(1)

Ir-Regolament (UE) 2019/876 tal-Parlament Ewropew u tal-Kunsill (4), ir-Regolament (UE) 2019/877 tal-Parlament Ewropew u tal-Kunsill (5) u d-Direttiva (UE) 2019/879 tal-Parlament Ewropew u tal-Kunsill (6) emendaw il-qafas ta’ riżoluzzjoni tal-Unjoni għall-istituzzjonijiet ta’ kreditu u d-ditti ta’ investiment permezz ta’ emendi għar- Regolament (UE) Nru 575/2013 tal-Parlament Ewropew u tal-Kunsill (7), ir-Regolament (UE) Nru 806/2014 tal-Parlament Ewropew u tal-Kunsill (8) u d-Direttiva 2014/59/UE tal-Parlament Ewropew u tal-Kunsill (9), rispettivament. Dawk l-emendi kienu neċessarji biex fl-Unjoni jiġi implimentat id-“Dokument dwar il-Kondizzjonijiet tal-Kapaċità Totali ta’ Assorbiment tat-Telf (TLAC)" internazzjonali, ippubblikat mill-Bord għall-Istabbiltà Finanzjarja fid-9 ta’ Novembru 2015 (l-“istandard TLAC”), għal banek globali sistemikament importanti, imsejħa fil-qafas tal-Unjoni bħala istituzzjonijiet dinjija ta’ importanza sistemika (G-SIIs - global systemically important institutions), u biex tittejjeb l-applikazzjoni tar-rekwiżit minimu għal fondi proprji u obbligazzjonijiet eliġibbli (MREL) għall-banek kollha. Jenħtieġ li l-qafas rivedut tar-riżoluzzjoni bankarja tal-Unjoni jiżgura aħjar li l-assorbiment tat-telf u r-rikapitalizzazzjoni tal-banek iseħħu permezz ta’ mezzi privati meta dawn il-banek isiru finanzjarjament mhux vijabbli u, sussegwentement, jitqiegħdu f’riżoluzzjoni.

(2)

L-Artikolu 12a tar-Regolament (UE) Nru 575/2013 jipprevedi li G-SIIs bi strateġija ta’ riżoluzzjoni li taħtha jistgħu jiġu riżolti aktar minn entità waħda fi grupp (“strateġija ta’ riżoluzzjoni b’punt ta’ dħul multipli” jew “strateġija ta’ riżoluzzjoni MPE” (multiple point of entry)) għandhom jikkalkulaw ir-rekwiżit tagħhom ibbażat fuq ir-riskju għall-fondi proprji u l-obbligazzjonijiet eliġibbli fuq is-suppożizzjoni teoretika li entità waħda biss tal-grupp tiġi riżolta, bit-telf u l-ħtiġijiet ta’ rikapitalizzazzjoni ta’ kwalunkwe sussidjarja ta’ dak il-grupp tiġi ttrasferita lill-entità ta’ riżoluzzjoni (“strateġija ta’ riżoluzzjoni b’punt uniku ta’ dħul” jew “strateġija ta’ riżoluzzjoni SPE” (single point of entry)). Rekwiżit simili huwa previst fl-Artikolu 45d(4) tad-Direttiva 2014/59/UE, rigward ir-rekwiżit addizzjonali għall-fondi proprji u l-obbligazzjonijiet eliġibbli li jistgħu jiġu imposti mill-awtoritajiet ta’ riżoluzzjoni skont il-paragrafu 3 ta’ dak l-Artikolu. F’konformità mal-istandard TLAC, jenħtieġ li dawk il-kalkoli jqisu l-entitajiet kollha ta’ pajjiżi terzi li huma parti minn G-SII li jkunu entitajiet ta’ riżoluzzjoni li kieku kienu stabbiliti fl-Unjoni.

(3)

F’konformità mal-Artikolu 45h(2), it-tielet subparagrafu, tad-Direttiva 2014/59/UE, u f’konformità mal-istandard TLAC, is-somma tar-rekwiżiti attwali għal fondi proprji u obbligazzjonijiet eliġibbli ta’ G-SII bi strateġija ta’ riżoluzzjoni tal-MPE ma għandhiex tkun inqas mir-rekwiżit teoretiku ta’ dak il-grupp taħt strateġija ta’ riżoluzzjoni SPE. Sabiex id-dispożizzjonijiet tar-Regolament (UE) Nru 575/2013 jiġu allinjati ma’ dawk tad-Direttiva 2014/59/UE u sabiex jiġi żgurat li l-awtoritajiet ta’ riżoluzzjoni dejjem jaġixxu f’konformità ma’ dik id-Direttiva u jikkunsidraw kemm ir-rekwiżiti għal fondi proprji u obbligazzjonijiet eliġibbli stabbiliti fir-Regolament (UE) Nru 575/2013 u kwalunkwe rekwiżit addizzjonali għal fondi proprji u obbligazzjonijiet eliġibbli determinati f’konformità mal-Artikolu 45d tad-Direttiva 2014/59/UE, l-Artikolu 12a tar-Regolament (UE) Nru 575/2013 jenħtieġ li jiġi emendat u l-Artikolu 92a(3) ta’ dak ir-Regolament jenħtieġ li jitħassar. Jenħtieġ li dan ma jipprevjenix lill-awtoritajiet ta’ riżoluzzjoni milli jikkonkludu li kwalunkwe aġġustament biex jimminimizza jew jelimina d-differenza bejn is-somma tar-rekwiżiti attwali għall-fondi proprji u l-obbligazzjonijiet eliġibbli ta’ G-SII bi strateġija ta’ riżoluzzjoni MPE u r-rekwiżit teoretiku ta’ dak il-grupp taħt strateġija ta’ riżoluzzjoni SPE, meta tal-ewwel ikun ogħla minn tal-aħħar, ma jkunx xieraq jew ikun inkonsistenti mal-istrateġija ta’ riżoluzzjoni tal-G-SII. Sabiex tiġi żgurata l-konsistenza bejn l-Artikolu 12a tar-Regolament (UE) Nru 575/2013 u l-Artikolu 45h(2) tad-Direttiva 2014/59/UE, il-kalkolu msemmi fl-Artikolu 45h(2) ta’ dik id-Direttiva jenħtieġ li jqis ukoll l-entitajiet kollha ta’ pajjiżi terzi li huma parti minn G-SII li jkunu entitajiet ta’ riżoluzzjoni li kieku kienu stabbiliti fl-Unjoni.

(4)

L-Artikolu 92b tar-Regolament (UE) Nru 575/2013 jistabbilixxi li r-rekwiżit għal fondi proprji u obbligazzjonijiet eliġibbli għal sussidjarji materjali ta’ G-SIIs mhux tal-UE li mhumiex entitajiet ta’ riżoluzzjoni jista’ jiġi ssodisfat bi, fost oħrajn, strumenti ta’ obbligazzjonijiet eliġibbli. Madankollu, il-kriterji għal strumenti ta’ obbligazzjonijiet eliġibbli stabbiliti fl-Artikolu 72b(2), il-punti (c), (k), (l) u (m), tar-Regolament (UE) Nru 575/2013 jassumu li l-entità emittenti tkun entità ta’ riżoluzzjoni. Jenħtieġ li jiġi żgurat li dawk is-sussidjarji materjali jkunu jistgħu joħorġu strumenti ta’ dejn li jissodisfaw il-kriterji ta’ eliġibbiltà kollha, kif kien maħsub oriġinarjament.

(5)

F’konformità mal-Artikolu 72e(4), l-ewwel subparagrafu, tar-Regolament (UE) Nru 575/2013, huwa possibbli li l-awtoritajiet ta’ riżoluzzjoni jippermettu li G-SII bi strateġija ta’ riżoluzzjoni tal-MPE tnaqqas ċerti holdings ta’ fondi proprji u strumenti ta’ obbligazzjonijiet eliġibbli tas-sussidjarji tagħha li ma jappartjenux għall-istess grupp ta’ riżoluzzjoni billi jitnaqqas ammont aġġustat aktar baxx speċifikat mill-awtorità ta’ riżoluzzjoni. L-Artikolu 72e(4), it-tieni subparagrafu, ta’ dak ir-Regolament jeħtieġ li f’każijiet bħal dawn id-differenza bejn l-ammont aġġustat u l-ammont oriġinali titnaqqas mill-kapaċità ta’ assorbiment tat-telf u ta’ rikapitalizzazzjoni tas-sussidjarji kkonċernati. F’konformità mal-istandard TLAC, jenħtieġ li dan l-approċċ iqis ir-rekwiżiti bbażati fuq ir-riskju u mhux ibbażati fuq ir-riskju għall-fondi proprji u l-obbligazzjonijiet eliġibbli tas-sussidjarja kkonċernata. Barra minn hekk, jenħtieġ li dak l-approċċ ikun applikabbli għas-sussidjarji kollha ta’ pajjiżi terzi li huma parti minn dik il-G-SII, dment li dawk is-sussidjarji jkunu soġġetti għal reġim ta’ riżoluzzjoni li, skont l-awtorità ta’ riżoluzzjoni rilevanti fl-Unjoni, ikun legalment infurzabbli u jimplimenta standards miftiehma internazzjonalment, b’mod aktar speċifiku d-dokument “Key Attributes of Effective Resolution Regimes for Financial Institutions” tal-Bord għall-Istabbiltà Finanzjarja, ippubblikat f’Ottubru 2011, u l-istandard TLAC.

(6)

Id-Direttiva (UE) 2019/879 emendat id-Direttiva 2014/59/UE sabiex jiġu introdotti regoli speċifiċi dwar issottoskrizzjoni indiretta tar-riżorsi eliġibbli għall-MREL intern, jiġifieri fondi proprji u obbligazzjonijiet li jissodisfaw il-kundizzjonijiet tal-Artikolu 45f(2) tad-Direttiva 2014/59/UE, fi ħdan gruppi ta’ riżoluzzjoni. Sabiex jiġu operazzjonalizzati dawk ir-regoli u biex jiġi żgurat li s-sottoskrizzjoni indiretta titwettaq b’mod li jkun prudenzjalment sod, l-Awtorità Superviżorja Ewropea (l-Awtorità Bankarja Ewropea) (EBA), stabbilita bir-Regolament (UE) Nru 1093/2010 tal-Parlament Ewropew u tal-Kunsill (10), ingħatat mandat taħt l-Artikolu 45f(6) tad-Direttiva 2014/59/UE biex tiżviluppa abbozz ta’ standards tekniċi regolatorji biex jiġu speċifikati metodi għal tali sottoskrizzjoni indiretta tar-riżorsi eliġibbli. Madankollu, kif enfasizzat mill-EBA fl-ittra tagħha lill-Kummissjoni bid-data tal-25 ta’ Jannar 2021, kien hemm diversi inkonsistenzi bejn ir-rekwiżiti għad-delega stabbiliti fid-Direttiva 2014/59/UE u r-regoli prudenzjali eżistenti stabbiliti fir-Regolament (UE) Nru 575/2013, li ma ppermettewx l-applikazzjoni tat-trattament prudenzjali meħtieġ biex il-mandat jiġi ssodisfat kif kien maħsub oriġinarjament. B’mod aktar preċiż, l-EBA nnotat li r-Regolament (UE) Nru 575/2013 ma kienx jippermetti t-tnaqqis tar-riżorsi eliġibbli għall-MREL intern u, sussegwentement, għall-applikazzjoni ta’ piż tar-riskju xieraq fil-każijiet kollha rilevanti għall-mandat skont id-Direttiva 2014/59/UE. Ġew identifikati kwistjonijiet simili fil-qasam tar-rekwiżit tal-proporzjon ta’ lieva finanzjarja stabbilita fir-Regolament (UE) Nru 575/2013. Fid-dawl ta’ dawk ir-restrizzjonijiet legali, il-metodi żviluppati mill-EBA jenħtieġ li jiġu inkorporati direttament fir-Regolament (UE) Nru 575/2013. Konsegwentement, l-Artikolu 45f(6) tad-Direttiva 2014/59/UE jenħtieġ li jitħassar.

(7)

Fil-kuntest tas-sottoskrizzjoni indiretta tar-riżorsi eliġibbli għall-MREL intern minn entitajiet ta’ riżoluzzjoni skont il-qafas rivedut ta’ riżoluzzjoni bankarja tal-Unjoni, jenħtieġ li l-entitajiet intermedji jkunu meħtieġa jnaqqsu l-holding sħiħa tar-riżorsi eliġibbli għall-MREL intern maħruġa minn entitajiet li huma nfushom ma jkunux entitajiet ta’ riżoluzzjoni u li jappartjenu lill-istess grupp ta’ riżoluzzjoni. Dak jiżgura l-funzjonament xieraq tal-mekkaniżmi interni ta’ assorbiment tat-telf u ta’ rikapitalizzazzjoni fi grupp u jevita l-għadd doppju tar-riżorsi eliġibbli għall-MREL intern ta’ dawk l-entitajiet għall-finijiet ta’ konformità mill-entità intermedja mal-MREL intern tagħha stess. Mingħajr dak it-tnaqqis, l-implimentazzjoni xierqa tal-istrateġija ta’ riżoluzzjoni magħżula tista’ tiġi kompromessa billi l-entità intermedja tista’ tuża mhux biss il-kapaċità ta’ assorbiment tat-telf u rikapitalizzazzjoni tagħha stess iżda anki dik ta’ entitajiet oħrajn li huma nfushom ma jkunux entitajiet ta’ riżoluzzjoni u li jappartjenu lill-istess grupp ta’ riżoluzzjoni, qabel l-entità intermedja jew dawk l-entitajiet oħrajn ma jibqgħux vijabbli. Biex jiġi żgurat li l-obbligu tat-tnaqqis ikun allinjat mal-kamp ta’ applikazzjoni tal-entitajiet li jistgħu jintużaw mill-entità ta’ riżoluzzjoni għas-sottoskrizzjoni indiretta tar-riżorsi eliġibbli għall-MREL intern, u biex jiġi evitat arbitraġġ regolatorju, jenħtieġ li l-entitajiet intermedji jnaqqsu l-holdings tar-riżorsi eliġibbli għall-MREL intern maħruġa mill-entitajiet kollha li jappartjenu lill-istess grupp ta’ riżoluzzjoni u li jistgħu jkunu soġġetti għall-konformità mal-MREL intern, u mhux biss il-holdings ta’ riżorsi maħruġa mis-sussidjarji tagħhom. Jenħtieġ li l-istess obbligi japplikaw fil-każ ta’ ħruġ indirett ta’ riżorsi eliġibbli għall-konformità mar-rekwiżit għal fondi proprji u obbligazzjonijiet eliġibbli għal sussidjarji materjali ta’ G-SIIs mhux tal-UE stabbilit fl-Artikolu 92b tar-Regolament (UE) Nru 575/2013, fejn rilevanti.

(8)

Biex jiġi żgurat li r-reġim tat-tnaqqis jibqa’ proporzjonat, jenħtieġ li l-entitajiet intermedji jkunu jistgħu jagħżlu t-taħlita ta’ strumenti, li tkun tikkonsisti f’fondi proprji jew obbligazzjonijiet eliġibbli, li bihom jiffinanzjaw l-akkwist tas-sjieda ta’ riżorsi eliġibbli għall-MREL intern. Dak jippermetti lill-entitajiet intermedji jevitaw kompletament kwalunkwe tnaqqis relatat mal-fondi proprji dment li jkunu ħarġu biżżejjed obbligazzjonijiet eliġibbli. Għalhekk jenħtieġ li t-tnaqqis l-ewwel jiġi applikat għall-elementi tal-obbligazzjonijiet eliġibbli tal-entitajiet intermedji. Meta l-entità intermedja tkun meħtieġa tikkonforma mal-MREL intern skont id-Direttiva 2014/59/UE fuq bażi individwali, jenħtieġ li t-tnaqqis jiġi applikat għall-obbligazzjonijiet eliġibbli li jissodisfaw il-kondizzjonijiet tal-Artikolu 45f(2) ta’ dik id-Direttiva. F’każ li l-ammont li jrid jitnaqqas jaqbeż l-ammont tal-elementi tal-obbligazzjonijiet eliġibbli tal-entitajiet intermedji, jenħtieġ li l-ammont li jifdal jitnaqqas mill-elementi tal-Grad 1 ta’ Ekwità Komuni kif ukoll mill-elementi tal-Grad 1 Addizzjonali u tal-Grad 2, iżda l-ewwel mill-elementi tal-Grad 2 f’konformità mal-Artikolu 66, il-punt (e), tar-Regolament (UE) Nru 575/2013. F’każ bħal dan, huwa neċessarju li t-tnaqqis li jikkorrispondi għall-ammont li jifdal jiġi applikat ukoll meta jiġu kkalkulati l-fondi proprji għall-finijiet tar-rekwiżiti stabbiliti fir-Regolament (UE) Nru 575/2013 u d-Direttiva 2013/36/UE tal-Parlament Ewropew u tal-Kunsill (11). Inkella, il-proporzjonijiet ta’ solvenza ta’ entitajiet intermedji li jkunu ħarġu fondi proprji, aktar milli l-obbligazzjonijiet eliġibbli, biex jiffinanzjaw l-akkwist tas-sjieda ta’ riżorsi eliġibbli għall-MREL intern jistgħu jiġu ddikjarati b’mod eċċessiv. Barra minn hekk, billi t-trattament tal-holdings ta’ riżorsi eliġibbli għall-MREL intern jinżamm allinjat għal finijiet prudenzjali u ta’ riżoluzzjoni, tiġi evitata żieda bla bżonn fil-kumplessità, peress li l-istituzzjonijiet ikunu jistgħu jkomplu jikkalkulaw, jirrapportaw u jiddivulgaw sett wieħed ta’ ammont totali tal-iskopertura għar-riskju u kejl tal-iskopertura totali għal finijiet prudenzjali u ta’ riżoluzzjoni. Għalhekk, jenħtieġ li l-Artikolu 49(2) tar-Regolament (UE) Nru 575/2013 jiġi emendat skont dan.

(9)

Biex tissaħħaħ aktar il-proporzjonalità tar-reġim ta’ tnaqqis, jenħtieġ li dak ir-reġim ma jkunx applikabbli fil-każijiet eċċezzjonali fejn, skont l-Artikolu 45f(1), it-tielet subparagrafu, u (4) tad-Direttiva 2014/59/UE, l-MREL intern jiġi applikat fuq bażi konsolidata biss, fir-rigward tal-holdings ta’ riżorsi eliġibbli għall-MREL intern maħruġa minn entitajiet inklużi fil-perimetru ta’ konsolidazzjoni. Jenħtieġ li l-istess eċċezzjoni tapplika meta r-rekwiżit għal fondi proprji u obbligazzjonijiet eliġibbli għal sussidjarji materjali ta’ G-SIIs mhux tal-UE stabbilit fl-Artikolu 92b tar-Regolament (UE) Nru 575/2013 jiġi rispettat fuq bażi konsolidata, skont l-Artikolu 11(3a) ta’ dak ir-Regolament.

(10)

Jenħtieġ li s-sottoskrizzjoni indiretta ta’ riżorsi eliġibbli għall-MREL intern tiżgura li, meta sussidjarja tilħaq il-punt ta’ nonvijabbiltà, it-telf jiġi effettivament ittrasferit lill-entità ta’ riżoluzzjoni, u s-sussidjarja kkonċernata tiġi rikapitalizzata minnha. Għalhekk, jenħtieġ li dak it-telf ma jiġix assorbit mill-entità intermedja, li jenħtieġ li ssir sempliċi mezz li minnu dan it-telf jiġi ttrasferit lill-entità ta’ riżoluzzjoni. Konsegwentement, u biex jiġi żgurat li l-eżitu tas-sottoskrizzjoni indiretta jkun ekwivalenti għal dak ta’ sottoskrizzjoni diretta sħiħa, kif previst skont il-mandat stabbilit fl-Artikolu 45f(6) tad-Direttiva 2014/59/UE, għall-finijiet tal-kalkolu tal-ammont totali tal-iskopertura għar-riskju tal-entità intermedja, jenħtieġ li ma jiġux applikati piżijiet tar-riskju għall-iskoperturi mnaqqsa taħt ir-reġim il-ġdid ta’ tnaqqis li ser jiġi introdott fl-Artikolu 72e tar-Regolament (UE) Nru 575/2013. Bl-istess mod, jenħtieġ li dawk l-iskoperturi jiġu esklużi mill-kalkolu tal-kejl tal-iskopertura totali tal-entità intermedja. It-trattament li jikkonsisti min-nuqqas ta’ applikazzjoni tal-piżijiet tar-riskju u l-esklużjoni ta’ dawk l-iskoperturi mill-kejl tal-iskopertura totali jenħtieġ li jkun strettament limitat għal skoperturi li jitnaqqsu f’konformità mar-reġim il-ġdid ta’ tnaqqis li ser jiġi introdott fl-Artikolu 72e ta’ dak ir-Regolament għall-fini tal-operazzjonalizzazzjoni tal-approċċ ta’ sottoskrizzjoni indiretta ta’ riżorsi eliġibbli għall-MREL intern.

