ANNESS

L-Anness I tar-Regolament (KE) Nru 765/2006 huwa emendat kif ġej:

(1)

Tabella “A. Persuni fiżiċi msemmija fl-Artikoli 2(1)” hija emendata kif ġej:

(a)

l-entrata duplikata li ġejja titħassar:

“251.

Iryna Vladimirovna PADKAVYRAVA”;

(b)

l-entrata li tikkonċerna l-persuna deċeduta li ġejja titħassar:

“30.	Uladzimir Viktaravich KALACH”;

(c)

l-entrati 26, 108, 112, 125, 166, 195, 196, 258, 260, 261 huma sostitwiti b’dan li ġej:

Ismijiet (Trażlitterazzjoni tal-ortografija Belarussa) (Trażlitterazzjoni tal-ortografija Russa)

Ismijiet (Ortografija Belarussa) (Ortografija Russa)

Informazzjoni ta’ identifikazzjoni

Raġunijiet għall-elenkar

Data tal-elenkar

“26.

Ivan Yurievich SAKALOUSKI

Ivan Yurievich SOKOLOVSKI

Iван Юр’евіч САКАЛОЎСКI

Иван Юрьевич СОКОЛОВСКИЙ

Pożizzjoni(jiet): Direttur taċ-ċentru ta’ detenzjoni f’Akrestina, Minsk

Data tat-twelid: 17.11.1979

Sess: raġel

Fil-kapaċità tiegħu bħala Direttur taċ-ċentru ta’ detenzjoni f’Akrestina f’Minsk, Ivan Sakalouski huwa responsabbli għat-trattament inuman u degradanti, inkluż it-tortura, imwettaq fuq ċittadini detenuti f’dak iċ-ċentru ta’ detenzjoni wara l-elezzjoni presidenzjali tal-2020.

2.10.2020

108.

Sviatlana, Anatoleuna LYUBETSKAYA

Svetlana Anatolevna LYUBETSKAYA

Святлана Анатольеўна ЛЮБЕЦКАЯ

Светлана Анатольевна ЛЮБЕЦКАЯ

Pożizzjoni(jiet): Imħallef fil-Qorti Kostituzzjonali tal-Belarussja, eks Membru tal-Kamra tar-Rappreżentanti tal-Assemblea Nazzjonali tar-Repubblika tal-Belarussja, eks President tal-Kummissjoni Permanenti dwar il-Liġi

Data tat-twelid: 3.6.1971

Post tat-twelid: Unjoni Sovjetika (illum l-Ukrajna)

Sess: mara

Nazzjonalità: Belarussa

Fil-pożizzjoni preċedenti tagħha bħala President tal-Kummissjoni Parlamentari dwar il-Liġi, Sviatlana Lyubetskaya kienet responsabbli għall-adozzjoni tal-Kodiċi ta’ Ksur Amministrattiv ġdid (daħal fis-seħħ fl-1 ta’ Marzu 2021) li jawtorizza arresti arbitrarji u impona aktar responsabbiltà għall-parteċipazzjoni f’avvenimenti tal-massa, inkluż għat-turija ta’ simboli politiċi. Permezz ta’ dawn l-attivitajiet leġiżlattivi, hija responsabbli għal ksur serju tad-drittijiet tal-bniedem, inkluż id-dritt ta’ għaqda paċifika, u għar-repressjoni tas-soċjetà ċivili u tal-oppożizzjoni demokratika. Dawn l-attivitajiet leġiżlattivi jdgħajfu serjament ukoll id-demokrazija u l-istat tad-dritt fil-Belarussja.

Hija għadha attiva fir-reġim ta’ Lukashenko bħala imħallef fil-Qorti Kostituzzjonali, maħtura minn Alexander Lukashenko.

21.6.2021

112.

