriġ, apprendistati b’fokus partikolari u skambji tal-persunal tal-awtoritajiet nazzjonali kompetenti u azzjonijiet oħra simili. L-iskambju ta’ informazzjoni għandu jkun, fost l-oħrajn, immirat lejn:
–il-metodoloġiji għall-monitoraġġ u l-analiżi tal-impatt ekonomiku u finanzjarju tal-iffalsifikar;
–it-tħaddim ta' bażijiet ta’ data u sistemi ta’ twissija bikrija;
–l-użu ta' għodda ta' sejbien bl-għajnuna tal-kompjuter;
–il-metodi ta' inkjesta u ta’ investigazzjoni;
–assistenza xjentifika, inkluż il-monitoraġġ ta’ żviluppi ġodda;
–il-protezzjoni tal-euro barra l-Unjoni;
–azzjonijiet ta’ riċerka;
–il-forniment ta' kompetenzi speċifiċi operazzjonali;
(b)assistenza teknika, xjentifika u operazzjonali kif ikun jidher neċessarju bħala parti mill-programm, inklużi b'mod partikolari:
–kull miżura xierqa li tistabbilixxi riżorsi għat-tagħlim fuq livell tal-Unjoni, bħal handbook ta' leġiżlazzjoni tal-Unjoni, bullettini ta' informazzjoni, manwali prattiċi, glossarji u dizzjunarji, bażijiet ta’ data, b'mod speċjali fil-qasam tal-assistenza xjentifika u l-għassa tat-teknoloġija jew applikazzjonijiet tal-kompjuter li joffru appoġġ bħal pereżempju softwer;
–studji rilevanti b’dimensjoni multidixxiplinarja u transnazzjonali, inkluża r-riċerka dwar karatteristiċi ta’ sigurtà innovattivi;
–l-iżvilupp ta' strumenti u metodi tekniċi ta' appoġġ li jiffaċilitaw l-azzjonijiet ta' detezzjoni fil-livell tal-Unjoni;
–appoġġ għall-kooperazzjoni f'operazzjonijiet li jinvolvu mill-inqas żewġ Stati meta dan l-appoġġ ma jkunx disponibbli minn programmi oħrajn tal-istituzzjonijiet u l-korpi Ewropej;
(c)ix-xiri ta’ tagħmir li għandu jintuża minn awtoritajiet ta’ pajjiżi terzi speċjalizzati kontra l-iffalsifikar għall-protezzjoni tal-euro kontra l-iffalsifikar, b’konformità mal-Artikolu 10(3).
2.Il-programm għandu jqis aspetti transnazzjonali u multidixxiplinarji tal-ġlieda kontra l-iffalsifikar billi jimmira lejn il-parteċipazzjoni tal-gruppi li ġejjin:
(a)l-impjegati tal-aġenziji involuti fid-detezzjoni tal-iffalsifikar u fil-ġlieda kontrih, b’mod partikolari l-korpi tal-pulizija, tad-dwana u amministrazzjonijiet finanzjarji, skont il-funzjoni speċifika tagħhom fil-livell nazzjonali;
(b)il-persunal tal-intelligence;
(c)ir-rappreżentanti tal-banek ċentrali nazzjonali, taz-zekki, tal-banek kummerċjali u ta' intermedjarji finanzjarji oħrajn, b' mod partikolari fejn għandhom x' jaqsmu l-obbligi tal-istituzzjonijiet finanzjarji;
(d)l-uffiċjali ġudizzjarji, l-avukati speċjalizzati u l-membri tal-ġudikatura f'dan il-qasam;
(e)kull grupp ieħor ta' speċjalisti kkonċernat (bħal pereżempju, kmamar tal-kummerċ u tal-industrija jew strutturi simili li joffru aċċess lill-intrapriżi żgħar u medji, bejjiegħa bl-imnut u kumpaniji responsabbli għat-transitu ta' flus kontanti.
3.Il-gruppi msemmija fil-paragrafu 2 ta’ dan l-Artikolu jistgħu jinkludu parteċipanti minn pajjiżi terzi, jekk dan ikun importanti għat-twettiq tal-għanijiet previsti fl-Artikolu 2.
KAPITOLU III
GĦOTJIET
Artikolu 7
Għotjiet
Għotjiet li jaqgħu taħt il-Programm għandhom jingħataw u jiġu ġestiti skont it-Titolu VIII tar-Regolament Finanzjarju.
Għall-azzjonijiet implimentati permezz ta’ għotjiet, ix-xiri ta’ tagħmir m’għandux ikun l-uniku komponent tal-ftehim tal-għotja.
Artikolu 8
Rati ta’ kofinanzjament
Ir-rata ta’ kofinanzjament għall-għotjiet mogħtija skont il-Programm m’għandhiex tkun aktar minn 75 % tal-ispejjeż eliġibbli. F’każijiet eċċezzjonali u ġġustifikati li huma ddefiniti fil-programmi ta’ ħidma annwali msemmija fl-Artikolu 10, ir-rata ta’ kofinanzjament m’għandhiex tkun iktar minn 90 % tal-ispejjeż eliġibbli.
Artikolu 9
Entitajiet eliġibbli
Il-korpi eliġibbli għall-finanzjament skont il-Programm għandhom ikunu l-awtoritajiet nazzjonali kompetenti, kif definiti fil-punt (b) tal-Artikolu 2 tar-Regolament (KE) Nru 1338/2001.
KAPITOLU IV
PROGRAMMAR, MONITORAĠĠ, EVALWAZZJONI U KONTROLL
Artikolu 10
Programmi ta’ ħidma
1.Il-Programm għandu jiġi implimentat permezz ta’ programmi ta’ ħidma kif imsemmi fl-Artikolu 110 tar-Regolament Finanzjarju.
2.Għall-għotjiet, flimkien mar-rekwiżiti stipulati fl-Artikolu 108 tar-Regolament Finanzjarju, il-programm ta’ ħidma għandu jispeċifika l-kriterji tal-għażla u tal-għoti essenzjali u r-rata massima possibbli ta’ kofinanzjament.
