(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ tali awtorizzazzjoni.

(2)

Ir-Regolament ta’ Implimentazzjoni tal-Kummissjoni (UE) 2016/898 tal-8 ta’ Ġunju 2016 (2) awtorizza preparazzjoni ta’ Bacillus licheniformis (ATCC 53757) u l-proteażi tiegħu (EC 3.4.21.19) bħala addittiv fl-għalf. Id-detentur tal-awtorizzazzjoni huwa Novus Europe SA/NV.

(3)

Ir-Regolament ta’ Implimentazzjoni tal-Kummissjoni (UE) 2018/982 tat-11 ta’ Lulju 2018 (3) awtorizza preparazzjoni ta’ aċidu benżojku, format tal-kalċju u aċidu fumariku bħala addittiv tal-għalf.

(4)

Novus Europe NV ippreżentat applikazzjoni f’konformtià mal-Artikolu 13(3) tar-Regolament (KE) Nru 1831/2003 li tipproponi bidla fl-isem tad-detentur tal-awtorizzazzjoni fir-rigward tar-Regolamenti (UE) 2016/898 u (UE) 2018/982.

(5)

L-applikant issostni li biddel ismu minn Novus Europe SA/NV għal Novus Europe NV. Mal-applikazzjoni intbagħtet ukoll id-data ġustifikattiva rilevanti.

(6)

Il-bidla proposta tat-termini tal-awtorizzazzjonijiet hija purament amministrattiva fin-natura tagħha u ma tirrikjedix valutazzjoni mill-ġdid tal-addittivi kkonċernati. L-Awtorità Ewropea dwar is-Sigurtà fl-Ikel ġiet mgħarrfa bl-applikazzjoni.

(7)

Biex l-applikant ikun jista’ jisfrutta d-drittijiet tal-kummerċjalizzazzjoni tiegħu bl-isem il-ġdid, Novus Europe NV, jeħtieġ jinbidlu t-termini tal-awtorizzazzjoni.

(8)

Għalhekk, jenħtieġ li r-Regolamenti (UE) 2016/898 u (UE) 2018/982 jiġu emendati skont dan.

(9)

Billi r-raġunijiet tas-sikurezza ma jeħtiġux l-applikazzjoni immedjata tal-emendi li qed isiru b’dan ir-Regolament lir-Regolamenti ta’ Implimentazzjoni (UE) 2016/898 u (UE) 2018/982, għalhekk jixraq jiġi stipulat perjodu tranżizzjonali li matulu jkunu jistgħu jintużaw il-ħażniet eżistenti.

(10)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fit-13 ta’ Mejju 2013 il-Kunsill impona dazju anti-dumping definittiv fuq l-importazzjonijiet fl-Unjoni ta’ oġġetti taċ-ċeramika li jintużaw fuq il-mejda u fil-kċina (“oġġetti li jintużaw fuq il-mejda”) li joriġinaw mir-Repubblika tal-Poplu taċ-Ċina (“RPĊ”) permezz tar-Regolament ta’ Implimentazzjoni tal-Kunsill (UE) Nru 412/2013 (“ir-regolament oriġinali”) (3).

(2)

Fit-12 ta’ Lulju 2019, wara rieżami ta’ skadenza skont l-Artikolu 11(2) tar-Regolament bażiku, il-Kummissjoni estendiet il-miżuri tar-regolament oriġinali għal ħames snin oħra permezz tar-Regolament ta’ Implimentazzjoni (UE) 2019/1198.

(3)

Fit-28 ta’ Novembru 2019, wara investigazzjoni antiċirkomvenzjoni skont l-Artikoli 13(3) u 14(5) tar-Regolament (UE) 2016/1036, il-Kummissjoni emendat ir-Regolament ta’ Implimentazzjoni (UE) 2019/1198 bir-Regolament ta’ Implimentazzjoni tal-Kummissjoni (UE) 2019/2131 (4).

(4)

Fl-investigazzjoni oriġinali, il-kampjunar ġie applikat għall-investigazzjoni tal-produtturi esportaturi fir-RPĊ f’konformità mal-Artikolu 17 tar-Regolament bażiku.

