Coinbhinsiún maidir le nós imeachta comhchoiteann idirthurais

 

ACHOIMRE AR:

An coinbhinsiún maidir le nós imeachta comhchoiteann idirthurais

Cinneadh 87/415/CEE — coinbhinsiún maidir le nós imeachta comhchoiteann idirthurais a thabhairt chun críche

CAD IS AIDHM LEIS AN GCOINBHINSIÚN AGUS LEIS AN GCINNEADH?

Leis an gcoinbhinsiún soláthraítear an creat dlíthiúil lena leagtar amach na hoibleagáidí atá ar thrádálaithe agus ar údaráis chustaim maidir le hearraí in idirthuras* custaim ó pháirtí conarthachta amháin go ceann eile. Cumhdaítear le AE-27 (mar pháirtí conarthachta amháin) agus 8 dtír chomhchoiteanna um idirthuras (an Eilvéis, an Íoslainn, an Iorua, an Mhacadóin Thuaidh, an tSeirbia, an Tuirc, an Úcráin agus an Ríocht Aontaithe) mar pháirtithe conarthachta ar leith.

Faomhtar an coinbhinsiún leis an gcinneadh thar ceann an Chomhphobail Eorpaigh (an tAontas Eorpach anois).

PRÍOMHPHOINTÍ

Sa choinbhinsiún:

• tugtar isteach nós imeachta comhchoiteann idirthurais le haghaidh earraí a bhogtar faoi mhaoirseacht chustaim idirthurais idir na páirtithe conarthachta;
• leagtar amach leis na hoibleagáidí atá ar an duine (ar a dtugtar “sealbhóir an nós imeachta um earraí faoi bhealach”) lena n-áirítear dearbhú maidir le hidirthuras chun:
  • na hearraí a chur i láthair i gcaoi mhaith agus an fhaisnéis is gá a chur ar fáil ag cinn scríbe oifigí custaim laistigh den teorainn ama a aontaíodh;
  • cloí le rialacha an nós imeachta custaim um earraí faoi bhealach;
  • ráthaíocht a chur ar fáil ar leor í chun fiacha ar bith a d'fhéadfadh teacht chun cinn a íoc. Tá rialacha sonracha i bhfeidhm maidir le fiacha a aisghabháil.
• liostáiltear ann na hoibleagáidí atá ar oifigí custaim sna tíortha imeachta agus cinn scríbe, amhail:
  • a fhíorú go bhfuil na sonraí críochnúil;
  • rialú custaim a fheidhmiú, más infheidhme;
  • teorainn ama um sheachadadh a aontú;
  • a sheiceáil go bhfuil séalaí cuí i bhfeidhm;
  • cruthúnas gur seachadadh na hearraí a chur ar fáil agus deireadh ceart an nós imeachta a dhearbhú.
• ordaítear leis nár cheart ach na hearraí sin atá á mbogadh ó oifig custaim amháin go ceann eile trí mhodh aonair iompair a chuimsiú i ngach dearbhú maidir le hidirthuras.
• soláthraítear leis treoracha mionsonraithe maidir leis na gnéithe sonraí i ndearbhú maidir le hidirthuras, lena n-áirítear cóid choiteanna (chun difríochtaí teangeolaíocha ar bith idir na páirtithe conarthachta a sheachaint).

Úsáidtear córas leictreonach idirthurais chun foirmiúlachtaí custaim a chur i gcrích, ach amháin i gcúinsí faoi leith (e.g. earraí a iompraítear d’iarnród i gcás go bhfuil páipéar incheadaithe).

D’fhéadfaí simpliú idirthurais bheith i bhfeidhm maidir le trádálaithe iontaofa.

Féadfaidh tíortha a chomhaontú na nósanna imeachta simplithe a oibriú eatarthu féin trí chomhaontuithe déthaobhacha nó iltaobhacha.

Ní mór do thíortha comhoibriú lena chéile maidir le cúnamh frithpháirteach chun éilimh a aisghabháil.

CÉN UAIR ATÁ TOSACH FEIDHME AN CHINNIDH AGUS AN COMHAONTAITHE?

Tháinig an coinbhinsiún i bhfeidhm agus tá feidhm leis ón 1 Eanáir 1988.

CÚLRA

Leis an nós imeachta comhchoiteann idirthurais um chustam is féidir earraí a bhogadh go héifeachtach trasna teorainneacha na bpáirtithe conarthachta agus simplítear foirmiúlachtaí custaim leis.

Le haghaidh tuilleadh faisnéise, féach:

• Idirthuras comhchoiteann agus Aontais (An Coimisiún Eorpach).

PRÍOMHTHÉARMAÍ

PRÍOMHDHOICIMÉID

Cinneadh 87/415/CEE an 15 Meitheamh 1987 maidir le tabhairt chun críche Coinbhinsiúin idir an tAontas Eorpach, Poblacht na hOstaire, Poblacht na Fionlainne, Poblacht na hÍoslainne, Ríocht na hIorua, Ríocht na Sualainne agus Cónaidhm na hEilvéise maidir le nós imeachta comhchoiteann idirthurais (IO L 226, 13.8.1987, lch. 1)

Coinbhinsiún idir Comhphobal Eacnamaíochta na hEorpa, Poblacht na hOstaire, Poblacht na Fionlainne, Poblacht na hÍoslainne, Ríocht na hIorua, Ríocht na Sualainne agus Cónaidhm na hEilvéise maidir le nós imeachta comhchoiteann idirthurais (IO L 226, 13.8.1987, lgh. 2-117)

Rinneadh leasuithe comhleanúnacha ar an gCoinbhisiún a chorprú sa bhundoiciméad. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rún ón gComhairle an 21 Meitheamh 1999 maidir le hathchóiriú ar na córais idirthurais chustaim (IO C 193, 9.7.1999, lgh. 1-2)

Rún ón gComhairle an 23 Samhain 1995 maidir le ríomhchuidiú na gcóras idirthurais chustaim (IO C 327, 7.12.1995, lgh. 2-3)

Nuashonraithe 30.09.2022