|
(1)
|
l-entrati li ġejjin jiżdiedu taħt l-intestatura “A. Persuni fiżiċi”:
|
|
Isem
|
Informazzjoni ta’ identifikazzjoni
|
Dikjarazzjoni tar-Raġunijiet
|
Data tal-elenkar
|
|
“39.
|
Andrey Yuryevich ROMANCHENKO
bir-Russu: Андрей Юрьевич РОМАНЧЕНКО
|
Funzjoni: Direttur Ġenerali tal-Intrapriża tal-Istat Federali ‘Russian Television and Radio Broadcasting Network’ (RTRS)
Data tat-twelid: 16.10.1960
Post tat-twelid: Moscow, Russian SSR (now Russian Federation)
Nazzjonalità: Russa
Sess: raġel
Identità tat-Taxxa Russa (ИНН): 771515786260
|
Andrey Yuryevich Romanchenko huwa d-Direttur Ġenerali tal-Intrapriża tal-Istat Federali ‘Russian Television and Radio Broadcasting Network’ (RTRS), intrapriża federali Russa unitarja bi skop ta’ qligħ ta’ sinifikat strateġiku, li topera infrastruttura terrestri tax-xandir tar-radju u t-televiżjoni fir-Russja. Romanchenko, li nħatar Direttur Ġenerali mill-President Russu, jidderieġi l-RTRS, li għandha rwol dirett fl-implimentazzjoni tal-politiki attribwibbli lill-Gvern tal-Federazzjoni Russa billi tipprovdi l-infrastruttura u l-kapaċitajiet tekniċi għat-trażmissjoni tal-hekk imsejħa ‘Stazzjonijiet tat-televiżjoni u r-radju obbligatorji għar-Russja kollha disponibbli għall-pubbliku’ bħal Pervyi Kanal jew Rossiya 24 li jxerrdu l-propaganda tal-istat Russu.
Taħt it-tmexxija ta’ Romanchenko, l-RTRS kellha rwol ewlieni fis-sostituzzjoni effettiva tas-sistemi tax-xandir Ukreni antiki fir-reġjuni okkupati b’network li jittrażmetti kontenut approvat mill-Gvern tal-Federazzjoni Russa maħsub biex irażżan id-dissens, jallinja l-popolazzjoni lokali mal-politiki Russi u jiddelega l-governanza tal-Ukrajna fit-territorji okkupati. Dan jimmina direttament il-kapaċità tal-popolazzjonijiet lokali li jaċċessaw informazzjoni diversa u indipendenti. L-espansjoni tal-operazzjonijiet tal-RTRS fit-territorji okkupati hija ffaċilitata mill-Gvern tal-Federazzjoni Russa li jagħti lill-RTRS id-dritt esklussiv li tistabbilixxi infrastruttura ta’ trażmissjoni fit-territorji okkupati. Billi jissorvelja u jidderieġi dawn l-operazzjonijiet, Romanchenko jiffaċilita b’mod attiv l-imblukkar tal-aċċess għal informazzjoni diversa u indipendenti, u b’hekk jassumi r-responsabbiltà għall-użu tal-manipulazzjoni tal-informazzjoni.
Għalhekk, Romanchenko, bħala l-kap tal-RTRS, jibbenefika minn u jimplimenta politiki attribwibbli lill-Gvern tal-Federazzjoni Russa li jdgħajfu jew jheddu d-demokrazija u l-istabbiltà fl-Ukrajna, u li jdgħajfu s-sovranità u l-indipendenza tal-Ukrajna, bl-involviment fi jew inkella bil-faċilitazzjoni tal-użu tal-manipulazzjoni tal-informazzjoni u l-interferenza.
|
15.7.2025
|
|
40.
|
Vladimir NAIDENOV
bir-Russu: Владимир НАЙДЕНОВ
|
Funzjoni: Direttur tad-Dipartiment għall-Koordinazzjoni tal-Iżvilupp tal-Infrastruttura tal-Komunikazzjoni fit-Territorji Ġodda tal-Intrapriża tal-Istat Federali ‘Russian Television and Radio Broadcasting Network’ (RTRS)
Sess: raġel
Nazzjonalità: Russa
|
Vladimir Naidenov huwa d-Direttur tad-Dipartiment għall-Koordinazzjoni tal-Iżvilupp tal-Infrastruttura tal-Komunikazzjoni fit-Territorji l-Ġodda tal-Intrapriża tal-Istat Federali ‘Russian Television and Radio Broadcasting Network’ (RTRS), intrapriża federali Russa unitarja bi skop ta’ qligħ ta’ sinifikat strateġiku, li topera infrastruttura terrestri tax-xandir tar-radju u t-televiżjoni fir-Russja. Vladimir Naidenov, huwa subordinat għad-Direttur Ġenerali tal-RTRS Andrey Yuryevich Romanchenko, li jmexxi l-RTRS u għandu rwol dirett fl-implimentazzjoni tal-politiki attribwibbli lill-Gvern tal-Federazzjoni Russa. RTRS tipprovdi infrastruttura u kapaċitajiet tekniċi għat-trażmissjoni tal-hekk imsejħa ‘Stazzjonijiet tat-televiżjoni u r-radju obbligatorji għar-Russja kollha disponibbli għall-pubbliku’ bħal Pervyi Kanal jew Rossiya 24 li jxerrdu l-propaganda tal-istat Russu.