(5)

Il-Kunsill impona rati individwali ta’ dazju antidumping li jvarjaw minn 13,1 % sa 18,3 % dwar importazzjonijiet tal-prodott ikkonċernat għall-produtturi esportaturi inklużi fil-kampjun. Għall-produtturi esportaturi li kkooperaw u li ma kinux inklużi fil-kampjun ġiet imposta rata ta’ dazju ta’ 17,9 %. Il-produtturi esportaturi li kkooperaw mhux inklużi fil-kampjun huma elenkati fl-Anness I tar-Regolament ta’ Implimentazzjoni (UE) 2019/1198 kif emendat mir-Regolament ta’ Implimentazzjoni (UE) 2019/2131. Barra minn hekk, ġiet imposta wkoll rata ta’ dazju mal-pajjiż kollu ta’ 36,1 % fuq il-prodott ikkonċernat minn kumpaniji fir-RPĊ li jew ma ddikjarawx ruħhom jew inkella ma kkooperawx fl-investigazzjoni.

(6)

Skont l-Artikolu 2 tar-Regolament ta’ Implimentazzjoni (UE) 2019/1198, il-Kummissjoni tista’ temenda l-Anness I ta’ dak ir-Regolament billi tagħti lil produttur esportatur ġdid ir-rata tad-dazju applikabbli għall-kumpaniji li kkooperaw u li mhumiex inklużi fil-kampjun jew li ma ngħatawx trattament individwali, jiġifieri r-rata tad-dazju medja ponderata ta’ 17,9 %, meta dak il-produttur esportatur ġdid fir-RPĊ jagħti biżżejjed evidenza lill-Kummissjoni li:

(7)

Il-kumpanija Hunan Jewelmoon Ceramics Co., Ltd.. (“Jewelmoon” jew “l-applikant”), ressqet talba lill-Kummissjoni biex tingħata trattament ta’ produttur esportatur ġdid (“NEPT”) u għalhekk tkun soġġetta għar-rata ta’ dazju applikabbli għall-kumpaniji li kkooperaw fir-RPĊ mhux inklużi fil-kampjun, li huwa 17,9 %. L-applikant qal li kien jissodisfa t-tliet kundizzjonijiet stipulati fl-Artikolu 2 tar-Regolament ta’ Implimentazzjoni (UE) 2019/1198.

(8)

Biex jiġi ddeterminat jekk l-applikant jissodisfax il-kundizzjonijiet biex jingħata n-NEPT kif stipulat fl-Artikolu 2 tar-Regolament ta’ Implimentazzjoni (UE) 2019/1198 (“il-kriterji NEPT”), il-Kummissjoni l-ewwel bagħtet kwestjonarju lill-applikant fejn talbet għal evidenza li turi li hu kien qed jissodisfa l-kriterji NEPT.

(9)

Wara l-analiżi tat-tweġiba għall-kwestjonarju, il-Kummissjoni talbet aktar informazzjoni u evidenza ta’ sostenn, li l-applikant ippreżenta.

(10)

Il-Kummissjoni fittxet li tivverifika l-informazzjoni kollha li qieset meħtieġa biex tiddetermina jekk l-applikant kienx jissodisfa l-kundizzjonijiet tan-NEPT. Għal dan il-għan, il-Kummissjoni analizzat l-evidenza ppreżentata mill-applikant fit-tweġiba tiegħu għall-kwestjonarju, ikkonsultat diversi siti web inkluż is-sit web tal-applikant u Qichacha (5) u kkontroverifikat l-informazzjoni tal-kumpanija mal-informazzjoni ppreżentata f’każijiet preċedenti. Fl-istess ħin, il-Kummissjoni infurmat ukoll lill-industrija tal-Unjoni dwar it-talba tal-applikant u stednitu jipprovdi kwalunkwe kumment jekk ikun hemm bżonn. L-industrija tal-Unjoni pprovdiet kummenti dwar it-talba.

