(1)

L-unjoni doganali hija pedament tal-Unjoni Ewropea, li hija waħda mill-akbar blokok kummerċjali fid-dinja. L-unjoni doganali hija fundamentali biex l-integrazzjoni tal-Unjoni tkun waħda ta’ suċċess u biex is-suq intern jiffunzjona tajjeb, għall-benefiċċju tan-negozji u l-konsumaturi.

(2)

Il-kummerċ internazzjonali tal-Unjoni huwa soġġett kemm għal-leġiżlazzjoni doganali u għal leġiżlazzjoni li mhijiex dik doganali. Din tal-aħħar hija applikabbli għal merkanzija speċifika f’oqsma ta’ politika bħas-saħħa u s-sikurezza, l-ambjent, l-agrikoltura, is-sajd, il-wirt kulturali u s-sorveljanza tas-suq. Wieħed mill-kompiti prinċipali assenjati lill-awtoritajiet doganali skont ir-Regolament (UE) Nru 952/2013 tal-Parlament Ewropew u tal-Kunsill (3) huwa li jiġu żgurati s-sigurtà u s-sikurezza tal-Unjoni u r-residenti tagħha, u l-protezzjoni tal-ambjent, fejn xieraq, f’kooperazzjoni mill-qrib ma’ awtoritajiet oħra. In-nuqqas ta’ allinjament bejn il-formalitajiet mhux doganali tal-Unjoni u l-formalitajiet doganali spiss jirriżulta f’obbligi onerużi u kumplessi ta’ rapportar għan-negozjanti u proċessi ineffiċjenti ta’ żdoganar tal-merkanzija li jwasslu għal żball u frodi u spejjeż addizzjonali għall-operaturi ekonomiċi. In-nuqqas ta’ interoperabbiltà tas-sistemi użati minn dawk l-awtoritajiet doganali u awtoritajiet oħra huwa ostaklu maġġuri għall-progress fit-tlestija tas-suq uniku diġitali għal dak li jikkoċerna l-kontrolli doganali. Sabiex tiġi indirizzata l-interoperabbiltà frammentata bejn l-awtoritajiet doganali u l-awtoritajiet kompetenti sħab fil-ġestjoni tal-proċessi tal-iżdoganar tal-merkanzija u sabiex tiġi kkoordinata l-azzjoni f’dan il-qasam, matul is-snin il-Kummissjoni u l-Istati Membri ħadu għadd ta’ impenji biex jiżviluppaw inizjattivi ta’ tieqa unika għall-iżdoganar tal-merkanzija.

(3)

Skont id-Deċiżjoni Nru 70/2008/KE tal-Parlament Ewropew u tal-Kunsill (4), l-Istati Membri u l-Kummissjoni jeħtiġilhom jagħmlu ħilithom biex jistabbilixxu u jagħmlu operazzjonali qafas ta’ servizzi ta’ tieqa unika li jipprevedi l-fluss ta’ data mingħajr xkiel bejn l-operaturi ekonomiċi u l-awtoritajiet doganali, bejn l-awtoritajiet doganali u l-Kummissjoni, bejn l-awtoritajiet doganali u amministrazzjonijiet jew aġenziji oħra, u bejn sistema doganali u oħra fl-Unjoni kollha. Ċerti elementi ta’ dik id-Deċiżjoni jew ġew sostitwiti jew mhumiex konkreti biżżejjed biex jinkoraġġixxu u jinċentivaw aktar avvanzi, b’mod partikolari fuq l-inizjattiva tat-tieqa unika. B’segwitu għal dan, u f’konformità mar-rapport finali tal-Kummissjoni tal-21 ta’ Jannar 2015 intitolat “L-evalwazzjoni tal-implimentazzjoni doganali elettronika fl-UE”, il-Konklużjonijiet tal-Kunsill tas-17 ta’ Diċembru 2014 dwar l-Implimentazzjoni Elettronika tad-Dwana u tat-Tieqa Unika fl-Unjoni Ewropea approvaw id-Dikjarazzjoni ta’ Venezja tal-15 ta’ Ottubru 2014 u stiednu lill-Kummissjoni biex tippreżenta proposta għar-reviżjoni tad-Deċiżjoni Nru 70/2008/KE.

(4)

Fl-1 ta’ Ottubru 2015, il-Kunsill adotta d-Deċiżjoni (UE) 2015/1947 (5) dwar il-konklużjoni, f’isem l-Unjoni, tal-Ftehim dwar il-Faċilitazzjoni tal-Kummerċ, li daħal fis-seħħ fit-22 ta’ Frar 2017. Dak il-ftehim jirrappreżenta l-aktar sforz estensiv fil-faċilitazzjoni tal-kummerċ u r-riforma doganali taħt l-Organizzazzjoni Dinjija tal-Kummerċ. Fih dispożizzjonijiet li jimmiraw li jtejbu b’mod sinifikanti l-iżdoganar tal-merkanzija u l-kooperazzjoni effettiva bejn l-awtoritajiet diganali u awtoritajiet regolatorji oħra dwar kwistjonijiet ta’ faċilitazzjoni tal-kummerċ u konformità doganali. Skont l-Artikolu 10(4) ta’ dak il-ftehim, il-membri jridu jagħmlu ħilithom biex jistabbilixxu jew iżommu tieqa waħda, li tippermetti lill-kummerċjanti jissottomettu rekwiżiti ta’ dokumentazzjoni u/jew ta’ data għall-importazzjoni, l-esportazzjoni jew it-tranżitu ta’ merkanzija minn punt ta’ dħul uniku lill-awtoritajiet jew l-aġenziji parteċipanti. Fejn jitqies xieraq u fejn previst fil-leġislazzjoni tal-Unjoni għajr il-leġislazzjoni doganali, jenħtieġ li jkun possibbli wkoll għall-Istati Membri li jippermettu lin-negozjanti jippreżentaw id-dokumenti u/jew id-data meħtieġa għall-merkanzija f’ħażna temporanja permezz ta’ dak il-punt ta’ dħul uniku.

(5)

Il-faċilitazzjoni tal-kummerċ, u s-sikurezza u s-sigurtà, jikkonċernaw lill-awtoritajiet kollha involuti fil-proċess tal-iżdoganar tal-merkanzija bejn il-fruntieri tal-Unjoni. Iż-żieda rapida fil-kummerċ internazzjonali u fil-kummerċ elettroniku żiedet il-ħtieġa ta’ kooperazzjoni u koordinazzjoni aħjar fost dawk l-awtoritajiet. Il-proċess kontinwu ta’ diġitalizzazzjoni jippermetti li din is-sitwazzjoni tiġi indirizzata b’mod aktar effiċjenti billi s-sistemi tal-awtoritajiet doganali u tal-awtoritajiet kompetenti sħab jiġu konnessi flimkien u billi jkun possibbli l-iskambju awtomatizzat integrat, aċċessibbli u sistematiku tal-informazzjoni bejniethom bl-għan li tissaħħaħ u tiġi stabbilita kooperazzjoni regolari fir-rigward tal-proċeduri doganali. Bħala tali, il-qafas attwali tal-konformità regolatorja mhuwiex biżżejjed biex jappoġġja interazzjoni effettiva bejn l-awtoritajiet doganali u l-awtoritajiet kompetenti sħab, li s-sistemi u l-proċeduri tagħhom huma kkaratterizzati minn frammentazzjoni u sensji. Proċess tal-iżdoganar tal-merkanzija kkoordinat bis-sħiħ u effiċjenti jeħtieġ ambjent regolatorju tal-Unjoni simplifikat għall-kummerċ internazzjonali li jwassal benefiċċji fit-tul lill-Unjoni u lir-residenti tagħha fl-oqsma kollha ta’ politika, jappoġġja l-effikaċja u l-funzjonament tajjeb tas-suq intern u jiżgura l-protezzjoni tal-konsumaturi.

(6)

Ir-Rapport Speċjali 4/2021 tal-Qorti Ewropea tal-Awdituri intitolat “Kontrolli doganali: armonizzazzjoni insuffiċjenti tfixkel l-interessi finanzjarji tal-UE” u l-Konklużjonijiet tal-Kunsill tat-28 ta’ Ġunju 2021 dwar dak ir-Rapport Speċjali għandhom jitqiesu fl-implimentazzjoni ta’ dan ir-Regolament, peress li l-funzjonament tajjeb tas-suq intern u l-unjoni doganali jeħtieġ riżorsi u persunal suffiċjenti.

(7)

Il-Pjan ta’ Azzjoni tal-UE dwar il-gvern elettroniku 2016-2020 stabbilit fil-Komunikazzjoni tal-Kummissjoni tad-19 ta’ April 2016 ifittex li jżid l-effiċjenza tas-servizzi pubbliċi billi jneħħi l-ostakli diġitali eżistenti, inaqqas il-piż amministrattiv u jtejjeb il-kwalità tal-interazzjonijiet bejn l-amministrazzjonijiet nazzjonali. B’mod partikolari, dak il-pjan ta’ azzjoni jħaddan prinċipji bħall-prinċipju standard tas-servizz “diġitali b’mod awtomatiku”, il-prinċipju ta’ rappurtar “darba biss” u l-prinċipju “transfruntier b’mod awtomatiku”, li għandhom l-għan li jiffaċilitaw il-mobbiltà fi ħdan is-suq uniku diġitali. Huwa jħaddan ukoll il-prinċipji tal-“interoperabbiltà b’mod awtomatiku”, li għandu l-għan li jiżgura li s-servizzi pubbliċi jaħdmu bla xkiel fis-suq intern kollu, u l-affidabbiltà tad-data personali u s-sigurtà tal-IT.

(8)

F’konformità mal-viżjoni stabbilita fil-Pjan ta’ Azzjoni tal-UE dwar il-gvern elettroniku 2016-2020 u l-isforzi usa’ biex jiġu ssimplifikati u diġitalizzati l-proċessi ta’ rapportar għall-kummerċ internazzjonali tal-merkanzija, il-Kummissjoni żviluppat proġett pilota volontarju msejjaħ “Sistema ta’ Skambju ta’ Ċertifikati tat-Tieqa Unika tal-Unjoni Ewropea għad-Dwana”. Dak il-proġett jippermetti lill-awtoritajiet doganali jivverifikaw awtomatikament il-konformità ma’ għadd limitat ta’ formalitajiet mhux doganali, u b’hekk jippermetti li tiġi skambjata informazzjoni bejn is-sistemi doganali tal-Istati Membri parteċipanti u s-sistemi tal-Unjoni mhux doganali rispettivi li jiġġestixxu l-formalitajiet mhux doganali. Filwaqt li l-proġett tejjeb il-proċeduri tal-iżdoganar, in-natura volontarja tiegħu tillimita b’mod ċar il-potenzjal tiegħu li jiġġenera benefiċċji sostanzjali għall-awtoritajiet doganali, l-awtoritajiet kompetenti sħab u l-operaturi ekonomiċi. Il-benefiċċji potenzjali tal-proġett huma limitati b’mod partikolari minħabba n-nuqqas ta’ stampa globali tal-importazzjonijiet kollha lejn l-Unjoni u l-esportazzjonijiet minnha u minħabba li għandu effett limitat fit-tnaqqis tal-piż amministrattiv għall-operaturi ekonomiċi.

(9)

Sabiex jinkiseb ambjent kompletament diġitali u proċess effiċjenti għall-iżdoganar tal-merkanzija għall-partijiet kollha involuti fil-kummerċ internazzjonali, huwa meħtieġ li jiġu stabbiliti regoli komuni għal Ambjent ta’ Tieqa Unika tal-Unjoni Ewropea għad-Dwana (“Ambjent ta’ Tieqa Unika tal-UE għad-Dwana”) armonizzata u integrata. Dik is-sistema jenħtieġ li tinkludi sett ta’ servizzi elettroniċi integrati bis-sħiħ ikkonsenjati fil-livell tal-Unjoni u dak nazzjonali biex jiffaċilitaw il-kondiviżjoni tal-informazzjoni u l-kooperazzjoni diġitali bejn l-awtoritajiet doganali u l-awtoritajiet kompetenti sħab u biex jissimplifikaw il-proċessi tal-iżdoganar tal-merkanzija għall-operaturi ekonomiċi. Jenħtieġ li l-Ambjent tat-Tieqa Unika Doganali tal-UE jiġi żviluppat f’allinjament mal-possibbiltajiet għal identifikazzjoni u awtentikazzjoni affidabbli offruti mir-Regolament (UE) Nru 910/2014 tal-Parlament Ewropew u tal-Kunsill (6) u l-prinċipju ta’ darba biss fejn xieraq, kif imtenni fir-Regolament (UE) 2018/1724 tal-Parlament Ewropew u tal-Kunsill (7). Sabiex jiġi implimentat l-Ambjent ta’ Tieqa Unika tal-UE għad-Dwana, jeħtieġ li tiġi stabbilita, abbażi tal-proġett pilota, sistema ta’ skambju ta’ ċertifikati, is-Sistema ta’ Skambju Elettroniku ta’ Ċertifikati tat-Tieqa Unika tal-Unjoni Ewropea għad-Dwana (CSW-CERTEX tal-UE), li tgħaqqad flimkien l-ambjenti nazzjonali ta’ tieqa unika għad-dwana u s-sistemi tal-Unjoni mhux doganali li jimmaniġġjaw formalitajiet speċifiċi mhux doganali. Huwa wkoll meħtieġ li jiġu armonizzati l-ambjenti nazzjonali ta’ tieqa unika għad-dwana, li jiġu integrati dawk l-ambjenti fl-Ambjent ta’ Tieqa Unika tal-UE għad-Dwana, u li jiġi stabbilit sett ta’ regoli dwar il-kooperazzjoni amministrattiva diġitali fi ħdan l-Ambjent ta’ Tieqa Unika tal-UE għad-Dwana.

