Déantar ról agus feidhmiú na Gníomhaireachta AE um Chomhar Idir Rialálaithe Fuinnimh (ACER) a nuashonrú leis an rialachán.
Glactar le cúraimí na gníomhaireachta maidir le dearadh an mhargaidh fuinnimh nua a tháinig i bhfeidhm leis an bpacáiste fuinneamh glan do gach Eorpach.

PRÍOMHPHOINTÍ

Ról na Gníomhaireachta um Chomhar Idir Rialálaithe Fuinnimh (ACER)

Cabhrú leis na húdaráis rialála, ar leibhéal AE, tabhairt faoi na cúraimí rialála a dtugtar fúthu i dtíortha AE.
Más gá, gníomhaíocht na n–údarás rialála a chomhordú agus idirghabháil a dhéanamh ar easaontuithe agus iad a réiteach.
Cur le glacadh nósanna imeachta ardchaighdeáin um chomhchleachtais riaracháin agus faireacháin, agus ar an mbealach sin, le cur i bhfeidhm éifeachtach agus éifeachtúil dlí an Aontais d’fhonn cuspóirí aeráide agus fuinnimh an Aontais a bhaint amach.

Stádas

Gníomhaíonn ACER go neamhspleách, go hoibiachtúil agus ar son AE agus é ag tabhairt faoina chúraimí.
Déanann sé cinntí go féinrialaitheach, neamhspleách ó leasanna príobháideacha nó corparáideacha.

Tuairimí, moltaí agus cinntí

Eisíonn an ghníomhaireacht tuairimí agus moltaí dóibh seo a leanas:

oibreoirí córais tarchurtha, Líonra Eorpach d’Oibreoirí Córais Tharchurtha (ENTSO) Leictreachais, ENTSO-Gáis, eintiteas Oibreoirí Córais Dáileacháin AE, ionaid chomhordaithe réigiúnacha agus oibreoirí ar leith sa mhargadh leictreachais;
údaráis rialála;
Parlaimint na hEorpa, Comhairle na hEorpa nó anCoimisiún Eorpach.

Tá inniúlacht ag an ngníomhaireacht cinntí a dhéanamh, maidir leis na nithe seo a leanas ach go háirithe:

téarmaí, coinníollacha agus modheolaíocht is infheidhme i ngach tír AE atá tuartha i gcóid líonra agus i dtreoirlínte a fhaomhadh;
athbhreithnithe ar chriosanna tairisceana;
eadráin idir údaráis rialála ar shaincheisteanna rialála trasteorann;
díolúintí ó rialacha margaidh ar leith;
cursaí bonneagair;
cursaí a bhaineann le sláine an mhargaidh mhórdhíola agus le rialacha trédhearcachta;
chun críocha iarratas ar fhaisnéis.

Faireachán agus tuairisciú

I gcomhar leis an gCoimisiún, le tíortha AE agus leis na húdaráis náisiúnta ábhartha, tugann ACER faoi fhaireachán ar mhargaidh mhórdhíola agus mhiondíola don leictreachas agus don ghás nádúrtha, lena n–áirítear:

praghsanna miondíola leictreachais agus gáis nádúrtha;
comhlíonadh cearta tomhaltóirí;
tionchar forbairtí sa mhargadh ar thomhaltóirí baile;
rochtain ar líonraí lena n–áirítear rochtain ar leictreachas a tháirgtear ó fhoinsí fuinnimh inathnuaite.

Foilseoidh ACER tuarascálacha faireacháin bliantúla ina n–aithneofar aon bhacainní atá ann do mhargaidh inmheánacha leictreachais agus gáis nádúrtha i leith cur i gcrích.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 4 Iúil 2019. Le Rialachán (AE) 2019/942 rinneadh athbhreithniú ar Rialachán (EC) Uimh. 713/2009 agus ar na leasuithe a rinneadh air ina dhiaidh sin agus cuireadh in ionad an rialacháin agus na leasuithe sin é.