(11)

Il-mudelli għad-divulgazzjoni pubblika ta’ informazzjoni armonizzata dwar l-MREL u dwar ir-rekwiżit għal fondi proprji u obbligazzjonijiet eliġibbli għal sussidjarji materjali ta’ G-SIIs mhux tal-UE stabbiliti fir-Regolament ta’ Implimentazzjoni tal-Kummissjoni (UE) 2021/763 (12) jenħtieġ li jiġu emendati biex jirriflettu r-reġim il-ġdid ta’ tnaqqis għar-riżorsi eliġibbli għall-MREL intern. Jenħtieġ li l-formoli tad-divulgazzjoni jiġu emendati wkoll biex jinkludu l-ammont totali tal-iskopertura għar-riskju u l-kejl tal-iskopertura totali li jkollhom l-entitajiet intermedji li kieku ma jeskludux l-iskoperturi mnaqqsa skont dak ir-reġim il-ġdid ta’ tnaqqis.

(12)

Minħabba li l-objettivi ta’ dan ir-Regolament, jiġifieri li jiġi armonizzat bis-sħiħ it-trattament prudenzjali tal-holdings minn entitajiet intermedjarji ta’ riżorsi eliġibbli għall-MREL intern ta’ entitajiet fl-istess grupp ta’ riżoluzzjoni u li jiġu riveduti b’mod immirat ir-rekwiżiti għall-fondi proprji u l-obbligazzjonijiet eliġibbli għall-G-SIIs u għas-sussidjarji materjali mhux tal-UE ta’ G-SIIs, ma jistgħux jinkisbu b’mod suffiċjenti mill-Istati Membri iżda jistgħu pjuttost, minħabba l-iskala tal-azzjoni, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkisbu dawn l-objettivi.

(13)

Sabiex jiġu vvalutati kif xieraq il-konsegwenzi potenzjali mhux intenzjonati tas-sottoskrizzjoni indiretta ta’ riżorsi eliġibbli għall-MREL intern, inkluż ir-reġim il-ġdid ta’ tnaqqis, u biex jiġi żgurat trattament proporzjonat u kondizzjonijiet ekwivalenti ta’ kompetizzjoni bejn tipi differenti ta’ strutturi ta’ gruppi bankarji, speċjalment istituzzjonijiet li jkollhom kumpanija operattiva bejn il-kumpanija azzjonarja u s-sussidjarji tagħha, u għal entitajiet li l-pjan ta’ riżoluzzjoni tagħhom jipprevedi li jiġu stralċjati bi proċedimenti ta’ insolvenza normali fil-każ ta’ falliment, jenħtieġ li l-Kummissjoni tirrieżamina l-implimentazzjoni tas-sottoskrizzjoni indiretta ta’ riżorsi eliġibbli għall-MREL intern mit-tipi differenti ta’ strutturi ta’ gruppi bankarji malajr kemm jista’ jkun. Jenħtieġ li l-Kummissjoni tivvaluta kif xieraq soluzzjonijiet strutturali possibbli għal kwalunkwe kwistjoni identifikata bħat-tkabbir tal-possibbiltà għal entitajiet li mhumiex huma stess entitajiet ta’ riżoluzzjoni biex jikkonformaw mal-MREL tagħhom fuq bażi konsolidata. Jenħtieġ li l-proposta leġiżlattiva ta’ akkumpanjament li l-Kummissjoni tista’ tadotta tikkunsidra kif xieraq id-data tal-applikazzjoni tat-trattament iddedikat għas-sottoskrizzjoni indiretta tar-riżorsi eliġibbli għall-MREL intern, sabiex dan ikun jista’ jiġi implimentat qabel ma l-Artikolu 72e(5) tar-Regolament (UE) Nru 575/2013 isir applikabbli. Proposta leġiżlattiva bħal din jenħtieġ li preferibbilment tkun waħda ddedikata.

(14)

Sabiex jiġi żgurat li l-istituzzjonijiet ikollhom biżżejjed żmien biex jimplimentaw it-trattament iddedikat għas-sottoskrizzjoni indiretta ta’ riżorsi eliġibbli għall-MREL intern, inkluż ir-reġim il-ġdid ta’ tnaqqis, u li s-swieq ikunu jistgħu jassorbu l-ħruġ addizzjonali ta’ riżorsi eliġibbli għall-MREL intern, fejn meħtieġ, jenħtieġ li d-dispożizzjonijiet li jistabbilixxu dak it-trattament isiru applikabbli fl-1 ta’ Jannar 2024, skont l-iskadenza għall-konformità mal-MREL.

(15)

Għalhekk, jenħtieġ li r-Regolament (UE) Nru 575/2013 u d-Direttiva 2014/59/UE jiġu emendati skont dan,

(1)

Ir-Regolament (UE) 2019/833 tal-Parlament Ewropew u tal-Kunsill (3) ġie adottat sabiex jimplimenta fil-liġi tal-Unjoni l-iktar regoli aġġornati għall-miżuri ta’ konservazzjoni u ta’ infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral (NAFO). Sussegwentement, dak ir-Regolament ġie emendat permezz tar-Regolament (UE) 2021/1231 tal-Parlament Ewropew u tal-Kunsill (4), sabiex, fil-liġi tal-Unjoni, jiġu implimentati l-miżuri tan-NAFO adottati waqt il-laqgħat annwali tagħha fl-2019 u l-2020.

(2)

Sussegwentement, fit-43 laqgħa annwali tagħha ta’ Settembru 2021, in-NAFO adottat għadd ta’ deċiżjonijiet legalment vinkolanti għall-konservazzjoni tar-riżorsi tas-sajd taħt ir-responsabbiltà tagħha fir-rigward taż-żamma tal-qabdiet għall-kwota “Oħrajn”, tal-ispezzjoni fil-port tal-ħatt l-art tal-bakkaljaw fid-Diviżjoni 3M u tal-ħalibatt ta’ Greenland, u tad-dispożizzjonijiet imsaħħa dwar il-monitoraġġ, il-ksur u l-infurzar (‘id-deċiżjonijiet tan-NAFO’).

(3)

Id-deċiżjonijiet tan-NAFO huma indirizzati lill-Partijiet Kontraenti tan-NAFO, iżda jinkludu wkoll obbligi għall-operaturi. Wara li l-miżuri ta’ konservazzjoni u ta’ infurzar (CEMs) tan-NAFO daħlu fis-seħħ fit-2 ta’ Diċembru 2021, dawn bdew jorbtu lill-Partijiet Kontraenti kollha tan-NAFO. Għalhekk, dawn iridu jiddaħħlu fil-liġi tal-Unjoni sakemm mhumiex diġà previsti mil-liġi tal-Unjoni.

(4)

Għaldaqstant, jenħtieġ li r-Regolament (UE) 2019/833 jiġi adattat sabiex japplika dawk is-CEMs il-ġodda għall-bastimenti tas-sajd tal-Unjoni.

(5)

Ċerti dispożizzjonijiet tas-CEMs x’aktarx jiġu emendati waqt il-laqgħat annwali tan-NAFO li ġejjin wara li ddaħħlu miżuri tekniċi ġodda b’rabta mat-tibdil fil-bijomassa tal-istokk u minħabba li jiġu riveduti r-restrizzjonijiet fuq iż-żoni fejn jistgħu jsiru l-attivitajiet tas-sajd tal-qiegħ. Għalhekk, sabiex tali emendi futuri tas-CEMs jiddaħħlu malajr fil-liġi tal-Unjoni qabel jibda l-istaġun tas-sajd, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-miżuri tal-ħatt l-art u ta’ ispezzjoni għall-ħalibatt ta’ Greenland u tal-miżuri ta’ kontroll għall-bakkaljaw fid-Diviżjoni 3M. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell tal-esperti, u li dawk il-konsultazzjonijiet jiġu mwettqa f’konformità mal-prinċipji stipultati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (5). B’mod partikolari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija tal-atti delegati.

(6)

Għalhekk jenħtieġ li r-Regolament (UE) 2019/833 jiġi emendat skont dan,

(1)

Ir-Regolament tal-Kunsill (KEE) Nru 95/93 (3) ġie emendat kemm-il darba mill-bidu tal-kriżi tal-COVID-19 ’l hawn peress li r-rekwiżit stabbilit b’dak ir-Regolament li joperaw mill-inqas 80 % ta’ serje ta’ slots biex jinżamm id-dritt għall-istess serje ta’ slots fil-perjodu ta’ skedar ekwivalenti li kien imiss ma baqax sostenibbli għat-trasportaturi tal-ajru fid-dawl ta’ tnaqqisiet qawwijin fil-livelli tat-traffiku tal-ajru.

(2)

Iċ-ċifri ppubblikati mill-Eurocontrol, li hija l-maniġer tan-network għall-funzjonijiet tan-network tat-traffiku tal-ajru tal-Ajru Uniku Ewropew, juru li t-traffiku tal-ajru rkupra bil-kbir mill-bidu tal-perjodu ta’ skedar tas-sajf 2022, u li t-traffiku tal-ajru fil-bidu tal-perjodu ta’ skedar tax-xitwa 2022/2023 mistenni jkun madwar 90 % tal-livelli fl-2019 skont il-previżjoni bażi. Dawk iċ-ċifri jiġġustifikaw ritorn għar-rekwiżit tal-użu tas-slots ta’ 80 % bħala regola ġenerali għall-perjodu ta’ skedar tas-sajf 2023, flimkien ma’ tnaqqis speċifiku fl-użu tas-slots meta jkun hemm nuqqas ġustifikat ta’ użu ta’ slots.

(3)

Madankollu, minħabba l-kriżi tal-COVID-19, is-sitwazzjoni fis-settur tal-avjazzjoni għadha inċerta ħafna. Kif ġara fl-aħħar tal-2021, jaf ifeġġu varjanti ġodda tal-COVID-19 u jikkawżaw reazzjonijiet għal għarrieda kemm mill-awtoritajiet nazzjonali kif ukoll mill-konsumaturi li min-naħa tagħhom jistgħu jaffettwaw ħażin lit-traffiku tal-ajru. Barra minn hekk, ċerti swieq fuq distanzi twal għadhom qed jintlaqtu minn miżuri sanitarji li jxekklu serjament it-traffiku tal-ajru.

(4)

Il-gwerra ta’ aggressjoni tar-Russja kontra l-Ukrajna qed tħalli wkoll impatt fuq it-traffiku tal-ajru u fuq il-kapaċità tat-trasportaturi tal-ajru li joperaw is-slots tagħhom peress li t-trasportaturi tal-ajru tal-Unjoni mhumiex jitħallew jidħlu fl-ispazju tal-ajru tal-Belarussja, tar-Russja u tal-Ukrajna.

(5)

Ir-restrizzjonijiet fuq l-ivvjaġġar imposti mill-istat għal raġunijiet sanitarji u l-impossibbiltà li wieħed jidħol fl-ispazju tal-ajru ta’ dik li saret żona tal-gwerra huma lil hinn mill-kontroll tat-trasportaturi tal-ajru. Dawn iċ-ċirkostanzi jistgħu jwasslu għall-kanċellazzjoni volontarja jew obbligatorja tas-servizzi tal-ajru tagħhom jew għall-aġġustament tal-iskedi. B’mod partikolari, il-kanċellazzjonijiet volontarji jħarsu s-saħħa finanzjarja tat-trasportaturi tal-ajru u fl-istess ħin jevitaw l-impatt ambjentali negattiv ikkawżat mit-titjiriet operati biss biex iżommu s-slots tagħhom.

(6)

F’dawk iċ-ċirkostanzi, it-trasportaturi tal-ajru li jonqsu milli jużaw is-slots tagħhom skont ir-rata tal-użu tas-slots stabbilita fir-Regolament (KEE) Nru 95/93 jenħtieġ li ma jitilfux awtomatikament il-preċedenza fir-rigward tas-serje ta’ slots stipulata fl-Artikoli 8(2) u 10(2) ta’ dak ir-Regolament, li setgħu jgawdu minnhom f’ċirkostanzi oħra. Għal dan il-għan, jenħtieġ li dan ir-Regolament jistabbilixxi regoli speċifiċi.

(7)

Fl-istess ħin, hu importanti li jitfakkru l-objettivi tar-Regolament (KEE) Nru 95/93, li huma b’mod partikolari li jkun aċċertat l-użu effiċjenti tal-kapaċità tal-ajruporti u li jkun aċċertat aċċess ġust għat-trasportaturi tal-ajru kollha għal kapaċità limitata tal-ajruporti, biex b’hekk tiġi promossa l-kompetizzjoni. Jenħtieġ li l-aġġustament tar-rekwiżiti tal-użu normali tas-slots billi tonqos ir-rata tal-użu jew billi jiġu estiżi xi eċċezzjonijiet tan-nuqqas ġustifikat ta’ użu jkun limitat strettament għal sitwazzjonijiet meta s-solliev mill-użu tas-slots ikun neċessarju u jenħtieġ li ma joħloqx vantaġġi kompetittivi inġusti lil dawk it-trasportaturi tal-ajru li jkollhom slots storiċi.

(8)

B’mod partikolari, huwa neċessarju li jkun aċċertat li t-trasportaturi tal-ajru li huma disposti li jipprovdu s-servizzi, jitħallew jużaw kapaċità mhux użata u jkollhom il-possibbiltà li jżommu dawk is-slots fit-tul. Jenħtieġ li jinżammu l-inċentivi tat-trasportaturi tal-ajru ħalli tintuża l-kapaċità tal-ajruporti, li min-naħa tagħha hija ta’ benefiċċju għall-konsumaturi.

(9)

Għalhekk huwa neċessarju li jiġu stipulati, f’konformità ma’ dawk il-prinċipji u għal perjodu limitat, il-kundizzjonijiet li skonthom it-trasportaturi tal-ajru jibqgħu intitolati għas-serje tas-slots skont l-Artikolu 8(2) u l-Artikolu 10(2) tar-Regolament (KEE) Nru 95/93, u jiġu stabbiliti rekwiżiti għat-trasportaturi tal-ajru kkonċernati biex jirrilaxxaw il-kapaċità mhux użata. Il-perjodu jenħtieġ li jibda jiddekorri mit-30 ta’ Ottubru 2022 sat-28 ta’ Ottubru 2023 bi qbil mal-irkupru previst mill-Eurocontrol.

(10)

Waqt dan il-perjodu, id-definizzjoni tat-terminu “membru ġdid” jenħtieġ li tinżamm wiesgħa sabiex jiżdied l-għadd ta’ trasportaturi tal-ajru koperti, u b’hekk aktar trasportaturi tal-ajru jingħataw l-opportunità li jistabbilixxu u jespandu l-operazzjonijiet tagħhom.

(11)

Mit-30 ta’ Ottubru 2022 sat-28 ta’ Ottubru 2023, is-sistema tal-allokazzjoni tas-slots jenħtieġ li tibqa’ tirrikonoxxi l-isforzi tat-trasportaturi tal-ajru li jkunu operaw titjiriet bl-użu ta’ slots li huma parti minn serje li trasportatur tal-ajru ieħor huwa intitolat għaliha skont l-Artikolu 8(2) u l-Artikolu 10(2) tar-Regolament (KEE) Nru 95/93, iżda li jkunu ngħataw lill-koordinatur tas-slots għal riallokazzjoni temporanja. Għalhekk, it-trasportaturi tal-ajru li jkunu operaw mill-inqas ħames slots ta’ serje jenħtieġ li jingħataw prijorità għall-allokazzjoni ta’ dawk is-serje fil-perjodu ta’ skedar ekwivalenti li jmiss, soġġetta għad-disponibbiltà tal-kapaċità tal-ajruport.

(12)

Biex jiġu indirizzati l-effetti tal-gwerra ta’ aggressjoni tar-Russja kontra l-Ukrajna u biex jiġi appoġġat l-irkupru tal-konnettività bejn l-Unjoni u l-Ukrajna, huwa neċessarju li jiġi estiż il-perjodu li matulu l-operaturi jkunu jistgħu jiddependu fuq ir-raġuni stipulata fl-Artikolu 10(4), il-punt (a), tar-Regolament (KEE) Nru 95/93 biex jiġġustifikaw in-nuqqas ta’ użu tas-serje tas-slots fir-rotot bejn l-Unjoni u l-Ukrajna.

(13)

Mingħajr preġudizzju għall-obbligu tal-Istati Membri li jikkonformaw mal-liġi tal-Unjoni, b’mod partikolari mar-regoli stipulati fit-Trattati u fir-Regolament (KE) Nru 1008/2008 tal-Parlament Ewropew u tal-Kunsill (4), il-konsegwenzi negattivi fuq il-kapaċità tal-passiġġieri li jivvjaġġaw minħabba r-restrizzjonijiet possibbli adottati mill-awtoritajiet pubbliċi tal-Istati Membri jew ta’ pajjiżi terzi biex jindirizzaw sitwazzjonijiet epidemjoloġiċi, diżastri naturali jew taqlib politiku, bħal rewwixti, irvellijiet jew diżordni pubbliku severi, ma jistgħux jiġu attribwiti lit-trasportaturi tal-ajru u jenħtieġ li jiġu mitigati meta dawk il-miżuri jħallu impatt sinifikanti fuq il-vijabbiltà jew il-possibbiltà tal-ivvjaġġar jew fuq id-domanda għar-rotot ikkonċernati. Il-miżuri ta’ mitigazzjoni jenħtieġ li jaċċertaw li t-trasportaturi tal-ajru ma jiġux penalizzati għan-nuqqas tal-użu tas-slots meta dak in-nuqqas jiġri minħabba restrizzjonijiet bħal dawk.

(14)

Biex jonqos ir-riskju ta’ distorsjonijiet tal-kompetizzjoni u biex ikun aċċertat l-użu effiċjenti tal-kapaċità tal-ajruporti, jenħtieġ li s-solliev speċifiku mill-effetti tal-impożizzjoni ta’ dawk ir-restrizzjonijiet ikollu tul ta’ żmien u ambitu limitati, b’hekk ikun aċċertat li l-effett tal-miżuri ta’ mitigazzjoni jkun limitat għall-perjodu meta kienu ġustifikati. Slots koperti minn tali miżuri li jtaffu l-effett tar-restrizzjonijiet jenħtieġ li jitqiesu li ġew operati għall-finijiet tar-Regolament (KEE) Nru 95/93.

(15)

Huwa neċessarju li jiġi ċċarat li d-dispożizzjonijiet dwar in-nuqqas ġustifikat ta’ użu tal-eċċezzjonijiet tas-slots ma japplikawx għat-trasportaturi tal-ajru li huma l-oġġett ta’ miżuri restrittivi adottati skont l-Artikolu 29 tat-Trattat dwar l-Unjoni Ewropea (TUE) jew l-Artikolu 215 tat-Trattat dwar il-Funzjonament tal-Unjoni Ewropea (TFUE), jew għat-trasportaturi tal-ajru soġġetti għal projbizzjoni fuq l-operat fl-Unjoni li huma elenkati fl-Anness A jew B tar-Regolament tal-Kummissjoni (KE) Nru 474/2006 (5). Biex tkun aċċertata l-applikazzjoni effettiva ta’ dawk il-miżuri, l-impossibbiltà li jiġu invokati d-dispożizzjonijiet dwar in-nuqqas ġustifikat ta’ użu tas-slots jenħtieġ li tapplika wkoll għat-trasportaturi tal-ajru li diġà huma l-oġġett ta’ miżuri restrittivi bħal dawn fis-seħħ fid-data tad-dħul fis-seħħ ta’ dan ir-Regolament.

(16)

Il-kooperazzjoni bejn il-koordinaturi jenħtieġ li tissaħħaħ biex tkun aċċertata implimentazzjoni uniformi tar-Regolament (KEE) Nru 95/93 madwar l-Unjoni.

(17)

Jenħtieġ li l-koordinaturi jiskambjaw l-aħjar prattiki dwar l-implimentazzjoni tar-Regolament (KEE) Nru 95/93, inkluż permezz tal-Assoċjazzjoni tal-Koordinaturi tal-Ajruporti (EUACA). L-EUACA hija mħeġġa tkompli toħroġ gwida biex tiġi aċċertata implimentazzjoni armonizzata tar-regoli tal-Unjoni, b’mod partikolari fir-rigward tad-dispożizzjoni dwar il-mitigazzjoni tar-restrizzjonijiet. Barra minn hekk, jekk il-mitigazzjoni tiġix applikata jew le hija biċċa informazzjoni importanti għat-trasportaturi tal-ajru meta jkunu qed jippjanaw l-iskedi tagħhom. Għalhekk, huwa neċessarju li tiġi aċċertata komunikazzjoni trasparenti mill-koordinaturi.

