LINJA GWIDA (UE) 2026/780 TAL-BANK ĊENTRALI EWROPEW

tal-20 ta’ Marzu 2026

li temenda l-Linja Gwida BĊE/2013/7 dwar statistika fuq investimenti f’titoli (BĊE/2026/9)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikoli 5.1, 12.1 u 14.3 tiegħu,

Wara li kkunsidra r-Regolament tal-Kunsill (KE) Nru 2533/98 tat-23 ta’ Novembru 1998 dwar il-ġbir ta’ tagħrif statistiku mill-Bank Ċentrali Ewropew (1),

Wara li kkunsidra r-Regolament (UE) Nru 1011/2012 tal-Bank Ċentrali Ewropew tas-17 ta’ Ottubru 2012 dwar statistika fuq investimenti f’titoli (BĊE/2012/24) (2),

Filwaqt li:

(1)

Ir-Regolament (UE) Nru 1011/2012 (BĊE/2012/24) jipprovdi għall-ġbir ta’ dejta titolu b’titolu fuq investimenti f’titoli. Tali tagħrif statistiku huwa meħtieġ għat-twettiq tal-kompiti tal-Eurosistema u s-Sistema Ewropea ta’ Banek Ċentrali (SEBĊ), inkluż għad-definizzjoni u l-implimentazzjoni tal-politika monetarja u biex jikkontribwixxi għat-tmexxija bla xkiel tal-politiki segwiti mill-awtoritajiet kompetenti relatati mas-superviżjoni prudenzjali tal-istituzzjonijiet ta’ kreditu u l-istabbiltà tas-sistema finanzjarja. Dan jippermetti lill-Bank Ċentrali Ewropew (BĊE) u lill-banek ċentrali nazzjonali (BĊNi) iżommu monitoraġġ u janalizzaw is-swieq finanzjarji u l-attivitajiet finanzjarji, inkluż il-mekkaniżmu ta’ trażmissjoni tal-politika monetarja fiż-żona tal-euro, għal dawn il-finijiet.

(2)

Filwaqt li dejta titolu b’titolu bħalissa qed tiġi rrapportata mill-BĊNi lill-BĊE f’livell aggregat skont il-Linja Gwida BĊE/2013/7 tal-Bank Ċentrali Ewropew (3), il-BĊE jeħtieġ tali dejta f’livell aktar granulari. B’mod partikolari, diversi avvenimenti tal-passat, bħall-kriżi finanzjarja globali, issottolinjaw l-importanza li jkun hemm informazzjoni preċiża dwar l-investimenti f’titoli f’livell diżaggregat, peress li d-dejta aggregata ma tippermettix l-identifikazzjoni ta’ riskji għall-istabbiltà finanzjarja li jirriżultaw minn mekkaniżmi ta’ kontaġju f’livell ta’ istituzzjonijiet finanzjarji individwali u klassijiet speċifiċi ta’ titoli. Din il-ħtieġa ġiet enfasizzata aktar matul il-pandemija tal-coronavirus fejn detenturi tal-istess settur irreaġġixxew b’mod differenti għall-kriżi, li ma kenitx possibbli li tiġi analizzata abbażi ta’ dejta aggregata. Dan wera wkoll l-importanza kbira tad-disponibbiltà f’waqtha tad-dejta bħala l-bażi sottostanti għat-teħid tad-deċiżjonijiet, peress li l-informazzjoni f’waqtha tippermetti lill-BĊE jżomm monitoraġġ kif xieraq tat-trażmissjoni tar-riskji mis-swieq finanzjarji li qed jinbidlu malajr għall-ekonomija reali. Barra minn hekk, dejta granulari f’livell ta’ investitur hija wkoll meħtieġa għal kompiti oħra tas-SEBĊ. B’mod partikolari, din id-dejta tiffaċilita monitoraġġ aktar preċiż tal-mekkaniżmu ta’ trażmissjoni tal-politika monetarja u l-bidliet fl-imġiba tal-investitur fil-kuntest tal-operazzjonijiet tal-politika monetarja, b’kont meħud tar-reazzjonijiet eteroġenji tal-parteċipanti tas-suq għad-deċiżjonijiet dwar il-politika monetarja osservati fi snin reċenti. Barra minn hekk, dejta individwali f’livell ta’ investitur hija kruċjali biex jinkiseb għarfien iddettaljat fl-iskoperturi għar-riskju u interkonnettività ta’ istituzzjonijiet finanzjarji, li tippermetti lill-BĊE biex jikkontribwixxi b’mod effettiv għat-tmexxija bla xkiel tal-politiki segwiti fil-qasam tas-superviżjoni prudenzjali ta’ istituzzjonijiet ta’ kreditu.

(3)

Fid-dawl ta’ dawn it-tagħlimiet meħuda matul l-aħħar snin, il-BĊE jeħtieġ mhux biss dejta titolu b’titolu, iżda wkoll dejta individwali tal-investituri bi frekwenza ogħla u tempestività iqsar. Dan se jippermetti parir politiku aktar f’waqtu u se jtejjeb il-kwalità tal-analiżi meħtieġa għat-twettiq tal-kompiti rilevanti tas-SEBĊ, pereżempju billi jtejjeb l-identifikazzjoni tal-avvenimenti u l-kawżalità fl-ekonomija u fis-swieq finanzjarji. Barra minn hekk, l-iskadenzi iqsar tar-rapportar se jiffaċilitaw b’mod sinifikanti l-allinjament tal-iskeda tal-pubblikazzjoni tad-dejta tal-Istatistika dwar l-Investimenti f’Titoli (SHS) mal-iskeda ta’ żmien preparatorja għall-proċess tat-teħid tad-deċiżjonijiet tal-Kunsill Governattiv tal-BĊE.

