1.   Għall-iskopijiet ta' dan ir-Regolament, japplikaw id-definizzjonijiet li ġejjin:

2.   Il-Kummissjoni għandha tadotta atti ta' implimentazzjoni rigward ir-regoli dettaljati dwar il-karatteristiċi tekniċi tal-moderaturi tal-ħoss, l-armi tan-nar nofshom lesti u l-komponenti essenzjali nofshom lesti, skont it-tifsira tal-paragrafu 1, il-punti (3), (5) u (6), ta' dan l-Artikolu. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 43(3).

1.   Il-merkanzija elenkata ma għandiex:

2.   Fir-rigward ta' awtorizzazzjonijiet uniċi għal proċeduri simplifikati li għadhom validi skont l-Artikolu 345(4) tar-Regolament ta' Implimentazzjoni tal-Kummissjoni (UE) 2015/2447 (32), il-paragrafu 1, il-punti (a) u (b), ta' dan l-Artikolu ma għandux japplika għall-merkanzija elenkata.

1.   L-importaturi għandhom:

2.   L-obbligi skont il-paragrafu 1 ta' dan l-Artikolu ma għandhom jaffettwaw l-ebda obbligu tal-importaturi taħt id-Direttiva (UE) 2021/555 jew taħt l-atti legali bbażati fuq dik id-Direttiva.

1.   Armi tan-nar mingħajr immarkar f'konformità mal-Artikolu 8(1), il-punt (a), tal-Protokoll tan-NU dwar l-Armi tan-Nar, li jidħlu fit-territorju doganali tal-Unjoni, ma għandhomx jiġu importati jew esportati mill-ġdid.

2.   Il-merkanzija elenkata tista' tiġi ddikjarata għar-rilaxx għaċ-ċirkolazzjoni libera biss jekk tkun f'konformità mar-rekwiżiti tal-immarkar tal-Artikolu 4 tad-Direttiva (UE) 2021/555 u mal-Artikolu 8(1), il-punt (b), tal-Protokoll tan-NU dwar l-Armi tan-Nar, ħlief għal tali merkanzija importata minn negozjanti, li jitħallew jikkonformaw ma' dawn ir-rekwiżiti mingħajr dewmien wara r-rilaxx għaċ-ċirkolazzjoni libera.

3.   Il-paragrafi 1 u 2 ta' dan l-Artikolu ma għandhomx japplikaw għall-merkanzija elenkata li għandha importanza storika partikolari, f'konformità mal-Artikolu 4(2), it-tieni subparagrafu, tad-Direttiva (UE) 2021/555.

1.   L-apparati ddikjarati bħala armi tan-nar diżattivati għandhom jiġu ddikjarati għar-rilaxx għaċ-ċirkolazzjoni libera jew għad-dħul temporanju jekk ikunu f'konformità mal-Artikolu 10 ta' dan ir-Regolament biss jekk ikunu akkumpanjati miċ-ċertifikat ta' diżattivazzjoni rilevanti u mmarkati f'konformità mal-Artikolu 15 tad-Direttiva (UE) 2021/555.

2.   L-importatur għandu jipprovdi lill-awtorità kompetenti b'kopja taċ-ċertifikat ta' diżattivazzjoni permezz tas-sistema elettronika ta' liċenzjar.

1.   Awtorizzazzjoni ta' importazzjoni għal armi tal-allarm u tas-sinjal għandha tingħata biss mill-awtorità kompetenti biss jekk l-apparat ikun f'konformità mal-ispeċifikazzjonijiet tekniċi msemmija fl-Artikolu 14(2) tad-Direttiva (UE) 2021/555 jew huwa mudell elenkat bħala arma tal-allarm u tas-sinjal mhux konvertibbli fl-att ta' implimentazzjoni msemmi fil-paragrafu 2 ta' dan l-Artikolu.

2.   Il-Kummissjoni għandha, permezz ta' att ta' implimentazzjoni, tistabbilixxi lista miftuħa ta' mudelli ta' armi tal-allarm u tas-sinjal mhux konvertibbli msemmija fil-paragrafu 1 ta' dan l-Artikolu u lista miftuħa ta' apparati li huma ddikjarati bħala armi tal-allarm u tas-sinjal iżda huma magħrufa li huma konvertibbli. Dak l-att ta' implimentazzjoni għandu jiġi adottat f'konformità mal-proċedura ta' eżami msemmija fl-Artikolu 43(3).

1.   Minkejja l-Artikolu 11 u 12, għandha tkun meħtieġa awtorizzazzjoni ta' importazzjoni għad-dħul ta' merkanzija mhux tal-Unjoni elenkata fl-Anness I fit-territorju doganali tal-Unjoni. L-awtorizzazzjoni ta' importazzjoni għandha tingħata mill-awtorità kompetenti tal-Istat Membru tad-destinazzjoni finali.

2.   L-awtorizzazzjoni ta' importazzjoni għandu jkun fiha l-informazzjoni elenkata fl-Anness II, u għandha tinħareġ permezz tas-sistema elettronika ta' liċenzjar f'wieħed mit-tipi li ġejjin:

3.   Kwalunkwe persuna fiżika jew ġuridika permessa, skont id-Direttiva (UE) 2021/555, li timmanifattura, takkwista, tippossjedi jew tinnegozja merkanzija elenkata, ħlief għal armi tan-nar nofshom lesti u komponenti essenzjali nofshom lesti, għandha tkun intitolata li tapplika għal awtorizzazzjoni ta' importazzjoni.

4.   In-negozjanti u s-sensara biss għandhom ikunu intitolati japplikaw għal awtorizzazzjoni ta' importazzjoni għal armi tan-nar nofshom lesti u komponenti essenzjali nofshom lesti.

5.   Jekk persuna fiżika jew ġuridika ma tkunx intitolata li tapplika għal awtorizzazzjoni ta' importazzjoni skont il-paragrafu 3 jew 4, l-awtorità kompetenti ma għandhiex taċċetta applikazzjoni minn dik il-persuna.

1.   L-awtorità kompetenti għandha tipproċessa l-applikazzjonijiet għall-awtorizzazzjonijiet ta' importazzjoni f'perjodu li ma jaqbiżx 90 jum ta' xogħol, mid-data li fiha l-informazzjoni kollha rikjesta tkun ingħatat lill-awtorità kompetenti. Għal raġunijiet debitament ġustifikati, u fil-każ ta' applikazzjoni li tirrigwarda merkanzija elenkata tal-Kategorija A, dak il-perjodu jista' jiġi estiż għal 110 ijiem ta' xogħol.

2.   L-awtorità kompetenti għandha tirrifjuta li tagħti awtorizzazzjoni ta' importazzjoni jekk:

3.   Meta tiddeċiedi jekk tagħtix awtorizzazzjoni ta' importazzjoni, l-awtorità kompetenti għandha tqis il-kunsiderazzjonijiet rilevanti kollha, inkluż dawk tal-politika nazzjonali barranija u tas-sigurtà. L-Artikolu 24 għandu japplika mutatis mutandis.

4.   Għall-finijiet tal-paragrafu 2 ta' dan l-Artikolu, l-Istati Membri għandhom jiksbu l-informazzjoni dwar kundanni kriminali preċedenti tal-applikant fi Stati Membri oħra permezz tas-sistema stabbilita bid-Deċiżjoni Qafas 2009/315/ĠAI.

5.   Għall-finijiet tal-paragrafu 2, il-punt (c), l-Istati Membri għandhom jivverifikaw li l-arma tan-nar inkwistjoni mhix elenkata fis-Sistema ta' Informazzjoni ta' Schengen.

6.   L-awtorità kompetenti għandha tannulla, tissospendi, timmodifika jew tirrevoka awtorizzazzjoni ta' importazzjoni jekk il-kundizzjonijiet għall-għoti tagħha ma jkunux issodisfati jew ma jibqgħux issodisfati. Jekk l-awtorità kompetenti tieħu dawk id-deċiżjonijiet, hija għandha tagħmel dik l-informazzjoni disponibbli mingħajr dewmien għall-awtoritajiet doganali permezz tas-sistema elettronika ta' liċenzjar.

