EUR-Lex Access to European Union law
This document is an excerpt from the EUR-Lex website
Document 32015D1967
Council Decision (CFSP) 2015/1967 of 9 March 2012 on the signing and conclusion of the Agreement between the European Union and Bosnia and Herzegovina establishing a framework for the participation of Bosnia and Herzegovina in European Union crisis management operations
Deċiżjoni tal-Kunsill (PESK) 2015/1967 tad-9 ta' Marzu 2012 dwar l-iffirmar u l-konklużjoni tal-Ftehim bejn l-Unjoni Ewropea u l-Bożnija-Ħerzegovina li jistabbilixxi qafas għall-parteċipazzjoni tal-Bożnija-Ħerzegovina f'operazzjonijiet tal-Unjoni Ewropea għall-maniġġar ta' kriżijiet
Deċiżjoni tal-Kunsill (PESK) 2015/1967 tad-9 ta' Marzu 2012 dwar l-iffirmar u l-konklużjoni tal-Ftehim bejn l-Unjoni Ewropea u l-Bożnija-Ħerzegovina li jistabbilixxi qafas għall-parteċipazzjoni tal-Bożnija-Ħerzegovina f'operazzjonijiet tal-Unjoni Ewropea għall-maniġġar ta' kriżijiet
ĠU L 288, 4.11.2015, p. 2–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2015/1967/oj
|
4.11.2015 |
MT |
Il-Ġurnal Uffiċjali tal-Unjoni Ewropea |
L 288/2 |
DEĊIŻJONI TAL-KUNSILL (PESK) 2015/1967
tad-9 ta' Marzu 2012
dwar l-iffirmar u l-konklużjoni tal-Ftehim bejn l-Unjoni Ewropea u l-Bożnija-Ħerzegovina li jistabbilixxi qafas għall-parteċipazzjoni tal-Bożnija-Ħerzegovina f'operazzjonijiet tal-Unjoni Ewropea għall-maniġġar ta' kriżijiet
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, b'mod partikolari l-Artikolu 37 tiegħu,
Wara li kkunsidra t-Trattat dwar il-Funzjonament tal-Unjoni Ewropea, b'mod partikolari l-Artikolu 218(5) u (6) tiegħu,
Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà (“RGħ”),
Billi:
|
(1) |
Il-kondizzjonijiet rigward il-parteċipazzjoni ta' Stati terzi f'operazzjonijiet tal-Unjoni Ewropea għall-maniġġar ta' kriżijiet għandhom ikunu stipulati fi ftehim li jistabbilixxi qafas għal tali parteċipazzjoni possibbli fil-futur, pjuttost minn definizzjoni każ b'każ rigward dawk il-kondizzjonijiet għal kull operazzjoni kkonċernata. |
|
(2) |
Wara l-adozzjoni ta' Deċiżjoni mill-Kunsill fis-26 ta' April 2010 li tawtorizza l-ftuħ tan-negozjati, ir-RGħ nnegozja ftehim bejn l-Unjoni Ewropea u l-Bożnija-Ħerzegovina li jistabbilixxi qafas għall-parteċipazzjoni tal-Bożnija-Ħerzegovina f'operazzjonijiet tal-Unjoni Ewropea għall-maniġġar ta' kriżijiet (“il-Ftehim”). |
|
(3) |
Il-Ftehim għandu jiġi approvat, |
ADOTTA DIN ID-DEĊIŻJONI:
Artikolu 1
Il-Ftehim bejn l-Unjoni Ewropea u l-Bożnija-Ħerzegovina li jistabbilixxi qafas għall-parteċipazzjoni tal-Bożnija-Ħerzegovina f'operazzjonijiet tal-Unjoni Ewropea għall-maniġġar ta' kriżijiet huwa b'dan approvat f'isem l-Unjoni.
It-test tal-Ftehim huwa mehmuż ma' din id-Deċiżjoni.
Artikolu 2
Il-President tal-Kunsill huwa b'dan awtorizzat li jinnomina l-persuna jew persuni li jkollhom is-setgħa li jiffirmaw il-Ftehim sabiex tintrabat l-Unjoni.
Artikolu 3
Il-President tal-Kunsill, f'isem l-Unjoni, għandu jagħti n-notifika prevista fl-Artikolu 16(1) tal-Ftehim.
Artikolu 4
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, id-9 ta' Marzu 2012.
Għall-Kunsill
Il-President
I. AUKEN