Sentenza tal-Qorti tal-Ġustizzja (Is-Sitt Awla) tal-15 ta’ Ottubru 2009 – Il‑Kummissjoni vs Il‑Pajjiżi l‑Baxxi
(Kawża C‑255/08)
“Nuqqas ta’ Stat li jwettaq obbligu – Direttiva 85/337/KEE – Stima tal-effetti ta’ ċerti proġetti pubbliċi u privati fuq l-ambjent – Determinazzjoni tal-limiti – Daqs tal-proġett –Traspożizzjoni inkompleta”
Ambjent - Evalwazzjoni tal-effetti ta’ ċerti proġetti fuq l-ambjent – Direttiva 85/337 - Sottomissjoni għal evalwazzjoni ta’ proġetti fil-klassijiet imsemmija fl-Anness II - Setgħa diskrezzjonali tal-Istati Membri - Limiti (Direttiva tal-Kunsill 85/337, kif emendata bid-Direttivi 97/11 u 2003/35, Artikoli 2(1), 3 u 4(2) u (3), u Annessi II u III) (ara l-punti 29-35, 39, 42, 43 u d-dispożittiv)
Suġġett
Nuqqas ta’ Stat li jwettaq obbligu - Traspożizzjoni inkorretta tal-Artikolu 4(2) u (3), moqri flimkien mal-Annessi II u III tad-Direttiva tal-Kunsill 85/337/KEE, tas-27 ta’ Ġunju 1985, dwar l-istima tal-effetti ta’ ċerti proġetti pubbliċi u privati fuq l-ambjent, kif emendata bid-Direttivi 97/11/KE u 2003/35 (ĠU Edizzjoni Speċjali bil-Malti, Kapitolu 15, Vol. 1, p. 248). |
Dispożittiv
1) |
Billi ma adottax id-dispożizzjonijiet kollha neċessarji sabiex il-proġetti li jista’ jkollhom effetti notevoli fuq l-ambjent ikunu, skont l-Artikolu 4(2) u (3) tad-Direttiva tal-Kunsill 85/337/KEE, tas-27 ta’ Ġunju 1985, dwar l‑istima tal-effetti ta’ ċerti proġetti pubbliċi u privati fuq l-ambjent, kif emendata bid-Direttiva tal-Kunsill 97/11/KE, tat-3 ta’ Marzu 1997, u bid-Direttiva 2003/35/KE tal-Parlament Ewropew u tal-Kunsill, tas-26 ta’ Mejju 2003, l-imsemmi artikolu moqri flimkien mal-Annessi II u III ta’ din id-direttiva, suġġetti għal proċedura ta’ approvazzjoni u għal evalwazzjoni ta’ dawn l-effetti, ir-Renju tal-Pajjiżi l-Baxxi naqas milli jwettaq l-obbligi tiegħu taħt l-imsemmija direttiva. |
2) |
Ir-Renju tal-Pajjiżi l-Baxxi huwa kkundannat għall-ispejjeż. |