(18)

Filwaqt li miżuri li jtaffu r-restrizzjonijiet jenħtieġ li jiġu interpretat b’mod strett peress li dawn jirrappreżentaw eċċezzjoni għar-rekwiżiti tal-użu normali tas-slots, f’ċerti każijiet jenħtieġ li jkun possibbli li tintalab azzjoni komuni mill-koordinaturi kollha biex ikunu aċċertati kundizzjonijiet ekwivalenti madwar l-Unjoni. Skont ċerti kundizzjonijiet u abbażi ta’ deċiżjoni unanima, il-koordinaturi jenħtieġ li jkunu jistgħu japplikaw dik id-dispożizzjoni għas-slots kollha miżmuma fl-ajruporti kkoordinati.

(19)

Ir-robustezza tal-previżjonijiet tat-traffiku għall-perjodu ta’ skedar tax-xitwa 2022/2023 hija affettwata b’mod negattiv mill-inċertezza dwar l-evoluzzjoni ta’ diversi kriżijiet, b’mod partikolari s-sitwazzjoni fl-Ukrajna u l-kriżi tal-COVID-19. Konsegwentement, it-trasportaturi tal-ajru jenħtieġ li jiġu rilaxxati, sa fejn ikun meħtieġ, mir-rekwiżiti li joperaw slots sabiex jinżamm id-dritt għall-istess slots fil-perjodu ta’ skedar ekwivalenti li jmiss. Dan jippermetti lit-trasportaturi tal-ajru jżidu l-forniment ta’ servizzi meta ċ-ċirkostanzi jippermettu, bil-ħsieb li jiġu applikati r-regoli normali għall-operat tas-slots mill-perjodu ta’ skedar tas-sajf 2023, soġġett għal dawk l-adattamenti magħmula mill-Kummissjoni f’ċirkostanzi speċifiċi biex tirreaġixxi għal ċerti sfidi għas-settur tat-trasport bl-ajru.

(20)

Biex jiġi indirizzat l-impatt li qed jevolvi tal-kriżi tal-COVID-19 jew ta’ sitwazzjonijiet epidemjoloġiċi oħra, kif ukoll l-impatt devastanti dirett tal-gwerra ta’ aggressjoni tar-Russa kontra l-Ukrajna fuq it-traffiku tal-ajru u biex tiġi appoġġata l-konnettività mill-Ukrajna u lejha, u biex ikun hemm rispons flessibbli, meta strettament neċessarju u ġustifikat, għall-isfidi li s-settur tat-trasport bl-ajru qed jiffaċċa bħala konsegwenza, is-setgħa li jiġu adottati atti f’konformità mal-Artikolu 290 TFUE jenħtieġ li tiġi delegata lill-Kummissjoni fir-rigward tal-emendar tal-valuri perċentwali tar-rata minima tal-użu f’ċerta firxa u għal kwalunkwe perjodu ta’ skedar fil-perjodu mit-30 ta’ Ottubru 2022 sat-28 ta’ Ottubru 2023 bi qbil mal-irkupru previst mill-Eurocontrol u fir-rigward tal-emendar tal-valuri perċentwali tar-rata minima tal-użu f’ċerta firxa għar-rotot bejn l-Unjoni u l-Ukrajna u għal kwalunkwe perjodu ta’ skedar mit-30 ta’ Ottubru 2022 sat-28 ta’ Ottubru 2023. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jitwettqu f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (6). B’mod partikolari, biex tkun aċċertata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin mal-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi ta’ esperti tal-Kummissjoni li jittrattaw it-tħejjija tal-atti delegati.

(21)

L-ajruporti, il-fornituri tas-servizzi tal-ajruport u t-trasportaturi tal-ajru jeħtieġ li jiġu informati dwar il-kapaċità disponibbli għall-finijiet ta’ ppjanar adegwat. It-trasportaturi tal-ajru jenħtieġ li jibqgħu jagħmlu disponibbli lill-koordinatur kull slot li ma jkunx beħsiebhom jużaw, minn kmieni kemm jista’ jkun u sa tliet ġimgħat qabel id-data ppjanata tal-operat tas-slots, ħalli l-koordinatur ikun jista’ jirriallokahom lil trasportaturi tal-ajru oħrajn. Meta t-trasportaturi tal-ajru jonqsu ripetutament milli jikkonformaw ma’ dak ir-rekwiżit, jenħtieġ li ma jibbenefikawx minn rata mnaqqsa tal-operat tas-slots.

(22)

Meta koordinatur ikun sodisfatt li trasportatur tal-ajru jkun waqaf jopera f’ajruport, il-koordinatur jenħtieġ li jieħu minnufih is-slots mingħand it-trasportatur tal-ajru inkwistjoni u jqegħedhom fil-ġabra tas-slots għal riallokazzjoni lil trasportaturi oħra.

(23)

Il-projbizzjoni fuq it-trasportaturi tal-ajru milli jtiru fl-ispazju tal-ajru tal-Unjoni bl-applikazzjoni ta’ miżuri restrittivi adottati skont l-Artikolu 29 TUE jew l-Artikolu 215 TFUE jew ta’ projbizzjoni fuq l-operat skont ir-Regolament (KE) Nru 474/2006 tista’ tikkawża l-imblukkar mhux ġustifikat ta’ slots fl-ajruporti tal-Unjoni. Filwaqt li s-slots użati qabel minn trasportaturi tal-ajru bħal dawn jistgħu jiġu riallokati fuq bażi ad hoc tul il-perjodu ta’ skedar, dan ma jħeġġiġx biżżejjed l-użu effiċjenti tas-slots li jippermetti lil-linji tal-ajru jżidu l-kompetizzjoni u l-konnettività fit-tul għall-benefiċċju tal-konsumaturi. Għalhekk, is-slots jenħtieġ li jiġu rtirati minnufih mit-trasportaturi tal-ajru kkonċernati.

(24)

Minħabba li l-objettiv ta’ dan ir-Regolament, jiġifieri li jiġu stabbiliti regoli speċifiċi u s-solliev mir-regoli ġenerali dwar l-użu tas-slots għal perjodu ta’ żmien limitat, ħalli jittaffew l-effetti ta’ kriżi epidemjoloġika u tal-gwerra ta’ aggressjoni tar-Russja kontra l-Ukrajna fuq it-traffiku bl-ajru, ma jistax jinkiseb biżżejjed mill-Istati Membri iżda pjuttost, minħabba l-iskala u l-effetti tal-azzjoni proposta, jista’ jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak meħtieġ biex jintlaħaq dak l-objettiv.

(25)

Minħabba l-urġenza taċ-ċirkostanzi eċċezzjonali relatati mal-kriżi tal-COVID-19 u l-gwerra ta’ aggressjoni tar-Russja kontra l-Ukrajna, huwa meqjus xieraq li tiġi invokata l-eċċezzjoni għall-perjodu ta’ tmien ġimgħat prevista fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni, mehmuż mat-Trattat dwar l-Unjoni Ewropea, mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea tal-Enerġija Atomika.

(26)

Biex tkun aċċertata l-applikazzjoni malajr tal-miżuri previsti f’dan ir-Regolament, jenħtieġ li bħala kwistjoni ta’ urġenza, dan jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

L-Istati Membri, u b’mod partikolari r-reġjuni ċentrali u tal-Lvant tal-Unjoni Ewropea, ġew affettwati serjament mill-konsegwenzi tal-aggressjoni militari tal-Federazzjoni Russa kontra l-Ukrajna, fi żmien meta l-ekonomiji tal-Istati Membri għadhom qed jirkupraw mill-impatt tal-pandemija tal-COVID-19. Waqt li qed jiffaċċjaw influss kontinwu ta’ persuni li qed jaħarbu mill-aggressjoni Russa, ħafna Stati Membri huma affettwati wkoll minn nuqqas ta’ ħaddiema, diffikultajiet fil-katina tal-provvista u prezzijiet u kostijiet tal-enerġija li qed jogħlew. Min-naħa, dan jiġġenera problemi għall-baġits pubbliċi u, min-naħa l-oħra, idewwem b’mod sostanzjali l-implimentazzjoni tal-investimenti. Tali ċirkostanzi ħolqu sitwazzjoni eċċezzjonali li jeħtieġ li tiġi indirizzata b’miżuri speċifiċi u mmirati sew, sabiex ma jkunx meħtieġ tibdil fil-limiti massimi annwali tal-qafas finanzjarju pluriennali għall-impenji u l-pagamenti stabbiliti fl-Anness I tar-Regolament tal-Kunsill (UE, Euratom) 2020/2093 (2), kif ukoll biex jiġi evitat li jiddgħajjef l-irkupru ekoloġiku, diġitali u reżiljenti tal-ekonomija li għaddej bħalissa.

(2)

Bil-ħsieb li jittaffa l-piż li qed dejjem jiżdied fuq il-baġits nazzjonali, ir-Regolament (UE) 2022/562 tal-Parlament Ewropew u tal-Kunsill (3) għamel għadd ta’ emendi mmirati għar-Regolamenti (UE) Nru 1303/2013 (4) u (UE) Nru 223/2014 (5) tal-Parlament Ewropew u tal-Kunsill sabiex jagħmilha aktar faċli għall-Istati Membri biex jużaw l-allokazzjoni li fadal tagħhom tal-Fond Ewropew għall-Iżvilupp Reġjonali (FEŻR), il-Fond Soċjali Ewropew (FSE) u il-Fond għal Għajnuna Ewropea għall-Persuni l-Aktar fil-Bżonn (Fund for European Aid to the Most Deprived, FEAD) taħt il-qafas finanzjarju pluriennali 2014–2020, kif ukoll biex jużaw ir-riżorsi REACT-EU biex jindirizzaw l-isfidi migratorji li jirriżultaw mill-aggressjoni militari tal-Federazzjoni Russa bl-aktar mod effettiv u rapidu possibbli.

(3)

Barra minn hekk, ir-Regolament (UE) 2022/613 tal-Parlament Ewropew u tal-Kunsill (6) ta aktar possibbiltajiet biex ir-riżorsi jiġu mobilizzati malajr biex ipattu għall-kostijiet baġitarji immedjati mġarrba mill-Istati Membri u stabbilixxa kost unitarju biex jiffaċilita l-finanzjament tal-ħtiġijiet bażiċi u l-appoġġ għall-persuni li qed jaħarbu mill-aggressjoni Russa u li jingħataw protezzjoni temporanja.

(4)

Madankollu, minħabba n-natura estiża tal-invażjoni Russa, speċjalment fir-rigward ta’ operazzjonijiet li jindirizzaw l-isfidi migratorji li jirriżultaw mill-aggressjoni militari tal-Federazzjoni Russa, l-Istati Membri jenħtieġ li jingħataw il-possibbiltà ta’ arranġamenti eċċezzjonali addizzjonali biex ikunu jistgħu jikkonċentraw fuq ir-rispons meħtieġ għas-sitwazzjoni soċjoekonomika mingħajr preċedent.

(5)

Minħabba l-pressjoni addizzjonali fuq il-baġits pubbliċi kkawżata mill-aggressjoni militari tal-Federazzjoni Russa, il-flessibbiltà rigward l-użu tal-FEŻR u l-FSE prevista fl-Artikolu 98(4) tar-Regolament (UE) Nru 1303/2013 għal tali operazzjonijiet jenħtieġ li tiġi estiża biex tkopri wkoll il-Fond ta’ Koeżjoni sabiex ir-riżorsi tiegħu jkunu jistgħu jintużaw ukoll biex jappoġġaw operazzjonijiet li jaqgħu fil-kamp ta’ applikazzjoni tal-FEŻR jew tal-FSE f’konformità mar-regoli applikabbli għal dawk il-Fondi. Barra minn hekk, huwa xieraq li r-rekwiżiti ta’ monitoraġġ simplifikati stabbiliti fl-Artikolu 98(4) tar-Regolament (UE) Nru 1303/2013 jiġu estiżi għall-operazzjonijiet appoġġati mill-FSE li jindirizzaw l-isfidi migratorji, fejn dawn l-operazzjonijiet ikunu pprogrammati f’assi prijoritarju li jindirizza biss dawkn l-isfidi. Barra minn hekk, għall-prijoritajiet li jippromwovu l-integrazzjoni soċjoekonomika ta’ ċittadini ta’ pajjiżi terzi, inklużi dawk iddedikati għal operazzjonijiet li jindirizzaw l-isfidi migratorji li jirriżultaw mill-aggressjoni Russa, jenħtieġ li tiġi stabbilita l-possibbiltà ta’ rata ta’ kofinanzjament ta’ 100 % fiż-żewġ perjodi ta’ programmazzjoni, sabiex l-Istati Membri jiġu appoġġati fl-indirizzar tal-ħtiġijiet ta’ persuni spostati kemm issa kif ukoll fil-futur. Bl-istess mod, l-ammont għall-kost unitarju għall-faċilitazzjoni tal-finanzjament tal-ħtiġijiet bażiċi u l-appoġġ tar-refuġjati jenħtieġ li jiżdied filwaqt li l-applikazzjoni tiegħu tittawwal.

(6)

Barra minn hekk, jidher li l-iffissar tad-data tal-24 ta’ Frar 2022 bħala d-data ta’ eliġibbiltà fir-rigward tal-operazzjonijiet li jindirizzaw l-isfidi migratorji li jirriżultaw mill-aggressjoni militari tal-Federazzjoni Russa ma kienx biżżejjed biex jiżgura li l-operazzjonijiet rilevanti kollha li jindirizzaw dawn l-isfidi jiġu appoġġati mill-Fondi. Għalhekk ikun xieraq li, b’mod eċċezzjonali, l-għażla ta’ tali operazzjonijiet tkun tista’ ssir qabel l-approvazzjoni ta’ emenda ta’ programm relatat filwaqt li n-nefqa għal tali operazzjonijiet li jkunu tlestew fiżikament jew ikunu ġew implimentati bis-sħiħ tkun eliġibbli - u dawn il-flessibbiltajiet jiġu estiżi wkoll għal operazzjonijiet appoġġati mill-Fond Ewropew għall-Affarijiet Marittimi u s-Sajd (FEMS) li jindirizzaw il-konsegwenzi fuq is-settur tas-sajd u tal-akkwakultura li jirriżultaw mill-aggressjoni Russa. Barra minn hekk, b’kunsiderazzjoni tal-finanzjament limitat disponibbli fir-reġjuni l-aktar affettwati, jenħtieġ li jkun possibbli li tali operazzjonijiet jiġu appoġġati lil hinn mil-limiti taż-żona tal-programm fi ħdan Stat Membru partikolari, peress li s-sitwazzjoni tal-persuni li qed jaħarbu mill-aggressjoni Russa u li jiċċaqilqu fi ħdan u bejn l-Istati Membri hija ta’ sfida għall-koeżjoni ekonomika, soċjali u territorjali tal-Unjoni kollha kemm hi. Għaldaqstant, tali operazzjonijiet jenħtieġ li jkunu eliġibbli irrispettivament minn fejn jiġu implimentati fi ħdan Stat Membru partikolari, peress li l-post fejn jinsabu fl-aħħar mill-aħħar mhuwiex kriterju deċiżiv meta jiġu indirizzati l-bżonnijiet immedjati.

(7)

Barra minn hekk, minħabba li l-piż li jinsab fuq spallejn l-awtoritajiet lokali u l-organizzazzjonijiet tas-soċjetà ċivili biex jiġu indirizzati l-isfidi migratorji li jirriżultaw mill-aggressjoni militari tal-Federazzjoni Russahuwa kbir, jenħtieġ jitwarrab il-livell minimu ta’ appoġġ ta’ 30 % għal tali korpi fil-kuntest tar-riżorsi li jintużaw biex jappoġġaw operazzjonijiet fil-kamp ta’ applikazzjoni tal-FEŻR jew tal-FSE f’konformità mal--Artikolu 98(4), l-ewwel u t-tieni subparagrafi, tar-Regolament (UE) Nru 1303/2013.

(8)

Bil-ħsieb li jittaffa l-piż amministrattiv fuq l-Istati Membri biex iqisu l-ħtiġijiet li qed jevolvu u l-konformità mal-allokazzjonijiet finanzjarji fi programm operazzjonali, jenħtieġ li jitneħħa r-rekwiżit taħt il-perjodu ta’ programmazzjoni ta’ bejn l-2014 u l-2020 għal emenda formali ta’ programm fir-rigward ta’ trasferimenti bejn l-objettivi tematiċi fi prijorità tal-istess Fond u kategorija ta’ reġjun.

(9)

Fl-aħħar nett, sabiex jiġi ottimizzat l-użu tal-allokazzjonijiet ta’ bejn l-2014 u l-2020 fil-kuntest tal-għeluq tal-programmi taħt il-perjodu ta’ programmazzjoni ta’ bejn l-2014 u l-2020, il-limitu tal-flessibbiltà bejn il-prijoritajiet għall-kalkolu tal-bilanċ finali tal-kontribuzzjoni mill-Fondi jenħtieġ li jiżdied.

(10)

Jenħtieġ li jiġu previsti wkoll ċerti flessibbiltajiet biex tiġi indirizzata s-sitwazzjoni bla preċedent fil-qafas legali li jirregola l-programmi taħt il-perjodu ta’ programmazzjoni ta’ bejn l-2021 u l-2027. Għal darb’ oħra bil-ħsieb li jittaffa l-piż fuq il-baġits nazzjonali, il-pagamenti ta’ prefinanzjament għall-programmi taħt il-mira tal-Investiment għall-impjiegi u t-tkabbir għandhom jiżdiedu. Barra minn hekk, minħabba l-isfidi kkawżati mill-ispostament ta’ persuni u r-risponsi integrati meħtieġa mill-Istati Membri, meta Stat Membru jalloka prijorità taħt wieħed mill-programmi ta’ koeżjoni tiegħu ta’ bejn l-2021 u l-2027 biex jappoġġa operazzjonijiet li jippromwovu l-integrazzjoni soċjoekonomika ta’ ċittadini ta’ pajjiżi terzi, jenħtieġ li tkun possibbli rata ta’ kofinanzjament sa 100 % għal dik il-prijorità, sat-30 ta’ Ġunju 2024, dment li livell xieraq ta’ appoġġ jiġi dirett lejn l-awtoritajiet lokali u l-organizzazzjonijiet tas-soċjetà ċivili li joperaw f’komunitajiet lokali u li l-ammont totali pprogrammat taħt dawn il-prijoritajiet fi Stat Membru ma jaqbiżx 5 % tal-allokazzjoni nazzjonali inizzjali ta’ dak l-Istat Membru mill-FEŻR u l- Fond Soċjali Ewropew Plus (ESF+) flimkien. Dan huwa mingħajr preġudizzju għall-possibbiltà li l-Istati Membri jipprogrammaw ammonti addizzjonali għal tali prijoritajiet b’rati ta’ kofinanzjament regolari. Barra minn hekk, b’kunsiderazzjoni għat-tfixkil fi tmiem il-perjodu ta’ programmazzjoni ta’ bejn l-2014 u l-2020 ikkaġunat mill-aggressjoni militari tal-Federazzjoni Russa, minbarra l-konsegwenzi dejjiema tal-pandemija COVID-19 fuq l-implimentazzjoni tal-proġetti u t-tfixkil kontinwu tal-ktajjen tal-valur, jenħtieġ li tiġi pprovduta wkoll flessibbiltà addizzjonali li tippermetti l-għoti dirett ta’ appoġġ u t-tlestija tal-operazzjonijiet li jkunu bdew jiġu implimentati f’konformità mal-qafas leġiżlattiv ta’ bejn l-2014 u l-2020 qabel id-data tal-proposta leġiżlattiva għal dan ir-Regolament, anki fejn tali operazzjonijiet ma jkunux jaqgħu fil-kamp ta’ applikazzjoni tal-Fond kkonċernat taħt il-perjodu ta’ programmazzjoni ta’ bejn l-2021 u l-2027, bl-eċċezzjoni ta’ każijiet fejn il-Fondi jkunu ntużaw skont l-Artikolu 98(4), l-ewwel u t-tieni subparagrafu, tar-Regolament (UE) Nru 1303/2013. Sabiex jiġi żgurat li tali operazzjonijiet jistgħu jiġu attribwiti għat-tipi ta’ interventi, l-Anness I tar-Regolament (UE) 2021/1060 tal-Parlament Ewropew u tal-Kunsill (7) jenħtieġ li jiġi aġġustat skont dan. L-appoġġ għal tali operazzjonijiet jenħtieġ li ma jaffettwax l-obbligi tal-Istati Membri li jikkonformaw mar-rekwiżiti ta’ konċentrazzjoni tematika u mal-miri tal-kontribuzzjoni klimatika.