(4)

Dejta individwali f’livell ta’ investituri diġà tinġabar mill-BĊNi skont ir-Regolament (UE) Nru 1011/2012 (BĊE/2012/24) fuq investimenti f’titoli għal kull aġent li jirrapporta dejta settorjali, ħlief kustodji — jiġifieri għal istituzzjonijiet finanzjarji monetarji (MFIs), fondi ta’ investiment (FI), korporazzjonijiet ta’ vetturi finanzjarji involuti fi tranżazzjonijiet ta’ titolizzazzjoni (FVCs) u korporazzjonijiet tal-assigurazzjoni (ICs). Din l-informazzjoni bħalissa hija pprovduta biss lill-BĊE f’livell li huwa aggregat għas-settur rilevanti li għalih jappartjeni l-aġent li jirrapporta. Ir-rekwiżiti ta’ rapportar għall-BĊNi biex jirrapportaw lill-BĊE għandhom għalhekk jiġu emendati biex il-BĊE jkun jista’ jirċievi d-dejta f’livell ta’ investitur individwali għal kull aġent li jirrapporta dejta settorjali, ħlief kustodji, għat-twettiq tal-kompiti tas-SEBĊ. Peress li d-dejta fiha tagħrif dwar investimenti f’titoli minn aġenti għar-rapportar settorjali, li kollha huma persuni ġuridiċi, l-ebda persuna naturali ma tista tiġi identifikata direttament jew indirettament mid-dejta. Għaldaqstant dawn ir-rekwiżiti ta’ rapportar ma jippermettux għall-ġbir ta’ kwalunkwe dejta personali relatata mal-investimenti f’titoli għal kull aġent għar-rapportar ta’ dejta settorjali.

(5)

Dejta individwali f’livell ta’ investitur tista’ tinġabar ukoll mill-BĊNi fir-rigward ta’ titoli miżmuma f’kustodja minn kustodji fuq il-bażi tal-liġi nazzjonali. Il-BĊNi għandhom għalhekk jirrapportaw dan it-tagħrif lill-BĊE fl-istess livell, fejn possibbli, jew ikomplu jirrapportaw f’livell aggregat, għat-twettiq tal-kompiti tas-SEBĊ. Dan it-tagħrif statistiku jidentifika investituri individwali fir-rigward tat-titoli miżmuma f’kustodja għas-setturi kollha għajr unitajiet domestiċi. Il-Linja Gwida ma tippermettix il-ġbir ta’ kwalunkwe tagħrif relatat ma’ persuna fiżika identifikata jew identifikabbli li tgħix f’unità domestika, b’mod partikolari minħabba li mhuwiex possibbli għall-BĊNi li jirrapportaw lill-BĊE l-attribut li jiddentifika b’mod uniku d-detentur tat-titoli għal unitajiet domestiċi. Fir-rigward tal-investimenti f’titoli miżmuma f’kustodja għal entitajiet għajr unitajiet domestiċi, il-BĊNi jistgħu jirrapportaw lill-BĊE attribut li jiddentifika lid-detentur ta’ titolu u li jikkostitwixxi punt ta’ dejta ta’ referenza rreġistrat u miżmum fir-Reġistru tad-Data tal-Istituzzjonijiet u l-Affiljati (RIAD) skont il-Linja Gwida (UE) 2018/876 tal-Bank Ċentrali Ewropew (BĊE/2018/16) (4). F’każijiet fejn tali tagħrif ikun fih dejta personali, il-BĊNi għandhom jeskludu tagħrif rilevanti mit-tagħrif statistiku rrapportat lill-BĊE u, fi kwalunkwe każ, ir-regoli dwar il-protezzjoni tad-dejta stabbiliti fil-Linja Gwida (UE) 2018/876 (BĊE/2018/16), b’mod partikolari l-Artikolu 4(6), japplikaw.

(6)

Barra minn hekk, il-frekwenza tar-rapportar u l-tempestività għandhom jittejbu għall-MFIs u l-IFs meta jitqies li r-rapportar ta’ kull xahar b’tempestività iqsar għar-rapportar lill-BĊE huwa diġà meħtieġ għall-FI skont ir-Regolament (UE) 2024/1988 tal-Bank Ċentrali Ewropew (BĊE/2024/17) (5) u huwa possibbli għall-MFIs skont ir-Regolament (UE) 2021/379 tal-Bank Ċentrali Ewropew (BĊE/2021/2) (6) u r-Regolament (UE) Nru 1011/2012 (BĊE/2012/24). Fl-istess ħin, meta l-aġenti li jirrapportaw fuq bażi trimestrali skont l-implimentazzjoni nazzjonali tar-rekwiżiti ta’ rapportar skont ir-Regolament (UE) 2021/379 (BĊE/2021/2) jew ir-Regolament (UE) Nru 1011/2012 (BĊE/2012/24) jew fuq il-bażi ta’ deroga, il-BĊNi għandhom ikomplu jirrapportaw l-informazzjoni rilevanti lill-BĊE fuq dik il-bażi trimestrali. Għall-bqija tal-aġenti għar-rapportar tad-dejta settorjali, jiġifieri l-FVCs, l-ICs u l-kustodji, it-tempestività għandha tittejjeb ukoll, filwaqt li l-frekwenza meħtieġa għandha tibqa’ kull tliet xhur. Din it-tempestività iqsar hija bbażata fuq l-implimentazzjoni nazzjonali għar-rapportar tat-tagħrif statistiku rilevanti meħtieġa skont ir-Regolament (UE) Nru 1011/2012 (BĊE/2012/24), li sseħħ biżżejjed minn qabel biex jiġu ssodisfati r-rekwiżiti mtejba.

