MEMORANDUM TA’ SPJEGAZZJONI
1.KUNTEST TAL-ATT DELEGAT
Ir-Regolament (UE) Nru 1308/2013 tal-Parlament Ewropew u tal-Kunsill li jistabbilixxi organizzazzjoni komuni tas-swieq fi prodotti agrikoli jistipula r-regoli rigward l-organizzazzjonijiet tal-produtturi fis-settur tal-frott u l-ħxejjex. Dan ir-Regolament jagħti wkoll is-setgħa lill-Kummissjoni li tadotta atti delegati u ta’ implimentazzjoni.
Abbażi ta’ din is-setgħa, il-Kummissjoni adottat, fost l-oħrajn, ir-Regolament Delegat tal-Kummissjoni (UE) 2017/891. Fid-dawl tal-esperjenza miksuba mill-implimentazzjoni ta’ programmi operattivi minn organizzazzjonijiet tal-produtturi rikonoxxuti, huwa meħtieġ aġġornament ta’ ċerti aspetti tar-Regolament Delegat tal-Kummissjoni (UE) 2017/891 bil-ħsieb li tiġi ffaċilitata t-tmexxija ta’ dawk il-programmi operattivi.
2.KONSULTAZZJONIJIET QABEL L-ADOZZJONI TAL-ATT DELEGAT
Il-konsultazzjonijiet, li fihom ħadu sehem esperti mis-27 Stat Membru, saru fil-Grupp ta’ Esperti għas-Swieq Agrikoli stabbilit skont ir-Regolament (UE) Nru 1308/2013, b’mod partikolari, waqt il-laqgħat tas-7 ta’ Lulju u tat-22 ta’ Settembru 2020. Dawn il-laqgħat taw l-opportunità biex jiġu ppreżentati l-ideat tal-Kummissjoni dwar il-kamp ta’ applikazzjoni ta’ dan l-att delegat u dwar il-modifiki meħtieġa għar-Regolament Delegat tal-Kummissjoni (UE) 2017/891, u taw l-opportunità wkoll li jkun hemm skambju ta’ opinjonijiet mal-esperti. Wara l-konsultazzjoni pubblika ta’ erba’ ġimgħat (il-Portal għal Regolamentazzjoni Aħjar) li ntemmet fl-4 ta’ Jannar 2021, il-Kummissjoni rċeviet 13-il kumment, fost l-oħrajn, dwar l-appoġġ għal imballaġġ “ekoloġiku” sostenibbli, l-appoġġ għall-attivitajiet fuq il-midja soċjali, l-infiq li ġej mill-kriżi sanitarja, eċċ., l-estensjoni tal-kopertura tal-prodotti u l-estensjoni tal-validità tal-istrateġiji nazzjonali. L-att delegat imbagħad ġie rfinat biex iqis l-osservazzjonijiet u l-kummenti tal-esperti u tal-partijiet ikkonċernati.
3.ELEMENTI ĠURIDIĊI TAL-ATT DELEGAT
Dan l-att delegat jemenda r-Regolament Delegat tal-Kummissjoni (UE) 2017/891 fir-rigward ta’:
–il-flessibilità f’dak li għandu x’jaqsam ma’ attivitajiet ta’ esternalizzazzjoni;
–il-metodu ta’ kalkolu tal-“valur tal-produzzjoni kkummerċjalizzata” għall-faqqiegħ maħsub għall-ipproċessar sabiex jirrifletti r-realtà tal-produzzjoni;
–il-possibbiltà li tiġi estiża l-validità tal-istrateġiji nazzjonali;
–l-estensjoni tal-kamp ta’ applikazzjoni għall-użu ta’ rati fissi standard jew somom f’daqqa;
–l-ammont massimu ta’ appoġġ għall-irtirar mis-suq għall-ipproċessar;
–l-irtirar mis-suq: is-simplifikazzjoni tal-kalkolu tal-metodu ta’ appoġġ u l-iffissar ta’ limitu massimu għall-ammonti tal-irtirar mis-suq għad-distribuzzjoni bla ħlas;
–l-indennizz tal-assigurazzjoni fil-kalkolu tal-valur tal-produzzjoni kkummerċjalizzata; kif ukoll
–l-assigurazzjoni tal-ħsad u s-simplifikazzjoni tal-ikkowċjar.