(10)

Jenħtieġ li l-Ambjent ta’ Tieqa Unika tal-UE għad-Dwana jkun allinjat u jsir interoperabbli kemm jista’ jkun ma’ sistemi eżistenti jew futuri oħra relatati mad-dwana, bħall-iżdoganar ċentralizzat fl-ambitu tar-Regolament (UE) Nru 952/2013. Fejn rilevanti, jenħtieġ li jiġu mfittxija sinerġiji bejn is-sistema ta’ Single Window Marittima Ewropea stabbilita bir-Regolament (UE) 2019/1239 tal-Parlament Ewropew u tal-Kunsill (8) u l-Ambjent ta’ Tieqa Unika tal-Unjoni Ewropea għad-Dwana.

(11)

Dan ir-Regolament għandu jwassal, b’mod partikolari, għal protezzjoni aħjar taċ-ċittadini u t-tnaqqis fil-piż amministrattiv fuq l-operaturi ekonomiċi u l-awtoritajiet doganali.

(12)

Huwa meħtieġ li l-Ambjent ta’ Tieqa Unika tal-UE għad-Dwana jintegra soluzzjonijiet b’saħħithom ta’ ċibersigurtà biex jiġu evitati, kemm jista’ jkun, attakki li jistgħu jfixklu s-sistemi doganali u mhux doganali, jagħmlu ħsara lis-sigurtà tal-kummerċ jew jikkawżaw ħsara lill-ekonomija tal-Unjoni. L-istandards taċ-ċibersigurtà jenħtieġ li jitfasslu b’tali mod li jevolvu bl-istess pass bħar-rekwiżiti regolatorji għas-sigurtà tal-informazzjoni tan-networks. Fl-iżvilupp, l-operat u ż-żamma tal-Ambjent ta’ Tieqa Unika tal-UE għad-Dwana, il-Kummissjoni u l-Istati Membri jenħtieġ li jsegwu linji gwida xierqa maħruġa mill-Aġenzija tal-Unjoni Ewropea għaċ-Ċibersigurtà (ENISA) dwar iċ-ċibersigurtà.

(13)

L-iskambju ta’ informazzjoni diġitali permezz tas-CSW-CERTEX tal-UE jenħtieġ li ikopru l-formalitajiet mhux doganali tal-Unjoni stabbiliti fil-leġiżlazzjoni tal-Unjoni li mhijiex il-leġiżlazzjoni doganali li l-awtoritajiet doganali huma fdati jinfurzaw. Il-formalitajiet mhux doganali tal-Unjoni jinkludu l-operazzjonijiet kollha li jeħtieġ li jitwettqu minn persuna fiżika, operatur ekonomiku jew awtorità kompetenti sieħba għall-moviment internazzjonali tal-merkanzija, inkluża l-parti tal-moviment bejn l-Istati Membri, meta meħtieġ. Dawk il-formalitajiet jimponu obbligi differenti għall-importazzjoni, l-esportazzjoni jew it-tranżitu ta’ ċerta merkanzija, u l-verifika tagħhom permezz ta’ kontrolli doganali hija essenzjali għall-funzjonament effettiv tal-Ambjent ta’ Tieqa Unika tal-UE għad-Dwana. Is-CSW-CERTEX tal-UE jenħtieġ li tkopri l-formalitajiet diġitalizzati stabbiliti fil-leġiżlazzjoni tal-Unjoni u ġestiti minn awtoritajiet kompetenti sħab f’sistemi elettroniċi mhux doganali tal-Unjoni, u jaħżnu l-informazzjoni rilevanti mill-Istati Membri kollha meħtieġa għall-iżdoganar tal-merkanzija. Huwa għalhekk xieraq li jiġu identifikati l-formalitajiet mhux doganali tal-Unjoni u s-sistemi mhux doganali rispettivi tal-Unjoni li jenħtieġ li jkunu soġġetti għal kooperazzjoni diġitali permezz tas-CSW-CERTEX tal-UE.

B’mod partikolari, id-definizzjoni ta’ sistemi mhux doganali tal-Unjoni jenħtieġ li tkun wiesgħa u jenħtieġ li tinkludi s-sitwazzjonijiet u l-formulazzjonijiet legali differenti fl-atti legali li ppermettew jew li se jippermettu l-ħolqien u l-użu ta’ dawk is-sistemi. Barra minn hekk, huwa xieraq ukoll li jiġu speċifikati d-dati sa meta s-sistema mhux doganali speċifika tal-Unjoni li tkopri formalità mhux doganali tal-Unjoni u l-ambjenti nazzjonali ta’ tieqa unika għad-dwana jenħtieġ li jkunu interkonnessi mas-CSW-CERTEX tal-UE. Dawk id-dati jenħtieġ li jirriflettu d-dati stabbiliti fil-leġiżlazzjoni tal-Unjoni għajr il-leġiżlazzjoni doganali għat-twettiq tal-formalità mhux doganali speċifika tal-Unjoni, sabiex ikun jista’ jkun hem konformità permezz tal-Ambjent ta’ Tieqa Unika tal-UE għad-Dwana. B’mod partikolari, is-CSW-CERTEX tal-UE jenħtieġ li tkopri r-rekwiżiti sanitarji u fitosanitarji, ir-regoli li jirregolaw l-importazzjoni ta’ prodotti organiċi, ir-rekwiżiti ambjentali fir-rigward tal-gassijiet serra fluworinati u s-sustanzi li jnaqqsu l-ożonu, u l-formalitajiet relatati mal-importazzjoni ta’ beni kulturali.

(14)

Jenħtieġ li s-CSW-CERTEX tal-UE tiffaċilita l-iskambju tal-informazzjoni bejn l-ambjenti nazzjonali ta’ tieqa unika għad-dwana u s-sistemi mhux doganali tal-Unjoni. B’hekk, meta operatur ekonomiku jissottometti dikjarazzjoni doganali jew dikjarazzjoni ta’ esportazzjoni mill-ġdid, li teħtieġ li l-formalitajiet mhux doganali tal-Unjoni jiġu sodisfatti, jenħtieġ li jkun possibbli għall-awtoritajiet doganali u l-awtoritajiet kompetenti sħab li jiskambjaw awtomatikament u b’mod effettiv u jivverifikaw l-informazzjoni li hija meħtieġa għall-proċess tal-iżdoganar tal-merkanzija. Kooperazzjoni u koordinazzjoni diġitali mtejba bejn l-awtoritajiet doganali u l-awtoritajiet kompetenti sħab jenħtieġ li jwasslu għal proċessi mingħajr karti aktar integrati, aktar rapidi u aktar sempliċi għall-iżdoganar tal-merkanzija u infurzar aħjar tal-formalitajiet mhux doganali tal-Unjoni u l-konformità magħhom.

(15)

Il-Kummissjoni, f’kollaborazzjoni mal-Istati Membri, jenħtieġ li tiżviluppa, tintegra u topera s-CSW-CERTEX tal-UE, inkluż l-għoti ta’ taħriġ xieraq dwar il-funzjonament u l-implimentazzjoni tagħha lill-Istati Membri. Sabiex jiġu pprovduti servizzi ta’ tieqa unika xierqa, armonizzati u standardizzati fil-livell tal-Unjoni għall-formalitajiet mhux doganali tal-Unjoni, il-Kummissjoni jenħtieġ li tgħaqqad kull sistema mhux doganali rispettivi tal-Unjoni mas-CSW-CERTEX tal-UE. L-Istati Membri jenħtieġ li jkunu responsabbli biex jgħaqqdu l-ambjenti nazzjonali tagħhom ta’ tieqa unika għad-dwana mas-CSW-CERTEX tal-UE b’assistenza, fejn meħtieġ, tal-Kummissjoni.

(16)

Kwalunkwe pproċessar ta’ data personali u mhux personali fis-CSW-CERTEX tal-UE jenħtieġ li sseħħ skont ir-Regolament (UE) 2016/679 tal-Parlament Ewropew u tal-Kunsill (9) (il-“GDPR”), ir-Regolament (UE) 2018/1725 tal-Parlament Ewropew u tal-Kunsill (10) (l-IDPR”) u huwa mingħajr ebda preġudizzju għar-Regolament (UE) 2018/1807 tal-Parlament Ewropew u tal-Kunsill (11). (ir-“Regolament dwar il-moviment liberu ta’ data mhux personali”). Jenħtieġ li sseħħ f’ambjent sigur u mingħajr periklu li jkun protett mit-theddid ċibernetiku. Għal dak il-għan, jenħtieġ li jintużaw miżuri ta’ ċibersigurtà organizzattivi u tekniċi xierqa. Barra minn hekk, jenħtieġ li jippermetti l-iskambju ta’ informazzjoni bejn l-ambjenti nazzjonali ta’ tieqa unika għas-sistemi doganali u mhux doganali tal-Unjoni mingħajr ebda ħżin ta’ data personali, bl-eċċezzjoni ta’ logs tekniċi meħtieġa biex tiġi identifikata d-data mibgħuta lil sistema partikolari. Jenħtieġ ukoll li jittrasforma d-data, fejn meħtieġ, biex jippermetti l-iskambju ta’ informazzjoni bejn iż-żewġ dominji diġitali. L-infrastruttura tat-teknoloġija tal-informazzjoni użati għat-trasformazzjoni tad-data jenħtieġ li tkun fl-Unjoni.

(17)

Skont it-tip ta’ formalità mhux doganali, l-informazzjoni elettronika li trid tiġi skambjata permezz tas-CSW-CERTEX tal-UE jista’ jkun fiha kategoriji differenti ta’ suġġetti tad-data u d-data personali tagħhom meħtieġa biex jippreżentaw id-dikjarazzjoni doganali jew id-dikjarazzjoni ta’ esportazzjoni mill-ġdid jew biex japplikaw għal dokumenti ta’ sostenn. Id-dikjarazzjonijiet doganali jew id-dikjrazzjonijiet ta’ esportazzjoni mill-ġdid jista’ jkun fihom data personali ta’ bosta kategoriji ta’ suġġetti tad-data, inkluż l-esportaturi, l-importaturi, id-destinatarji, u atturi addizzjonali tal-katina tal-provvista. Id-dokumenti ta’ sostenn jista’ jkun fihom l-istess informazzjoni għal kategoriji oħra ta’ suġġetti tad-data, bħall-konsenjaturi, l-esportaturi, id-destinatarji, l-importaturi u d-detenturi tal-liċenzja. It-tielet kategorija ta’ suġġetti tad-data li d-data personali tagħhom tista’ tiġi pproċessata fis-CSW-CERTEX tal-UE tinkludi persunal awtorizzat tal-awtoritajiet doganali, l-awtoritajiet kompetenti sħab jew kwalunkwe korp iċċertifikat ieħor, kif ukoll il-persunal tal-Kummissjoni u kwalunkwe fornitur terz li jaġixxi f’isem il-Kummissjoni u involut f’attivitajiet operazzjonali u ta’ manutenzjoni tas-CSW-CERTEX tal-UE.

(18)

Fejn id-data personali hija pproċessata minn żewġ entitajiet jew aktar li flimkien jiddeterminaw l-għan u l-mezzi tal-ipproċessar, dawk l-entitajiet jenħtieġ li jkunu kontrolluri konġunti. Peress li l-Kummissjoni u l-awtoritajiet doganali u l-awtoritajiet kompetenti sħab tal-Istati Membri huma responsabbli għall-funzjonament tas-CSW-CERTEX tal-UE, huma jenħtieġ li jkunu kontrolluri konġunti tal-ipproċessar tad-data personali fis-CSW-CERTEX tal-UE f’konformità mar-Regolamenti (UE) 2016/679 u (UE) 2018/1725.

(19)

L-ambjent ta’ Tieqa Unika tal-UE għad-Dwana jenħtieġ li jinkludi strumenti sikuri għan-nuqqasijiet u jenħtieġ li jkun imfassal bil-ħsieb li jikkontribwixxi u jrawwem il-kapaċitajiet analitiċi tad-data tal-awtoritajiet doganali, anki permezz tal-użu ta’ għodod assistiti mill-intelliġenza artifiċjali għad-detezzjoni ta’ ksur li hu soġġett għal kontrolli doganali jew li qed jiġi investigat mill-awtoritajiet doganali, anki fir-rigward tas-sikurezza u s-sigurtà tal-merkanzija u l-protezzjoni tal-interessi finanzjarji tal-Unjoni.

