Dan id-dokument hu mislut mis-sit web tal-EUR-Lex
Dokument 32020R1474
Commission Regulation (EU) 2020/1474 of 13 October 2020 amending Regulation (EU) No 360/2012 as regards the prolongation of its period of application and a time-bound derogation for undertakings in difficulty to take into account the impact of the COVID-19 pandemic (Text with EEA relevance)
Regolament tal-Kummissjoni (UE) 2020/1474 tat-13 ta’ Ottubru 2020 li jemenda r-Regolament (UE) Nru 360/2012 fir-rigward tal-estensjoni tal-perjodu tiegħu ta’ applikazzjoni u deroga limitata fiż-żmien għal impriżi f’diffikultà biex iqisu l-impatt tal-pandemija tal-COVID-19 (Test b’rilevanza għaż-ŻEE)
Regolament tal-Kummissjoni (UE) 2020/1474 tat-13 ta’ Ottubru 2020 li jemenda r-Regolament (UE) Nru 360/2012 fir-rigward tal-estensjoni tal-perjodu tiegħu ta’ applikazzjoni u deroga limitata fiż-żmien għal impriżi f’diffikultà biex iqisu l-impatt tal-pandemija tal-COVID-19 (Test b’rilevanza għaż-ŻEE)
C/2020/6927
IO L 337, 14.10.2020, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Fis-seħħ
|
14.10.2020 |
MT |
Il-Ġurnal Uffiċjali tal-Unjoni Ewropea |
L 337/1 |
REGOLAMENT TAL-KUMMISSJONI (UE) 2020/1474
tat-13 ta’ Ottubru 2020
li jemenda r-Regolament (UE) Nru 360/2012 fir-rigward tal-estensjoni tal-perjodu tiegħu ta’ applikazzjoni u deroga limitata fiż-żmien għal impriżi f’diffikultà biex iqisu l-impatt tal-pandemija tal-COVID-19
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (UE) 2015/1588 tat-13 ta’ Lulju 2015 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għal ċerti kategoriji ta’ għajnuna mill-Istat orizzontali (1), u b’mod partikolari l-Artikolu 2(1) tiegħu,
Wara li kkonsultat lill-Kumitat Konsultattiv dwar l-Għajnuna mill-Istat,
Billi:
|
(1) |
Skont ir-Regolament tal-Kummissjoni (UE) Nru 360/2012 (2), l-għajnuna taħt ċertu limitu mogħtija lill-impriżi għall-forniment ta’ servizz ta’ interess ekonomiku ġenerali titqies li ma tissodisfax il-kriterji kollha tal-Artikolu 107(1) tat-Trattat u hija, għalhekk, eżentata mill-ħtieġa ta’ notifika tal-Artikolu 108(3) tat-Trattat, soġġett għal ċerti kundizzjonijiet. |
|
(2) |
Ir-Regolament (UE) Nru 360/2012 se jiskadi fil-31 ta’ Diċembru 2020. |
|
(3) |
Huwa meħtieġ li tiġi pprovduta prevedibbiltà u ċertezza legali, filwaqt li jiġi mħejji aġġornament possibbli fil-futur tar-Regolament (UE) Nru 360/2012, allinjat ma’ aġġornament possibbli fil-futur tar-Regolament tal-Kummissjoni (UE) Nru 1407/2013 (3). |
|
(4) |
Għalhekk, l-ewwel jenħtieġ li l-perjodu tal-applikazzjoni tar-Regolament (UE) Nru 360/2012 jiġi estiż. It-tieni nett, f’konformità mal-Linji Gwida tal-Kummissjoni għal Regolamentazzjoni Aħjar, ir-Regolament (UE) Nru 360/2012 u r-regoli l-oħra dwar is-SIEĠ stabbiliti fid-Deċiżjoni tal-Kummissjoni tal-20 ta’ Diċembru 2011 (4), fil-Komunikazzjoni mill-Kummissjoni dwar l-applikazzjoni tar-regoli dwar l-għajnuna mill-Istat tal-Unjoni Ewropea għall-kumpens mogħti għall-fornitura ta’ servizzi ta’ interess ekonomiku ġenerali (5) u fil-Komunikazzjoni mill-Kummissjoni — Qafas tal-Unjoni Ewropea għall-għajnuna mill-Istat fil-forma ta’ kumpens għal servizz pubbliku (2011) (6), sa fejn dawn japplikaw għas-servizzi tas-saħħa u dawk soċjali, jenħtieġ li jiġu evalwati. Il-Kummissjoni varat l-evalwazzjoni ta’ dawn ir-regoli diġà f’Ġunju 2019. Jenħtieġ li l-estensjoni tar-Regolament (UE) Nru 360/2012 tippermetti lill-Kummissjoni biex tqis ir-riżultati tal-Kontroll tal-Idoneità li jkopri wkoll ir-Regolament (UE) Nru 1407/2013. Għalhekk id-durata tal-estensjoni tar-Regolament (UE) Nru 360/2012 jenħtieġ li tiġi allinjata mad-durata tal-estensjoni tar-Regolament (UE) Nru 1407/2013. Jenħtieġ li din l-estensjoni tippermetti lill-Kummissjoni biex ikollha stampa aktar sħiħa ta’ kif l-elementi differenti taż-żewġ regolamenti jaħdmu flimkien. Jenħtieġ li l-estensjoni taż-żmien li tkun limitata fiż-żmien tikkontribwixxi biex tipprovdi ċertezza legali lill-impriżi fdati b’SIEĠ u m’għandhiex twassal għal żieda fil-piż amministrattiv minħabba li l-miżuri ta’ kumpens li ma jaqbżux EUR 500 000 matul kwalunkwe perjodu ta’ tliet snin fiskali mogħtija lil impriżi li jipprovdu SIEĠ, se jkomplu jitqiesu li mhumiex għajnuna mill-Istat. |
|
(5) |
Għalhekk, jenħtieġ li l-perjodu tal-applikazzjoni tar-Regolament (UE) Nru 360/2012 jiġi estiż bi tliet snin. sal-31 ta’ Diċembru 2023. |
|
(6) |
Fid-dawl tal-konsegwenzi ekonomiċi u finanzjarji li t-tifqigħa tal-COVID-19 għandha fuq l-impriżi u sabiex tiġi żgurata l-konsistenza mar-rispons ta’ politika ġenerali adottat mill-Kummissjoni, speċjalment fil-perjodu 2020-2021, jenħtieġ li l-impriżi li saru impriżi f’diffikultà bħala konsegwenza tat-tifqigħa tal-COVID-19 jibqgħu eliġibbli skont ir-Regolament (UE) Nru 360/2012 għal perjodu ta’ żmien limitat. |
|
(7) |
Jenħtieġ, għalhekk, li r-Regolament (UE) Nru 360/2012 jiġi emendat b’dan il-mod, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 360/2012 huwa emendat kif ġej:
|
(a) |
Fl-Artikolu 1 jiddaħħal il-paragrafu 2a li ġej: “2a. B’deroga mill-punt (h) tal-paragrafu 2, dan ir-Regolament għandu japplika għal impriżi li ma kinux f’diffikultà fil-31 ta’ Diċembru 2019 iżda saru impriżi f’diffikultà fil-perjodu mill-1 ta’ Jannar 2020 sat-30 ta’ Ġunju 2021.” |
|
(b) |
Fl-Artikolu 5, it-tieni paragrafu huwa sostitwit b’dan li ġej: “Għandu japplika sal-31 ta’ Diċembru 2023.” |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta’ Ottubru 2020.
Għall-Kummissjoni
Il-President
Ursula VON DER LEYEN
(1) ĠU L 248, 24.9.2015, p. 1.
(2) Ir-Regolament tal-Kummissjoni (UE) Nru 360/2012 tal-25 ta’ April 2012 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis mogħtija lil intrapriżi li jipprovdu servizzi ta’ interess ekonomiku ġenerali (ĠU L 114, 26.4.2012, p. 8).
(3) Ir-Regolament tal-Kummissjoni (UE) Nru 1407/2013 tat-18 ta’ Diċembru 2013 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis (ĠU L 352, 24.12.2013, p. 1).
(4) Id-Deċiżjoni tal-Kummissjoni tal-20 ta’ Diċembru 2012 dwar l-applikazzjoni tal-Artikolu 106(2) tat-Trattat dwar il-Funzjonament tal-Unjoni Ewropea għall-għajnuna mill-Istat taħt il-forma ta’ kumpens għas-servizzi pubbliċi mogħti lil ċerti impriżi inkarigati bil-ġestjoni ta’ servizzi ta’ interess ekonomiku, C(2011) 9380, ġenerali (ĠU L 7, 11.1.2012, p. 3).