REGOLAMENT DELEGAT TAL-KUMMISSJONI (UE) .../...
ta’ 10.2.2021
li jemenda r-Regolament Delegat (UE) Nru 2017/891 fir-rigward tal-attivitajiet u tal-programmi operattivi tal-organizzazzjonijiet tal-produtturi fis-settur tal-frott u l-ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007, u b’mod partikolari l-Artikolu 37(a)(ii) u (vi), (b), (c)(i) u (ii) u (d), l-Artikolu 173(1)(f), l-Artikolu 223(2)(a) u l-Artikolu 231(1) tiegħu,
Billi:
(1)It-Titolu II tar-Regolament Delegat tal-Kummissjoni (UE) Nru 2017/891 jistabbilixxi regoli ġodda dwar l-attivitajiet u l-programmi operattivi tal-organizzazzjonijiet tal-produtturi fis-settur tal-frott u l-ħxejjex.
(2)L-Istati Membri jistgħu jippermettu lill-organizzazzjonijiet tal-produtturi jesternalizzaw ċerti attivitajiet. F’xi Stati Membri, l-organizzazzjonijiet tal-produtturi huma kumpaniji kbar, li spiss ikollhom livelli multipli ta’ sussidjarji. Id-dispożizzjonijiet dwar l-esternalizzazzjoni jenħtieġ għalhekk li jiġu fformulati mill-ġdid biex ikopru sitwazzjonijiet fejn l-attivitajiet jiġu esternalizzati lil entitajiet li jkunu relatati mill-qrib mal-produttur.
(3)F’dawn l-aħħar snin, il-produzzjoni tal-faqqiegħ ma għadhiex limitata għall-varjetà tal-ġeneru Agaricus. L-organizzazzjonijiet ta’ produtturi speċjalizzati fil-produzzjoni tal-faqqiegħ jipproduċu varjetajiet oħra ta’ faqqiegħ ikkultivat bħal Pleurotus, Shiitaké u Agrocybe, li jirriflettu l-ħtieġa tas-suq u l-aspettattivi tal-konsumaturi. Għaldaqstant, il-kamp ta’ applikazzjoni tad-dispożizzjonijiet dwar il-bażi għall-kalkolu tal-valur tal-produzzjoni kkummerċjalizzata ta’ faqqiegħ maħsub għall-ipproċessar jenħtieġ li jiġi estiż sabiex ikopri aktar varjetajiet ta’ faqqiegħ ikkultivati.
(4)F’konformità mal-proposti leġiżlattivi tal-Kummissjoni għall-politika agrikola komuni (PAK) futura, l-iskema ta’ għajnuna għall-frott u l-ħxejjex trid tiġi integrata fil-pjanijiet strateġiċi futuri tal-PAK tal-Istati Membri. Sakemm jiġu adottati dawk il-proposti, ir-Regolament (UE) 2020/2220 tal-Parlament Ewropew u tal-Kunsill jistabbilixxi ċerti dispożizzjonijiet tranżitorji fir-rigward tas-snin 2021 u 2022. B’mod partikolari, biex tiġi żgurata integrazzjoni bla xkiel ta’ dik l-iskema ta’ għajnuna fil-PAK futura, il-programmi operattivi eżistenti fis-settur tal-frott u l-ħaxix li ma laħqux it-tul ta’ żmien massimu tagħhom ta’ ħames snin jistgħu jiġu estiżi biss sal-31 ta’ Diċembru 2022. Barra minn hekk, il-programmi operattivi l-ġodda fis-settur tal-frott u l-ħaxix jistgħu jiġu approvati biss għal tul ta’ żmien massimu ta’ tliet snin. Billi l-programmi operattivi inkwistjoni jridu jikkonformaw mal-istrateġija nazzjonali, jenħtieġ li l-Istati Membri jitħallew jestendu l-istrateġija nazzjonali tagħhom sal-31 Diċembru 2025.
