EUR-Lex Access to European Union law
This document is an excerpt from the EUR-Lex website
Document 32019D1773
Commission Implementing Decision (EU) 2019/1773 of 23 October 2019 amending the Annex to Decision 2007/453/EC as regards the BSE status of the United Kingdom of Great Britain and Northern Ireland and its Crown Dependencies (notified under document C(2019) 7643) (Text with EEA relevance)
Deċiżjoni Ta’ Implimentazzjoni Tal-Kummissjoni (UE) 2019/1773 tat-23 ta’ Ottubru 2019 li temenda l-Anness tad-Deċiżjoni 2007/453/KE fir-rigward tal-istatus tal-BSE tar-Renju Unit tal-Gran Brittanja u l-Irlanda ta’ Fuq u tad-Dipendenzi tal-Kuruna tiegħu (notifikata bid-dokument C(2019) 7643) (Test b’rilevanza għaż-ŻEE)
Deċiżjoni Ta’ Implimentazzjoni Tal-Kummissjoni (UE) 2019/1773 tat-23 ta’ Ottubru 2019 li temenda l-Anness tad-Deċiżjoni 2007/453/KE fir-rigward tal-istatus tal-BSE tar-Renju Unit tal-Gran Brittanja u l-Irlanda ta’ Fuq u tad-Dipendenzi tal-Kuruna tiegħu (notifikata bid-dokument C(2019) 7643) (Test b’rilevanza għaż-ŻEE)
C/2019/7643
ĠU L 270, 24.10.2019, p. 116–119
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SL, FI, SV)
ĠU L 270, 24.10.2019, p. 117–120
(SK)
In force
|
24.10.2019 |
MT |
Il-Ġurnal Uffiċjali tal-Unjoni Ewropea |
L 270/116 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2019/1773
tat-23 ta’ Ottubru 2019
li temenda l-Anness tad-Deċiżjoni 2007/453/KE fir-rigward tal-istatus tal-BSE tar-Renju Unit tal-Gran Brittanja u l-Irlanda ta’ Fuq u tad-Dipendenzi tal-Kuruna tiegħu
(notifikata bid-dokument C(2019) 7643)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabbilixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (1), u b’mod partikolari t-tielet subparagrafu tal-Artikolu 5(2) tiegħu,
Billi:
|
(1) |
Fid-29 ta' Marzu 2017 ir-Renju Unit ippreżenta n-notifika tal-intenzjoni tiegħu li joħroġ mill-Unjoni skont l-Artikolu 50 tat-Trattat dwar l-Unjoni Ewropea (TUE). Fil-11 ta’ April 2019, il-Kunsill Ewropew adotta d-Deċiżjoni (UE) 2019/584 (2) meħuda bi qbil mar-Renju Unit, li testendi l-perijodu skont l-Artikolu 50(3) tat-TUE. Skont dik id-Deċiżjoni, il-perijodu previst fl-Artikolu 50(3) tat-TUE ġie estiż ulterjorment sal-31 ta’ Ottubru 2019. Għalhekk, id-dritt tal-Unjoni ma jibqax japplika fir-Renju Unit mill-1 ta’ Novembru 2019 (“id-data tal-ħruġ”). |
|
(2) |
Ir-Regolament (KE) Nru 999/2001 jipprevedi li l-Istati Membri, il-pajjiżi terzi u r-reġjuni tagħhom għandhom jiġu kklassifikati skont l-istatus tal-enċifalopatija sponġiformi bovina (BSE) tagħhom f’waħda minn tliet kategoriji: riskju ta' BSE negliġibbli, riskju ta' BSE kkontrollat, u riskju ta' BSE mhux stabbilit. |
|
(3) |
Ir-Renju Unit tal-Gran Brittanja u l-Irlanda ta’ Fuq issottometta lill-Kummissjoni applikazzjoni sabiex jiġi ddeterminat l-istatus tal-BSE tiegħu, filwaqt li indikalha li din tkopri wkoll lid-Dipendenzi tal-Kuruna tagħha. Dik l-applikazzjoni kienet akkumpanjata mill-informazzjoni rilevanti għal dak il-pajjiż u għad-Dipendenzi tal-Kuruna tiegħu dwar il-kriterji u l-fatturi ta’ riskju potenzjali previsti fl-Anness II tar-Regolament (KE) Nru 999/2001. |
|
(4) |
L-Iskozja attwalment hija kklassifikata fil-kategorija ta’ riskju negliġibbli iżda fit-18 ta’ Ottubru 2018 ġie kkonfermat każ ġdid ta’ BSE f’dak ir-reġjun tar-Renju Unit. Għalhekk, l-Iskozja m’għadhiex tikkonforma mar-rekwiżiti stabbiliti fl-Anness II tar-Regolament (KE) Nru 999/2001 fir-rigward tal-kategorija ta’ riskju negliġibbli. Għalhekk, l-Iskozja jenħtieġ li tiġi kklassifikata fil-kategorija ta’ riskju kontrollat. |
|
(5) |
Fir-rigward tal-istatus tal-BSE tagħha, l-Irlanda ta’ Fuq tista’ titqies li għandha riskju negliġibbli, filwaqt li l-bqija tar-Renju Unit tal-Gran Brittanja u l-Irlanda ta’ Fuq u d-Dipendenzi tal-Kuruna tiegħu jistgħu jitqiesu li għandhom riskju kontrollat ta’ BSE. |
|
(6) |
Għalhekk, meta titqies l-informazzjoni speċifika ta’ hawn fuq u sabiex jiġi evitat tfixkil bla bżonn tal-kummerċ wara d-data tal-ħruġ, l-Irlanda ta’ Fuq jenħtieġ li tiġi inkluża fil-lista ta’ reġjuni ta’ pajjiżi terzi fil-punt A tal-Anness tad-Deċiżjoni tal-Kummissjoni 2007/453/KE (3) u l-bqija tar-Renju Unit tal-Gran Brittanja u l-Irlanda ta’ Fuq u d-Dipendenzi tal-Kuruna tiegħu jenħtieġ li jiġu inklużi fil-punt B ta’ dak l-Anness b’rabta mal-klassifikazzjoni tal-pajjiżi jew ir-reġjuni skont l-istatus tal-BSE tagħhom. Għalhekk, jenħtieġ li l-Anness ta’ dik id-Deċiżjoni jiġi emendat skont dan. |
|
(7) |
Din id-Deċiżjoni jenħtieġ li tapplika mill-1 ta’ Novembru 2019. Madankollu, jenħtieġ li ma tapplikax jekk f’dik id-data d-dritt tal-Unjoni jibqa’ japplika għar-Renju Unit tal-Gran Brittanja u l-Irlanda ta’ Fuq u fih. |
|
(8) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2007/453/KE huwa emendat kif stabbilit fl-Anness ta’ din id-Deċiżjoni.
