MEMORANDUM TA’ SPJEGAZZJONI
1.KUNTEST TAL-ATT DELEGAT
It-trasport internazzjonali ta’ oġġetti perikolużi bit-triq huwa rregolat mill-Ftehim dwar it-Trasport Internazzjonali ta’ Oġġetti Perikolużi bit-Triq (ADR, Agreement concerning the International Carriage of Dangerous Goods by Road), konkluż taħt l-awspiċji tal-Kummissjoni Ekonomika għall-Ewropa tan-Nazzjonijiet Uniti (NU/KEE). L-annessi tekniċi tal-ADR jiġu emendati regolarment sabiex jitqies il-progress tekniku u xjentifiku. It-Taqsima I.1 tal-Anness I tad-Direttiva 2008/68/KE tal-Parlament Ewropew u tal-Kunsill tipprevedi li r-regoli stabbiliti fl-ADR fir-rigward tat-trasport internazzjonali huma applikabbli wkoll għall-operazzjonijiet tat-trasport nazzjonali fit-territorju tal-Unjoni. L-Artikolu 8(1) tad-Direttiva 2008/68/KE jagħti s-setgħa lill-Kummissjoni li tadotta atti delegati biex temenda l-annessi ta’ dik id-Direttiva, b’mod partikolari biex tirreferi għall-aħħar verżjoni applikabbli tal-ADR fit-Taqsima I.1 tal-Anness I ta’ dik id-Direttiva.
Id-Direttiva (UE) 2022/1999 tal-Parlament Ewropew u tal-Kunsill tistabbilixxi regoli komuni applikabbli għall-kontrolli fuq it-trasport ta’ oġġetti perikolużi bit-triq. Dawn jinkludu lista komuni ta’ kontroll għall-kontrolli mal-ġenb tat-triq stabbilita fl-Anness I, u klassifikazzjoni komuni tal-ksur tal-ADR skont il-kategorija tar-riskju stabbilita fl-Anness II. Id-Direttiva (UE) 2022/1999 tistabbilixxi wkoll l-arranġamenti għar-rapportar ta’ data statistika dwar il-kontrolli.
L-għan tad-Direttiva (UE) 2022/1999 huwa li tiżgura li l-Istati Membri jkunu jistgħu jivverifikaw b’mod effettiv u armonizzat il-proċeduri li jkunu stabbilew għall-verifika tal-konformità mal-istandards tas-sikurezza stabbiliti fid-Direttiva 2008/68/KE u fl-Annessi A u B tal-ADR.
Id-Direttiva (UE) 2022/1999 tikkodifika d-Direttiva tal-Kunsill 95/50/KE. L-Annessi tad-Direttiva tal-Kunsill 95/50/KE ġew emendati l-aħħar fl-2004 bid-Direttiva tal-Kummissjoni 2004/112/KE. L-Annessi tad-Direttiva 2008/68/KE ġew emendati tmien darbiet biex jitqiesu l-emendi tal-ADR, l-aktar reċenti fl-2023 bid-Direttiva Delegata tal-Kummissjoni (UE) 2022/2407.
L-emendi proposti tal-Anness I tad-Direttiva (UE) 2022/1999 għandhom l-għan li jiżguraw il-konsistenza bejn il-lista ta’ kontroll stabbilita f’dak l-Anness u d-dispożizzjonijiet attwali tal-ADR kif applikabbli skont it-Taqsima I.1 tal-Anness I tad-Direttiva 2008/68/KE. Dawn l-emendi se jiffaċilitaw il-ġbir tal-informazzjoni meħtieġa biex jiġi infurzat l-ADR.
L-ADR kif applikabbli bħalissa skont il-liġi tal-Unjoni jistabbilixxi l-obbligi ta’ sikurezza rispettivi tal-parteċipanti fil-katina tat-trasport għal oġġetti perikolużi, bħat-trasportaturi, il-konsenjatarji, dawk li jgħabbu, dawk li jippakkjaw, dawk li jimlew, l-operaturi tat-tankijiet u dawk li jħottu. Għalhekk huwa xieraq li tiġi emendata l-lista ta’ kontroll stabbilita fl-Anness I tad-Direttiva (UE) 2022/1999 sabiex jiġu identifikati dawk il-parteċipanti fil-katina tat-trasport għal oġġetti perikolużi li setgħu ma kinux konformi mal-obbligi stabbiliti fl-ADR.