Fil-pożizzjoni tiegħu fi ħdan l-RTRS, Vladimir Naidenov, għad għandu rwol ewlieni fis-sostituzzjoni effettiva tas-sistemi tax-xandir Ukreni antiki fir-reġjuni okkupati b’network li jittrażmetti kontenut approvat mill-Gvern tal-Federazzjoni Russa maħsub biex irażżan id-dissens, jallinja l-popolazzjoni lokali mal-politiki Russi u jiddelega l-governanza tal-Ukrajna fit-territorji okkupati. Dan jimmina direttament il-kapaċità tal-popolazzjonijiet lokali li jaċċessaw informazzjoni diversa u indipendenti. L-espansjoni tal-operazzjonijiet tal-RTRS fir-reġjuni okkupati hija ffaċilitata mill-Gvern tal-Federazzjoni Russa li jagħti lill-RTRS id-dritt li tistabbilixxi infrastruttura ta’ trażmissjoni hemmhekk.
Għalhekk, Vladimir Naidenov, bħala d-Direttur tad-Dipartiment għall-Koordinazzjoni tal-Iżvilupp tal-Infrastruttura tal-Komunikazzjoni fit-Territorji l-Ġodda fl-RTRS, jiffaċilita t-tfixkil tal-aċċess għal informazzjoni diversa u indipendenti billi jikkoordina l-iżvilupp tal-infrastruttura tal-RTRS fit-territorji okkupati tal-Ukrajna u b’hekk jimplimenta politiki attribwibbli lill-Gvern tal-Federazzjoni Russa li jdgħajfu jew jheddu d-demokrazija u l-istabbiltà fl-Ukrajna, u li jdgħajfu s-sovranità u l-indipendenza tal-Ukrajna, bl-involviment fi jew inkella bil-faċilitazzjoni tal-użu tal-manipulazzjoni tal-informazzjoni u l-interferenza.
|
15.7.2025
|
|
41.
|
Dmitri BUIMISTRU
|
Funzjoni: Preżentatur tat-TV, attur; blogger
Data tat-twelid: 26.11.1992
Post tat-twelid: Chișinău, Republic of Moldova
Nazzjonalità: Moldovana
Sess: raġel
|
Dmitri Buimistru intenzjonalment jinvolvi ruħu f’manipulazzjoni u interferenza kkoordinati tal-informazzjoni billi jopera bħala propagandist ewlieni fuq MD24, stazzjon televiżiv online bbażat fir-Russja maħluq minn Ilan Shor wara l-irtirar tal-liċenzja mill-istazzjonijiet preċedenti tiegħu għat-tixrid tad-diżinformazzjoni Russa. Għal dak l-għan, Buimistru deliberatament ixerred pretensjonijiet foloz b’mod dimostrabbli esposti b’mod sistematiku minn verifikaturi tal-fatti indipendenti rigward li n-NATO qed tiġbed lill-Moldova f’kunflitt, dwar ir-revoka imminenti tan-newtralità kostituzzjonali, ir-‘Romanizzazzjoni’ tal-istituzzjonijiet, rappreżentazzjoni ingannevoli tal-implikazzjonijiet kostituzzjonali tar-referendum tal-UE, u statistika ffabrikata dwar il-kummerċ.