(20)

Iż-żieda fid-diġitalizzazzjoni tal-formalitajiet regolatorji doganali u mhux doganali tal-Unjoni applikabbli għall-kummerċ internazzjonali fetħet opportunitajiet ġodda għall-Istati Membri biex itejbu l-kooperazzjoni diġitali bejn l-awtoritajiet doganali u l-awtoritajiet kompetenti sħab. Sabiex jilħqu dawk l-opportunitajiet u l-prijoritajiet, bosta Stati Membri bdew jiżviluppaw oqfsa għal ambjenti nazzjonali ta’ tieqa unika għad-dwana. Dawk l-inizjattivi jvarjaw sostanzjalment skont il-livell tal-arkitettura, il-prijoritajiet u l-istrutturi tal-ispejjeż tat-teknoloġija tal-informazzjoni doganali eżistenti. Huwa għalhekk meħtieġ li l-Istati Membri jintalbu jistabbilixxu u joperaw ambjenti nazzjonali ta’ tieqa unika għad-dwana għall-formalitajiet mhux doganali tal-Unjoni koperti mis-CSW-CERTEX tal-UE, b’sett minimu ta’ funzjonalitajiet li jippermettu l-isfruttament tad-data kollha preżenti fis-sistemi mhux doganali tal-Unjoni użati mill-awtoritajiet kompetenti sħab. Dawk l-ambjenti jenħtieg li jikkostitwixxu l-komponenti nazzjonali tal-Ambjent ta’ Tieqa Unika tal-UE għad-Dwana, li jippermettu l-kondiviżjoni tal-informazzjoni u l-kooperazzjoni permezz ta’ mezzi elettroniċi bejn l-awtoritajiet doganali, l-awtoritajiet kompetenti sħab u l-operaturi ekonomiċi biex tiġi żgurata l-konformità mal-leġiżlazzjoni doganali u l-infurzar effiċjenti tagħha u l-formalitajiet mhux doganali tal-Unjoni koperti mis-CSW-CERTEX tal-UE.

F’konformità ma’ dan l-objettiv, l-ambjenti nazzjonali ta’ tieqa unika għad-dwana jenħtieġ li jippermettu l-verifika awtomatizzata mill-awtoritajiet doganali tal-formalitajiet li fir-rigward tagħhom id-data tiġi trażmessa mis-sistema mhux doganali rispettiva tal-Unjoni permezz tas-CSW-CERTEX tal-UE. Jenħtieġ li l-ambjenti nazzjonali ta’ tieqa unika għad-dwana jippermettu wkoll lill-awtoritajiet kompetenti sħab jimmonitorjaw u jikkontrollaw il-kwantitajiet ta’ merkanzija awtorizzata (“ġestjoni tal-kwantità”) li jkunu ġew rilaxxati mill-awtoritajiet doganali permezz tal-Unjoni. Dan jenħtieġ li jiġi żgurat billi tiġi pprovduta l-informazzjoni meħtieġa dwar l-iżdoganar lis-sistemi mhux doganali tal-Unjoni permezz tas-CSW-CERTEX tal-UE. F’termini prattiċi, il-ġestjoni tal-kwantità fil-livell tal-Unjoni hija meħtieġa sabiex ikun jista’ jsir infurzar aħjar tal-formalitajiet mhux doganali billi l-użu tal-kwantitajiet awtorizzati għar-rilaxx tal-merkanzija jiġi mmonitorjat b’mod awtomatiku u konsistenti, u jiġi evitat l-użu eċċessiv jew il-ġestjoni ħażina tagħhom. Il-konnessjoni tal-ambjenti nazzjonali ta’ tieqa unika għad-dwana mas-CSW-CERTEX tal-UE tkun tiffaċilita l-ġestjoni effiċjenti tal-kwantità fil-livell tal-Unjoni.

(21)

Biex ikomplu jiġu ssimplifikati l-proċessi tal-iżdoganar tal-merkanzija għall-operaturi ekonomiċi, l-ambjenti nazzjonali ta’ tieqa unika għad-dwana jenħtieġ li jsiru mezz wieħed ta’ komunikazzjoni li, mingħajr preġudizzju għall-użu ta’ mezzi ta’ komunikazzjoni eżistenti oħra, jista’ jintuża mill-operaturi ekonomiċi biex jikkomunikaw mal-awtoritajiet doganali u mal-awtoritajiet kompetenti sħab. Madankollu, jenħtieġ li dawk l-ambjenti la jillimitaw u lanqas ifixklu kwalunkwe forma oħra ta’ kollaborazzjoni bejn l-awtoritajiet doganali u l-awtoritajiet kompetenti sħab. Il-formalitajiet mhux doganali tal-Unjoni soġġetti għal dik il-miżura ta’ faċilitazzjoni addizzjonali huma subsett tal-formalitajiet ġenerali koperti mis-CSW-CERTEX tal-UE. Il-Kummissjoni jenħtieġ li tidentifika dawk il-formalitajiet progressivament billi tivvaluta t-twettiq ta’ sett ta’ kriterji rilevanti għall-faċilitazzjoni tal-kummerċ, filwaqt li tqis il-fattibbiltà legali u teknika tagħhom. Sabiex tkompli tissaħħaħ il-faċilitazzjoni tal-kummerċ u tittejjeb l-effiċjenza tal-kontrolli, jenħtieġ li jkun possibbli li l-ambjenti nazzjonali ta’ tieqa unika għad-dwana jintużaw bħala pjattaforma għall-koordinazzjoni tal-kontrolli bejn l-awtoritajiet doganali u l-awtoritajiet kompetenti sħab f’konformità mal-Artikolu 47(1) tar-Regolament (UE) Nru 952/2013.

(22)

Kull Stat Membru jenħtieġ li jinnomina awtorità komptenti waħda jew aktar biex jaġixxu ta’ kontrollur tal-operazzjonijiet tal-ipproċessar tad-data mwettqa fl-ambjent nazzjonali tiegħu ta’ tieqa unika għad-dwana. Dawk l-operazzjonijiet tal-ipproċessar tad-data jenħtieġ li jitwettqu f’konformità mar-Regolament (UE) 2016/679. Minħabba li xi data li toriġina mill-ambjent nazzjonali ta’ tieqa unika għad-dwana trid tiġi skambjata ma’ sistemi mhux doganali tal-Unjoni permezz tas-CSW-CERTEX tal-UE, kull Stat Membru jenħtieġ li jintalab li jinnotifika lill-Kummissjoni mingħajr dewmien żejjed f’każ ta’ ksur ta’ data personali li jikkomprometti s-sigurtà, il-kunfidenzjalità, id-disponibbiltà jew l-integrità tad-data personali pproċessata fl-ambjent nazzjonali ta’ tieqa unika għad-dwana tiegħu u skambjata permezz tas-CSW-CERTEX tal-UE.

(23)

Il-proċess tal-iżdoganar tal-merkanzija kkoordinat bis-sħiħ jeħtieġ proċeduri li jappoġġjaw il-kooperazzjoni diġitali u l-kondiviżjoni tal-informazzjoni bejn l-awtoritajiet doganali, l-awtoritajiet kompetenti sħab u l-operaturi ekonomiċi biex jissodisfaw u jinfurzaw il-formalitajiet mhux doganali tal-Unjoni koperti mis-CSW-CERTEX tal-UE. F’dak il-kontest, l-interoperabbiltà tfisser il-kapaċità li tali il-proċessi jitmexxew bla xkiel fis-sistemi u fl-oqsma doganali u mhux doganali mingħajr ma jintilef il-kuntest jew it-tifsira tad-data skambjata. Sabiex tkun tista’ ssir il-verifika kompletament awtomatizzata tal-formalitajiet mhux doganali tal-Unjoni, is-CSW-CERTEX tal-UE jenħtieġ li tiżgura l-interoperabbiltà teknika u li t-tifsira tad-data rilevanti tkun konsistenti. Huwa importanti li t-terminoloġija doganali u dik mhux doganali tiġi allinjata biex jiġi żgurat li d-data u l-informazzjoni skambjati jiġu ppreservati u mifhuma matul l-iskambji bejn is-sistemi mhux doganali tal-Unjoni u l-ambjenti nazzjonali ta’ tieqa unika għad-dwana. Barra minn hekk, biex jiġi żgurat l-infurzar armonizzat tal-formalitajiet mhux doganali tal-Unjoni fl-Unjoni kollha, jenħtieġ li s-CSW-CERTEX tal-UE tidentifika l-proċedura doganali jew l-esportazzjoni mill-ġdid li għalihom jista’ jintuża d-dokument ta’ sostenn abbażi tad-deċiżjoni amministrattiva indikata mill-awtorità kompetenti sieħba fid-dokument ta’ sostenn. Minn perspettiva teknika, is-CSW-CERTEX tal-UE jenħtieġ li jrendi d-data doganali u dik mhux doganali kompatibbli billi tittrasforma l-format jew l-istruttura tagħha, fejn ikun meħtieġ, mingħajr ma jinbidel il-kontenut tagħha.

(24)

Fid-dawl tal-formalitajiet mhux doganali tal-Unjoni koperti, is-CSW-CERTEX tal-UE jenħtieġ li jkollha diversi skopijiet. Jenħtieġ li trendi d-data rilevanti disponibbli għall-awtoritajiet doganali biex dawn jinfurzaw aħjar il-politiki regolatorji mhux doganali tal-Unjoni permezz tal-verifika awtomatizzata ta’ dawk il-formalitajiet; Jenħtieġ li tipprovdi d-data rilevanti lill-awtoritajiet kompetenti sħab biex dawn jimmonitorjaw u jiddeterminaw il-kwantità li jifdal ta’ merkanzija awtorizzata li ma tkunx tħassret mid-dwana fl-iżdoganar ta’ kunsinni oħra. Barra minn hekk, jenħtieġ li tappoġġja wkoll l-implimentazzjoni tal-prinċipju ta’ “punt uniku ta’ servizz” għat-twettiq tal-kontrolli msemmija fl-Artikolu 47(1) tar-Regolament (UE) Nru 952/2013, billi tiffaċilita l-integrazzjoni tal-proċeduri doganali u mhux doganali tal-Unjoni għal proċess kompletament awtomatizzat tal-iżdognanar tal-merkanzija.

Xi atti legali tal-Unjoni jeħtieġu trasferimenti ta’ data bejn is-sistemi doganali nazzjonali u s-sistema ta’ informazzjoni u komunikazzjoni stabbilita fl-att rilevanti. Jenħtieġ għalhekk li s-CSW-CERTEX tal-UE tippermetti kwalunkwe skambju awtomatizzat ta’ informazzjoni bejn l-awtoritajiet doganali u l-awtoritajiet kompetenti sħab fejn meħtieġ minn dawk l-atti, mingħajr ma tillimita l-kooperazzjoni għal dawk l-iskambji ta’ data biss. Sa fejn il-liġi tal-Unjoni ma tipprevedix dan, l-Istati Membri jiddefinixxu l-aspett operazzjonali tal-kooperazzjoni bejn l-awtoritajiet doganali u dawk mhux doganali fil-livell nazzjonali. Għalhekk, l-Istati Membri jistgħu jużaw il-funzjonalitajiet kollha tas-CSW-CERTEX tal-UE għat-twettiq kompletament awtomatizzat tal-formalitajiet u kwalunkwe trasferiment awtomatizzat ieħor ta’ data bejn l-awtoritajiet doganali u l-awtoritajiet kompetenti sħab rilevanti meħtieġ mil-leġiżlazzjoni tal-Unjoni li tistabbilixxi l-formalitajiet mhux doganali tal-Unjoni.

(25)

Biex jiġi stabbilit mezz ta’ komunikazzjoni uniku mal-awtoritajiet involuti fl-iżdoganar tal-merkanzija, l-ambjenti nazzjonali ta’ tieqa unika għad-dwana jenħtieġ li jippermettu lill-operaturi ekonomiċi jissottomettu d-data meħtieġa mil-leġiżlazzjoni doganali u mil-leġiżlazzjoni tal-Unjoni li mhijiex dik doganali f’punt wieħed u jirċievu r-rispons elettroniku ta’ kwalunkwe informazzjoni relatata mill-awtoritajiet involuti direttament minn dak il-punt. Tali rispons jista’ jinkludi notifiki ta’ deċiżjonijiet doganali. Jenħtieġ li jkun possibbli li l-mezz uniku ta’ komunikazzjoni intuża biss għall-formalitajiet mhux doganali tal-Unjoni koperti mis-CSW-CERTEX tal-UE u identifikati bħala adatti għal miżuri ta’ faċilitazzjoni addizzjonali.