(7)

Għadd ta’ bidliet magħżula huma meħtieġa fir-rigward tar-rapportar kemm tal-valur tas-suq kif ukoll tal-valur nominali tal-azjendi biex jiġi ffaċilitat l-ipproċessar tad-dejta u l-waqfien tar-rapportar ta’ kwalità biennali wara deċiżjonijiet preċedenti ta’ prijoritizzazzjoni mill-ġdid mill-Kumitat tal-Istatistika tas-SEBĊ. Barra minn hekk, minħabba l-implimentazzjoni ta’ rapportar minn investitur għal investitur għall-MFIs, ir-rekwiżit għar-rapportar ta’ investimenti minn MFIs ta’ titoli maħruġa mid-detentur għandu jitneħħa peress li t-tagħrif rispettiv jista’ jiġi derivat abbażi tas-sett ta’ dejta tal-SHS imtejjeb ladarba d-dejta tal-investituri individwali ssir disponibbli. L-istess japplika għal ċerti attributi ta’ kunfidenzjalità li ma għandhomx għalfejn jiġu rrapportati lill-BĊE ladarba jiġi pprovdut tagħrif fil-livell ta’ detentur individwali.

(8)	Għaldaqstant, il-Linja Gwida BĊE/2013/7 għandha tiġi emendata f’dan is-sens,

ADOTTA DIN IL-LINJA GWIDA:

Artikolu 1

Emendi

Il-Linja Gwida BĊE/2013/7 hija emendata kif ġej:

(1)

fl-Artikolu 2, qed tiżdied id-definizzjoni li ġejja:

“(8)	‘livell ta’ investitur individwali’ tfisser il-livell tal-unità istituzzjonali individwali kif definit fil-paragrafi 2.12 sa 2.13 tal-Anness A għar-Regolament (UE) Nru 549/2013 tal-Parlament Ewropew u tal-Kunsill (*1).

(*1) Ir-Regolament (UE) Nru 549/2013 tal-Parlament Ewropew u tal-Kunsill tal-21 ta’ Mejju 2013 dwar is-sistema Ewropea ta’ kontijiet nazzjonali u reġjonali fl-Unjoni Ewropea (ĠU L 174, 26.6.2013, p. 1, ELI: http://data.europa.eu/eli/reg/2013/549/oj).”;"

(2)

l-Artikolu 3 huwa ssostitwit b’dan li ġej:

“Artikolu 3

Obbligi tal-BĊNi għar-rapportar ta’ investimenti f’titoli b’kodiċi ISIN għal dejta settorjali

1. Il-BĊNi għandhom jiġbru u jirrapportaw lill-BĊE tagħrif statistiku dwar investimenti f’titoli b’kodiċi ISIN miżmuma minn aġenti għar-rapportar tad-dejta, fuq bażi ta’ titolu b’titolu, skont l-iskemi ta’ rapportar fit-Tabelli 1 sa 3, Parti 1, tal-Anness I, u b’mod konformi mal-istandards ta’ rapportar elettroniku li huma stabbiliti separatament, għat-tipi ta’ strumenti li ġejjin: titoli ta’ dejn (F.31 u F.32); ishma elenkati (F.511) u ishma jew unitajiet f’fondi ta’ investiment (F.521 u F.522).

L-obbligi ta’ rapportar tal-BĊNi għandhom ikopru l-pożizzjonijiet tal-aħħar tax-xahar u tal-aħħar tat-trimestru (minn hawn ’il quddiem kollettivament imsejħa ‘tmiem il-perjodu’) imsemmija fil-paragrafi 2 u 3 u waħda minn dawn li ġejjin:

(a)	tranżazzjonijiet finanzjarji ta’ tmiem il-perjodu matul il-perjodu ta’ referenza; jew

(b)	fejn disponibbli, bidliet oħra fil-volum matul il-perjodu ta’ referenza li huma meħtieġa għad-derivazzjoni tat-tranżazzjonijiet finanzjarji, kif stabbilit fil-paragrafi 2 u 3.

Fejn it-tranżazzjonijet finanzjarji jew id-dejta neċessarja biex jiġu derivati tranżazzjonijiet finanzjarji jiġu rrapportati minn aġenti għar-rapportar tad-dejta settorjali lil BĊNi skont il-Kapitolu 1, il-Parti 1, tal-Anness 1 għar-Regolament (UE) Nru 1011/2012 (BĊE/2012/24), huma għandhom jitkejlu kif stipulat fil-Parti 3 tal-Anness II tar-Regolament (UE) Nru 1011/2012 (BĊE/2012/24).