Artikolu 11
Eżerċizzju ta’ delega
1.Is-setgħa li jiġu adottati atti delegati hija mogħtija lill-Kummissjoni soġġetta għall-kondizzjonijiet stabbiliti f’dan l-Artikolu.
2.Id-delega tas-setgħa msemmija fl-Artikolu 12(2) għandha tiġi kkonferita lill-Kummissjoni mill-1 ta' Jannar 2021 sal-31 ta' Diċembru 2027.
3.Id-delega ta' setgħa msemmija fl-Artikolu 12(2) tista' tiġi revokata fi kwalunkwe mument mill-Parlament Ewropew jew mill-Kunsill. Deċiżjoni ta’ revoka għandha ttemm id-delega tas-setgħat speċifikati f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fih. Hija ma għandhiex taffettwa l-validità tal-atti delegati li jkunu diġà fis-seħħ.
4.Qabel ma tadotta att delegat, il-Kummissjoni għandha tikkonsulta esperti magħżula minn kull Stat Membru f’konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016.
5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.
6.Att delegat adottat skont l-Artikolu 12(2) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien perjodu ta’ xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dan il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dan il-perjodu għandu jiġi estiż bi tliet xhur fuq l-inizjattiva tal-Parlament Ewropew jew tal-Kunsill.
Artikolu 12
Monitoraġġ
1.L-indikaturi biex jirrappurtaw dwar il-progress tal-Programm lejn il-kisba tal-għan speċifiku stabbilit fl-Artikolu 2 huma stipulati fl-Anness għal din il-proposta.
2Biex tiżgura valutazzjoni effettiva tal-progress tal-Programm lejn l-ilħuq tal-għanijiet tiegħu, il-Kummissjoni għandha s-setgħa li tadotta atti delegati, f’konformità mal-Artikolu 11, biex tiżviluppa d-dispożizzjonijiet għal qafas ta’ monitoraġġ u ta’ evalwazzjoni, inkluż permezz ta’ emendi għall-Anness sabiex tirrevedi u tikkumplimenta l-indikaturi fejn meħtieġ għall-finijiet tal-evalwazzjoni.
3.Il-Kummissjoni għandha tipprovdi informazzjoni annwali dwar ir-riżultati tal-Programm lill-Parlament Ewropew u lill-Kunsill, filwaqt li tqis l-indikaturi kwantitattivi u kwalitattivi stabbiliti fl-Anness ta’ din il-proposta.
4.Il-pajjiżi parteċipanti u benefiċjarji oħrajn għandhom jipprovdu lill-Kummissjoni bid-data u bl-informazzjoni kollha meħtieġa biex ikun possibbli li jsiru l-monitoraġġ u l-valutazzjoni tal-Programm.
Artikolu 13
Evalwazzjoni
1.L-evalwazzjoni interim tal-Programm għandha titwettaq ladarba jkun hemm biżżejjed informazzjoni disponibbli dwar l-implimentazzjoni tal-Programm, iżda mhux aktar tard minn erba’ snin wara l-bidu tal-implimentazzjoni tal-programm.
2.Fi tmiem l-implimentazzjoni tal-Programm, iżda mhux aktar tard minn sentejn wara tmiem il-perjodu speċifikat fl-Artikolu 1, għandha titwettaq evalwazzjoni finali tal-Programm mill-Kummissjoni.
3.Il-Kummissjoni għandha tikkomunika l-konklużjonijiet tal-evalwazzjonijiet, akkumpanjati mill-osservazzjonijiet tagħha, lill-Parlament Ewropew, lill-Kunsill u lill-Bank Ċentrali Ewropew.
KAPITOLU V
DISPOŻIZZJONIJIET FINALI
Artikolu 14
Informazzjoni, komunikazzjoni u pubbliċità
1.Ir-riċevituri tal-finanzjament tal-Unjoni għandhom jirrikonoxxu l-oriġini u jiżguraw il-viżibbiltà tal-finanzjament tal-Unjoni (b’mod partikolari meta jippromwovu l-azzjonijiet u r-riżultati tagħhom) billi jipprovdu informazzjoni mmirata koerenti, effettiva u proporzjonata lil diversi udjenzi inklużi lill-midja u lill-pubbliku.
2.Il-Kummissjoni għandha timplimenta azzjonijiet ta’ informazzjoni u ta' komunikazzjoni relatati mal-Programm, u mal-azzjonijiet u r-riżultati tagħha. Ir-riżorsi finanzjarji allokati lill-Programm għandhom jikkontribwixxu wkoll għall-komunikazzjoni korporattiva tal-prijoritajiet politiċi tal-Unjoni, sakemm dawn ikunu relatati mal-għanijiet imsemmija fl-Artikolu 2.
Artikolu 15
Tħassir
Ir-Regolament (UE) Nru 331/2014 jitħassar b'effett mill-1 ta’ Jannar 2021.
Artikolu 16
Dispożizzjonijiet tranżitorji
Dan ir-Regolament m’għandux jaffettwa t-tkomplija jew il-modifika tal-azzjonijiet ikkonċernati, skont ir-Regolament (UE) Nru 331/2014, li għandhom ikomplu japplikaw għall-azzjonijiet ikkonċernati sal-għeluq tagħhom.
Artikolu 17
Dħul fis-seħħ
Dan ir-Regolament għandu jidħol fis-seħħ fil-jum ta' wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu japplika mill-1 ta' Jannar 2021.
Dan ir-Regolament għandu jorbot fl-intier tiegħu u japplika direttament fl-Istati Membri f'konformità mat-Trattati.