(11)

Minħabba li l-objettivi ta’ dan ir-Regolament, jiġifieri li l-Istati Membri jingħataw assistenza għall-indirizzar tal-isfidi maħluqin mill-għadd eċċezzjonalment kbir ta’ wasliet ta’ persuni li qed jaħarbu mill-aggressjoni militari tal-Federazzjoni Russa kontra l-Ukrajna u biex jingħata appoġġ lill-Istati Membri għall-isforzi kontinwi tagħhom lejn irkupru tal-ekonomija reżiljenti mill-pandemija tal-COVID-19, ma jistgħux jinkisbu b’mod suffiċjenti mill-Istati Membri iżda jistgħu pjuttost, minħabba l-iskala u l-effetti tal-azzjoni proposta, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea (TUE). F’konformità mal-prinċipju ta’ proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkisbu dawk l-objettivi.

(12)

Għaldaqstant, ir-Regolamenti (UE) Nru 1303/2013 u (UE) 2021/1060 jenħtieġ li jiġu emendati skont dan.

(13)

Fid-dawl tal-ħtieġa li tingħata għajnuna rapida għall-baġits pubbliċi bil-għan li titħares il-kapaċità tal-Istati Membri li jsostnu l-proċess ta’ rkupru ekonomiku kif ukoll biex tkun tista’ ssir programmazzjoni malajr tad-diviżjoni f’fażijiet tal-operazzjonijiet tal-perjodu ta’ programmazzjoni ta’ bejn l-2021 u l-2027, jenħtieġ li dan ir-Regolament jidħol fis-seħħ b’urġenza fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

It-Trattat ta’ Liżbona mmodifika l-qafas legali li jirregola s-setgħat mogħtija lill-Kummissjoni mil-leġiżlatur, billi jintroduċi distinzjoni bejn is-setgħat iddelegati lill-Kummissjoni biex tadotta atti mhux leġiżlattivi ta’ applikazzjoni ġenerali sabiex tissupplimenta jew temenda ċerti elementi mhux essenzjali ta’ att leġiżlattiv (atti delegati) u s-setgħat mogħtija lill-Kummissjoni biex tadotta atti biex tiżgura kundizzjonijiet uniformi għall-implimentazzjoni tal-atti tal-Unjoni legalment vinkolanti (atti ta’ implimentazzjoni).

(2)

L-atti leġiżlattivi adottati qabel id-dħul fis-seħħ tat-Trattat ta’ Liżbona jikkonferixxu setgħat lill-Kummissjoni biex tadotta miżuri skont il-proċedura regolatorja bi skrutinju stabbilita mill-Artikolu 5a tad-Deċiżjoni tal-Kunsill 1999/468/KE (2).

(3)

Proposti li saru qabel b’rabta mal-allinjament tal-leġiżlazzjoni li jirreferu għall-proċedura regolatorja bi skrutinju bil-qafas legali introdott mit-Trattat ta’ Liżbona ġew irtirati (3) minħabba l-istaġnar fin-negozjati interistituzzjonali.

(4)

Il-Parlament Ewropew, il-Kunsill u l-Kummissjoni sussegwentement qablu dwar qafas ġdid għall-atti delegati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (4), u rrikonoxxew il-ħtieġa għall-allinjament tal-leġiżlazzjoni kollha eżistenti mal-qafas legali introdott mit-Trattat ta’ Liżbona. B’mod partikolari, qablu dwar il-ħtieġa li tingħata prijorità għolja għall-allinjament fil-pront tal-atti bażiċi kollha li għadhom jirreferu għall-proċedura regolatorja bi skrutinju. Il-Kummissjoni impenjat ruħha li tħejji proposta għal dak l-allinjament sa tmiem l-2016.

(5)

Is-setgħa mogħtija lill-Kummissjoni biex temenda l-formoli standard stabbiliti fl-Annessi tar-Regolament (KE) Nru 805/2004 tal-Parlament Ewropew u tal-Kunsill (5) tipprevedi l-użu tal-proċedura regolatorja bi skrutinju. Peress li dik is-setgħa tissodisfa l-kriterji skont l-Artikolu 290 tat-Trattat dwar il-Funzjonament tal-Unjoni Ewropea (TFUE), jenħtieġ li tiġi adattata għal dik id-dispożizzjoni.

(6)

Sabiex jiġi aġġornat ir-Regolament (KE) Nru 805/2004, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 TFUE sabiex tkun tista’ temenda l-Annessi ta’ dak ir-Regolament sabiex jiġu aġġornati l-formoli standard. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet. B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(7)

Jenħtieġ li dan ir-Regolament ma jaffettwax il-proċeduri pendenti li l-kumitat diġà ta l-opinjoni tiegħu dwarhom skont l-Artikolu 5a tad-Deċiżjoni 1999/468/KE qabel id-dħul fis-seħħ ta’ dan ir-Regolament.

(8)

F’konformità mal-Artikolu 3 u l-Artikolu 4a(1) tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-Ispazju ta’ Libertà, Sigurtà u Ġustizzja, anness mat-Trattat dwar l-Unjoni Ewropea (TUE) u mat-TFUE, l-Irlanda nnotifikat ix-xewqa tagħha li tieħu sehem fl-adozzjoni u fl-applikazzjoni ta’ dan ir-Regolament.

(9)

F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness għat-TUE u t-TFUE, id-Danimarka mhix qed tieħu sehem fl-adozzjoni ta’ dan ir-Regolament u mhix marbuta bih jew soġġetta għall-applikazzjoni tiegħu.

(10)

Għaldaqstant jenħtieġ li r-Regolament (KE) Nru 805/2004 jiġi emendat skont dan,

(1)

Skont l-Artikolu 3 tat-Trattat dwar l-Unjoni Ewropea (TUE), l-għanijiet tal-Unjoni huma, fost l-oħrajn, li tippromwovi l-benesseri tal-popli tagħha u li taħdem għall-iżvilupp sostenibbli tal-Ewropa bbażat fuq ekonomija soċjali tas-suq kompetittiva ħafna, li tfittex li tiżgura impjieg sħiħ u progress soċjali, livell għoli ta’ protezzjoni u titjib fil-kwalità tal-ambjent, filwaqt li tippromwovi l-ġustizzja soċjali u l-ugwaljanza bejn in-nisa u l-irġiel. Skont l-Artikolu 9 tat-Trattat dwar il-Funzjonament tal-Unjoni Ewropea (TFUE), l-Unjoni għandha l-obbligu tqis, fost l-oħrajn, ir-rekwiżiti marbuta mal-promozzjoni ta’ livell għoli ta’ impjieg, mal-garanzija ta’ protezzjoni soċjali adegwata, u mal-ġlieda kontra l-esklużjoni soċjali.

(2)

L-Artikolu 151 tat-TFUE jipprevedi li l-Unjoni u l-Istati Membri, filwaqt li jżommu f’moħħhom id-drittijiet soċjali fundamentali bħal dawk stabbiliti fil-Karta Soċjali Ewropea (KSE), għandhom bħala l-objettivi tagħhom, fost l-oħrajn, il-promozzjoni tal-impjiegi, it-titjib fil-kundizzjonijiet tal-għajxien u tax-xogħol, sabiex jagħmlu possibbli l-armonizzazzjoni tagħhom waqt li jinżamm it-titjib, protezzjoni soċjali xierqa u djalogu bejn il-maniġment u l-ħaddiema.

(3)

L-Artikolu 31 tal-Karta tad-Drittijiet Fundamentali tal-Unjoni Ewropea (4) (il-“Karta”) jipprevedi d-dritt ta’ kull ħaddiem għal kundizzjonijiet tax-xogħol li jirrispettaw is-saħħa, is-sigurtà u d-dinjità tiegħu. L-Artikolu 27 tal-Karta jipprevedi d-dritt tal-ħaddiema għall-informazzjoni u l-konsultazzjoni. L-Artikolu 28 tal-Karta jipprevedi li l-ħaddiema u l-impjegaturi, jew l-organizzazzjonijiet rispettivi tagħhom, skont il-liġi tal-Unjoni u l-liġi u l-prattiki nazzjonali, ikollhom dritt li jinnegozjaw u jikkonkludu ftehimiet kollettivi fil-livelli xierqa. L-Artikolu 23 tal-Karta jipprevedi d-dritt għall-ugwaljanza bejn in-nisa u l-irġiel fl-oqsma kollha, inklużi l-impjieg, ix-xogħol u l-paga.

(4)

Il-KSE tistabbilixxi li l-ħaddiema kollha għandhom id-dritt għal kundizzjonijiet tax-xogħol ġusti. Hi tirrikonoxxi d-dritt tal-ħaddiema kollha għal remunerazzjoni ġusta suffiċjenti għal standard tal-għajxien deċenti għalihom u għall-familji tagħhom. Tirrikonoxxi wkoll ir-rwol ta’ ftehimiet kollettivi konklużi liberament kif ukoll ta’ mekkaniżmi ta’ ffissar tal-pagi minimi statutorji, biex jiġi żgurat l-eżerċizzju effettiv ta’ dan id-dritt, id-dritt tal-ħaddiema u tal-impjegaturi kollha li jorganizzaw f’organizzazzjonijiet lokali, nazzjonali u internazzjonali għall-protezzjoni tal-interessi ekonomiċi u soċjali tagħhom u d-dritt li jinnegozjaw b’mod kollettiv.

(5)

Il-Kapitolu II tal-Pilastru Ewropew tad-Drittijiet Soċjali (il-“Pilastru”), ipproklamat f’Gothenburg fis-17 ta’ Novembru 2017, jistabbilixxi sett ta’ prinċipji biex iservu ta’ gwida lejn l-iżgurar ta’ kundizzjonijiet tax-xogħol ġusti. Il-Prinċipju Nru 6 tal-Pilastru jafferma mill-ġdid id-dritt tal-ħaddiema għal pagi ġusti li jipprovdu standard tal-għajxien deċenti. Jipprevedi wkoll li pagi minimi adegwati għandhom ikunu żgurati, b’mod li jipprevedu li l-bżonnijiet tal-ħaddiema u tal-familji tagħhom jiġu ssodisfati fid-dawl tal-kundizzjonijiet ekonomiċi u soċjali nazzjonali, filwaqt li jissalvagwardjaw l-aċċess għall-impjiegi u l-inċentivi li jfittxu xogħol. Barra minn dan, ifakkar li l-faqar fost min għandu xogħol għandu jiġi evitat u li l-pagi kollha għandhom jiġu ffissati b’mod trasparenti u prevedibbli skont il-prattiki nazzjonali u fir-rispett tal-awtonomija tas-sħab soċjali. Il-Prinċipju Nru 8 tal-Pilastru jipprevedi li s-sħab soċjali għandhom jiġu kkonsultati dwar it-tfassil u l-implimentazzjoni ta’ politiki ekonomiċi, tal-impjieg u soċjali skont il-prattiki nazzjonali, u għandhom jitħeġġu jinnegozjaw u jikkonkludu ftehimiet kollettivi fi kwistjonijiet rilevanti għalihom, filwaqt li jiġu rispettati l-awtonomija u d-dritt tagħhom għal azzjoni kollettiva.

(6)

Il-Linja Gwida 5 fl-anness tad-Deċiżjoni tal-Kunsill (UE) 2020/1512 (5) jistieden lill-Istati Membri li jkollhom imwaqqfa mekkaniżmi nazzjonali għall-iffissar ta’ pagi minimi statutorji biex jiżguraw involviment effettiv tas-sħab soċjali fl-iffissar tal-pagi, jipprovdu pagi ġusti li jippermettu standard tal-għajxien deċenti, filwaqt li tingħata attenzjoni partikolari lill-gruppi b’introjtu aktar baxx u medju, bl-għan li jkun hemm konverġenza ’l fuq. Dik il-Linja Gwida tistieden ukoll lill-Istati Membri jippromwovu d-djalogu soċjali u n-negozjar kollettiv bil-għan li jiġu ffissati l-pagi. Hi titlob ukoll lill-Istati Membri u lis-sħab soċjali biex jiżguraw li l-ħaddiema kollha jkollhom pagi adegwati u ġusti billi jibbenefikaw minn ftehimiet kollettivi jew pagi minimi statutorji adegwati, u filwaqt li jitqies l-impatt tagħhom fuq il-kompetittività, il-ħolqien tal-impjiegi u l-faqar fost dawk li jaħdmu, filwaqt li jitħarsu l-prattiki nazzjonali. Il- komunikazzjoni tal-Kummissjoni tas-17 ta’ Settembru 2020 intitolata ‘L-Istrateġija Annwali għat-Tkabbir Sostenibbli tal-2021’ tiddikjara li l-Istati Membri jenħtieġ li jadottaw miżuri biex jiżguraw kundizzjonijiet tax-xogħol ġusti. Barra minn hekk, il-komunikazzjoni tal-Kummissjoni tas-17 ta’ Diċembru 2019 intitolata ‘L-Istrateġija Annwali għat-Tkabbir Sostenibbli 2020’ fakkret li, fil-kuntest ta’ firdiet soċjali dejjem jikbru, hu importanti li jiġi żgurat li kull ħaddiem jaqla’ paga ġusta. Inħarġu rakkomandazzjonijiet speċifiċi għall-pajjiżi lil għadd ta’ Stati Membri fil-qasam tal-pagi minimi bil-għan li jittejbu l-iffissar u l-aġġornament ta’ pagi minimi.

(7)

Kundizzjonijiet tal-ħajja u tax-xogħol aħjar, inkluż permezz ta’ pagi minimi adegwati, huma ta’ benefiċċju kemm għall-ħaddiema kif ukoll għan-negozji fl-Unjoni, kif ukoll għas-soċjetà u l-ekonomija b’mod ġenerali u huma prerekwiżit biex jinkiseb tkabbir ġust, inklużiv u sostenibbli. L-indirizzar ta’ differenzi kbar fil-kopertura u l-adegwatezza tal-protezzjoni tal-paga minima jikkontribwixxi għat-titjib tal-ġustizzja tas-suq tax-xogħol tal-Unjoni, għall-prevenzjoni u t-tnaqqis tal-inugwaljanzi fil-pagi u soċjali, u l-promozzjoni tal-progress ekonomiku u soċjali u konverġenza ’l fuq. Il-kompetizzjoni fis-suq intern jenħtieġ li tkun ibbażata fuq standards soċjali għoljin, inkluż fuq livell għoli ta’ protezzjoni tal-ħaddiema u l-ħolqien ta’ impjiegi ta’ kwalità, kif ukoll fuq innovazzjoni u titjib fil-produttività, filwaqt li jiżguraw kundizzjonijiet ekwi.

(8)

Meta jiġu ffissati f’livelli adegwati, il-pagi minimi, kif previst fil-liġi nazzjonali jew fil-ftehimiet kollettivi, jipproteġu d-dħul ta’ ħaddiema, b’mod partikolari ta’ ħaddiema żvantaġġati, jgħinu biex jiġi żgurat għajxien deċenti kif inhu l-għan fil-Konvenzjoni tal-Organizzazzjoni Internazzjonali tax-Xogħol (ILO) dwar l-Iffissar tal-Paga Minima Nru 131 (1970). Il-pagi minimi li jipprevedu standard tal-għajxien deċenti u b’hekk jilħqu limitu ta’ deċenza, jistgħu jikkontribwixxu għat-tnaqqis tal-faqar fil-livell nazzjonali u għas-sostenn tad-domanda domestika u l-kapaċità tal-akkwist, isaħħu l-inċentivi għax-xogħol, inaqqsu l-inugwaljanzi fil-pagi, id-differenza bejn il-ġeneri fil-pagi u l-faqar fost dawk li jaħdmu, u jillimitaw it-tnaqqis fl-introjtu matul reċessjonijiet ekonomiċi.

(9)

Il-faqar fost dawk li jaħdmu fl-Unjoni żdied matul l-aħħar għaxar snin u aktar ħaddiema qed jesperjenzaw il-faqar. Matul perjodi ta’ reċessjonijiet ekonomiċi, ir-rwol tal-pagi minimi xierqa fil-protezzjoni tal-ħaddiema b’paga baxxa huwa partikolarment importanti peress li huma aktar vulnerabbli għall-konsegwenzi ta’ tali reċessjonijiet, u huwa essenzjali għall-fini li jiġi appoġġjat irkupru ekonomiku sostenibbli u inklużiv, li jenħtieġ li jwassal għal żieda f’impjiegi ta’ kwalità. Bil-għan li jiġi żgurat irkupru sostenibbli, huwa essenzjali li n-negozji, b’mod partikolari l-mikrointrapriżi u l-intrapriżi żgħar, jirnexxu. Minħabba l-effetti tal-pandemija tal-COVID-19, huwa importanti li tiġi vvalutata l-adegwatezza tal-pagi f’setturi b’pagi baxxi, li wrew li huma essenzjali u ta’ valur soċjali kbir matul il-kriżi.

(10)

In-nisa, il-ħaddiema żgħażagħ, il-ħaddiema migranti, il-ġenituri waħedhom, il-ħaddiema b’livell baxx ta’ ħiliet, il-persuni b’diżabilità, u b’mod partikolari l-persuni li jbatu minn forom multipli ta’ diskriminazzjoni għad għandhom probabbiltà ogħla li jaqilgħu paga minima jew paga baxxa minn gruppi oħra. Minħabba r-rappreżentanza żejda tan-nisa f’impjiegi b’pagi baxxi, it-titjib tal-adegwatezza tal-pagi minimi jikkontribwixxi għall-ugwaljanza bejn il-ġeneri, inaqqas id-differenza bejn il-ġeneri fil-pagi u fil-pensjonijiet, kif ukoll joħroġ lin-nisa u l-familji tagħhom mill-faqar, u jikkontribwixxi għal tkabbir ekonomiku sostenibbli fl-Unjoni.

(11)

Il-kriżi kkawżata mill-pandemija tal-COVID-19 qed ikollha impatt sinifikanti fuq is-settur tas-servizzi, il-mikrointrapriżi u l-intrapriżi ż-żgħar, li għandhom sehem għoli ta’ ħaddiema li jaqilgħu paga baxxa u paga minima. Il-pagi minimi għalhekk huma importanti wkoll fid-dawl tax-xejriet strutturali li qed isawru mill-ġdid is-swieq tax-xogħol u li huma kkaratterizzati dejjem aktar minn sehem għoli ta’ forom ta’ xogħol prekarju u mhux standard, spiss bl-inklużjoni ta’ ħaddiema part-time, staġjonali, ta’ pjattaforma u ta’ ħaddiema temporanji permezz ta’ aġenzija. Dawk ix-xejriet, f’ħafna każijiet, wasslu għal żieda fil-polarizzazzjoni tal-impjiegi li tirriżulta f’sehem dejjem jikber ta’ impjiegi u setturi b’pagi baxxi u b’livell baxx ta’ ħiliet fil-parti l-kbira tal-Istati Membri, kif ukoll għal inugwaljanza akbar fil-pagi f’xi wħud minnhom. Huwa aktar diffiċli għall-ħaddiema b’kuntratti mhux standard li jorganizzaw ruħhom u jinnegozjaw ftehimiet kollettivi.

(12)

Għalkemm il-protezzjoni tal-paga minima teżisti fl-Istati Membri kollha, f’xi wħud minnhom din il-protezzjoni ġejja minn dispożizzjonijiet leġiżlattivi jew amministrattivi u permezz ta’ ftehimiet kollettivi filwaqt li f’oħrajn hija pprovduta esklużivament permezz ta’ ftehimiet kollettivi. Jenħtieġ li t-tradizzjonijiet nazzjonali differenti fl-Istati Membri jiġu rrispettati.

(13)

Il-protezzjoni tal-paga minima pprovduta fi ftehimiet kollettivi f’impjiegi b’paga baxxa fil-parti l-kbira tal-każijiet hija adegwata u għalhekk tipprovdi standard tal-għajxien deċenti, u wriet li hija mezz effettiv li bih jitnaqqas il-faqar fix-xogħol. F’ħafna Stati Membri, il-pagi minimi statutorji huma normalment baxxi meta mqabbla ma’ pagi oħrajn fl-ekonomija. Fl-2018, il-paga minima statutorja nazzjonali ma kinitx tipprovdi dħul biżżejjed għal persuna waħda b’paga minima biex tilħaq il-limitu ta’ “f’riskju ta’ faqar” f’disa’ Stati Membri.

(14)

Mhux il-ħaddiema kollha fl-Unjoni huma protetti b’mod effettiv b’pagi minimi, peress li f’xi Stati Membri, xi ħaddiema, għalkemm huma koperti, jirċievu remunerazzjoni inqas mill-paga minima statutorja fil-prattika, minħabba n-nuqqas ta’ konformità mar-regoli eżistenti. Instab li dan in-nuqqas ta’ konformità jaffettwa, b’mod partikolari lin-nisa, lill-ħaddiema żgħażagħ, lill-ħaddiema b’ħiliet baxxi, lill-ħaddiema migranti, lill-ġenituri waħedhom, lill-persuni b’diżabilità, lill-ħaddiema b’forom mhux standard ta’ impjieg bħal ħaddiema temporanji u ħaddiema part-time, u lill-ħaddiema agrikoli u tal-ospitalità, li konsegwentement inaqqas il-pagi. Fi Stati Membri fejn il-protezzjoni tal-paga minima hi pprovduta biss fi ftehimiet kollettivi, is-sehem tal-ħaddiema mhux koperti huwa stmat li jvarja minn 2 % sa 55 % tal-ħaddiema kollha.