Referenzi għad-dispożizzjonijiet speċifiċi tal-ADR huma meħtieġa wkoll fil-lista ta’ kontroll sabiex jgħinu lill-infurzaturi u lill-parteċipanti fil-katina tat-trasport jidentifikaw id-dispożizzjonijiet legali applikabbli tal-ADR.
L-Artikolu 9(1) tad-Direttiva (UE) 2022/1999 jirrikjedi li l-Istati Membri jibagħtu rapport lill-Kummissjoni dwar il-kontrolli mwettqa kull sena kalendarja. Dawn ir-rapporti jridu jinkludu l-għadd ta’ ksur irreġistrat skont il-kategorija tar-riskju kif imsemmi fl-Anness II. Sabiex jiġi ffaċilitat dan ir-rapportar, jeħtieġ li mal-lista ta’ kontroll stabbilita fl-Anness I tiżdied il-kategorija tar-riskju tal-ksur irreġistrat stabbilita f’konformità mal-Anness II.
Jeħtieġ ukoll li jiġi emendat l-Anness II sabiex jiġu aġġornati d-deskrizzjoni u l-klassifikazzjoni tal-ksur sabiex ikun hemm konformità mal-ADR kif applikabbli skont it-Taqsima I.1 tal-Anness I tad-Direttiva 2008/68/KE. It-Taqsima 9 tal-Anness I tar-Regolament tal-Kummissjoni (UE) 2016/403 tikklassifika l-ksur skont l-impatt tiegħu fuq ir-reputazzjoni tajba tal-operaturi tat-trasport. Dan tfassal b’mod konsistenti mal-Anness II tad-Direttiva tal-Kunsill 95/50/KE li qabel kien applikabbli. Għalhekk jeħtieġ li l-kliem tal-Anness II l-ġdid tad-Direttiva (UE) 2022/1999 ikunu konsistenti mat-Taqsima 9 tal-Anness I tar-Regolament tal-Kummissjoni (UE) 2016/403.
2.KONSULTAZZJONIJIET QABEL L-ADOZZJONI TAL-ATT
Il-Grupp ta’ Esperti dwar it-Trasport Intern ta’ Oġġetti Perikolużi ġie stabbilit biex jassisti lill-Kummissjoni tħejji atti delegati maħsuba, fost affarijiet oħra, biex jadattaw l-annessi tad-Direttiva (UE) 2022/1999 għall-progress xjentifiku u tekniku, b’mod partikolari billi jitqiesu l-emendi għad-Direttiva 2008/68/KE.
Dan l-abbozz ta’ att ġie ppreżentat lill-Grupp ta’ Esperti dwar it-Trasport Intern ta’ Oġġetti Perikolużi f’laqgħat formali u ad hoc fit-13 ta’ Marzu 2023, fit-8 ta’ Ġunju 2023, fit-12 ta’ Lulju 2023, fis-16 ta’ Ottubru 2023, fl-11 ta’ Diċembru 2023 u fl-10 ta’ April 2024. Il-kummenti fformulati mill-Grupp ta’ Esperti ġew meqjusa. Barra minn hekk, l-Istati Membri ntalbu jipprovdu l-kummenti u s-suġġerimenti tagħhom f’konsultazzjoni bil-miktub li saret bejn it-13 ta’ Frar u l-14 ta’ Marzu 2025. Waslu u ġew meqjusa sitt tweġibiet.
L-abbozz tal-att ġie ppubblikat ukoll għal konsultazzjoni pubblika, fuq il-portal Semma’ Leħnek, mit-18 ta’ Frar sat-18 ta’ Marzu 2025. Waslu tweġibiet u kummenti mingħand tmien partijiet ikkonċernati u ġew meqjusa wkoll.
3.ELEMENTI LEGALI TAL-ATT DELEGAT
L-Artikolu 10 tad-Direttiva (UE) 2022/1999 jagħti s-setgħa lill-Kummissjoni li tadotta atti delegati dwar emendi tal-Annessi I, II u III tagħha, soġġett għall-kundizzjonijiet stabbiliti fl-Artikolu 11 tagħha. Din id-Direttiva tinkorpora fil-liġi tal-Unjoni l-emendi meħtieġa biex tinkiseb konsistenza mal-Annessi A u B tal-ADR, kif adattati u applikati mit-Taqsima 1 tal-Anness I tad-Direttiva 2008/68/KE.