Magħmul fi Brussell,
Għall-Parlament Ewropew
Għall-Kunsill
Il-President
Il-President
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
1.2.Qasam/oqsma ta’ politika konċernat(i) fl-istruttura ABM/ABB
1.3.Natura tal-proposta/tal-inizjattiva
1.4.Raġunijiet għall-proposta/għall-inizjattiva
1.5.Durata u impatt finanzjarju
1.6.Mod(i) ta’ ġestjoni ppjanat(i)
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
2.2.Sistema ta’ ġestjoni u ta’ kontroll
2.3.Miżuri għall-prevenzjoni ta’ frodi u ta’ irregolaritajiet
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwati
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
3.2.2.Impatt stmat fuq l-approprjazzjonijiet ta’ natura amministrattiva
3.2.3.Kontribuzzjonijiet ta’ partijiet terzi
3.3.Impatt stmat fuq id-dħul
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
Proposta għal REGOLAMENT TAL-PARLAMENT EWROPEW U TAL-KUNSILL dwar il-programm Pericles biex jiġu promossi attivitajiet fil-qasam tal-protezzjoni tal-euro kontra l-iffalsifikar.
1.2.Qasam/oqsma ta’ politika kkonċernat/i
Sigurtà; Napprofondixxu l-UEM: Protezzjoni tal-euro kontra l-iffalsifikar
1.3.Natura tal-proposta/tal-inizjattiva
◻ Il-proposta/l-inizjattiva hija dwar azzjoni ġdida
◻ Il-proposta/l-inizjattiva hija dwar azzjoni ġdida b’segwitu għal proġett pilota/azzjoni preparatorja
X Il-proposta/l-inizjattiva hija dwar l-estensjoni ta’ azzjoni eżistenti
◻ Il-proposta/l-inizjattiva hija dwar azzjoni diretta mill-ġdid lejn azzjoni ġdida
1.4.Raġunijiet għall-proposta/għall-inizjattiva
1.4.1.Rekwiżit(i) li għandu/hom jiġi/u ssodisfat(i) fuq terminu qasir jew twil
It-Trattat jipprevedi li l-Parlament Ewropew u l-Kunsill għandhom jistabbilixxu l-miżuri meħtieġa għall-użu tal-euro bħala l-munita unika (l-Artikolu 133 TFUE). Dawn il-miżuri jinkludu fost oħrajn il-protezzjoni tal-euro kontra l-iffalsifikar. Ibbażat fuq dan l-Artikolu, il-protezzjoni tal-euro bħala l-munita unika hija responsabbiltà tal-UE. B'mod parallel, l-awtoritajiet nazzjonali joħorġu l-karti tal-flus u l-muniti tal-euro, skont l-Artikolu 128 TFUE. L-Istati Membri adottaw leġiżlazzjoni nazzjonali u stabbilixxew regoli interni li jipproteġu l-euro.
1.4.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadann mill-koordinazzjoni, iċ-ċertezza tad-dritt, effettività akbar jew il-kumplimentarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li b’xi mod ieħor kien jinħoloq mill-Istati Membri weħidhom.
Raġunijiet għall-azzjoni fil-livell Ewropew (ex-ante)
Il-protezzjoni tal-munita unika Ewropea bħala ġid pubbliku għandha dimensjoni transnazzjonali ċara, u għalhekk il-protezzjoni tal-euro tmur lil hinn mill-interessi u r-responsabbiltà tal-Istati Membri individwali tal-UE. Minħabba ċ-ċirkolazzjoni transfruntiera tal-euro u l-involviment profond tal-kriminalità organizzata internazzjonali fl-iffalsifikar tal-euro (il-produzzjoni u d-distribuzzjoni), l-oqfsa ta’ protezzjoni nazzjonali jeħtieġu li jiġu kkumplimentati biex tkun żgurata kooperazzjoni nazzjonali u internazzjonali omoġenja, u biex ikunu jistgħu jiffaċċjaw ir-riskji transnazzjonali emerġenti possibbli.
Valur miżjud iġġenerat tal-Unjoni mistenni (ex post)
Il-Programm se jippromwovi l-kooperazzjoni transnazzjonali u transfruntiera fl-UE kif ukoll l-iżgurar fuq livell internazzjonali ta’ protezzjoni globali tal-euro kontra l-iffalsifikar, u b’mod partikolari, se jieħu r-responsabbiltà li jiġġieled kontra theddid emerġenti speċifiku tal-iffalsifikar (bħall-web inviżibbli/dark web) u li jittratta r-relazzjoni (ta’ sfida) ma’ ċerti pajjiżi (pereżempju ċ-Ċina) minħabba li huwa diffiċli għall-Istati Membri individwali li jindirizzaw dawn it-theddidiet waħedhom b’mod effettiv. Inizjattivi bħall-istabbiliment ta’ djalogu ma’ awtoritajiet Ċiniżi kontra l-iffalsifikar u appoġġ għal attivitajiet ta’ protezzjoni tal-euro fl-Amerika Latina ma jkunux fattibbli mingħajr il-Programm. Ir-riċerka dwar l-elementi ta’ sigurtà innovattivi ta’ muniti tal-euro tat-tieni ġenerazzjoni taqa’ wkoll f’din il-kategorija ta’ temi transnazzjonali.
1.4.3.Tagħlimiet meħuda minn esperjenzi simili fl-imgħoddi
Il-programm Pericles ġie evalwat fi tliet okkażjonijiet, fl-2004, fl-2011 u fl-2017. Mill-valutazzjonijiet jidher li l-Programm kiseb l-għanijiet tiegħu u li l-benefiċjarji esprimew il-fehma li l-Programm għandu jitkompla. B'mod partikolari, l-evalwazzjoni ta’ nofs it-terminu tal-Programm Pericles 2020 fl-2017 tikkonkludi li s-sejbiet kollha jikkonverġu lejn valutazzjoni ġenerali mingħajr ambigwità rigward il-valur miżjud tiegħu tal-UE, il-koerenza, ir-rilevanza, l-effettività, is-sostenibbiltà u l-effiċjenza.
It-tagħlimiet meħuda mill-Programm ta’ qabel huma dawn li ġejjin:
- Il-ħtieġa li titħeġġeġ parteċipazzjoni akbar tal-Awtoritajiet Nazzjonali Kompetenti: jenħtieġ li tingħata konsiderazzjoni għall-istabbilment ta’ kuntatti ma’ dawk li jieħdu d-deċiżjonijiet nazzjonali biex ikun żgurat li l-opportunitajiet offruti mill-Programm jinftiehmu tajjeb.