(26)

Hemm trikkib sinifikanti bejn id-data inkluża fid-dikjarazzjoni doganali jew id-dikjarazzjoni ta’ esportazzjoni mill-ġdid u d-data inkluża fid-dokumenti ta’ sostenn għall-formalitajiet mhux doganali tal-Unjoni elenkati fl-Anness. Sabiex ikun jista’ jsir użu mill-ġdid tad-data sabiex l-operaturi ekonomiċi ma jkollhomx għalfejn jipprovdu l-istess data aktar minn darba, huwa meħtieġ li jiġu rrikonċiljati u rrazzjonalizzati r-rekwiżiti tad-data għall-formalitajiet doganali u għall-formalitajiet mhux doganali tal-Unjoni koperti mis-CSW-CERTEX tal-UE. Il-Kummissjoni jenħtieġ li għalhekk tidentifika l-elementi tad-data inklużi kemm fid-dikjarazzjoni doganali jew id-dikjarazzjoni ta’ esportazzjoni mill-ġdid u fid-dokumenti ta’ sostenn meħtieġa għall-formalitajiet mhux doganali tal-Unjoni elenkati fl-Anness (“sett ta’ data komuni”). Il-Kummissjoni jenħtieġ li tidentifika wkoll l-elementi tad-data li huma meħtieġa biss mil-leġiżlazzjoni tal-Unjoni li mhijiex dik doganali (“sett ta’ data tal-awtorità kompetenti sieħba”). Is-sett ta’ data komuni, is-sett ta’ data tal-awtoritajiet kompetenti sħab u s-sett ta’ data meħtieġa biss mid-dwana jenħtieġ li jikkostitwixxu sett ta’ data integrat li jinkludi l-informazzjoni kollha relatata mal-iżdoganar meħtieġa biex jitwettqu l-formalitajiet doganali u mhux doganali tal-Unjoni koperti mis-CSW-CERTEX tal-UE.

(27)

Sabiex jiġu sodisfatti l-formalitajiet doganali u mhux doganali li jaffettwaw l-istess movimenti ta’ merkanzija, l-ambjenti nazzjonali ta’ tieqa unika għad-dwana jenħtieġ li, għas-sistemi non doganali obbligatorji tal-Unjoni, jew jistgħu, għas-sistemi non doganali volontarji tal-Unjoni, jippermettu lill-operaturi doganali jippreżentaw id-data kollha meħtieġa minn diversi awtoritajiet regolatorji għat-tqegħid tal-merkanzija taħt proċeduri doganali jew għall-esportazzjoni mill-ġdid tagħhom permezz ta’ sett ta’ data integrata. Skont il-formalitajiet mhux doganali speċifiċi tal-Unjoni, jenħtieġ li jkun possibbli li tali data tiġi ppreżentata f’mumenti differenti, u flimkien mad-dikjarazzjoni doganali jew id-dikjarazzjoni ta’ esportazzjoni mill-ġdid ppreżentati qabel il-preżentazzjoni mistennija tal-merkanzija lill-awtoritajiet doganali, skont l-Artikolu 171 tar-Regolament (UE) Nru 952/2013. Tali sottomissjonijiet ikunu jippermettu l-issodisfar tal-prinċipju ta’ “darba biss”. L-ambjenti nazzjonali ta’ tieqa unika għad-dwana jenħtieġ li jużaw is-sett ta’ data integrat biex jittrażmettu s-sett ta’ data komuni u s-sett ta’ data tal-awtorità kompetenti sieħba lis-CSW-CERTEX tal-UE, u d-data komuni u speċifika meħtieġa mid-dwana lill-awtoritajiet doganali.

(28)

Sabiex tiġi trażmessa l-informazzjoni pprovduta mill-operaturi ekonomiċi permezz tal-ambjenti nazzjonali ta’ tieqa unika għad-dwana lill-awtoritajiet kollha kkonċernati, jenħtieġ li s-CSW-CERTEX tal-UE tippermetti l-iskambju meħtieġ ta’ informazzjoni bejn l-oqsma doganali u dawk mhux doganali. B’mod partikolari, jenħtieġ li s-CSW-CERTEX tal-UE tirċievi d-data meħtieġa biex jitwettqu l-formalitajiet mhux doganali applikabbli tal-Unjoni mill-ambjenti nazzjonali ta’ tieqa unika għad-dwana u tittrasmettiha lis-sistema mhux doganali rispettiva tal-Unjoni. Dan l-iskambju jenħtieġ li jippermetti lill-awtoritajiet kompetenti sħab jirrieżaminaw l-informazzjoni trażmessa lis-sistemi tal-Unjoni mhux doganali rispettivi u jieħdu d-deċiżjonijiet ta’ żdoganar tagħhom li jenħtieġ li jiġu trasmessi lill-awtoritajiet doganali permezz tas-CSW-CERTEX tal-UE. L-awtoritajiet doganali, min-naħa tagħhom, jenħtieġ li jittrasmettu din l-informazzjoni lill-operaturi ekonomiċi permezz tal-ambjenti nazzjonali ta’ tieqa unika għad-dwana. In-numru tar-Reġistrazzjoni u tal-Identifikazzjoni tal-Operaturi Ekonomiċi (in-“numru EORI”) jenħtieġ li jintuża bħala l-identifikatur għall-kondiviżjoni u l-kontroreferenzi tal-informazzjoni relatata ma’ dawk l-iskambji.

(29)

Skont l-Artikolu 9 tar-Regolament (UE) Nru 952/2013, in-numru EORI huwa assenjat lil kull operatur ekonomiku involut f’operazzjonijiet doganali bħala identifikatur għat-tranżazzjonijiet kollha mal-awtoritajiet doganali fl-Unjoni. Il-Kummissjoni żżomm sistema ċentrali tal-EORI sabiex taħżen u tittratta d-data relatata mal-EORI. Sabiex tiġi ffaċilitata l-kollaborazzjoni bejn l-awtoritajiet differenti involuti fil-proċess tal-iżdoganar tal-merkanzija, l-awtoritajiet kompetenti sħab jenħtieġ li jkollhom aċċess għas-sistema EORI biex jivvalidaw in-numru EORI li jistgħu jitolbu mill-operaturi ekonomiċi fil-kuntest tal-formalitajiet tagħhom.

(30)

Il-kooperazzjoni mill-qrib bejn il-Kummissjoni u l-Istati Membri hija essenzjali biex jiġu kkoordinati l-attivitajiet kollha assoċjati mal-funzjonament effettiv tal-Ambjent ta’ Tieqa Unika tal-UE għad-Dwana. Dan se jgħin ukoll biex inaqqas id-distakk bejn il-livelli diverġenti ta’ diġitalizzazzjoni u ta’ tħejjija diġitali tal-Istati Membri, u b’hekk jipprevjeni d-distorsjonijiet potenzjali. Minħabba l-ambitu wiesa’ u divers ta’ dawk l-attivitajiet, huwa meħtieġ li kull Stat Membru jaħtar awtorità kompetenti bħala koordinatur nazzjonali. Mingħajr preġudizzju għall-organizzazzjoni interna tal-amministraturi nazzjonali, il-koordinatur nazzjonali jenħtieġ li jkun il-punt ta’ kuntatt għall-Kummissjoni, u jenħtieġ li jippromwovi l-kooperazzjoni fil-livell nazzjonali, filwaqt li jiżgura l-interoperabbiltà tas-sistema. Il-Kummissjoni jenħtieġ li tipprovdi koordinazzjoni fejn meħtieġ, u tgħin biex jiġi żgurat l-infurzar effiċjenti tal-formalitajiet mhux doganali tal-Unjoni.

(31)

L-iżvilupp tal-Ambjent ta’ Tieqa Unika tal-UE għad-Dwana jinvolvi diversi spejjeż tal-implimentazzjoni. Huwa importanti li dawk l-ispejjeż jiġu allokati bejn il-Kummissjoni u l-Istati Membri bl-aktar mod xieraq skont it-tip ta’ servizzi pprovduti. Il-Kummissjoni jenħtieġ li ġġarrab l-ispejjeż relatati mal-iżvilupp, il-manutenzjoni u l-operat tas-CSW-CERTEX tal-UE, li hija komponent ċentrali tal-Ambjent ta’ Tieqa Unika tal-UE għad-Dwana, u l-ispejjeż relatati mal-iżgurar tal-interfaċċji tagħha mas-sistemi mhux doganali tal-Unjoni. L-Istati Membri jenħtieġ li iġarrbu l-ispejjeż relatati mar-rwol tagħhom fl-iżgurar tal-interfaċċji mas-CSW-CERTEX tal-UE u l-iżvilupp, il-manutenzjoni u l-operat tal-ambjenti nazzjonali ta’ tieqa unika għad-dwana.

(32)

Huwa meħtieġ ippjanar dettaljat sabiex jiġu integrati b’mod progressiv diversi formalitajiet mhux doganali tal-Unjoni minn oqsma ta’ politika differenti fis-CSW-CERTEX tal-UE. Għal dak il-għan, il-Kummissjoni jenħtieġ li tħejji programm ta’ ħidma biex jiġu inkorporati dawk il-formalitajiet fis-CSW-CERTEX tal-UE u biex jiġu żviluppati konnessjonijiet bejn is-sistemi mhux doganali tal-Unjoni li jipproċessaw dawk il-formalitajiet u s-CSW-CERTEX tal-UE. L-objettiv prinċipali tal-programm ta’ ħidma jenħtieġ li jkun li jappoġġja r-rekwiżiti operazzjonali u l-iskeda ta’ żmien tal-implimentazzjoni ta’ dawk l-attivitajiet, b’kunsiderazzjoni partikolari mogħtija għall-iżviluppi tal-IT meħtieġa, fost l-oħrajn, fl-ambjenti nazzjonali ta’ tieqa unika għad-dwana. Il-programm ta’ ħidma jenħtieġ li jiġi rivedut regolarment biex jivvaluta l-progress ġenerali fl-applikazzjoni ta’ dan ir-Regolament, u jenħtieġ li jiġi aġġornat mill-inqas kull tliet snin.

(33)

Il-Kummissjoni jenħtieġ li timmonitorja regolarment l-istat ta’ żvilupp tal-Ambjent ta’ Tieqa Unika tal-UE għad-Dwana u l-potenzjal għall-estenzjoni ulterjuri tal-użu tiegħu. Għal dak il-għan, jenħtieġ li l-Kummissjoni tipproduċi rapport annwali dwar l-istat tal-implimentazzjoni tal-Ambjent ta’ Tieqa Unika tal-UE għad-Dwana u l-ambjenti nazzjonali ta’ tieqa unika għad-dwana, b’referenza għall-programm ta’ ħidma. Barra minn hekk, dak ir-rapport jenħtieġ li jinkludi wkoll ħarsa ġenerali dettaljata dwar il-formalitajiet mhux doganali eżistenti tal-Unjoni u dawk inklużi fil-proposti leġiżlattivi tal-Kummissjoni, bil-għan li tiġi pprovduta ħarsa ġenerali ċara tal-istat ta’ diġitalizzazzjoni tal-formalitajiet fil-fruntiera. Barra minn hekk, jenħtieġ li dak ir-rapport, mill-inqas kull tliet snin, jinkludi r-riżultati tal-monitoraġġ regolari tal-funzjonament tal-Ambjent ta’ Tieqa Unika tal-UE għad-Dwana. Flimkien mal-monitoraġġ, il-Kummissjoni jenħtieġ li tevalwa wkoll il-prestazzjoni tas-CSW-CERTEX tal-UE biex tiżgura l-infurzar effiċjenti tal-formalitajiet mhux doganali tal-Unjoni koperti mis-CSW-CERTEX tal-UE. Il-Kummissjoni jenħtieġ li tippreżenta rapporti ta’ valutazzjoni regolari dwar il-funzjonament tal-Ambjent ta’ Tieqa Unika tal-UE għad-Dwana lill-Parlament Ewropew u lill-Kunsill. Dawk ir-rapporti jenħtieġ li jqisu l-progress li jkun sar, jidentifikaw oqsma għat-titjib u jipproponu rakkomandazzjonijiet għall-futur fid-dawl tal-progress li sar lejn kollaborazzjoni diġitali mtejba bejn l-awtoritajiet doganali u l-awtoritajiet kompetenti sħab involuti fl-iżdoganar tal-merkanzija biex jiġu żgurati proċessi simplifikati għall-operaturi ekonomiċi u l-infurzar effiċjenti tal-formalitajiet mhux doganali tal-Unjoni. Dawk ir-rapporti jenħtieġ li jqisu wkoll l-informazzjoni rilevanti pprovduta mill-Istati Membri dwar, fost l-oħrajn, l-ambjenti nazzjonali tagħhom ta’ tieqa unika għad-dwana. Għall-fini tal-monitoraġġ u r-rapportar, il-Kummissjoni jenħtieġ li torganizza u żżomm djalogu kontinwu mal-Istati Membri, mal-operaturi ekonomiċi rilevanti kollha u ma’ partijiet rilevanti oħra.

(34)

L-iżvilupp ta’ sistemi ġodda tal-IT u l-aġġornament tas-sistemi tal-IT eżistenti jeħtieġu sforzi sostanzjali f’termini ta’ investiment finanzjarju u uman, speċjalment fl-IT innifisha. Dan ir-Regolament inaqqas d-distakki bejn l-awtoritajiet doganali u l-awtoritajiet kompetenti sħab, u jipprovdi qafas għall-kollaborazzjoni diġitali li jeħtieġ li jiġi implimentat fl-Unjoni kollha. Għalhekk, sabiex jiġu żgurati ppjanar u skedi ta’ żmien xierqa, l-Istati Membri huma mħeġġa jwettqu valutazzjonijiet tal-impatt fuq is-sistemi, il-proċessi u l-ippjanar nazzjonali tagħhom u jipprovdu l-informazzjoni meħtieġa, fil-ħin, lill-Kummissjoni, bil-ħsieb li jippromwovu tfassil aħjar tal-liġijiet, b’mod partikolari fir-rigward tal-atti delegati u l-atti ta’ implimentazzjoni, f’konformità mal-objettivi tal-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (12).