DIRETTIVA DELEGATA TAL-KUMMISSJONI (UE) .../...
ta'23.6.2025
li tadatta għall-progress xjentifiku u tekniku l-Annessi I u II tad-Direttiva (UE) 2022/1999 tal-Parlament Ewropew u tal-Kunsill dwar proċeduri uniformi għal kontrolli fuq it-trasport ta’ merkanzija perikoluża bit-triq
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2022/1999 tal-Parlament Ewropew u tal-Kunsill tad-19 ta’ Ottubru 2022 dwar proċeduri uniformi għal kontrolli fuq it-trasport ta’ merkanzija perikoluża bit-triq, u b’mod partikolari l-Artikolu 10 tagħha,
Billi:
(1)Skont it-Taqsima I.1 tal-Anness I tad-Direttiva 2008/68/KE tal-Parlament Ewropew u tal-Kunsill, l-Annessi A u B tal-Ftehim dwar it-Trasport Internazzjonali ta’ Oġġetti Perikolużi bit-Triq (ADR, Agreement concerning the International Carriage of Dangerous Goods by Road), konkluż f’Ġinevra fit-30 ta’ Settembru 1957, japplikaw għall-operazzjonijiet tat-trasport nazzjonali fl-Unjoni.
(2)Id-Direttiva 2008/68/KE tagħti s-setgħa lill-Kummissjoni li tadotta atti delegati biex temenda l-Annessi ta’ dik id-Direttiva sabiex jitqiesu l-emendi tal-ADR, b’mod partikolari dawk relatati mal-progress xjentifiku u tekniku. Skont id-Direttiva (UE) 2022/1999, il-Kummissjoni għandha s-setgħa li tadotta atti delegati li jemendaw l-Annessi ta’ dik id-Direttiva b’mod partikolari biex jitqiesu l-emendi tad-Direttiva 2008/68/KE, u b’konsegwenza ta’ dan, l-emendi tal-ADR.
(3)L-Annessi tad-Direttiva 2008/68/KE, u b’mod partikolari l-Anness I li jikkonċerna t-trasport ta’ oġġetti perikolużi bit-triq, ġew emendati tmien darbiet, l-aktar reċenti permezz tad-Direttiva Delegata tal-Kummissjoni (UE) 2022/2407.
(4)Sabiex jiġi żgurat li r-regoli attwalment fis-seħħ dwar it-trasport ta’ oġġetti perikolużi jiġu infurzati kif xieraq, il-lista ta’ kontroll użata għall-kontrolli mal-ġenb tat-triq li hija stabbilita fl-Anness I tad-Direttiva (UE) 2022/1999 jenħtieġ li tinġieb f’konformità mal-ADR kif applikabbli skont it-Taqsima I.1 tal-Anness I tad-Direttiva 2008/68/KE.
(5)B’mod partikolari, il-Kapitolu 1.4 tal-Anness A tal-ADR jistabbilixxi l-obbligi ta’ sikurezza rispettivi tal-parteċipanti fil-katina tat-trasport għal oġġetti perikolużi, jiġifieri l-konsenjaturi, it-trasportaturi, il-konsenjatarji, dawk li jgħabbu, dawk li jippakkjaw, dawk li jimlew, l-operaturi tat-tankijiet u dawk li jħottu, u b’hekk ir-responsabbiltajiet speċifiċi tagħhom isiru ċari, trasparenti u infurzabbli. Il-lista ta’ kontroll stabbilita fl-Anness I tad-Direttiva (UE) 2022/1999 jenħtieġ li tirrifletti dawk id-dispożizzjonijiet tal-ADR billi tidentifika dawk il-parteċipanti fil-katina tat-trasport li jistgħu jkunu responsabbli għal ksur partikolari. Tali informazzjoni tista’ sservi bħala bażi għal aktar kontrolli mill-awtoritajiet nazzjonali.
(6)Ir-referenzi għad-dispożizzjonijiet speċifiċi tal-ADR jenħtieġ li jiġu pprovduti fil-lista ta’ kontroll stabbilita fl-Anness I tad-Direttiva (UE) 2022/1999 biex jgħinu lill-infurzaturi u lill-parteċipanti fil-katina tat-trasport jidentifikaw id-dispożizzjonijiet legali aġġornati tal-ADR.