Barra minn hekk, il-parteċipazzjoni tiegħu f’kampanji sinkronizzati ta’ diżinformazzjoni fuq diversi pjattaformi hija evidenzjata mill-iskandlu tat-tagħmir ta’ sorveljanza tal-ambaxxata Russa ta’ Lulju 2023, fejn il-messaġġi tiegħu kienu kkoordinati perfettament ma’ aġenziji oħra favur il-Kremlin, li juri orkestrazzjoni ċentralizzata. Barra minn hekk, il-proġett ‘SOSEDI’ ta’ Buimistru ġie identifikat bħala għodda ewlenija f’operazzjoni usa’ ta’ influwenza esterna. Il-promozzjoni sistematika tiegħu ta’ sorsi oħra ta’ informazzjoni favur ir-Russja u l-użu ta’ tattiċi ta’ messaġġi konsistenti mfassla speċifikament biex jimminaw is-sovranità, l-integrazzjoni Ewropea, u l-proċessi demokratiċi tal-Moldova jkomplu jikkonfermaw l-impenn intenzjonat tiegħu fil-manipulazzjoni tal-informazzjoni kkoordinata bil-ħsieb li jservi l-interessi Russi ta’ destabbilizzazzjoni fil-Moldova.
Għalhekk, Dmitri Buimistru huwa responsabbli għal, qed jimplimenta u jappoġġa azzjonijiet u politiki attribwibbli għal-Gvern tal-Federazzjoni Russa li jdgħajfu jew jheddu l-istabbiltà f’pajjiż terz billi jinvolvi ruħu, direttament jew indirettament, fl-użu ta’ manipulazzjoni u interferenza kkoordinati tal-informazzjoni.
|
15.7.2025
|
|
42.
|
Veaceslav VALICO
|
Funzjoni: Attivist
Data tat-twelid: 10.8.1977
Post tat-twelid: Chișinău, Republic of Moldova
Nazzjonalità: Moldovana
Sess: raġel
|
Veaceslav Valico pparteċipa, flimkien ma’ Anatolii Prizenko, persuna fiżika elenkata mill-Unjoni, fl-operazzjoni ta’ destabbilizzazzjoni Russa li tikkonċerna l-pittura tal-iStar ta’ David fit-toroq ta’ Pariġi wara l-attakk tal-Ħamas tas-7 ta’ Ottubru 2023 fuq Iżrael għal kumpens finanzjarju u sabiex jinħolqu tensjonijiet fis-soċjetà Franċiża.
Barra minn hekk, Veaceslav Valico huwa involut fit-tixrid sistematiku tad-diżinformazzjoni fir-Repubblika tal-Moldova u fl-Ukrajna, bħala parti mill-attivitajiet ibridi malizzjużi tal-Federazzjoni Russa.
Barra minn hekk, Veaceslav Valico huwa assoċjat ma’ Anatolii Prizenko, li huwa individwu elenkat mill-Unjoni. L-assoċjazzjoni tagħhom ilha minn qabel il-kollaborazzjoni tagħhom fl-inċident ta’ Pariġi.
Għalhekk, Veaceslav Vlaico huwa responsabbli għall-implimentazzjoni u l-appoġġ ta’ azzjonijiet u politiki attribwibbli lill-Gvern tal-Federazzjoni Russa li jdgħajfu jew jheddu l-istabbiltà fi Stat Membru u għaldaqstant, fl-Unjoni, u f’pajjiżi terzi, billi jippjana, jidderieġi, jew jinvolvi ruħu, direttament jew indirettament fl-użu ta’ manipulazzjoni u interferenza kkoordinati tal-informazzjoni.
|
15.7.2025
|
|
43.
|
Simeon BOIKOV
|
Funzjoni: Blogger favur ir-Russja
Data tat-twelid: 15.2.1990
Post tat-twelid: Sydney, Awstralja
Sess: raġel
Nazzjonalità: Awstraljana/Russa
|
Simeon Boikov huwa attivist Awstraljan favur ir-Russja magħruf bil-psewdonimu ‘Aussie Cossack.’ Huwa rikonoxxut għat-tixrid ta’ narrattivi favur il-Kremlin u miżinformazzjoni, b’mod partikolari rigward il-pandemija tal-COVID-19 u l-invażjoni Russa tal-Ukrajna. Boikov ġie implikat ukoll fit-tixrid tad-diżinformazzjoni relatata mal-elezzjoni presidenzjali tal-Istati Uniti tal-2024, b’mod partikolari billi ħallas lil influwenzatur Amerikan biex ixandar filmat iffabbrikat ta’ Storm-1516 li juri b’mod falz il-frodi tal-votanti fil-Georgia.
