Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2014/C 262/04)

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona tal-euro kollha. Il-Kummissjoni tippubblika deskrizzjoni tad-disinji tal-muniti l-ġodda kollha, bħala informazzjoni għall-pubbliku u għall-partijiet kollha li jużaw il-muniti (1). Skont il-konklużjonijiet tal-Kunsill tal-10 ta’ Frar 2009 (2), l-Istati Membri fiż-żona tal-euro u l-pajjiżi li kkonkludew ftehim monetarju mal-Unjoni Ewropea li jistipula l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni sakemm jintlaħqu ċerti kundizzjonijiet, b’mod partikolari li jridu jkunu muniti taż-EUR 2 biss. Dawn il-muniti għandhom l-istess karatteristiċi tekniċi bħall-muniti l-oħra taż-EUR 2, iżda l-wiċċ nazzjonali tagħhom ikun fih disinn kommemorattiv li jkun tassew simboliku f’termini nazzjonali jew Ewropej.

Il-pajjiż li qed joħroġ il-munita : Ir-Repubblika Ellenika

L-okkażjoni tal-kommemorazzjoni : L-400 anniversarju mill-mewt ta’ Domenikos Theotokopoulos (1614-2014)

Deskrizzjoni tad-disinn : Il-parti ta’ ġewwa tal-munita fiha ritratt ta’ Domenikos Theotokopoulos. Fl-isfond hemm figura tipika mix-xogħol tiegħu, illustrattiva tat-teknika tiegħu. Fuq ix-xellug: is-sena 2014 u l-firma karatteristika tal-artist (“Domenikos Theotokopoulos Epoiei”) Fuq il-lemin: il-marka taz-zekka taz-Zekka Statali tal-Greċja. Id-disinn huwa mdawwar kollu bi skrizzjoni li taqra bil-Grieg “DOMENIKOS THEOTOKOPOULOS 1541-1614” u l-isem tal-pajjiż li qed joħroġ il-munita “IR-REPUBBLIKA ELLENIKA”.

Iċ-ċirku ta’ barra tal-munita juri t-12-il stilla tal-bandiera Ewropea.

L-għadd ta’ muniti li għandhom jinħarġu : sa 750 000

Data tal-ħruġ : Fil-ħarifa tal-2014

(1)  Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).