7.   Fejn l-awtorità kompetenti tkun irrifjutat li tagħti awtorizzazzjoni ta' importazzjoni, id-deċiżjoni finali tagħha u r-raġuni għal dan għandhom jiġu rreġistrati fis-sistema elettronika ta' liċenzjar.

8.   L-awtorità kompetenti għandha timmonitorja li l-kundizzjonijiet għall-awtorizzazzjonijiet ta’ importazzjoni jkunu ssodisfati abbażi tal-ġestjoni tar-riskju. Il-kundizzjonijiet tal-awtorizazzjonijiet ta’ importazzjoni mogħtija għal durata itwal minn sentejn għandhom jiġu mmonitorjati wara sentejn.

1.   Merkanzija mhux tal-Unjoni elenkata fl-Anness I tista' tidħol temporanjament fit-territorju doganali tal-Unjoni meta tkun akkumpanjata minn awtorizzazzjoni unika ta' importazzjoni mitluba minn importatur li ma jkollux stabbiliment fit-territorju doganali tal-Unjoni.

2.   L-importaturi mingħajr stabbiliment fit-territorju doganali tal-Unjoni jistgħu jingħataw awtorizzazzjoni unika ta' importazzjoni għall-merkanzija elenkata biss fis-sitwazzjonijiet li ġejjin:

L-awtorizzazzjonijiet imsemmija fil-punti (a) u (b) tal-ewwel subparagrafu għandhom jingħataw mill-awtorità kompetenti tal-Istat Membru fejn isseħħ l-evalwazzjoni, l-esibizzjoni, it-tiswija jew l-isparar sportiv, il-kaċċa jew ir-reċta storika. F'każijiet fejn l-evalwazzjoni, l-esibizzjoni, it-tiswija jew l-isparar sportiv, il-kaċċa jew ir-reċta storika isseħħ f'aktar minn Stat Membru wieħed, l-awtorizzazzjoni għandha tingħata mill-awtorità kompetenti tal-Istat Membru fejn isseħħ l-ewwel evalwazzjoni, esibizzjoni, tiswija jew sparar sportiv, kaċċa jew reċta storika.

L-awtorizzazzjoni msemmija fil-punt (c) tal-ewwel subparagrafu għandha tingħata mill-awtorità kompetenti tal-Istat Membru li fih il-merkanzija tidħol fit-territorju doganali tal-Unjoni.

3.   L-applikazzjoni għall-awtorizzazzjoni ta' importazzjoni msemmija fil-paragrafu 2 għandha tinkludi dan li ġej:

4.   L-Artikolu 10 (1), (2), (3), (5), (6) u (7) għandu japplika għall-ħruġ tal-awtorizzazzjoni ta' importazzjoni msemmija fil-paragrafu 2 ta' dan l-Artikolu.

5.   Minkejja l-paragrafu 2, l-Istati Membri jistgħu jagħtu awtorizzazzjoni ġenerali nazzjonali ta' importazzjoni li tawtorizza direttament l-importazzjoni temporanja ta' merkanzija elenkata tal-Kategorija C fit-territorju tal-Istat Membru tagħhom għall-finijiet imsemmija fil-paragrafu 2, il-punt (b), f'każijiet speċifiċi fejn il-kaċċaturi, il-parteċipanti f'reċta storika jew id-dilettanti tal-isparar ikunu ġew mistiedna għal attività fil-bini tal-organizzatur. L-importaturi għandhom jissodisfaw l-obbligi stipulati f'dan ir-Regolament, bl-eċċezzjoni ta' dawk relatati mat-talba ta' awtorizzazzjoni unika ta' importazzjoni, u għandhom jikkonformaw mat-termini u l-kundizzjonijiet definiti fl-awtorizzazzjoni ġenerali nazzjonali ta' importazzjoni.

6.   Il-Kummissjoni għandha, permezz ta' atti ta' implimentazzjoni, tispeċifika r-rekwiżiti minimi għat-termini u l-kundizzjonijiet li għandhom jiġu inklużi fl-awtorizzazzjonijiet ġenerali nazzjonali ta' importazzjoni. Dak l-att ta' implimentazzjoni għandu jiġi adottat f'konformità mal-proċedura ta' eżami msemmija fl-Artikolu 43(3).

1.   Kwalunkwe persuna li jkollha pass Ewropew ta' armi tan-nar jew ikunu b'xi mod ieħor permessa, skont id-Direttiva (UE) 2021/555, li timmanifattura, takkwista, tippossjedi jew tinnegozja merkanzija elenkata, tista' timporta merkanzija elenkata fit-territorju doganali tal-Unjoni mingħajr awtorizzazzjoni ta' importazzjoni f'konformità mal-Artikolu 9 ta' dan ir-Regolament f'każijiet ta':

2.   Persuna li timporta merkanzija f'konformità ma' dan l-Artikolu għandha tkun l-istess persuna li esportat il-merkanzija u fid-dikjarazzjoni doganali għandha tiddikjara n-numru ta' referenza tad-dikjarazzjoni doganali użata biex il-merkanzija tinġieb temporanjament barra mit-territorju doganali tal-Unjoni u n-numru ta' referenza jew in-numru tal-awtorizzazzjoni ta' esportazzjoni simplifikata provduta mill-awtorità kompetenti f'konformità mal-Artikolu 22(2) jew l-Artikolu 23(1).

3.   L-awtorità kompetenti tad-destinazzjoni għandha tirrifjuta l-importazzjoni u tirreġistra dak ir-rifjut fis-sistema elettronika ta' liċenzjar mingħajr dewmien jekk:

1.   Fil-każ ta' movimenti fit-territorju doganali tal-Unjoni ta' merkanzija mhux tal-Unjoni elenkata fl-Anness I, l-applikazzjoni għall-awtorizzazzjoni ta' importazzjoni msemmija fl-Artikolu 9 jew 11 għandu jkun fiha informazzjoni dwar il-movimenti ppjanati, inkluż fejn xieraq, id-diversi Stati Membri fejn ser isseħħ l-evalwazzjoni, l-esibizzjoni, it-tiswija jew l-isparar sportiv, il-kaċċa jew ir-reċta storika.

2.   L-awtorità kompetenti li tagħti l-awtorizzazzjoni ta' importazzjoni msemmija fl-Artikolu 9 jew 11 għandha titlob approvazzjoni mill-awtorità kompetenti tal-Istati Membri l-oħra indikati fl-applikazzjoni għall-awtorizzazzjoni ta' importazzjoni tal-moviment ippjanat. L-awtorità kompetenti tal-Istat Membru kkonsultat tista' tqajjem oġġezzjonijiet f'każijiet debitament ġustifikati relatati ma' tħassib ta' sigurtà dwar moviment fit-territorju tagħha fi żmien għaxart ijiem ta' xogħol mid-data li fiha tkun ġiet ipprovduta l-informazzjoni tal-moviment ippjanat. In-nuqqas ta' kwalunkwe oġġezzjoni għandu jitqies bħala approvazzjoni. Fil-każ ta' oġġezzjoni mill-awtorità kompetenti ta' Stat Membru ieħor għall-għoti ta' tali awtorizzazzjoni, l-Istat Membru li fih tkun ġiet ippreżentata l-applikazzjoni għandu jirrifjuta l-applikazzjoni. Is-sistema elettronika ta' liċenzjar għandha tintuża għall-komunikazzjoni bejn l-awtoritajiet kompetenti.

3.   Il-persuna li jkollha l-awtorizzazzjoni għandha tinnotifika kwalunkwe bidla fil-moviment ippjanat mingħajr dewmien lill-awtorità kompetenti li tagħti l-awtorizzazzjoni permezz tas-sistema elettronika ta' liċenzjar. Dik l-awtorità kompetenti għandha tiddeċiedi f'każijiet debitament ġustifikati relatati ma' tħassib dwar is-sigurtà jekk taċċettax jew tirrifjutax il-bidliet notifikati f'konformità mar-regoli għall-għoti tal-awtorizzazzjoni u wara l-proċedura ta' konsultazzjoni msemmija fil-paragrafu 2.

