Dette dokument er et uddrag fra EUR-Lex
Ir-Regolament (KE) Nru 661/2009 — approvazzjoni tat-tip għall-vetturi bil-mutur u t-trejlers
Il-vetturi bil-mutur ġodda għandhom jissodisfaw l-istess rekwiżiti tekniċi madwar l-Unjoni Ewropea (UE) kollha. Dan jgħin sabiex jiġi żgurat livell għoli ta’ sikurezza fit-toroq u ħarsien ambjentali, u jagħmel l-industrija tal-karozzi tal-UE aktar kompetittiva.
Huwa jistabbilixxi r-rekwiżiti tekniċi u l-proċeduri li jiżguraw li l-vetturi bil-mutur ġodda jissodisfaw l-istandards tas-sikurezza u tal-effiċjenza enerġetika tal-UE.
Dan ir-regolament jistabbilixxi rekwiżiti għall-approvazzjoni tat-tip ta’:
Huwa japplika għal:
Approvazzjoni tat-tip*
Permezz tar-Regolament, l-UE tikkonforma ma’ għadd ta’ regolamenti tal-Kummissjoni Ekonomika għall-Ewropa tan-Nazzjonijiet Uniti (UNECE) dwar l-ispeċifikazzjonijiet tekniċi għall-vetturi bil-mutur. Vettura tat-tip approvat skont dawn ir-regolamenti tal-UNECE titqies bħala li tissodisfa l-istandards tal-approvazzjoni tat-tip tal-Kummissjoni.
Ir-Regolament 2015/166, li ssupplimenta u emenda r-regolament oriġinali, jistabbilixxi regoli dettaljati dwar il-proċeduri, ir-rekwiżiti tekniċi u t-testijiet speċifiċi għall-approvazzjoni tat-tip. Huwa jkopri wkoll komponenti u unitajiet tekniċi separati għall-vetturi bil-mutur.
Obbligi tal-manifatturi
Il-manifatturi għandhom jiggarantixxu li l-vetturi ġodda mibjugħa, irreġistrati jew imdaħħla fis-servizz fl-UE jkollhom it-tip tagħhom approvat b’konformità ma’ dan ir-regolament.
Sabiex tittejjeb is-sikurezza fit-toroq, il-vetturi kollha għandhom ikunu mgħammra b’sistema elettronika ta’ kontroll tal-istabbiltà. Il-vetturi fil-kategoriji M2, M3, N2 u N3 għandhom ikunu mgħammra b’sistema avvanzata ta’ bbrejkjar f’każ ta’ emerġenza u sistema ta’ twissija ta’ ħruġ mill-karreġġata. Mill-1 ta' Novembru 2015, dan ser jibda japplika għat-trakkijiet u l-karozzi tal-linja ġodda kollha.
It-tajers għandhom jissodisfaw ir-rekwiżiti relatati ma’:
Barra minn hekk, il-vetturi fil-kategorija M1 għandhom ikunu mgħammra b’sistema ta’ monitoraġġ tal-pressjoni tat-tajers, sistema li tfakkar lill-passiġġieri biex jilbsu ċ-ċinturin tas-sikurezza u indikaturi tat-tibdil tal-gerijiet, fost ħafna speċifikazzjonijiet aktar dettaljati oħrajn għall-kategoriji tal-vetturi kollha.
Obbligi għall-pajjiżi tal-UE
L-approvazzjoni tat-tip tal-Kummissjoni jew l-approvazzjoni tat-tip nazzjonali tingħata biss lil dawk il-vetturi li jissodisfaw ir-rekwiżiti stipulati f’dan ir-regolament.
Is-sikurezza fis-settur tal-karozzi.
* Approvazzjoni tat-tip: turi li tip ta’ vettura ġie ttestjat sabiex jiġi żgurat li dan jissodisfa r-rekwiżiti regolatorji, tekniċi u tas-sikurezza rilevanti.
Regolament (KE) Nru 661/2009 tal-Parlament Ewropew u tal-Kunsill tat-13 ta' Lulju 2009 dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom
Att |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
Ir-Regolament (KE) Nru 661/2009 |
20.8.2009 |
— |
|
— |
— |
Att(i) li jemenda(w) |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
Ir-Regolament (UE) Nru 407/2011 |
1.5.2011 |
— |
|
Ir-Regolament (UE) Nru 523/2012 |
11.7.2012 |
— |
|
Ir-Regolament (UE) 2015/166 |
24.2.2015 |
— |
L-emendi u l-korrezzjonijiet suċċessivi għar-Regolament (KE) Nru 661/2009 ġew inkorporati fit-test oriġinali. Din il-verżjoni kkonsolidata hija ta’ valur dokumentarju biss.
Regolament tal-Kummissjoni (UE) Nru 19/2011 tal-11 ta' Jannar 2011 li jikkonċerna r-rekwiżiti għall-approvazzjoni skont it-tip għall-pjanċa statutorja tal-manifattur u għan-numru ta’ identifikazzjoni tal-vettura għall-vetturi bil-mutur u t-trejlers tagħhom u li jimplimenta r-Regolament (KE) Nru 661/2009 tal-Parlament Ewropew u tal-Kunsill dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom (ĠU L 8, 12.1.2011, p. 1–13)
l-aħħar aġġornament 24.09.2015