This document is an excerpt from the EUR-Lex website
Document 32005D0760
2005/760/EC: Commission Decision of 27 October 2005 concerning certain protection measures in relation to highly pathogenic avian influenza in certain third countries for the import of captive birds (notified under document number C(2005) 4288) (Text with EEA relevance)
2005/760/KE: Deċiżjoni tal-Kummissjoni tas- 27 ta’ Ottubru 2005 dwar ċerti miżuri ta’ protezzjoni fir-rigward ta’ suspett ta’ influwenza tat-tjur b’patoġeniċità għolja f’ċerti pajjiżi terzi għall-importazzjoni ta’ għasafar maqbudin (innotifikata taħt dokument numru C(2005) 4288) Test b’rilevanza għaż-ŻEE.
2005/760/KE: Deċiżjoni tal-Kummissjoni tas- 27 ta’ Ottubru 2005 dwar ċerti miżuri ta’ protezzjoni fir-rigward ta’ suspett ta’ influwenza tat-tjur b’patoġeniċità għolja f’ċerti pajjiżi terzi għall-importazzjoni ta’ għasafar maqbudin (innotifikata taħt dokument numru C(2005) 4288) Test b’rilevanza għaż-ŻEE.
ĠU L 285, 28/10/2005, p. 60–62
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 349M, 12/12/2006, p. 519–521
(MT)
No longer in force, Date of end of validity: 30/06/2007; Imħassar b' 32007R0318
12.12.2006 |
MT |
Il-Ġurnal Uffiċjali ta’ l-Unjoni Ewropea |
519 |
DEĊIŻJONI TAL-KUMMISSJONI
tas-27 ta’ Ottubru 2005
dwar ċerti miżuri ta’ protezzjoni fir-rigward ta’ suspett ta’ influwenza tat-tjur b’patoġeniċità għolja f’ċerti pajjiżi terzi għall-importazzjoni ta’ għasafar maqbudin
(innotifikata taħt dokument numru C(2005) 4288)
(Test b’rilevanza għaż-ŻEE)
(2005/760/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (1), u partikolarment l-Artikolu 18(1) tagħha
Wara li kkunsidrat id-Direttiva tal-Kunsill 97/78/KEE tal-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (2), u partikolarment l-Artikolu 22(1) tagħha
Billi:
(1) |
L-influwenza tat-tjur hija marda virali li tittieħed fit-tjur tar-razzett u fl-għasafar, u tikkawża l-mewt u disturbi li malajr jistgħu jikbru għal proporzjonijiet epiżotiċi li jistgħu jkunu ta’ theddida serja għas-saħħa pubblika u ta’ l-annimali u jistgħu jikkawżaw telf kbir fil-qligħ ta’ l-irziezet tat-tjur. Hemm riskju li l-aġent tal-marda jista’ jiddaħħal permezz tal-kummerċ internazzjonali fl-għasafar għajr it-tjur tar-razzett. |
(2) |
Ġiet lokalizzata influwenza tat-tjur b’patoġeniċità għolja f’għasafar importati fi kwarantina fi Stat Membru, u jidher għalhekk xieraq illi tiġi sospiża l-importazzjoni ta’ dawn l-għasafar minn ċerti żoni ta’ riskju u li tintuża għad-definizzjoni taż-żoni referenza għall-Kummissjonijiet Reġjonali relevanti ta’ l-OIE |
(3) |
Id-Direttiva tal-Kunsill 92/65/KEE li tistabbilixxi l-ħtiġijiet dwar is-saħħa ta' l-annimali li jirregolaw il-kummerċ ta', u l-importazzjoni fil-Komunità ta' annimali, semen, ova u embrijuni mhux suġġetti għal ħtiġijiet ta' saħħa ta' l-annimali meħtieġa f'regoli speċifiċi tal-Komunità li hemm referenza għalihom fl-Anness A(1) ta' Direttiva 90/425/KEE (3) tipprevedi korpi istituti u ċentri approvati, u ċertifikat mudell biex jakkumpanja l-annimali jew il-gameti tagħhom bejn dawn l-istabbilimenti approvati fi Stati Membri differenti. L-informazzjoni meħtieġa għall-kummerċ tista’ tintuża għal għanijiet ta’ importazzjoni. |
(4) |
Id-Deċiżjoni tal-Kummissjoni 2000/666/KE tas-16 ta’ Ottubru 2000 li tistabbilixxi r-rekwiżiti tas-saħħa ta' l-annimali u ċ-ċertifikat veterinarju għall-importazzjoni ta' għasafar, barra minn tjur u l-kondizzjonijiet għal kwarantina (4) tipprevedi li l-Istati Membri għandhom jawtorizzaw l-importazzjoni ta’ l-għasafar minn pajjiżi terzi elenkati bħala membri ta’ l-Organizzazzjoni Dinjija dwar is-Saħħa ta' l-Annimali (OIE). Il-pajjiżi li jagħmlu parti mill-Kummissjonijiet Reġjonali ta’ l-OIE elenkati fl-Anness għad-Deċiżjoni preżenti huma membri ta’ l-OIE u skond dan l-Istati Membri huma meħtieġa jaċċettaw importazzjonijiet ta’ għsafar, għajr it-tjur tar-razzett, minn dawn il-pajjiżi skond id-Deċiżjoni 2000/66/KE. |
(5) |
Meta jkunu qed idaħħluhom fl-istabbilimenti tal-kwarantina, l-Istati Membri għandhom jaċċertaw, fuq il-bażi taċ-ċertfikazzjoni, jekk għasfur partikolari huwiex indiġenu, jew jekk twieled u trabba jew inqabad fil-pajjiż li qed jesporta. |
(6) |
Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
1. L-Istati Membri għandhom jissospendu l-importazzjoni mill-pajjiżi terzi jew partijiet minnhom li jagħmlu parti mill-Kummissjonijiet Reġjonali elenkati fl-Anness ta’:
a) |
għasafar ħajjin għajr it-tjur tar-razzett, kif definiti fit-tielet inċiż ta’ l-Artikolu1 tad-Deċiżjoni 2000/666/KE, u |
b) |
prodotti derivati mill-ispeċi msemmija fil-punt (a). |
2. is-sospensjoni prevista fil-paragrafu 1 m’għandhiex tapplika għall-għasfar ċertifikati minn pajjiż terz skodn id-Deċiżjoni 2000/666/KE qabel id-data tal-pubblikazzjoni ta’ din id-Deċiżjoni.