- Jenħtieġ li tiġi esplorata l-possibbiltà tal-preżentazzjoni ta’ applikazzjonijiet u ta’ dokumentazzjoni rilevanti oħra online.
- Bl-użu ta’ karta ta’ strateġija annwali Pericles, li tidentifika t-theddid u l-prijoritajiet kemm emerġenti kif ukoll rikorrenti, il-programm għandu jkun jista’ jkompli jirrispondi għal dawn it-theddidiet u l-prijoritajiet b’mod flessibbli u effettiv.
1.4.4.Kompatibbiltà u sinerġija possibbli ma' strumenti xierqa oħra
L-approċċ transnazzjonali u multidixxiplinarju distint ta’ Pericles 2020 u l-enfasi fuq il-bini tal-kapaċitajiet biex jipproteġi l-euro jagħmluh uniku fost il-programmi fil-livell tal-UE. Żewġ programmi tal-Kummissjoni jistgħu jitqiesu bħala kumplimentari. L-istrument tal-Pulizija tal-Fond għas-Sigurtà Interna (ISF Pulizija ) tad-DĠ HOME ikopri l-prevenzjoni u l-ġlieda kontra l-kriminalità inġenerali, iżda jinkludi biss sforzi (indiretti) biex jipprevjeni jew jikkumbatti l-iffalsifikar tal-euro (jew tal-munita) jekk marbuta ma’ tipi oħra ta’ reati pprijoritizzati mill-istrument (jiġifieri t-terroriżmu, il-kriminalità organizzata, il-kriminalità ċibernetika u l-kriminalità ambjentali). Barra minn hekk, l-istrument ta’ Assistenza Teknika u Skambju ta’ Informazzjoni (TAIEX) tad-DĠ NEAR appoġġa attivitajiet relatati mal-iffalsifikar tal-euro, iżda dawn l-attivitajiet huma ta’ skala, durata u natura differenti meta mqabbla mal-azzjonijiet ta’ Pericles 2020 u ħafna drabi huma b’appoġġ għan-negozjati tal-adeżjoni. Bosta awtoritajiet nazzjonali u ta’ pajjiżi terzi kkonfermaw din il-komplementarjetà effettiva.
1.5.Durata u impatt finanzjarju
X Proposta/inizjattiva ta’ durata limitata
–X
Il-proposta/l-inizjattiva fis-seħħ mill-01/01/2021 sal-31/12/2027
–X
Impatt finanzjarju mill-2021 sal-2030
1.6.Mod/i ta’ ġestjoni ppjanat/i
X Ġestjoni diretta mill-Kummissjoni
–X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
–◻
mill-aġenziji eżekuttivi
–Jekk jiġi indikat aktar minn mod wieħed ta’ ġestjoni, agħti d-dettalji fit-taqsima “Kummenti”
Kummenti
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
Speċifika l-frekwenza u l-kundizzjonijiet.
Ara l-Artikolu 12 u l-Artikolu 13 tal-proposta li skontha:
l-informazzjoni annwali dwar ir-riżultati, inklużi l-konsistenza u l-komplimentarjetà ma' programmi oħrajn tal-UE, għandha tiġi pprovduta lill-Parlament Ewropew u lill-Kunsill;
hija prevista valutazzjoni tal-implimentazzjoni tal-għanijiet tal-programm (mhux aktar tard mill-31 ta' Diċembru 2024);
barra minn hekk, se jsir rapport finali lill-awtorità baġitarja dwar il-kisba tal-għanijiet tal-Programm sa tmiem l-2027.
2.2.Sistema(i) ta’ ġestjoni u ta’ kontroll
2.2.1.Ġustifikazzjoni tal-mod(i) ta’ ġestjoni, il-mekkaniżmu(i) għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta
Mod ta’ ġestjoni.
Il-Programm għandu jiġi implimentat permezz ta’ ġestjoni diretta mill-Kummissjoni. Dan jiżgura li d-DĠ ECFIN ikun inkarigat kemm mill-ġestjoni diretta tal-Programm kif ukoll mit-tfassil u mill-implimentazzjoni tal-politika u l-leġiżlazzjoni tal-UE għall-protezzjoni tal-euro, li tkopri l-prevenzjoni, l-infurzar u l-kooperazzjoni, filwaqt li tippermetti grad ottimu ta’ sinerġija. Din tiggarantixxi l-kisba effettiva tal-għanijiet tal-Programm, peress li torbot il-leġiżlazzjoni u l-politika mal-implimentazzjoni tal-Programm. Il-parteċipazzjoni tal-Kummissjoni fi kważi kull azzjoni tappoġġa l-preparazzjoni u l-preżentazzjoni tad-dimensjonijiet leġiżlattivi u ta’ politika tal-UE.
Mekkaniżmu għall-implimentazzjoni tal-finanzjament
L-appoġġ finanzjarju fil-Programm għal azzjonijiet eliġibbli għandu jieħu l-forma jew ta’:
(a) għotjiet (“azzjonijiet implimentati mis-CNA”),; jew
(b) akkwist pubbliku (“azzjonijiet diretti”).
Il-Kummissjoni/DĠ ECFIN tagħmel użu minn “azzjonijiet diretti” bl-għan li tikkumplimenta azzjonijiet ta’ subvenzjoni u għalhekk tilħaq l-ogħla numru ta’ theddidiet u prijoritajiet emerġenti.
Ir-rata ta’ kofinanzjament għal għotjiet mogħtija taħt il-Programm ma għandhiex taqbeż il-75 % tal-ispejjeż eliġibbli. F'każijiet eċċezzjonali u debitament iġġustifikati, definiti fil-programmi ta’ ħidma annwali, ir-rata ta’ kofinanzjament ma tistax taqbeż id-90% tal-kostijiet eliġibbli. Dawn il-każijiet ġustifikati huma speċifikati fil-programm ta’ ħidma annwali u huma aġġornati fuq bażi annwali.