(11)

Fir-rigward tal-kundizzjoni stabbilità fl-Artikolu 2(a) tar-Regolament ta’ Implimentazzjoni (UE) 2019/1198 li l-applikant ma esportax il-prodott ikkonċernat lejn l-Unjoni matul il-perjodu ta’ investigazzjoni oriġinali, matul l-investigazzjoni l-Kummissjoni stabbiliet li l-applikant issodisfa din il-kundizzjoni. L-applikant ġie stabbilit fit-8 ta’ Novembru 2010 u beda jimmanifattura l-prodott ikkonċernat fl-2011. L-ewwel liċenzja ta’ esportazzjoni nħarġet fl-4 ta’ Mejju 2011. Il-bejgħ tal-esportazzjoni beda fl-2012, wara l-perjodu tal-investigazzjoni oriġinali. L-applikant ipprovda reġistru tal-bejgħ għall-perjodu ta’ investigazzjoni oriġinali, li jindika li kien hemm biss bejgħ domestiku matul dan il-perjodu. Il-volum tal-bejgħ f’dan ir-reġistru tal-bejgħ jaqbel mal-introjtu operattiv indikat fir-rapport tal-introjtu. Intalbet u ġiet ipprovduta informazzjoni dwar il-fatturi matul il-perjodu tal-investigazzjoni oriġinali.

(12)

Fir-rigward tal-kundizzjoni stabbilità fl-Artikolu 2(b) tar-Regolament ta’ Implimentazzjoni (UE) 2019/1198 li l-applikant ma jkunx relatat ma’ xi esportaturi jew produtturi li huma soġġetti għall-miżuri antidumping imposti mir-Regolament ta’ Implimentazzjoni (UE) 2019/1198, matul l-investigazzjoni l-Kummissjoni stabbiliet li l-applikant ma kellu l-ebda kumpanija relatata li tinnegozja fil-produzzjoni, l-ipproċessar, il-bejgħ jew ix-xiri tal-prodott ikkonċernat. Għalhekk, l-applikant jissodisfa din il-kundizzjoni.

(13)

Fir-rigward tal-kundizzjoni stipulata fl-Artikolu 2(c) tar-Regolament ta’ Implimentazzjoni (UE) 2019/1198, li l-applikant effettivament esporta l-prodott ikkonċernat lejn l-Unjoni wara l-perjodu ta’ investigazzjoni oriġinali jew daħal f’obbligu kuntrattwali irrevokabbli biex jesporta kwantità sinifikanti lejn l-Unjoni, matul l-investigazzjoni, il-Kummissjoni stabbiliet li l-applikant kien esporta lejn l-Unjoni sa minn Lulju 2012 (jiġifieri wara l-perjodu ta’ investigazzjoni oriġinali) u b’mod regolari minn dak iż-żmien ’l hemm. L-applikant issottometta fatturi, listi għall-ippakkjar, poloz tal-kargu u rċevuti tal-ħlas għal żewġ ordnijiet magħmula fl-2017 u fl-2018 minn kumpanija li tinsab fl-UE. Għalhekk, l-applikant jissodisfa din il-kundizzjoni.

(14)

Għaldaqstant, l-applikant jissodisfa t-tliet kundizzjonijiet li biex jingħata n-NEPT, kif stipulat fl-Artikolu 2 tar-Regolament ta’ Implimentazzjoni (UE) 2019/1198 u jenħtieġ għalhekk li t-talba tiġi milqugħa. Konsegwentement, l-applikant għandu jkun soġġett għal dazju anti-dumping ta’ 17,9 % għall-kumpaniji li jikkooperaw mhux inklużi fil-kampjun tal-investigazzjoni oriġinali.

(15)

L-applikant u l-industrija tal-Unjoni kienu infurmati bil-fatti essenzjali u l-kunsiderazzjonijiet skont liema tqies xieraq li tingħata r-rata tad-dazju anti-dumping applikabbli lill-kumpaniji li kkooperaw mhux inklużi fil-kampjun tal-investigazzjoni oriġinali lil Jewelmoon.

(16)

Il-partijiet ingħataw il-possibbiltà li jippreżentaw kummenti. Ma wasal l-ebda kumment.

(17)

Ir-Regolament huwa f’konformità mal-opinjoni tal-Kumitat stabbilit bl-Artikolu 15(1) tar-Regolament (UE) 2016/1036 tal-Parlament Ewropew u tal-Kunsill,

(1)

L-użu tal-preparazzjoni ta’ Bacillus licheniformis DSM 28710 bħala addittiv fl-għalf għat-tiġieġ tal-bajd, għall-ispeċijiet minuri tat-tjur tal-bajd, għall-ispeċijiet tat-tjur għat-tgħammir u għall-għasafar ornamentali ġie awtorizzat għal 10 snin bir-Regolament ta’ Implimentazzjoni tal-Kummissjoni (UE) 2021/1410 (2).

