31988R3642

Ir-regolament tal-kummissjoni (KEE) Nru 3642/88

tat-23 ta’ Novembru 1988

li jemenda r-Regolament (EEC) Nru 3083/73 dwar il-komunikazzjoni tat-tagħrif meħtieġ għall-implimentazzjoni tar-Rregolament tal-Kunsill (KEE) Nru 2358/71 dwar l-organizzazzjoni komuni tas-suq fiż-żrieragħ

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 2358/71 tas-26 ta’ Ottubru 1971 dwar l-organizzazzjoni komuni tas-suq fiż-żrieragħ [1], kif l-aħħar emendat bir-Regolament (KEE) Nru 3997/87 [2] u b’mod partikolari Artikolu 9 tiegħu,

Billi r-Regolament tal-Kummissjoni (KEE) Nru 3083/73 [3], kif l-aħħar emendat bir-Regolament (KEE) Nru 2811/86 [4], jispeċifika l-informazzjoni li l-Istati Membri għandhom jibagħtu lill-Kummissjoni u l-limitu ta’ żmien għal dawk in-notifikazzjonijiet; billi huwa provdut li l-informazzjoni dwar il-kwistjoni tal-liċenzji ta’ l-importazzjoni għall-qamħirrum ibridu għandhom ikunu nnotifikati darba fix-xahar; billi dik il-frekwenza ma tippermettix li l-kwantità ta’ importazzjonijiet prevedibbli jkunu magħrufa fi żmien biżżejjed u ma tippermettix miżuri li x-xejra tas-suq tista’ tenħtieġ li jittieħdu, id-dati li fihom għandha tintbagħat l-informazzjoni għandhom jiġu aġġustati;

Billi l-miżuri li għalihom jipprovdi dan ir-Regolament huma skond l-opinjoni tal-Kumitat ta’ Ġestjoni għaż-żrieragħ,

ADOTTAT DAN IR-REGOLAMENT:

Artikolu 1

L-Anness li jinsab mar-Regolament (KEE) Nru 3083/73 qiegħed b’dan jiġi emendat kif ġej:

1. Id-dħul biswit 10 huma sostitwiti bi:

"Numru | Natura tat-tagħrif | Data li fiha t-tagħrif għandu jiġi provdut |

10 | Tagħrif dwar il-ħruġ ta’ liċenzji ta’ improtazzjoni: (9) | |

| —għall-qamħirrum ibridu | l-10, l-20 u l-aħħar jum ta’ kul xahar |

| —għal sorgu ibridu | l-10 ta’ kull xahar" |

2. Is-sentenza introduttorja u l-ewwel inċiż fin-nota (

9

) t’isfel tal-paġna hija ssostitwita b’dan li ġej:

"L-informazzjoni li ġejja għandha tkun ipprovduta kif jidher hawn taħt:

- il-ħruġ ta’ liċenzji ta’ importazzjoni għall-qamħirrum ibridu kull 100 kilogramm,

- ħruġ ta’ liċenzji ta’ importazzjoni għal sorgu ibridu fi… (xahar) għal kull 100 kilogramm."

Artikolu 2

Dan ir-Regolament għandu jidħol fis-seħħ fit-tielet jum li jiġi wara dak li fih jiġi ppublikat fil-Ġurnal Uffiċjali tal-Komunitajiet Ewropej.

Dan ir-Regolament għandu jkun jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-23 ta’ Novembru 1988.

Għall-Kummissjoni

Frans Andriessen

Viċi-President

[1] ĠU L 246, tal-5.11.1971, p. 1.

[2] ĠU L 377, tal-31.12.1987, p. 37.

[3] ĠU L 314, tal-15.11.1973, p. 20.

[4] ĠU L 260, tat-12.9.1986, p. 8.

--------------------------------------------------