It-tipi ta’ finanzjament u l-metodi ta’ implimentazzjoni skont dan ir-Regolament, għandhom jintgħażlu skont il-ħila tagħhom li jiksbu l-għanijiet speċifiċi tal-azzjonijiet u li jagħtu r-riżultati, filwaqt li b’mod partikolari jitqiesu l-kostijiet tal-kontrolli, il-piż amministrattiv u r-riskju ta’ nuqqas ta’ konformità. Għall-għotjiet, dan għandu jinkludi konsiderazzjoni tal-użu ta’ somom f’daqqa, rati fissi u skali ta’ kostijiet unitarji.
Il-programm ta’ ħidma annwali se jindika l-allokazzjoni baġitarja bejn l-għotjiet u l-akkwist pubbliku fuq bażi annwali, u se jinkludi flessibilità ta’ 20 % skont id-domanda għal għotjiet u l-ħtieġa għal azzjonijiet akkwistati mill-Kummissjoni. Il-bidliet kumulattivi fl-allokazzjoni għall-azzjonijiet speċifiċi msemmija fil-programm ta’ ħidma annwali li ma jaqbżux l-20 % tal-baġit annwali totali ma jitqisux bħala bidla sostanzjali skont it-tifsira tal-Artikolu 94(4) tar-Regolament ta’ Delega (UE) Nru 1268/2012, sakemm dawn ma jaffettwawx b’mod sinifikanti n-natura u l-għanijiet tal-programm ta’ ħidma.
Modalitajiet ta’ pagamenti.
Il-Kummissjoni trid tħallas il-pagamenti li ġejjin lill-benefiċjarju:
- pagament wieħed ta’ prefinanzjament;
- pagament wieħed tal-bilanċ, abbażi tat-talba għall-pagament tal-bilanċ.
L-għan tal-prefinanzjament huwa li jipprovdi lill-benefiċjarji b’somma (float). Il-prefinanzjament jibqa’ l-proprjetà tal-Unjoni sakemm jiġi approvat fil-konfront tal-pagament tal-bilanċ.
Il-pagament tal-bilanċ jirrimborża jew ikopri l-parti li jifdal tal-ispejjeż eliġibbli mġarrba mill-benefiċjarju għall-implimentazzjoni tal-azzjoni.
Strateġija ta’ kontroll.
Il-proċeduri ta' kontroll għaż-żewġ taqsimiet tal-programm (għotjiet u akkwisti) huma f'konformità mar-Regolament Finanzjarju.
Verifiki ex-ante (għall-impenji u l-pagamenti)
L-għażla tal-Kummissjoni ta’ ċirkwit finanzjarju hija ta’ mudell parzjalment deċentralizzat, b’bidu u verifika finanzjarji mqiegħda fl-unità ċentrali tal-finanzi u bidu operazzjonali, verifika u awtorizzazzjoni finali fl-unitajiet operattivi. Il-fajls kollha jiġu vverifikati minn mill-inqas erba’ (4) aġenti (l-aġent finanzjarju inizjatur u l-aġent finanzjarju verifikatur fl-unità tal-baġit u l-aġent inizjatur operattiv u l-aġent verifikatur fl-unità responsabbli għan-nefqa) qabel jiġu aċċettati mill-Uffiċjal tal-Awtorizzazzjoni b’sottodelega.
Kull kap ta’ unità ingħata sottodelega mid-Direttur Ġenerali, konsegwentement kull kap ta' unità huwa responsabbli għall-implimentazzjoni tal-biċċa tiegħu tal-programm.
Il-kontrolli ex-ante jitwettqu mill-FVA u mill-OVA fuq kull tranżazzjoni li teħtieġ l-approvazzjoni tal-AOSD.
- Il-kontrolli jsiru fuq varjabbli sensittivi wara r-riżultati tal-valutazzjoni
tar-riskju mwettqa fil-kuntest tar-Rapport dwar il-Kwalità tal-Kontabilità (bħal: LE
u BA, kontijiet G/L, linji baġitarji, ammonti u kalkoli, eċċ ...).
Fil-fajls kollha tal-akkwisti ta’ Pericles, ir-rappreżentant tal-ECFIN huwa preżenti fil-jum tal-azzjoni sabiex jissorvelja l-implimentazzjoni tajba tal-fondi (pereżempju konferenzi u taħriġ).
Għotjiet
Il-Ftehim tal-għotja ffirmat mill-benefiċjarji jiddefinixxi l-kundizzjonijiet li japplikaw għall-iffinanzjar u l-attivitajiet li jirrikorru taħt l-għotja, inkluż kapitolu dwar metodi ta' kontroll.
- F’ħafna mill-għotjiet ta’ Pericles, rappreżentattiv tal-ECFIN huwa preżenti fil-jum tal-azzjoni sabiex jikkontribwixxi għal dan l-avveniment (pereżempju: kelliema, ħarrieġa) u jivverifika l-implimentazzjoni tajba tal-azzjoni (pereżempju konferenzi u taħriġ).
Akkwisti
Huma abbozzati termini dettaljati ta’ referenza li huma l-bażi tal-kuntratt speċifiku. Miżuri kontra l-frodi huma previsti fil-kuntratti kollha konklużi bejn l-ECFIN u l-parti esterna.
- L-ECFIN twettaq kontrolli tar-riżultati kollha u tissorvelja l-operazzjonijiet u s-servizzi kollha mwettqa mill-kuntrattur tal-qafas tagħna.
Barra minn hekk, f'konformità mal-Premessa 14 tal-proposta, huma previsti miżuri fil-livell tal-benefiċjarji (se jkun hemm dokumenti ġustifikattivi disponibbli għall-Kummissjoni). Jistgħu jitwettqu eżerċizzji ta' awditjar matul il-kuntratt jew il-ftehim u għal perjodu ta' ħames snin wara l-aħħar pagament sabiex iwasslu, fejn xieraq, għal deċiżjonijiet ta' rkupru mill-Kummissjoni. Id-drittijiet tal-aċċess tal-persunal tal-Kummissjoni kif ukoll tal-persunal estern awtorizzat huma definiti u l-Qorti tal-Awdituri u l-OLAF għandhom igawdu l-istess drittijiet.