(5)L-indennizz tal-assigurazzjoni li jingħata f’ċerti każijiet ta’ tnaqqis fil-produzzjoni jista’’ jiddaħħal fil-kalkolu tal-valur tal-produzzjoni kkummerċjalizzata. Jixraq li jiġi ċċarat meta għandu jiġi inkluż, jiġifieri fil-kalkolu tal-valur tal-produzzjoni kkummerċjalizzata tal-perjodu ta’ referenza ta’ 12-il xahar li fih fil-fatt jitħallas.
(6)L-infiq fil-kuntest tal-programmi operattivi eliġibbli għall-għajnuna għandu jkun ristrett għall-ispejjeż li effettivament ikunu saru. Madankollu, għall-fini tal-approvazzjoni tal-infiq fuq azzjonijiet u miżuri fil-qafas tal-programmi operattivi, l-użu mill-Istati Membri ta’ rati fissi, skali ta’ spejjeż għal kull unità jew somom f’daqqa jenħtieġ li jkun allinjat mar-regoli dwar il-programmi tal-iżvilupp rurali.
(7)Il-Kapitolu III tat-Titolu II tar-Regolament Delegat (UE) 2017/891 fih regoli dwar miżuri għall-prevenzjoni u l-ġestjoni ta’ kriżijiet, inkluż fost l-oħrajn l-irtirar mis-suq. Fir-Rapport Speċjali Nru 23/2019 tiegħu “Stabbilizzazzjoni tal-introjtu tal-bdiewa: sett komprensiv ta’ għodod, iżda l-istrumenti ftit li xejn jintużaw u jeħtieġ li jiġi indirizzat il-kumpens eċċessiv” tal-5 ta’ Diċembru 2019, il-Qorti Ewropea tal-Awdituri qajmet tħassib dwar xi aspetti tal-iskema tal-irtirar tal-frott u l-ħxejjex, b’mod partikolari għall-prodotti pproċessati magħmula minn prodotti rtirati li jistgħu jwasslu għal kumpens eċċessiv. Il-Qorti Ewropea tal-Awdituri tirrakkomanda li tiġi stabbilita assistenza finanzjarja massima tal-Unjoni għall-irtirar għad-distribuzzjoni bla ħlas ta’ frott u ħxejjex ipproċessati bil-ħsieb li jiġi evitat kull effett possibbli ta’ kumpens eċċessiv. Għal dik ir-raġuni, id-dispożizzjonijiet dwar l-appoġġ għall-irtirar mis-suq għad-distribuzzjoni bla ħlas ta’ frott u ħxejjex ipproċessati jenħtieġ li jagħmluha ċara li l-pagamenti li jsiru lill-proċessuri għandhom jikkumpensaw biss għall-ispejjeż tal-ipproċessar u għandhom jeskludu l-kumpens eċċessiv.
(8)Jenħtieġ li r-regoli dwar l-appoġġ għall-irtirar mis-suq relatat mal-applikazzjoni tal-limitu ta’ 5 % tal-volum tal-produzzjoni kkummerċjalizzata jiġu ċċarati.
(9)Filwaqt li jitqies li huwa importanti li l-istrumenti jiġu razzjonalizzati, simplifikati u kkoordinati aħjar u jiġu kkumplimentati b’azzjonijiet ġodda fejn meħtieġ, id-dispożizzjonijiet dwar l-implimentazzjoni tal-azzjonijiet tal-assigurazzjoni tal-ħsad jenħtieġ li jiġu allinjati mar-regoli dwar il-programmi ta’ żvilupp rurali.
(10)Bil-ħsieb li l-miżura ta’ kkowċjar issir aktar attraenti bħala miżura għall-prevenzjoni u l-ġestjoni ta’ kriżijiet, jenħtieġ li jittaffew il-kundizzjonijiet ta’ eliġibbiltà relatati mar-riċevitur tal-ikkowċjar.