(7)F’konformità mal-Artikolu 9(1) tad-Direttiva (UE) 2022/1999, l-Istati Membri jridu jibagħtu rapporti lill-Kummissjoni dwar il-kontrolli mwettqa kull sena kalendarja, inkluż l-għadd ta’ każijiet ta’ ksur irreġistrati skont il-kategorija tar-riskju stabbilita fl-Anness II ta’ dik id-Direttiva. Sabiex jiġi ffaċilitat dak ir-rapportar, il-kategorija ta’ riskju ta’ ksur irreġistrat, iddeterminata f’konformità mal-Anness II, jenħtieġ li tissemma fil-lista ta’ kontroll stabbilita fl-Anness I.
(8)L-Anness II tad-Direttiva (UE) 2022/1999 jikklassifika l-ksur tal-ADR skont il-livell ta’ riskji li joħloq. Dik il-lista jenħtieġ li tiġi aġġornata minħabba l-emendi tal-ADR kif applikabbli skont it-Taqsima I.1 tal-Anness I tad-Direttiva 2008/68/KE.
(9)It-Taqsima 9 tal-Anness I tar-Regolament tal-Kummissjoni (UE) 2016/403 tikklassifika l-ksur tat-Taqsima I.1 tal-Anness I tad-Direttiva 2008/68/KE skont l-impatt tiegħu fuq ir-reputazzjoni tajba tal-operaturi tat-trasport. Dik it-Taqsima tfasslet b’mod konsistenti mal-Anness II tad-Direttiva (UE) 2022/1999. Għalhekk jeħtieġ li l-kliem tal-Anness II l-ġdid tad-Direttiva (UE) 2022/1999 jinżamm konsistenti mat-Taqsima 9 tal-Anness I tar-Regolament (UE) 2016/403.
(10)L-Annessi I u II tad-Direttiva (UE) 2022/1999 għalhekk jenħtieġ li jiġu emendati skont dan, u għal raġunijiet ta’ ċarezza, jenħtieġ li jiġu sostitwiti.
(11)F’konformità mad-Dikjarazzjoni Politika Konġunta tat-28 ta’ Settembru 2011 tal-Istati Membri u tal-Kummissjoni dwar id-dokumenti ta’ spjegazzjoni, l-Istati Membri impenjaw ruħhom li, f’każijiet ġustifikati, iżidu man-notifika tal-miżuri ta’ traspożizzjoni tagħhom dokument wieħed jew aktar fejn jispjegaw ir-relazzjoni bejn il-komponenti ta’ direttiva u l-partijiet korrispondenti tal-istrumenti nazzjonali ta’ traspożizzjoni.
ADOTTAT DIN ID-DIRETTIVA:
Artikolu 1
Emendi tad-Direttiva (UE) 2022/1999
L-Annessi I u II tad-Direttiva (UE) 2022/1999 huma sostitwiti bit-test fl-Anness ta’ din id-Direttiva.
Artikolu 2
Traspożizzjoni
1.L-Istati Membri għandhom jadottaw u jippubblikaw, sa mhux aktar tard minn [data tal-adozzjoni + sena], il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.
Huma għandhom japplikaw dawk id-dispożizzjonijiet minn [data tal-adozzjoni + sena + jum]
Meta l-Istati Membri jadottaw dawn id-disposizzjonijiet, dawn għandu jkollhom referenza għal din id-Direttiva jew għandhom ikunu akkumpanjati b’tali referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeċiedu kif issir tali referenza.
2.L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tad-dritt nazzjonali li jadottaw fil-qasam kopert minn din id-Direttiva.
Artikolu 3
Dħul fis-seħħ
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Destinatarji
Din id-Direttiva hija indirizzata lill-Istati Membri.
Magħmul fi Brussell, 23.6.2025
Għall-Kummissjoni
Il-President
Ursula VON DER LEYEN
Anness
“ANNESS I
Lista ta’ kontroll għall-kontrolli mal-ġenb tat-triq
|
1.
|
Post u pajjiż tal-verifika:
|
_____________________________
|
2. Data:
|
__________________
|
3. Ħin:
|
____________
|
|
Data tal-vettura/tagħbija
|
|
4.
|
Marka/i tan-nazzjonalità u numru/i tar-reġistrazzjoni tal-vettura/i:
|
_______________________________________________________________
|
|
5.
|
Impriża li twettaq l-operazzjoni tat-trasport / indirizz:
|
_______________________________________________________________
|
|
6.
|
Isem/ismijiet tas-sewwieq/sewwieqa / l-assistent tas-sewwieq / in-numru/i taċ-ċertifikat(i) tagħhom (1) (ADR 8.2 jekk applikabbli):
|
_______________________________________________________________
|
|
7.