Siarhei Aliaksandravich GUSACHENKA

Sergey Alexandrovich GUSACHENKO

Сяргей Аляксандравiч ГУСАЧЭНКА

Сергей Александрович ГУСАЧЕНКО

Pożizzjoni(jiet): L-Ewwel Viċi President tal-Kumpanija Nazzjonali tat-Televiżjoni u r-Radju tal-Istat (Belteleradio Company)

Data tat-twelid: 5.11.1983

Post tat-twelid: Minsk, Unjoni Sovjetika (illum il-Belarussja)

Sess: raġel

Nazzjonalità: Belarussu

Tel. (uffiċċju): + 375 (17) 369-90-15

Fil-pożizzjoni tiegħu bħala l-Ewwel Viċi President ta’ Belteleradio Company (il-Kumpanija Nazzjonali tat-Televiżjoni u r-Radju tal-Istat), awtur u preżentatur tal-programm televiżiv ta’ propaganda ta’ kull ġimgħa ‘Glavnyy efir’, Siarhei Gusachenka kien u għadu intenzjonalment jipprovdi lill-pubbliku Belarussu informazzjoni falza dwar ir-riżultat tal-elezzjonijiet, il-protesti, ir-repressjonijiet imwettqa mill-awtoritajiet tal-istat u l-attivitajiet tar-reġim ta’ Lukashenka li jiffaċilitaw il-qsim illegali tal-fruntieri esterni tal-Unjoni. Huwa direttament responsabbli għall-mod kif it-televiżjoni tal-istat jippreżenta l-informazzjoni dwar is-sitwazzjoni fil-pajjiż, u b’hekk jagħti appoġġ lill-awtoritajiet, inkluż lil Lukashenka.

Huwa għalhekk qed jappoġġa r-reġim ta’ Lukashenka.

21.6.2021

125.

Mikhail Saferbakovich GUTSERIEV

Микаил (Михаил) Сафарбекович ГУЦЕРИЕВ

Pożizzjoni(jiet): Negozjant, azzjonist u president tal-bord ta’ eżekuttivi ta’ Slavkali, president tal-bord tad-diretturi u azzjonist ta’: JSC Mospromstroi, Industrial Financial Group Safmar JSC, LLC Proekt Grad

Membru tal-bord tad-diretturi u azzjonist ta’ JSC NKNeftisa

Data tat-twelid: 9.3.1958

Post tat-twelid: Akmolinsk, Unjoni Sovjetika (illum il-Każakistan)

Sess: raġel

Nazzjonalità: Russu

Mikhail Gutseriev huwa negozjant prominenti Russu, b’interessi kummerċjali fil-Belarussja fis-setturi tal-enerġija, tal-potassa, tal-ospitalità u oħrajn. Huwa ilu żmien twil konoxxenza ta’ Aliaksandr Lukashenka u bis-saħħa ta’ dik l-assoċjazzjoni akkumula ġid u influwenza sinifikanti fost l-elit politiku fil-Belarussja. Safmar, kumpanija li kienet ikkontrollata minn Gutseriev, kienet l-unika ditta taż-żejt Russa li kompliet tforni ż-żejt lir-raffineriji Belarussi waqt il-kriżi tal-enerġija bejn il-Belarussja u r-Russja fil-bidu tal-2020.

Gutseriev appoġġa wkoll lil Lukashenka f’tilwim mar-Russja dwar il-kunsinni taż-żejt. Gutseriev kien il-president tal-bord tad-diretturi u azzjonist fil-kumpanija Slavkali, li qed tibni l-impjant ta’ Nezhinsky għat-tħaffir u l-ipproċessar tal-klorur tal-potassju bbażat fuq id-depożitu ta’ melħ potassiku ta’ Starobinsky qrib Lyuban. Dan huwa l-akbar investiment fil-Belarussja, b’valur ta’ USD 2 biljun. Lukashenka wiegħed li jibdel l-isem tal-belt ta’ Lyuban għal ‘Gutserievsk’ biex jagħtih ġieħ.

In-negozji l-oħrajn tiegħu fil-Belarussja inkludew stazzjonijiet tal-fjuwil u mħażen taż-żejt, lukanda, ċentru tan-negozju u terminal tal-ajruport f’Minsk. Lukashenka rringrazzja wkoll lil Gutseriev għall-kontribuzzjonijiet finanzjarji tiegħu għall-karità u l-investimenti ta’ valur ta’ biljuni ta’ dollari fil-Belarussja.

Gutseriev ddikjara wkoll li huwa s-sid ta’ residenza, li de facto tappartjeni lil Lukashenka, u b’hekk għattielu meta l-ġurnalisti bdew jinvestigaw l-assi ta’ Lukashenka. Gutseriev attenda l-inawgurazzjoni sigrieta ta’ Lukashenka fit-23 ta’ Settembru 2020. F’Ottubru 2020, Lukashenka u Gutseriev it-tnejn dehru fil-ftuħ ta’ knisja ortodossa, li dan tal-aħħar sponsorja.