Artikolu 2
Din id-Deċiżjoni għandha tapplika mill-1 ta’ Novembru 2019.
Madankollu, m’għandhiex tapplika jekk f’dik id-data d-dritt tal-Unjoni jibqa’ japplika għar-Renju Unit tal-Gran Brittanja u l-Irlanda ta’ Fuq u fih.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, it-23 ta’ Ottubru 2019.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 147, 31.5.2001, p. 1.
(2) Id-Deċiżjoni tal-Kunsill Ewropew (UE) 2019/584 meħuda bi qbil mar-Renju Unit, tal-11 ta’ April 2019 li testendi l-perijodu taħt l-Artikolu 50(3) TUE (ĠU L 101. 11.4.2019, p. 1).
(3) Id-Deċiżjoni tal-Kummissjoni 2007/453/KE tad-29 ta’ Ġunju 2007 li tistabbilixxi l-istatus tal-BSE ta’ Stati Membri jew pajjiżi terzi jew reġjuni tagħhom skont ir-riskju tal-BSE (ĠU L 172, 30.6.2007, p. 84).
ANNESS
L-Anness tad-Deċiżjoni 2007/453/KE jinbidel b'dan li ġej:
“ANNESS
LISTA TA’ PAJJIŻI JEW REĠJUNI
A. Pajjiżi jew reġjuni b’riskju negliġibbli ta’ BSE
L-Istati Membri
|
— |
Il-Belġju |
|
— |
Il-Bulgarija |
|
— |
Iċ-Ċekja |
|
— |
Id-Danimarka |
|
— |
Il-Ġermanja |
|
— |
L-Estonja |
|
— |
Il-Kroazja |
|
— |
L-Italja |
|
— |
Ċipru |
|
— |
Il-Latvja |
|
— |
Il-Litwanja |
|
— |
Il-Lussemburgu |
|
— |
L-Ungerija |
|
— |
Malta |
|
— |
In-Netherlands |
|
— |
L-Awstrija |
|
— |
Il-Polonja |
|
— |
Il-Portugall |
|
— |
Ir-Rumanija |
|
— |
Is-Slovenja |
|
— |
Is-Slovakkja |
|
— |
Spanja |
|
— |
Il-Finlandja |
|
— |
L-Iżvezja |
Il-pajjiżi tal-Assoċjazzjoni Ewropea tal-Kummerċ Ħieles
|
— |
L-Iżlanda |
|
— |
Il-Liechtenstein |
|
— |
In-Norveġja |
|
— |
L-Iżvizzera |
Il-pajjiżi terzi
|
— |
L-Arġentina |
|
— |
L-Awstralja |
|
— |
Il-Brażil |
|
— |
Iċ-Ċili |
|
— |
Il-Kolombja |
|
— |
Il-Costa Rica |
|
— |
L-Indja |
|
— |
L-Iżrael |
|
— |
Il-Ġappun |
|
— |
In-Namibja |
|
— |
New Zealand |
|
— |
Il-Panama |
|
— |
Il-Paragwaj |
|
— |
Il-Perù |
|
— |
Singapore |
|
— |
L-Istati Uniti |
|
— |
L-Urugwaj |
Ir-Reġjuni ta’ pajjiżi terzi
|
— |
L-Irlanda ta' Fuq |
B. Pajjiżi jew reġjuni b’riskju kkontrollat ta’ BSE
L-Istati Membri
|
— |
L-Irlanda |
|
— |
Il-Greċja |
|
— |
Franza |
Il-pajjiżi terzi
|
— |
Il-Kanada |
|
— |
Guernsey |
|
— |
Isle of Man |
|
— |
Jersey |
|
— |
Il-Messiku |
|
— |
In-Nikaragwa |
|
— |
Il-Korea t'Isfel |
|
— |
It-Tajwan |
|
— |
Ir-Renju Unit bl-eċċezzjoni tar-reġjuni tal-Irlanda ta' Fuq |
C. Pajjiżi jew reġjuni b’riskju mhux determinat ta’ BSE
|
— |
Il-pajjiżi jew ir-reġjuni li mhumiex elenkati fil-punti A jew B. |