CÚLRA

Le haghaidh tuilleamh faisnéise, féach:

Aontas fuinnimh don Eoraip (An Chomhairle).

PRÍOMHDHOICIMÉAD

Rialachán (AE) 2019/942 ó Pharlaimint na hEorpa agus ón gComhairle an 5 Meitheamh 2019 lena mbunaítear Gníomhaireacht an Aontais Eorpaigh um Chomhar idir Rialálaithe Fuinnimh (athmhúnlú) (IO L 158, 14.6.2019, lgh. 22-53)

DOICIMÉID GHAOLMHARA

Rialachán (AE) 2019/941 ó Pharlaimint na hEorpa agus ón gComhairle an 5 Meitheamh 2019 maidir le rioscaullmhacht in earnáil an leictreachais agus lena n–aisghairtear Treoir 2005/89/CE (IO L 158, 14.6.2019, lgh. 1-21)

Rialachán (AE) 2019/943 ó Pharlaimint na hEorpa agus ón gComhairle an 5 Meitheamh 2019 maidir leis an margadh inmheánach leictreachais (IO L 158, 14.6.2019, lgh. 54-124)

Treoir 2019/944 ó Pharlaimint na hEorpa agus ón gComhairle an 5 Meitheamh 2019 maidir le comhrialacha don mhargadh inmheánach sa leictreachas agus lena leasaítear Treoir 2012/27/AE (IO L 158, 14.6.2019, lgh. 125-199)

Rialachán (AE) Uimh. 2018/1999 ó Pharlaimint na hEorpa agus ón gComhairle an 11 Nollaig 2018 maidir le rialachas an aontais fhuinnimh agus gníomhaithe ar son na haeráide, lena leasaítear Rialachán (CE) Uimh. 663/2009 agus Rialachán (CE) Uimh. 715/2009 ó Pharlaimint na hEorpa agus ón gComhairle, agus Treoir 94/22/CE, 98/70/CE, 2009/31/CE, 2009/73/CE, 2010/31/AE, 2012/27/AE agus 2013/30/AE ó Pharlaimint na hEorpa agus ón gComhairle, Rialachán 2009/119/CE agus Rialachán (AE) 2015/652 ón gComhairle agus lena n–aisghairtear Rialachán (AE) Uimh. 525/2013 ó Pharlaimint na hEorpa agus ón gComhairle (IO L 328, 21.12.2018, lgh. 1-77)

Treoir (AE) 2018/2001 ó Pharlaimint na hEorpa agus ón gComhairle an 11 Nollaig 2018 maidir le húsáid fuinnimh ó fhoinsí inathnuaite a chur chun cinn (IO L 328, 21.12.2018, lgh. 82-209)

Treoir (AE) 2018/844 ó Pharlaimint na hEorpa agus ón gComhairle an 30 Bealtaine 2018 lena leasaítear Treoir 2010/31/AE maidir le feidhmíocht fuinnimh foirgneamh agus Treoir 2012/27/AE maidir le héifeachtúlacht fuinnimh (IO L 156, 19.6.2018, lgh. 75-91)

Treoir 2012/27/AE ó Pharlaimint na hEorpa agus ón gComhairle an 25 Deireadh Fómhair 2012 maidir le héifeachtúlacht fuinnimh, lena leasaítear Treoir 2009/125/CE agus Treoir 2010/30/AE agus lena n–aisghairtear Treoir 2004/8/CE agus Treoir 2006/32/CE (IO L 315, 14.11.2012, lgh. 1-56)

Rinneadh leasuithe comhleanúnacha ar Threoir 2012/27/AE a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Treoir 2010/31/AE ó Pharlaimint na hEorpa agus ón gComhairle an 19 Bealtaine 2010 maidir le feidhmíocht fuinnimh foirgneamh (IO L 153, 18.6.2010, lgh. 13–35)

Féach an leagan comhdhlúite.

Nuashonraithe 09.09.2019

Top

All