2. Il-BĊNi għandhom jirrapportaw lill-BĊE t-tagħrif statistiku msemmi fil-paragrafu 1, fir-rigward ta’ investimenti f’titoli minn korporazzjonijiet ta’ vetturi finanzjarji involuti fi tranżazzjonijiet ta’ titolizzazzjoni (FVCs), korporazzjonijiet tal-assigurazzjoni (ICs) u titoli miżmuma f’kustodja minn kustodji, kif ġej:

(a)	il-BĊNi għandhom jirrapportaw dejta dwar pożizzjonijiet titolu b’titolu fi tmiem il-perjodu u, fejn disponibbli, bidliet oħra fil-volum li huma meħtieġa għad-derivazzjoni tat-tranżazzjonijiet;

(b)	il-BĊNi jistgħu jirrapportaw dejta dwar tranżazzjonijiet titolu b’titolu fuq bażi volontarja.

Għall-finijiet tal-punti (a) u (b), il-BĊNi jistgħu jirrapportaw fuq bażi trimestrali jew ta’ kull xahar kif ġej:

(i)	dejta trimestrali sal-għeluq tax-xogħol fit-48 jum tal-kalendarju wara t-tmiem tat-trimestru li għalih tirreferi d-dejta; jew

(ii)

dejta ta’ kull xahar kif ġej:

—	sal-għeluq tan-negozju fit-48 jum kalendarju wara tmiem ix-xahar li għalih tirreferi d-dejta fir-rigward ta’ xhur li jtemmu trimestru; u

—	sal-għeluq tan-negozju fit-63 jum kalendarju wara tmiem ix-xahar li għalih tirreferi d-dejta għad-dejta ta’ kull xahar fir-rigward ta’ xhur li ma jispiċċawx trimestru.

3. Il-BĊNi għandhom jirrapportaw lill-BĊE t-tagħrif statistiku msemmi fil-paragrafu 1, fir-rigward ta’ investimenti f’titoli minn istituzzjonijiet finanzjarji monetarji (MFIs), minbarra BĊNi, u fondi ta’ investiment (FI), fuq bażi ta’ kull xahar sal-għeluq tan-negozju fit-28 jum tax-xogħol wara t-tmiem tax-xahar li għalih tirreferi d-dejta u kif ġej:

(a)	il-BĊNi għandhom jirrapportaw dejta dwar pożizzjonijiet titolu b’titolu tal-aħħar tax-xahar u, fejn disponibbli, bidliet oħra fil-volum li huma meħtieġa għad-derivazzjoni tat-tranżazzjonijiet; u

(b)	il-BĊNi jistgħu jirrapportaw dejta dwar tranżazzjonijiet titolu b’titolu fuq bażi volontarja.

4. B’deroga mill-paragrafu 3, l-investimenti tal-MFIs u l-FI rispettivi jistgħu jiġu rrapportati fuq bażi trimestrali fejn tapplika waħda minn dawn li ġejjin:

(a)	l-implimentazzjoni nazzjonali tar-rekwiżiti ta’ rapportar stabbiliti fir-Regolament (UE) 2021/379 tal-Bank Ċentrali Ewropew (BĊE/2021/2) (*2) jew fir-Regolament (UE) Nru 1011/2012 (BĊE/2012/24) għar-rapportar fuq bażi ta’ titolu b’titolu ma tippermettix tali rapportar fuq bażi ta’ kull xahar;

(b)

l-MFIs jew il-FI ingħataw deroga mir-rekwiżit ta’ rapportar ta’ kull xahar applikabbli skont kwalunkwe waħda minn dawn li ġejjin:

(i)	l-Artikolu 9 tar-Regolament (UE) 2021/379 (BĊE/2021/2);

(ii)	l-Artikolu 10 tar-Regolament (UE) 2024/1988 tal-Bank Ċentrali Ewropew (BĊE/2024/17) (*3); jew

(iii)

l-Artikolu 4 tar-Regolament (UE) Nru 1011/2012 (BĊE/2012/24).

5. Il-BĊNi għandhom jirrapportaw it-tagħrif statistiku msemmi fil-paragrafu 1 f’livell ta’ investitur individwali għal MFIs, FI, FVCs u ICs. Meta MFIs, FI, FVCs u ICs ikunu ngħataw deroga skont l-Artikolu 4 tar-Regolament (UE) Nru 1011/2012 (BĊE/2012/24) li tippermetti li investimenti f’titoli ma jiġux irrapportati f’livell ta’ investitur individwali, il-BĊNi jistgħu jirrapportaw l-investimenti tal-aġenti għar-rapportar rispettivi f’livell aggregat.

6. Għal titoli miżmuma f’kustodja minn kustodji, il-BĊNi għandhom jirrapportaw it-tagħrif statistiku msemmi fil-paragrafu 1 kif ġej:

(a)	f’ livell ta’ investitur individwali; jew

(b)	fejn ma jkunx possibbli li jsir rapport fil-livell ta’ investitur individwali, f’livell aggregat.

(*2) Ir-Regolament (UE) 2021/379 tal-Bank Ċentrali Ewropew tat-22 ta’ Jannar 2021 dwar l-entrati tal-karta bilanċjali tal-istituzzjonijiet ta’ kreditu u tas-settur tal-istituzzjonijiet finanzjarji monetarji (BĊE/2021/2) (ĠU L 73, 3.3.2021, p. 16, ELI: http://data.europa.eu/eli/reg/2021/379/oj)."