Gutseriev assista fl-akkwist tal-iskanners tas-CT għall-Belarussja matul il-kriżi tal-COVID-19. Għaldaqstant Mikhail Gutseriev qed jibbenefika mir-reġim ta’ Lukashenka u jappoġġah.

21.6.2021

166.

Aleh Siarheevich HAIDUKEVICH

Oleg Sergeevich GAIDUKEVICH

Алег Сяргеевіч ГАЙДУКЕВIЧ

Олег Сергеевич ГАЙДУКЕВИЧ

Pożizzjoni(jiet): Viċi President tal-Kumitat Permanenti għall-Affarijiet Internazzjonali fil-Kamra tar-Rappreżentanti tal-Assemblea Nazzjonali, membru tad-delegazzjoni tal-Assemblea Nazzjonali għall-kuntatti mal-Assemblea Parlamentari tal-Kunsill tal-Ewropa, President tal-Partit Demokratiku Liberali tal-Belarussja

Data tat-twelid: 26.3.1977

Post tat-twelid: Minsk, Unjoni Sovjetika (illum il-Belarussja)

Sess: raġel

Nazzjonalità: Belarussu

Identifikazzjoni personali: 3260377A081PB9

Numru tal-passaport: MP2663333

Aleh Haidukevich huwa l-Viċi President tal-Kumitat Permanenti għall-Affarijiet Internazzjonali fil-Kamra tar-Rappreżentanti tal-Assemblea Nazzjonali, u membru tad-delegazzjoni tal-Assemblea Nazzjonali għall-kuntatti mal-Assemblea Parlamentari tal-Kunsill tal-Ewropa. Huwa għamel dikjarazzjonijiet pubbliċi, fejn faħħar id-devjazzjoni tat-titjira tal-passiġġieri FR4978 lejn Minsk fit-23 ta’ Mejju 2021. Din id-deċiżjoni politikament motivata ttieħdet mingħajr ġustifikazzjoni xierqa u kellha l-għan tal-arrest u d-detenzjoni tal-ġurnalist tal-oppożizzjoni Raman Pratasevich u Sofia Sapega u hija forma ta’ repressjoni kontra s-soċjetà ċivili u l-oppożizzjoni demokratika fil-Belarussja.

Barra minn hekk, Aleh Haidukevich għamel dikjarazzjonijiet pubbliċi li jissuġġerixxu li l-mexxejja tal-oppożizzjoni Belarussa jistgħu jiġu detenuti barra mill-pajjiż u jiġu ttrasportati lejn il-Belarussja ‘f’bagoll ta’ karozza’, u b’hekk appoġġa r-repressjoni kontinwa tal-forzi tas-sigurtà fuq l-oppożizzjoni demokratika u l-ġurnalisti Belarussi.

Aleh Haidukevich huwa l-president tal-Partit Demokratiku Liberali tal-Belarussja, li jappoġġa lil Lukashenka.

Huwa għalhekk qed jappoġġa r-reġim ta’ Lukashenka.

21.6.2021

195.

Ivan Ivanavich GALAVATYI

Ivan Ivanovich GOLOVATY

Iван Iванавiч ГАЛАВАТЫ

Иван Иванович ГОЛОВАТЫЙ

Pożizzjoni(jiet): eks Direttur Ġenerali tal-Open Joint Stock Company ‘Belaruskali’, President tal-bord superviżorju ta’ JSC Belarussian Potash Company. L-Ewwel Viċi Direttur ta’ Nedra Nezhin

Membru tal-Kumitat Permanenti tal-Kunsill tar-Repubblika tal-Assemblea Nazzjonali tar-Repubblika tal-Belarussja għall-Affarijiet Barranin u s-Sigurtà Nazzjonali

Data tat-twelid: 15.6.1976

Post tat-twelid: l-Insedjament ta’ Pogost, id-Distrett ta’ Soligorsk, il-Provinċja ta’ Minsk, il-Belarussja

