Green paper

Green papers huma dokumenti ppubblikati mill-Kummissjoni Ewropea biex tqajjem diskussjoni fuq suġġetti magħżula fil-livell tal-Unjoni Ewropea (UE). Huma jistiednu lill-partijiet (korpi jew individwi) rilevanti biex jipparteċipaw fi proċess ta’ konsultazzjoni u dibattitu fuq il-bażi tal-proposti mressqa minnhom. Il-Green papers jistgħu jagħtu lok għal żviluppi leġiżlattivi li mbagħad jiġu spjegati fil-white papers.

Huma jkunu ppubblikati fuq il-web portal “Semma’ leħnek” tal-Kummissjoni u jinfetħu għal input mill-parti kkonċernata għal mill-inqas 12-il ġimgħa.
Eżempji jinkludu:

• Green Paper dwar it-tixjiħ: Inrawmu solidarjetà u responsabbiltà bejn il-ġenerazzjonijiet (2021);
• Green Paper dwar is-servizzi finanzjarji għall-konsumatur: Prodotti aħjar, aktar għażla u opportunitajiet akbar għall-konsumaturi u għan-negozji (2015); u
• Green Paper dwar l-Għarfien dwar il-Baħar 2020 minn immappjar ta’ qiegħ il-baħar għal tbassir ta’ oċeani (2012).

ARA WKOLL

• Strumenti legali Ewropej
• Il-Kummissjoni Ewropea
• L-Unjoni Ewropea
• White Paper
• Semma’ leħnek (il-Kummissjoni Ewropea)