(*3) Ir-Regolament (UE) 2024/1988 tal-Bank Ċentrali Ewropew tas-27 ta’ Ġunju 2024 dwar statistika dwar fondi ta’ investiment u li jħassar id-Deċiżjoni (UE) 2015/32 (BĊE/2014/62) (BĊE/2024/17) (BĊE/2024/17) (ĠU L, 2024/1988, 23.7.2024, ELI: http://data.europa.eu/eli/reg/2024/1988/oj).”;"

(3)

fl-Artikolu 3b, il-paragrafu 2 huwa mibdul b’li ġej:

“2. Dan li ġej għandu japplika għar-reviżjoni tad-dejta ta’ kull xahar u trimestrali:

(a)

il-BĊNi għandhom jirrapportaw reviżjonijiet regolari kif ġej:

(i)

reviżjonijiet għad-dejta ta’ kull xahar b’referenza għat-tliet xhur qabel l-aktar trimestru riċenti, li jiġu trażmessi fuq bażi trimestrali, għandhom jintbagħtu flimkien mad-dejta għall-aktar trimestru riċenti (trażmissjoni ta’ dejta regolari); reviżjonijiet għad-dejta ta’ kull xahar b’referenza għax-xahar qabel l-aktar xahar reċenti, li jiġu trażmessi fuq bażi ta’ kull xahar, għandhom jintbagħtu flimkien mad-dejta għall-aktar xahar riċenti (trażmissjoni ta’ dejta regolari);

(ii)	reviżjonijiet għal dejta trimestrali b’referenza għat-trimestru qabel l-aktar trimestru riċenti għandhom jintbagħtu flimkien mad-dejta għall-aktar trimestru riċenti (trażmissjoni ta’ dejta regolari);

(iii)

reviżjonijiet għat-tliet snin preċedenti (12-il trimestru) għandhom jintbagħtu flimkien mat-trażmissjoni ta’ dejta regolari li tirreferi għat-tielet trimestru tas-sena jew dejta ta’ kull xahar għal Settembru;

(iv)	ir-rapportar ta’ kwalunkwe reviżjoni regolari oħra li ma taqax taħt il-punti (i) sa (iii) għandu jiġu miftiehem mal-BĊE;

(b)	il-BĊNi għandhom jirrapportaw reviżjoniijet eċċezzjonali li jtejbu b’mod sinifikanti l-kwalità tad-dejta malli din tkun disponibbli u barra l-perijodi ta’ trażmissjoni regolari, soġġett għall-ftehim minn qabel mal-BĊE.

Il-BĊNi għandhom jissottomettu noti spjegattivi lill-BĊE li jfissru r-raġunijiet għal reviżjonijiet sinifikanti. Il-BĊNi jistgħu jissottomettu wkoll noti spjegattivi għal kwalunkwe reviżjoni oħra fuq bażi volontarja.”

;

(4)

l-Artikolu 4 huwa ssostitwit b’dan li ġej:

“Artikolu 4

Approċċi ta’ rapportar għal investimenti f’titoli mingħajr kodiċi ISIN għal dejta settorjali

1. Il-BĊNi jistgħu jirrapportaw lill-BĊE tagħrif statistiku li jkopri titoli mingħajr kodiċi ISIN miżmuma minn MFIs, FI, FVCs u ICs soġġetti għar-Regolament (UE) Nru 1011/2012 (BĊE/2012/24) jew miżmuma minn kustodji għal: (i) klijenti residenti mhux soġġetti għar-Regolament (UE) Nru 1011/2012 (BĊE/2012/24); (ii) klijenti mhux finanzjarji residenti fi Stati Membri oħrajn taż-żona tal-euro jew (iii) klijenti residenti fi Stati Membri mhux taż-żona tal-euro, kif definiti fir-Regolament (UE) Nru 1011/2012 (BĊE/2012/24), li ma jingħatawx deroga mir-rekwiżiti ta’ rapportar taħt ir-Regolament (UE) Nru 1011/2012 (BĊE/2012/24).

2. Il-BĊNi li jirrapportaw tagħrif statistiku skont il-paragrafu 1 għandhom jagħmlu dan skont l-Artikolu 3(2) sa (6) billi jużaw l-iskemi ta’ rapportar tat-Tabelli 1, 2 u 4, il-Parti 1, tal-Anness I, kif ukoll l-istandards ta’ rapportar elettroniċi stabbiliti separatament.

3. Il-BĊNi għandhom jirrevedu t-tagħrif statistiku msemmi fil-paragrafu 1 skont l-Artikolu 3b(2).

4. Il-BĊNi għandhom jissottomettu noti spjegattivi lill-BĊE li jfissru r-raġunijiet għal reviżjonijiet sinifikanti. Il-BĊNi jistgħu jissottomettu wkoll noti spjegattivi għal kwalunkwe reviżjoni oħra. Barra minn dan, il-BĊNi għandhom jipprovdu informazzjoni dwar riklassifikazzjonijiet sinifikanti fis-setturi tad-detentur jew fil-klassifikazzjoni tal-istrument, meta tkun disponibbli.”

;

(5)	l-Artikolu 4a huwa mħassar;

(6)

fl-Artikolu 6, il-paragrafu 2 huwa ssostitwit b’dan li ġej:

“2. Il-BĊNi għandhom jivverifikaw regolarment, tal-inqas darba fis-sena, li jiġu ssodisfati l-kundizzjonijiet stabbilit fl-Artikoli 4 u 4b tar-Regolament (UE) Nru 1011/2012 (BĊE/2012/24) għall-għoti, it-tiġdid jew l-irtirar ta’ kwalunkwe deroga.”