(35)

Biex jiġi żgurat il-funzjonament effiċjenti u effettiv tal-Ambjent ta’ Tieqa Unika tal-UE għad-Dwana, jenħtieġ li tiġi ddelegata s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea lill-Kummissjoni fir-rigward tal-emendar tal-lista ta’ formalitajiet mhux doganali tal-Unjoni koperti mis-CSW-CERTEX tal-UE fl-Anness; is-supplimentazzjoni ta’ dan ir-Regolament billi jiġu speċifikati l-elementi tad-data li jridu jiġu skambjati permezz tas-CSW-CERTEX tal-UE; is-supplimentazzjoni dan ir-Regolament billi jiġu identifikati s-sett ta’ data komuni flimkien mas-sett ta’ data tal-awtorità kompetenti sieħba għal kull att rilevanti tal-Unjoni applikabbli għall-formalitajiet mhux doganali tal-Unjoni integrati fis-CSW-CERTEX tal-UE. Meta temenda l-lista ta’ formalitajiet mhux doganali tal-Unjoni koperti mis-CSW-CERTEX tal-UE, jenħtieġ li l-Kummissjoni tiddetermina wkoll id-dati sa meta s-sistemi mhux doganali rispettivi tal-Unjoni u l-ambjenti nazzjonali ta’ tieqa unika għad-dwana jenħtieġ li jkunu konnessi mas-CSW-CERTEX tal-UE. Dawk id-dati jenħtieġ li jiġu stabbiliti filwaqt li jitqiesu żewġ elementi: l-ewwel nett, id-dati sa meta ċerti obbligi mil-leġiżlazzjoni tal-Unjoni jridu jiġu ssodisfati, sabiex jiġi żgurat li l-Ambjent ta’ Tieqa Unika tal-UE għad-Dwana jkun jista’ jintuża għal dak il-għan u, t-tieni, it-twieqi ta’ skjerament li jintużaw b’mod komuni għas-sistemi doganali.

L-Istati Membri jistgħu jikkollegaw ċerti sistemi mhux doganali tal-Unjoni u l-ambjent nazzjonali ta’ tieqa unika għad-dwana mas-CSW-CERTEX tal-UE qabel id-dati stabbiliti fl-Anness. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet. B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(36)

Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li jingħataw setgħat ta’ implimentazzjoni lill-Kummissjoni fir-rigward tal-istabbiliment tar-responsabbiltajiet rispettivi tal-kontrolluri konġunti għall-konformità mal-obbligi skont ir-Regolamenti (UE) 2016/679 u (UE) 2018/1725; l-adozzjoni ta’ regoli speċifiċi għall-iskambju ta’ informazzjoni li jrid jiġi pproċessat permezz tas-CSW-CERTEX tal-UE, inkluż, fejn xieraq, kwalunkwe regola speċifika biex tiġi żgurata l-protezzjoni tad-data personali; id-determinazzjoni tal-formalitajiet mhux doganali tal-Unjoni integrati fis-CSW-CERTEX tal-UE li jistgħu jkunu soġġetti għal kooperazzjoni diġitali addizzjonali; l-adozzjoni ta’ arranġamenti proċedurali għall-iskambji addizzjonali ta’ informazzjoni pproċessati permezz tas-CSW-CERTEX tal-UE, inkluż, fejn xieraq, kwalunkwe regola speċifika li tirregola l-protezzjoni tad-data personali u l-adozzjoni ta’ programm ta’ ħidma biex jappoġġja l-implimentazzjoni tad-dispożizzjonijiet relatati mal-konnessjoni tas-sistemi mhux doganali rilevanti tal-Unjoni mas-CSW-CERTEX tal-UE u l-integrazzjoni tal-formalitajiet mhux doganali rispettivi tal-Unjoni. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (13).

(37)

Peress li dan ir-Regolament jistabbilixxi mekkaniżmu għall-awtoritajiet doganali biex jinfurzaw il-formalitajiet li jaffettwaw il-proċess tal-iżdoganar tal-merkanzija, huwa meħtieġ li jiġi inkluż flimkien mad-dispożizzjonijiet addizzjonali u implimentattivi tiegħu fid-definizzjoni tal-leġiżlazzjoni doganali stabbilita fl-Artikolu 2, il-punt 5 tar-Regolament (UE) Nru 952/2013. Dan l-approċċ huwa konformi mal-Artikolu 3 ta’ dak ir-Regolament, li jinkariga lill-awtoritajiet doganali bil-kompitu li jiżguraw is-sigurtà u s-sikurezza tal-Unjoni u r-residenti tagħha f’kooperazzjoni mill-qrib ma’ awtoritajiet oħra fejn xieraq, filwaqt li jiffaċilita l-kummerċ. Għalhekk, jenħtieġ li r-Regolament (UE) Nru 952/2013 jiġi emendat biex jinkludi l-Ambjent ta’ Tieqa Unika tal-UE għad-Dwana fil-lista tal-leġiżlazzjoni doganali li hemm fih. L-Artikolu 163(1) tar-Regolament (UE) Nru 952/2013 jistipula li d-dokumenti ta’ sostenn meħtieġa għall-applikazzjoni tad-dispożizzjonijiet li jirregolaw il-proċedura doganali rilevanti jew l-esportazzjoni mill-ġdid jridu jkunu fil-pussess tad-dikjarant u għad-dispożizzjoni tal-awtoritajiet doganali fil-ħin meta ssir id-dikjarazzjoni doganali jew id-dikjarazzjoni ta’ esportazzjoni mill-ġdid. Billi l-awtoritajiet doganali se jkunu jistgħu jiksbu permezz tas-CSW-CERTEX tal-UE d-data meħtieġa assoċjata mal-formalitajiet mhux doganali tal-Unjoni, dan l-obbligu jenħtieġ li jitqies li ġie ssodisfat. Għalhekk, sabiex jiġu integrati aħjar il-proċeduri doganali u mhux doganali tal-Unjoni, biex ikunu jistgħu jaħdmu simultanjament, l-Artikolu 163(1) tar-Regolament (UE) Nru 952/2013 għandu jiġi emendat skont dan.

(38)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 u ta l-opinjoni tiegħu fl-20 ta’ Novembru 2020.

(39)

L-integrazzjoni tal-formalitajiet mhux doganali tal-Unjoni fis-CSW-CERTEX tal-UE teħtieġ l-implimentazzjoni ta’ infrastruttura ġdida tat-teknoloġija tal-informazzjoni biex jiġu stabbiliti konnessjonijiet bejn l-ambjenti nazzjonali ta’ tieqa unika għad-dwana u s-sistemi mhux doganali tal-Unjoni, l-identifikazzjoni tad-data li trid tiġi skambjata, u l-iżvilupp ta’ speċifikazzjonijiet tekniċi u funzjonali. Iż-żmien meħtieġ biex dawn l-iżviluppi jiġu avvanzati fil-livell tal-Unjoni u dak nazzjonali jenħtieġ li għalhekk jitqies għall-applikazzjoni ta’ dan ir-Regolament. Barra minn hekk, l-implimentazzjoni ta’ miżuri addizzjonali ta’ kooperazzjoni diġitali hija mistennija li tieħu sostanzjalment aktar fit-tul peress li teħtieġ identifikazzjoni minn qabel tal-formalitajiet mhux doganali tal-Unjoni kkonċernati flimkien mal-iżviluppi tekniċi rilevanti. Huwa għalhekk meħtieġ li l-applikazzjoni ta’ ċerti dispożizzjonijiet ta’ dan ir-Regolament tiġi differita.

(40)

Billi l-objettiv ta’ dan ir-Regolament, jiġifieri l-infurzar aħjar tar-rekwiżiti regolatorji tal-Unjoni bejn il-fruntieri tal-Unjoni u l-faċilitazzjoni tal-kummerċ internazzjonali, ma jistax jintlaħaq b’mod suffiċjenti mill-Istati Membri minħabba n-natura transfruntiera inerenti tal-moviment tal-merkanzija bejn il-fruntieri u l-kumplessità tiegħu, iżda pjuttost jista’ jintlaħaq aħjar, minħabba l-iskala u l-effetti tal-azzjoni, fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv.

(1)

Ir-Regolament (UE) 2019/1021 tal-Parlament Ewropew u tal-Kunsill (3) dwar il-pollutanti organiċi persistenti jimplimenta fil-livell tal-Unjoni l-impenji stabbiliti fil-Konvenzjoni ta’ Stokkolma dwar Materjal Organiku Persistenti li Jniġġes (“il-Konvenzjoni”), approvata f’isem il-Komunità bid-Deċiżjoni tal-Kunsill 2006/507/KE (4), u fil-Protokoll għall-Konvenzjoni tal-1979 dwar it-Tniġġis Transkonfini tal-Arja Fuq Distanza Twila rigward Materjal Organiku Persistenti li Jniġġes, approvat f’isem il-Komunità bid-Deċiżjoni tal-Kunsill 2004/259/KE (5).

(2)

Fis-seba’ laqgħa tal-Konferenza tal-Partijiet għall-Konvenzjoni, li saret bejn l-4 u l-15 ta’ Mejju 2015, kien hemm qbil li l-pentaklorofenol, l-imlieħ u l-esteri tiegħu (“pentaklorofenol”) jiġu inklużi fl-Anness A tal-Konvenzjoni. Fid-disa’ laqgħa tal-Konferenza tal-Partijiet għall-Konvenzjoni, li saret mid-29 ta’ April sal-10 ta’ Mejju 2019, ġie miftiehem li d-dikofol kif ukoll l-aċidu perfluworoottanojku (PFOA), l-imlieħ tiegħu u l-komposti relatati mal-PFOA jiġu inklużi fl-Anness A tal-Konvenzjoni. Fl-għaxar laqgħa tal-Konferenza tal-Partijiet għall-Konvenzjoni, li saret mis-6 sas-17 ta’ Ġunju 2022, ġie miftiehem li aċidu perfluworoeżan sulfoniku (PFHxS), l-imlieħ tiegħu u l-komposti relatati mal-PFHxS jiġu inklużi fl-Anness A għall-Konvenzjoni. Fid-dawl ta’ dawk l-emendi għall-Konvenzjoni u biex jiġi żgurat li l-iskart li jkun fih dawk is-sustanzi jiġi ġestit f’konformità mad-dispożizzjonijiet tal-Konvenzjoni, huwa neċessarju wkoll li jiġu emendati l-Annessi IV u V għar-Regolament (UE) 2019/1021 billi jiġu inklużi l-pentaklorofenol, id-dikofol u l-PFOA, l-imlieħ tiegħu u l-komposti relatati mal-PFOA, kif ukoll il-PFHxS, l-imlieħ tiegħu u l-komposti relatati mal-PFHxS fl-Annessi u li jindikaw il-limiti ta’ konċentrazzjoni korrispondenti tagħhom.

(3)

Il-pentaklorofenol kien preċedentement elenkat fl-Annessi IV u V tar-Regolament (KE) Nru 850/2004 tal-Parlament Ewropew u tal-Kunsill (6) bir-Regolament tal-Kummissjoni (UE) 2019/636 (7), b’valur tal-Anness IV ta’ 100 mg/kg u b’valur tal-Anness V ta’ 1 000 mg/kg. Ir-Regolament (UE) 2019/1021, li ħassar ir-Regolament (KE) Nru 850/2004, ħalla barra b’mod mhux intenzjonat il-pentaklorofenol. Għalhekk huwa meħtieġ li jiġu emendati l-Annessi IV u V tar-Regolament (UE) 2019/1021 biex jinkludu l-pentaklorofenol.

(4)

L-Annessi IV u V tar-Regolament (UE) 2019/1021 diġà fihom limiti ta’ konċentrazzjoni għas-sustanzi jew għall-gruppi ta’ sustanzi li ġejjin: (a) is-somma tal-konċentrazzjonijiet ta’ etere tat-tetrabromodifenil, etere tal-pentabromodifenil, etere tal-eżabromodifenil, etere tal-ettabromodifenil u etere tad-dekabromodifenil (bl-eċċezzjoni tal-aħħar, li ma huwiex elenkat fl-Anness V ta’ dak ir-Regolament); (b) Eżabromoċiklododekan; (c) Alkani C10-C13, kloro (paraffini klorurati ta’ katina qasira) (SCCPs); u (d) Dibenżo-p-diossini u dibenżofurani poliklorurati (PCDD/PCDF). Skont l-Artikolu 15(2) tar-Regolament (UE) 2019/1021, huwa xieraq li jiġu emendati l-limiti ta’ konċentrazzjoni fl-Anness IV għal dawk is-sustanzi biex jadattaw il-valuri limitu tagħhom għall-progress xjentifiku u tekniku. Sabiex ikun hemm konsistenza mal-lista tal-eteri tad-difenil polibromurati (PBDEs) stabbilita fl-Anness IV tar-Regolament (UE) 2019/1021, is-sustanza etere tad-dekabromodifenil jenħtieġ li tiġi inkluża fost il-PBDEs elenkati fit-tielet kolonna tal-Anness V ta’ dak ir-Regolament.

