Orizzont Ewropa

Orizzont Ewropa huwa d-disa’ programm ta’ qafas pluriennali tal-UE għar-riċerka u l-innovazzjoni li jibda mill-2021 sal-2027. Dan isegwi minn Orizzont 2020, it-tmien programm ta’ qafas, li dam mill-2014 sal-2020.

Is-sommarju hawn taħt japplika għall-komponenti ta’ Orizzont Ewropa li huma koperti minn wieħed mill-programmi speċifiċi ta’ Orizzont Ewropa u l-Istitut Ewropew għall-Innovazzjoni u t-Teknoloġija, li l-attivitajiet tar-riċerka u l-innovazzjoni tagħhom huma ffukati b’mod esklussiv fuq applikazzjonijiet ċivili.

Orizzont Ewropa huwa l-programm ewlieni ta’ finanzjament tal-UE għar-riċerka u l-innovazzjoni, li:

• jindirizza t-tibdil fil-klima;
• jgħin biex jintlaħqu l-Għanijiet ta’ Żvilupp Sostenibbli tan-NU;
• jagħti spinta lill-kompetittività u t-tkabbir tal-UE;
• jiffaċilita l-kollaborazzjoni u jsaħħaħ l-impatt tar-riċerka u l-innovazzjoni fl-iżvilupp, l-appoġġ u l-implimentazzjoni tal-politiki tal-UE filwaqt li jindirizza l-isfidi globali;
• jappoġġja l-ħolqien u t-tixrid aħjar ta’ għarfien u teknoloġiji eċċellenti;
• joħloq impjiegi, jinvolvi l-ġabra ta’ talenti tal-UE bis-sħiħ, jagħti spinta lit-tkabbir ekonomiku, jippromwovi l-kompetittività industrijali u jottimizza l-impatt tal-investiment fi ħdan żona Ewropea tar-riċerka (ŻER) imsaħħa.

Orizzont Ewropa huwa magħmul minn:

• Pilastru I — Xjenza Eċċellenti;
• Pilastru II — Sfidi Globali u Kompetittività Industrijali Ewropea;
• Pilastru III — Ewropa Innovattiva;
• il-parti “Inkabbru l-Parteċipazzjoni u Nsaħħu ż-ŻER”.

Orizzont Ewropa għandu baġit ta’ EUR 95.5 biljun (prezzijiet kurrenti) għall-2021-2027 (inklużi EUR 5.4 biljun minn NextGenerationEU — il-pjan ta’ rkupru għall-Ewropa biex jgħin it-tiswija tal-ħsara ekonomika u soċjali kkawżata mill-pandemija tal-coronavirus).

ARA WKOLL

• CORDIS
• Il-Kummissjoni Ewropea
• Żona Ewropea tar-Riċerka (ŻER)
• Orizzont 2020
• Qafas Finanzjarju Pluriennali (QFP)
• NextGenerationEU
• Riċerka u żvilupp
• Għanijiet ta’ żvilupp sostenibbli
• L-Istitut Ewropew tal-Innovazzjoni u t-Teknoloġija (sommarju)
• Aġenzija Eżekuttiva tal-Kunsill Ewropew tar-Riċerka (sommarju)
• Orizzont Ewropew: il-programm tal-UE għar-riċerka u l-innovazzjoni (2021-2027) (sommarju)
• Orizzont Ewropa: programm ta’ implimentazzjoni speċifiku (2021-2027) (sommarju)
• Orizzont Ewropa: Programm ta’ riċerka u taħriġ (2021-2025) (sommarju)
• L-indirizzar tat-tibdil fil-klima globali wara l-2020 (Il-Protokoll ta’ Pariġi) (sommarju)
• Iċ-Ċentru Konġunt tar-Riċerka (JRC) tal-Kummissjoni Ewropea (sommarju)
• Ekosistemi ta’ Innovazzjoni Ewropej (il-Kummissjoni Ewropea)
• Iż-Żona Ewropea tar-riċerka (ŻER) (il-Kummissjoni Ewropea) .
• Orizzont Ewropa (il-Kummissjoni Ewropea)
• Il-Ftehim ta’ Pariġi (Il-Kummissjoni Ewropea)
• Aġenda għall-Iżvilupp Sostenibbli tal-2030 (sit web tan-Nazzjonijiet Uniti)