4.5.2018   

GA

Iris Oifigiúil an Aontais Eorpaigh

1

(1)

Le Rialachán (AE, Euratom) Uimh. 1141/2014 ó Pharlaimint na hEorpa agus ón gComhairle (4), bunaítear stádas dlíthiúil Eorpach sonrach ar féidir le páirtithe polaitiúla Eorpacha agus a bhfondúireachtaí polaitiúla Eorpacha cleamhnaithe tairbhe a bhaint as agus déantar foráil maidir le hiad a chistiú ó bhuiséad ginearálta an Aontais Eorpaigh.

(2)

Aithníodh go bhfuil gá ann Rialachán (AE, Euratom) Uimh. 1141/2014 a leasú chun gurbh fhearr a bhainfí amach an cuspóir arb é páirtithe polaitiúla Eorpacha agus a bhfondúireachtaí polaitiúla Eorpacha cleamhnaithe a spreagadh ina ndícheall nasc láidir a sholáthar idir an tsochaí shibhialta Eorpach agus institiúidí an Aontais, agus go háirithe Parlaimint na hEorpa, agus cuidiú leo sa dícheall sin.

(3)

Tar éis athruithe ar Rialachán (AE, Euratom) Uimh. 966/2012 ó Pharlaimint na hEorpa agus ón gComhairle (5) (“an Rialachán Airgeadais”), ba cheart an sainmhíniú ar Phointe Teagmhála Náisiúnta a athbhreithniú. Ba cheart do na húdaráis ábhartha sna Ballstáit duine nó daoine a ainmniú go sonrach chun faisnéis a mhalartú le linn an Rialachán seo a chur i bhfeidhm. Chun na críche sin, d'fhéadfaidís rogha a dhéanamh idir na daoine nó na comhlachtaí sin atá ainmnithe cheana do shaincheisteanna a bhaineann leis an gCóras luathbhraite agus eisiaimh arna bhunú agus arna oibriú ag an gCoimisiún chun leasanna airgeadais an Aontais a chosaint.

(4)

Is gá fíorghné thrasnáisiúnta páirtithe Eorpacha agus a bhfondúireachtaí polaitiúla Eorpacha cleamhnaithe a áirithiú ar dhóigh níos fearr chun gur féidir leo stádas dlíthiúil Eorpach sonrach a fháil trí chlárú. Thairis sin, chun an nasc a láidriú idir an pholaitíocht ar an leibhéal náisiúnta agus ar leibhéal an Aontais agus chun an páirtí náisiúnta céanna a chosc níos mó ná páirtí polaitiúil Eorpach amháin a chruthú a bhfuil claonadh polaitiúil comhchosúil nó an claonadh polaitiúil céanna iontu, níor cheart baill den pháirtí polaitiúil náisiúnta céanna a chur san áireamh maidir le comhaontais pholaitiúla éagsúla, chun críche na gceanglas íosta ionadaíochta le go gclárófaí na comhaontais sin mar pháirtí Eorpach. Dá bhrí sin, níor cheart ach páirtithe polaitiúla, agus ní daoine aonair a thuilleadh, a chur san áireamh chun críche na gceanglas íosta ionadaíochta sin.

(5)

Ba cheart é a chur ar chumas páirtithe Eorpacha agus a bhfondúireachtaí polaitiúla Eorpacha cleamhnaithe sciar níos mó de na leithreasaí atá luaite le cistiú na bpáirtithe agus na bhfondúireachtaí sin i mbuiséad ginearálta an Aontais Eorpaigh a úsáid. Dá bhrí sin, ba cheart an sciar uasta de na ranníocaíochtaí airgeadais nó na deontais ó bhuiséad ginearálta an Aontais Eorpaigh sa chaiteachas in-aisíoctha bliantúil arna léiriú i mbuiséad páirtí pholaitiúil Eorpaigh agus sna costais incháilitheacha arna dtabhú ag fondúireacht pholaitiúil Eorpach a mhéadú.

(6)

Ar chúiseanna trédhearcachta, agus chun grinnscrúdú agus cuntasacht dhaonlathach na bpáirtithe polaitiúla Eorpacha agus an nasc idir an tsochaí shibhialta Eorpach agus institiúidí an Aontais, agus go háirithe Parlaimint na hEorpa, a neartú, ba cheart an rochtain ar chistiú ó bhuiséad ginearálta an Aontais Eorpaigh a thabhairt a bheith coinníollach ar na ballpháirtithe de chuid AE clár polaitiúil agus lógó an pháirtí pholaitiúil Eorpaigh lena mbaineann a fhoilsiú, ar bhealach atá infheicthe go soiléir agus áisiúil don úsáideoir. Ba cheart cuimsiú faisnéise faoin gcothromaíocht inscne maidir le gach ballpháirtí den pháirtí polaitiúil Eorpach a spreagadh.