|
L-aħħar indirizz u d-data tat-tagħbija jew tal-ħatt: (1)
|
_______________________________________________________________
|
|
8.
|
Indirizz li jmiss tat-tagħbija jew tal-ħatt: (1)
|
_______________________________________________________________
|
|
9.
|
Numru/i NU, grupp tal-ippakkjar u kwantità ta’ oġġetti perikolużi, meta jiġu osservati ksur: (2)
|
_______________________________________________________________
|
|
10.
|
Eżenzjoni applikabbli u, jekk iva, liema? (3)
|
le
|
iva
|
|
Taqsima:
|
_______________________
|
|
11.
|
Mezzi ta’ konteniment
|
bl-ingrossa
|
tank
|
pakkett
|
MEMU
|
|
Dokumenti
|
|
Ivverifika l-istatus (4)
|
Ksur
|
Taqsima tal-ADR + parteċipant(i) (6)
|
|
|
|
|
C
|
NC
|
MA
|
Kategorija tar-Riskju (5)
|
|
|
12.
|
Dokumenti tat-trasport (bħal ADR 8.1.2.1 (a), 5.4.1, 5.4.2)
|
|
|
|
|
_______________________
|
|
13.
|
Istruzzjonijiet bil-miktub (ADR 8.1.2.1 (b), 5.4.3)
|
|
|
|
|
_______________________
|
|
14.
|
Ċertifikat ta’ approvazzjoni għall-vetturi (ADR 8.1.2.2 (a), 9.1.3)
|
|
|
|
|
_______________________
|
|
15.
|
Ċertifikat ta’ taħriġ tas-sewwieq (ADR 8.1.2.2 (b)) u dokument ta’ identifikazzjoni (ADR 1.10.1.4, 8.1.2.1 (d))
|
|
|
|
|
_______________________
|
|
Operazzjoni tat-trasport
|
|
|
|
|
|
_______________________
|
|
16.
|
Oġġetti awtorizzati għat-trasport (ADR 1.1.2.1)
|
|
|
|
|
_______________________
|
|
17.
|
Dispożizzjonijiet dwar mezzi ta’ konteniment (bħal ADR 4.1 sa 4.7)
|
|
|
|
|
_______________________
|
|
18.
|
Dispożizzjonijiet għat-trasport (bħal ADR 7.1 sa 7.4)
|
|
|
|
|
_______________________
|
|
19.
|
Projbizzjoni ta’ tagħbija mħallta u limitazzjoni tal-kwantitajiet (bħal ADR 7.5.2, 7.5.4, 7.5.5)
|
|
|
|
|
_______________________
|
|
20.
|
Trattament u ħażna (bħal ADR 7.5.7)
|
|
|
|
|
_______________________
|
|
21.
|
Immarkar tal-imballaġġ / tat-tank / tal-merkanzija bl-ingrossa (bħal ADR Parti 6)
|
|
|
|
|
_______________________
|
|
22.
|
Immarkar, tikkettar tal-imballaġġi (bħal ADR 3.3 sa 3.5, 4.1.4.1, 5.1, 5.2)
|
|
|
|
|
_______________________
|
|
23.
|
Plakards, pjanċi oranġjo, marki fuq vetturi/tankijiet, eċċ. (bħal ADR 3.4.13, 5.3, 5.5, 7.3, 7.5.11)
|
|
|
|
|
_______________________
|
|
24.
|
Rekwiżiti tal-vettura (ADR Parti 9)
|
|
|
|
|
_______________________
|
|
Tagħmir abbord
|
|
|
|
|
|
|
|
25.
|
Tagħmir ġenerali u speċifiku (bħal ADR 8.1.4, 8.1.5)
|
|
|
|
|
_______________________
|
|
Oħrajn
|
|
|
|
|
|
|
|
26.
|
Ftehimiet bilaterali/multilaterali (bħal ADR 1.5.1), regolamenti nazzjonali, approvazzjoni tal-awtorità kompetenti (bħal ADR 8.1.2.2 (c)):
|
|
|
|
|
_______________________
|
|
27.
|
Ksur ieħor:
|
|
|
|
|
_______________________
|
|
|
____________________________________________________________________________________________________________________________________________________
|
|
Riżultat
|
|
|
|
|
|
|
|
28.
|
Azzjonijiet korrettivi fuq il-post qabel tmiem il-vjaġġ fil-bini
|
Tip ta’ miżura: Rapport uffiċjali Twissija Immobilizzazzjoni (Art. 5)
|
|
29.