(2)

Fl-Anness tar-Regolament ta’ Implimentazzjoni (UE) 2021/1410, fil-kolonna “Speċi jew kategorija tal-annimali” ddaħħlet identifikazzjoni skorretta tal-ispeċijiet li huwa awtorizzat l-addittiv għalihom, fejn tħallew barra d-dundjani għat-tgħammir.

(3)

Għalhekk jenħtieġ li r-Regolament ta’ Implimentazzjoni (UE) 2021/1410 jiġi kkoreġut kif xieraq. Għal raġunijiet ta’ ċarezza, jixraq li jiġi ssostitwit l-Anness kollu ta’ dak ir-Regolament ta’ Implimentazzjoni.

(4)

Sabiex l-operaturi tan-negozji tal-għalf ikunu jistgħu jaddattaw it-tikketti tal-addittiv u tal-għalf li jkun fih minnu għat-termini kkoreġuti tal-awtorizzazzjoni, jenħtieġ li jiġi previst perjodu ta’ tranżizzjoni fir-rigward tat-tqegħid fis-suq ta’ dawk il-prodotti.

(5)

Sabiex jiġu ppreservati l-aspettattivi leġittimi tal-partijiet interessati b’rabta mat-termini tal-awtorizzazzjoni tal-addittiv, jenħtieġ li dan ir-Regolament jidħol fis-seħħ b’urġenza.

(6)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

L-użu ta’ Bacillus subtilis DSM 25841 bħala addittiv fl-għalf għall-ispeċijiet kollha tal-ħnieżer, inkluż il-ħnieżer nisa, għajr il-ħnieżer nisa li jreddgħu biex ikollhom benefiċċju fi ħnienes mhux miftuma ġie awtorizzat bir-Regolament ta’ Implimentazzjoni tal-Kummissjoni (UE) 2020/1760 (2) għal 10 snin.

(2)

Fil-kolonna ta’ taħt l-intestatura “Numru ta’ identifikazzjoni tal-addittiv” tal-Anness tar-Regolament ta’ Implimentazzjoni (UE) 2020/1760 iddaħħal numru ta’ identifikazzjoni żbaljat.

(3)

Għalhekk jenħtieġ li r-Regolament ta’ Implimentazzjoni (UE) 2020/1760 jiġi kkoreġut kif xieraq. Għal raġunijiet ta’ ċarezza, jixraq li l-Anness kollu ta’ dak ir-Regolament ta’ Implimentazzjoni jiġi sostitwit b’verżjoni kkoreġuta tiegħu.

(4)

Sabiex l-operaturi tan-negozji tal-għalf ikunu jistgħu jaddattaw it-tikkettar tal-addittiv u tal-għalf li jkun fih minnu għat-termini kkoreġuti tal-awtorizzazzjoni, jenħtieġ li jiġi previst perjodu ta’ tranżizzjoni fir-rigward tat-tqegħid fis-suq ta’ dawk il-prodotti.

(5)

Sabiex jiġu ppreservati l-aspettattivi leġittimi tal-partijiet interessati b’rabta mat-termini tal-awtorizzazzjoni tal-addittiv, jenħtieġ li dan ir-Regolament jidħol fis-seħħ b’urġenza.

(6)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ tali awtorizzazzjoni.

(2)

F’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta’ preparazzjoni ta’ Saccharomyces cerevisiae MUCL 39885. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tal-preparazzjoni ta’ Saccharomyces cerevisiae MUCL 39885 bħala addittiv fl-għalf għas-suidae kollha għajr il-ħnienes miftuma u l-ħnieżer nisa, u l-klieb, biex tiġi kklassifikata fil-kategorija “addittivi żootekniċi”.

