MARKATURA CE

Il-markatura CE hija marka li l-manifatturi jużaw biex jindikaw li prodott jissodisfa l-istandards ta’ konformità legali rilevanti tal-Unjoni Ewropea (UE) f’termini ta’ sikurezza, saħħa u ħarsien tal-ambjent. Is-sistema tapplika fiż-Żona Ekonomika Ewropea kollha u tapplika biss għal prodotti li jaqgħu taħt il-leġiżlazzjoni tal-UE li teħtieġ il-markatura CE.

Il-prinċipji ġenerali tal-markatura CE huma stabbiliti fir-Regolament (KE) Nru 765/2008.

Meta jkun meħtieġ li tinkiseb il-markatura CE, il-manifatturi jridu:

• iwettqu valutazzjoni tal-konformità;
• jiddeċiedu mil-leġiżlazzjoni jekk jistgħux jivvalutaw il-prodott huma stess jew jekk għandhomx jinvolvu korp innotifikat (organizzazzjoni maħtura uffiċjalment li tiċċertifika l-konformità mal-istandards);
• jistabbilixxu l-fajl tekniku li jiddokumenta l-konformità;
• jabbozzaw u jiffirmaw dikjarazzjoni ta’ konformità tal-UE; u
• jehmżu l-markatura CE mal-prodott.

Bħala intermedjarji bejn il-manifatturi u n-negozjanti, l-importaturi u d-distributuri jeħtiġilhom ikunu jafu r-rekwiżiti legali u jiżguraw li l-prodotti li jqassmu jew jimportaw jissodisfawhom.

ARA WKOLL

• Iż-Żona Ekonomika Ewropea
• L-Unjoni Ewropea
• Is-suq intern
• Akkreditament u sorveljanza tas-suq (sommarju)
• Il-markatura CE (il-Kummissjoni Ewropea)
• Il-“Gwida Blu” dwar l-implimentazzjoni tar-regoli tal-prodotti tal-UE 2016 (il-Kummissjoni Ewropea).