;

(7)	fl-Artikolu 11, il-paragrafu 3 huwa mħassar;

(8)

fl-Artikolu 11, il-paragrafu 6 huwa ssostitwit b’dan li ġej:

“6.	Data mill-Bażi ta’ Data Ċentralizzata tat-Titoli użata għal statistika dwar l-investimenti f’titoli għandha tiġi vverifikata skont il-Linja Gwida (UE) 2022/971 tal-Bank Ċentrali Ewropew (BĊE/2022/25) (*4).

(*4) Il-Linja Gwida (UE) 2022/971 tal-Bank Ċentrali Ewropew tad-19 ta’ Mejju 2022 dwar il-Bażi ta’ Data Ċentralizzati tat-Titoli u l-produzzjoni ta’ statistika dwar il-ħruġ ta’ titoli u li tħassar il-Linja Gwida BĊE/2012/21 u l-Linja Gwida (UE) 2021/834 (BĊE/2022/25) (ĠU L 166, 22.6.2022, p. 147, ELI: http://data.europa.eu/eli/guideline/2022/971/oj).”;"

(9)	l-Anness I huwa emendat skont l-Anness għal din il-Linja Gwida.

Artikolu 2

Dħul fis-seħħ u implimentazzjoni

(1) Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.

(2) Il-banek ċentrali tal-Eurosistema għandhom jikkonformaw ma’ din il-Linja Gwida mill-1 ta’ April 2027.

(3) Il-BĊNi għandhom l-ewwel jirrapportaw lill-BĊE t-tagħrif statistiku skont din il-Linja Gwida fir-rigward tad-dejta ta’ kull xahar għall-perjodu ta’ referenza April 2027 u fir-rigward tad-dejta trimestrali għall-perjodu ta’ referenza Ġunju 2027 (Q2).

Artikolu 3

Destinatarji

Din il-Linja Gwida hija indirizzata lill-banek ċentrali kollha tal-Eurosistema.

Magħmul fi Frankfurt am Main, l-20 ta’ Marzu 2026.

Għall-Kunsill Governattiv tal-BĊE

Il-President tal-BĊE

Christine LAGARDE

(1) ĠU L 318, 27.11.1998, p. 8, ELI: http://data.europa.eu/eli/reg/1998/2533/oj.

(2) ĠU L 305, 1.11.2012, p. 6, ELI: http://data.europa.eu/eli/reg/2012/1011/oj.

(3) Il-Linja Gwida BĊE/2013/7 tal-Bank Ċentrali Ewropew tat-22 ta’ Marzu 2013 dwar statistika fuq investimenti f’titoli (ĠU L 125, 7.5.2013, p. 17, ELI: http://data.europa.eu/eli/guideline/2013/215/oj).

(4) Il-Linja Gwida (UE) 2018/876 tal-Bank Ċentrali Ewropew tal-1 ta’ Ġunju 2018 dwar id-Database tar-Reġistru tal-Istituzzjonijiet u l-Affiljati (RIAD) (BĊE/2018/16) (ĠU L 154, 18.6.2018, p. 3, ELI: http://data.europa.eu/eli/guideline/2018/876/oj).

(5) Ir-Regolament (UE) 2024/1988 tal-Bank Ċentrali Ewropew tas-27 ta’ Ġunju 2024 dwar statistika dwar fondi ta’ investiment u li jħassar id-Deċiżjoni (UE) 2015/32 (BĊE/2014/62) (BĊE/2024/17) (ĠU L, 2024/1988, 23.7.2024, ELI: http://data.europa.eu/eli/reg/2024/1988/oj).

(6) Ir-Regolament (UE) 2021/379 tal-Bank Ċentrali Ewropew tat-22 ta’ Jannar 2021 dwar l-entrati tal-karta bilanċjali tal-istituzzjonijiet ta’ kreditu u tas-settur tal-istituzzjonijiet finanzjarji monetarji (BĊE/2021/2) (ĠU L 73, 3.3.2021, p. 16, ELI: http://data.europa.eu/eli/reg/2021/379/oj).

ANNESS

L-Anness I għal-Linja Gwida BĊE/2013/7 huwa emendat kif gej:

(1)

fil-Parti 1, it-Tabella 1 hija mibdula b’dan li ġej:

“Tabella 1

Informazzjoni ġenerali u noti spjegattivi

Tagħrif rapportat (1)

Attribut

Status (2)

Deskrizzjoni

1.	Tagħrif ġenerali

Istituzzjoni ta’ rapportar

Kodiċi ta’ identifikazzjoni għall-istituzzjoni li tirrapporta

Data ta’ sottomissjoni

Data meta d-dejta tintbagħat lid-Database tal-Istatistika tal-Investimenti fit-Titoli (SHSDB)

Perjodu ta’ referenza

Perijodu li għalih tirreferi d-dejta

Frekwenza tar-rapportar

Dejta trimestrali

Dejta f’waqtha ta’ kull xahar (3)

Dejta oħra ta’ kull xahar (4)

2.	Noti spjegattivi (metadata)

Trattament ta’ fidi bikri

Trattament ta’ imgħax akkumulat

(2)

fil-Parti 1, it-Tabella 2 hija mibdula b’dan li ġej:

“Tabella 2

Tagħrif dwar investimenti f’titoli

Tagħrif irrapportat (5)

Attribut

Status (6)

Deskrizzjoni

1.	Tagħrif dwar titoli

Settur tad-detentur

Settur/subsettur tal-investitur.