(11)L-organizzazzjonijiet tal-produtturi huma obbligati jevalwaw l-implimentazzjoni tal-programmi operattivi tagħhom. Billi l-Artikolu 24 tar-Regolament ta’ Implimentazzjoni tal-Kummissjoni (UE) 2017/892 ġie sostitwit, ir-referenza għal dak l-Artikolu jenħtieġ li titħassar fir-regoli dwar ir-rapport ta’ evalwazzjoni fir-Regolament Delegat (UE) 2017/891.
(12)Xi dispożizzjonijiet tranżitorji ma għadhomx jgħoddu u għalhekk jenħtieġ li jitneħħew.
(13)Skont l-Artikolu 55 tar-Regolament Delegat (UE) 2017/891, l-Istati Membri jridu jinnotifikaw lill-Kummissjoni dwar il-medja ponderata tal-prezzijiet tal-produtturi tal-frott u l-ħxejjex irreġistrati li jikkorrispondu mat-tipi u l-varjetajiet ta’ prodotti, mad-daqsijiet u mal-preżentazzjonijiet, kif speċifikat fl-Anness VI ta’ dak ir-Regolament. Sabiex tiġi riflessa b’mod preċiż is-sitwazzjoni tas-suq, jenħtieġ li jiġu aġġornati d-dettalji dwar it-“tip/varjetà”, il-“preżentazzjoni/daqs” u s-“swieq rappreżentattivi” relatati mat-tadam u t-tuffieħ, kif speċifikat f’dak l-Anness. Barra minn hekk, sabiex is-sistema ta’ notifika tal-prezzijiet prevista fir-Regolament Delegat (UE) 2017/891 tiġi allinjata kemm jista’ jkun mad-dispożizzjonijiet stabbiliti fir-Regolament ta’ Implimentazzjoni tal-Kummissjoni (UE) Nru 2017/1185, il-lista tal-prodotti li għalihom l-Istati Membri jridu jinnotifikaw il-prezzijiet ta’ kull ġimgħa lill-Kummissjoni jenħtieġ li titqassar minn 32 għal 16-il prodott. Dik il-lista limitata ta’ 16-il prodott tkun identika għal-lista ta’ prodotti stabbilita fl-Anness IV tar-Regolament Delegat (UE) 2017/891. Fl-aħħar nett, ir-Renju Unit jenħtieġ li jitħassar mil-lista ta’ “swieq rappreżentattivi”.
(14)Għaldaqstant, jenħtieġ li r-Regolament Delegat (UE) 2017/891 jiġi emendat kif xieraq,
ADOTTAT DAN IR-REGOLAMENT:
Artikolu 1
Emendi għar-Regolament Delegat (UE) 2017/891
Ir-Regolament Delegat (UE) 2017/891 huwa emendat kif ġej:
(1)L-Artikolu 13 huwa emendat kif ġej:
(a)fil-paragrafu 1, jiżdied is-subparagrafu li ġej:
“Għall-finijiet tal-Artikolu 155 tar-Regolament (UE) Nru 1308/2013, it-terminu ‘sussidjarja’ jinkludi kwalunkwe entità f’katina ta’ sussidjarji. Madankollu, l-Istati Membri jistgħu jeskludu l-esternalizzazzjoni ta’ attivitajiet lil entità li hija parti minn katina ta’ sussidjarji.”;
(b)il-paragrafu 2 huwa sostitwit b’dan li ġej:
“2.
Organizzazzjoni tal-produtturi li testernalizza attività għandha tidħol f’arranġament kummerċjali bil-miktub permezz ta’ kuntratt, ftehim jew protokoll ma’ entità oħra, inkluż ma’ wieħed jew aktar mill-membri tagħha jew ma’ kumpanija sussidjarja jew ma’ entità li hija parti minn katina ta’ sussidjarji, bl-iskop li twettaq l-attività kkonċernata. L-organizzazzjoni tal-produtturi għandha tibqa’ responsabbli li tiżgura t-twettiq tal-attività esternalizzata u għall-kontroll tal-ġestjoni ġenerali u s-superviżjoni tal-arranġament kummerċjali għat-twettiq tal-attività.
