Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 22010D0069

Deċiżjoni tal-Kumitat Konġunt taż-ŻEE Nru 69/2010 tal- 11 ta’ Ġunju 2010 li temenda l-Anness IV (Enerġija) tal-Ftehim dwar iż-ŻEE

ĠU L 244, 16.9.2010, p. 22–23 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/dec/2010/69(2)/oj

16.9.2010   

MT

Il-Ġurnal Uffiċjali tal-Unjoni Ewropea

L 244/22

DEĊIŻJONI TAL-KUMITAT KONĠUNT TAŻ-ŻEE

Nru 69/2010

tal-11 ta’ Ġunju 2010

li temenda l-Anness IV (Enerġija) tal-Ftehim dwar iż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat permezz tal-Protokoll li jaġġusta l-Ftehim dwar iż-Żona Ekonomika Ewropea, minn issa ’l quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)

L-Anness IV tal-Ftehim kien emendat permezz tad-Deċiżjoni tal-Kumitat Konġunt taż-ŻEE Nru 140/2009 tal-4 ta’ Diċembru 2009 (1).

(2)

Ir-Regolament (KE) Nru 106/2008 tal-Parlament Ewropew u tal-Kunsill tal-15 ta’ Jannar 2008 dwar programm Komunitarju ta’ tikkettar dwar l-effiċjenza tal-enerġija għal-tagħmir tal-uffiċċju (verżjoni mfassla mill-ġdid) (2) għandha tiġi inkluża fil-Ftehim.

(3)

Ir-Regolament (KE) Nru 106/2008 jirrevoka r-Regolament tal-Kummissjoni (KE) Nru 2422/2001 tal-Parlament Ewropew u tal-Kunsill (3) li hu inkluż fil-Ftehim u għalhekk għandu jiġi rrevokat skont il-Ftehim,

IDDEĊIEDA DAN LI ĠEJ:

Artikolu 1

L-Anness IV tal-Ftehim għandu jiġi emendat kif ġej:

1.

It-test tal-punt 18 (ir-Regolament (KE) Nru 2422/2001 tal-Parlament Ewropew u tal-Kunsill) għandu jitħassar.

2.

Il-punt li ġej għandu jiddaħħal wara l-punt 29 (id-Deċiżjoni tal-Kummissjoni 2007/74/KE):

“30.

32008 R 0106: Ir-Regolament (KE) Nru 106/2008 tal-Parlament Ewropew u tal-Kunsill tal-15 ta’ Jannar 2008 dwar programm Komunitarju ta’ tikkettar dwar l-effiċjenza tal-enerġija għal tagħmir tal-uffiċċju (verżjoni mfassla mill-ġdid) (ĠU L 39, 13.2.2008, p. 1).

Id-dispożizzjonijiet tar-Regolament għandhom, għall-finijiet ta’ dan il-Ftehim, jinqraw bl-adattazzjonijiet li ġejjin:

(a)

Kull referenza għall-Ftehim bejn il-Gvern tal-Istati Uniti tal-Amerika u l-Komunità Ewropea dwar il-koordinazzjoni ta’ programmi ta’ tikkettar dwar l-effiċjenza tal-enerġija għal tagħmir tal-uffiċċju għandha titqies li tinkludi referenza għall-iskambju ta’ ittri bejn l-Aġenzija għall-Protezzjoni Ambjentali tal-Istati Uniti (EPA) u l-Ministeru għaż-Żejt mhux Raffinat u l-Enerġija fin-Norveġja, il-Ministeru tal-Industrija fl-Islanda u l-Uffiċċju tal-Affarijiet Ekonomiċi tal-Liechtenstein, ħlief fl-Artikoli 11 u 14 fejn ir-referenza għal ta’ qabel tibqa.

(b)

Fl-Artikolu 4(5), il-kliem ‘il-Komunità u pajjiżi terzi’ għandha tinqara ‘il-Komunità jew Stati tal-EFTA, minn naħa waħda, u pajjiżi terzi, minn naħa l-oħra,’. Il-kliem ‘ittestjat mill-Kummissjoni jew mill-Istati Membri’ għandha tinqara ‘ittestjat mill-Kummissjoni jew mill-Istati Membri jew mill-Istati tal-EFTA, fil-kompetenzi rispettivi tagħhom,’.

(c)

Fl-Artikolu 12(3), l-ewwel sentenza, il-kelma ‘Kummissjoni’ għandha tinqara ‘Stati tal-EFTA u l-Kummissjoni, fil-kompetenzi rispettivi tagħhom’.

(d)

L-Artikolu 13 ma għandux jgħodd.”

Artikolu 2

It-testi tar-Regolament (KE) Nru 106/2008 li għandhom jiġu ppubblikati fl-ilsien Islandiż u dak Norveġiż, fis-Suppliment taż-ŻEE ta’ Il-Ġurnal Uffiċjali tal-Unjoni Ewropea għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar it-12 ta’ Ġunju 2010, kemm-il darba ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, il-11 ta’ Ġunju 2010.

Għall-Kumitat Konġunt taż-ŻEE

Il-President

Alan SEATTER

(1)  ĠU L 62, 11.3.2010, p. 34.

(2)  ĠU L 39, 13.2.2008, p. 1.

(3)  ĠU L 332, 15.12.2001, p. 1.

(*)  Mhuma indikati l-ebda rekwiżiti kostituzzjonali.

Top