|
Rimarki (7): _________________________________________________________________________________________________________________________________________
|
|
|
____________________________________________________________________________________________________________________________________________________
|
|
|
____________________________________________________________________________________________________________________________________________________
|
|
|
____________________________________________________________________________________________________________________________________________________
|
|
30.
|
Siġill miksur / imqiegħed?
|
Miksur fi
|
________________
|
Imqiegħed fi
|
_______________________
|
|
31.
|
Awtorità/uffiċjal/delegat li qed twettaq/iwettaq il-kontroll
|
______________________________________________________________
|
(1) Imla biss jekk rilevanti għall-ksur.
(2) Barra minn hekk, għandu jiddaħħal taħt “rimarki”.
(3) Jirreferi għal kwalunkwe eżenzjoni jew deroga f’konformità mad-Direttiva 2008/68/KE.
(4) Ivverifika l-istatus: C= ivverifikat, NC= mhux possibbli li jiġi verifikat, MA= mhux applikabbli.
(5) Kategorija tar-riskju tal-ksur irreġistrat, f’konformità mal-Anness II.
(6) Imla jekk ġie/ġew osservat/i ksur. Speċifika l-kategorija tal-parteċipant(i) possibbli responsabbli, f’konformità mal-ADR 1.4: Ci=konsenjatur, C=trasportatur, Ce=konsenjatarju, L=dak li jgħabbi, P=dak li jippakkja, F=dak li jimla, To=operatur tat-tank, U=dak li jħott. Ir-referenza għall-kategorija tal-parteċipant fil-lista ta’ kontroll ma taffettwax bl-ebda mod il-preżunzjoni tal-innoċenza.
(7) Daħħal hawn in-numru/i NU, il-grupp tal-ippakkjar (PG), il-kwantità ta’ oġġetti perikolużi li jinġarru jekk jiġu osservati ksur, ksur mill-ekwipaġġi tas-sewwieqa, azzjoni ta’ rimedju u rimarki oħra.
ANNESS II
Ksur
Għall-finijiet ta’ din id-Direttiva, il-lista mhux eżawrjenti li ġejja, maqsuma fi tliet kategoriji ta’ riskju (il-kategorija I tippreżenta l-ogħla riskju), tipprovdi gwida dwar x’għandu jitqies bħala ksur.
Il-kategorija ta’ riskju xierqa għandha tiġi ddeterminata billi jitqiesu ċ-ċirkostanzi partikolari ta’ ksur u fid-diskrezzjoni tal-korp/uffiċjal tal-infurzar, li jfisser li l-kategorija ta’ riskju ta’ ksur tista’ tiġi aġġornata jew imnaqqsa.
Ksur li mhux elenkat għandu jiġi kklassifikat f’konformità mad-deskrizzjonijiet tal-kategoriji ta’ riskju.
Meta jkun hemm diversi ksur għal kull unità ta’ trasport, l-aktar kategorija ta’ riskju serja biss għandha tiġi applikata għal finijiet ta’ rapportar (f’konformità mal-formola standard mudell stabbilita fl-Anness III).
1. Kategorija ta’ riskju I
Din tikkonċerna ksur tad-dispożizzjonijiet tal-ADR li għandu riskju għoli ta’ mewt, korriment personali serju jew ħsara sinifikanti lill-ambjent. Jekk jiġi osservat waqt il-kontrolli mal-ġenb tat-triq, tali ksur normalment iwassal għal miżuri korrettivi immedjati u xierqa bħall-immobilizzazzjoni tal-vettura; jekk jiġi osservat waqt kontrolli fil-bini, dan il-ksur normalment ikun soġġett għal miżuri xierqa oħra.