Madankollu, l-attività għandha titqies li twettqet mill-organizzazzjoni tal-produtturi jekk titwettaq minn assoċjazzjoni ta’ organizzazzjonijiet tal-produtturi jew minn kooperattiva li l-membri stess tagħha huma kooperattivi li fihom l-organizzazzjoni tal-produtturi tkun membru, jew minn kumpanija sussidjarja, jew minn entità li hija parti minn katina ta’ sussidjarji, li tkun konformi mar-rekwiżit ta’ 90 % msemmi fl-Artikolu 22(8).”;
(2)L-Artikolu 22 huwa emendat kif ġej:
(a)
fil-paragrafu 2, il-punt (f) huwa sostitwit b’dan li ġej:
“(f)
70 % għall-faqqiegħ tal-bott tal-Agaricus bisporus u faqqiegħ ieħor ikkultivat ippreservat fis-salmura;”;
(b)
il-paragrafu 10 huwa sostitwit b’dan li ġej:
“10.
Meta jseħħ tnaqqis fil-produzzjoni minħabba diżastru naturali, avveniment klimatiku, mard tal-pjanti jew tal-annimali jew infestazzjoni ta’ organiżmi ta’ ħsara, kull indennifikazzjoni li tingħata fir-rigward tal-azzjonijiet tal-assigurazzjoni tal-ħsad koperti mit-Taqsima 7 tal-Kapitolu III, jew għal azzjonijiet ekwivalenti ġestiti mill-organizzazzjoni tal-produtturi jew mill-membri produtturi tagħha, minħabba dawk il-kawżi, tista’ tiġi inkluża fil-valur tal-produzzjoni kkummerċjalizzata tal-perjodu ta’ referenza ta’ 12-il xahar li fih fil-fatt jitħallas.”;
(3)fl-Artikolu 27, għandu jiżdied il-paragrafu 6 li ġej:
“6.
L-Istati Membri jistgħu jiddeċiedu li jestendu l-istrateġija nazzjonali tagħhom sal-31 ta’ Diċembru 2025. L-Istati Membri għandhom jinnotifikaw lill-Kummissjoni b’tali deċiżjoni ta’ estensjoni.”;
(4)fl-Artikolu 31, il-paragrafu 2 huwa sostitwit b’dan li ġej:
“2.
L-infiq fil-kuntest tal-programmi operattivi eliġibbli għall-għajnuna għandu jkun ristrett għall-ispejjeż li effettivament ikunu saru.
Madankollu, l-Istati Membri jistgħu jistabbilixxu rati fissi standard, skali ta’ spejjeż għal kull unità jew somom f’daqqa, ħlief għall-infiq marbut ma’ miżuri għall-prevenzjoni u għall-ġestjoni ta’ kriżijiet.
Barra minn hekk, l-Istati Membri jistgħu jiddeċiedu li jużaw rati fissi standard differenzjati, skali ta’ spejjeż għal kull unità jew somom f’daqqa biex iqisu l-ispeċifiċitajiet reġjonali jew lokali.”;
(5)L-Artikolu 45 huwa emendat kif ġej:
(a)fil-paragrafu 1, jiżdied is-subparagrafu li ġej:
“Is-somma tal-ispejjeż tat-trasport, tal-issortjar u tal-imballaġġ tal-prodotti rtirati għad-distribuzzjoni bla ħlas tal-frott u l-ħxejjex ipproċessati msemmija fl-Artikoli 16 u 17 tar-Regolament ta’ Implimentazzjoni (UE) 2017/892 u fl-Annessi IV u V ta’ dak ir-Regolament, miżjuda mal-ammont massimu ta’ appoġġ għall-irtirar mis-suq imsemmi f’dan il-paragrafu u fil-paragrafu 2 ta’ dan l-Artikolu, ma għandhiex taqbeż il-prezz medju tas-suq “mal-ħruġ mill-organizzazzjoni tal-produtturi” jew “mal-ħruġ mill-proċessur” tal-prodott ipproċessat ikkonċernat fl-aħħar tliet snin preċedenti.”;
(b)il-paragrafu 2 huwa sostitwit b’dan li ġej:
“2.
