EUR-Lex Access to European Union law
This document is an excerpt from the EUR-Lex website
Document 32011R0189
Commission Regulation (EU) No 189/2011 of 25 February 2011 amending Annexes VII and IX to Regulation (EC) No 999/2001 of the European Parliament and of the Council laying down rules for the prevention, control and eradication of certain transmissible spongiform encephalopathies Text with EEA relevance
Regolament tal-Kummissjoni (UE) Nru 189/2011 tal- 25 ta’ Frar 2011 li jemenda l-Annessi VII u IX tar-Regolament (KE) Nru 999/2001 tal-Parlament Ewropew u tal-Kunsill li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered Test b’relevanza għaż-ŻEE
Regolament tal-Kummissjoni (UE) Nru 189/2011 tal- 25 ta’ Frar 2011 li jemenda l-Annessi VII u IX tar-Regolament (KE) Nru 999/2001 tal-Parlament Ewropew u tal-Kunsill li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered Test b’relevanza għaż-ŻEE
ĠU L 53, 26.2.2011, p. 56–60
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
26.2.2011 |
MT |
Il-Ġurnal Uffiċjali tal-Unjoni Ewropea |
L 53/56 |
REGOLAMENT TAL-KUMMISSJONI (UE) Nru 189/2011
tal-25 ta’ Frar 2011
li jemenda l-Annessi VII u IX tar-Regolament (KE) Nru 999/2001 tal-Parlament Ewropew u tal-Kunsill li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (1), u b’mod partikolari l-ewwel paragrafu tal-Artikolu 23 tiegħu,
Billi:
(1) |
Ir-Regolament (KE) Nru 999/2001 jistabbilixxi regoli għall-prevenzjoni, il-kontroll u l-eradikazzjoni ta’ ċertu enċefalopatiji sponġiformi li jinxterdu (TSEs) fl-annimali. Dan ir-Regolament japplika għall-produzzjoni u t-tqegħid fis-suq ta’ annimali ħajjin u ta’ prodotti li ġejjin mill-annimali u, f’ċerti każijiet speċifiċi, għall-esportazzjonijiet tagħhom. |
(2) |
Il-Kapitolu A tal-Anness VII tar-Regolament (KE) Nru 999/2001 jistabbilixxi l-miżuri ta’ eradikazzjoni li għandhom jiġu implimentati wara li jkun ikkonfermat każ ta’ TSE f’annimali ovini u kaprini. Fil-każ ta’ konferma ta’ TSE għajr l-enċefalopatija sponġiformi bovina (BSE) f’annimal ovin jew kaprin, il-miżuri tal-eradikazzjoni jikkonsistu jew fil-qtil u l-qerda totali tal-annimali kollha fir-razzett involut inkella l-qtil u l-qerda totali tal-annimali ovini li jkunu ġenetikament suxxettibbli għall-iscrapie fir-razzett u l-qtil u l-qerda totali tal-annimali kaprini kollha fir-razzett sakemm l-ebda reżistenza ġenetika għall-iscrapie ma tkun ġiet murija fl-annimali kaprini. |
(3) |
Il-Kapitolu A tal-Anness VII tar-Regolament (KE) Nru 999/2001 jistipula wkoll li l-Istati Membri jistgħu jiddeċiedu li jdewmu l-qerda tal-annimali sa ħames snin tat-tgħammir suġġett għal ċerti kundizzjonijiet. Madankollu, il-qtil u l-qerda tal-annimali ovini jew kaprini mrobbijin għall-produzzjoni tal-ħalib maħsub għat-tqegħid fis-suq, jistgħu jiġu ttardjati biss għall-massimu ta’ 18-il xahar. Ir-Regolament (KE) Nru 999/2001 ma jiddefinixxix id-data tal-bidu għal dak il-perjodu deferit ta’ 18-il xahar. Fġieħ iċ-ċertezza tal-leġiżlazzjoni tal-Unjoni, jixraq li l-Anness VII ta’ dak ir-Regolament jiġi emendat biex il-perjodu deferit jibda mid-data tal-konferma tal-każ indiċi. |
(4) |
Barra minn hekk, f’Lulju 2010, ir-riżultati preliminari ta’ studju xjentifiku (2) dwar it-TSEs immexxi mill-awtoritajiet Ċiprijotti taħt is-superviżjoni tal-Laboratorju Referenzjarju tal-Unjoni Ewropea (LRUE) wera li tista’ tkun teżisti reżistenza ġenetika għall-iscrapie f’annimali kaprini. Madankollu, ir-riżultati definittivi ta’ dak l-istudju mhumiex mistennija li jkunu disponibbli qabel it-tieni semestru tal-2012. |
(5) |