Il-kontrolli stabbiliti jippermettu lill-ECFIN ikollu assigurazzjoni suffiċjenti tal-kwalità u r-regolarità tan-nefqa u jnaqqas ir-riskju ta’ nuqqas ta’ konformità.
Il-kontrolli msemmija hawn fuq inaqqsu r-riskji potenzjali għal virtwalment żero u jilħqu 100 % tal-benefiċjarji.
L-istrateġija ta’ kontroll tal-programm titqies bħala effiċjenti biex tillimita r-riskju ta’ nuqqas ta’ konformità u hija proporzjonata mar-riskju involut minħabba l-baġit żgħir
involut.
2.2.2.Informazzjoni dwar ir-riskji identifikati u s-sistema(i) ta’ kontroll intern stabbilita/i għall-mitigazzjoni tagħhom
Il-livell ta' riskju huwa kkunsidrat baxx għal ftehimiet tal-għotja, billi f’90 % tal-każijiet il-benefiċjarji huma l-amministrazzjonijiet pubbliċi jew is-servizzi tal-infurzar tal-liġi fl-Istati Membri. Fil-każ ta’ kuntratti mogħtija fuq il-bażi ta' proċess ta' akkwisti r-riskji huma inqas billi parti importanti tan-nefqa hi legalment u finanzjarjament koperta minn kuntratt ta’ qafas konkluż għal sena (1) bil-possibbiltà li jiġġedded tliet (3) darbiet.
F’konformità mar-rekwiżiti tal-Kumissjoni, se jitwettaq eżerċizzju ta’ valutazzjoni tar-riskju kull sena.
Riskju importanti identifikat fil-files tal-għotjiet huwa l-interpretazzjoni fjakka mill-benefiċjarju tal-kondizzjonijiet tal-għotja rigward l-eliġibbiltà tal-kostijiet imġarrba fl-implimentazzjoni tal-azzjoni. Sabiex inaqqsu dan ir-riskju il-Linji Gwida Finanzjarji għall-Applikanti huma annessi mas-Sejħiet għal Proposti.
Spejjeż iddikjarati mill-benefiċjarju li ma jaqgħux fil-kamp ta’ applikazzjoni tal-ftehim dwar l-għotja.
Kostijiet tal-persunal mhux sostanzjati biżżejjed.
2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u l-valutazzjoni tal-livelli mistennija tar-riskju ta’ żball (mal-ħlas u fl-għeluq)
Il-kostijiet involuti sabiex jiġu implimentati l-istrateġiji ta’ kontroll jirrappreżentaw 1,15 % tal-baġit. Din l-istima hija bbażata fuq il-miżuri ta’ kontroll diġà fis-seħħ għall-programm Pericles 2020.
L-effettività tan-nefqa globali tal-kontrolli fuq l-ispejjeż ta’ Pericles se titkejjel bil-proporzjon tal-ispejjeż totali tal-kontrolli fuq il-pagamenti. Jenħtieġ li jiġi kkunsidrat li għalkemm il-proporzjon tal-kostijiet ta’ kontroll se jkun ogħla mill-medja l-implimentazzjoni se tkun effiċjenti u kosteffettiva biżżejjed. Il-proporzjon għoli tal-kostijiet ta’ kontroll jista’ jiġi spjegat b’dan li ġej:
L-unità responsabbli hija wkoll unità tan-negozju attiva li l-attivitajiet tagħha huma marbuta mal-implimentazzjoni tal-azzjonijiet Pericles imwettqa mill-Istati Membri u mill-awtoritajiet nazzjonali kompetenti. Dan jitwettaq permezz tad-diskussjoni u l-koordinazzjoni tal-Grupp ta’ Esperti tal-SM kif ukoll permezz tal-attendenza fl-avvenimenti/ workshops/ taħriġ kollha organizzati mill-benefiċjarji. Diskussjonijiet preliminari jiggarantixxu l-kwalità għolja tar-riżultati li għandhom jintużaw għall-ħidma tal-unità. Il-parteċipazzjoni tal-persunal tal-ECFIN fl-avvenimenti kollha tirrelata prinċipalment mal-attivitajiet tiegħu bħala unità tan-negozju (li jippresjedi, jwassal preżentazzjonijiet, imexxi workshops, jabbozza konklużjonijiet flimkien ma’ oħrajn u juża konsegwentement ir-riżultati) u fl-istess ħin jagħti l-opportunità ta’ monitoraġġ u evalwazzjoni fuq il-post tal-kwalità tal-azzjonijiet kollha implimentati (massimu ta’ 15 % tal-ħin imqatta’ fuq il-post). Fl-istess kuntest, ECFIN ta’ spiss jilqa’ l-parteċipanti tal-iskambji tal-persunal ta’ Pericles fil-bini tiegħu. Dawn il-kompiti jammontaw għal ammont sinifikanti ta’ ħin għall-unità, ħafna minnhom huma relatati mal-politika.
Pericles għandu baġit relattivament żgħir, li l-implimentazzjoni u l-kontrolli tiegħu mhumiex proporzjonali għall-għotjiet baxxi relattivi mogħtija, f’livell simili, minħabba l-baġit baxx tiegħu, il-programm ma jistax jibbenefika minn ekonomiji ta’ skala.
Il-programm jitwettaq permezz ta’ sejħa waħda għal proposti, b’żewġ skadenzi; għalhekk jiġu ġestiti żewġ proċeduri tal-għoti kull sena
Ir-rata ta’ żball residwu fil-mira hija taħt it-2 % tal-pagamenti.
2.3.Miżuri għall-prevenzjoni ta’ frodi u ta’ irregolaritajiet
Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.
