Il-kriterji tal-adeżjoni (kriterji ta’ Kopenħagen)

It-Trattat dwar l-Unjoni Ewropea jistabbilixxi l-kundizzjonijiet (l-Artikolu 49) u l-prinċipji (l-Artikolu 6(1)) li għandu jirrispetta kwalunkwe pajjiż li jkun jixtieq isir membru tal-Unjoni Ewropea (UE).

Għandhom jiġu ssodisfati ċerti kriterji għall-adeżjoni. Dawn il-kriterji (magħrufa bħala l-kriterji ta’ Kopenħagen) ġew stabbiliti mill-Kunsill Ewropew ta’ Kopenħagen fl-1993 u msaħħa mill-Kunsill Ewropew ta’ Madrid fl-1995.

Dawn huma:

• l-istabbiltà tal-istituzzjonijiet li tiggarantixxi d-demokrazija, l-istat tad-dritt, id-drittijiet tal-bniedem u r-rispett għal u l-protezzjoni tal-minoranzi;
• ekonomija tas-suq li tiffunzjona u r-reżistenza għall-pressjoni kompetittiva u l-forzi tas-suq fi ħdan l-UE;
• l-abbiltà li pajjiż jassumi l-obbligi tas-sħubija, inkluża l-kapaċità li jimplimenta b’mod effettiv ir-regoli, l-istandards u l-politiki li jsawru l-korp tal-liġi tal-UE (l-“ acquis ”), kif ukoll l-aderenza mal-għanijiet tal-unjoni politika, ekonomika u monetarja.

ARA WKOLL

• In-negozjati tal-adeżjoni
• L-Acquis
• Pajjiżi kandidati
• Politika ta’ tkabbir tal-UE
• L-Unjoni Ewropea
• L-Istati Membri
• Strateġija ta’ qabel l-adeżjoni
• Stat tad-Dritt
• It-Trattat dwar l-Unjoni Ewropea — Is-Sħubija fl-UE(sommarju).
• Adeżjoni fl-UE (il-Kummissjoni Ewropea).
• Kriterji tal-adeżjoni (il-Kummissjoni Ewropea)