Għalhekk, Simeon Boikov huwa responsabbli għal, qed jimplimenta u jappoġġa azzjonijiet u politiki attribwibbli lill-Gvern tal-Federazzjoni Russa li jdgħajfu jew jheddu d-demokrazija, l-istat tad-dritt, l-istabbiltà u s-sigurtà fl-Unjoni jew f’pajjiżi terzi, billi jippjana, jidderieġi, jinvolvi ruħu direttament jew indirettament fi, jappoġġa jew inkella jiffaċilita l-użu ta’ manipulazzjoni u interferenza kkoordinati tal-informazzjoni.
|
15.7.2025
|
|
44.
|
Vitaly KULIKOV
(bir-Russu: Виталий КУЛИКОВ)
|
Funzjoni: Logutenent Kurunell fil-militar Russu, li jmexxi l-Electronic Warfare (EW) center of the Baltic Fleet
Nazzjonalità: Russa
Sess: raġel
|
Il-Logutenent Kurunell Vitaly Kulikov huwa l-kmandant tal-Electroni Warfare (EW) center tal-Flotta tal-Baltiku magħruf ukoll bħala l-841st Separate Electronic Warfare Center. Vitaly Kulikov jissorvelja l-eżerċizzji tat-truppi tiegħu tal-EW fir-reġjun ta’ Kaliningrad.
Irriżulta li l-problemi tas-sinjali tal-GPS f’bosta pajjiżi Ewropej ġejjin minn attivitajiet ta’ gwerra elettronika minn Kaliningrad, inkluż disturbazzjoni u ‘spoofing’ ta’ sinjali tal-GPS li jaffettwaw l-aktar lill-Istati Baltiċi. Dawn l-attivitajiet fixklu l-avjazzjoni ċivili.
Iċ-Ċentru EW tal-Flotta tal-Baltiku, taħt il-kmand ta’ Kulikov, irċieva tagħmir ta’ disturbazzjoni u wettaq eżerċizzji bl-użu ta’ sistemi avvanzati li kapaċi jfixklu l-komunikazzjoni f’żoni kbar u huwa involut ukoll fl-ippjanar, l-appoġġ u l-eżekuzzjoni ta’ manipulazzjoni tal-informazzjoni u interferenza fiha kkoordinati li għandhom impatt fuq l-Istati Membri tal-Unjoni.
Għalhekk, Vitaly Kulikov huwa responsabbli għall-ippjanar, id-direzzjoni, l-involviment fi, direttament jew indirettament, l-appoġġ jew il-faċilitazzjoni b’xi mod ieħor tal-użu ta’ manipulazzjoni u interferenza kkoordinati tal-informazzjoni li jaffettwaw direttament lill-Istati Membri tal-Unjoni.
|
15.7.2025
|
|
45.
|
Yuri Illarionovich LASTOCHKIN
(bir-Russu: Юрий Илларионович ЛАСТОЧКИН
bl-Ukren: Юрій Iлларіонович ЛАСТОЧКIН)
|
Funzjoni: Uffiċjal tal-Ministeru għad-Difiża tal-Federazzjoni Russa; Mexxej Militari; Maġġur Ġeneral/Logutenent Ġeneral; Kap tal-Forzi tal-Gwerra Elettronika tal-Federazzjoni Russa/kap tar-Radio-Electronic Warfare (REB) force tal-Ministeru għad-Difiża tar-Russja
Data tat-twelid: 18.8.1967
Post tat-twelid: Rzhavka, Mogilev region, Belarusian SSR (now Belarus)
Nazzjonalità: Russa
Sess: raġel
|
Il-Logutenent Ġeneral Yuri Lastochkin huwa l-kap tal-Forzi tal-Gwerra Elettronika (EW) tal-Federazzjoni Russa. Yuri Lastochkin jissorvelja l-azzjonijiet u l-eżerċizzji tat-truppi tal-EW tar-Russja, inkluż dawk tal-841st Separate EW center fir-reġjun ta’ Kaliningrad.
Dan l-aħħar, irriżulta li l-problemi tas-sinjali tal-GPS f’bosta pajjiżi Ewropej ġejjin minn attivitajiet ta’ gwerra elettronika minn Kaliningrad, inkluż disturbazzjoni u ‘spoofing’ ta’ sinjali tal-GPS li jaffettwaw l-aktar lill-Istati Baltiċi. Dawn l-attivitajiet fixklu l-avjazzjoni ċivili.
L-841st Separate EW center fir-reġjun ta’ Kaliningrad, taħt il-kmand ta’ Kastochkin, irċieva tagħmir ta’ disturbazzjoni u wettaq eżerċizzji bl-użu ta’ sistemi avvanzati li kapaċi jfixklu l-komunikazzjoni f’żoni kbar; huwa involut ukoll fl-ippjanar, l-appoġġ u l-eżekuzzjoni ta’ manipulazzjoni u interferenza kkoordinati tal-informazzjoni li jħallu impatt fuq l-Istati Membri tal-Unjoni.