Is-sehem tal-irtirar mis-suq ta’ kwalunkwe prodott partikolari ta’ kwalunkwe organizzazzjoni tal-produtturi partikolari li jsir f’sena partikolari għandu jkun kif ġej:
(a)m’għandux jaqbeż l-10 % tal-volum medju tal-produzzjoni kkummerċjalizzata minn dik l-organizzazzjoni tal-produtturi matul it-tliet snin preċedenti; kif ukoll
(b)b’kollox, it-total tal-perċentwali matul tliet snin konsekuttivi m’għandux jaqbeż il-15 meta jiżdied is-sehem ikkalkulat skont il-punt (a) għas-sena kurrenti u l-ishma tal-irtirar mis-suq tas-sentejn preċedenti kkalkulati abbażi tal-volum rispettiv tal-produzzjoni kkummerċjalizzata minn dik l-organizzazzjoni tal-produtturi matul dawk is-sentejn preċedenti.
Jekk l-informazzjoni dwar il-volum tal-produzzjoni kkummerċjalizzata għal xi waħda mis-snin ta’ qabel jew għalihom kollha ma tkunx disponibbli, għandu jintuża l-volum tal-produzzjoni kkummerċjalizzata li għalih l-organizzazzjoni tal-produtturi tkun ġiet rikonoxxuta.
Madankollu, l-ammonti tal-irtirar li jitneħħew b’wieħed mill-modi msemmija fl-Artikolu 34(4) tar-Regolament (UE) Nru 1308/2013, jew bi kwalunkwe mod ieħor approvat mill-Istati Membri skont l-Artikolu 46(2) ta’ dan ir-Regolament, ma għandhomx jittieħdu f’kunsiderazzjoni f’dak il-proporzjon.”;
(6)fl-Artikolu 51, il-paragrafu 2 huwa sostitwit b’dan li ġej:
“2.
L-Istati Membri jistgħu jagħtu finanzjament nazzjonali addizzjonali sabiex jappoġġaw l-azzjonijiet għall-assigurazzjoni tal-ħsad li jkunu qed jibbenifikaw mill-fond operattiv. Madankollu, l-appoġġ pubbliku totali għall-assigurazzjoni tal-ħsad ma għandux jaqbeż it-80 % tal-ispiża tal-premiums tal-assigurazzjoni mħallsa mill-produtturi għall-assigurazzjoni kontra t-telf.”;
(7)fl-Artikolu 51a, il-paragrafu 3 huwa sostitwit b’dan li ġej:
“3.
Ir-riċevitur ta’ kkowċjar għandu jkun organizzazzjoni tal-produtturi rikonoxxuta, grupp ta’ produtturi jew il-produtturi individwali, li ma jkunux membri ta’ organizzazzjoni tal-produtturi jew tal-assoċjazzjonijiet tagħhom.”;
(8)fl-Artikolu 57(3), l-ewwel subparagrafu huwa sostitwit b’dan li ġej:
“L-evalwazzjoni għandha tieħu l-forma ta’ rapport fis-sena ta’ qabel tal-aħħar tal-implimentazzjoni tal-programm operattiv.”;
(9)fl-Artikolu 80 jitħassru l-paragrafi 2 u 3;
(10)L-Annessi II, III u VI ġew emendati skont l-Anness ta’ dan ir-Regolament.
Artikolu 2
Dħul fis-seħħ
Dan ir-Regolament għandu jidħol fis-seħħ fis-seba’ jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 10.2.2021
Għall-Kummissjoni
Il-President
Ursula VON DER LEYEN
ANNESS
L-Annessi II, III u VI tar-Regolament Delegat (UE) 2017/891 huma emendati kif ġej:
(1)fl-Anness II, il-punt 19 huwa sostitwit b’dan li ġej:
“19.