(7)

Chun go ndéanfar acmhainní a leithdháileadh ar dhóigh níos comhréirí ó bhuiséad ginearálta an Aontais Eorpaigh, ar leithdháileadh é a léireoidh fíorthacaíocht thoghchánach páirtí pholaitiúil Eorpaigh go hoibiachtúil, ba cheart cistiú páirtithe polaitiúla Eorpacha agus, ag teacht as sin, cistiú a bhfondúireachtaí polaitiúla Eorpacha cleamhnaithe faoi seach, a nascadh ar bhealach níos dlúithe le leibhéal inléirithe tacaíochta toghchánaí. Ba cheart, dá bhrí sin, na rialacha maidir le dáileadh cistiúcháin a oiriúnú chun aird níos mó a thabhairt ar an sciar de chomhaltaí tofa atá ag gach páirtí polaitiúil Eorpach i bParlaimint na hEorpa.

(8)

Más rud é, i ngeall ar athrú tosca, nach gcomhlíonann páirtí polaitiúil Eorpach nó fondúireacht pholaitiúil Eorpach ceann amháin nó níos mó de na coinníollacha le haghaidh clárú a thuilleadh, ba cheart é nó í a bhaint den Chlár.

(9)

Ar mhaithe le deimhneacht dhlíthiúil agus trédhearcacht ba cheart a fhoráil go sainráite gur féidir páirtí polaitiúil Eorpach nó fondúireacht pholaitiúil Eorpach a bhaint den Chlár laistigh de thréimhse réasúnta i gcás inar thug an páirtí nó an fhondúireacht fianaise bhréagach nó neamhiomlán ar dá bonn a rinneadh cinneadh an páirtí nó an fhondúireacht sin a chlárú.

(10)

Ba cheart an chosaint a thugtar do leasanna airgeadais an Aontais a neartú trína fhoráil go ndéanfaí, i gcás sáraithe, aisghabháil éifeachtach an chistiúcháin ó bhuiséad ginearálta an Aontais Eorpaigh a áirithiú trí shuimeanna arna n-íoc go míchuí a aisghabháil ó dhaoine nádúrtha atá freagrach as an sárú i dtrácht, ag cur san áireamh, i gcás inarb iomchuí, imthosca eisceachtúla maidir leis na daoine nádúrtha sin.

(11)

Chun meastóireacht a dhéanamh ar impleachtaí Rialachán (AE, Euratom) Uimh. 1141/2014 arna leasú leis an Rialachán seo ar bhonn fianaise shubstainteach ar chur i bhfeidhm praiticiúil an Rialacháin sin, ba cheart dáta an athbhreithnithe chuimsithigh atá beartaithe a chur siar. Ba cheart go dtabharfaí aird ar leith san athbhreithniú cuimsitheach sin ar impleachtaí Rialachán (AE, Euratom) Uimh. 1141/2014, arna leasú leis an Rialachán seo, do sheasamh páirtithe polaitiúla Eorpacha beaga agus a bhfondúireachtaí polaitiúla Eorpacha cleamhnaithe.

(12)

I dtaca leis na ceanglais nua maidir le foilsiú chlár polaitiúil agus lógó na bpáirtithe polaitiúla Eorpacha, ba cheart feidhm, a mhéid is féidir, a bheith ag na ceanglais sin cheana féin maidir leis na hiarratais ar chistiú do 2019, an bhliain ina mbeidh na chéad toghcháin eile do Pharlaimint na hEorpa ar siúl. Ba cheart, dá bhrí sin, foráil a dhéanamh leis an Rialachán seo maidir le socruithe idirthréimhseacha.

(13)

Chun a áirithiú go mbeidh feidhm ag na leasuithe ar Rialachán (AE, Euratom) Uimh. 1141/2014 a thugtar isteach leis an Rialachán seo go tráthúil, ba cheart an Rialachán seo teacht i bhfeidhm ar dháta a fhoilsithe in Iris Oifigiúil an Aontais Eorpaigh.

(14)

Ba cheart, dá bhrí sin, Rialachán (AE, Euratom) Uimh. 1141/2014 a leasú dá réir,

(1)

cuirtear an méid seo a leanas in ionad Aithris 12:

(2)

cuirtear isteach an aithris seo a leanas:

(*1)  Rialachán (AE) 2017/1939 ón gComhairle an 12 Deireadh Fómhair 2017 lena gcuirtear chun feidhme comhar feabhsaithe maidir le bunú Oifig an Ionchúisitheora Phoiblí Eorpaigh (‘OIPE’) (IO L 283, 31.10.2017, lch. 1)."