(15)

Il-Konvenzjoni tan-Nazzjonijiet Uniti dwar id-Drittijiet ta’ Persuni b’Diżabilità tirrikjedi li l-ħaddiema b’diżabilità, inklużi dawk f’impjieg protett, jirċievu remunerazzjoni ugwali għal xogħol ta’ valur ugwali. Dak il-prinċipju huwa rilevanti wkoll fir-rigward tal-protezzjoni tal-paga minima.

(16)

Filwaqt li negozjar kollettiv b’saħħtu, b’mod partikolari fil-livell tas-settur jew transindustrijali, jikkontribwixxi biex tiġi żgurata protezzjoni adegwata tal-paga minima, f’dawn l-aħħar deċennji l-istrutturi tradizzjonali tan-negozjar kollettiv tnaqqru, minħabba, fost l-oħrajn, bidliet strutturali fl-ekonomija lejn setturi inqas junjonizzati u minħabba t-tnaqqis fis-sħubija fit-trade unions, b’mod partikolari, b’konsegwenza ta’ prattiki ta’ union-busting u ż-żieda fil-forom ta’ xogħol prekarju u mhux standard. Barra minn hekk, in-negozjar kollettiv fil-livell settorjali u transindustrijali kien taħt pressjoni qawwija f’xi Stati Membri fid-dawl tal-kriżi finanzjarja tal-2008. Madankollu, in-negozjar kollettiv fil-livell settorjali u transindustrijali huwa fattur essenzjali biex tinkiseb protezzjoni adegwata tal-paga minima u għalhekk jeħtieġ li jiġi promoss u msaħħaħ.

(17)

Il-Kummissjoni kkonsultat lill-maniġment u lill-ħaddiema fi proċess f’żewġ fażijiet fir-rigward ta’ azzjoni possibbli biex jiġu indirizzati l-isfidi relatati mal-protezzjoni ta’ pagi minimi adegwati fl-Unjoni, skont l-Artikolu 154 tat-TFUE. Ma kien hemm ebda ftehim bejn is-sħab soċjali biex jidħlu f’negozjati fir-rigward ta’ dawn il-kwistjonijiet. Madankollu, hu importanti li tittieħed azzjoni fil-livell tal-Unjoni, filwaqt li jiġi rispettat il-prinċipju ta’ sussidjarjetà, biex jitjiebu l-kundizzjonijiet tal-ħajja u tax-xogħol fl-Unjoni, b’mod partikolari l-adegwatezza tal-pagi minimi adegwati, filwaqt li jitqiesu l-eżiti tal-konsultazzjoni tas-sħab soċjali.

(18)

Bil-ħsieb li ttejjeb il-kundizzjonijiet tal-ħajja u tax-xogħol, kif ukoll il-konverġenza soċjali ’l fuq fl-Unjoni, din id-Direttiva tistabbilixxi rekwiżiti minimi fil-livell tal-Unjoni u tfassal obbligi proċedurali għall-adegwatezza ta’ pagi minimi statutorji, u żżid aċċess effettiv tal-ħaddiema għall-protezzjoni tal-paga minima, fil-forma ta’ paga minima statutorja fejn teżisti, jew prevista fil-ftehimiet kollettivi kif iddefinit għall-finijiet ta’ din id-Direttiva. Din id-Direttiva tippromwovi wkoll negozjar kollettiv dwar l-iffissar tal-pagi.

(19)

F’konformità mal-Artikolu 153(5) tat-TFUE, din id-Direttiva la għandha l-għan li tarmonizza l-livell tal-pagi minimi fl-Unjoni kollha u lanqas li tistabbilixxi mekkaniżmu uniformi għall-iffissar tal-pagi minimi. Hi ma tinterferixxix mal-libertà tal-Istati Membri li jiffissaw pagi minimi statutorji jew li jippromwovu l-aċċess għall-protezzjoni tal-paga minima pprovduta permezz ta’ ftehimiet kollettivi, skont il-liġi u l-prattika nazzjonali u l-ispeċifiċitajiet ta’ kull Stat Membru u b’rispett sħiħ għall-kompetenzi nazzjonali u d-dritt tas-sħab soċjali li jikkonkludu ftehimiet. Din id-Direttiva ma timponix u jenħtieġ li ma titqisx bħala li qed timponi obbligu fuq l-Istati Membri fejn il-formazzjoni tal-paga hija żgurata esklussivament permezz ta’ ftehimiet kollettivi biex jintroduċu paga minima statutorja jew li tiddikjara l-ftehimiet kollettivi bħala applikabbli universalment. Barra minn hekk, din id-Direttiva ma tistabbilixxix il-livell tal-paga, li jaqa’ fi ħdan id-dritt tas-sħab soċjali li jikkonkludu ftehimiet fil-livell nazzjonali u fi ħdan il-kompetenza rilevanti tal-Istati Membri.

(20)

Din id-Direttiva tqis li, f’konformità mal-Konvenzjoni tal-ILO dwar ix-Xogħol Marittimu (2006) (6), kif emendata, l-Istati Membri li rratifikaw dik il-Konvenzjoni, wara konsultazzjoni mal-organizzazzjonijiet rappreżentattivi tas-sidien tal-bastimenti u tal-baħħara, għandhom jistabbilixxu proċeduri għad-determinazzjoni tal-pagi minimi għall-baħħara. L-organizzazzjonijiet rappreżentattivi tas-sidien tal-bastimenti u tal-baħħara għandhom jipparteċipaw f’tali proċeduri. Fid-dawl tan-natura speċifika tagħhom, l-atti tal-Istati Membri li jirriżultaw minn tali proċeduri jenħtieġ li ma jkunux soġġetti għar-regoli dwar il-pagi minimi statutorji stabbiliti fil-Kapitolu II ta’ din id-Direttiva. Tali atti jenħtieġ li ma jinterferixxux fin-negozjar kollettiv ħieles bejn is-sidien tal-bastimenti jew l-organizzazzjonijiet tagħhom u l-organizzazzjonijiet tal-baħħara.

(21)

Filwaqt li jkun hemm konformità mar-Regolament (KE) Nru 593/2008 tal-Parlament Ewropew u tal-Kunsill (7), din id-Direttiva jenħtieġ li tapplika għall-ħaddiema li għandhom kuntratt ta’ impjieg jew relazzjoni ta’ impjieg kif definit mil-liġi, minn ftehimiet kollettivi jew minn prattika fis-seħħ f’kull Stat Membru, billi jiġu kkunsidrati l-kriterji stabbiliti mill-Qorti tal-Ġustizzja tal-Unjoni Ewropea (il-Qorti tal-Ġustizzja) għad-determinazzjoni tal-istatus ta’ ħaddiem. Dment li jissodisfaw dawk il-kriterji, il-ħaddiema kemm fis-settur privat kif ukoll f’dak pubbliku, kif ukoll il-ħaddiema domestiċi, il-ħaddiema fuq talba, il-ħaddiema intermittenti, il-ħaddiema li jitħallsu bil-vawċers, il-ħaddiema tal-pjattaformi, it-trainees, l-apprendisti u ħaddiema oħra mhux standard, kif ukoll il-ħaddiema b’impjieg indipendenti fittizju u ħaddiema mhux iddikjarati jistgħu jaqgħu fil-kamp ta’ applikazzjoni ta’ din id-Direttiva. Il-persuni li ġenwinament jaħdmu għal rashom ma jaqgħux fil-kamp ta’ applikazzjoni ta’ din id-Direttiva peress li ma jissodisfawx dawk il-kriterji. L-abbuż tal-istatus ta’ persuni li jaħdmu għal rashom, kif definit fil-liġi nazzjonali, sew f’sitwazzjonijiet fil-livell nazzjonali jew transfruntiera, huwa forma ta’ xogħol iddikjarat b’mod falz li sikwit ikun assoċjat ma’ xogħol mhux iddikjarat. Impjieg indipendenti fittizju jseħħ meta persuna tkun iddikjarata bħala impjegata għal rasha filwaqt li tissodisfa l-kundizzjonijiet li jikkaratterizzaw relazzjoni ta’ impjieg, sabiex jiġu evitati ċerti obbligi legali jew fiskali. Dawn il-persuni jenħtieġ li jiġu koperti mill-kamp ta’ applikazzjoni ta’ din id-Direttiva. Id-determinazzjoni tal-eżistenza ta’ relazzjoni ta’ impjieg jenħtieġ li tkun iggwidata mill-fatti relatati mat-twettiq effettiv tax-xogħol u mhux mid-deskrizzjoni tar-relazzjoni mill-partijiet.

(22)

Negozjar kollettiv dwar l-iffissar tal-pagi li jiffunzjona tajjeb huwa mezz importanti li bih jiġi żgurat li l-ħaddiema jkunu protetti b’pagi minimi adegwati li għalhekk jipprevedu standard tal-għajxien deċenti. Fl-Istati Membri b’pagi minimi statutorji, in-negozjar kollettiv jappoġġja l-iżviluppi ġenerali fil-pagi u għalhekk jikkontribwixxi għat-titjib tal-adegwatezza tal-pagi minimi kif ukoll tal-kundizzjonijiet tal-ħajja u tax-xogħol tal-ħaddiema. Fl-Istati Membri fejn il-protezzjoni tal-paga minima hija pprovduta esklussivament permezz ta’ negozjar kollettiv, il-livell tagħha kif ukoll is-sehem ta’ ħaddiema protetti huma determinati direttament mill-funzjonament tas-sistema ta’ negozjar kollettiv u l-kopertura tan-negozjar kollettiv. Negozjar kollettiv b’saħħtu u li jiffunzjona tajjeb flimkien ma’ kopertura għolja ta’ ftehimiet kollettivi settorjali jew transindustrijali jsaħħu l-adegwatezza u l-kopertura tal-pagi minimi.

(23)

Il-protezzjoni tal-paga minima permezz ta’ ftehimiet kollettivi hija ta’ benefiċċju għall-ħaddiema u l-impjegaturi kif ukoll għan-negozji. F’ċerti Stati Membri ma hemmx pagi minimi statutorji. F’dawk l-Istati Membri, il-pagi, inkluża l-protezzjoni tal-paga minima, huma pprovduti esklussivament permezz tan-negozjar kollettiv bejn is-sħab soċjali. Il-pagi medji f’dawk l-Istati Membri huma fost l-ogħla fl-Unjoni. Dawk is-sistemi huma kkaratterizzati minn kopertura ta’ negozjar kollettiv għolja ħafna kif ukoll livelli għoljin ta’ affiljazzjoni kemm mal-assoċjazzjonijiet tal-impjegaturi kif ukoll mat-trade unions. Il-pagi minimi li huma previsti minn ftehimiet kollettivi li ġew iddikjarati applikabbli universalment mingħajr ebda diskrezzjoni tal-awtorità dikjaranti fir-rigward tal-kontenut tad-dispożizzjonijiet applikabbli, jenħtieġ li ma jitqisux bħala pagi minimi statutorji.

(24)

F’kuntest ta’ tnaqqis fil-kopertura tan-negozjar kollettiv, huwa essenzjali li l-Istati Membri jippromwovu n-negozjar kollettiv, jiffaċilitaw l-eżerċizzju tad-dritt tan-negozjar kollettiv dwar l-iffissar tal-pagi u b’hekk itejbu l-iffissar tal-pagi pprovdut minn ftehimiet kollettivi biex itejbu l-protezzjoni tal-paga minima tal-ħaddiema. L-Istati Membri rratifikaw il-Konvenzjoni tal-ILO dwar il-Libertà ta’ Assoċjazzjoni u l-Protezzjoni tad-Dritt għall-Organizzazzjoni Nru 87 (1948) u l-Konvenzjoni tal-ILO dwar id-Dritt għall-Organizzazzjoni u n-Negozjar Kollettiv Nru 98 (1949). Id-dritt li jsir negozjar b’mod kollettiv huwa rikonoxxut skont dawk il-konvenzjonijiet tal-ILO, skont il-Konvenzjoni tal-ILO dwar ir-Relazzjonijiet tax-Xogħol (Servizzi Pubbliċi) Nru 151 (1978) u l-Konvenzjoni tal-ILO dwar in-Negozjar Kollettiv Nru 154 (1981), kif ukoll skont il-Konvenzjoni għall-Protezzjoni tad-Drittijiet tal-Bniedem u l-Libertajiet Fundamentali u l-KSE. L-Artikoli 12 u 28 tal-Karta jiggarantixxu, rispettivament, il-libertà ta’ għaqda u ta’ assoċjazzjoni u d-dritt ta’ negozjar u azzjoni kollettivi. Skont il-preambolu tagħha, il-Karta tafferma mill-ġdid dawk id-drittijiet kif jirriżultaw, b’mod partikolari, mill-Konvenzjoni dwar il-Protezzjoni tad-Drittijiet tal-Bniedem u l-Libertajiet Fundamentali u mill-Karti Soċjali adottati mill-Unjoni u mill-Kunsill tal-Ewropa. L-Istati Membri jenħtieġ li jieħdu, kif xieraq u f’konformità mal-liġi u l-prattika nazzjonali, miżuri li jippromwovu n-negozjar kollettiv dwar l-iffissar tal-pagi. Tali miżuri jistgħu jinkludu, fost l-oħrajn, miżuri li jiffaċilitaw l-aċċess tar-rappreżentanti tat-trade unions għall-ħaddiema.

(25)

Stati Membri b’kopertura għolja ta’ negozjar kollettiv għandhom it-tendenza li jkollhom sehem żgħir ta’ ħaddiema b’pagi baxxi u għandhom pagi minimi għoljin. Stati Membri b’sehem żgħir ta’ dawk li jaqilgħu paga baxxa għandhom rata ta’ kopertura ta’ negozjar ’il fuq minn 80 %. Bl-istess mod, il-maġġoranza tal-Istati Membri b’livelli għoljin ta’ pagi minimi meta mqabbla mal-paga medja għandhom kopertura ta’ negozjar kollettiv ta’ aktar minn 80 %. Għalhekk, kull Stat Membru b’rata ta’ kopertura tan-negozjar kollettiv ta’ inqas minn 80 % jenħtieġ li jadotta miżuri bil-ħsieb li jsaħħu tali negozjar kollettiv. Kull Stat Membru b’kopertura ta’ negozjar kollettiv taħt livell limitu ta’ 80 % jenħtieġ li jipprovdi qafas li jippermetti l-kundizzjonijiet għan-negozjar kollettiv, u jistabbilixxi pjan ta’ azzjoni biex jippromwovi n-negozjar kollettiv biex progressivament iżidu r-rata ta’ kopertura tan-negozjar kollettiv. Sabiex tiġi rispettata l-awtonomija tas-sħab soċjali, li tinkludi d-dritt tagħhom għal negozjar kollettiv u teskludi kwalunkwe obbligu li jiġu konklużi ftehimiet kollettivi, il-livell limitu ta’ 80 % tal-kopertura tan-negozjar kollettiv jenħtieġ li jintuża biss bħala indikatur li jiskatta l-obbligu li jiġi stabbilit pjan ta’ azzjoni.

Il-pjan ta’ azzjoni jenħtieġ li jiġi rieżaminat fuq bażi regolari, mill-inqas kull ħames snin, u, jekk ikun meħtieġ, jiġi rivedut. Il-pjan ta’ azzjoni u kwalunkwe aġġornament tiegħu jenħtieġ li jiġu notifikati lill-Kummissjoni u jiġu ppubblikati. Kull Stat Membru jenħtieġ li jkun jista’ jiddeċiedi dwar il-forma xierqa tal-pjan ta’ azzjoni tiegħu. Pjan ta’ azzjoni li ġie adottat minn Stat Membru qabel id-dħul fis-seħħ ta’ din id-Direttiva, jista’ jkun meqjus bħala pjan ta’ azzjoni skont din id-Direttiva dment li jkun fih azzjonijiet li jippromwovu b’mod effettiv in-negozjar kollettiv u jkun jissodisfa l-obbligi skont din id-Direttiva. Kull Stat Membru jenħtieġ li jistabbilixxi tali pjan ta’ azzjoni wara li jiġu kkonsultati s-sħab soċjali jew bi ftehim magħhom, jew, wara t-talba konġunta tas-sħab soċjali, kif maqbul bejniethom. Ir-rati ta’ kopertura tan-negozjar kollettiv tal-Istati Membri jvarjaw b’mod sinifikanti minħabba għadd ta’ fatturi, inklużi t-tradizzjoni u l-prattika nazzjonali kif ukoll il-kuntest storiku. Dan jenħtieġ li jitqies meta jiġi vvalutat il-progress lejn kopertura ta’ negozjar kollettiv ogħla, b’mod partikolari fir-rigward tal-pjan ta’ azzjoni previst f’din id-Direttiva.

(26)

Hemm bżonn ta’ regoli, proċeduri u prattiki effettivi għall-iffissar u l-aġġornament tal-pagi minimi statutorji biex ikunu pprovduti pagi minimi adegwati, filwaqt li jiġu salvagwardjati opportunitajiet ta’ impjieg eżistenti u jinħolqu oħrajn ġodda, kundizzjonijiet ekwi u l-kompetittività tal-kumpaniji inklużi l-intrapriżi mikro, l-intrapriżi żgħar u l-intrapriżi ta’ daqs medju (SMEs). Dawk ir-regoli, proċeduri u prattiki jinkludu għadd ta’ komponenti li jikkontribwixxu għall-adegwatezza tal-pagi minimi statutorji, inklużi kriterji biex jiggwidaw l-Istati Membri fl-iffissar u l-aġġornament tal-pagi minimi statutorji u indikaturi għall-valutazzjoni tal-adegwatezza tagħhom, aġġornamenti regolari u f’waqthom, l-eżistenza ta’ korpi konsultattivi u l-involviment tas-sħab soċjali. Involviment f’waqtu u effettiv ta’ dawn tal-aħħar fl-iffissar u fl-aġġornament tal-pagi minimi statutorji kif ukoll fl-istabbiliment jew il-modifika ta’ mekkaniżmi ta’ indiċjar awtomatiku, fejn dawn jeżistu, huwa element ieħor ta’ governanza tajba li jippermetti proċess ta’ teħid ta’ deċiżjonijiet infurmat u inklużiv. L-Istati Membri jenħtieġ li jipprovdu lis-sħab soċjali b’informazzjoni rilevanti dwar l-iffissar u l-aġġornament tal-paga minima statutorja. Il-fatt li s-sħab soċjali jingħataw il-possibbiltà li jipprovdu opinjonijiet, u li jirċievu tweġiba motivata għall-opinjonijiet espressi qabel il-preżentazzjoni ta’ proposti, dwar l-iffissar u l-aġġornament tal-paga minima statutorja u qabel ma tittieħed kwalunkwe deċiżjoni jista’ jikkontribwixxi għall-involviment xieraq tas-sħab soċjali f’dak il-proċess.

(27)

L-Istati Membri li jużaw mekkaniżmu ta’ indiċjar awtomatiku, inklużi mekkaniżmi semiawtomatiċi li fihom tkun mill-inqas garantita żieda obbligatorja minima tal-paga minima statutorja, jenħtieġ li, mill-inqas kull erba’ snin, iwettqu wkoll il-proċeduri għall-aġġornament tal-pagi minimi statutorji. Dawk l-aġġornamenti regolari jenħtieġ li jikkonsistu f’evalwazzjoni tal-paga minima filwaqt li jitqiesu l-kriterji ta’ gwida, segwiti, jekk ikun meħtieġ, minn modifika tal-ammont. Il-frekwenza tal-aġġustamenti tal-indiċjar awtomatiku minn naħa waħda, u l-aġġornamenti tal-pagi minimi statutorji min-naħa l-oħra jistgħu jvarjaw. L-Istati Membri li fihom ma jeżistux mekkaniżmi ta’ indiċjar awtomatiċi jew semiawtomatiċi jenħtieġ li jaġġornaw il-paga minima statutorja tagħhom mill-inqas kull sentejn.

(28)

Il-pagi minimi huma meqjusin bħala adegwati jekk ikunu ġusti fir-rigward tad-distribuzzjoni tal-pagi fl-Istat Membru rilevanti u jekk jipprovdu standard tal-għajxien deċenti għall-ħaddiema abbażi ta’ relazzjoni ta’ impjieg full-time. L-adegwatezza tal-pagi minimi statutorji hija ddeterminata u vvalutata minn kull Stat Membru fid-dawl tal-kundizzjonijiet soċjoekonomiċi nazzjonali tiegħu, inklużi t-tkabbir fl-impjiegi, il-kompetittività u l-iżviluppi reġjonali u settorjali. Għall-fini ta’ dik id-determinazzjoni, l-Istati Membri jenħtieġ li jqisu l-kapaċità tal-akkwist, il-livelli u l-iżviluppi fil-produttività nazzjonali fit-tul, kif ukoll il-livelli tal-pagi, id-distribuzzjoni tal-pagi u t-tkabbir tal-pagi.