(5)

Sabiex l-Istati Membri jkunu jistgħu jiġbru data dwar l-ammont attwali ta’ PCDD/PCDF u ta’ bifenili poliklorurati simili għad-diossini (dl-PCBs) fl-irmied u n-nugrufun minn djar privati, kif ukoll fl-irmied li jtir minn unitajiet tal-bijomassa għall-produzzjoni tas-sħana u tal-enerġija, u biex l-Istati Membri jingħataw biżżejjed żmien biex jieħdu l-miżuri meħtieġa biex jimplimentaw ir-Regolament (UE) 2019/1021, il-limitu ta’ konċentrazzjoni emendat għas-somma ta’ PCDD/PCDF u dl-PCBs jenħtieġ li, fir-rigward tal-irmied u n-nugrufun minn djar privati u għall-irmied li jtir minn unitajiet tal-bijomassa, japplika fi stadju aktar tard wara d-dħul fis-seħħ ta’ dan ir-Regolament. Sabiex jippermettu t-tfassil ta’ politiki xierqa għall-ġbir u t-trattament ta’ dawk l-irmied u n-nugrufun u biex jappoġġaw ir-rieżami msemmi fl-Anness IV u l-monitoraġġ tal-implimentazzjoni skont l-Artikolu 13 tar-Regolament (UE) 2019/1021, l-Istati Membri jenħtieġ li jiġbru informazzjoni dwar il-preżenza ta’ PCDD/PCDF u dl-PCBs fir-rmied u n-nugrufun minn djar privati u fl-irmied li jtir minn unitajiet tal-bijomassa għall-produzzjoni tas-sħana u l-enerġija. Dik l-informazzjoni jenħtieġ li tkun disponibbli mhux aktar tard mill-1 ta’ Lulju 2026.

(6)

Fir-rigward tal-PBDEs elenkati fir-Regolament (UE) 2019/1021, il-limitu ta’ konċentrazzjoni għas-somma ta’ dawk is-sustanzi fl-iskart jenħtieġ li jiġi stabbilit għal 500 mg/kg. Filwaqt li jitqiesu kif xieraq il-konċentrazzjonijiet tal-PBDEs li qed jonqsu f’ċertu skart, li jirriżultaw mil-limitazzjonijiet eżistenti dwar it-tqegħid fis-suq u l-użu tal-PBDEs, u fid-dawl tal-evoluzzjoni possibbli tal-metodi ta’ separazzjoni u analitiċi rilevanti, jenħtieġ li l-valur limitu jitnaqqas għal 350 mg/kg 3 snin wara d-dħul fis-seħħ ta’ dan ir-Regolament u għal 200 mg/kg 5 snin wara d-dħul fis-seħħ tiegħu.

(7)

Meta jitqies li sottogrupp ta’ 12-il konġeneru tal-PCB, jiġifieri l-PCB-77, PCB-81, PCB-105, PCB-114, PCB-118, PCB-123, PCB-126, PCB-156, PCB-157, PCB-167, PCB-169 u PCB 189, magħrufa bħala dl-PCBs, għandhom proprjetajiet tossikoloġiċi li jixbhu mill-qrib dawk tal-PCDD/PCDF, u sabiex jitqies l-effett aggregat tal-komposti kollha simili għad-diossini elenkati fir-Regolament (UE) 2019/1021, huwa xieraq li d-dl-PCBs jiġu inklużi fl-entrata eżistenti tal-grupp għall-PCDD/PCDF fl-Annessi IV u V tar-Regolament (UE) 2019/1021. Il-lista tal-valuri tal-fattur ta’ ekwivalenza tossika fil-Parti 2 tal-Anness V ta’ dak ir-Regolament jenħtieġ li tiġi emendata wkoll biex jiġu introdotti l-valuri korrispondenti għall-konġeneri individwali tad-dl-PCB.

(8)

Il-limiti ta’ konċentrazzjoni proposti fl-Annessi IV u V tar-Regolament (UE) 2019/1021 ġew stabbiliti bl-applikazzjoni tal-istess metodoloġija li ntużat biex jiġu stabbiliti l-limiti ta’ konċentrazzjoni fl-emendi preċedenti tal-Annessi IV u V tar-Regolament (KE) Nru 850/2004. Il-limiti ta’ konċentrazzjoni proposti jenħtieġ li jkunu bbażati fuq il-prinċipju ta’ prekawzjoni kif stabbilit fit-Trattat dwar il-Funzjonament tal-Unjoni Ewropea u jenħtieġ li jkollhom l-għan li jeliminaw, fejn fattibbli, ir-rilaxx ta’ pollutanti organiċi persistenti fl-ambjent, sabiex jilħqu l-objettiv ta’ livell għoli ta’ protezzjoni tas-saħħa tal-bniedem u tal-ambjent assoċjat mal-qerda jew mat-trasformazzjoni irriversibbli tas-sustanzi kkonċernati. Dawk il-limiti jenħtieġ li jqisu wkoll l-objettiv ta’ politika usa’ li tinkiseb l-ambizzjoni ta’ tniġġis żero għal ambjent ħieles mis-sustanzi tossiċi, żieda fir-riċiklaġġ, tnaqqis tal-emissjonijiet ta’ gassijiet serra, l-iżvilupp ta’ ċikli ta’ materjal mhux tossiku u ekonomija ċirkolari mhux tossika, minqux fil-komunikazzjoni tal-Kummissjoni tal-11 ta’ Diċembru 2019 intitolata “Patt Ekoloġiku Ewropew”.

(9)

Il-limiti ta’ konċentrazzjoni speċifikati fl-Annessi IV u V tar-Regolament (UE) 2019/1021 jenħtieġ li jkunu koerenti u li jikkontribwixxu għall-implimentazzjoni tal-komunikazzjoni tal-Kummissjoni tal-14 ta’ Ottubru 2020 bit-titolu “Strateġija dwar is-Sustanzi Kimiċi għas-Sostenibbiltà - Lejn Ambjent Ħieles mit-Tossiċità”.

(10)

Biex tiġi żgurata traċċabbiltà aħjar u trattament effettiv tal-iskart li jkun fih pollutanti organiċi persistenti, u biex jiġu evitati l-inkonsistenzi fil-liġi tal-Unjoni, huwa neċessarju li tiġi żgurata l-koerenza bejn id-dispożizzjonijiet relatati mal-iskart li jkun fih il-pollutanti organiċi persistenti, li oriġinalment kienu stabbiliti fir-Regolament (KE) Nru 850/2004, u li issa tħassar bir-Regolament (UE) 2019/1021, u dawk stabbiliti wara. Il-Kummissjoni, għalhekk, jenħtieġ li tivvaluta jekk ikunx xieraq li l-iskart li fih kwalunkwe pollutant organiku persistenti li jaqbeż il-limiti ta’ konċentrazzjoni speċifikati fl-Anness IV tar-Regolament (UE) 2019/1021 jiġi kklassifikat bħala perikoluż, u tressaq, jekk ikun xieraq, proposta leġiżlattiva biex temenda, b’konsegwenza, id-Direttiva 2008/98/KE tal-Parlament Ewropew u tal-Kunsill (8) jew proposta biex temenda d-Deċiżjoni tal-Kummissjoni 2000/532/KE (9), jew it-tnejn li huma.

(11)

Skont l-objettivi tal-Istrateġija dwar it-Tessuti, stabbiliti fil-komunikazzjoni tal-Kummissjoni tat-30 ta’ Marzu 2022 intitolata “Strateġija tal-UE għal Tessuti Sostenibbli u Ċirkolari”, il-prodotti tat-tessuti mqiegħda fis-suq tal-Unjoni jenħtieġ li jkunu fil-biċċa l-kbira magħmula minn fibri riċiklati li jkunu ħielsa minn sustanzi perikolużi. Sabiex jiġi żgurat li t-tessuti riċiklati jkunu ħielsa minn sustanzi kimiċi perikolużi bħall-PFOA mill-bidu nett, jeħtieġ li jissaħħu l-valuri ta’ limitu għall-PFOA, l-imlieħ tiegħu u l-komposti relatati mal-PFOA fl-iskart peress li l-preżenza tagħhom jista’ jkollha impatt fuq il-ġbir u t-trattament tal-iskart tat-tessuti. Il-Kummissjoni jenħtieġ li għalhekk tirrevedi l-limitu ta’ konċentrazzjoni bil-ħsieb li tnaqqas il-valur, fejn tali tnaqqis ikun fattibbli skont il-progress xjentifiku u tekniku.

(12)

Għalhekk ir-Regolament (UE) 2019/1021 jenħtieġ li jiġi emendat skont dan.

(13)

Huwa xieraq li jiġi previst perjodu suffiċjenti ta’ żmien li jippermetti lill-kumpaniji u lill-awtoritajiet kompetenti jadattaw ruħhom għar-rekwiżiti l-ġodda.

(14)

Minħabba li l-objettiv ta’ dan ir-Regolament, b’mod partikolari l-protezzjoni tal-ambjent u tas-saħħa tal-bniedem mill-pollutanti organiċi persistenti, ma jistax jinkiseb b’mod suffiċjenti mill-Istati Membri, minħabba l-effetti transkonfini ta’ dawk il-pollutanti, iżda jista’ pjuttost jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ biex jinkiseb dak l-objettiv,

(1)

Jiddaħħal l-artikolu li ġej:

(2)

L-Annessi IV u V għandhom jiġu emendati skont l-Anness għal dan ir-Regolament.

(1)

Fit-18 ta’ Lulju 2005, il-Kunsill adotta r-Regolament (KE) Nru 1183/2005.

(2)

Wara rieżami tal-miżuri restrittivi addizzjonali stabbiliti fl-Artikolu 2b tar-Regolament (KE) Nru 1183/2005, jenħtieġ li d-dikjarazzjonijiet tar-raġunijiet relatati ma’ ċerti persuni elenkati fl-Anness Ia għar-Regolament (KE) Nru 1183/2005 jiġu emendati.

(3)

Għalhekk, jenħtieġ li r-Regolament (KE) Nru 1183/2005 jiġi emendat skont dan,

(1)

Il-verżjonijiet lingwistiċi bil-Bulgaru, biċ-Ċek, bid-Daniż, bl-Estonjan, bil-Ġermaniż, bil-Grieg, bl-Iżvediż, bil-Kroat, bil-Latvjan, bil-Litwan, bl-Olandiż, bil-Pollakk, bil-Portugiż, bir-Rumen, bis-Slovakk, bis-Sloven u bit-Taljan tar-Regolament Delegat tal-Kummissjoni (UE) 2017/1018 (2) fihom żball fl-Artikolu 6(2), il-punt (g)(iii) fir-rigward tal-informazzjoni partikolari li l-operaturi jeħtiġilhom jinnotifikaw skont id-dispożizzjoni kkonċernata.

(2)

Għaldaqstant, jenħtieġ li l-verżjonijiet lingwistiċi bil-Bulgaru, biċ-Ċek, bid-Daniż, bl-Estonjan, bil-Ġermaniż, bil-Grieg, bl-Iżvediż, bil-Kroat, bil-Latvjan, bil-Litwan, bl-Olandiż, bil-Pollakk, bil-Portugiż, bir-Rumen, bis-Slovakk, bis-Sloven u bit-Taljan tar-Regolament Delegat (UE) 2017/1018 jiġu kkoreġuti kif xieraq. Il-verżjonijiet lingwistiċi l-oħra mhumiex affettwati,

(1)

Il-verżjonijiet lingwistiċi bil-Bulgaru, iċ-Ċek, id-Daniż, il-Ġermaniż, il-Grieg, l-Iżvediż, il-Kroat, il-Latvjan, il-Litwan, il-Malti, il-Pollakk, il-Portugiż, ir-Rumen, it-Taljan u l-Ungeriż tar-Regolament ta’ Delega tal-Kummissjoni (UE) Nru 1151/2014 (2) fihom żball fl-Artikolu 3(2), il-punt (b)(iii), it-tielet inċiż fir-rigward tal-informazzjoni partikolari li l-operaturi jeħtiġilhom jinnotifikaw skont id-dispożizzjoni kkonċernata.

(2)

Jenħtieġ għalhekk li l-verżjonijiet lingwistiċi bil-Bulgaru, iċ-Ċek, id-Daniż, il-Ġermaniż, il-Grieg, l-Iżvediż, il-Kroat, il-Latvjan, il-Litwan, il-Malti, il-Pollakk, il-Portugiż, ir-Rumen, it-Taljan u l-Ungeriż tar-Regolament ta’ Delega (UE) Nru 1151/2014 jiġu kkoreġuti kif xieraq. Il-verżjonijiet lingwistiċi l-oħrajn mhumiex affettwati,

(1)

Ir-Regolament (UE) 2016/2031 jipprevedi r-regoli bażiċi dwar is-saħħa tal-pjanti fl-Unjoni.