4.   Fil-każ ta' simplifikazzjonijiet amministrattivi kif stabbiliti fl-Artikolu 12(1), il-punt (a), meta l-punt ta' dħul mill-ġdid ippjanat ma jkunx jinsab fit-territorju tal-awtorità kompetenti tal-Istat Membru tad-destinazzjoni, dik l-awtorità kompetenti għandha tinforma minnufih lill-awtorità kompetenti tal-Istat Membru dwar il-punt ta' dħul mill-ġdid ippjanat ta' dak il-moviment, permezz tas-sistema elettronika ta' liċenzjar. L-awtorità kompetenti tal-Istat Membru tal-punt ta' dħul mill-ġdid ippjanat tista' tqajjem oġġezzjonijiet f'każijiet debitament ġustifikati relatati ma' tħassib dwar is-sigurtà dwar dak il-moviment fit-territorju tagħha fi żmien ħamest ijiem ta' xogħol mid-data li fiha tkun ġiet ipprovduta l-informazzjoni tad-dħul mill-ġdid ippjanat. In-nuqqas ta' kwalunkwe oġġezzjoni għandu jitqies bħala approvazzjoni. Kwalunkwe oġġezzjoni mill-awtorità kompetenti tal-Istat Membru tal-punt tad-dħul mill-ġdid ippjanat għall-għoti ta' tali simplifikazzjoni amministrattiva għandha torbot lill-Istat Membru tad-destinazzjoni.

1.   Meta Stat Membru jkollu l-intenzjoni li jadotta l-miżuri kif imsemmija fl-Artikolu 14, huwa għandu jinnotifika lill-Kummissjoni b'dan.

2.   In-notifika msemmija fil-paragrafu 1 għandha tinkludi d-dokumentazzjoni rilevanti u indikazzjoni tal-miżuri li għandhom jiġu adottati, inkluż l-objettivi tagħhom u kwalunkwe informazzjoni rilevanti oħra.

3.   In-notifika msemmija fil-paragrafu 1 għandha tiġi trażmessa tal-inqas sitt xhur qabel l-adozzjoni tal-miżura nazzjonali. Meta l-informazzjoni trażmessa mill-Istat Membru ma tkunx biżżejjed, il-Kummissjoni tista' titlob informazzjoni addizzjonali.

4.   Il-Kummissjoni għandha tagħmel in-notifika msemmija fil-paragrafu 1 ta' dan l-Artikolu u, fuq talba, id-dokumentazzjoni ta' akkumpanjament, disponibbli għall-Istati Membri l-oħra soġġett għar-rekwiżiti ta' kunfidenzjalità stabbiliti fl-Artikolu 18.

5.   Meta l-informazzjoni trażmessa mill-Istat Membru ma tkunx biżżejjed għall-fini tal-awtorizzazzjoni għall-adozzjoni ta' miżuri nazzjonali, il-Kummissjoni tista' titlob informazzjoni addizzjonali.

1.   Il-Kummissjoni għandha tawtorizza lill-Istati Membri jadottaw restrizzjonijiet fuq l-importazzjoni dment li ma tikkonkludix li tali miżuri:

2.   Il-Kummissjoni għandha tagħti l-awtorizzazzjoni msemmija fil-paragrafu 1 ta' dan l-Artikolu permezz ta' att ta' implimentazzjoni. Dak l-att ta' implimentazzjoni għandu jiġi adottati f'konformità mal-proċedura konsultattiva msemmija fl-Artikolu 43(2). Il-Kummissjoni għandha tieħu d-deċiżjoni tagħha fi żmien 120 jum minn meta tasal in-notifika msemmija fl-Artikolu 16. Fejn tkun meħtieġa informazzjoni addizzjonali biex tittieħed deċiżjoni, il-perjodu ta' 120 jum ta' xogħol għandu jibda jgħodd mid-data ta' meta tasal l-informazzjoni addizzjonali.

3.   Il-Kummissjoni għandha tinforma lill-Parlament Ewropew u lill-Kunsill bid-deċiżjonijiet meħuda skont il-paragrafu 2.

4.   Fil-każ li l-Kummissjoni ma tagħtix awtorizzazzjoni skont il-paragrafu 1, hija għandha tinforma lill-Istat Membru kkonċernat b'dan u tiddikjara r-raġunijiet għal dan.

1.   Meta jinnotifika lill-Kummissjoni dwar l-intenzjoni tiegħi li jadotta miżuri kif imsemmija fl-Artikolu 14, Stat Membru jista’ jindika jekk xi informazzjoni provduta għandhiex tiġi kkunsidrata bħala kunfidenzjali u jekk tistax tiġi kondiviża mal-Istati Membri l-oħra.

2.   Fil-każijiet imsemmija fil-paragrafu 1, l-Istati Membri u l-Kummissjoni għandhom jiżguraw il-protezzjoni ta' informazzjoni kunfidenzjali f'konformità mad-dritt tal-Unjoni applikabbli.

3.   L-Istati Membri u l-Kummissjoni għandhom jiżguraw li kwalunkwe informazzjoni klassifikata provduta skont l-Artikolu 16 ma tiġix degradata jew deklassifikata mingħajr il-kunsens bil-miktub minn qabel tal-oriġinatur.

1.   Awtorizzazzjoni ta' esportazzjoni għandha tkun meħtieġa għat-teħid ta' merkanzija elenkata 'l barra mit-territorju doganali tal-Unjoni.

2.   Kull esportatur awtorizzat, skont id-Direttiva (UE) 2021/555, li timmanifattura, takkwista, tippossjedi jew tinnegozja merkanzija elenkata hija intitolata titlob awtorizzazzjoni ta' esportazzjoni. L-awtorizzazzjoni ta' esportazzjoni għandha tingħata mill-awtorità kompetenti tal-Istat Membru fejn l-esportatur huwa stabbilit .

3.   L-awtorizzazzjoni ta' esportazzjoni għandu jkun fiha l-informazzjoni msemmija fl-Anness III u għandha tinħareġ permezz tas-sistema elettronika ta' liċenzjar f'wieħed mill-forom li ġejjin:

4.   Jekk il-merkanzija elenkata tkun tinsab fi Stat Membru wieħed jew aktar għajr l-Istat Membru li fih ġiet ippreżentata l-applikazzjoni għal awtorizzazzjoni ta' esportazzjoni, dan il-fatt għandu jiġi indikat fuq dik l-applikazzjoni. L-awtorità kompetenti tal-Istat Membru li tkun saritilha l-applikazzjoni għal awtorizzazzjoni tal-esportazzjoni għandha tikkonsulta lill-awtorità jew l-awtoritajiet kompetenti tal-Istati Membri l-oħra kkonċernati, u tipprovdi l-informazzjoni rilevanti dwar l-applikazzjoni għal awtorizzazzjoni ta' esportazzjoni. L-Istat(i) Membru/i kkonsultat(i) għandu/għandhom jirrapporta(w) fi żmien għaxart ijiem ta' xogħol mid-data li fih ġew ikkuntattjati permezz tas-sistema elettronika ta' liċenzjar kwalunkwe oġġezzjoni għall-għoti ta' awtorizzazzjoni bħal din, li għandha torbot lill-Istat Membru fejn ġiet ippreżentata l-applikazzjoni.

5.   Fejn persuna ma tkunx intitolata li titlob awtorizzazzjoni ta' importazzjoni skont il-paragrafu 2, l-awtorità kompetenti ma għandhiex taċċetta l-applikazzjoni.