Sess: raġel

Nazzjonalità: Belarussu

Ivan Galavatyi huwa l-eks direttur ġenerali tal-intrapriża tal-istat Belaruskali, li hija sors ewlieni ta’ dħul u munita barranija għar-reġim ta’ Lukashenka. Huwa eks membru tal-Kunsill tar-Repubblika u tal-Assemblea Nazzjonali. Huwa għandu wkoll diversi pożizzjonijiet għolja oħra fil-Belarussja u rċieva diversi premjijiet tal-istat, inkluż mingħand Lukashenka, tul il-karriera tiegħu. Huwa kien assoċjat mill-qrib ma’ Lukashenka u ma’ membri tal-familja tiegħu. Aliaksandr Lukashenka ppropona li Ivan Golovaty jintbagħat jaħdem bħala ambaxxatur f’wieħed mill-pajjiżi tal-Komunità ta’ Stati Indipendenti. Għaldaqstant qed jibbenefika mir-reġim ta’ Lukashenka u jappoġġah.

Bħala eks direttur ġenerali ta’ Belaruskali, Ivan Galavatyi kien involut direttament fir-rilokazzjoni min-naħa tar-reġim ta’ Lukashenka ta’ tfal Ukreni minn territorji okkupati f’kollaborazzjoni mar-Russja. Għaldaqstant, Ivan Galavatyi jappoġġa r-reġim ta’ Lukashenka. Huwa għadu attiv fir-reġim ta’ Lukashenka bħala l-Ewwel Viċi Direttur ta’ Nedra Nezhin, kumpanija li mid-dehra hija suċċessur ta’ Slavkali, produttur ewlieni tal-potassa fil-Belarussja.

L-impjegati ta’ OJSC ‘Belaruskali’ li ħadu sehem fi strajks u protesti paċifiċi wara l-elezzjonijiet presidenzjali frodulenti ta’ Awwissu 2020 fil-Belarussja, ġew imċaħħda minn primjums u mkeċċija. Alexander Lukashenka nnifsu hedded personalment li jissostitwixxi lil dawk li strajkjaw b’minaturi mill-Ukrajna. Għaldaqstant, bħala l-kap ta’ Belaruskali, Ivan Galavatyi huwa responsabbli għar-repressjoni tas-soċjetà ċivili.

3.6.2022

196.

Aliaksandr Uladzimirovich KARNIENKA

Alexander Vladimirovich KORNIENKO

Аляксандр Уладзiмiравiч КАРНIЕНКА

Александр Владимирович КОРНИЕНКО

Pożizzjoni(jiet): Eks kap tal-Kolonja Penali IK-17 Shklov, Logutenent Kurunell tas-Servizz Intern

Spettur Distrettwali, Dipartiment tal-Affarijiet Interni tal-Kumitat Eżekuttiv Distrettwali ta’ Slutsk

Data tat-twelid: 9.1.1979

Sess: raġel

Nazzjonalità: Belarussu

Fil-pożizzjoni tiegħu bħala eks kap tal-Kolonja Penali IK-17 f’Shklov, Aliaksandr Karnienka huwa responsabbli għat-trattament inuman u degradanti, inkluż it-tortura, tal-priġunieri politiċi u ta’ ċittadini oħra detenuti f’dik il-kolonja penali wara l-elezzjoni presidenzjali tal-2020 u l-protesti paċifiċi sussegwenti. Huwa kien il-kap tal-kolonja penali meta miet il-priġunier politiku Vitold Ashurak f’dik il-kolonja penali fil-21 ta’ Mejju 2021, f’ċirkostanzi mhux spjegati.

Għaldaqstant huwa responsabbli għal ksur serju tad-drittijiet tal-bniedem u għar-repressjoni tas-soċjetà ċivili fil-Belarussja.

Huwa għadu attiv fir-reġim ta’ Lukashenka bħala uffiċjal tal-Kumitat Eżekuttiv Distrettwali ta’ Slutsk.

3.8.2023

258.

Viktar Arkadzievich SHAUTSOU

Viktor Arkadievich CHEVTSOV/ SHEVTSOV

Вiктар Аркадзьевiч ШАЎЦОЎ

Виктор Аркадьевич ШЕВЦОВ

Pożizzjoni(jiet): Negozjant, investitur

Data tat-twelid: 5.12.1963

Post tat-twelid: Il-villaġġ ta’ Razumava, ir-reġjun ta’ Vitebsk, il-Belarussja

Nazzjonalità: Belarussu

Sess: raġel

Numru tal-passaport: MP4572331, maħruġ fi 12.2.2021

Identifikazzjoni personali: 3051263A036PB7

Viktar Shautsou huwa negozjant b’interessi kummerċjali fil-Belarussja.