Artikolu 2
1. B’deroga mill-paragrafu 1 (a) ta’ l-Artikolu 1, l-Istati Membri għandhom jawtorizzaw l-importazzjoni tal-prodotti ġejjin mill-korpi, l-istituti u ċ-ċentri u sejrin lejn il-korpi, l-istituti u ċ-ċentri approvati mill-awtorità kompetenti fl-Istat Membru destinatarju skond id-Direttiva tal-Kunsill 92/65/KEE.
2. B’deroga mill-paragrafu 1 (b) ta’ l-Artikolu 1, l-Istati Membri għandhom jawtorizzaw l-importazzjoni ta’:
a) |
Bajd għat-tifqis ta’ l-għasafar imsemmija fil-paragrafu 1(a) ta’ l-Artikolu 1 bil-kundizzjoni li dan il-bajd huwa:
|
b) |
Kampjuni miġbura minn kwalunkwe speċi ta' għasfur li huma ppakkeġġjati b'mod sikur u mibgħuta direttament taħt ir-responsabbiltà ta’ l-awtoritajiet kompetenti tal-pajjiż li qed jibgħat elenkat fl-Anness lil laboratorju approvat fi Stat Membru għad-dijanjożi fil-laboratorju. |
Artikolu 3
1. L-Istati Membri għandhom jiżguraw li
a) |
l-għasafar imsemmija fil-paragrafu 1 ta’ l-Artikolu 2 jkunu akkumpanjati minn ċertifikat veterinarju previst fl-Anness A tad-Deċiżjoni 2000/666/KE, |
b) |
bajd għat-tifqis imsemmi fil-paragrafu 2 (a) ta’ l-Artikolu 2 ikunu akkumpanjati minn ċertifikat veterinarju li jipprovdi mill-inqas l-informazzjoni kif meħtieġa fiċ-ċertifikat previst fil-Parti 3 ta’ l-Anness E tad-Direttiva 92/65/KEE. |
2. L-Istati Membri għandhom jiżguraw li ċ-ċertifikati veterinarji li jakkumpanjaw il-konsenji ta’ l-annimali u tal-prodotti msemmija fil-paragrafu 1 jinkludu l-konferma li ġejja:
“Għasafar ħajjin jew bajd għat-tifqis skond l-Artikolu 2 tad-Deċiżjoni 2005/760/KE”.
Artikolu 4
L-Istati Membri għandhom jiżguraw li meta tiġi importata skond din id-Deċiżjoni, il-konsenja ta’ l-għasfar imsemmija fil-paragrafu 1(a) ta’ l-Artikolu 1 tkun akkumpanjata minn ċertifikat li jiċċertifika li dawk l-għasfar huma indiġeni jew inbiedu u trabbew jew inqabdu fil-pajjiż terz li qed jesporta.
Artikolu 5
L-Istati Membri għandhom minnufih jieħdu l-miżuri meħtieġa biex jikkonformaw ma’ din id-Deċiżjoni u jippubblikaw dawk il-miżuri. Għandhom minnufih jgħarrfu lill-Kummissjoni b’dan.
Artikolu 6
Din id-Deċiżjoni għandha tapplika sat-30 ta’ Novembru 2005.
Artikolu 7
Din id-Deċiżjoni hija indirizzata lill-Istati Membri.
Magħmul fi Brussell, nhar is-27 ta’ Ottubru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 24.9.1991, p. 56. Direttiva kif emendata l-aħħar mill-Att ta’ l-Adeżjoni ta’ l-2003.
(2) ĠU L 24, 31.1.1998, p. 9. Direttiva kif emendata l-aħħar mill-Att ta’ l-Adeżjoni ta’ l-2003.
(3) ĠU L 268, 14.9.1992, p. 54. Direttiva kif emendata l-aħħar mir-Regolament (KE) Nru 998/2003 tal-Parlament Ewropew u tal-Kunsill (ĠU L 146, 13.6.2003, p. 1).
(4) ĠU L 278, 31.10.2000, p. 26. Deċiżjoni kif emendata l-aħħar mid-Deċiżjoni 2002/279/KE (ĠU L 99, 16.4.2002, p. 17).
ANNESS
Pajjiżi terzi li jagħmlu parti mill-Kummissjonijiet Reġjonali ta’ l-OIE, kif imsemmija fl-Artikolu 1, ta:
— |
L-Afrika, |
— |
L-Amerika (ta’ Fuq u t’Isfel) |
— |
L-Ażja, il-Lvant Imbiegħed u l-Oċeanja, |
— |
L-Ewropa, u |
— |
Il-Lvant Nofsani |