(2)

L-Artikolu 32(4), il-punt (b), ta’ dak ir-Regolament jistabbilixxi l-obbligu li l-Istati Membri jinkludu, meta japplikaw għal żona protetta ġdida, ir-riżultati tal-istħarriġ ta’ mill-inqas tliet snin preċedenti biex juru li ma kienx hemm il-pest ta’ kwarantina f’żona protetta (“il-pest”) fit-territorju kkonċernat.

(3)

L-Artikolu 34(1) tar-Regolament (UE) 2016/2031 jistabbilixxi l-obbligu għall-Istati Membri li jwettqu stħarriġ annwali ta’ kull żona protetta fir-rigward tal-pesti u li jirrappurtaw ir-riżultati ta’ dak l-istħarriġ lill-Kummissjoni u lill-Istati Membri l-oħra kull sena.

(4)

Ir-regoli dwar it-tħejjija tal-istħarriġ jenħtieġ li jinkludu rekwiżiti li jikkonċernaw il-kunsiderazzjoni tal-bijoloġija tal-pest u tal-pjanti ospitanti kkonċernati, u li ż-żmien tal-istħarriġ ikun xieraq għad-detezzjoni tal-pest. Dawk l-elementi huma importanti biex it-tħejjija tal-istħarriġ tkun kompluta u adattata sew għall-istħarriġ ikkonċernat.

(5)

Jenħtieġ li l-kontenut tal-istħarriġ jinkludi indikazzjonijiet dwar mapep, deskrizzjoni taż-żona tal-istħarriġ, eżamijiet, teħid ta’ kampjuni u ttestjar, popolazzjonijiet fil-mira, metodi ta’ detezzjoni u fatturi ta’ riskju, biex jiġu żgurati l-kompletezza, l-effettività u l-effiċjenza tagħhom.

(6)

L-istħarriġ jenħtieġ li jitwettaq ukoll f’żona ta’ lqugħ madwar iż-żona protetta u jkun aktar intensiv minn dak fiż-żona protetta, minħabba li l-pest mhuwiex ipprojbit fiż-żona ta’ lqugħ u ma huma applikabbli l-ebda miżuri kontrih hemmhekk. Dan huwa meħtieġ biex jiġi kkonfermat li fiż-żona ta’ lqugħ ma kienx hemm il-pest u biex jiġi ppreservat aħjar l-istatus ħieles mill-pesti taż-żona protetta. Dan huwa wkoll konformi mal-Istandards Internazzjonali għall-Miżuri Fitosanitarji applikabbli għall-istabbiliment ta’ żoni ħielsa mill-pesti (2) użati b’mod korrispondenti għall-istabbiliment ta’ żoni protetti skont id-dritt tal-Unjoni. Dawk l-istandards internazzjonali jirrikjedu l-istabbiliment ta’ żoni ta’ lqugħ għall-istabbiliment u ż-żamma ta’ żoni ħielsa mill-pesti, fejn l-iżolament ġeografiku ma jitqiesx adegwat biex jipprevjeni l-introduzzjoni jew l-infestazzjoni mill-ġdid ta’ tali żoni, jew fejn ma jkun hemm l-ebda mezz ieħor għall-prevenzjoni tal-moviment ta’ pesti lejn żoni bħal dawn.

(7)

Għall-istess raġunijiet, jenħtieġ li l-istħarriġ fil-faxex interni taż-żona protetta, tul il-fruntiera maż-żona protetta, jiġi intensifikat meta mqabbel ma’ dawk fil-bqija taż-żona protetta.

(8)

Sabiex il-kontenut tal-istħarriġ ikun konsistenti, jenħtieġ li jiġi stabbilit mudell ta’ rappurtar. Ir-Regolament ta’ Implimentazzjoni tal-Kummissjoni (UE) 2020/1231 (3) stabbilixxa l-format u l-istruzzjonijiet għar-rapporti annwali dwar ir-riżultati tal-istħarriġ f’żoni fejn mhuwiex magħruf li huma preżenti l-pesti. Sabiex ikun hemm approċċ armonizzat fir-rappurtar tar-riżultati tal-istħarriġ fl-Unjoni, jenħtieġ li jiġi adottat format simili għar-rappurtar tar-riżultati tal-istħarriġ f’żoni protetti, filwaqt li jitqiesu l-elementi speċifiċi ta’ dan l-istħarriġ.

(9)

Id-Direttiva tal-Kummissjoni 92/70/KEE (4) tistabbilixxi wkoll regoli dettaljati biex isir stħarriġ għall-iskop tar-rikonoxximent ta’ żoni protetti. Peress li ġiet adottata skont l-atti legali preċedenti tal-Unjoni dwar is-saħħa tal-pjanti, dik id-Direttiva issa hija obsoleta u jenħtieġ li titħassar,

(a)

stħarriġ għall-istabbiliment ta’ żona protetta ġdida skont l-Artikolu 32(3) jew (6) tar-Regolament (UE) 2016/2031; kif ukoll

(b)

il-preparazzjoni u l-kontenut ta’ stħarriġ annwali skont l-Artikolu 34(1) ta’ dak ir-Regolament (UE) 2016/2031.

(a)

“żona ta’ lqugħ” tfisser żona madwar żona protetta sabiex tiġi minimizzata l-probabbiltà tal-introduzzjoni u t-tixrid tal-pest fiż-żona protetta;

(b)

“faxxa ta’ ġewwa” tfisser naħa minn żona protetta, b’wisa’ ekwivalenti għall-wisa’ taż-żona ta’ lqugħ, madwar iż-żona protetta fuq in-naħa ta’ ġewwa tul il-fruntiera esterna tagħha;

(c)

“stħarriġ” tfisser stħarriġ ta’ detezzjoni mmirat lejn il-pest f’żona protetta u, fejn xieraq, żona ta’ lqugħ;

(d)

“żona demarkata” tfisser żona demarkata, wara sejba tal-pest f’żona protetta, kif deskritt fl-Artikolu 18 tar-Regolament (UE) 2016/2031;

(e)

“stħarriġ ibbażat fuq l-istatistika” tfisser stħarriġ imwettaq abbażi tal-linji gwida tal-Awtorità Ewropea dwar is-Sigurtà fl-Ikel għal stħarriġ statistikament sodi u bbażati fuq ir-riskju għall-pesti tal-pjanti (5).

(a)

mappa bid-delimitazzjoni ġeografika taż-żona protetta u, fejn xieraq, iż-żona ta’ lqugħ jew il-faxxa ta’ ġewwa, bid-dettalji tal-post tal-attivitajiet tal-istħarriġ imwettqa u li tindika l-punti tal-istħarriġ, is-sejbiet jew it-tifqigħat u kwalunkwe żona demarkata stabbilita;

(b)

deskrizzjoni ta’:

(c)

il-lista ta’ pjanti ospitanti;

(d)

l-identifikazzjoni taż-żoni ta’ riskju fejn il-pest jista’ jkun preżenti;

(e)

informazzjoni dwar ix-xhur tas-sena, li matulhom twettaq l-istħarriġ;

(f)

fejn jixraq:

(g)

fil-każ ta’ stħarriġ ibbażat fuq l-istatistika, is-suppożizzjonijiet sottostanti għad-disinn tal-istħarriġ għal kull pest, inkluża deskrizzjoni ta’:

(a)

l-Artikolu 32(4), il-punt b, tar-Regolament (UE) 2016/2031; jew

(b)

l-Artikolu 34(2) tar-Regolament (UE) 2016/2031.

(1)

Ir-Regolament ta’ Implimentazzjoni tal-Kummissjoni (UE) 2021/1044 (2) ta awtorizzazzjoni tal-Unjoni għall-prodott bijoċidali uniku “Pesguard® Gel” li fih il-klotijanidina bħala sustanza attiva li hija kandidat għas-sostituzzjoni, identifikata fir-Regolament ta’ Implimentazzjoni tal-Kummissjoni (UE) 2015/985 (3) f’konformità mal-Artikolu 10(5) tar-Regolament (UE) Nru 528/2012.

(2)

F’konformità mal-Artikolu 23(6) tar-Regolament (UE) Nru 528/2012, awtorizzazzjoni għal prodott bijoċidali li jkun fih sustanza attiva li tkun kandidat għas-sostituzzjoni għandha tingħata għal perjodu li ma jaqbiżx il-ħames snin.

(3)

Il-Kummissjoni, fir-Regolament ta’ Implimentazzjoni tal-Kummissjoni (UE) 2021/1044 bi żball tat l-awtorizzazzjoni tal-Unjoni għall-prodott bijoċidali uniku “Pesguard® Gel”għal perjodu ta’ għaxar snin.

(4)

Għalhekk jenħtieġ li r-Regolament ta’ Implimentazzjoni (UE) 2021/1044 jiġi kkoreġut kif xieraq.

(5)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar Prodotti Bijoċidali,

(1)

fl-Artikolu 1, fit-tieni paragrafu “30 ta’ Ġunju 2031” huwa sostitwit bi “30 ta’ Ġunju 2026”;

(2)

fl-Anness, fil-punt 1.2, fit-tabella, fir-ringiela “Data ta’ skadenza tal-awtorizzazzjoni”, “30 ta’ Ġunju 2031” hija sostitwita bi “30 ta’ Ġunju 2026”.

(1)

Bejn id-29 ta’ Diċembru 2019 u t-13 ta’ Mejju 2020 u bejn l-24 ta’ Novembru 2020 u t-28 ta’ Lulju 2021, kienu kkonfermati 392 tifqigħa tal-influwenza avjarja b’patoġeniċità għolja tas-sottotip H5 fil-Polonja. L-ispeċijiet affettwati kienu l-papri, il-wiżż, id-dundjani, il-farawni, it-tiġieġ tal-bajd u t-tiġieġ tat-tip Gallus domesticus.

(2)

Il-Polonja ħadet minnufih u b’mod effiċjenti l-miżuri kollha meħtieġa dwar is-saħħa tal-annimali u l-miżuri veterinarji meħtieġa f’konformità mad-Direttiva tal-Kunsill 2005/94/KE (2) u, mill-21 ta’ April 2021, mar-Regolament (UE) 2016/429 tal-Parlament Ewropew u tal-Kunsill (3), li ħassar u ssostitwixxa dik id-Direttiva.

(3)

B’mod partikolari, il-Polonja ħadet kontroll, miżuri ta’ monitoraġġ u prevenzjoni u stabbiliet żoni ta’ protezzjoni u sorveljanza (“iż-żoni regolati”) skont id-Deċiżjonijiet ta’ Implimentazzjoni tal-Kummissjoni (UE) 2020/10 (4), (UE) 2020/47 (5), (UE) 2020/114 (6), (UE) 2020/134 (7), (UE) 2020/175 (8), (UE) 2020/210 (9), (UE) 2020/240 (10), (UE) 2020/281 (11), (UE) 2020/384 (12), (UE) 2020/504 (13), (UE) 2020/529 (14), (UE) 2020/549 (15), (UE) 2020/574 (16), (UE) 2020/604 (17), (UE) 2020/1809 (18), (UE) 2020/2010 (19), (UE) 2021/18 (20), (UE) 2021/68 (21), (UE) 2021/122 (22), (UE) 2021/151 (23), (UE) 2021/239 (24), (UE) 2021/335 (25), (UE) 2021/396 (26), (UE) 2021/450 (27), (UE) 2021/489 (28), (UE) 2021/562 (29), (UE) 2021/640 (30), (UE) 2021/641 (31), (UE) 2021/688 (32), (UE) 2021/766 (33), (UE) 2021/846 (34), (UE) 2021/906 (35), (UE) 2021/989 (36), (UE) 2021/1084 (37), (UE) 2021/1146 (38), u (UE) 2021/1186 (39).

(4)

Il-Polonja għarrfet lill-Kummissjoni li l-miżuri marbutin mas-saħħa tal-annimali u dawk veterinarji meħtieġa li kienu ġew applikati biex jitrażżan u jitwaqqaf għalkollox it-tixrid tal-marda kienu laqtu għadd kbir ħafna ta’ operaturi u li dawk l-operaturi ġarrbu telf ta’ introjtu li ma kienx eliġibbli għall-kontribuzzjoni finanzjarja tal-Unjoni skont ir-Regolament (UE) Nru 652/2014 tal-Parlament Ewropew u tal-Kunsill (40), li ġie sostitwit mill-1 ta’ Jannar 2021 bir-Regolament (UE) 2021/690 (41).

(5)

Fil-21 ta’ Marzu 2022, il-Kummissjoni rċeviet talba formali mingħand il-Polonja għall-finanzjament parzjali ta’ ċerti miżuri eċċezzjonali skont l-Artikolu 220(3) tar-Regolament (UE) Nru 1308/2013 għat-tifqigħat ikkonfermati bejn id-29 ta’ Diċembru 2019 u t-13 ta’ Mejju 2020, u bejn l-24 ta’ Novembru 2020 u t-28 ta’ Lulju 2021. Fil-11 ta’ Mejju 2022, l-24 ta’ Ġunju 2022, it-3 ta’ Awwissu 2022, il-5 ta’ Ottubru 2022 u d-9 ta’ Novembru 2022, l-awtoritajiet Pollakki ċċaraw it-talba tagħhom u bagħtu d-dokumenti marbutin magħha.