Fost strumenti oħra, sett ta’ oġġetti u servizzi bi prezzijiet reali stabbilit fil-livell nazzjonali jista’ jkun strumentali biex jiġi ddeterminat l-għoli tal-ħajja bil-għan li jinkiseb standard tal-għajxien deċenti. Minbarra n-neċessitajiet materjali bħall-ikel, il-ħwejjeġ u l-akkomodazzjoni, tista’ titqies ukoll il-ħtieġa ta’ parteċipazzjoni f’attivitajiet kulturali, edukattivi u soċjali. Huwa xieraq li jiġu kkunsidrati l-iffissar u l-aġġornament tal-pagi minimi statutorji b’mod separat mill-mekkaniżmi ta’ appoġġ għall-introjtu. L-Istati Membri jenħtieġ li jużaw indikaturi u valuri ta’ referenza assoċjati biex jiggwidaw il-valutazzjoni tagħhom tal-adegwatezza tal-paga minima statutorja. L-Istati Membri jistgħu jagħżlu fost l-indikaturi użati b’mod komuni fil-livell internazzjonali u/jew l-indikaturi użati fil-livell nazzjonali. Il-valutazzjoni tista’ tkun ibbażata fuq valuri ta’ referenza użati b’mod komuni fil-livell internazzjonali, bħall-proporzjon tal-paga minima grossa għal 60 % tal-paga medja grossa u l-proporzjon tal-paga minima grossa għal 50 % tal-paga medja grossa, li bħalissa mhumiex issodisfati mill-Istati Membri kollha, jew il-proporzjon tal-paga minima netta għal 50 % jew 60 % tal-paga medja netta. Il-valutazzjoni tista’ tkun ibbażata wkoll fuq valuri ta’ referenza assoċjati ma’ indikaturi użati fil-livell nazzjonali, bħat-tqabbil tal-paga minima netta mal-limitu tal-faqar u l-kapaċità tal-akkwist tal-pagi minimi.

(29)

Mingħajr preġudizzju għall-kompetenza tal-Istati Membri li jistabbilixxu l-paga minima statutorja u li jippermettu varjazzjonijiet u tnaqqis, huwa importanti li jiġi evitat li l-varjazzjonijiet u t-tnaqqis jintużaw b’mod wiesa’, peress li hemm ir-riskju li jkollhom impatt negattiv fuq l-adegwatezza tal-pagi minimi. Jenħtieġ li jiġi żgurat li l-varjazzjonijiet u t-tnaqqis jirrispettaw il-prinċipji tan-nondiskriminazzjoni u tal-proporzjonalità. Għalhekk, il-varjazzjonijiet u t-tnaqqis jenħtieġ li jsegwu għan leġittimu. Eżempji ta’ tali tnaqqis jistgħu jkunu l-irkupru ta’ ammonti sopravvalutati mħallsa jew tnaqqis ordnat minn awtorità ġudizzjarja jew amministrattiva. Tnaqqis ieħor, bħal dak relatat mat-tagħmir meħtieġ biex jitwettaq impjieg jew tnaqqis ta’ allowances in natura, bħall-akkomodazzjoni, jippreżenta riskju għoli li jkun sproporzjonat. Barra minn hekk, jenħtieġ li xejn f’din id-Direttiva ma jinftiehem bħala impożizzjoni ta’ obbligu fuq l-Istati Membri biex jintroduċu varjazzjonijiet fil-pagi minimi jew tnaqqis minnhom.

(30)

Sistema effettiva ta’ infurzar, inklużi monitoraġġ affidabbli, kontrolli u spezzjonijiet fuq il-post, hija neċessarja biex tiżgura l-funzjonament tal-oqfsa nazzjonali tal-paga minima statutorja u l-konformità magħhom. Biex tissaħħaħ l-effettività tal-awtoritajiet tal-infurzar, hija meħtieġa wkoll kooperazzjoni mill-qrib mas-sħab soċjali, inkluż biex jiġu indirizzati sfidi kritiċi bħal dawk relatati mas-sottokuntrattar abbużiv, il-ħaddiema b’impjieg indipendenti fittizju, is-sahra mhux irreġistrata jew ir-riskji tas-saħħa u tas-sikurezza marbuta ma’ intensità tax-xogħol miżjuda. Il-kapaċitajiet tal-awtoritajiet tal-infurzar jenħtieġ li jiġu żviluppati wkoll, b’mod partikolari permezz ta’ taħriġ u gwida. Żjarat ta’ rutina u mhux imħabbra, proċedimenti ġudizzjarji u amministrattivi u penali fil-każ ta’ ksur huma mezzi importanti li bihom l-impjegaturi jiġu skoraġġuti milli jiksru r-regoli.

(31)

L-implimentazzjoni effettiva tal-protezzjoni tal-paga minima ffissata permezz ta’ dispożizzjonijiet legali jew previsti fil-ftehimiet kollettivi hija essenzjali fl-għoti u fit-twettiq tal-kuntratti ta’ akkwist pubbliku u ta’ konċessjoni. In-nuqqas ta’ rispett tal-ftehimiet kollettivi li jipprovdu l-protezzjoni tal-paga minima jista’ tabilħaqq iseħħ fl-eżekuzzjoni ta’ tali kuntratti jew fil-katina tas-sottokuntrattar minn hemm ’il quddiem, li jirriżulta f’ħaddiema li jitħallsu inqas mil-livell ta’ paga miftiehem fil-ftehimiet kollettivi settorjali. Biex jiġu evitati sitwazzjonijiet bħal dawn, f’konformità mal-Artikoli 30(3) u 42(1) tad-Direttiva 2014/23/UE (8), l-Artikoli 18(2) u 71(1) tad-Direttiva 2014/24/UE (9) u l-Artikoli 36(2) u 88(1) tad-Direttiva 2014/25/UE (10) tal-Parlament Ewropew u tal-Kunsill, l-awtoritajiet kontraenti tal-akkwist pubbliku u l-entitajiet kontraenti għandhom jieħdu miżuri xierqa, inkluża l-possibbiltà li jintroduċu kundizzjonijiet għat-twettiq tal-kuntratt, u jiżguraw li l-operaturi ekonomiċi japplikaw għall-ħaddiema tagħhom il-pagi previsti fil-ftehimiet kollettivi għas-settur u ż-żona ġeografika rilevanti u jirrispettaw id-drittijiet tal-ħaddiema u tat-trade unions li jirriżultaw mill-Konvenzjoni tal-ILO dwar il-Libertà ta’ Assoċjazzjoni u l-Protezzjoni tad-Dritt għall-Organizzazzjoni Nru 87 (1948) u l-Konvenzjoni tal-ILO dwar id-Dritt għall-Organizzazzjoni u n-Negozjar Kollettiv Nru 98 (1949), kif imsemmi f’dawk id-Direttivi, sabiex jiġu rispettati l-obbligi applikabbli fil-qasam tal-liġi tax-xogħol. Madankollu, din id-Direttiva ma toħloq l-ebda obbligu addizzjonali fir-rigward ta’ dawk id-Direttivi.

(32)

Għall-applikanti għall-appoġġ finanzjarju mill-fondi u l-programmi tal-Unjoni, taħt ir-Regolament (UE) 2021/1060 tal-Parlament Ewropew u tal-Kunsill (11) u l-kundizzjonijiet abilitanti fih, ir-regoli għall-akkwist pubbliku u l-konċessjonijiet jenħtieġ li jiġu applikati b’mod adegwat, inkluż fir-rigward tal-konformità mad-dispożizzjonijiet tal-ftehimiet kollettivi.

(33)

Monitoraġġ affidabbli u l-ġbir tad-data huma essenzjali għal protezzjoni effettiva tal-pagi minimi. Għall-finijiet ta’ ġbir tad-data, l-Istati Membri jistgħu jiddependu minn kampjuni ta’ stħarriġiet rappreżentattivi biżżejjed, bażijiet ta’ data nazzjonali, data armonizzata mill-Eurostat u sorsi oħra aċċessibbli għall-pubbliku bħall-Organizzazzjoni għall-Kooperazzjoni u l-Iżvilupp Ekonomiċi. F’każijiet eċċezzjonali fejn ma tkunx disponibbli data preċiża, l-Istati Membri jistgħu jużaw stimi. L-impjegaturi, b’mod partikolari l-mikrointrapriżi u SMEs oħra, jenħtieġ li ma jġorrux piż amministrattiv bla bżonn fir-rigward tal-implimentazzjoni tar-rekwiżiti ta’ ġbir tad-data. Il-Kummissjoni jenħtieġ li tirrapporta kull tieni sena lill-Parlament Ewropew u lill-Kunsill dwar l-analiżi tagħha tal-livelli u tal-iżviluppi fl-adegwatezza u l-kopertura tal-pagi minimi statutorji kif ukoll il-kopertura tan-negozjar kollettiv abbażi tad-data u l-informazzjoni li għandhom jiġu pprovduti mill-Istati Membri.

Barra minn dan, il-progress jenħtieġ li jiġi mmonitorjat fil-qafas tal-proċess tal-koordinazzjoni tal-politika ekonomika u tal-impjiegi fil-livell tal-Unjoni. F’dak il-kuntest, il-Kunsill jew il-Kummissjoni jistgħu jitolbu lill-Kumitat tal-Impjiegi u l-Kumitat tal-Protezzjoni Soċjali, f’konformità mal-Artikoli 150 u 160 tat-TFUE rispettivament, biex jeżaminaw, fil-qasam ta’ kompetenza rispettiv tagħhom, l-iżvilupp tal-kopertura tan-negozjar kollettiv u l-adegwatezza tal-pagi minimi statutorji fl-Istati Membri abbażi tar-rapport prodott mill-Kummissjoni u għodod oħra ta’ sorveljanza multilaterali bħall-valutazzjoni komparattiva. Matul tali eżami, il-Kumitati għandhom jinvolvu lis-sħab soċjali fil-livell tal-Unjoni, inklużi s-sħab soċjali transsettorjali, f’konformità mal-Artikoli 150 u 160 tat-TFUE rispettivament.

(34)

Il-ħaddiema jenħtieġ li jkollhom aċċess faċli għal informazzjoni komprensiva dwar il-pagi minimi statutorji kif ukoll dwar il-protezzjoni tal-paga minima prevista fil-ftehimiet kollettivi applikabbli universalment biex jiġu żgurati t-trasparenza u l-prevedibbiltà fir-rigward tal-kundizzjonijiet tax-xogħol tagħhom, inkluż għall-persuni b’diżabilità f’konformità mad-Direttiva (UE) 2016/2102 tal-Parlament Ewropew u tal-Kunsill (12).

(35)

Il-ħaddiema u r-rappreżentanti tal-ħaddiema, inklużi dawk li huma membri jew rappreżentanti ta’ trade union, jenħtieġ li jkunu f’pożizzjoni li jeżerċitaw id-drittijiet tad-difiża tagħhom meta jkunu nkisru d-drittijiet tagħhom relatati mal-protezzjoni tal-paga minima previsti fil-liġi nazzjonali jew fil-ftehimiet kollettivi. Sabiex jiġi evitat li l-ħaddiema jiġu mċaħħda mid-drittijiet tagħhom, previsti fil-liġi nazzjonali jew fi ftehimiet kollettivi, u mingħajr preġudizzju għal forom speċifiċi ta’ rimedju u soluzzjoni tat-tilwim previsti fil-ftehimiet kollettivi, inklużi sistemi ta’ soluzzjoni tat-tilwim kollettiv, l-Istati Membri jenħtieġ li jieħdu l-miżuri neċessarji biex jiżguraw li l-ħaddiema jkollhom aċċess għal soluzzjoni tat-tilwim effettiva, f’waqtha u imparzjali u dritt għal rimedju, kif ukoll protezzjoni ġudizzjarja u/jew amministrattiva effettiva minn kwalunkwe forma ta’ detriment, jekk jiddeċiedu li jeżerċitaw id-drittijiet tad-difiża tagħhom. L-involviment tas-sħab soċjali fl-iżvilupp ulterjuri ta’ mekkaniżmi imparzjali għas-soluzzjoni tat-tilwim fl-Istati Membri jista’ jkun ta’ benefiċċju. Il-ħaddiema jenħtieġ li jiġu infurmati dwar il-mekkaniżmi ta’ rimedju għall-fini li jeżerċitaw id-dritt tagħhom għal rimedju.

(36)

Il-Kummissjoni jenħtieġ li twettaq evalwazzjoni li tipprovdi l-bażi għal rieżami dwar l-implimentazzjoni effettiva ta’ din id-Direttiva. Il-Parlament Ewropew u l-Kunsill jenħtieġ li jiġu infurmati bir-riżultati ta’ dik ir-rieżami.

(37)

Ir-riformi u l-miżuri adottati mill-Istati Membri biex jippromwovu protezzjoni adegwata tal-paga minima tal-ħaddiema, filwaqt li huma passi fid-direzzjoni t-tajba, ma kinux dejjem komprensivi u sistematiċi. Barra minn hekk, azzjoni meħuda fil-livell tal-Unjoni, biex titjieb l-adegwatezza u l-kopertura tal-pagi minimi tista’ tikkontribwixxi għal aktar titjib fil-kundizzjonijiet tal-ħajja u tax-xogħol fl-Unjoni u tista’ ttaffi t-tħassib dwar l-impatti ekonomiċi negattivi possibbli li jirriżultaw minn miżuri iżolati tal-Istati Membri. Minħabba li l-għanijiet ta’ din id-Direttiva ma jistgħux jinkisbu b’mod suffiċjenti mill-Istati Membri iżda jistgħu, minħabba l-iskala jew l-effetti tagħhom, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-TUE. Skont il-prinċipju tal-proporzjonalità, kif stabbilit fl-istess Artikolu, din id-Direttiva ma tmurx lil hinn minn dak li hu meħtieġ biex jintlaħqu dawk l-għanijiet.

(38)

Din id-Direttiva tistabbilixxi obbligi proċedurali bħala rekwiżiti minimi, u għalhekk tħalli l-prerogattiva tal-Istati Membri sabiex jintroduċu u jżommu dispożizzjonijiet iktar favorevoli. Id-drittijiet akkwistati skont il-qafas legali nazzjonali eżistenti jenħtieġ li jkomplu japplikaw, diment li ma jkunux introdotti dispożizzjonijiet aktar favorevoli minn din id-Direttiva. L-implimentazzjoni ta’ din id-Direttiva ma tistax tintuża biex jitnaqqsu d-drittijiet eżistenti għall-ħaddiema, u lanqas ma tista’ tikkostitwixxi raġunijiet validi għat-tnaqqis tal-livell ġenerali ta’ protezzjoni mogħtija lill-ħaddiema fil-qasam kopert b’din id-Direttiva, inkluż, b’mod partikolari, fir-rigward tat-tnaqqis jew tal-abolizzjoni tal-pagi minimi.

(39)

Fl-implimentazzjoni ta’ din id-Direttiva l-Istati Membri jenħtieġ li jevitaw li jimponu restrizzjonijiet amministrattivi, finanzjarji u legali bla bżonn, b’mod partikolari jekk dawn iżommu lura l-ħolqien u l-iżvilupp tal-SMEs. L-Istati Membri huma għalhekk imħeġġa jevalwaw l-impatt tal-miżuri ta’ traspożizzjoni tagħhom fuq l-SMEs biex jiżguraw li dawn ma jiġux affettwati b’mod sproporzjonat, filwaqt li tingħata attenzjoni partikolari lill-mikrointrapriżi u lill-piż amministrattiv, u jippubblikaw ir-riżultati ta’ dawn il-valutazzjonijiet. Jekk l-Istati Membri jsibu li l-SMEs huma affettwati b’mod sproporzjonat bil-miżuri ta’ traspożizzjoni, huma jenħtieġ li jikkunsidraw li jintroduċu miżuri biex jappoġġjaw lill-SMEs biex jaġġustaw l-istrutturi ta’ remunerazzjoni tagħhom għar-rekwiżiti l-ġodda.

(40)

Ir-Regolamenti (UE) 2021/240 (13) u (UE) 2021/1057 (14) tal-Parlament Ewropew u tal-Kunsill huma disponibbli għall-Istati Membri biex jiżviluppaw jew itejbu l-aspetti tekniċi tal-oqfsa tal-paga minima, inkluż dwar il-valutazzjoni tal-adegwatezza, il-monitoraġġ u l-ġbir ta’ data, it-twessigħ tal-aċċess, kif ukoll dwar l-infurzar u t-tisħiħ tal-kapaċitajiet ġenerali relatati mal-implimentazzjoni ta’ dawk l-oqfsa. Skont ir-Regolament (UE) 2021/1057, l-Istati Membri għandhom jallokaw ammont xieraq għall-bini tal-kapaċità tas-sħab soċjali,

(1)

Ir-Regolament tal-Kunsill (UE) Nru 1284/2009 (2) jagħti effett lill-miżuri previsti fid-Deċiżjoni tal-Kunsill 2010/638/PESK dwar miżuri restrittivi kontra r-Repubblika tal-Guinea.

(2)

Id-Deċiżjoni (PESK) 2022/2052 tintroduċi modifika fit-titolu tad-Deċiżjoni 2010/638/PESK.

(3)

Għalhekk hija neċessarja azzjoni regolatorja fil-livell tal-Unjoni biex id-Deċiżjoni (PESK) 2022/2052 tingħata effett, b’mod partikolari bil-ħsieb li tkun aċċertata l-applikazzjoni uniformi tagħha mill-operaturi ekonomiċi fl-Istati Membri kollha.

(4)

Għalhekk, ir-Regolament (UE) Nru 1284/2009 jenħtieġ li jiġi emendat skont dan.

(1)

Fl-1 ta’ Ottubru 2015, il-Kunsill adotta r-Regolament (UE) 2015/1755.

(2)

Abbażi ta’ rieżami mill-Kunsill, jenħtieġ li tliet persuni jitneħħew mil-lista ta’ persuni fiżiċi u ġuridiċi, entitajiet u korpi li huma soġġetti għal miżuri restrittivi, kif tinsab fl-Anness I għar-Regolament (UE) 2015/1755.

(3)

Għalhekk, jenħtieġ li l-Anness I għar-Regolament (UE) 2015/1755 jiġi emendat skont dan,

(1)

Il-Kummissjoni eżaminat l-applikazzjoni għall-approvazzjoni ta’ emendi fl-Ispeċifikazzjoni tal-Prodott tad-Denominazzjoni ta’ Oriġini Protetta “Roero” li ntbagħtitilha mill-Italja f’konformità mal-Artikolu 105 tar-Regolament (UE) Nru 1308/2013.

(2)

Il-Kummissjoni ppubblikat l-applikazzjoni għall-approvazzjoni tal-emendi fl-Ispeċifikazzjoni tal-Prodott f’Il-Ġurnal Uffiċjali tal-Unjoni Ewropea (2), kif meħtieġ mill-Artikolu 97(3) tar-Regolament (UE) Nru 1308/2013.

(3)

Il-Kummissjoni ma rċeviet l-ebda dikjarazzjoni ta’ oġġezzjoni skont l-Artikolu 98 tar-Regolament (UE) Nru 1308/2013.

(4)

Għaldaqstant, jenħtieġ li l-emendi fl-Ispeċifikazzjoni tal-Prodott jiġu approvati skont l-Artikolu 99 tar-Regolament (UE) Nru 1308/2013.

(5)

Il-miżuri previsti f’dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

(1)

F’konformità mal-Artikolu 53(1), l-ewwel subparagrafu tar-Regolament (UE) Nru 1151/2012, il-Kummissjoni eżaminat it-talba tal-Italja għall-approvazzjoni ta’ emenda fl-Ispeċifikazzjoni tal-Prodott tad-Denominazzjoni ta’ Oriġini Protetta “Chianti Classico” irreġistrata skont ir-Regolament tal-Kummissjoni (KE) Nru 2446/2000 (2), kif emendat bir-Regolament (UE) Nru 216/2011 (3) u r-Regolament ta’ Implimentazzjoni (UE) Nru 267/2013 (4).

(2)

Billi l-emenda kkonċernata mhix minuri skont it-tifsira tal-Artikolu 53(2) tar-Regolament (UE) Nru 1151/2012, il-Kummissjoni ppubblikat it-talba biex issir emenda f’Il-Ġurnal Uffiċjali tal-Unjoni Ewropea (5), kif stipulat fl-Artikolu 50(2)(a) ta’ dak ir-Regolament.