(4)

Fl-opinjonijiet tagħha tat-23 ta’ Ġunju 2021 (2) , (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li fil-kundizzjonijiet tal-użu proposti, il-preparazzjoni ta’ Saccharomyces cerevisiae MUCL 39885 ma għandux effetti avversi fuq is-saħħa tal-annimali, fuq is-sikurezza tal-konsumaturi jew fuq l-ambjent. Ikkonkludiet ukoll li l-preparazzjoni hija kkunsidrata bħala irritant potenzjali tal-ġilda u tal-għajnejn u sensitizzatur tal-ġilda u respiratorju. Għalhekk, il-Kummissjoni hija tal-fehma li jenħtieġ li jittieħdu miżuri protettivi xierqa sabiex jiġu evitati effetti negattivi fuq is-saħħa tal-bniedem, b’mod partikolari fir-rigward tal-utenti tal-addittiv. L-awtorità kkonkludiet ukoll li fil-każ tas-suidae, il-preparazzjoni għandha l-potenzjal li tkun effikaċi bħala addittiv żootekniku fl-għalf u fil-każ tal-klieb, il-preparazzjoni għandha l-potenzjal li tkun effikaċi fit-titjib tal-konsistenza fekali. L-Awtorità ma tqisx li hemm bżonn ta’ rekwiżiti speċifiċi għas-sorveljanza ta’ wara t-tqegħid fis-suq. Ivverifikat ukoll ir-rapport dwar il-metodi ta’ analiżi tal-addittiv tal-għalf fl-għalf, li ġie ppreżentat mil-Laboratorju ta’ Referenza stabbilit bir-Regolament (KE) Nru 1831/2003.

(5)

Il-valutazzjoni tal-preparazzjoni tas-Saccharomyces cerevisiae MUCL 39885 turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, ġew issodisfati. Għaldaqstant, l-użu ta’ dik il-preparazzjoni jenħtieġ li jiġi awtorizzat kif speċifikat fl-Anness ta’ dan ir-Regolament.

(6)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri biex tingħata tali awtorizzazzjoni.

(2)

F’konformità mal-Artikolu 7 tar-Regolament (KE) Nru 1831/2003, tressqu l-applikazzjonijiet għall-awtorizzazzjoni ta’ preparazzjonijiet ta’ Lacticaseibacillus rhamnosus IMI 507023, Pediococcus pentosaceus IMI 507024, Pediococcus pentosaceus IMI 507025, Lactiplantibacillus plantarum IMI 507026, Lactiplantibacillus plantarum IMI 507027 u Lactiplantibacillus plantarum IMI 507028. Ma’ dawk l-applikazzjonijiet intbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjonijiet jikkonċernaw l-awtorizzazzjoni ta’ preparazzjonijiet ta’ Lacticaseibacillus rhamnosus IMI 507023, Pediococcus pentosaceus IMI 507024, Pediococcus pentosaceus IMI 507025, Lactiplantibacillus plantarum IMI 507026, Lactiplantibacillus plantarum IMI 507027 u Lactiplantibacillus plantarum IMI 507028 bħala addittivi fl-għalf għall-ispeċijiet kollha tal-annimali, biex jiġu kklassifikati fil-kategorija tal-addittivi “addittivi teknoloġiċi”.

(4)

Fl-opinjonijiet tagħha tat-23 ta’ Ġunju 2021 (2) , (3) , (4) , (5) , (6) , (7) l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li skont il-kundizzjonijiet tal-użu proposti, il-preparazzjonijiet ta’ Lacticaseibacillus rhamnosus IMI 507023, Pediococcus pentosaceus IMI 507024, Pediococcus pentosaceus IMI 507025, Lactiplantibacillus plantarum IMI 507026, Lactiplantibacillus plantarum IMI 507027 u Lactiplantibacillus plantarum IMI 507028 ma għandhomx effetti ħżiena fuq is-saħħa tal-annimali, fuq is-sikurezza tal-konsumaturi, jew fuq l-ambjent. Ikkonkludiet ukoll li jenħtieġ li l-addittivi jitqiesu bħala sensitizzaturi respiratorji, u indikat li ma jistgħux jintlaħqu konklużjoni dwar il-potenzjal li l-addittivi jikkawżaw irritazzjoni fl-għajnejn u fil-ġilda jew dwar il-potenzjal ta’ effett ta’ sensitizzazzjoni tal-ġilda tal-addittivi. Għalhekk, il-Kummissjoni hija tal-fehma li jenħtieġ li jittieħdu miżuri protettivi xierqa biex jiġu evitati effetti ħżiena fuq is-saħħa tal-bniedem, b’mod partikolari fir-rigward tal-utenti tal-addittivi. L-Awtorità kkonkludiet ukoll li l-preparazzjonijiet ikkonċernati għandhom il-potenzjal li jtejbu il-preżervazzjoni tan-nutrijenti fis-silaġġ meta jkunu ppreparati ma’ materjal li huwa faċli li jiġi insilat, u ma’ materjal li hu moderatament diffiċli li jiġi insilat. Hija vverifikat ukoll ir-rapport dwar il-metodu ta’ analiżi tal-addittivi fl-għalf ippreżentat mil-Laboratorju ta’ Referenza stabbilit permezz tar-Regolament (KE) Nru 1831/2003.