Fir-rwol tiegħu bħal konslu onorarju tal-Filippini fil-Belarussja, huwa qed jappoġġa r-reġim ta’ Lukashenka. Barra minn hekk, qed jibbenefika mir-reġim, permezz tal-involviment tiegħu fir-Reshenie Bank, li mbagħad għandu interessi fi u huwa involut fil-kumpless tal-mużew ta’ Dudutki, li qed jibbenefika mill-baġit tal-istat Belarussu.

Għalhekk, Viktar Shautsou qed jappoġġa u jibbenefika mir-reġim ta’ Lukashenka.

5.8.2024

260.

Anton Genadzevich DUDAL

Anton Gennadievich DUDAL

Антон Генадзевіч ДУДАЛЬ

Антон Геннадьевич ДУДАЛЬ

Pożizzjoni(jiet): eks Imħallef tal-qorti tar-reġjun ta’ Bobruisk u l-belt ta’ Bobruisk, President tal-Qorti Distrettwali ta’ Kirovsky

Nazzjonalità: Belarussu

Data tat-twelid: 11.8.1986

Sess: raġel

Identifikazzjoni personali: 3110886M079PB3

Anton Dudal huwa mħallef li serva fil-Qorti Distrettwali ta’ Bobruisk u l-belt ta’ Bobruisk. Huwa nħatar minn Aliaksandr Lukashenka fl-2019. Ta sentenzi b’motivazzjoni politika, inkluż kontra ċittadini tal-Belarussja li esprimew l-opinjonijiet tagħhom kontra l-President. Ikkundanna lil ċittadin talli aġixxa b’awtodifiża kontra l-brutalità tal-uffiċjali tal-infurzar tal-liġi. Ittrasferixxa lil Andrey Sachevko lejn ħabs f’Mahiliou.

Anton Dudal huwa għaldaqstant responsabbli għar-repressjoni tas-soċjetà ċivili u l-oppożizzjoni demokratika.

Għadu attiv fir-reġim ta’ Lukashenka bħala l-President tal-Qorti Distrettwali ta’ Kirovsky.

5.8.2024

261.

Mikalai Vasilievich SIARHEEVICH

Nikolai Vasilievich SERGEEVICH

Мікалай Васільевіч СЯРГЕЕВIЧ

Николай Васильевич СЕРГЕЕВИЧ

Pożizzjoni(jiet): eks Imħallef tal-Qorti Distrettwali ta’ Zhlobinsky tar-Reġjun ta’ Gomel, President tal-Qorti Distrettwali ta’ Chechersky

Nazzjonalità: Belarussu

Data tat-twelid: 22.8.1983

Sess: raġel

Identifikazzjoni personali: 3220883H026PB7

Mikalai Siarheevich kien imħallef Belarussu li serva fil-Qorti Distrettwali ta’ Zhlobinsky tar-Reġjun ta’ Gomel. Inħatar minn Aliaksandr Lukashenka. Ta sentenzi motivati politikament kontra ċittadini tal-Belarussja li esprimew l-opinjonijiet tagħhom kontra l-elezzjonijiet presidenzjali frodulenti tal-2020, inkluż dawk li ħadu sehem fil-protesti ta’ Zhlobin.

Mikalai Siarheevich huwa għalhekk responsabbli għar-repressjoni tas-soċjetà ċivili u l-oppożizzjoni demokratika.

Għadu attiv fir-reġim ta’ Lukashenka bħala l-President tal-Qorti Distrettwali ta’ Chechersky.

5.8.2024”;

(2)

fit-Tabella “B. Persuni ġuridiċi, entitajiet u korpi msemmija fl-Artikolu 2(1)”, l-entrati 13 u 27 huma sostitwiti b’dan li ġej:

Ismijiet (Trażlitterazzjoni tal-ortografija Belarussa) (Trażlitterazzjoni tal-ortografija Russa)

Ismijiet (Ortografija Belarussa) (Ortografija Russa)

Informazzjoni ta’ identifikazzjoni

Raġunijiet għall-elenkar

Data tal-elenkar

“13.