Ara l-premessa 14 tal-Proposta. Skont ir-Regolament Finanzjarju, ir-Regolament (UE, Euratom) Nru 883/2013 tal-Parlament Ewropew u tal-Kunsill, ir-Regolament tal-Kunsill (Euratom, KE) Nru 2185/96 u r-Regolament tal-Kunsill (UE) 2017/1939, l-interessi finanzjarji tal-Unjoni għandhom jiġu protetti permezz ta’ miżuri proporzjonati, inklużi l-prevenzjoni, id-detezzjoni, il-korrezzjoni u l-investigazzjoni ta’ irregolaritajiet u frodi, l-irkupru ta’ fondi mitlufa, imħallsa ħażin jew użati ħażin u, fejn xieraq, l-impożizzjoni ta' sanzjonijiet amministrattivi. B’mod partikolari, skont ir-Regolament (UE, Euratom) Nru 883/2013 u r-Regolament (Euratom, KE) Nru 2185/96, l-Uffiċċju Ewropew Kontra l-Frodi (OLAF) jista’ jwettaq investigazzjonijiet, inklużi kontrolli u spezzjonijiet fuq il-post, bil-ħsieb li jistabbilixxi jekk kienx hemm frodi, korruzzjoni jew kull attività illegali oħra li taffettwa l-interessi finanzjarji tal-Unjoni. Skont ir-Regolament tal-Kunsill (UE) 2017/1939, l-Uffiċċju tal-Prosekutur Pubbliku Ewropew jista’ jinvestiga u jista’ jagħmel prosekuzzjoni ta’ frodi u attivitajiet illegali oħra li jaffettwaw l-interessi finanzjarji tal-Unjoni kif previst fid-Direttiva (UE) 2017/1371 tal-Parlament Ewropew u tal-Kunsill. Skont ir-Regolament Finanzjarju, kull persuna jew entità li tirċievi fondi tal-Unjoni għandha tikkoopera bis-sħiħ fil-protezzjoni tal-interessi finanzjarji tal-Unjoni u tagħti d-drittijiet u l-aċċess neċessarji lill-Kummissjoni, lill-OLAF u lill-Qorti Ewropea tal-Awdituri (ECA).
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura(i) tal-qafas finanzjarju pluriennali u linja(i) tal-baġit tan-nefqa proposta(i)
Intestatura tal-qafas finanzjarju pluriennali
|
Linja baġitarja
|
Tip ta’
nefqa
|
Kontribuzzjoni
|
|
Numru 06 02
Intestatura 2 Koeżjoni u Valuri
|
Diff./Mhux-diff.
|
mingħand il-pajjiżi tal-EFTA
|
mill-pajjiżi kandidati
|
minn pajjiżi terzi
|
skont it-tifsira tal-Artikolu 21(2)(b) tar-Regolament Finanzjarju
|
|
[XX.YY.YY.YY]
|
Differenzjat
|
LE
|
LE
|
LE
|
LE
|
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
miljuni ta’ EUR (aġġustati ’l fuq għal tliet pożizzjonijiet deċimali)
Intestatura tal-qafas finanzjarju
pluriennali
|
2
|
Numru 06.02
Intestatura 2 — Koeżjoni u Valuri
|
|
|
|
2021
|
2022
|
2023
|
2024
|
2025
|
2026
|
2027
|
2028-2030
|
TOTAL
|
Approprjazzjonijiet operazzjonali
|
Impenji
|
(1)
|
1,037
|
1,057
|
1,078
|
0,950
|
1,122
|
1,144
|
1,012
|
0
|
7,400
|
|
Pagamenti
|
(2)
|
0,256
|
0,767
|
0,951
|
0,843
|
1,015
|
1,032
|
0,895
|
1,641
|
7,400
|
Approprjazzjonijiet ta’ natura amministrattiva ffinanzjati mill-pakkett tal-programm
|
Impenji = pagamenti
|
(3)
|
|
|
|
0,150
|
|
|
0,150
|
|
0.300
|
TOTAL tal-approprjazzjonijiet għall-pakkett tal-Programm
|
Impenji
|
= 1 + 3
|
1,037
|
1,057
|
1,078
|
1,100
|
1,122
|
1,144
|
1,162
|
0
|
7,700
|
|
Pagamenti
|
= 2 + 3
|
0,256
|
0,767
|
0,951
|
0,993
|
1,015
|
1,032
|
1,045
|
1,641
|
7,700
|
Intestatura tal-qafas finanzjarju
pluriennali
|
7
|
“Nefqa amministrattiva”
|
miljuni ta’ Euro (aġġustati ’l fuq għal tliet pożizzjonijiet deċimali)
|
|
|
2021
|
2022
|
2023
|
2024
|
2025
|
2026
|
2027
|
TOTAL
|
Riżorsi umani
|
0,272
|
0,272
|
0,272
|
0,272
|
0,272
|
0,272
|
0,272
|
1,904
|
Nefqiet amministrattivi oħra
|
0,015
|
0,015
|
0,015
|
0,015
|
0,015
|
0,015
|
0,015
|
0,105
|
TOTAL tal-approprjazzjonijiet skont l-INTESTATURA 7 tal-qafas finanzjarju pluriennali
|
(Total ta’ impenji = total ta’ pagamenti)
|
0,287
|
0,287
|
0,287
|
0,287
|
0,287
|
0,287
|
0,287
|
2,009
|
miljuni ta’ EUR (aġġustati ’l fuq għal tliet pożizzjonijiet deċimali)
|
|
|
2021
|
2022
|
2023
|
2024
|
2025
|
2026
|
2027
|
2028-2030
|
TOTAL
|
TOTAL tal-appropriazzjonijiet
fl-INTESTATURI kollha
tal-qafas finanzjarju pluriennali
|
Impenji
|
1,324
|
1,344
|
1,365
|
1,387
|
1,409
|
1,431
|
1,449
|
|
9,709
|
|
Pagamenti
|
0,543
|
1,054
|
1,238
|
1,280
|
1,302
|
1,319
|
1,332
|
1,641
|
9,709
|
3.2.2.Impatt stmat fuq l-approprjazzjonijiet ta’ natura amministrattiva
3.2.2.1Sommarju
–◻
Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva
–X
Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
miljuni ta’ EUR (aġġustati ’l fuq għal tliet pożizzjonijiet deċimali)
|
2021
|
2022
|
2023
|
2024
|
2025
|
2026
|
2027
|
TOTAL
|
INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
0,272
|
0,272
|
0,272
|
0,272
|
0,272
|
0,272
|
0,272
|
1,904
|
Nefqa amministrattiva oħra
|
0,015
|
0,015
|
0,015
|
0,015
|
0,015
|
0,015
|
0,015
|
0,405
|
Subtotal tal-INTESTATURA 7
tal-qafas finanzjarju pluriennali
|
0,287
|
0,287
|
0,287
|
0,287
|
0,287
|
0,287
|
0,287
|
2,009
|
Barra mill-INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
|
|
|
|
|
|
|
|
Nefqa oħra
ta’ natura amministrattiva
|
|
|
|
|
|
|
|
|
Subtotal
barra mill-Intestatura 7
tal-qafas finanzjarju pluriennali
|
|
|
|
|
|
|
|
|
TOTAL
|
0,287
|
0,287
|
0,287
|
0,287
|
0,287
|
0,287
|
0,287
|
2,009
|
L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà huma assenjati għall-ġestjoni tal-azzjoni u/jew li jkunu ġew allokati mill-ġdid fid-DĠ, flimkien, jekk ikun meħtieġ, ma’ kull allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
3.2.2.2Rekwiżiti stmati tar-riżorsi umani
–◻
Il-proposta/l-inizjattiva ma teħtieġx l-użu ta’ riżorsi umani.