Investimenti jew tipi ta’ azzjonijiet simili mhux fuq l-azjendi u/jew l-istabbilimenti tal-organizzazzjoni tal-produtturi, tal-assoċjazzjoni tal-organizzazzjonijiet tal-produtturi jew tal-membri produtturi tagħhom jew ta’ kumpanija sussidjarja jew entità li tkun parti minn katina ta’ sussidjarji fis-sitwazzjoni msemmija fl-Artikolu 22(8).”;
(2)l-Anness III huwa emendat kif ġej:
(a)fil-punt 1, l-aħħar paragrafu huwa sostitwit b’dan li ġej:
“Għal kull kategorija ta’ spejjeż eliġibbli msemmija fl-ewwel paragrafu, sabiex jiġu kkalkolati l-ispejjeż addizzjonali mqabbla ma’ dawk konvenzjonali, l-Istati Membri jistgħu jistabbilixxu rati fissi standard, skali ta’ spejjeż għal kull unità jew somom f’daqqa.”;
(b)il-punt 3 huwa sostitwit b’dan li ġej:
“3.
L-ispejjeż tal-laqgħat u tal-programmi ta’ taħriġ meta dawn ikunu relatati mal-programm operattiv, inklużi l-allowances ta’ kuljum, l-ispejjeż tat-trasport u tal-akkomodazzjoni.”;
(3)L-Anness VI huwa sostitwit b’dan li ġej:
“ANNESS VI
Notifika tal-prezzijiet imsemmija fl-Artikolu 55(1)
|
Prodott
|
Tip/varjetà
|
Preżentazzjoni/daqs
|
Swieq Rappreżentattivi
|
|
Tadam
|
Tond
|
Daqs 47-102 mm, fi kwantità kbira, f’pakketti ta’ madwar 5 jew 6 kg
|
Il-Belġju
Il-Bulgarija
Il-Ġermanja
Il-Greċja
Spanja
Franza
L-Italja
L-Ungerija
In-Netherlands
Il-Polonja
Il-Portugall
Ir-Rumanija
|
|
|
Fl-għenieqed
|
Kull tip ta’ għenieqed, iżda biss jekk id-daqs medju tat-tadam individwali jkun 47 mm jew iżjed, f’pakketti ta’ 5 jew 6 kg
|
|
|
|
Speċjali/Ċirasa
|
Tadam mhux ippakkjat jew tadam fl-għenieqed, tadam speċjali, iżda biss jekk id-daqs medju tat-tadam individwali jkun inqas minn 47 mm (40 mm fil-każ tat-tadam ċirasa), f’pakketti ta’ madwar 250-500 g
|
|
|
Berquq
|
It-tipi u l-varjetajiet kollha
|
Daqs 45-50 mm
Tilari jew pakketti ta’ madwar 6-10 kg
|
Il-Bulgarija
Il-Greċja
Spanja
Franza
L-Italja
L-Ungerija
|
|
Nuċiprisk
|
Laħma bajda
|
Daqs A/B
Tilari jew pakketti ta’ madwar 6-10 kg
|
Il-Greċja
Spanja
Franza
L-Italja
|
|
|
Laħma safra
|
Daqs A/B
Tilari jew pakketti ta’ madwar 6-10 kg
|
|
|
Ħawħ
|
Laħma bajda
|
Daqs A/B
Tilari jew pakketti ta’ madwar 6-10 kg
|
Il-Greċja
Spanja
Franza
L-Italja
L-Ungerija
Il-Portugall
|
|
|
Laħma safra
|
Daqs A/B
Tilari jew pakketti ta’ madwar 6-10 kg
|
|
|
Għeneb tal-mejda
|