(5)

Il-valutazzjoni tal-preparazzjonijiet ta’ Lacticaseibacillus rhamnosus IMI 507023, Pediococcus pentosaceus IMI 507024, Pediococcus pentosaceus IMI 507025, Lactiplantibacillus plantarum IMI 507026, Lactiplantibacillus plantarum IMI 507027 u Lactiplantibacillus plantarum IMI 507028 turi li l-kundizzjonijiet għall-awtorizzazzjoni kif previsti fl-Artikolu 5 tar-Regolament (KE) Nru 1831/2003 huma ssodisfati. Għaldaqstant, jenħtieġ li l-użu ta’ dawk il-preparazzjonijiet jiġi awtorizzat kif speċifikat fl-Anness ta’ dan ir-Regolament.

(6)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi fluworexxenti b’katodu kiesaħ u f’lampi fluworexxenti bl-elettrodi esterni (CCFL u EEFL) għal finijiet speċjali (“l-eżenzjoni”), li issa hija elenkata bħala l-eżenzjoni 3(a), 3(b) u 3(c) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

L-eżenzjoni tkopri grupp eteroġenju ta’ lampi b’għamliet, teknoloġiji, applikazzjonijiet u finijiet differenti. Il-merkurju jintuża fit-tubu bi skarika, li huwa essenzjali biex l-enerġija elettrika tiġi kkonvertita f’dawl.

(6)

Fil-15 ta’ Jannar 2015, il-Kummissjoni rċeviet applikazzjoni għat-tiġdid tal-eżenzjoni (“l-applikazzjoni għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, li ġiet segwita f’Jannar 2020 b’applikazzjoni għat-tiġdid addizzjonali mill-istess applikanti. F’konformità mal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tiġi adottata deċiżjoni dwar it-talba għat-tiġdid.

(7)

L-evalwazzjoni tal-applikazzjoni għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li attwalment is-sostituzzjoni jew l-eliminazzjoni tal-merkurju fl-applikazzjonijiet ikkonċernati mhix prattikabbli teknikament. Madankollu, dik l-evalwazzjoni enfasizzat li sostituti ħielsa mill-merkurju fil-forma ta’ lampi li jemettu d-dawl (LED) huma disponibbli, u li qed jintużaw bħala sorsi ta’ tidwil f’tagħmir ġdid li jiddaħħal fis-suq. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(8)

L-eżenzjoni hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(9)

Għalkemm f’ħafna applikazzjonijiet, is-CCFL u l-EEFL ġew sostitwiti b’sostituti ħielsa mill-merkurju; xi applikazzjonijiet xorta jeħtieġu li dawn il-lampi jiżguraw il-funzjonalità tagħhom u jevitaw ġenerazzjoni prematura ta’ skart elettriku u elettroniku.

(10)

Għalhekk jixraq li jingħata t-tiġdid tal-eżenzjoni għal perjodu ta’ tliet snin, f’konformità mal-ewwel subparagrafu tal-Artikolu 5(2) tad-Direttiva 2011/65/UE, għal dawk il-lampi biss li jintużaw fit-tagħmir elettriku u elettroniku li ddaħħal fis-suq qabel l-adozzjoni ta’ din id-Direttiva. F’konformità mal-ewwel subparagrafu tal-Artikolu 5(2) tad-Direttiva 2011/65/UE, it-tul ta’ żmien tal-eżenzjoni x’aktarx li ma jkollux impatti avversi fuq l-innovazzjoni.

