EUR-Lex Access to European Union law
This document is an excerpt from the EUR-Lex website
Document 32007D0328
2007/328/EC: Commission Decision of 30 April 2007 providing for the temporary marketing of certain seed potatoes not satisfying the requirements of Council Directive 2002/56/EC (notified under document number C(2007) 1852) (Text with EEA relevance)
2007/328/KE: Deċiżjoni tal-Kummissjoni tat- 30 ta’ April 2007 li tistipula t-tqegħid fis-suq ta’ ċerta patata taż-żerriegħa li ma tissodisfax ir-rekwiżiti tad-Direttiva tal-Kunsill 2002/56/KE (notifikata taħt id-dokument numru C(2007) 1852) (Test b’relevanza għaż-ŻEE)
2007/328/KE: Deċiżjoni tal-Kummissjoni tat- 30 ta’ April 2007 li tistipula t-tqegħid fis-suq ta’ ċerta patata taż-żerriegħa li ma tissodisfax ir-rekwiżiti tad-Direttiva tal-Kunsill 2002/56/KE (notifikata taħt id-dokument numru C(2007) 1852) (Test b’relevanza għaż-ŻEE)
ĠU L 122, 11.5.2007, p. 57–58
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 11/12/2010
11.5.2007 |
MT |
Il-Ġurnal Uffiċjali ta’ l-Unjoni Ewropea |
L 122/57 |
DEĊIŻJONI TAL-KUMMISSJONI
tat-30 ta’ April 2007
li tistipula t-tqegħid fis-suq ta’ ċerta patata taż-żerriegħa li ma tissodisfax ir-rekwiżiti tad-Direttiva tal-Kunsill 2002/56/KE
(notifikata taħt id-dokument numru C(2007) 1852)
(Test b’relevanza għaż-ŻEE)
(2007/328/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 2002/56/KE tat-13 ta’ Ġunju 2002 dwar il-bejgħ fis-suq tal-patata taż-żerriegħa (1), u b’mod partikolari l-Artikolu 22(1) tagħha,
Billi:
(1) |
Fl-Iżvezja, il-kwantità ta’ patata taż-żerriegħa disponibbli tal-kategorija “patata taż-żerriegħa ċċertifikata” li hija tajba għall-kondizzjonijiet ambjentali nazzjonali u li tissodisfa r-rekwiżiti tad-Direttiva 2002/56/KE rigward l-għadd ta’ pjanti li juru sintomi ta’ infezzjoni severa minn virus fid-dixxendenti diretti mhix biżżejjed u għalhekk mhix tajba biex tissodisfa l-ħtiġijiet ta’ dak l-Istat Membru. |
(2) |
Mhux possibbli li tintlaħaq id-domanda għall-patata taż-żerriegħa minn Stati Membri oħra jew minn pajjiżi terzi, li tissodisfa r-rekwiżiti kollha stabbiliti fid-Direttiva 2002/56/KE. |
(3) |
Minħabba f’hekk, l-Iżvezja għandha tkun awtorizzata tippermetti t-tqegħid fis-suq ta’ patata taż-żerriegħa bil-kundizzjoni ta’ rekwiżiti inqas stretti għal perjodu li jiskadi fit-30 ta’ Ġunju 2007. |
(4) |
Barra minn hekk, l-Istati Membri l-oħra, li jinsabu f’pożizzjoni li jipprovdu lill-Iżvezja b’patata taż-żerriegħa irrispettivament minn jekk il-patata taż-żerriegħa nħasditx fi Stat Membru jew f’pajjiż terz, għandhom ikunu awtorizzati jippermettu t-tqegħid fis-suq ta’ patata taż-żerriegħa ta’ din ix-xorta. |
(5) |
Huwa xieraq li l-Iżvezja taġixxi bħala koordinatur sabiex tiżgura li l-ammont totali ta’ patata taż-żerriegħa awtorizzat skond din id-Deċiżjoni ma jaqbiżx il-kwantità massima koperta minn din id-Deċiżjoni. |
(6) |
Il-miżuri stipulati f’din id-Deċiżjoni huma fi qbil ma’ l-opinjoni tal-Kumitat Permanenti għaż-Żrieragħ u l-Materjal ta’ Propagazzjoni għall-Agrikoltura, l-Ortikultura u l-Foresterija, |
ADOTTAT DIN ID-DEĊIŻJONI:
Artikolu 1