(3)

Billi l-Kummissjoni ma rċeviet l-ebda dikjarazzjoni ta’ oppożizzjoni f’konformità mal-Artikolu 51 tar-Regolament (UE) Nru 1151/2012, jenħtieġ li l-emenda fl-Ispeċifikazzjoni tal-Prodott tiġi approvata,

(1)

L-Annessi I u II tar-Regolament tal-Kummissjoni (UE) Nru 1408/2013 (2) jistabbilixxu l-ammonti kumulattivi massimi tal-għajnuna de minimis mogħtija lil kull Stat Membru lil impriżi attivi fil-produzzjoni primarja ta’ prodotti agrikoli matul kwalunkwe perjodu ta’ tliet snin fiskali msemmija, rispettivament, fl-Artikolu 3(3) u fl-Artikolu 3(3a) ta’ dak ir-Regolament.

(2)

Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (3) (“il-Ftehim dwar il-Ħruġ”), li l-Protokoll dwar l-Irlanda/l-Irlanda ta’ Fuq (“il-Protokoll”) jifforma parti integrali minnu, daħal fis-seħħ fl-1 ta’ Frar 2020.

(3)

Il-perjodu ta’ tranżizzjoni previst fl-Artikolu 126 tal-Ftehim dwar il-Ħruġ, li matulu d-dritt tal-Unjoni baqa’ fil-biċċa l-kbira applikabbli għar-Renju Unit tal-Gran Brittanja u l-Irlanda ta’ Fuq u fih, intemm fil-31 ta’ Diċembru 2020.

(4)

Madankollu, l-Artikolu 10 tal-Protokoll jipprevedi li ċerti dispożizzjonijiet tad-dritt tal-Unjoni elenkati fl-Anness 5 ta’ dak il-Protokoll għandhom japplikaw għar-Renju Unit fir-rigward ta’ miżuri li jaffettwaw il-kummerċ fi prodotti agrikoli bejn l-Irlanda ta’ Fuq u l-Unjoni.

(5)

Ir-Regolament (UE) Nru 1408/2013 huwa elenkat fost dawk id-dispożizzjonijiet.

(6)

Sabiex tiġi żgurata l-konformità mad-dispożizzjonijiet tal-Ftehim dwar il-Ħruġ u l-Protokoll, jeħtieġ li l-ammonti kumulattivi massimi għar-Renju Unit kollu stabbiliti fl-Annessi tar-Regolament (UE) Nru 1408/2013 jiġu sostitwiti bl-ammonti korrispondenti għall-Irlanda ta’ Fuq biss.

(7)

Sabiex jiġu żgurati kundizzjonijiet ekwi, l-ammonti kumulattivi massimi għall-Irlanda ta’ Fuq jenħtieġ li jkunu bbażati fuq l-istess metodu ta’ kalkolu bħal dak li ntuża għall-Istati Membri fiż-żmien meta ġew stabbiliti dawk l-Annessi.

(8)

Għalhekk, jenħtieġ li r-Regolament (UE) Nru 1408/2013 jiġi emendat skont dan,

(1)

L-Anness II tar-Regolament ta’ Implimentazzjoni tal-Kummissjoni (UE) 2021/2325 (2) jistabbilixxi l-lista tal-awtoritajiet ta’ kontroll u tal-korpi ta’ kontroll rikonoxxuti għall-fini ta’ ekwivalenza u li huma kompetenti biex iwettqu l-kontrolli u joħorġu ċ-ċertifikati f’pajjiżi terzi.

(2)

L-Anness IV tar-Regolament tal-Kummissjoni (KE) Nru 1235/2008 (3) oriġinarjament kien irrikonoxxa l-“Ecocert SA” għall-Bahrain fir-rigward tal-kategorija tal-prodotti D. L-Anness II tar-Regolament ta’ Implimentazzjoni (UE) 2021/2325 ħalla vojta bi żball ir-ringiela relatata mal-Bahrain għall-kategorija tal-prodotti D. Dak l-iżball jeħtieġ li jiġi kkoreġut.

(3)

L-Anness II tar-Regolament ta’ Implimentazzjoni (UE) 2021/2325 elenka bi żball “Florida Certified Organic Growers and Consumers, Inc. (FOG), DBA as Quality Certification Services (QCS)” bħala korp rikonoxxut fil-Costa Rica għall-kategorija ta’ prodotti A. Barra minn hekk, il-korp ta’ kontroll ma kienx ipprovda dettalji dwar it-tip ta’ prodotti li jixtieq jiċċertifika għall-kategorija ta’ prodotti D fil-Costa Rica, u għalhekk ir-rikonoxximent tiegħu għal dik il-kategorija ta’ prodotti ngħata bi żball. L-entrata rilevanti jeħtieġ li tiġi kkoreġuta.

(4)

Għalhekk jenħtieġ li r-Regolament ta’ Implimentazzjoni (UE) 2021/2325 jiġi kkoreġut kif xieraq.

(5)

L-ambitu ġeografiku tar-rikonoxximent ta’ “Ecocert SA” kien limitat bi żball. Għalhekk, jenħtieġ li dak l-iżball relatat mal-Bahrain għall-kategorija ta’ prodotti D jiġi kkoreġut b’mod retroattiv mid-data tad-dħul fis-seħħ tar-Regolament ta’ Implimentazzjoni (UE) 2021/2325. Ir-rikonoxximent tal-“Florida Certified Organic Growers and Consumers, Inc. (FOG), DBA as Quality Certification Services (QCS)” ġie estiż bi żball għall-kategoriji tal-prodotti A u D fil-Costa Rica. Għalhekk, jenħtieġ li dak l-iżball jiġi kkoreġut b’mod retroattiv mid-data tal-applikazzjoni tar-Regolament ta’ Implimentazzjoni (UE) 2021/2325.

(6)

Il-miżuri previsti f’dan ir-Regolament huma skont l-opinjoni tal-Kumitat għall-Produzzjoni Organika,

(1)

Ir-Regolament ta’ Delega tal-Kummissjoni (UE) Nru 1062/2014 (2) jistabbilixxi lista tas-sustanzi attivi eżistenti li jridu jiġu evalwati biex possibbilment jiġu approvati għall-użu fil-prodotti bijoċidali. Dik il-lista tinkludi l-aċidu L-(+)-lattiku.

(2)

L-aċidu L-(+)-lattiku ġie evalwat għall-użu fil-prodotti bijoċidali tat-tip ta’ prodott 6, preservattivi għal prodotti matul il-ħżin, kif deskritt fl-Anness V tar-Regolament (UE) Nru 528/2012.

(3)

Il-Ġermanja nħatret bħala l-Istat Membru relatur u l-awtorità kompetenti tal-evalwazzjoni tagħha ressqet ir-rapport tal-valutazzjoni flimkien mal-konklużjonijiet tagħha lill-Aġenzija Ewropea għas-Sustanzi Kimiċi (“l-Aġenzija”) fit-3 ta’ Settembru 2020.

(4)

F’konformità mal-Artikolu 75(1), il-punt (a), tar-Regolament (UE) Nru 528/2012, il-Kumitat dwar il-Prodotti Bijoċidali jħejji l-opinjoni tal-Aġenzija rigward l-applikazzjonijiet għall-approvazzjoni tas-sustanzi attivi. F’konformità mal-Artikolu 7(2) tar-Regolament ta’ Delega (UE) Nru 1062/2014, il-Kumitat dwar il-Prodotti Bijoċidali adotta l-opinjoni tal-Aġenzija (3) fil-15 ta’ Ġunju 2021, wara li kkunsidra l-konklużjonijiet tal-awtorità kompetenti tal-evalwazzjoni.

(5)

Skont dik l-opinjoni, il-prodotti bijoċidali tat-tip ta’ prodott 6 li fihom l-aċidu L-(+)-lattiku jistgħu jkunu mistennija li jissodisfaw il-kriterji stabbiliti fl-Artikolu 19(1)(b) tar-Regolament (UE) Nru 528/2012, dejjem jekk ikun hemm konformità mal-kundizzjonijiet li jikkonċernaw l-użu tagħhom.

(6)

Filwaqt li titqies l-opinjoni tal-Aġenzija, jixraq li l-aċidu L-(+)-lattiku jiġi approvat bħala sustanza attiva għall-użu fil-prodotti bijoċidali tat-tip ta’ prodott 6, soġġett għall-konformità ma’ ċerti kondizzjonijiet.

(7)

B’mod partikolari, peress li l-aċidu L-(+)-lattiku huwa kklassifikat għall-korrużjoni/irritazzjoni tal-ġilda, is-subkategorija 1C, u għall-ħsara u l-irritazzjoni lill-għajnejn, il-Kategorija 1, kif speċifikat fil-Parti 3 tal-Anness VI tar-Regolament (KE) Nru 1272/2008 tal-Parlament Ewropew u tal-Kunsill (4), il-persuna responsabbli mit-tqegħid fis-suq ta’ sustanzi jew taħlitiet ittrattati bis-sustanza attiva, jew li jinkorporawha, f’konċentrazzjonijiet li jwasslu għall-klassifikazzjoni għall-korrużjoni/irritazzjoni tal-ġilda jew għall-ħsara/irritazzjoni lill-għajnejn jenħtieġ li tiżgura li l-esponiment għall-pubbliku ġenerali jiġi minimizzat permezz ta’ miżuri ta’ mitigazzjoni tar-riskju xierqa.

(8)

Peress li l-aċidu L-(+)-lattiku jissodisfa l-kriterji biex jiġi kklassifikat bħala korrużiv għas-sistema respiratorja kif speċifikat fil-Parti 3 tal-Anness VI tar-Regolament (KE) Nru 1272/2008, il-persuna responsabbli mit-tqegħid fis-suq ta’ sustanzi jew taħlitiet ittrattati bis-sustanza attiva, jew li jinkorporawha, f’konċentrazzjoni li twassal għall-klassifikazzjoni għall-korrużjoni tas-sistema respiratorja jenħtieġ li tiżgura li l-esponiment għall-pubbliku ġenerali jiġi minimizzat permezz ta’ miżuri ta’ mitigazzjoni tar-riskju xierqa.

(9)

Sabiex jiġi ggarantit l-użu sikur tal-prodotti bijoċidali li fihom l-aċidu L-(+)-lattiku f’oġġetti ttrattati u sabiex l-utenti ta’ oġġetti ttrattati jkunu jistgħu jagħmlu għażliet infurmati, il-persuna responsabbli mit-tqegħid fis-suq ta’ oġġett ittrattat bl-aċidu L-(+)-lattiku, jew li jinkorporah, jenħtieġ li tiżgura li t-tikketta ta’ dak l-oġġett ittrattat tipprovdi l-informazzjoni elenkata fl-Artikolu 58(3), it-tieni subparagrafu, tar-Regolament (UE) Nru 528/2012. Barra minn hekk, l-awtoritajiet kompetenti tal-Istati Membri jew, f’każ ta’ awtorizzazzjoni tal-Unjoni, il-Kummissjoni, jenħtieġ li jispeċifikaw fis-sommarju tal-karatteristiċi tal-prodott bijoċidali ta’ prodott bijoċidali li fih l-aċidu L-(+)-lattiku, l-istruzzjonijiet rilevanti għall-użu u l-prekawzjonijiet li għandhom jiġu inklużi fuq it-tikketta tal-oġġetti ttrattati skont l-Artikolu 58(3), il-punt (e), tar-Regolament (UE) Nru 528/2012.

(10)

Qabel ma tiġi approvata sustanza attiva, jenħtieġ li jitħalla jgħaddi perjodu ta’ żmien raġonevoli li jippermetti lill-partijiet interessati jlestu l-miżuri ta’ tħejjija li jeħtieġu biex jissodisfaw ir-rekwiżiti l-ġodda.

(11)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali,

(1)

L-Anness I tar-Regolament tal-Kummissjoni (UE) 2021/2325 (2) jistabbilixxi l-lista ta’ pajjiżi terzi li s-sistemi ta’ produzzjoni u l-miżuri ta’ kontroll tagħhom għall-produzzjoni organika ta’ prodotti agrikoli huma rikonoxxuti bħala ekwivalenti għal dawk stabbiliti fir-Regolament tal-Kunsill (KE) Nru 834/2007 (3).

(2)

L-Indja infurmat lill-Kummissjoni li l-awtorità kompetenti tagħha ssospendiet il-korp ta’ kontroll “TQ Cert Services Private Limited” u għalhekk dak il-korp ta’ kontroll jenħtieġ jitneħħa mil-lista ta’ korpi ta’ kontroll rikonoxxuti mill-Indja.

(3)

L-Anness II tar-Regolament ta’ Implimentazzjoni (UE) 2021/2325 jistabbilixxi l-lista tal-awtoritajiet ta’ kontroll u tal-korpi ta’ kontroll rikonoxxuti għall-fini ta’ ekwivalenza, u li huma kompetenti biex iwettqu l-kontrolli u joħorġu ċ-ċertifikati f’pajjiżi terzi. Fid-dawl ta’ informazzjoni u talbiet ġodda li rċeviet il-Kummissjoni mill-adozzjoni tar-Regolament ta’ Implimentazzjoni (UE) 2021/2325, jenħtieġ li jsiru ċerti bidliet f’dik il-lista.

(4)

In-notifiki ta’ każijiet ta’ nuqqas ta’ konformità saru fis-Sistema tal-Informazzjoni dwar il-Biedja Organika (OFIS) ta’ “Control Union Certifications” (BIO-149), “Ecocert SA” (BIO-154), “Lacon GmbH” (BIO-134) u “OneCert International PVT Ltd” (BIO-152). Dawk in-notifiki jikkonċernaw il-kontaminazzjoni ta’ għadd kbir ta’ kunsinni ta’ oġġetti, prodotti fl-Indja u ċċertifikati bħala organiċi minn dawk il-korpi ta’ kontroll. Il-każijiet ta’ kontaminazzjoni kienu jinvolvu prodotti u sustanzi mhux permessi fil-produzzjoni organika u/jew fil-produzzjoni konvenzjonali fl-Unjoni, f’livelli ogħla, u ħafna drabi ferm ogħla, mill-Livelli Massimi tar-Residwi stabbiliti fir-Regolament (KE) Nru 396/2005 tal-Parlament Ewropew u tal-Kunsill (4). Dawk il-każijiet ta’ kontaminazzjoni jinkludu l-kontaminazzjoni bl-ossidu tal-etilen, li huwa karċinoġeniku, mutaġeniku, u tossiku għar-riproduzzjoni, iżda ma jinvolvux din is-sustanza biss.

(5)

Barra minn hekk, dawk il-korpi ta’ kontroll naqsu milli juru li l-prodotti organiċi importati taħt il-kontroll tagħhom ġew prodotti skont ir-regoli tal-produzzjoni u soġġetti għal arranġamenti ta’ kontroll ekwivalenti għal dawk stabbiliti fir-Regolament (KE) Nru 834/2007 u fir-Regolamenti tal-Kummissjoni (KE) Nru 889/2008 (5) u (KE) Nru 1235/2008 (6).

(6)

Barra minn hekk, dawn il-korpi ta’ kontroll naqsu milli jieħdu miżuri korrettivi b’reazzjoni għall-irregolaritajiet u għall-ksur osservati.

(7)

Għal kull waħda minn dawk ir-raġunijiet, u f’konformità mal-Artikolu 4(1), (d)(iv), (d)(v) u (d)(vii) tar-Regolament Delegat tal-Kummissjoni (UE) 2021/1342 (7), il-korpi ta’ kontroll “Control Union Certifications”, “Ecocert SA”, “Lacon GmbH” u “OneCert International PVT Ltd” jenħtieġ li jiġu rtirati mil-lista ta’ awtoritajiet ta’ kontroll u korpi ta’ kontroll rikonoxxuti għall-Indja għall-fini tal-ekwivalenza skont l-Artikolu 33(3) tar-Regolament (KE) Nru 834/2007.

(8)

“A CERT European Organization for Certification S.A.” innotifikat lill-Kummissjoni li nbidel l-indirizz tagħha.

(9)

Il-Kummissjoni rċeviet u eżaminat talba mingħand “BioGro New Zealand Limited” biex tirtira r-rikonoxximent tagħha għall-pajjiżi terzi kollha li għalihom hija rikonoxxuta f’konformità mar-Regolament ta’ Implimentazzjoni (UE) 2021/2325.

(10)

“Bureau Veritas Certification France SAS” innotifika lill-Kummissjoni dwar il-bidla fl-indirizz tal-Internet tiegħu.

(11)

Il-Kummissjoni rċeviet u eżaminat talba mingħand “Ecocert SA” biex tibdel isimha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li l-isem ta’ dak il-korp ta’ kontroll jiġi sostitwit għal “Ecocert SAS”.

(12)

Il-korp ta’ akkreditazzjoni IOAS informa lill-Kummissjoni dwar l-irtirar tal-akkreditazzjoni tiegħu relatata mal-korp ta’ kontroll “FairCert Certification Services Pvt Ltd”. Il-Kummissjoni stiednet ukoll lill-korp ta’ kontroll biex jipprovdi ċertifikat ta’ akkreditazzjoni validu u biex jieħu azzjoni ta’ rimedju xierqa u f’waqtha. Madankollu, “FairCert Certification Services Pvt Ltd” naqset milli twieġeb b’mod sodisfaċenti fi żmien l-iskadenza stabbilita apposta għal dan l-iskop. Fl-aħħar nett, “FairCert Certification Services Pvt Ltd” ma kkomunikatx lill-Kummissjoni l-informazzjoni kollha relatata mad-dossier tekniku tagħha. Għal kull waħda minn dawk it-tliet raġunijiet, u f’konformità mal-Artikolu 4(1) (d)(iii) tar-Regolament Delegat (UE) 2021/1342, jenħtieġ li “FairCert Certification Services Pvt Ltd” tiġi rtirata mil-lista ta’ awtoritajiet ta’ kontroll u ta’ korpi ta’ kontroll stabbilita fl-Anness II tar-Regolament ta’ Implimentazzjoni (UE) 2021/2325 għall-pajjiżi terzi kollha.

(13)

“Kiwa Sativa” innotifikat lill-Kummissjoni dwar il-bidla fl-indirizz tal-Internet tagħha.

(14)

Il-Kummissjoni rċeviet u eżaminat talba mingħand “Lacon GmbH” biex tirtira r-rikonoxximent tagħha għall-pajjiżi terzi kollha li għalihom hija rikonoxxuta fir-Regolament ta’ Implimentazzjoni (UE) 2021/2325.

(15)

Il-Kummissjoni rċeviet u eżaminat talba mingħand “LETIS S.A.” biex tirtira r-rikonoxximent tagħha għall-Afganistan, l-Ażerbajġan, il-Belarus, il-Kosta tal-Avorju, l-Eġittu, l-Etjopja, l-Iran, il-Każakistan, il-Kirgiżistan, il-Moldova, il-Marokk, il-Pakistan, ir-Russja, it-Taġikistan, it-Turkmenistan, l-Ukrajna, l-Emirati Għarab Magħquda u l-Uzbekistan.

(16)

Il-korp ta’ akkreditazzjoni IOAS informa lill-Kummissjoni dwar l-irtirar tal-akkreditazzjoni tiegħu relatata ma’ ‘LETIS S.A.’ fit-Turkija. Il-Kummissjoni stiednet ukoll lil dan il-korp ta’ kontroll jipprovdi ċertifikat ta’ akkreditazzjoni validu rigward it-Turkija u jieħu azzjoni ta’ rimedju xierqa u f’waqtha. Madankollu, “LETIS S.A.” naqset milli twieġeb b’mod sodisfaċenti fi żmien l-iskadenza stabbilita għal dan il-għan. Għal kull waħda minn dawk iż-żewġ raġunijiet, u f’konformità mal-Artikolu 4(1) (d)(iii) tar-Regolament Delegat (UE) 2021/1342, huwa ġġustifikat li jiġi rtirat ir-rikonoxximent ta’ “LETIS S.A.” għat-Turkija.

(17)

“OneCert International PVT Ltd” innotifikat lill-Kummissjoni dwar il-bidla fl-indirizz postali u fl-indirizz tal-Internet tagħha.

(18)

Il-Kummissjoni rċeviet talba mingħand “Oregon Tilth” biex jiġi rtirat ir-rikonoxximent tagħha għall-Panama.

(19)

Il-Kummissjoni rċeviet talba mingħand “Organic Standard” biex jiġi rtirat ir-rikonoxximent tagħha għar-Russja.

(20)

Il-Kummissjoni rċeviet u eżaminat talba mingħand “Soil Association Certification Limited” biex volontarjament twaqqaf l-attivitajiet tagħha għall-pajjiżi terzi kollha li għalihom hija rikonoxxuta f’konformità mar-Regolament ta’ Implimentazzjoni (UE) 2021/2325.

(21)

“Tse-Xin Organic Certification Corporation” innotifikat lill-Kummissjoni li nbidel l-indirizz tagħha.

(22)

Għalhekk jenħtieġ li r-Regolament ta’ Implimentazzjoni (UE) 2021/2325 jiġi emendat skont dan.