It-tipi u l-varjetajiet kollha biż-żerriegħa
|
Tilari jew pakketti ta’ 1 kg
|
Il-Greċja
Spanja
Franza
L-Italja
L-Ungerija
Il-Portugall
|
|
|
|
Tilari jew pakketti ta’ 1 kg
|
|
|
|
It-tipi u l-varjetajiet kollha mingħajr żerriegħa
|
|
|
|
Lanġas
|
Blanquilla
|
Daqs 55/60, pakketti ta’ madwar 5-10 kg
|
Il-Belġju
Il-Greċja
Spanja
Franza
L-Italja
L-Ungerija
In-Netherlands
Il-Polonja
Il-Portugall
|
|
|
Conference
|
Daqs 60/65+, pakketti ta’ madwar 5-10 kg
|
|
|
|
Williams
|
Daqs 65+/75+, pakketti ta’ madwar 5-10 kg
|
|
|
|
Rocha
|
|
|
|
|
Abbé Fétel
|
Daqs 70/75, pakketti ta’ madwar 5-10 kg
|
|
|
|
Kaiser
|
|
|
|
|
Doyenné du Comice
|
Daqs 75/90, pakketti ta’ madwar 5-10 kg
|
|
|
Tuffieħ
|
Braeburn
|
Daqs 65/80, pakketti ta’ madwar 5-20 kg
|
Il-Belġju
Iċ-Ċekja
Il-Ġermanja
Il-Greċja
Spanja
Franza
L-Italja
L-Ungerija
In-Netherlands
L-Awstrija
Il-Polonja
Il-Portugall
Ir-Rumanija
|
|
|
Cox orange
|
|
|
|
|
Elstar
|
|
|
|
|
Gala
|
|
|
|
|
Golden delicious
|
|
|
|
|
Jonagold (jew Jonagored)
|
|
|
|
|
Idared
|
|
|
|
|
Fuji
|
|
|
|
|
Shampion
|
|
|
|
|
Granny smith
|
|
|
|
|
Red delicious u varjetajiet ħomor oħrajn
|
|
|
|
|
Boskoop
|
|
|
|
Satsumi
|
Il-varjetajiet kollha
|
Daqsijiet 1-X -3, pakketti ta’ madwar 10-20 kg
|
Spanja
|
|
Lumi
|
Il-varjetajiet kollha
|
Daqsijiet 3-4, pakketti ta’ madwar 10-20 kg
|
Il-Greċja
Spanja
L-Italja
|
|
Klementina
|
Il-varjetajiet kollha
|
Daqsijiet 1-X -3, pakketti ta’ madwar 10-20 kg
|
Il-Greċja
Spanja
L-Italja
|
|
Mandolin
|
Il-varjetajiet kollha
|
Daqsijiet 1-2, pakketti ta’ madwar 10-20 kg
|
Il-Greċja
Spanja
L-Italja
Il-Portugall
|
|
Larinġ
|
Salustiana
|
Daqs 3-6, pakketti ta’ madwar 10-20 kg
|
Il-Greċja
Spanja
L-Italja
Il-Portugall
|
|
|
Navelinas
|
|
|
|
|
Navelate
|
|
|
|
|
Lanelate
|
|
|
|
|
Valencia late
|
|
|
|
|
Tarocco
|
|
|
|
|
Navel
|
|
|
|
Pastard
|
It-tipi u l-varjetajiet kollha
|
Daqs 16-20 cm
|
Il-Ġermanja
Spanja
Franza
L-Italja
Il-Polonja
|
|
Brunġiel
|
It-tipi u l-varjetajiet kollha
|
Daqs 40+/70+
|
Spanja
L-Italja
Ir-Rumanija
|
|
Dulliegħ
|
It-tipi u l-varjetajiet kollha
|
l-istandards tas-soltu fis-suq rappreżentattiv
|
Il-Greċja
Spanja
L-Italja
L-Ungerija
Ir-Rumanija
|
|
Bettieħ
|
It-tipi u l-varjetajiet kollha
|
l-istandards tas-soltu fis-suq rappreżentattiv
|
Il-Greċja
Spanja
Franza
L-Italja
|
”