Korporazzjonijiet mhux finanzjarji (S.11) (7)

Korporazzjonijiet li jieħdu depożiti ħlief għal banek ċentrali (S.122)

Fondi tas-suq tal-flus (MMFs) (S.123)

Fondi ta’ investiment mhux MMF (S.124)

Korporazzjonijiet oħra finanzjarji (8) bl-esklużjoni ta’ korporazzjonijiet ta’ vetturi finanzjarji involuti fi tranżazzjonijiet ta’ titolizzazzjoni

Korporazzjonijiet ta’ vetturi finanzjarji involuti fi tranżazzjonijiet ta’ titolizzazzjoni

Korporazzjonijiet tal-assigurazzjoni (S.128)

Fondi tal-pensjoni (S.129)

Korporazzjonijiet tal-assigurazzjoni u fondi ta’ pensjonijiet (subsettur mhux identifikat) (S.128 + S.129) (perjodu tranżitorju)

Gvern ċentrali (S.1311) (rendikont volontarju)

Gvern tal-Istat (S.1312) (rendikont volontarju)

Gvern lokali (S.1313) (rendikont volontarju)

Fondi tas-sigurtà soċjali (S.1314) (rendikont volontarju)

Gvern ġenerali ieħor (subsettur mhux identifikat)

Unitajiet domestiċi bl-esklużjoni ta’ istituzzjonijiet mhux għall-profitt li jservu l-unitajiet domestiċi (S.14) (rendikont volontarju għal investituri residenti, obbligatorju għall-investimenti ta’ terzi)

Istituzzjonijiet mhux għall-profitt li jservu l-unitajiet domestiċi (S.15) (rendikont volontarju)

Unitajiet domestiċi oħrajn u istituzzjonijiet mhux għall-profitt li jservu unitajiet domestiċi (S.14 + S.15) (subsettur mhux identifikat)

Investituri mhux finanzjarji bl-esklużjoni ta’ unitajiet domestiċi (għal investimenti ta’ terzi biss) (S.11 + S.13 + S.15) (9)

Banek ċentrali u gvern ġenerali jiġu rrapportati biss għal investimenti minn pajjiżi mhux taż-żona tal-euro (S.121 + S.13) (10)

Investituri minbarra banek ċentrali u gvernijiet li għandhom jiġu rrapportati biss għal investimenti minn pajjiżi mhux taż-żona tal-euro (10)

Settur mhux magħruf (11)

Pajjiż detentur

Pajjiż ta’ residenza tal-investitur

Sors

Sors tat-tagħrif mibgħut fuq l-investimenti ta’ titoli

Rapportar dirett

Rapportar tal-kustodju

Rapportar imħallat (12)

Mhux disponibbli

Funzjoni

Funzjoni tal-investiment skont il-klassifika tal-istatistika tal-bilanċ tal-pagamenti

Investiment dirett

Investiment ta’ portafoll

Mhux speċifikat

Pożizzjonijiet

L-ammont totali tat-titoli miżmuma

Fil-valur nominali Numru ta’ ishma jew unitajiet ta’ titolu jew ammont nominali aggregat (f’munita nominali jew f’euro) jekk it-titolu jiġi nnegozjat f’ammonti pjuttost milli f’unitajiet, bl-esklużjoni ta’ imgħax akkumulat.

Fil-valur tas-suq. Ammont miżmum fil-prezz ikkwotat fis-suq tal-euro, inkluż imgħax akkumulat (10)

Pożizzjonijiet: li minnhom ammont

M (11)

Ammont ta’ titoli miżmuma mill-akbar żewġ investituri

Fil-valur nominali, skont l-istess metodu ta’ valutazzjoni bħala pożizzjonijiet

Fil-valur tas-suq, skont l-istess metodu ta’ valutazzjoni bħala pożizzjonijiet

Format

Jispeċifika l-format użat għall-pożizzjonijiet fil-valur nominali

Valur nominali f’euro jew munita rilevanti oħra

Numru ta’ ishma/unitajiet (12)

Tibdil ieħor fil-volum

Tibdil ieħor fl-ammont tat-titolu miżmum

Fil-valur nominali fl-istess format bħall-pożizzjonijiet fil-valur nominali

Fil-valur tas-suq f’euro

Tibdil ieħor fil-volum: liema ammont

M (11)

Tibdil ieħor fil-volum fl-ammont miżmum mill-akbar żewġ investituri

Fil-valur nominali, skont l-istess metodu ta’ valutazzjoni bħala pożizzjonijiet

Fil-valur tas-suq, skont l-istess metodu ta’ valutazzjoni bħala pożizzjonijiet

Tranżazzjonijiet finanzjarji

M (13)

Total tax-xiri wara t-tnaqqis tal-bejgħ ta’ titoli, irreġistrat bil-valur tat-tranżazzjoni f’euro inkluż imgħax akkumulat (10)

Tranżazzjonijiet finanzjarji: liema ammont

M (14)

Total tal-akbar żewġ tranżazzjonijiet f’termini assoluti minn detenturi individwali, skont l-istess metodu ta’ valutazzjoni bħal tranżazzjonijiet finanzjarji

Status ta’ kunfidenzjalità

M (15)

Status ta’ kunfidenzjalità għal pożizzjonijiet, tranżazzjonijiet, tibdil ieħor fil-volum

Mhux għall-pubblikazzjoni, ristretta għall-użu intern biss

Tagħrif statistiku kunfidenzjali

Mhux applikabbli (16)

DI tad-detentur

M (17)

Kodiċi standard li jidentifika b’mod uniku l-garanti (18)

Tip ta’ DI tad-detentur

M (17)

Jispeċifika t-tip ta’ kodiċi li jintuża għall-garanti

(3)	fil-Parti 1, it-Tabella 5 hija mħassra;

(4)	il-Parti 3 hija mħassra.