(*2)  Treoir (AE) 2017/1371 ó Pharlaimint na hEorpa agus ón gComhairle an 5 Iúil 2017 maidir leis an gcomhrac in aghaidh na calaoise ar leasanna airgeadais an Aontais trí bhíthin an dlí choiriúil (IO L 198, 28.7.2017, lch. 29).”;"

(3)

in Airteagal 2, cuirtear an méid seo a leanas in ionad phointe (10):

(4)

leasaítear Airteagal 3(1) mar a leanas:

(5)

cuirtear an méid seo a leanas in ionad na chéad fhomhíre d'Airteagal 10(3):

“Féadfaidh Parlaimint na hEorpa, ag gníomhú di uaithi féin nó ar iarraidh réasúnaithe ó ghrúpa saoránach, arna tíolacadh i gcomhréir le forálacha ábhartha a Rialacha Nós Imeachta, nó an Chomhairle nó an Coimisiún, iarraidh ar fhíorú an bhfuil páirtí polaitiúil Eorpach ar leith nó fondúireacht pholaitiúil Eorpach ar leith ag comhlíonadh na gcoinníollacha a leagtar síos i bpointe (c) d'Airteagal 3(1) agus i bpointe (c) d'Airteagal 3(2) a thaisceadh leis an Údarás. I gcásanna den sórt sin agus sna cásanna dá dtagraítear i bpointe (a) d'Airteagal 16(3), iarrfaidh an tÚdarás ar choiste na ndaoine neamhspleácha oirirce arna bhunú le hAirteagal 11 tuairim a thabhairt uaidh ar an ábhar. Tabharfaidh an Coiste a thuairim uaidh laistigh de 2 mhí.”;

(6)

cuirtear an méid seo a leanas in ionad Airteagal 17(4):

“4.   Ní bheidh ranníocaíochtaí airgeadais ná deontais ó bhuiséad ginearálta an Aontais Eorpaigh níos mó ná 90 % den chaiteachas inaisíoctha bliantúil arna léiriú i mbuiséad páirtí pholaitiúil Eorpaigh agus 95 % de na costais incháilitheacha arna dtabhú ag fondúireacht pholaitiúil Eorpach. Féadfaidh páirtithe polaitiúla Eorpacha aon chuid de ranníocaíocht an Aontais a dámhadh ach nár úsáideadh a úsáid chun caiteachas in-aisíoctha laistigh den bhliain airgeadais tar éis a dhámhachtana a chumhdach. Déanfar suimeanna nár úsáideadh tar éis na bliana airgeadais sin a aisghabháil i gcomhréir leis an Rialachán Airgeadais.”;

(7)

in Airteagal 18, cuirtear an mhír seo a leanas isteach:

“2a.   Déanfaidh páirtí polaitiúil Eorpach a áireamh ina iarratas fianaise lena léirítear go ndearna a bhallpháirtithe de chuid AE, de ghnáth, clár polaitiúil agus lógó an pháirtí pholaitiúil Eorpaigh a fhoilsiú ar a shuíomhanna gréasáin, ar bhealach atá infheicthe go soiléir agus áisiúil don úsáideoir, i rith na tréimhse 12 mhí roimh an dáta deiridh le haghaidh iarratais a chur isteach.”;

(8)

cuirtear an méid seo a leanas in ionad Airteagal 19(1):

“1.   Déanfar na leithreasaí faoi seach atá ar fáil do na páirtithe polaitiúla Eorpacha sin agus do na fondúireachtaí polaitiúla Eorpacha sin ar ar dámhadh ranníocaíochtaí nó deontais i gcomhréir le hAirteagal 18 a dháileadh go bliantúil ar bhonn na heochrach dáilte seo a leanas:

Úsáidfear an eochair dháilte chéanna chun cistiú a dhámhachtain ar fhondúireachtaí polaitiúla Eorpacha, ar bhonn a gcleamhnachta le páirtí polaitiúil Eorpach.”;

(9)

leasaítear Airteagal 27(1) mar a leanas:

(10)

cuirtear isteach an t-airteagal seo a leanas:

“Airteagal 27a

Freagracht daoine nádúrtha

I gcás ina bhforchuirfidh an tÚdarás smachtbhanna airgeadais sna cásanna dá dtagraítear i bpointí (a)(v) nó (a)(vi) d'Airteagal 27(2) féadfaidh sé a shuí, chun críche aisghabhála de bhun Airteagal 30(2), go mbeidh freagracht as an sárú sna cásanna seo a leanas freisin ar dhuine nádúrtha atá ina bhall de chomhlacht riaracháin, bainistíochta nó maoirseachta de chuid an pháirtí pholaitiúil Eorpaigh nó na fondúireachta polaitiúla Eorpaí, nó a bhfuil cumhachtaí ionadaíochta, cinnteoireachta nó rialaithe aige maidir leis an bpáirtí polaitiúil Eorpach nó maidir leis an bhfondúireacht pholaitiúil Eorpach:

(11)

leasaítear Airteagal 30(2) mar a leanas:

(12)

leasaítear Airteagal 32(1) mar a leanas:

(13)

cuirtear an méid seo a leanas in ionad Airteagal 34:

“Airteagal 34

An ceart éisteacht a fháil

Sula ndéanfaidh Údarás nó Oifigeach Údarúcháin Pharlaimint na hEorpa cinneadh a bhféadfadh tionchar díobhálach a bheith aige ar chearta páirtí pholaitiúil Eorpaigh, cearta fondúireachta polaitiúla Eorpaí, cearta iarratasóra amhail dá dtagraítear in Airteagal 8 nó cearta duine nádúrtha amhail dá dtagraítear in Airteagal 27a, tabharfaidh sé éisteacht d'ionadaithe an pháirtí pholaitiúil Eorpaigh, na fondúireachta polaitiúla Eorpaí nó an iarratasóra, nó an duine nádúrtha lena mbaineann. Déanfaidh an tÚdarás nó Parlaimint na hEorpa na cúiseanna atá lena chinneadh nó lena cinneadh a lua go cuí.”;

(14)

cuirtear an méid seo a leanas in ionad Airteagal 38:

“Airteagal 38

Meastóireacht

Tar éis do Pharlaimint na hEorpa dul i gcomhairle leis an Údarás, déanfaidh sí, faoin 31 Nollaig 2021 agus gach 5 bliana ina dhiaidh sin, tuarascáil a fhoilsiú maidir le cur i bhfeidhm an Rialacháin seo agus maidir leis na gníomhaíochtaí arna gcistiú. Léireofar sa tuarascáil, i gcás inarb iomchuí, leasuithe a d'fhéadfaí a dhéanamh ar na córais reachta agus cistiúcháin.

Tráth nach déanaí ná 6 mhí tar éis do Pharlaimint na hEorpa an tuarascáil a fhoilsiú, déanfaidh an Coimisiún tuarascáil a thíolacadh maidir le cur i bhfeidhm an Rialacháin seo ina ndéanfar aird ar leith a thabhairt ar na himpleachtaí do sheasamh na bpáirtithe polaitiúla Eorpacha beaga agus na bhfondúireachtaí polaitiúla Eorpacha beaga. Más iomchuí, beidh togra reachtach chun an Rialachán seo a leasú ag gabháil leis an tuarascáil.”;

(15)

cuirtear isteach an t-airteagal seo a leanas:

“Airteagal 40a

Foráil idirthréimhseach

1.   Maidir le forálacha an Rialacháin seo is infheidhme roimh4 Bealtaine 2018, leanfaidh siad d'fheidhm a bheith acu maidir le gníomhartha agus gealltanais a bhaineann le cistiú páirtithe polaitiúla Eorpacha agus fondúireachtaí polaitiúla Eorpacha ar an leibhéal Eorpach don bhliain airgeadais 2018.

2.   De mhaolú ar Airteagal 18(2a), sula ndéanfar cinneadh i leith iarratas ar chistiú don bhliain airgeadais 2019, déanfaidh Oifigeach Údarúcháin Pharlaimint na hEorpa, an fhianaise dá dtagraítear in Airteagal 18(2a) a iarraidh díreach le haghaidh tréimhse ó5 Iúil 2018.

3.   Déanfaidh páirtithe polaitiúla Eorpacha a chláraigh roimh 4 Bealtaine 2018, doiciméid a chur isteach, faoin 5 Iúil 2018, ar a dhéanaí, a chruthaíonn go gcomhlíonann siad na coinníollacha atá leagtha síos i bpointí (b) agus (ba) d'Airteagal 3(1).

4.   Bainfidh an tÚdarás páirtí polaitiúil Eorpach agus a fhondúireacht pholaitiúil Eorpach chleamhnaithe den Chlár i gcás ina mainníonn an páirtí lena mbaineann a chruthú, laistigh den tréimhse ama a leagtar amach i mír 3, go gcomhlíonann sé na coinníollacha a leagtar síos i bpointí (b) agus (ba) d'Airteagal 3(1).”