Góchumadh ar an euro a chomhrac (Pericles IV)

 

ACHOIMRE AR:

Rialachán (AE) 2021/840 lena mbunaítear clár chun an euro a chosaint ar ghóchumhadh don tréimse 2021–2027 (clár “Pericles IV”)

CAD IS AIDHM LEIS AN RIALACHÁN?

Bunaítear leis clár um malartú, cúnamh agus oiliúint (Pericles IV) chun an euro a chosaint ar ghóchumadh. Mairfidh sé sin ar feadh thréimhse chreat airgeadais ilbhliantúil 2021–2027 an Aontais Eorpaigh (AE). Leagtar amach ann:

• na cuspóirí ginearálta agus sonracha leis an gclár
• méid, foirmeacha agus rialacha mhaoiniú AE.

PRÍOMHPHOINTÍ

Is iad seo a leanas na cuspóirí ginearálta leis an reachtaíocht:

• góchumadh agus calaois ghaolmhar a chosc agus a chomhrac;
• sláine nótaí bainc agus boinn euro a chaomhnú.

Is iad na cuspóirí sonracha leis an gclár nótaí bainc agus boinn euro a chosaint ar ghóchumadh trí:

• tacú le bearta náisiúnta agus iad a fhorlíonadh;
• cuidiú le húdaráis náisiúnta agus údaráis AE dlúthchomhar a fhorbairt agus an dea–chleachtais a mhalartú eatarthu féin agus leis an gCoimisiún Eorpach agus, nuair is iomchuí, le tíortha nach tíortha den Aontas Eorpach iad agus le heagraíochtaí idirnáisiúnta.

Is é EUR 6 193 284 milliún (praghsanna reatha) an buiséad seacht mbliana chun an clár a chur chun feidhme. Féadfar iad a úsáid don mhéid seo a leanas:

• cúnamh teicniúil agus riaracháin a sholáthar, amhail córais ullmhúcháin, faireacháin, rialaithe, iniúchta, meastóireachta agus teicneolaíochta faisnéise corparáidí;
• deontais airgeadais suas le 75 %, agus i gcásanna eisceachtúla 90 %, de chostais incháilithe tionscadal arna moladh ag údaráis náisiúnta;
• gníomhaíochtaí faighte an Choimisiúin* lena bhforlíontar na tionscadail arna moladh ag údaráis náisiúnta a chur chun feidhme.

Maidir leis an gCoimisiún:

• cuireann sé an clár chun feidhme i ndlúthchomhar le Ballstáit AE, agus comhsheasmhacht á háirithiú agus dúbailt oibre gan ghá ag an mBanc Ceannais Eorpach (BCE) agus ag Gníomhaireacht an Aontais Eorpaigh i ndáil le Comhar i bhForfheidhmiú an Dlí á seachaint;
• féadfaidh sé gníomhaíochtaí comhpháirteacha a eagrú le comhpháirtithe a bhfuil saineolas ábhartha acu amhail:
  • bainc cheannais náisiúnta agus an BCE;
  • ionaid náisiúnta anailíse agus ionaid náisiúnta anailíse bonn;
  • an Lárionad Eorpach Teicniúil agus Eolaíoch agus miontaí;
  • Gníomhaireacht an Aontais Eorpaigh i ndáil le Comhar agus Oiliúint i bhForfheidhmiú an Dlí, Gníomhaireacht an Aontais Eorpaigh um Chomhar Ceartais Choiriúil agus Interpol;
  • lároifigí náisiúnta frith–ghóchumtha agus sainghníomhaireachtaí eile, lena n–áirítear na cinn i dtíortha nach tíortha den Aontas Eorpach iad, agus comhlachtaí príobháideacha a bhfuil an t–eolas teicniúil riachtanach acu.