(11)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi oħra tas-Sodju (gass) ta’ Pressjoni Għolja għal finijiet ta’ tidwil ġenerali (“l-eżenzjoni”), li issa hija elenkata bħala l-eżenzjoni 4(c)–I, 4(c)–II u 4(c)–III fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-merkurju jintuża f’lampi tas-Sodju (gass) ta’ Pressjoni Għolja għall-proprjetajiet tal-kulur tad-dawl u tal-għoti tal-kulur.

(6)

Fil-15 ta’ Jannar 2015, il-Kummissjoni rċeviet applikazzjoni għat-tiġdid tal-eżenzjoni (“l-applikazzjoni għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, li ġiet aġġornata b’informazzjoni addizzjonali fl-20 ta’ Jannar 2020. F’konformità mal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tittieħed deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjoni għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li attwalment is-sostituzzjoni jew l-eliminazzjoni tal-merkurju fl-applikazzjonijiet ikkonċernati mhix prattikabbli teknikament. L-evalwazzjoni kkonkludiet ukoll li l-kontenut ta’ merkurju permess f’dawk l-applikazzjonijiet speċifiċi jenħtieġ li jitnaqqas biex jikkorrispondi mal-bidliet fis-suq għat-tipi speċifiċi ta’ lampi. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(8)

L-eżenzjoni hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(9)

Għalhekk jixraq li t-tiġdid tal-eżenzjoni jingħata fir-rigward tal-entrati 4(c)–I, 4(c)–II u 4(c)–III fl-Anness III tad-Direttiva 2011/65/UE għal perjodu massimu ta’ ħames snin, peress li attwalment ma hemm l-ebda sostitut affidabbli disponibbli, f’konformità mal-ewwel subparagrafu tal-Artikolu 5(2) ta’ dik id-Direttiva. Fid-dawl tar-riżultati tal-isforzi kontinwi biex tinstab sostituzzjoni affidabbli, x’aktarx li t-tul ta’ żmien tal-eżenzjoni mhux se jkollu impatti avversi fuq l-innovazzjoni.

(10)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III tad-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi fluworexxenti (kompatti) b’kappa waħda għal tidwil ġenerali (“l-eżenzjoni”), li issa hija elenkata bħala l-eżenzjoni 1(a), 1(b), 1(c), 1(d) u 1(e) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-merkurju jintuża fil-lampi fluworexxenti (kompatti) b’kappa waħda sabiex jiġi prodott dawl ultravjola, li mbagħad jiġi kkonvertit f’dawl viżibbli mill-kisi fluworexxenti fuq il-bozza tal-lampa.

(6)

Fid-19 ta’ Diċembru 2014 u fil-15 ta’ Jannar 2015, il-Kummissjoni rċeviet żewġ applikazzjonijiet għat-tiġdid tal-eżenzjoni (“l-applikazzjonijiet għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, u waħda minnhom ġiet aġġornata b’applikazzjoni mġedda fl-20 ta’ Jannar 2020. F’konformità mat-tieni subparagrafu, tal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tittieħed deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjonijiet għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li s-sostituti ħielsa mill-merkurju li huma affidabbli biżżejjed għat-tipi ta’ lampi koperti mill-eżenzjoni diġà saru disponibbli b’mod mifrux u li s-sostituzzjoni tal-merkurju f’dawn il-lampi hija prattikabbli xjentifikament u teknikament. Barra minn hekk, dik l-evalwazzjoni kkonkludiet li huwa ċar li l-benefiċċji tas-sostituzzjoni se jikkumpensaw għal kwalunkwe impatt negattiv.

(8)

L-evalwazzjoni tal-applikazzjonijiet għat-tiġdid kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(9)

Ladarba l-kundizzjonijiet stabbiliti fil-punt (a) tal-Artikolu 5(1) tad-Direttiva 2011/65/UE ma għadhomx issodisfati iktar, l-applikazzjoni għat-tiġdid jenħtieġ li tiġi rrifjutata.