(1) L-istandards ta’ rapportar elettroniku huma stabbiliti separatament.

(2) M: attribut obbligatorju; V: attribut volontarju.

(3) Dan ikopri r-rapportar mill-BĊNi ta’ dejta ta’ kull xahar sal-għeluq tan-negozju fit-28 jum tax-xogħol wara t-tmiem tax-xahar li għalih tirreferi d-dejta. Dan jinkludi dejta li trid tiġi rrapportata sa din l-iskadenza, iżda wkoll dejta oħra ta’ kull xahar jekk tiġi inkluża fl-istess rapportar f’waqtu ta’ kull xahar.

(4) Dan ikopri r-rapportar mill-BĊNi ta’ dejta ta’ kull xahar sal-għeluq tan-negozju fit-48th/63 jum kalendarju wara t-tmiem tax-xahar li għalih tirreferi d-dejta kif definit fl-Artikolu 3(2). Dan irid jinkludi biss dejta ta’ kull xahar li ma tkunx parti mir-rapportar f’waqtu ta’ kull xahar.”

(5) L-istandards ta’ rapportar elettroniku huma stabbiliti separatament.

(6) M: attribut obbligatorju; V: attribut volontarju.

(7) In-numerazzjoni tal-kategoriji f’din il-Linja Gwida tirrifletti n-numerazzjoni introdotta fir-Regolament (UE) Nru 549/2013 (minn hawn’ il quddiem ‘ESA 2010’).

(8) Intermedjarji finanzjarji oħrajn (S.125) kif ukoll awżiljarji finanzjarji (S.126) flimkien ma’ istituzzjonijet finanzjarji kaptivi u selliefa tal-flus (S.127).

(9) Biss jekk is-setturi S.11, S.13 u S.15 ma jiġux irrapportati separatament.

(10) Għal dejta rrapportata minn BĊNi mhux taż-żona tal-euro, biss għal investimenti ta’ rapportar minn investituri mhux residenti.

(11) Resident tas-settur mhux allokat fil-pajjiż detentur; jiġifieri setturi mhux magħrufin ta’ pajjiżi mhux magħrufin m’għandhomx jiġu rrapportati. Il-BĊNi għandhom jinfurmaw lill-operaturi tal-SHSDB bir-raġuni għas-settur mhux magħruf, fil-każ ta’ valuri rilevanti statistikament.

(12) Biss jekk ma tistax issir distinzjoni bejn ir-rapportar dirett u dak tal-kustodju.

(10) Hija rrakkomandata l-inklużjoni tal-imgħax akkumulat, fuq bażi tal-aħjar sforz.

(11) Jekk BĊN jirrapporta l-istatus ta’ kunfidenzjalità jew id-dejta tiġi rrapportata f’livell ta’ investitur individwali, il-BĊN jista’ jagħżel li ma jirrapportax dan l-attribut. L-ammont jista’ jirreferi għall-ikbar investitur individwali, minflok għall-ikbar żewġ investituri, taħt ir-responsabbiltà tal-BĊN li qed jirrapporta.

(12) Il-BĊNi huma mħeġġa biex jirrapportaw il-valur nominali f’numru ta’ unitajiet meta t-titoli huma kkwotati f’unitajiet fil-Bażi ta’ tad-Data Ċentralizzata tat-Titoli (CSDB).

(13) Jiġu rrapportati biss jekk it-tranżazzjonijiet ma jirriżultawx minn pożizzjonijiet fl-SHSDB.

(14) Jiġu rrapportati biss għal tranżazzjonijiet miġburin minn aġenti għar-rapportar, mhux irrapportat għal tranżazzjonijiet ġejjin minn pożizzjonijiet minn BĊNi.

(15) Għandu jiġi rrapportat jekk l-ammont korrispondenti tal-akbar żewġ investituri għal pożizzjonijiet, tranżazzjonijiet, tibdil ieħor fil-volum, rispettivament, ma jkunx disponibbli/ipprovdut.

(16) Jintuża biss jekk it-tranżazzjonijiet jiġu minn pożizzjonijiet mill-BĊNi. F’dawn il-każijiet l-istatus tal-kunfidenzjalità jiġi mill-SHSDB, jiġifieri jekk il-pożizzjonijiet inizjali u/jew finali ikunu kunfidenzjali, it-tranżazzjoni riżultanti tiġi mmarkata bħala kunfidenzjali.

(17) Attribut obbligatorju għal MFIs, FI, FVCs u ICs. Mhux obbligatorju għal dawk l-MFIs, FI, FVCs u ICs li ngħataw deroga skont l-Artikolu 4 tar-Regolament (UE) Nru 1011/2012 (BĊE/2012/24) li tippermetti li investimenti f’titoli ma jiġux irrapportati f’livell ta’ investitur individwali. Attribut obbligatorju għal titoli miżmuma f’kustodja minn kustodji għar-rapportar f’livell ta’ investitur individwali. L-attribut ma għandux jiġi rrapportat għall-unitajiet domestiċi jew entitajiet li mhumiex persuni ġuridiċi.

(18) Il-kodiċi tar-Reġistru tad-Data tal-Istituzzjonijiet u l-Affiljati (RIAD) li għandu jintuża.”;