Minskii Avtomobilnyi Zavod (MAZ) / OJSC ‘MAZ’

Open Joint Stock Company ‘Minsk Automobile Works’ - Kumpanija Maniġerjali ta’ ‘BELAVTOMAZ’ Holding

ААТ ‘Мiнскi аўтамабiльны завод’

ОАО ‘Минский автомобильный завод’

Indirizz: Socialisticheskaya 2, 220021 Minsk, Belarus

Sit elettroniku: http://maz.by/

Data tar-reġistrazzjoni: 16.7.1944

Tel. + 375 (17) 217-22-22; + 8000 217-22-22

OJSC Minsk Automobile Plant (MAZ) hija waħda mill-akbar intrapriżi tal-istat li jimmanifatturaw karozzi fil-Belarussja. Lukashenka ddeskriviha bħala ‘waħda mill-aktar intrapriżi industrijali importanti tal-pajjiż’. Hija sors ta’ dħul għar-reġim ta’ Lukashenka. OJSC MAZ offriet il-bini u t-tagħmir tagħha biex tiġi organizzata dimostrazzjoni politika favur ir-reġim. Barra minn hekk, minħabba l-involviment tal-Belarussja fil-gwerra Russa ta’ aggressjoni kontra l-Ukrajna, MAZ tikkonsenja trakkijiet militari lill-Armata Russa, li jintużaw ukoll fit-territorju Ukren għal azzjonijiet militari. Għaldaqstant, OJSC MAZ tibbenefika mir-reġim ta’ Lukashenka u tappoġġah.

L-impjegati ta’ OJSC MAZ li ħadu sehem fi strajks u protesti paċifiċi wara l-elezzjonijiet frodulenti ta’ Awwissu 2020 fil-Belarussja ġew intimidati u aktar tard mkeċċija mill-maniġment tal-kumpanija. Grupp ta’ impjegati ġew imsakkra ġewwa minn OJSC MAZ biex dawn ma jitħallewx jingħaqdu ma’ dimostranti oħra. Għaldaqstant OJSC MAZ hija responsabbli għar-repressjoni tas-soċjetà ċivili u tappoġġa lir-reġim ta’ Lukashenka.

21.6.2021

27.

Open Joint Stock Company ‘Belshina’

AAT ‘Белшина’

ОАО ‘Белшина’

Indirizz: 4 Minskoe Shosse St., 213824 Bobruisk, Belarus

Data tar-reġistrazzjoni: 10.1.1994

Numru tar-reġistrazzjoni: 700016217

Sit elettroniku: http://www.belshinajsc.by/

OJSC Belshina hija waħda mill-kumpaniji tal-istat ewlenin fil-Belarussja u manifattur kbir ta’ tajers tal-vetturi. Fis-snin 2022 u 2023 għamlet profitabbiltà ta’ 9 %, kif ikkonfermat mill-viċi prim Ministru tal-Belarussja Petr Parkhomczyk. L-Istat tal-Belarussja qed jagħmel profitt dirett mill-qligħ ta’ Belshina. Barra minn hekk, Belshina qed tforni tajers lill-militar Russu skjerat fl-Ukrajna u hekk tappoġġa l-involviment tal-Belarussja fl-aggressjoni Russa kontra l-Ukrajna. Għaldaqstant, Belshina qed tappoġġa r-reġim ta’ Lukashenka.

L-impjegati ta’ Belshina li pprotestaw u ħarġu bi strajk wara l-elezzjonijiet presidenzjali tal-2020 fil-Belarussja ngħataw is-sensja u ġew sfurzati jirriżenjaw, bl-iskuża ta’ assenteiżmu. Barra minn hekk, il-priġunieri politiċi huma sfurzati mill-Istat iwettqu xogħol perikoluż għall-benefiċċju ta’ Belshina. Belshina tirċievi wkoll għajnuna mill-istat fil-forma ta’ ħlas ta’ djun u pagament differit tal-VAT fuq l-importazzjoni. Barra minn hekk, il-gvern tal-Belarussja jħalli lill-korpi tal-istat jixtru prodotti ta’ Belshina mingħajr sejħa għall-offerti. Belshina għalhekk qed tibbenefika mir-reġim ta’ Lukashenka u hija responsabbli għar-repressjoni tas-soċjetà ċivili.

2.12.2021”.