Beartas drugaí AE

Tá gníomhaíochtaí éagsúla i gceist le beartas drugaí an Aontais Eorpaigh (AE), gníomhaíochtaí a dhírítear ar shláinte phoiblí agus ar fhorfheidhmiú an dlí. Is iad na bunúis dlí le haghaidh ghníomhaíochtaí AE Airteagal 83(1) den Chonradh ar Fheidhmiú an Aontais Eorpaigh (CFAE), maidir le comhar póilíneachta agus comhar breithiúnach in ábhair choiriúla, agus Airteagal 168 de CFAE, ina n–ordaítear nach mór don Aontas Eorpach cur le gníomhaíocht na mBallstát den AE maidir le dochar sláinte a bhaineann le drugaí a laghdú, lena n–áirítear faisnéis agus bearta coisc.

Tá bearta straitéiseacha agus oibriúcháin á mbunú ag an Aontas Eorpach chun soláthar agus éileamh drugaí a laghdú agus tá sé ag obair i ndlúthchomhar le gach páirtí ar an leibhéal náisiúnta agus idirnáisiúnta, institiúidí, comhlachtaí agus gníomhaireachtaí de chuid an Aontais (amhail an Lárionad Faireacháin Eorpach um Dhrugaí agus um Andúil i nDrugaí agus Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol)), mar aon le heagraíochtaí na sochaí sibhialta.

Glacadh le comhpháirt de straitéis an Aontais Eorpaigh um an aontas slándála, straitéis drugaí an Aontais Eorpaigh 2021-2025, i mí na Nollag 2020. Féachtar leis seo leis an méid seo a leanas a dhéanamh:

• dea-bhail na sochaí agus an duine aonair a chosaint agus a fheabhsú;
• sláinte phoiblí a chosaint agus a chur chun cinn;
• ardleibhéal slándála agus folláine a sholáthar don phobal i gcoitinne;
• feasacht maidir le sláinte a mhéadú.

Baineann reachtaíocht AE maidir le saincheisteanna drugaí go háirithe le gáinneáil ar dhrugaí agus le drugaí nua. Sainmhínítear cionta a bhaineann le gáinneáil ar dhrugaí agus sonraítear íosrialacha maidir le smachtbhannaí. Chomh maith leis sin, tá córas bunaithe ag an Aontas Eorpach chun faisnéis faoi dhrugaí nua a mhalartú, na rioscaí a bhaineann leo a mheas agus aon druga nua atá díobhálach a rialú.

I gcreat airgeadais ilbhliantúil 2021-2027, úsáidfear na cistí seo a leanas chun déileáil le dúshláin éagsúla a bhaineann le drugaí:

• An Ciste Slándála Inmheánaí 2021-2027
• EU4health 2021-2027
• Fís Eorpach.

FÉACH FREISIN

• Eagraíocht na sochaí sibhialta
• Gníomhaireachtaí an Aontais Eorpaigh
• Institiúidí an Aontais Eorpaigh
• Europol (Gníomhaireacht an Aontais Eorpaigh i ndáil le Comhar i bhForfheidhmiú an Dlí)
• Fís Eorpach
• Beartas ceartais AE
• An creat airgeadais ilbhliantúil (CAI)
• Comhar póilíneachta agus comhar breithiúnach in ábhair choiriúla
• Sláinte phoiblí
• An Lárionad Faireacháin Eorpach um Dhrugaí agus um Andúil i nDrugaí (achoimre)
• Clár EU4health (2021-2027) (achoimre)
• Straitéis slándála aontais AE (achoimre)
• Beartas drugaí (An Coimisiún Eorpach).