This document is an excerpt from the EUR-Lex website
Dramhaíl radaighníomhach agus breosla spíonta - rialacha sábháilteachta
Treoir 2011/70 - dramhaíl radaighníomhach a bhainistiú go sábháilte
GNÍOMH
Treoir 2011/70/Euratom ón gComhairle an 19 Iúil 2011 lena mbunaítear creat Comhphobail maidir le breosla spíonta agus dramhaíl radaighníomhach a bhainistiú go freagrach agus go sábháilte
ACHOIMRE
CÉARD A DHÉANANN AN TREOIR?
Leagtar síos sa treoir:
|
— |
prionsabail chun beartais náisiúnta maidir le dramhaíl radaighníomhach agus le breosla spíonta ó ghníomhaíochtaí sibhialta núicléacha a threorú;
|
|
— |
raon na gcreataí náisiúnta reachtacha, rialála agus eagraíochtúla;
|
|
— |
rialacha maidir le diúscairt.
|
PRÍOMHPHOINTÍ
Faoin treoir seo, éilítear ar thíortha an Aontais Eorpaigh (AE) beartais náisiúnta maidir le dramhaíl radaighníomhach agus le breosla spíonta a leagadh amach bunaithe ar na prionsabail seo a leanas:
|
— |
ní mór an méid dramhaíola radaighníomhaí agus breosla spíonta is lú agus is féidir a ghiniúint;
|
|
— |
braitheann céimeanna uile na giniúna agus na bainistíochta ar a chéile;
|
|
— |
tugtar tosaíocht don tsábháilteacht;
|
|
— |
ní mór do ghineadóirí na dramhaíola radaighníomhaí agus an bhreosla spíonta íoc as costais iomlána na gceanglas sábháilteachta;
|
|
— |
ní mór na próisis uile chinnteoireachta a léiriú.
|
Tá gach tír AE freagrach as an dramhaíl radaighníomhach agus as an mbreosla spíonta a chruthaíonn sí a bhainistiú.
Ní mór dóibh uile creat náisiúnta reachtach, rialála agus eagraíochtúla a chur i bhfeidhm maidir le hábhar dá leithéid, lena n-áirítear:
|
— |
clár náisiúnta bainistíochta;
|
|
— |
bearta bainistíochta sábháilteachta;
|
|
— |
córas ceadúnaithe le haghaidh gníomhaíochtaí bainistíochta;
|
|
— |
bearta chun ceanglais sábháilteachta a chur i bhfeidhm;
|
|
— |
freagrachtaí sannta do na céimeanna difriúla bainistíochta;
|
|
— |
faisnéis agus rannpháirtíocht phoiblí;
|
|
— |
maoiniú leordhóthanach.
|
Clár náisiúnta bainistíochta
Ní mór na mionsonraí seo a leanas a chur san áireamh sa chlár sin:
|
— |
cuspóirí ginearálta beartais mar aon le tráthchláir shoiléire;
|
|
— |
fardal den dramhaíl radaighníomhach agus den bhreosla spíonta, mar aon le meastacháin le haghaidh cainníochtaí todhchaíocha;
|
|
— |
pleananna don tréimhse tar éis saoráid diúscartha a dhúnadh;
|
|
— |
freagrachtaí sannta maidir leis an gclár a chur i bhfeidhm;
|
|
— |
measúnú ar na costais a bhaineann le scéim(eanna) náisiúnta um maoiniú cláir a chur i bhfeidhm;
|
|
— |
scéim(eanna) m(h)aoinithe;
|
|
— |
comhaontuithe le tíortha eile (in AE nó lasmuigh den AE);
|
|
— |
beartas trédhearcach faisnéise.
|
Údarás rialála
Ní mór don údarás rialála a bheith scartha ó tháirgeoirí agus ó thionscnóirí an ábhair radaighníomhaigh agus an fhuinnimh núicléach.
Córas ceadúnais
Ní mór ceadúnas a bheith ag cuideachtaí chun dramhaíl núicléach a láimhseáil. Bíonn na cuideachtaí sin freagrach go príomha ansin as an dramhaíl núicléach a bhainistiú go sábháilte.
Chun ceadúnas a fháil, ní mór don chuideachta:
|
— |
a thaispeáint gur féidir léi saoráid núicléach a chur ar bun, a fheidhmiú agus a dhíchoimisiúnú;
|
|
— |
a chinntiú go bhfuil an tréimhse tar éis saoráid a dhúnadh slán.
|
Athbhreithnithe tréimhsiúla
Gach 10 mbliana, bíonn ar gach tír féinmheasúnú agus athbhreithniú idirnáisiúnta piaraí a dhéanamh ar a creat náisiúnta féin, ar a húdarás rialála agus/nó ar a clár náisiúnta, chun a chinntiú go gcloíonn siad le hardchaighdeáin sábháilteachta.
Diúscairt
Ní mór dramhaíl radaighníomhach a dhiúscairt i dtír a cruthaithe, ach amháin i gcás comhaontuithe le tíortha eile.
Má sheoltar dramhaíl chuig tír lasmuigh den Aontas Eorpach, beidh an tír inar chruthaíodh an dramhaíl freagrach aisti go fóill. Ní mór don tír sin a chinntiú:
|
— |
go bhfuil comhaontú leis an Aontas Eorpach ag an tír atá ag glacadh leis an dramhaíl, maidir le dramhaíl radaighníomhach/breosla spíonta a láimhseáil i gceart;
|
|
— |
go bhfuil cláir bainistíochta agus diúscartha ag an tír atá ag glacadh leis an dramhaíl agus go gcloíonn na cláir sin le caighdeáin sábháilteachta na treorach;
|
|
— |
go bhfuil saoráidí údaraithe á bhfeidhmiú ag an tír atá ag glacadh leis an dramhaíl, sula ndéanfar an dramhaíl a sheoladh chucu.
|
CATHAIN A MBEIDH FEIDHM AG AN TREOIR?
Ón 22 Lúnasa, 2011 ar aghaidh.
CÚLRA
|
— |
TAGAIRT
|
Gníomh |
Teacht i bhfeidhm |
Spriocdháta don trasuí sna Ballstáit |
Iris Oifigiúil |
|
Treoir 2011/70/Euratom |
22.8.2011 |
23.8.2013 |
Nuashonraithe 16.09.2015