6.   L-Istati Membri jistgħu jadottaw awtorizzazzjonijiet ġenerali nazzjonali ta' esportazzjoni li jistabbilixxu rekwiżiti nazzjonali għall-esportazzjoni ta' merkanzija elenkata. L-Istati Membri għandhom jinnotifikaw lill-Kummissjoni u lill-Istati Membri l-oħra mingħajr dewmien bi kwalunkwe awtorizzazzjoni ġenerali nazzjonali ta' esportazzjoni adottata skont il-paragrafu 3, il-punt (c), filwaqt li jindikaw ir-raġunijiet għal din. Huma għandhom jinfurmaw lill-Kummissjoni u lill-Istati Membri l-oħra bid-deskrizzjoni tal-merkanzija kkontrollata, bil-pajjiżi tad-destinazzjoni, u bil-kundizzjonijiet u r-rekwiżiti għall-użu. L-Istati Membri għandhom jinnotifikaw ukoll mingħajr dewmien lill-Kummissjoni u lill-Istati Membri l-oħra bi kwalunkwe emenda għall-awtorizzazzjonijiet ġenerali nazzjonali kif adottata. Il-Kummissjoni għandha tippubblika tali notifiki f'Il-Ġurnal Uffiċjali tal-Unjoni Ewropea.

1.   L-awtorità kompetenti għandha tipproċessa l-applikazzjonijiet għall-awtorizzazzjonijiet ta' esportazzjoni f'perjodu li ma jaqbiżx 90 jum ta' xogħol, mid-data li fiha l-informazzjoni kollha rikjesta tkun ingħatat lill-awtorità kompetenti. Għal raġunijiet iġġustifikati kif xieraq, dak il-perjodu jista' jiġi estiż mill-awtorità kompetenti għal 110 ijiem ta' xogħol.

2.   L-applikant għandu jipprovdi lill-awtorità kompetenti tal-Istat Membru responsabbli biex joħroġ l-awtorizzazzjoni ta' esportazzjoni d-dokumenti meħtieġa li jikkonfermaw li:

Il-punt (b) tal-ewwel subparagrafu ma japplikax:

3.   Qabel ma toħroġ awtorizzazzjoni ta' esportazzjoni kif imsemmija fl-Artikolu 19, l-awtorità kompetenti għandha tivverifika d-dokumenti ppreżentati f'konformità mal-paragrafu 2 ta' dan l-Artikolu.

4.   Jekk ma tasal ebda oġġezzjoni għat-tranżitu f'konformità mal-paragrafu 2, l-ewwel subparagrafu, il-punt (b), fi żmien 20 jum ta' xogħol mid-data tat-talba bil-miktub, il-pajjiż terz jew il-pajjiżi terzi ta' tranżitu kkonsultati għandhom jiġu kkunsidrati bħala li ma għandhom ebda oġġezzjoni għat-tranżitu.

5.   Fir-rigward tal-armi tan-nar diżattivati, l-applikant għandu jforni ċ-ċertifikat ta' diżattivazzjoni msemmi fl-Artikolu 15 tad-Direttiva (UE) 2021/555 lill-awtorità kompetenti tal-Istat Membru responsabbli għall-ħruġ tal-awtorizzazzjoni ta' esportazzjoni.

6.   L-awtorità kompetenti tista' tagħti awtorizzazzjonijiet ta' esportazzjoni għall-armi tan-nar elenkati fl-Anness I biss jekk l-applikazzjoni għal tali awtorizzazzjoni tkun akkumpanjata minn dikjarazzjoni tal-utent f'konformità mal-Anness IV maħruġamill-importatur tal-pajjiż tad-destinazzjoni finali. Fil-każ ta' esportazzjoni lil kumpanija privata li terġa' tbigħ il-merkanzija elenkata f'suq lokali, dik il-kumpanija għandha titqies bħala l-utent għall-finijiet ta' dan ir-Regolament. Dak ma għandux iżomm lill-awtorità kompetenti milli tevalwa b'mod differenti applikazzjonijiet għal awtorizzazzjoni ta' esportazzjoni li jikkonċernaw esportazzjonijiet lil rivendituri minn applikazzjonijiet għal awtorizzazzjoni ta' esportazzjoni li jikkonċernaw esportazzjonijiet lil utenti.

7.   Il-perjodu ta' validità ta' awtorizzazzjoni ta' esportazzjoni unika ma għandux jaqbeż il-perjodu ta' validità tal-awtorizzazzjoni ta' importazzjoni maħruġa mill-pajjiż terz. Il-perjodu ta' validità ta' awtorizzazzjoni ta' esportazzjoni multipla ma għandux jaqbeż it-tliet snin. Fejn l-awtorizzazzjoni ta' importazzjoni maħruġa mill-pajjiż terz ma tispeċifikax perjodu ta' validità, il-perjodu ta' validità ta' awtorizzazzjoni ta' esportazzjoni m'għandux jaqbeż sena, ħlief f'ċirkostanzi eċċezzjonali u għal raġunijiet debitament ġustifikati.

1.   L-awtorizzazzjoni ta' esportazzjoni, l-awtorizzazzjoni ta' importazzjoni maħruġa mill-pajjiż terz ikkonċernat u d-dokumentazzjoni li takkumpanjaha flimkien għandhom ikun fihom l-informazzjoni li ġejja:

2.   L-informazzjoni msemmija fil-paragrafu 1, jekk inkluża fl-awtorizzazzjoni ta' importazzjoni maħruġa mill-pajjiż terz ikkonċernat , għandha tiġi pprovduta mill-esportatur bil-quddiem lill-pajjiż, pajjiżi terzi jew it-territorji li minnhom tiġi ttrasportata l-merkanzija, sa mhux aktar tard minn qabel il-vjeġġ.

3.   Il-merkanzija elenkata tista' tiġi esportata biss jekk tkun immarkata f'konformità mal-Artikolu 4 tad-Direttiva (UE) 2021/555.

1.   B'deroga mill-Artikolu 19(1), l-ebda awtorizzazzjoni ta' esportazzjoni m'għandha tkun meħtieġa għall-esportazzjoni temporanja, jew għall-esportazzjoni mill-ġdid ta' merkanzija elenkata fil-każijiet li ġejjin:

Minkejja l-punt (a)(ii) tal-ewwel subparagrafu, fil-każ ta' vjaġġar bl-ajru, il-kaċċaturi, il-parteċipanti f'reċti storiċi jew id-dilettanti tal-isparar għandhom jipproduċu l-pass Ewropew tal-armi tan-nar lill-awtorità kompetenti fejn l-oġġetti elenkati rilevanti jingħataw lil-linja tal-ajru għat-trasport barra mit-territorju doganali tal-Unjoni.

2.   L-awtorità kompetenti għandha tipprovdi lill-persuna li tissottometti l-informazzjoni f'konformità mal-paragrafu 1, l-ewwel subparagrafu, il-punt (a), numru ta' referenza permezz tas-sistema elettronika ta' liċenzjar.

3.   L-awtorità kompetenti ta' Stat Membru għandha, għal perjodu li ma jaqbiżx l-10 ijiem ta' xogħol, tissospendi l-proċess ta' esportazzjoni jew, jekk ikun meħtieġ, tipprevjeni l-merkanzija elenkata milli titlaq mit-territorju doganali tal-Unjoni u jgħaddu minn dak l-Istat Membru, meta jkollha għaliex tissuspetta li r-raġunijiet, imsemmija fil-paragrafu 1, l-ewwel subparagrafu, il-punt (a), ta' dan l-Artikolu, ipprovduti mill-kaċċaturi, parteċipanti f'reċti storiċi jew mid-dilettanti tal-isparar ma jkunux konformi mal-kunsiderazzjonijiet u l-obbligi rilevanti stipulati fl-Artikolu 24. Għal raġunijiet iġġustifikati kif xieraq, dak il-perjodu ta' sospensjoni jista' jiġi estiż mill-awtorità kompetenti għal 30 jum ta' xogħol. L-awtorità kompetenti għandha tikkomunika d-deċiżjoni tagħha li tippermetti r-rilaxx tal-merkanzija elenkata jew li tieħu azzjonijiet ulterjuri lill-awtorità doganali permezz tas-sistema elettronika ta' liċenzjar.