Jekk dak l-istudju jikkonferma l-eżistenza ta’ reżistenza għall-iscrapie, jista’ jitqies xieraq, minn Jannar 2013, li r-Regolament (KE) Nru 999/2001 jiġi emendat, biex l-annimali kaprini reżistenti għall-iscrapie jiġu eżentati mir-rekwiżiti tal-qtil u l-qerda totali stabbiliti mill-Kapitolu A tal-Anness VII ta’ dak ir-Regolament. Biex jiġu evitati l-qtil u l-qerda totali bla ħtieġa tal-annimali kaprini li jistgħu jitqiesu bħala reżistenti għall-iscrapie fil-futur qrib, fi rziezet fejn l-annimali jitrabbew għall-produzzjoni tal-ħalib bil-ħsieb li dan jitqiegħed fis-suq, jixraq li l-perjodu ta’ diferiment jittawwal fil-każ tal-qtil u l-qerda totali ta’ dawk l-annnimali għal perjodu li jintemm fil-31 ta’ Diċembru 2012, fejn il-każ indiċi jkun ġie kkonfermat qabel l-1 ta’ Lulju 2011. |
(6) |
L-Anness IX tar-Regolament (KE) Nru 999/2001 jistabbilixxi r-regoli għall-importazzjoni fl-Unjoni ta’ annimali ħajjin, embrijuni, ova u prodotti li joriġinaw mill-annimali. Il-Kapitolu C ta’ dak l-Anness jistabbilixxi r-regoli għall-importazzjonijiet ta’ prodotti li joriġinaw mill-annimali fil-każ ta’ annimali bovini, ovini u kaprini, u b’mod partikolari l-ġelatina. |
(7) |
L-Artikolu 16 tar-Regolament (KE) Nru 999/2001 jistipula li l-ġelatina miksuba mill-ġlud ta’ barra u l-ġlud ta’ ruminanti f’saħħithom ma tkunx suġġetta għal ristrezzjonijiet fir-rigward tat-tqegħid fis-suq skont ċerti dispożizzjonijiet ta’ dak ir-Regolament. Għaldaqstant, anki l-importazzjonijiet fl-Unjoni ta’ ġelatina miksuba minn ġlud ta’ barra u ġlud ta’ ruminanti f’saħħithom ma għandhomx ikunu suġġetti għal dawk ir-ristrezzjonijiet. |
(8) |
Il-Kapitolu D tal-Anness IX tar-Regolament (KE) Nru 999/2001 jistabbilixxi r-regoli għall-importazzjonijiet ta’ prodotti sekondarji u prodotti proċessati mill-annimali miksuba minn annimali bovini, ovini u kaprini. |
(9) |
Ċerti prodotti sekondarji u prodotti derivati mill-annimali, kif imfissra fir-Regolament (KE) Nru 1069/2009 tal-Parlament Ewropew u tal-Kunsill tal-21 ta’ Ottubru 2009 li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jħassar ir-Regolament (KE) Nru 1774/2002 (Regolament dwar prodotti sekondarji tal-annimali) (3), ma jippreżentaw l-ebda riskju ta’ trażmissjoni ta’ TSE lill-bnedmin jew lill-annimali. Għaldaqstant, ir-rekwiżiti għaċ-ċertifikazzjoni tas-saħħa stabbiliti fil-Kapitolu D tal-Anness IX tar-Regolament (KE) Nru 999/2001 ma għandhomx japplikaw għall-importazzjonijiet ta’ prodotti ta’ dan it-tip. |
(10) |
Għalhekk l-Annessi VII u IX tar-Regolament (KE) Nru 999/2001 għandhom jiġu emendati skont dan. |
(11) |
Ir-Regolament (KE) Nru 1069/2009 japplika mill-4 ta’ Marzu 2011. F’ġieħ iċ-ċarezza u l-koerenza tal-leġiżlazzjoni tal-Unjoni, l-emendi magħmula lill-Kapitolu D tal-Anness IX tar-Regolament (KE) Nru 999/2001 permezz ta’ dan ir-Regolament għandhom japplikaw ukoll minn dik id-data. |
(12) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Annessi VII u IX tar-Regolament (KE) Nru 999/2001 huma emendati skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Il-Punt 2(b) tal-Anness ta’ dan ir-Regolament għandu japplika mill-4 ta’ Marzu 2011.
Dan ir-Regolament għandu jorbot fl-intier tiegħu u huwa applikabbli direttament fl-Istati Membri kollha.
Magħmul fi Brussell, il-25 ta’ Frar 2011.
Għall-Kummissjoni
Il-President
José Manuel BARROSO
(1) ĠU L 147, 31.5.2001, p. 1.
(2) http://www.efsa.europa.eu/en/scdocs/scdoc/1371.htm
(3) ĠU L 300, 14.11.2009, p. 1.
ANNESS
L-Annessi VII u IX tar-Regolament (KE) Nru 999/2001 huma emendati kif ġej:
(1) |
Fl-Anness VII, il-Kapitolu A huwa emendat kif ġej:
|
(2) |
L-Anness IX huwa emendat kif ġej:
|