(6)

Minħabba l-miżuri marbutin mas-saħħa tal-annimali u l-miżuri veterinarji msemmijin fil-premessa 3, ġew estiżi l-perjodi ta’ mistrieħ sanitarju, ġiet ipprojbita l-introduzzjoni tat-tjur u ġew ristretti l-movimenti tat-tipi kollha ta’ pollam fl-azjendi fiż-żoni regolati. Dan wassal għal telf fil-produzzjoni tal-bajd għat-tifqis, tal-bajd għall-konsum, tal-annimali ħajjin u tal-laħam tal-pollam f’dawn l-azjendi, iżda wkoll għat-telf minħabba l-bajd u l-laħam meqrudin u degradati.

(7)

Skont l-Artikolu 220(5) tar-Regolament (UE) Nru 1308/2013, il-finanzjament parzjali mill-Unjoni jrid ikun ekwivalenti għal 50 % tan-nefqa mġarrba mill-Polonja għall-miżuri eċċezzjonali ta’ appoġġ għas-suq. Jenħtieġ li l-Kummissjoni tiffissa l-kwantitajiet massimi eliġibbli għall-finanzjament għal kull miżura eċċezzjonali ta’ appoġġ għas-suq wara li tiskrutinizza t-talba li rċeviet mingħand il-Polonja b’rabta mat-tifqigħat ikkonfermati bejn id-29 ta’ Diċembru 2019 u t-13 ta’ Mejju 2020, u bejn l-24 ta’ Novembru 2020 u t-28 ta’ Lulju 2021.

(8)

Jenħtieġ li l-ammont tal-finanzjament parzjali b’rata fissa jkun ibbażat fuq studji tekniċi u ekonomiċi jew fuq dokumenti tal-kontabbiltà u li dan jiġi ffissat fil-livell ix-xieraq għal kull annimal u għal kull prodott skont il-kategorija tagħhom, biex jiġi evitat kull riskju ta’ kumpens żejjed.

(9)

Jenħtieġ li t-telf imġarrab ma jkunx ġie kkumpensat b’għajnuna mill-Istat jew b’assigurazzjoni u jenħtieġ li l-finanzjament parzjali mill-Unjoni skont dan ir-Regolament ikun limitat għall-annimali u għall-prodotti eliġibbli li għalihom ma tkun ingħatat l-ebda kontribuzzjoni finanzjarja mill-Unjoni skont ir-Regolament (UE) Nru 652/2014, li ġie sostitwit mill-1 ta’ Jannar 2021 bir-Regolament (UE) 2021/690, biex jiġi evitat kull riskju ta’ finanzjament doppju.

(10)

Jenħtieġ li l-livell u t-tul ta’ żmien tal-miżuri eċċezzjonali ta’ appoġġ għas-suq previsti f’dan ir-Regolament ikunu limitati għal dak li huwa strettament meħtieġ biex jiġi appoġġat is-suq. B’mod partikolari, jenħtieġ li l-miżuri eċċezzjonali ta’ appoġġ għas-suq japplikaw biss għall-produzzjoni tal-bajd u tat-tjur fl-azjendi li jinsabu fiż-żoni regolati u għat-tul ta’ żmien li matulu kienu fis-seħħ il-miżuri marbutin mas-saħħa tal-annimali u l-miżuri veterinarji stabbiliti fil-leġiżlazzjoni tal-Unjoni u fil-leġiżlazzjoni Pollakka rilevanti għat-392 tifqigħa tal-influwenza avjarja b'patoġeniċità għolja kkonfermati fil-perjodu ta’ bejn id-29 ta’ Diċembru 2019 u t-13 ta’ Mejju 2020, u bejn l-24 ta’ Novembru 2020 u t-28 ta’ Lulju 2021.

(11)

Il-kumpens jista’ jiġi aġġustat b’ċerti limiti, dejjem jekk jitħares l-ammont massimu tan-nefqa ffinanzjata b’mod parzjali mill-Unjoni, biex tkun żgurata l-flessibbiltà f’każ li l-għadd ta’ bajd jew ta’ annimali eliġibbli għall-kumpens ikun ivarja mill-ammonti massimi stabbiliti f’dan ir-Regolament, li huma bbażati fuq stimi.

(12)

Jenħtieġ li jkunu eliġibbli għall-finanzjament parzjali mill-Unjoni biss dawk il-pagamenti li l-Polonja tagħmel lill-benefiċjarji sa mhux aktar tard mit-30 ta’ Settembru 2023, għal raġunijiet ta’ ġestjoni baġitarja tajba ta’ dawn il-miżuri eċċezzjonali ta’ appoġġ għas-suq. L-Artikolu 5(2) tar-Regolament Delegat tal-Kummissjoni (UE) Nru 907/2014 (42), sostitwit mill-1 ta’ Jannar 2023 bl-Artikolu 5(2) tar-Regolament Delegat tal-Kummissjoni (UE) 2022/127 (43), jenħtieġ li ma jkunx applikabbli.

(13)

Jenħtieġ li l-Polonja twettaq verifiki ex ante biex jiġu żgurati l-eliġibbiltà u l-korrettezza tal-pagamenti.

(14)

Jenħtieġ li l-Polonja tgħarraf lill-Kummissjoni bl-approvazzjoni tal-pagamenti biex l-Unjoni tkun tista’ twettaq il-kontroll finanzjarju tagħha.

(15)

Peress li r-restrizzjonijiet relatati mat-tifqigħat tal-influwenza avjarja daħlu fis-seħħ f’dati differenti fiż-żoni regolati msemmija fil-leġiżlazzjoni tal-Unjoni elenkati fl-Anness ta’ dan ir-Regolament, u peress li dan ir-Regolament ma jipprevedix skadenza għas-sottomissjoni tal-applikazzjonijiet għall-għajnuna, jixraq li, għall-finijiet tal-Artikolu 29(4) tar-Regolament Delegat (UE) Nru 907/2014, sostitwit mill-1 ta’ Jannar 2023 bl-Artikolu 30(3) tar-Regolament Delegat (UE) 2022/127, id-data tad-dħul fis-seħħ ta’ dan ir-Regolament titqies bħala l-avveniment operattiv għar-rata tal-kambju fir-rigward tal-ammonti stabbiliti f’dan ir-Regolament.

(16)

Il-miżuri previsti f’dan ir-Regolament huma f'konformità mal-opinjoni tal-Kumitat għall-Organizzazzjoni Komuni tas-Swieq Agrikoli,

(a)

l-eliġibbiltà tal-applikant li jkun bagħat it-talba għall-appoġġ;

(b)

għal kull applikant eliġibbli: l-eliġibbiltà, il-kwantità u l-valur tat-telf reali ta’ produzzjoni;

(c)

li kull applikant eliġibbli ma jkunx irċieva finanzjament minn sorsi oħrajn bħala kumpens għat-telf imsemmi fl-Artikolu 2 ta’ dan ir-Regolament.

(1)

It-Taqsima I.1 tal-Anness I, it-Taqsima II.1 tal-Anness II u t-Taqsima III.1 tal-Anness III tad-Direttiva 2008/68/KE jirreferu għal dispożizzjonijiet stabbiliti fi ftehimiet internazzjonali dwar it-trasport intern ta’ oġġetti perikolużi bit-triq, bil-ferrovija u minn passaġġi fuq l-ilma interni.

(2)

Id-dispożizzjonijiet ta’ dawk il-ftehimiet internazzjonali jiġu aġġornati kull sentejn. L-aħħar verżjonijiet emendati tagħhom japplikaw mill-1 ta’ Jannar 2023, b’perjodu tranżizzjonali sat-30 ta’ Ġunju 2023.

(3)

F’konformità mad-Dikjarazzjoni Politika Konġunta tat-28 ta’ Settembru 2011 tal-Istati Membri u tal-Kummissjoni dwar id-dokumenti ta’ spjegazzjoni, l-Istati Membri impenjaw ruħhom li f’każijiet ġustifikati, iżidu dokument wieħed jew iktar li jispjegaw ir-relazzjoni bejn il-komponenti ta’ Direttiva u l-partijiet korrispondenti ta’ strumenti nazzjonali ta’ traspożizzjoni man-notifika tal-miżuri ta’ traspożizzjoni tagħhom.

(4)

Għalhekk jenħtieġ li t-Taqsima I.1 tal-Anness I, it-Taqsima II.1 tal-Anness II u t-Taqsima III.1 tal-Anness III tad-Direttiva 2008/68/KE jiġu emendati skont dan,

1.

fl-Anness I, it-Taqsima I.1 hija sostitwita b’dan li ġej:

Fl-Annessi A u B tal-ADR, kif applikabbli b’effett mill-1 ta’ Jannar 2023, huwa mifhum li l-frażi ‘parti kontraenti’ hija sostitwita bil-frażi ‘Stat Membru’ kif xieraq.”;

2.

fl-Anness II, it-Taqsima II.1 hija sostitwita b’dan li ġej:

Fl-Annessi tal-RID, kif applikabbli b’effett mill-1 ta’ Jannar 2023, huwa mifhum li l-frażi ‘Stat Kontraenti tal-RID’ hija sostitwita bil-frażi ‘Stat Membru’ kif xieraq.”;

3.

fl-Anness III, it-Taqsima III.1 hija sostitwita b’dan li ġej:

Fir-Regolamenti annessi tal-ADN, kif applikabbli b’effett mill-1 ta’ Jannar 2023, kif ukoll l-Artikoli 3(f), 3(h), 8(1) u 8(3) tal-ADN, huwa mifhum li l-frażi ‘parti kontraenti’ hija sostitwita bil-frażi ‘Stat Membru’ kif xieraq.”.

(1)

It-Trattat li jistabbilixxi l-Komunità tat-Trasport (it-“TCT”) ġie ffirmat mill-Unjoni f’konformità mad-Deċiżjoni tal-Kunsill (UE) 2017/1937 (1).

(2)

It-TCT ġie approvat f’isem l-Unjoni fl-4 ta’ Marzu 2019 (2) u daħal fis-seħħ fl-1 ta’ Mejju 2019.

(3)

Il-Kumitat ta’ Tmexxija Reġjonali ġie stabbilit mit-TCT għall-amministrazzjoni u għall-implimentazzjoni tajba tat-TCT.

(4)

L-Artikolu 24(5) tat-TCT jipprevedi li l-Kumitat ta’ Tmexxija Reġjonali għandu jadotta r-regoli ta’ proċedura tiegħu. Barra minn hekk, l-Artikolu 30 tat-TCT jipprevedi li għandu jistabbilixxi r-regoli tas-Segretarjat Permanenti tal-Komunità tat-Trasport.

(5)

Huwa previst li l-Kumitat ta’ Tmexxija Reġjonali jadotta deċiżjoni li temenda r-regoli ta’ proċedura tiegħu, sabiex jipprevedi limitu ta’ żmien iqsar għad-distribuzzjoni tal-abbozz tal-aġenda u ta’ kwalunkwe dokument relatat qabel laqgħa tal-Kumitat ta’ Tmexxija Reġjonali, deċiżjoni li tadotta r-regoli ta’ proċedura tal-Kumitat ta’ Konċiljazzjoni u r-regoli għas-soluzzjoni tat-tilwim applikabbli għas-Segretarjat Permanenti, biex jirregolaw il-każijiet ta’ tilwim bejn is-Segretarjat Permanenti u l-membri tal-persunal tiegħu, u deċiżjoni dwar l-emendi g]ar-Regolamenti tal-Persunal tal-Komunità tat-Trasport meħtieġa mill-adozzjoni ta’ dawk ir-regoli.

(6)

Huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Kumitat ta’ Tmexxija Reġjonali rigward l-adozzjoni ta’ dawk id-deċiżjonijiet billi huma neċssarji għall-funzjonament bla xkiel tas-Segretarjat Permanenti,

(1)

It-Trattat li jistabbilixxi l-Komunità tat-Trasport (it-“TCT”) ġie ffirmat mill-Unjoni f’konformità mad-Deċiżjoni tal-Kunsill (UE) 2017/1937 (1).

(2)

It-TCT ġie approvat f’isem l-Unjoni fl-4 ta’ Marzu 2019 (2) u daħal fis-seħħ fl-1 ta’ Mejju 2019.

(3)

Il-Kumitat tat-Tmexxija Reġjonali ġie stabbilit mit-TCT għall-amministrazzjoni u għall-implimentazzjoni xierqa tat-TCT. It-TCT jirrikjedi li l-Kumitat tat-Tmexxija Reġjonali jadotta regoli dwar l-implimentazzjoni tal-baġit u għall-preżentazzjoni u l-awditjar tal-kontijiet.

(4)

Il-Kumitat tat-Tmexxija Reġjonali dalwaqt ser jadotta d-deċiżjonijiet dwar ir-reviżjoni tar-regoli finanzjarji u l-proċeduri tal-awditjar applikabbli għall-Komunità tat-Trasport.

(5)

Jixraq li tiġi stabbilita l-pożizzjoni li għandha tittieħed f’isem l-Unjoni fil-Kumitat tat-Tmexxija Reġjonali, peress li tali deċiżjonijiet huma neċessarji għall-funzjonament tajjeb tas-Segretarjat Permanenti tal-Komunità tat-Trasport, u ser ikunu vinkolanti fuq l-Unjoni,