1.   Awtorizzazzjoni simplifikata ta' esportazzjoni tista' tintalab fis-sitwazzjonijiet li ġejjin:

2.   Applikazzjoni għal awtorizzazzjoni simplifikata ta' esportazzjoni għandha tiġi ppreżentata permezz tas-sistema elettronika ta' liċenzjar u għandha tinkludi dan li ġej:

3.   L-awtorità kompetenti għandha tipproċessa applikazzjonijiet għal awtorizzazzjonijiet simplifikati ta' esportazzjoni f'perjodu li ma jaqbiżx 20 jum ta' xogħol, mid-data li fiha l-informazzjoni kollha rikjesta ingħatat lill-awtorità kompetenti. Għal raġunijiet iġġustifikati kif xieraq, dak il-perjodu jista' jiġi estiż għal 40 jum ta' xogħol. L-awtorizzazzjoni simplifikata ta' esportazzjoni għandha tinħareġ permezz tas-sistema elettronika ta' liċenzjar.

4.   Biex l-applikant jikseb l-awtorizzazzjoni simplifikata ta' esportazzjoni, għandhom japplikaw il-kundizzjonijiet li ġejjin:

5.   Il-perjodu ta' validità ta' awtorizzazzjoni simplifikata ta' esportazzjoni maħruġa f'konformità mal-paragrafu 1, il-punt (c), ma għandux jaqbeż il-perjodu ta' validità tal-awtorizzazzjoni ta' importazzjoni stabbilit mill-pajjiż terz, jew sena waħda meta dak il-pajjiż terz ma jispeċifikax perjodu ta' validità jew fejn tkun applikabbli eżenzjoni mir-rekwiżit għal awtorizzazzjoni ta' importazzjoni.

1.   Meta jiddeċiedu jekk għandhiex tingħata awtorizzazzjoni ta' esportazzjoni jew awtorizzazzjoni simplifikata ta' esportazzjoni skont dan ir-Regolament, l-awtorità kompetenti għandha tqis kull kunsiderazzjoni rilevanti, inkluż:

2.   Barra l-kunsiderazzjonijiet rilevanti stipulati fil-paragrafu 1, meta tkun qed tivvaluta applikazzjoni għal awtorizzazzjoni ta' esportazzjoni jew awtorizzazzjoni simplifikata ta' esportazzjoni, l-awtorità kompetenti għandha tqis jekk l-applikant għandux mezzi u proċeduri proporzjonati u adegwati biex tkun żgurata konformità mad-dispożizzjonijiet u l-objettivi ta' dan ir-Regolament u konformità mat-termini u l-kundizzjonijiet tal-awtorizzazzjoni.

3.   Meta jiddeċiedu li jagħtu awtorizzazzjoni ta' esportazzjoni jew awtorizzazzjoni simplifikata ta' esportazzjoni skont dan ir-Regolament, l-awtorità kompetenti għandha tirrispetta kwalunkwe obbligu rigward miżuri restrittivi imposti permezz ta' deċiżjonijiet adottati mill-Kunsill jew b'deċiżjoni tal-Organizzazzjoni tas-Sigurtà u l-Kooperazzjoni fl-Ewropa (OSCE) jew b'riżoluzzjoni vinkolanti tal-Kunsill tas-Sigurtà tan-Nazzjonijiet Uniti, b'mod partikolari fir-rigward tal-embargoes tal-armi, kif ukoll il-liġi nazzjonali li timplimenta dawk l-obbligi.

4.   Qabel ma awtorità kompetenti tagħti awtorizzazzjoni ta' esportazzjoni jew awtorizzazzjoni simplifikata ta' esportazzjoni, hija għandha tqis ir-rifjuti kollha maħruġa skont dan ir-Regolament mill-awtoritajiet kompetenti tal-Istat Membru l-ieħor. L-awtorità kompetenti msemmija qabel tista' l-ewwel tikkonsulta lill-awtorità kompetenti jew lill-awtoritajiet kompetenti kkonċernati msemmija l-aħħar. Jekk, wara tali konsultazzjoni, l-awtorità kompetenti msemmija qabel tiddeċiedi li tagħti awtorizzazzjoni, għandha tinnotifika lill-awtorità kompetenti jew lill-awtoritajiet kompetenti kkonċernati msemmija l-aħħar, billi tipprovdi l-informazzjoni rilevanti kollha biex tispjega d-deċiżjoni tagħha. Dak l-iskambju ta' informazzjoni għandu jsir mingħajr dewmien u permezz tas-sistema elettronika ta' liċenzjar.

5.   L-awtoritajiet kompetenti għandhom jimmonitorjaw li l-kundizzjonijiet tal-awtorizzazzjonijiet tal-esportazzjoni u tal-awtorizazzjonijiet simplifikati ta’ esportazzjoni li joħorġu jkunu ssodisfati abbażi tal-ġestjoni tar-riskju. Il-kundizzjonijiet tal- awtorizzazzjonijiet mogħtija għal durata itwal minn sentejn għandhom jiġu mmonitorjati wara sentejn.

1.   L-awtoritajiet kompetenti għandhom jirrifjutaw li jagħtu awtorizzazzjonijiet ta' esportazzjoni jew awtorizzazzjonijiet simplifikati ta' esportazzjoni jekk tapplika xi waħda mill-kundizzjonijiet li ġejjin:

2.   Għall-finijiet tal-paragrafu 1 ta' dan l-Artikolu, l-Istati Membri għandhom jiksbu l-informazzjoni dwar kundanni kriminali preċedenti tal-applikant fi Stati Membri oħra permezz tas-sistema stabbilita bid-Deċiżjoni Qafas 2009/315/ĠAI.

3.   Għall-finijiet tal-paragrafu 1, il-punt (c), l-Istati Membri għandhom jivverifikaw li l-arma tan-nar mhix elenkata fis-Sistema ta' Informazzjoni ta' Schengen.

4.   Awtorità kompetenti għandha tannulla, tissospendi, timmodifika jew tirrevoka awtorizzazzjoni ta' esportazzjoni jew awtorizzazzjoni simplifikata ta' esportazzjoni jekk il-kundizzjonijiet għall-għoti tagħha ma jkunux issodisfati jew ma jibqgħux issodisfati. Jekk awtorità kompetenti tieħu tali deċiżjoni, hija għandha tagħmel dik l-informazzjoni disponibbli għall-awtorità doganali permezz tas-sistema elettronika ta' liċenzjar mingħajr dewmien.

5.   Meta l-awtorità kompetenti tkun issospendiet awtorizzazzjoni ta' esportazzjoni jew awtorizzazzjoni simplifikata ta' esportazzjoni, hija għandha tagħmel id-deċiżjoni finali tagħha disponibbli għall-Istati Membri l-oħra fl-aħħar tal-perjodu ta' sospensjoni permezz tas-sistema elettronika ta' liċenzjar mingħajr dewmien.

6.   Meta l-awtorità kompetenti tkun irrifjutat li tagħti awtorizzazzjoni ta' esportazzjoni jew awtorizzazzjoni simplifikata ta' esportazzjoni, hija għandha tirreġistra d-deċiżjoni finali tagħha fis-sistema elettronika ta' liċenzjar mingħajr dewmien.

7.   L-informazzjoni kollha kondiviża f'konformità ma' dan l-Artikolu għandha tiġi kondiviża f'konformità mal-Artikolu 28 rigward il-kunfidenzjalità tagħha.

1.   Fi żmien 45 jum mill-ħruġ mit-territorju doganali tal-Unjoni, l-esportatur għandu jipprovdi lill-awtorità kompetenti li ħarġet l-awtorizzazzjoni ta' esportazzjoni, prova li l-vjeġġ mibgħut tal-merkanzija elenkata tkun waslet fil-pajjiż terz tal-importazzjoni, billi jiġu fornuti d-dokumenti doganali rilevanti tal-importazzjoni. Dawk id-dokumenti għandhom jiġu pprovduti permezz tas-sistema elettronika ta' liċenzjar.