Tá na gníomhaíochtaí seo a leanas incháilithe do mhaoiniú:

• cineálacha éagsúla oiliúna, malartú agus scaipeadh faisnéise, go háirithe i réimsí amhail an dea–chleachtas, modheolaíocht, bunachair sonraí oibriúcháin, taighde agus cúnamh eolaíoch, agus teicnící fiosrúcháin agus imscrúdaithe;
• cúnamh teicniúil, eolaíoch agus oibríochtúil, go háirithe maidir le hacmhainní teagaisc an Aontais Eorpaigh, staidéir ildisciplíneacha agus trasnáisiúnta, tacaíocht theicniúil agus comhar lena mbaineann 2 thír ar a laghad;
• trealamh a cheannach d’údaráis speisialaithe frith–ghóchumtha i dtíortha nach tíortha den Aontas Eorpach iad.

Dírítear an clár ar rannpháirtíocht iad seo a leanas:

• gníomhaireachtaí — go háirithe póilíní, custaim agus riaracháin airgeadais — a dhéanann góchumadh a bhraith agus a chomhrac;
• seirbhísí faisnéise;
• bainc cheannais náisiúnta agus tráchtála, miontaí agus institiúidí airgeadais eile;
• oifigigh bhreithiúnacha agus saindlíodóirí;
• sainghrúpaí, amhail seomraí tráchtála agus tionscail, agus eagraíochtaí a dhéanann ionadaíocht d’fhiontair bheaga agus mheánmhéide, do mhiondíoltóirí agus do chuideachtaí iompair airgid thirim.

Maidir leis an gCoimisiún:

• glacann sé cláir oibre;
• cuireann sé faisnéis bhliantúil faoi bhráid Pharlaimint na hEorpa, na Comhairle agus an BCE maidir le torthaí an chláir — bunaítear iad sin ar fhaisnéis ó thíortha rannpháirteacha agus ó thairbhithe agus ó na táscairí cainníochtúla agus cáilíochtúla atá liostaithe san iarscríbhinn, amhail euro góchumtha a bhraitear agus ceardlanna mídhleathacha ar cuireadh deireadh leo;
• soláthraíonn sí meastóireacht deiridh do Pharlaimint na hEorpa, don Chomhairle agus don BCE laistigh de 2 bhliain ó chríoch an chláir, i ndiaidh meastóireacht mheántéarma neamhspleách laistigh de 4 bliana ó thosaigh sé;
• féadfaidh sé gníomhartha tarmligthe a ghlacadh.

Ceanglaítear leis an reachtaíocht:

• ar fhaighteoirí mhaoiniú AE a bhfoinse a admháil agus faisnéis éifeachtach agus spriocdhírithe a sholáthar maidir lena ngníomhaíochtaí agus torthaí do lucht spéise idir na meáin agus an pobal;
• ar an gCoimisiún gníomhaíochtaí faisnéise agus cumarsáide faoin gclár a reáchtáil.

Aisghaireadh leis an reachtaíocht Rialachán (CE) Uimh. 331/2014 ón 1 Eanáir 2021 (féach an achoimre). Beidh gach gníomh a thionscnófar faoi Rialachán (AE) Uimh. 331/2014 i bhfeidhm go dtí go ndúnfar iad, áfach.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 1 Eanáir 2021.

CÚLRA

Tá an rialachán deartha chun muinín an phobail agus na ngnólachtaí i mbarántúlacht nótaí bainc agus bonn euro a neartú. Treisítear leis sin muinín i ngeilleagar AE agus áirítear leis inbhuanaitheacht an airgeadais phoiblí.

Le haghaidh tuilleadh faisnéise, féach:

• Maidir le clár Pericles IV (An Coimisiún Eorpach).

PRÍOMHTHÉARMAÍ

PRÍOMHDHOICIMÉAD

Rialachán (AE) Uimh. 2021/840 ó Pharlaimint na hEorpa agus ón gComhairle an 20 Bealtaine 2021 lena mbunaítear clár um malartú, cúnamh agus oiliúint chun an euro a chosaint ar ghóchumadh don tréimhse 2021-2027 (clár “Pericles IV”) agus lena n–aisghairtear Rialachán (AE) Uimh. 331/2014 (IO L 186, 27.5.2021, lgh. 1–11)

Nuashonraithe 30.07.2021