(23)

Il-miżuri previsti f’dan ir-Regolament huma skont l-opinjoni tal-Kumitat għall-Produzzjoni Organika,

(1)

Skont l-Artikolu 300(3) tat-Trattat, il-Kumitat tar-Reġjuni għandu jkun kompost minn rappreżentanti tal-korpi reġjonali u lokali, li jew ikollhom mandat elettorali ta’ awtorità reġjonali jew lokali jew ikunu politikament responsabbli quddiem assemblea eletta.

(2)

Fis-17 ta’ Frar 2020, il-Kunsill adotta d-Deċiżjoni (UE) 2020/235 (2) li taħtar membru u membru supplenti, proposti mir-Repubblika tal-Awstrija, fil-Kumitat tar-Reġjuni. Fil-21 ta’ Ġunju 2022, il-Kunsill adotta d-Deċiżjoni (UE) 2022/1000 (3) li taħtar membru, propost mir-Repubblika tal-Awstrija, fil-Kumitat tar-Reġjuni.

(3)

Konsegwentement għar-riżenja tas-Sur Christopher DREXLER. sar vakanti s-siġġu ta’ membru fil-Kumitat tar-Reġjuni.

(4)

Konsegwentement għall-ħatra tas-Sur Hannes WENINGER bħala membru tal-Kumitat tar-Reġjuni, sar vakanti s-siġġu ta’ membru supplenti.

(5)

Il-Gvern Awstrijak ippropona lis-Sur Werner AMON, r-rappreżentant ta’ korp reġjonali li għandu mandat elettorali ta’ awtorità reġjonali, Landesrat, Steiermärkische Landesregierung (Membru tal-Gvern Provinċjali, Gvern Provinċjali ta’ Styria), bħala membru fil-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025.

(6)

Il-Gvern Awstrijak ippropona lis-Sur Thomas STEINER, rappreżentant ta’ korp lokali li għandu mandat elettorali ta’ awtorità lokali, Mitglied des Gemeinderats von Eisenstadt (Membru tal-Kunsill Muniċipali ta’ Eisenstadt) bħala membru supplenti fil-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025,

(1)

Fl-1 ta’ Ottubru 2015, il-Kunsill adotta d-Deċiżjoni (PESK) 2015/1763 (1) dwar miżuri restrittivi fid-dawl tas-sitwazzjoni fil-Burundi.

(2)

Abbażi ta’ rieżami mill-Kunsill tad-Deċiżjoni (PESK) 2015/1763, jenħtieġ li l-miżuri restrittivi jiġġeddu sal-31 ta’ Ottubru 2023 u jenħtieġ li tliet persuni jitneħħew mil-lista ta’ persuni fiżiċi u ġuridiċi, entitajiet u korpi soġġetti għal miżuri restrittivi, kif tinsab fl-Anness għad-Deċiżjoni (PESK) 2015/1763.

(3)

Għalhekk jenħtieġ li d-Deċiżjoni (PESK) 2015/1763 tiġi emendata skont dan,

(1)

Fil-25 ta’ Ottubru 2010, il-Kunsill adotta d-Deċiżjoni 2010/638/PESK (1), dwar miżuri restrittivi kontra r-Repubblika tal-Guinea.

(2)

Abbażi ta’ rieżami tad-Deċiżjoni 2010/638/PESK, dawk il-miżuri restrittivi jenħtieġ li jiġu estiżi sas-27 ta’ Ottubru 2023.

(3)

Il-Kunsill iqis li t-titlu tad-Deċiżjoni 2010/638/PESK jenħtieġ li jiġi emendat.

(4)

Għalhekk jenħtieġ li d-Deċiżjoni 2010/638/PESK tiġi emendata skont dan,

(1)

Fit-30 ta’ Awwissu 2022 il-Kummissjoni ġiet ippreżentata talba għar-reġistrazzjoni ta’ inizjattiva taċ-ċittadini Ewropej intitolata “Inizjattiva taċ-ċittadini Ewropej dwar ikel vegan”.

(2)

L-objettiv tal-inizjattiva kif spjegati mill-organizzaturi huwa li “fl-ispazji privati u pubbliċi li jbigħu l-ikel u x-xorb fl-Ewropa dejjem ikun hemm espliċitament alternattiva vegana. L-inizjattiva taċ-Ċittadini tal-UE dwar IKEL VEGAN għal dawk li huma vegani u għal dawk li jirrispettaw id-dritt għal alternattiva vegana kif ukoll għal azzjoni favur it-tibdil fil-klima permezz tad-disponibblità aktar faċli ta’ ikel ibbażat fuq il-pjanti fil-ħajja ta’ kuljum tal-konsumaturi tal-UE. Id-dieta vegana mhijiex krudili għax ma timplikax l-isfruttament u l-qtil tal-annimali, u hija tweġiba għall-għarfien kollettiv li qed jiżdied dwar id-drittijiet tal-annimali. Barra minn hekk, id-dieta vegana twassal għal tibdil fit-territorju minħabba l-għażla ta’ attivitajiet, strutturi u loġistika tal-produzzjoni u tal-impjiegi li jniġġsu anqas. L-inizjattiva taċ-Ċittadini Ewropej dwar IKEL VEGAN titlob l-introduzzjoni bil-liġi ta’ alternattiva vegana fil-bejgħ tal-ikel u x-xorb lill-pubbliku fl-Ewropa bit-tama li l-parteċipazzjoni taċ-ċittadini Ewropej twassal għall-approvazzjoni ta’ liġi tal-UE b’benefiċċji kbar għall-pjaneta, jiġifieri il-mitigazzjoni tal-kriżi klimatika, l-estinzjoni tal-ispeċi selvaġġi, id-deforestazzjoni, l-użu aħjar tal-art, il-ħarsien tal-ħajja fil-baħar, il-ħela tal-ikel u l-malnutrizzjoni.”

(3)

Wieħed isib aktar dettalji dwar is-suġġett, l-objettivi u l-isfond tal-inizjattiva f’anness u f’dokument addizzjonali, li jistabbilixxu u jagħtu dettalji dwar ir-raġunijiet għall-appoġġ li qed jingħata għal din l-inizjattiva. L-organizzaturi jsostnu li d-disponibbiltà ta’ alternattiva vegana fil-bejgħ ta’ ikel u xorb lill-pubbliku fi spazji privati u pubbliċi jippermetti li l-aċċess għal alternattiva vegana jsir aktar faċli, u b’hekk jingħata sostenn fil-ġlieda kontra l-kriżi klimatika billi jiżdied il-konsum ta’ ikel ibbażat fuq il-pjanti filwaqt li l-ikel jirħas. Fi kliem l-organizzaturi, “L-iffaċilitar tad-disponibbiltà tal-ikel vegana fis-setturi tal-bejgħ tal-ikel u x-xorb pubbliċi u privati jikkonċerna t-tnaqqis tat-tniġġis fl-emissjonijiet tas-CO2, tal-kontaminazzjoni ambjentali, tal-użu tal-ilma u tat-tbatija għall-annimali”.

(4)

Fir-rigward tal-objettiv tal-inizjattiva, li titlob l-introduzzjoni ta’ obbligu legali għall-operaturi fis-suq tal-bejgħ bl-imnut tal-ikel u x-xorb li joffru prodotti vegani, il-Kummissjoni għandha s-setgħa li tippreżenta proposta għal att legali abbażi tal-Artikolu 114 tat-TFUE. Barra minn hekk, sa fejn l-inizjattiva tista’ taffettwa jew teħtieġ miżuri speċifiċi skont il-politika agrikola komuni, il-Kummissjoni għandha s-setgħa li tippreżenta proposti għal atti legali abbażi tal-Artikolu 43 tat-TFUE.

(5)

Għal dawn ir-raġunijiet, l-ebda parti mill-inizjattiva ma taqa’ manifestament barra mill-qafas tas-setgħat tal-Kummissjoni li tippreżenta proposta għal att legali tal-Unjoni għall-fini tal-implimentazzjoni tat-Trattati.

(6)

Din il-konklużjoni hija mingħajr preġudizzju għall-valutazzjoni ta’ jekk il-kundizzjonijiet sostantivi konkreti meħtieġa biex il-Kummissjoni taġixxi, inklużi l-konformità mal-prinċipji tal-proporzjonalità u tas-sussidjarjetà u l-kompatibbiltà mad-drittijiet fundamentali, ikunux issodisfati f’dan il-każ.

(7)

Il-grupp ta’ organizzaturi pprovda evidenza xierqa li jissodisfa r-rekwiżiti stipulati fl-Artikolu 5(1) u (2) tar-Regolament (UE) 2019/788 u ħatar il-persuni ta’ kuntatt f’konformità mal-ewwel subparagrafu tal-Artikolu 5(3) ta’ dak ir-Regolament.

(8)

L-inizjattiva la hija manifestament abbużiva, frivola jew vessatorja u lanqas ma tmur manifestament kontra l-valuri tal-Unjoni kif stabbiliti fl-Artikolu 2 tat-Trattat dwar l-Unjoni Ewropea u d-drittijiet stabbiliti fil-Karta tad-Drittijiet Fundamentali tal-Unjoni Ewropea.

(9)

Għaldaqstant, l-inizjattiva intitolata “Inizjattiva taċ-ċittadini Ewropej għal ikel vegan” jenħtieġ li tiġi rreġistrata.

(10)

Il-konklużjoni li l-kundizzjonijiet għar-reġistrazzjoni skont l-Artikolu 6(3) tar-Regolament (UE) 2019/788 huma ssodisfati ma timplikax li l-Kummissjoni b’xi mod jew ieħor tikkonferma l-korrettezza fattwali tal-kontenut tal-inizjattiva, li hija r-responsabbiltà unika tal-grupp ta’ organizzaturi tal-inizjattiva. Il-kontenut tal-inizjattiva jesprimi biss il-fehmiet tal-grupp ta’ organizzaturi, u bl-ebda mod ma jista’ jitqies li jirrifletti l-fehmiet tal-Kummissjoni,

(1)

Fid-29 ta’ Novembru 2016, il-kumpanija Lanxess Deutschland GmbH (“l-applikant”) issottomettiet applikazzjoni għar-rikonoxximent reċiproku b’mod paralleli f’konformità mal-Artikolu 34 tar-Regolament (UE) Nru 528/2012 tal-prodott bijoċidali Preventol A 12 TK 50 (“il-prodott bijoċidali”) lill-awtoritajiet kompetenti ta’ għadd ta’ Stati Membri, inkluż Franza, l-Iżvezja u l-Ġermanja. Il-prodott bijoċidali, li fih il-propikonażol bħala sustanza attiva, huwa preżervattiv għall-pellikoli tat-tip ta’ prodott 7, li għandu jintuża mill-utenti industrijali biex jippreservaw iż-żebgħa u l-kisi b’bażi ta’ ilma u b’bażi ta’ solvent. In-Netherlands huma l-Istat Membru ta’ referenza responsabbli għall-evalwazzjoni tal-applikazzjoni kif imsemmi fl-Artikolu 34(1) tar-Regolament (UE) Nru 528/2012.

(2)

Fis-16 ta’ Settembru 2020, il-Ġermanja ressqet oġġezzjonijiet lill-grupp ta’ koordinazzjoni, li jindikaw li l-kundizzjonijiet tal-awtorizzazzjoni stabbiliti min-Netherlands ma jiżgurawx li l-prodott bijoċidali jissodisfa r-rekwiżiti stabbiliti fl-Artikolu 19(1), il-punt (b)(iii), tar-Regolament (UE) Nru 528/2012.

(3)

Fis-17 ta’ Settembru 2020, is-segretarjat tal-grupp ta’ koordinazzjoni stieden lill-Istati Membri kkonċernati l-oħra u lill-applikant biex jissottomettu l-kummenti tagħhom bil-miktub dwar dan ir-riferiment. L-applikant issottometta kummenti bil-miktub fid-29 ta’ Settembru 2020. Ir-riferiment ġie diskuss fil-grupp ta’ koordinazzjoni fil-21 ta’ Ottubru 2020 bil-parteċipazzjoni tal-applikant.

(4)

Il-Ġermanja jidhrilha li l-miżuri ta’ mitigazzjoni tar-riskju għat-tqegħid fis-suq ta’ oġġetti ttrattati bil-prodott jew li jinkorporaw il-prodott jistgħu jiġu inklużi biss f’awtorizzazzjoni ta’ prodott bijoċidali jekk ikunu ssemmew fil-kundizzjonijiet tal-approvazzjoni tas-sustanza attiva. Peress li r-Regolament ta’ Implimentazzjoni tal-Kummissjoni (UE) 2015/1609 (2) ma jinkludix il-miżuri ta’ mitigazzjoni tar-riskju meħtieġa għat-tqegħid fis-suq ta’ oġġetti ttrattati bil-prodott jew li jinkorporaw il-prodott, il-Ġermanja jidhrilha li l-miżuri ta’ mitigazzjoni tar-riskju għat-tqegħid fis-suq tal-oġġetti ttrattati proposti min-Netherlands ma jistgħux jiġu inklużi fl-awtorizzazzjoni tal-prodott bijoċidali. Għaldaqstant, skont il-Ġermanja, la l-effetti inaċċettabbli fuq is-saħħa tal-bniedem u fuq l-ambjent mill-użu tal-prodott bijoċidali ma jistgħux jiġu indirizzati kif suppost fl-awtorizzazzjoni tal-prodott, jenħtieġ li l-prodott ma jiġix awtorizzat.

(5)

Peress li ma ntlaħaqx qbil mill-grupp ta’ koordinazzjoni dwar l-oġġezzjoni magħmula mill-Ġermanja, fis-16 ta’ Diċembru 2021 in-Netherlands ressqu l-oġġezzjoni mhux riżolta lill-Kummissjoni skont l-Artikolu 36(1) tar-Regolament (UE) Nru 528/2012. B’hekk ipprovdew dikjarazzjoni lill-Kummissjoni li tispjega fid-dettall il-kwistjoni li l-Istati Membri ma setgħux jaqblu dwarha u r-raġunijiet għal dak in-nuqqas ta’ qbil. Dik id-dikjarazzjoni ntbagħtet lill-Istati Membri kkonċernati u lill-applikant.

(6)

L-Artikolu 19(1), il-punti (b)(iii) u (b)(iv), tar-Regolament (UE) Nru 528/2012 jipprevedi li waħda mill-kundizzjonijiet għall-għoti ta’ awtorizzazzjoni hija li jkun stabbilit, skont il-prinċipji komuni għall-evalwazzjoni tad-dossiers tal-prodotti bijoċidali stipulati fl-Anness VI ta’ dak ir-Regolament, li l-prodott bijoċidali ma għandu l-ebda effett inaċċettabbli hu nnifsu, u lanqas bħala riżultat tar-residwi tiegħu, fuq is-saħħa tal-bniedem u tal-annimali, u fuq l-ambjent.

(7)

L-Artikolu 19(2), il-punt (b), tar-Regolament (UE) Nru 528/2012 jipprevedi li l-evalwazzjoni ta’ jekk prodott bijoċidali jissodisfax il-kriterji stabbiliti fil-paragrafu 1, il-punt (b), ta’ dak l-Artikolu għandha tqis il-mod kif jistgħu jintużaw oġġetti ttrattati bil-prodott bijoċidali jew li jkun fihom il-prodott bijoċidali.

(8)

L-Artikolu 58(2) tar-Regolament (UE) Nru 528/2012 jipprevedi li oġġett ittrattat ma għandux jiġi introdott fis-suq sakemm is-sustanzi attivi kollha li jinsabu fil-prodott bijoċidali li ġie ttrattat bih jew li jinkorporah, ma jkunux inklużi fil-lista mfassla skont l-Artikolu 9(2) ta’ dak ir-Regolament, għat-tip u l-użu tal-prodott rilevanti, jew fl-Anness I ta’ dak ir-Regolament, u tkun issodisfata kwalunkwe kundizzjoni jew restrizzjoni speċifikata hemmhekk. In-Netherlands ikkonkludew li jkun hemm effetti inaċċettabbli fuq is-saħħa tal-bniedem u fuq l-ambjent li jirriżultaw mill-użu tal-prodott bijoċidali u li għalhekk fl-awtorizzazzjoni tal-prodott bijoċidali jeħtieġ jiġu inklużi miżuri ta’ mitigazzjoni tar-riskju għat-tqegħid fis-suq u l-użu tal-oġġetti ttrattati bil-prodott bijoċidali jew li jinkorporaw il-prodott bijoċidali. li jeħtieġu miżuri. Il-kundizzjonijiet stabbiliti fir-Regolament ta’ Implimentazzjoni (UE) 2015/1609 ma jinkludux miżuri ta’ mitigazzjoni tar-riskju speċifiċi marbuta mat-tqegħid fis-suq ta’ oġġetti ttrattati bil-propikonażol jew li jinkorporaw il-propikonażol, u dak ir-Regolament ta’ Implimentazzjoni ma jagħtix il-possibbiltà lill-awtoritajiet kompetenti tal-Istati Membri li jistabbilixxu dawk il-miżuri ta’ mitigazzjoni tar-riskju fl-awtorizzazzjoni tal-prodotti bijoċidali li fihom il-propikonażol għall-prodotti tat-tip 7, li jkunu meħtieġa biex jiġu indirizzati r-riskji mhux aċċettabbli identifikati għas-saħħa tal-bniedem u għall-ambjent mill-użu tal-oġġetti ttrattati bil-prodott bijoċidali jew li jinkorporaw il-prodott bijoċidali.

(9)

Wara li eżaminat l-informazzjoni kollha bir-reqqa, il-Kummissjoni tagħraf li ma jistax ikun żgurat li l-kundizzjonijiet tal-Artikolu 19(1), il-punti (b)(iii) u (b)(iv), tar-Regolament (UE) Nru 528/2012 għall-prodott bijoċidali jiġu ssodisfati billi jiġu imposti kundizzjonijiet fuq l-użu tal-prodotti bijoċidali fl-oġġetti trattati mingħajr ma, fl-istess ħin, jiġu imposti obbligi fuq il-persuni li jqiegħdu fis-suq l-oġġetti ttrattati li jinkorporaw dawk il-prodotti bijoċidali. Iżda peress li fir-Regolament ta’ Implimentazzjoni (UE) 2015/1609 ma ġewx stabbiliti l-kundizzjonijiet jew ir-restrizzjonijiet meħtieġa biex jiġi żgurat użu sikur tal-prodott bijoċidali li jqis il-mod kif jistgħu jintużaw l-oġġetti ttrattati bil-prodott bijoċidali jew li jinkorporaw il-prodott bijoċidali, u peress li dawn ma jistgħux jiġu stabbiliti fl-awtorizzazzjoni tal-prodott bijoċidali, l-użu tal-prodott bijoċidali fl-oġġetti ttrattati jkollu effetti inaċċettabbli fuq is-saħħa tal-bniedem u fuq l-ambjent.

(10)

Għaldaqstant, il-Kummissjoni jidhrilha li minħabba li l-użu sikur tal-prodott bijoċidali fl-oġġetti ttrattati ma jistax jiġi żgurat biss billi jiġu imposti kundizzjonijiet fuq l-użu tal-prodotti bijoċidali fl-oġġetti ttrattati mingħajr ma, fl-istess ħin, jiġu imposti obbligi fuq il-persuni li jqiegħdu fis-suq l-oġġetti ttrattati, il-prodott ma jissodisfax il-kundizzjonijiet stabbiliti fl-Artikolu 19(1), il-punti (b)(iii) u (b)(iv), tar-Regolament (UE) Nru 528/2012.

(11)

Fil-21 ta’ Ġunju 2022, il-Kummissjoni tat l-opportunità lill-applikant jipprovdi l-kummenti tiegħu bil-miktub f’konformità mal-Artikolu 36(2) tar-Regolament (UE) Nru 528/2012. Fit-18 ta’ Lulju 2022, l-applikant ipprovda kummenti bil-miktub li l-Kummissjoni qieset.

(12)

Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Prodotti Bijoċidali,

1.

2.

3.

4.

5.

6.

7.

8.

9.

10.

11.

12.

13.

1

2

3

4

5

6

7

1.1.

1.2.

1.3.

1.3.1.

1.3.2.

1.3.3.

1.4.

2.1.

2.1.1.

2.2.

2.3.

2.4.

2.5.

Dan ir-Regolament japplika għal oqfsa tal-irmonk li huma unitajiet separati, mhux parti strutturali tat-trattur.

2.6.

2.7.

2.8.

2.9.

2.9.1.

2.9.2.

2.9.3.

2.9.4.

2.10.

2.10.1.

Għal mekkaniżmi u komponenti mekkaniċi tal-akkoppjar mhux iddisinjati biex jifilħu għal tagħbijiet vertikali imposti, il-valur huwa:

Għal mekkaniżmi u komponenti mekkaniċi tal-akkoppjar għal trejlers bi żbarra tal-irmonk riġida kif iddefiniti fil-paragrafu 2.12., il-valur huwa:

Fejn:

2.10.2.

2.10.3.

2.10.4.

2.11.

Subscripts: