(1)

Ir-Regolament tal-Kummissjoni (UE) Nru 702/2014 (2) japplika sal-31 ta’ Diċembru 2020.

(2)

Fit-8 ta’ Settembru 2018, il-Kummissjoni nediet reviżjoni tar-Regolament (UE) Nru 702/2014, bil-għan li dan jiġi sostitwit b’regolament ġdid għall-perjodu 2021 sal-2027. Madankollu, l-iżvilupp tal-Politika Agrikola Komuni (PAK) għandu jitqies meta jiġi abbozzat dak ir-regolament il-ġdid. B’rilevanza partikolari għal dan hija l-proposta għal Regolament tal-Parlament Ewropew u tal-Kunsill li jistabbilixxi regoli dwar l-appoġġ għall-pjanijiet strateġiċi li jridu jitfasslu mill-Istati Membri taħt il-PAK (3), li jipprevedi biex l-Istati Membri jkunu jistgħu jibdew jimplimentaw il-Pjanijiet Strateġiċi tagħhom sa mill-1 ta’ Jannar 2021.

(3)

Madankollu, il-proċedura leġiżlattiva dwar ir-riforma tal-PAK għadha għaddejja u l-qafas legali, inklużi l-atti delegati u ta’ implimentazzjoni li jirriżultaw, mhux se jiġi adottat għal xi żmien.

(4)

Sabiex jiġi żgurat li l-Istati Membri jkunu jistgħu jkomplu jkollhom l-iskemi tagħhom ta’ għajnuna mill-Istat eżentati skont ir-Regolament (UE) Nru 702/2014 u sabiex ir-reviżjoni ta’ dak ir-Regolament tkun tista’ titlesta wara l-adozzjoni tar-riforma tal-PAK, huwa xieraq li l-perjodu ta’ applikazzjoni tar-Regolament (UE) Nru 702/2014 jiġi estiż sal-31 ta’ Diċembru 2022.

(5)

Ir-Regolamenti tal-Kummissjoni (UE) Nru 717/2014 (4) u (UE) Nru 1388/2014 (5) huma wkoll applikabbli sal-31 ta’ Diċembru 2020.

(6)

Fid-29 ta’ April 2019 u fit-2 ta’ Mejju 2019, il-Kummissjoni nediet reviżjoni tar-Regolamenti (UE) Nru 717/2014 u (UE) Nru 1388/2014, rispettivament, bil-għan li dawn jiġu sostitwiti b’regolamenti ġodda għall-perjodu 2021 sal-2027. Jenħtieġ li dawk ir-regolamenti jibqgħu koerenti u konsistenti ma’ regoli oħra rilevanti għall-valutazzjoni tal-għajnuna mill-Istat għas-settur tas-sajd u tal-akkwakultura, b’mod partikolari, mar-Regolament dwar il-Fond Ewropew għall-Affarijiet Marittimi u s-Sajd (FEMS) (6). Ta’ rilevanza partikolari hija l-proposta għal Regolament tal-Parlament Ewropew u tal-Kunsill dwar il-FEMS, li jipprevedi l-istabbiliment tal-FEMS mill-1 ta’ Jannar 2021 (7). Madankollu, il-proċedura leġiżlattiva dwar ir-riforma tal-FEMS għadha għaddejja. Sabiex jiġi żgurat li l-Istati Membri jkunu jistgħu jkomplu jagħtu ammonti żgħar ta’ għajnuna skont ir-Regolament (UE) Nru 717/2014 u li l-iskemi ta’ għajnuna mill-Istat tagħhom ikunu eżentati skont ir-Regolament (UE) Nru 1388/2014, u sabiex ir-reviżjoni ta’ dawk ir-Regolamenti tkun tista’ titlesta wara l-adozzjoni tar-riforma tal-FEMS, huwa xieraq li l-perjodu ta’ applikazzjoni tar-Regolamenti (UE) Nru 717/2014 u (UE) Nru 1388/2014 jiġi estiż sal-31 ta’ Diċembru 2022.

(7)

Fid-dawl tal-estensjoni tal-perjodu ta’ applikazzjoni tar-Regolamenti (UE) Nru 702/2014 u (UE) Nru 1388/2014, jista’ jagħti l-każ li xi Stati Membri jkunu jixtiequ jestendu t-tul ta’ żmien tal-miżuri li dwarhom ġiet ipprovduta informazzjoni fil-qosor f’konformità ma’ dawk ir-Regolamenti. Sabiex jitnaqqas il-piż amministrattiv, ikun xieraq li jiġi stabbilit li s-sommarju tal-informazzjoni dwar l-estensjoni ta’ dawk il-miżuri, inkluż iż-żieda potenzjali fil-baġit, għandu jitqies bħala wieħed li ġie kkomunikat lill-Kummissjoni u ppubblikat, sakemm ma ssir l-ebda emenda sostantiva għall-miżuri kkonċernati.

(8)

Jenħtieġ li r-Regolamenti (UE) Nru 702/2014 u (UE) Nru 1388/2014 jiġu adattati wkoll biex iqisu l-konsegwenzi ekonomiċi u finanzjarji li l-pandemija tal-COVID-19 kellha fuq l-impriżi u biex tiġi żgurata l-konsistenza mar-rispons ta’ politika ġenerali adottat mill-Kummissjoni, speċjalment fil-perjodu 2020-2021. B’mod partikolari, l-impriżili ma kinux f’diffikultà fil-31 ta’ Diċembru 2019 iżda li saru impriżi f’diffikultà fil-perjodu mill-1 ta’ Jannar 2020 sat-30 ta’ Ġunju 2021 għandhom jibqgħu eliġibbli għall-għajnuna skont dawk ir-Regolamenti.

(9)

L-Artikolu 1 l-Artikoli 13 sa 43 tar-Regolament (UE) Nru 1388/2014 jinkludu referenzi għar-Regolament (UE) Nru 508/2014 tal-FEMS sabiex jiġu definiti operazzjonijiet ineliġibbli u l-kundizzjonijiet għall-għoti ta’ għajnuna skont dawk id-dispożizzjonijiet. Sabiex tiġi żgurata ċ-ċertezza legali matul il-perjodu ta’ estensjoni tar-Regolament (UE) Nru 1388/2014, jenħtieġ li dawk ir-referenzi jinftiehmu bħala li jirreferu għar-Regolament (UE) Nru 508/2014 fil-verżjoni applikabbli fil-31 ta’ Diċembru 2020, irrispettivament minn jekk dak ir-Regolament jiġix revokat.

(10)

Għaldaqstant, jenħtieġ li r-Regolamenti (UE) Nru 702/2014, (UE) Nru 717/2014 u (UE) Nru 1388/2014 jiġu emendati skont dan.

(11)

Sabiex tiġi żgurata l-kontinwità tal-għajnuna eżistenti skont ir-Regolamenti (UE) Nru 702/2014, (UE) Nru 717/2014 u (UE) Nru 1388/2014 u biex l-impriżi li saru impriżi f’diffikultà fl-1 ta’ Jannar 2020 jew wara minħabba l-pandemija tal-COVID-19 ikunu eliġibbli għall-għajnuna mill-1 ta’ Jannar 2020, dan ir-Regolament jenħtieġ li jidħol fis-seħħ malajr kemm jista’ jkun wara l-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

fl-Artikolu 1(6) qed jiżdied il-punt (c) li ġej:

(2)

fl-Artikolu 9, jiżdied il-paragrafu 8 li ġej:

(3)

fl-Artikolu 52, it-tieni paragrafu huwa sostitwit b’dan li ġej:

“Għandu japplika sal-31 ta’ Diċembru 2022.”.

(1)

fl-Artikolu 1(3), il-punt (d) huwa sostitwit b’dan li ġej:

(2)

jiddaħħal l-Artikolu 11a li ġej:

(3)

fl-Artikolu 47, it-tieni paragrafu huwa sostitwit b’dan li ġej:

“Għandu japplika sal-31 ta’ Diċembru 2022.”.