Edizzjoni speċjali bil-Kroat: Kapitolu 10 Volum 002 P. 258 - 259
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32008R0693
Council Regulation (EC) No 693/2008 of 8 July 2008 amending Regulation (EC) No 974/98 as regards the introduction of the euro in Slovakia
Regolament tal-Kunsill (KE) Nru 693/2008 tat- 8 ta’ Lulju 2008 li jemenda r-Regolament (KE) Nru 974/98 fir-rigward ta’ l-introduzzjoni ta’ l-ewro fis-Slovakkja
Regolament tal-Kunsill (KE) Nru 693/2008 tat- 8 ta’ Lulju 2008 li jemenda r-Regolament (KE) Nru 974/98 fir-rigward ta’ l-introduzzjoni ta’ l-ewro fis-Slovakkja
ĠU L 195, 24.7.2008, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
24.7.2008 |
MT |
Il-Ġurnal Uffiċjali ta’ l-Unjoni Ewropea |
L 195/1 |
REGOLAMENT TAL-KUNSILL (KE) Nru 693/2008
tat-8 ta’ Lulju 2008
li jemenda r-Regolament (KE) Nru 974/98 fir-rigward ta’ l-introduzzjoni ta’ l-ewro fis-Slovakkja
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 123(5) tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Bank Ċentrali Ewropew (1),
Billi:
|
(1) |
Ir-Regolament tal-Kunsill (KE) Nru 974/98 tat-3 ta’ Mejju 1998 dwar l-introduzzjoni ta’ l-ewro (2) jipprovdi għas-sostituzzjoni ta’ l-ewro mal-muniti ta’ l-Istati Membri li ssodisfaw il-kundizzjonijiet neċessarji għall-adozzjoni tal-munita unika fiż-żmien meta l-Komunità daħlet fit-tielet stadju ta’ l-unjoni ekonomika u monetarja. |
|
(2) |
Ir-Regolament tal-Kunsill (KE) Nru 2596/2000 (3) emenda r-Regolament (KE) Nru 974/98 biex jipprovdi għas-sostituzzjoni ta’ l-ewro mal-munita tal-Greċja. |
|
(3) |
Ir-Regolament tal-Kunsill (KE) Nru 2169/2005 (4) emenda r-Regolament (KE) Nru 974/98 biex iħejji għal introduzzjonijiet sussegwenti ta’ l-ewro fl-Istati Membri li għadhom ma adottawx l-ewro bħala l-munita unika. |
|
(4) |
Ir-Regolament tal-Kunsill (KE) Nru 1647/2006 (5) emenda r-Regolament (KE) Nru 974/98 biex jipprovdi għas-sostituzzjoni ta’ l-ewro mal-munita tas-Slovenja. |
|
(5) |
Ir-Regolament tal-Kunsill (KE) Nru 835/2007 (6) emenda r-Regolament (KE) Nru 974/98 biex jipprovdi għas-sostituzzjoni ta’ l-ewro mal-munita ta’ Ċipru. |
|
(6) |
Ir-Regolament (KE) Nru 836/2007 emenda r-Regolament (KE) Nru 974/98 biex jipprovdi għas-sostituzzjoni ta’ l-ewro mal-munita ta’ Malta. |
|
(7) |
Skond l-Artikolu 4 ta’ l-Att ta’ Adeżjoni ta’ l-2003, is-Slovakkja hija Stat Membru b’deroga kif definit fl-Artikolu 122 tat-Trattat. |
|
(8) |
Skond id-Deċiżjoni tal-Kunsill 2008/608/KE tat-8 ta’ Lulju 2008 skond l-Artikolu 122(2) tat-Trattat dwar l-adozzjoni mis-Slovakkja tal-munita unika fl-1 ta’ Jannar 2009 (7), is-Slovakkja tissodisfa l-kundizzjonijiet meħtieġa għall-adozzjoni tal-munita unika u d-deroga favur is-Slovakkja għandha titħassar b’effett mill-1 ta’ Jannar 2009. |
|
(9) |
L-introduzzjoni ta’ l-ewro fis-Slovakkja teħtieġ l-estensjoni għas-Slovenja tad-dispożizzjonijiet eżistenti dwar l-introduzzjoni ta’ l-ewro stipulata fir-Regolament (KE) Nru 974/98. |
|
(10) |
Il-pjan ta’ bidla tas-Slovakkja jispeċifika li n-noti bankarji u l-muniti ta’ l-ewro għandhom isiru valuta legali f’dan l-Istat Membru fil-jum ta’ l-introduzzjoni ta’ l-ewro bħala l-munita tiegħu. Għaldaqstant, id-data ta’ l-adozzjoni ta’ l-ewro u d-data ta’ bidla fil-munita imissha tkun l-1 ta’ Jannar 2009. Ma għandu japplika l-ebda perjodu “ta’ tneħħija gradwali”. |
|
(11) |
Ir-Regolament (KE) Nru 974/98 għandu għaldaqstant jiġi emendat skond dan, |
ADOTTA DAN IR-REGOLAMENT:
Artikolu 1
L-Anness għar-Regolament (KE) Nru 974/98 għandu jkun emendat skond l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fl-1 ta’ Jannar 2009.
Dan ir-Regolament għandu jorbot fl-intier tiegħu u japplika direttament fl-Istati Membri skond it-Trattat li jistabbilixxi l-Komunità Ewropea.
Magħmul fi Brussell, 8 ta’ Lulju 2008.
Għall-Kunsill
Il-President
C. LAGARDE
(1) Opinjoni tat-3 ta’ Lulju 2008 (għadu mhux ippubblikat fil-ĠU).
(2) ĠU L 139, 11.5.1998, p. 1. Ir-Regolament kif emendat l-aħħar bir-Regolament (KE) Nru 836/2007 (ĠU L 186, 18.7.2007, p. 3).
(3) ĠU L 300, 29.11.2000, p. 2.
(4) ĠU L 346, 29.12.2005, p. 1.
(5) ĠU L 309, 9.11.2006, p. 2.
(6) ĠU L 186, 18.7.2007, p. 1.
(7) Ara p. 24, ta’ dan il-Ġurnal Uffiċjali.
ANNESS
Fl-Anness għar-Regolament (KE) Nru 974/98, il-linja li jmiss għandha tiddaħħal bejn l-entrati għas-Slovenja u l-Finlandja:
|
Stat Membru |
Data għall-adozzjoni ta’ l-ewro |
Data ta’ bidla fil-flus kontanti |
Stat Membru b’perjodu ta’ “tneħħija gradwali” |
|
“Is-Slovakkja |
L-1 ta’ Jannar 2009 |
L-1 ta’ Jannar 2009 |
Le” |