It-tqegħid fis-suq fil-Komunità ta’ patata taż-żerriegħa tal-kategorija “patata taż-żerriegħa ċċertifikata” li ma tissodisfax ir-rekwiżiti stabbiliti fid-Direttiva 2002/56/KE fir-rigward ta’ l-għadd ta’ pjanti li juru sintomi ta’ infezzjoni severa minn virus fid-dixxendenti diretti għandhom ikunu permessi, għal perjodu li jiskadi fit-30 ta’ Ġunju 2007, skond it-termini stabbiliti fl-Anness ta’ din id-Deċiżjoni u suġġetti għall-kundizzjonijiet li ġejjin:
(a) |
l-għadd ta’ pjanti li juru sintomi ta’ infezzjoni severa minn virus fid-dixxendenti diretti ta’ patata taż-żerriegħa tal-kategorija “patata taż-żerriegħa ċċertifikata” ma teċċedix il-persentaġġ stabbilit fl-Anness, |
(b) |
it-tikketta uffiċjali tistqarr li l-persentaġġ ta’ pjanti li juru sintomi ta’ infezzjoni severa minn virus fid-dixxendenti diretti ta’ patata taż-żerriegħa tal-kategorija “patata taż-żerriegħa ċċertifikata” aċċertata fl-eżami uffiċjali skond l-Artikolu 2(c)(iv) tad-Direttiva 2002/56/KE, |
(ċ) |
il-patata taż-żerriegħa tkun tqiegħdet fis-suq skond l-Artikolu 2 ta’ din id-Deċiżjoni. |
Artikolu 2
Kull fornitur tal-patata li jkun jixtieq iqiegħed fis-suq patata taż-żerriegħa msemmija fl-Artikolu 1, għandu japplika għall-awtorizzazzjoni lill-Istat Membru li huwa jkun stabbilit jew qed jimporta fih.
L-Istat Membru kkonċernat għandu jawtorizza lill-fornitur biex iqiegħed dik il-patata taż-żerriegħa fis-suq, sakemm:
(a) |
ikun hemm biżżejjed evidenza biex ikun hemm dubju dwar jekk fornitur ikunx kapaċi li jqiegħed fis-suq l-ammont ta’ patata taż-żerriegħa li jkun applika għal awtorizzazzjoni għaliha; jew |
(b) |
il-kwantità totali awtorizzata biex titqiegħed fis-suq skond id-deroga kkonċernata taqbeż il-kwantità massima speċifikata fl-Anness ta’ din id-Deċiżjoni. |
Artikolu 3
L-Istati Membri għandhom jgħinu lil xulxin b’mod amministrattiv fl-applikazzjoni ta’ din id-Deċiżjoni.
L-Iżvezja għandha taġixxi bħala Stat Membru koordinatur biex tiżgura li l-ammont totali awtorizzat ma jaqbiżx il-kwantità massima speċifikata fl-Anness ta’ din id-Deċiżjoni.
Kwalunkwe Stat Membru li jirċievi applikazzjoni skond l-Artikolu 2 għandu jinnotifika minnufih lill-Istat Membru koordinatur bl-ammont kopert mill-applikazzjoni. L-Istat Membru koordinatur għandu jinforma lill-Istat Membru li qed jinnotifika minnufih dwar jekk l-awtorizzazzjoni tistax twassal biex tinqabeż il-kwantità massima.
Artikolu 4
L-Istati Membri għandhom javżaw minnufih lill-Kummissjoni u lill-Istati Membri l-oħra dwar il-kwantitajiet li tkun ingħatat l-awtorizzazzjoni għat-tqegħid fis-suq tagħhom skond din id-Deċiżjoni.
Artikolu 5
Din id-Deċiżjoni hija indirizzata lill-Istati Membri.
Magħmul fi Brussell, 30 ta’ April 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 193, 20.7.2002, p. 60. Id-Direttiva kif emendata l-aħħar mid-Deċiżjoni tal-Kummissjoni 2005/908/KE (ĠU L 329, 16.12.2005, p. 37).
ANNESS
L-ispeċi |
It-tip tal-varjetà |
Kwantità Massima (tunnellati) |
Għadd ta’ pjanti li juru sintomi ta’ infezzjoni severa minn virus fid-dixxendenti diretti (%) |
Patata |
(varjetajiet bikrin u bikrin ħafna) Early Puritan |
100 |
20 |
(varjetajiet tal-lamtu) Seresta |
400 |