In-nuqqasijiet f’din il-kategorija jinkludu:
1.ġarr ta’ oġġetti perikolużi li t-trasport tagħhom huwa pprojbit;
2.ġarr ta’ oġġetti perikolużi f’mezz ta’ konteniment ipprojbit jew mhux approvat, li jipperikola l-ħajjiet jew l-ambjent sa tali punt li tittieħed deċiżjoni li l-vettura tiġi immobilizzata;
3.ġarr ta’ oġġetti perikolużi mingħajr identifikazzjoni fuq il-vettura, li jipperikola l-ħajjiet jew l-ambjent sa tali punt li tittieħed deċiżjoni li l-vettura tiġi immobilizzata;
4.tnixxija ta’ oġġetti perikolużi;
5.ġarr b’mod ipprojbit;
6.ġarr bl-ingrossa f’vettura jew kontenitur li mhux strutturalment tajjeb għas-servizz;
7.ġarr f’vettura mingħajr ċertifikat ta’ approvazzjoni xieraq;
8.tħaddim ta’ vettura li ma tibqax tikkonforma mal-istandards ta’ approvazzjoni u tippreżenta periklu immedjat (inkella għandha tiġi kklassifikata fil-kategorija ta’ riskju II);
9.użu ta’ imballaġġi, tankijiet, kontenituri jew vetturi mhux approvati;
10.użu ta’ imballaġġ li ma jikkonformax mal-istruzzjonijiet tal-ippakkjar applikabbli; użu ta’ tankijiet, vetturi u kontenituri li ma jikkonformawx mad-dispożizzjonijiet applikabbli;
11.nuqqas ta’ konformità mad-dispożizzjonijiet speċjali għall-ippakkjar imħallat;
12.nuqqas ta’ konformità mar-regoli li jirregolaw l-irbit u l-istivar tat-tagħbijiet;
13.nuqqas ta’ konformità mar-regoli dwar l-oġġetti tal-ikel, oġġetti oħra tal-konsum u għalf tal-annimali;
14.nuqqas ta’ konformità mar-regoli li jirregolaw it-tagħbija mħallta ta’ pakketti;
15.nuqqas ta’ konformità mad-dispożizzjonijiet li jillimitaw il-kwantitajiet awtorizzati għat-trasport f’unità waħda tat-trasport, inklużi l-gradi permissibbli ta’ mili tat-tankijiet jew tal-pakketti;
16.trasport ta’ oġġetti perikolużi mingħajr id-dokumenti meħtieġa disponibbli abbord jew f’format elettroniku xieraq, jekk permess;
17.trasport ta’ oġġetti perikolużi f’pakketti li ma jkollhomx il-markar, it-tikkettar jew sinjali oħra ta’ identifikazzjoni meħtieġa;
18.trasport ta’ oġġetti perikolużi mingħajr ebda plakard, markar (inkluż markar ta’ pjanċa oranġjo) jew sinjali oħra ta’ identifikazzjoni fuq il-vettura;
19.informazzjoni mhux kompluta jew mhux korretta dwar is-sustanza li qed tinġarr, li tippermetti d-determinazzjoni ta’ ksur tal-kategorija ta’ riskju I (pereżempju, numru NU, isem xieraq tat-trasport fuq l-ilma, grupp tal-ippakkjar);
20.ċertifikat validu ta’ taħriġ vokazzjonali mhux miżmum mis-sewwieq;
21.użu ta’ nar jew dawl mhux protett;
22.nuqqas ta’ osservanza tal-projbizzjoni tat-tipjip;
23.nuqqas ta’ ħatra ta’ konsulent tas-sikurezza għal kull impriża, meta meħtieġ;
24.nuqqas ta’ konformità mal-ADR 1.10 dwar id-dispożizzjonijiet tas-sigurtà, meta meħtieġ.
2. Kategorija ta’ riskju II
Tikkonċerna ksur tad-dispożizzjonijiet tal-ADR li għandu riskju ta’ korriment personali jew ħsara lill-ambjent; Jekk jiġi osservat waqt il-kontrolli mal-ġenb tat-triq, tali ksur normalment iwassal għal miżuri korrettivi xierqa bħal rettifika fuq il-post meta jkun fattibbli, inkella mhux aktar tard mit-tlestija tal-operazzjoni tat-trasport attwali; jekk jiġi osservat waqt kontrolli fil-bini, dan il-ksur normalment ikun soġġett għal miżuri xierqa oħra.