–X Il-proposta/l-inizjattiva teħtieġ l-użu ta' riżorsi umani, kif spjegat hawn taħt:
L-istima trid tiġi espressa f’unitajiet ekwivalenti għall-full-time
|
2021
|
2022
|
2023
|
2024
|
2025
|
2026
|
2027
|
• Pożizzjonijiet fil-pjan ta’ stabbiliment (uffiċjali u aġenti temporanji))
|
|
|
XX 01 01 01 (Kwartieri ġenerali u Uffiċċji tar-Rappreżentanza tal-Kummissjoni)
|
1,9
|
1,9
|
1,9
|
1,9
|
1,9
|
1,9
|
1,9
|
XX 01 01 02 (Delegazzjonijiet)
|
|
|
|
|
|
|
|
XX 01 05 01 (Riċerka indiretta)
|
|
|
|
|
|
|
|
10 01 05 01 (Riċerka diretta)
|
|
|
|
|
|
|
|
• Persunal estern (f’unità Ekwivalenti għall-Fulltime: FTE)
|
XX 01 02 01 (AC, END, INT mill-“pakkett globali”)
|
|
|
|
|
|
|
|
XX 01 02 02 (AC, AL, END, INT u JED fid-delegazzjonijiet)
|
|
|
|
|
|
|
|
XX 01 04 yy
|
- fil-Kwartieri Ġenerali
|
|
|
|
|
|
|
|
|
- fid-Delegazzjonijiet
|
|
|
|
|
|
|
|
XX 01 05 02 (AC, END, INT - Riċerka indiretta)
|
|
|
|
|
|
|
|
10 01 05 02 (AC, END, INT – Riċerka diretta)
|
|
|
|
|
|
|
|
Linji baġitarji oħra (speċifika)
|
|
|
|
|
|
|
|
TOTAL
|
1,9
|
1,9
|
1,9
|
1,9
|
1,9
|
1,9
|
1,9
|
XX huwa l-qasam ta’ politika jew it-titolu baġitarju kkonċernat.
Ir-riżorsi umani meħtieġa se jiġu ssodisfati mill-persunal tad-DĠ li diġà jkun ġie assenjat għall-ġestjoni tal-azzjoni u/jew ġie riallokat fid-DĠ, flimkien, jekk inhu meħtieġ ma' kull allokazzjoni addizzjonali li tista' tingħata lid-DĠ ta’ ġestjoni skont il-proċedura annwali ta' allokazzjoni u fid-dawl tar-restrizzjonijiet baġitarji.
Deskrizzjoni tal-kompiti li jridu jitwettqu:
Uffiċjali u aġenti temporanji
|
1,9 (0,95 AD, 0.95 AST)
|
Persunal estern
|
|
3.2.3.Kontribuzzjonijiet ta’ partijiet terzi
–X Il-proposta/l-inizjattiva ma tipprevedix kofinanzjament minn partijiet terzi.
–Il-proposta/l-inizjattiva tipprevedi l-kofinanzjament stmat hawn taħt:
Approprjazzjonijiet f’miljuni ta’ EUR (aġġustati ’l fuq għal tliet pożizzjonijiet deċimali)
|
Sena
N
|
Sena
N+1
|
Sena
N+2
|
Sena
N+3
|
Niżżel kemm hemm bżonn snin biex turi d-durata tal-impatt (ara l-punt 1.6)
|
Total
|
Speċifika l-korp ta’ kofinanzjament
|
|
|
|
|
|
|
|
|
TOTAL tal-approprjazzjonijiet kofinanzjati
|
|
|
|
|
|
|
|
|
3.3.Impatt stmat fuq id-dħul
–X
Il-proposta/l-inizjattiva ma għandha l-ebda impatt finanzjarju fuq id-dħul.
–◻
Il-proposta/l-inizjattiva għandha l-impatt finanzjarju li ġej:
fuq ir-riżorsi proprji
fuq id-dħul mixxellanju
miljuni ta’ EUR (aġġustati ’l fuq għal tliet pożizzjonijiet deċimali)
Linja baġitarja tad-dħul:
|
Approprjazzjonijiet disponibbli għas-sena finanzjarja attwali
|
Impatt tal-proposta/tal-inizjattiva
|
|
|
Sena
N
|
Sena
N+1
|
Sena
N+2
|
Sena
N+3
|
Daħħal is-snin kollha li hemm bżonn biex turi d-durata tal-impatt (ara l-punt 1.6)
|
Artikolu ………….
|
|
|
|
|
|
|
|
|
Għad-dħul “assenjat” mixxellanju, speċifika l-linja/i baġitarja/i tan-nefqa affettwata/i.
Speċifika l-metodu biex jiġi kkalkolat l-impatt fuq id-dħul.