Għalhekk, Y. I. Lastochkin huwa responsabbli għall-ippjanar, id-direzzjoni, l-involviment fi, direttament jew indirettament, l-appoġġ jew il-faċilitazzjoni b’xi mod ieħor tal-użu ta’ manipulazzjoni u interferenza kkoordinati tal-informazzjoni li jaffettwaw direttament lill-Istati Membri tal-Unjoni.
|
15.7.2025
|
|
46.
|
Yevgeny Shevchenko
(bir-Russu: Евгений ШЕВЧЕНКО)
|
Funzjoni: Fundatur ta’ TigerWeb
Nazzjonalità: Russa
Sess: raġel
Numru ta’ identifikazzjoni tat-taxxa: 910202780107
|
Yevgeny Shevchenko huwa żviluppatur tal-web li għal ħafna snin speċjalizza fil-ħolqien ta’ siti web. Huwa l-fundatur ta’ Tigerweb, il-kumpanija web li tmexxi s-sett ta’ manipulazzjoni tal-informazzjoni ‘Portal Kombat’ li jxerred kontenut favur ir-Russja u jqiegħed fil-mira diversi pajjiżi tal-Punent inkluż Franza fuq diversi hekk imsejħa ‘portali ta’ informazzjoni’. Għalhekk, huwa responsabbli għal, qed jimplimenta u jappoġġa azzjonijiet jew politiki attribwibbli lill-Gvern tal-Federazzjoni Russa li jheddu l-istabbiltà u s-sigurtà fl-Unjoni jew f’wieħed jew aktar mill-Istati Membri tagħha billi jinvolvi ruħu jew inkella jiffaċilita l-użu ta’ manipulazzjoni u interferenza kkoordinati tal-informazzjoni.
|
15.7.2025
|
|
47
|
Aleksey Nikolayevich SHAVROV
(bir-Russu: Алексей Николаевич ШАВРОВ)
magħruf ukoll bħala Andrey PETROV
(bir-Russu: Андрей ПЕТРОВ)
|
Funzjoni: Uffiċjal tal-Intelligence Militari tad-Direttorat Ewlieni tal-Istat Maġġur tal-Forzi Armati tal-Federazzjoni Russa (GRU)
Data tat-twelid: 12.12.1989
Nazzjonalità: Russa
Sess: raġel
|
Aleksey Shavrov huwa uffiċjal tal-GRU involut f’operazzjonijiet ta’ influwenza Russi diretti biex jiddestabbilizzaw l-Unjoni u l-Istati Membri tagħha. L-attivitajiet malizzjużi ta’ Aleksey Shavrov jinkludu kampanji ta’ manipulazzjoni tal-informazzjoni u ta’ diżinformazzjoni fir-Repubblika Ċeka u fi Stati Membri oħra tal-Unjoni. Permezz tal-assoċjat moħbi tiegħu, Natallia Sudliankova, Aleksey Shavrov iwettaq kampanji ta’ influwenza, inkluż billi jorganizza t-tixrid ta’ artikli mfassla apposta f’diversi aġenziji tax-xandir Ewropej. Narrattivi qarrieqa jew kompletament foloz għandhom l-għan li jappoġġaw l-interessi tal-politika barranija tal-Federazzjoni Russa u jxerrdu l-influwenza tagħha. Barra minn hekk, il-kontenut huwa mfassal biex ikompli jimmina l-fiduċja pubblika fil-valuri u l-proċessi tal-Unjoni, id-demokrazija u l-koeżjoni tal-Unjoni. L-artikli fihom ukoll narrattivi manipulattivi speċifiċi kontra n-NATO, kontra l-Ukrajna u kontra l-NGOs. Aleksey Shavrov ta struzzjonijiet lil Natalia Sudliankova biex ixxerred u tiddissemina dawk il-messaġġi diviżivi permezz tal-media biex tamplifika l-kontenut polarizzanti tagħhom. Aleksey Shavrov ipprovda benefiċċji finanzjarji għat-twettiq tal-kompiti u għall-pubblikazzjoni ta’ dawk il-kampanji tal-media favur ir-Russja mfassla apposta.
Għalhekk, Aleksey Shavrov qed jimplimenta azzjonijiet jew politiki attribwibbli lill-Gvern tal-Federazzjoni Russa li jdgħajfu jew jheddu l-istabbiltà jew is-sigurtà fl-Unjoni jew f’pajjiżi terzi billi jippjana u jidderieġi l-użu ta’ manipulazzjoni u interferenza kkoordinati tal-informazzjoni.
|
15.7.2025”;
|
|