2.   Fin-nuqqas tal-prova li l-vjeġġ mibgħut ikun wasal kif imsemmi fil-paragrafu 1, l-awtorità kompetenti li tkun ħarġet l-awtorizzazzjoni ta' esportazzjoni għandha mingħajr dewmien titlob lill-awtorità doganali ta' esportazzjoni konferma li l-formalitajiet doganali relatati mal-ħruġ tal-merkanzija elenkata jkunu twettqu u li l-merkanzija elenkata tkun ħarġet mit-territorju doganali tal-Unjoni.

3.   Jekk l-awtoritajiet doganali jikkonfermaw it-tlestija tal-formalitajiet doganali u tal-ħruġ, l-awtorità kompetenti li tkun ħarġet l-awtorizzazzjoni ta' esportazzjoni għandha titlob lill-awtorità rilevanti tal-pajjiż terz importatur biex tikkonferma d-dħul tal-merkanzija fit-territorju doganali tagħha.

4.   Meta l-awtorità kompetenti ma tkunx tista' tikseb konferma tad-dħul mill-pajjiż terz importatur kif stabbilit fil-paragrafu 3, hija għandha tirreġistra dik l-informazzjoni fis-sistema elettronika ta' liċenzjar.

1.   Awtorità kompetenti li tagħti awtorizzazzjoni ta' esportazzjoni għal merkanzija elenkata tista' twettaq verifiki ta' wara l-vjeġġ biex tiżgura li l-esportazzjoni tagħha tkun konformi mal-impenji magħmula fid-dikjarazzjoni tal-utent kif stipulat fl-Anness IV u li l-merkanzija tkun waslet fid-destinazzjoni finali ppjanata.

2.   L-awtoritajiet kompetenti u l-awtoritajiet doganali għandhom jikkooperaw ma' xulxin u jekk ikun meħtieġ, mal-awtoritajiet ta' pajjiżi terzi sabiex jivverifikaw il-konformità mal-impenji magħmula fid-dikjarazzjoni tal-utent kif stipulat fl-Anness IV u l-wasla tal-merkanzija elenkata fid-destinazzjoni finali ppjanata. Il-verifiki wara l-vjeġġ jistgħu jitwettqu, fejn xieraq, f'pajjiżi terzi, dment li tali pajjiżi terzi jaqblu, permezz ta' kooperazzjoni mal-awtoritajiet amministrattivi ta' dawk il-pajjiżi terzi. L-Istati Membri jistgħu jitolbu lill-Kummissjoni appoġġ fit-twettiq ta' tali verifiki.

1.   Il-Kummissjoni, l-awtoritajiet kompetenti u l-awtoritajiet doganali għandhom jikkooperaw mill-qrib u għandhom jiskambjaw informazzjoni biex jiżguraw l-implimentazzjoni ta' dan ir-Regolament.

2.   L-informazzjoni dwar ir-riskju, inkluż l-analiżi tar-riskju u r-riżultati tal-kontroll, rilevanti għall-infurzar ta' dan ir-Regolament u, b'mod partikolari, fir-rigward tas-suspett ta' traffikar illeċitu ta' merkanzija elenkata għandha tiġi skambjata u pproċessata kif ġej:

3.   L-iskambju u l-ipproċessar tal-informazzjoni stipulata fil-paragrafu 2, il-punti (a) u (b), ta' dan l-Artikolu għandhom jitwettqu permezz tas-sistema stabbilita għal dawk il-finijiet mill-Artikolu 16(1) tar-Regolament (UE) Nru 952/2013. Meta l-awtoritajiet doganali jiskambjaw informazzjoni kunfidenzjali, huma għandhom jikkomunikaw dik l-informazzjoni ukoll, f'konformità mal-Artikolu 12 tar-Regolament (UE) Nru 952/2013, lill-Kummissjoni u lill-awtoritajiet kompetenti.

4.   L-iskambju ta' informazzjoni bejn l-awtoritajiet doganali u l-awtoritajiet kompetenti għandu jitwettaq b'mezzi nazzjonali stabbiliti jew permezz tas-sistema elettronika ta' liċenzjar.

5.   Ir-Regolament tal-Kunsill (KE) Nru 515/97 (33) għandu japplika mutatis mutandis għal miżuri skont dan l-Artikolu.

1.   Meta jlesti l-formalitajiet doganali għall-merkanzija elenkata, id-dikjarant għandu jipprovdi, fid-dikjarazzjoni doganali jew fid-dikjarazzjoni ta' esportazzjoni mill-ġdid, referenza għall-awtorizzazzjoni mogħtija mill-awtorità kompetenti skont l-Artikoli 9, 11, 19 jew 23 jew in-numru ta' referenza pprovdut mill-awtorità kompetenti f'konformità mal-Artikolu 22. Meta jintuża carnet ATA biex jitwettqu l-formalitajiet doganali, dik l-informazzjoni għandha tiġi pprovduta f'waħda mill-partijiet tiegħu.

2.   L-informazzjoni u d-dokumentazzjoni kollha meħtieġa biex tintwera l-konformità tal-merkanzija elenkata ma' dan ir-Regolament għandha tiġi pprovduta mill-importatur jew l-esportatur, f'konformità mat-talba tal-awtorità kompetenti, b'lingwa uffiċjali tal-Istat Membru fejn tinsab dik l-awtorità kompetenti, jew bl-Ingliż.

3.   Meta l-interkonnessjoni msemmija fl-Artikolu 34(7) tkun operazzjonali, l-awtorità doganali għandha tivverifika mal-aċċettazzjoni ta' dikjarazzjoni doganali jew dikjarazzjoni ta' esportazzjoni mill-ġdid għal-merkanzija elenkata, il-validità tal-awtorizzazzjoni permezz tal-Ambjent ta' Tieqa Unika tal-UE għad-Dwana. Il-verifika għandha ssir b'mod elettroniku u awtomatiku.

4.   Meta l-awtorità doganali tirrilaxxa l-merkanzija elenkata għal proċedura doganali jew esportazzjoni mill-ġdid, ir-rilaxx għandu jiġi kkomunikat b'mod elettroniku u awtomatiku lis-sistema elettronika ta' liċenzjar permezz tal-Ambjent ta' Tieqa Unika tal-UE għad-Dwana, ladarba l-interkonnessjoni msemmija fl-Artikolu 34(7) tkun operazzjonali. Meta l-merkanzija elenkata titqiegħed taħt proċedura ta' dħul temporanju, tiġi temporanjament esportata jew hija esportata mill-ġdid bl-użu ta' carnet ATA, l-awtorità doganali għandha tirreġistra l-informazzjoni dwar ir-rilaxx tal-merkanzija fis-sistema elettronika ta' liċenzjar.

5.   Mingħajr preġudizzju għal kwalunkwe setgħa mogħtija lilhom skont ir-Regolament (UE) Nru 952/2013, awtorità doganali ma għandhiex tirrilaxxa l-merkanzija elenkata għal proċedura doganali jew għal esportazzjoni mill-ġdid u fi żmien 24 siegħa għandha tinforma lill-awtorità kompetenti permezz ta' mezzi nazzjonali stabbiliti jew is-sistema elettronika ta' liċenzjar, li għandha tieħu deċiżjoni dwar it-trattament ta' dik il-merkanzija, jekk l-awtorità doganali ikollha dubju li l-merkanzija taqa' fil-kamp ta' applikazzjoni ta' dan ir-Regolament jew ikollha raġunijiet għal suspett li:

L-awtorità kompetenti għandha twieġeb lill-awtorità doganali permezz ta' mezzi nazzjonali stabbiliti jew permezz tas-sistema elettronika ta' liċenzjar fi żmien għaxart ijiem ta' xogħol wara li tkun irċeviet l-informazzjoni msemmija fl-ewwel subparagrafu ta’ dan il-paragrafu. Għal raġunijiet debitament sostanzjati, dak il-perjodu jista' jiġi estiż għal 30 jum ta' xogħol. Fejn l-awtorità kompetenti ma tirrispondix fil-limitu taż-żmien rilevanti, l-awtorità doganali għandha tirrilaxxa l-merkanzija elenkata f'konformità mal-Artikolu 194 tar-Regolament (UE) Nru 952/2013.