In-nuqqasijiet f’din il-kategorija jinkludu:
1.tħaddim ta’ unità tat-trasport li tinkludi aktar minn trejler / semitrejler wieħed;
2.tħaddim ta’ vettura li ma tibqax tikkonforma mal-istandards ta’ approvazzjoni iżda ma tippreżentax periklu immedjat;
3.nuqqas li jinġarru apparati tat-tifi tan-nar operattivi kif meħtieġ abbord vettura; tagħmir tat-tifi tan-nar mhux konformi ma’ dispożizzjonijiet speċifiċi;
4.nuqqas li jinġarr tagħmir meħtieġ skont l-ADR jew f’istruzzjonijiet bil-miktub abbord vettura;
5.nuqqas ta’ konformità mad-dati tal-ittestjar u l-ispezzjoni u l-perjodi ta’ użu għall-imballaġġ, il-kontenituri intermedji għal kwantitajiet kbar (IBCs, Intermediate Bulk Containers), l-imballaġġ kbir, it-tankijiet, il-vetturi jew il-kontenituri;
6.ġarr ta’ pakketti b’imballaġġ bil-ħsara, IBCs jew imballaġġ kbir, jew ġarr ta’ imballaġġ bil-ħsara, vojt u mhux imnaddaf;
7.ġarr ta’ oġġetti mballati f’vettura jew kontenitur li mhux strutturalment tajjeb għas-servizz;
8.nuqqas li jingħalqu sew it-tankijiet / il-kontenituri tat-tankijiet, vetturi, kontenituri jew imballaġġi (inklużi dawk li huma vojta u mhux imnaddfa);
9.imballaġġi, tankijiet, vetturi u/jew konteniment b’tikkettar, immarkar (inkluż immarkar ta’ pjanċi oranġjo), plakards jew sinjali oħra ta’ identifikazzjoni mhux korretti;
10.l-ebda struzzjoni bil-miktub f’konformità mal-ADR;
11.nuqqas ta’ superviżjoni jew ipparkjar xieraq ta’ vettura;
12.ġarr ta’ persuni, għajr membri tal-ekwipaġġ, f’unitajiet ta’ trasport li jġorru oġġetti perikolużi;
13.nuqqas ta’ konformità mad-dispożizzjonijiet regolatorji stabbiliti fl-ADR 7.5.10 dwar prekawzjonijiet li jridu jittieħdu kontra kariki elettrostatiċi waqt operazzjonijiet ta’ mili u tbattil;
14.nuqqas ta’ konformità mad-dispożizzjonijiet regolatorji mal-wasla fis-siti tat-tagħbija u tal-ħatt;
15.nuqqas ta’ konformità mad-dispożizzjonijiet regolatorji dwar ir-rwol, id-dmirijiet u ċ-ċertifikati tal-konsulent tas-sikurezza għal kull impriża, meta meħtieġ;
16.nuqqas ta’ konformità mad-dispożizzjonijiet regolatorji dwar il-perjodu minimu ta’ żamma għad-dokument tat-trasport ta’ oġġetti perikolużi u informazzjoni u dokumentazzjoni addizzjonali kif speċifikat fl-ADR;
17.nuqqas ta’ konformità mad-dispożizzjonijiet regolatorji dwar it-taħriġ ta’ persuni involuti fit-trasport ta’ oġġetti perikolużi;
18.nuqqas ta’ sottomissjoni tad-dokumenti u/jew rapporti meħtieġa lill-awtoritajiet kompetenti.
3. Kategorija ta’ riskju III
Din tikkonċerna ksur tad-dispożizzjonijiet tal-ADR li għandu riskju baxx ta’ korriment personali jew ħsara lill-ambjent u meta miżuri korrettivi xierqa ma jkollhomx għalfejn jittieħdu mal-ġenb tat-triq iżda jkunu jistgħu jittieħdu f’data aktar tard mill-impriża; jekk jiġi osservat waqt il-kontrolli fil-bini, dan il-ksur normalment ikun soġġett għal miżuri xierqa oħra.
In-nuqqasijiet f’din il-kategorija jinkludu:
1.nuqqas ta’ konformità mar-regolamenti dwar id-daqs tal-plakards jew it-tikketti jew id-daqs tal-ittri, taċ-ċifri jew tas-simboli fuq il-plakards jew it-tikketti;
2.informazzjoni, bl-eċċezzjoni tal-informazzjoni li taqa’ taħt il-kategorija ta’ riskju I, mhux disponibbli fid-dokumentazzjoni tat-trasport;
3.nuqqas li jinġarr ċertifikat ta’ taħriġ abbord il-vettura iżda evidenza li s-sewwieq għandu wieħed minn dawn;
4.mezz ta’ identifikazzjoni, b’ritratt, mhux fuq kull membru tal-ekwipaġġ tal-vettura;
5.nuqqas li jitwaħħlu kif suppost il-plakards u l-immarkar (inkluż l-immarkar tal-pjanċa oranġjo) jew sinjali oħra ta’ identifikazzjoni;
6.sottomissjoni tard tad-dokumenti u/jew rapporti meħtieġa lill-awtoritajiet kompetenti.”