1.   Jekk awtorità doganali tidentifika vjeġġ ta' merkanzija elenkata li ma jikkonformax mal-obbligi stipulati f'dan ir-Regolament, hija għandha tieħu l-miżuri xierqa biex tiżgura li dik il-merkanzija tibqa' taħt superviżjoni doganali u fi żmien 24 siegħa għandha tinforma lill-awtorità kompetenti b'dan.

2.   L-awtorità kompetenti għandha tiddeċiedi f'perjodu ta' mhux aktar minn għaxart ijiem ta' xogħol dwar l-immaniġġar ta’ dik il-merkanzija elenkata u tinforma lill-awtorità doganali bid-deċiżjoni tagħha li tippermetti r-rilaxx ta' dik il-merkanzija jew li tieħu azzjoni ulterjuri. Għal raġunijiet debitament sostanzjati, dak il-perjodu jista' jiġi estiż għal 30 jum ta' xogħol.

3.   L-awtorità doganali għandha tiżgura li d-deċiżjoni tal-awtorità kompetenti dwar merkanzija elenkata taħt superviżjoni doganali tiġi eżegwita f'konformità mal-leġiżlazzjoni doganali.

4.   Fejn il-vjeġġ ta' merkanzija elenkata mhux konformi jkun destinat lejn jew intbagħat minn Stat Membru ieħor, l-awtorità kompetenti tal-Istat Membru fejn ikun ġie identifikat il-vjeġġ ta' dik il-merkanzija għandha tinforma mingħajr dewmien, permezz tas-sistema elettronika ta' liċenzjar, lill-awtorità kompetenti tal-Istat Membru tad-dispaċċ jew tad-destinazzjoni dwar il-miżuri meħuda fir-rigward ta' dik il-merkanzija u r-raġunijiet għalihom.

5.   Fil-każ ta' suspett raġonevoli ta' traffikar illeċitu ta' merkanzija elenkata, il-merkanzija għandha tinqabad jew tiġi sekwestrata u informazzjoni relatata mal-merkanzija sekwestrata jew miżmuma matul il-kontrolli doganali għandha tiġi kondiviża mill-awtorità doganali mingħajr dewmien:

6.   Id-data dwar is-sekwestru jew iż-żamma għandha tinkludi, malli tkun disponibbli, l-informazzjoni li ġejja:

7.   L-Artikolu 6(1)ta' dan ir-Regolament ma għandux jipprevjeni lill-awtorità doganali milli tapplika l-Artikolu 198(2) tar-Regolament (UE) Nru 952/2013. Fejn l-awtorità doganali twettaq il-qerda tal-merkanzija elenkata kif deċiż mill-awtorità kompetenti, l-ispejjeż għall-qerda għandhom jitħallsu f'konformità mal-Artikolu 198(3) tar-Regolament (UE) Nru 952/2013.

8.   Il-Kummissjoni għandha, permezz ta' att ta' implimentazzjoni, tiddetermina s-sistema li għandha tintuża biex tinġabar informazzjoni statistika annwali dwar is-sekwestru u ż-żamma ta' merkanzija elenkata. Dak l-att ta' implimentazzjoni għandu jiġi adottat f'konformità mal-proċedura ta' eżami msemmija fl-Artikolu 43(3).

1.   L-Istati Membri għandhom iżommu, għal mhux inqas minn 20 sena, l-informazzjoni kollha relatata mal-importazzjoni, l-esportazzjoni u l-esportazzjoni mill-ġdid tal-merkanzija elenkata, li hija meħtieġa biex tiġi ttraċċata u identifikata dik il-merkanzija, u biex jiġi evitat u skopert it-traffikar illeċitu tagħhom.

2.   L-informazzjoni msemmija fil-paragrafu 1 ta' dan l-Artikolu għandha tinkludi, mutatis mutandis, informazzjoni f'konformità mal-Artikolu 21(1).

3.   Il-paragrafu 1 ta' dan l-Artikolu ma għandux jgħodd għal importazzjonijiet jew esportazzjonijiet kif imsemmija fl-Artikolu 12(1), il-punt (a), jew fl-Artikolu 22(1), il-punti (a) u (b).

1.   Il-Kummissjoni għandha, f'konsultazzjoni mal-Grupp ta' Koordinazzjoni għall-Importazzjoni u għall-Esportazzjoni tal-Armi tan-Nar imsemmi fl-Artikolu 39(1), tippreżenta, kull sena sal-31 ta' Ottubru, rapport annwali lill-Parlament Ewropew u lill-Kunsill dwar l-implimentazzjoni ta' dan ir-Regolament u għandha tagħmel dan ir-rapport pubbliku. Ir-rapport għandu jinkludi l-informazzjoni li ġejja:

2.   Il-Kummissjoni għandha jkollha aċċess għad-data statistika miġbura fis-sistema elettronika ta' liċenzjar u fis-sistema li għandha tiġi ddeterminata f'konformità mal-Artikolu 30(8).

3.   L-Istati Membri għandhom jippreżentaw lill-Kummissjoni l-informazzjoni msemmija fil-paragrafu 1, il-punti (f) u (g), kull sena sal-31 ta' Lulju.

4.   L-istatistika u r-rapport annwali msemmi fil-paragrafu 1 ma għandhom jinkludu l-ebda data personali, l-ebda informazzjoni kummerċjalment sensittiva jew l-ebda informazzjoni protetta dwar id-difiża, il-politika barranija jew is-sigurtà nazzjonali.

1.   Il-Kummissjoni għandha tistabbilixxi u żżomm sistema elettronika ta' liċenzjar sikura u kriptata għall-awtorizzazzjonijiet ta' importazzjoni, esportazzjoni u simplifikata ta' esportazzjoni, u reġistrazzjonijiet, informazzjoni u deċiżjonijiet relatati magħhom skont l-Artikoli 9, 11, 12, 13, 19, 22, 23, 25, 26, 28, 29 u 30.

Is-sistema elettronika ta' liċenzjar imsemmija fl-ewwel subparagrafu għandha tipprovdi mill-inqas il-funzjonalitajiet li ġejjin:

2.   Permezz ta' atti ta' implimentazzjoni, il-Kummissjoni għandha tistabbilixxi regoli għall-funzjonament tas-sistema elettronika ta' liċenzjar, inkluż regoli relatati mal-ipproċessar ta' data personali u l-iskambju ta' data ma' sistemi oħra tal-IT. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 43(3).

3.   Il-Kummissjoni għandha tipprovdi aċċess għas-sistema elettronika ta' liċenzjar lil:

Il-persuni msemmija fil-punt (b) tal-ewwel subparagrafu għandu jkollhom aċċess biss għall-informazzjoni dwarhom infushom.

4.   Il-Kummissjoni għandha tipprevedi interkonnessjoni bejn is-sistema elettronika ta' liċenzjar u s-sistemi elettroniċi ta' liċenzjar nazzjonali, jekk dawn ikunu ġew stabbiliti.

5.   L-ipproċessar ta' data personali fis-sistema elettronika ta' liċenzjar għandu jitwettaq f'konformità mar-Regolament (UE) 2016/679 jew mar-Regolament (UE) 2018/1725, kif applikabbli.

6.   Is-sistema elettronika ta' liċenzjar għandha tkun fis-seħħ sat-12 ta’ Frar 2027.

7.   Għall-finijiet tal-verifika u tal-komunikazzjoni msemmija fl-Artikolu 29(3) u (4) ta' dan ir-Regolament rispettivament, is-Sistema ta' Skambju ta' Ċertifikati tat-Tieqa Unika tal-Unjoni Ewropea għad-Dwana msemmija fl-Artikolu 4 tar-Regolament (UE) 2022/2399 tgħaqqad is-sistema elettronika ta' liċenzjar mal-Ambjent ta' Tieqa Unika tal-UE għad-Dwana. L-interkonnessjoni għandha tiġi stabbilit sat-12 ta’ Frar 2031.

1.   L-Istati Membri għandhom jirrappurtaw lill-Kummissjoni sal-1 ta' Lulju ta' kull sena dwar il-mudelli tal-armi tal-allarm u tas-sinjal li jkunu ġew ikkontrollati f'konformità mal-Artikolu 8. Dawn ir-rapporti għandhom jiġu diskussi fil-Grupp ta' Koordinazzjoni dwar l-Importazzjonijiet u l-Esportazzjonijiet tal-Armi tan-Nar imsemmi fl-Artikolu 39.

2.   L-Istati Membri għandhom jirrapportaw kull sentejn lill-Grupp ta' Koordinazzjoni dwar ir-riżultati tal-monitoraġġ tal-awtorizzazzjonijiet imsemmija fl-Artikolu 39 dwar ir-riżultati tal-monitoraġġ tal-awtorizzazzjonijiet imsemmija fl-Artikoli 10(8) u 24(5). Dawk ir-rapporti għandhom jiġu diskussi fil-Grupp ta' Koordinazzjoni dwar l-Importazzjonijiet u l-Esportazzjonijiet tal-Armi tan-Nar.

1.   L-Istati Membri għandhom jieħdu l-miżuri meħtieġa biex jiġi żgurat li l-proċeduri ta' awtorizzazzjoni tagħhom ikunu siguri u li l-awtentiċità tad-dokumenti ta' awtorizzazzjoni tista' tkun ivverifikata jew ivvalidata.

2.   L-Istati Membri jistgħu wkoll, fejn xieraq, jiżguraw il-verifika u l-validazzjoni permezz ta' mezzi diplomatiċi.

1.   Sabiex ikun żgurat li dan ir-Regolament jiġi applikat kif suppost, l-Istati Membri għandhom jieħdu kull miżura meħtieġa biex ikun permess li l-awtoritajiet kompetenti tagħhom ikunu jistgħu:

2.   Fuq talba ta' pajjiż terz tal-esportazzjoni li jkun Stat Parti għall-Protokoll tan-NU dwar l-Armi tan-Nar fil-mument tal-esportazzjoni, l-awtorità kompetenti tal-Istat Membru li joħroġ l-awtorizzazzjoni ta' importazzjoni użata għall-esportazzjoni mill-pajjiż terz għandha tikkonferma l-importazzjoni jew il-ħażna temporanja tal-merkanzija elenkata ikkonċernata mill-awtorizzazzjoni ta' importazzjoni.

1.   L-Istati Membri għandhom jistabbilixxu r-regoli dwar penali applikabbli għal ksur ta' dan ir-Regolament u għandhom jieħdu l-miżuri kollha meħtieġa sabiex jiżguraw li jiġu implimentati. Il-pieni previsti għandhom ikunu effettivi, proporzjonati u dissważivi. L-Istati Membri għandhom jinnotifikaw lill-Kummissjoni b'dawk ir-regoli u dawk il-miżuri u għandhom jinnotifikawha bi kwalunkwe emenda sussegwenti li tolqothom.

2.   Ir-reġim ta' protezzjoni tal-informaturi stabbilit bid-Direttiva (UE) 2019/1937 għandu japplika għal persuni li jirrapportaw ksur ta' dan ir-Regolament.

1.   Għandu jitwaqqaf Grupp ta' Koordinazzjoni għall-Importazzjoni u għall-Esportazzjoni tal-Armi tan-Nar (“Grupp ta' Koordinazzjoni”) ippresedut minn rappreżentant tal-Kummissjoni. Għandu jkun magħmul minn rappreżentanti tal-awtoritajiet kompetenti msemmija fl-Artikolu 40(2).

2.   Il-Grupp ta' Koordinazzjoni għandu jeżamina kull kwistjoni dwar l-applikazzjoni ta' dan ir-Regolament li tista' titqajjem jew mill-president jew minn rappreżentant tal-awtoritajiet kompetenti msemmija fl-Artikolu 40(2). L-ipproċessar u l-użu ta' informazzjoni f'konformità ma' dan il-paragrafu għandhom jikkonformaw mar-Regolament (KE) Nru 515/97 dwar il-kunfidenzjalità tagħha.

3.   Il-President tal-Grupp ta' Koordinazzjoni, jew il-Grupp ta' Koordinazzjoni għandu, kull meta jkun meħtieġ, jikkonsulta lill-partijiet interessati, ikkonċernati minn dan ir-Regolament.

1.   Kull Stat Membru għandu jinforma lill-Kummissjoni bil-liġijiet, ir-regolamenti u d-dispożizzjonijiet amministrattivi adottati biex ikun implimentat dan ir-Regolament.

2.   Sat-12 ta’ Awwissu 2025 kull Stat Membru għandu jaħtar u jinforma lill-Istati Membri l-oħra u lill-Kummissjoni dwar l-awtorità jew l-awtoritajiet nazzjonali kompetenti għall-implimentazzjoni ta' dan ir-Regolament.

3.   Abbażi tal-informazzjoni li tkun waslet skont il-paragrafu 2, il-Kummissjoni għandha tippubblika u taġġorna fis-sit web tagħha lista tal-awtoritajiet imsemmija f'dak il-paragrafu kull meta ssir bidla.

4.   Fuq talba tal-Grupp ta' Koordinazzjoni u fi kwalunkwe każ kull 10 snin, il-Kummissjoni għandha tirrieżamina l-implimentazzjoni ta' dan ir-Regolament u għandha tippreżenta rapport lill-Parlament Ewropew u lill-Kunsill dwar l-applikazzjoni tiegħu, li jista' jinkludi proposti biex jiġi emendat. L-Istati Membri għandhom jipprovdu lill-Kummissjoni l-informazzjoni kollha adatta għat-tħejjija tar-rapport . Il-Kummissjoni għandha tippubblika l-ewwel rapport interim dwar l-applikazzjoni sat-12 ta’ Frar 2030.

1.   Is-setgħa ta' adozzjoni ta' atti delegati hija mogħtija lill-Kummissjoni suġġett għall-kundizzjonijiet stabbiliti f'dan l-Artikolu.

2.   Is-setgħa ta' adozzjoni ta' atti delegati msemmija fl-Artikolu 41 għandha tingħata lill-Kummissjoni għal perjodu ta' żmien indeterminat.

3.   Id-delega ta' setgħa msemmija fl-Artikolu 41 tista' tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta' setgħa speċifikata f'dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fih. Ma għandhiex taffettwa l-validità ta' xi att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikolu 41 għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b'xahrejn b'inizjattiva tal-Parlament Ewropew jew tal-Kunsill.

1.   Il-Kummissjoni għandha tkun megħjuna minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

3.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

1.   Sat-12 ta’ Frar 2029, għall-implimentazzjoni tal-Artikolu 32(1), kull Stat Membru għandu sal-31 ta' Lulju ta' kull sena jippreżenta lill-Kummissjoni l-informazzjoni li ġejja:

2.   L-awtorizzazzjonijiet għall-importazzjoni jew l-esportazzjoni ta' merkanzija elenkata, soġġetta għall-Artikoli 9, 11, 19, u 23 u mogħtija qabel it-12 ta’ Frar 2029 għandhom jibqgħu validi għal perjodu massimu ta' tnax-il xahar minn dik id-data.

3.   L-awtorizzazzjonijiet għall-importazzjoni jew l-esportazzjoni ta' merkanzija elenkata, mitluba qabel it-12 ta’ Frar 2029 u pendenti f'dik id-data, għandhom jingħataw skont id-dispożizzjonijiet applikabbli qabel dik id-data. Dawk l-awtorizzazzjonijiet għandhom ikunu validi għal perjodu massimu ta' tnax-il xahar minn dik id-data.

4.   Ir-restrizzjonijiet kwantitattivi fuq l-importazzjoni tal-merkanzija elenkata msemmija fl-Artikolu 14, li jkunu fis-seħħ fl-Istati Membri fil-11 ta’ Frar 2025, għandhom jiġu nnotifikati lill-Kummissjoni, skont il-proċedura stipulata fl-Artikoli 15, 16 u 17. L-Istati Membri għandhom jagħmlu dik in-notifika sat-12 ta’ Awwissu 2028.