(10)

Jenħtieġ li tiġi stabbilita data tal-iskadenza għall-eżenzjoni f’konformità mal-Artikolu 5(6) ta’ dik id-Direttiva. Jenħtieġ li tiġi stabbilita l-iktar data bikrija possibbli ta’ 12-il xahar mid-deċiżjoni tal-Kummissjoni li tirrevoka l-eżenzjoni minħabba li ma hemm l-ebda ċirkostanza prattika li tiġġustifika żmien itwal ta’ skadenza, b’mod partikolari meta wieħed iqis li ħafna mil-lampi inkwistjoni huma koperti wkoll bir-Regolament tal-Kummissjoni (UE) 2019/2020 li jistabbilixxi rekwiżiti minimi tal-effiċjenza enerġetika li għandhom jiġu rrispettati sabiex il-prodotti jitqiegħdu fis-suq, li se jimplika li dawk il-lampi de facto mhumiex se jitqiegħdu fis-suq mill-1 ta’ Settembru 2021.

(11)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III tad-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Direttiva Delegata 2014/14/UE (2), il-Kummissjoni tat eżenzjoni għall-użu tal-merkurju, b’kontenut massimu ta’ 3,5 mg, f’lampi fluworexxenti (kompatti) b’kappa waħda għal finijiet ta’ tidwil ġenerali < 30 W b’tul tal-ħajja ta’ 20 000 siegħa jew iktar (“l-eżenzjoni”), li issa hija elenkata bħala l-eżenzjoni 1(g) fl-Anness III tad-Direttiva 2011/65/UE. L-eżenzjoni kellha tiskadi fil-31 ta’ Diċembru 2017, f’konformità mal-Anness III tad-Direttiva 2014/14/UE.

(5)

Il-merkurju jintuża fil-lampi fluworexxenti (kompatti) b’kappa waħda sabiex jiġi prodott dawl ultravjola, li mbagħad jiġi kkonvertit f’dawl viżibbli mill-kisi fluworexxenti fuq il-bozza tal-lampa.

(6)

Fit-28 ta’ Ġunju 2016, il-Kummissjoni rċeviet applikazzjoni għat-tiġdid tal-eżenzjoni (“l-applikazzjoni għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, u din ġiet aġġornata b’applikazzjoni mġedda fis-17 ta’ Jannar 2020. F’konformità mal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tiġi adottata deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjoni għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li s-sostituti ħielsa mill-merkurju li huma affidabbli biżżejjed għat-tipi ta’ lampi koperti mill-eżenzjoni huma disponibbli u li s-sostituzzjoni hija prattikabbli xjentifikament u teknikament. Barra minn hekk, dik l-evalwazzjoni kkonkludiet li huwa ċar li l-benefiċċji tas-sostituzzjoni se jikkumpensaw għal kwalunkwe impatt negattiv. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawn il-konsultazzjonijiet saru disponibbli għall-pubbliku fuq sit web apposta.

(8)

Ladarba l-kundizzjonijiet stabbiliti fil-punt (a) tal-Artikolu 5(1) tad-Direttiva 2011/65/UE ma għadhomx issodisfati iktar, l-eżenzjoni jenħtieġ li tiġi rrevokata.

(9)

Jenħtieġ li tiġi stabbilita data tal-iskadenza għall-eżenzjoni f’konformità mal-Artikolu 5(6) tad-Direttiva 2011/65/UE. Filwaqt li ammont żgħir tat-tipi ta’ lampi (3) koperti minn din l-eżenzjoni huma soġġetti għall-kriterji tal-ekodisinn stabbiliti fl-Anness II tar-Regolament tal-Kummissjoni (UE) 2019/2020 (4), li huma applikabbli mill-1 ta’ Settembru 2021, u għalhekk mhux se jibqgħu jitqiegħdu fis-suq, il-maġġoranza l-kbira tal-lampi koperti mill-eżenzjoni attwali mhumiex affettwati mill-kriterji skont ir-Regolament dwar l-Ekodisinn imsemmi hawn fuq. B’hekk, jenħtieġ li tiġi stabbilita d-data tal-iskadenza massima possibbli ta’ 18-il xahar wara d-deċiżjoni fir-rigward tal-entrata sħiħa tal-eżenzjoni sabiex jiġu evitati kostijiet soċjoekonomiċi għoljin bla bżonn għall-parteċipanti fis-suq b’rabta diretta mas-sostituzzjoni tal-kategorija tal-aħħar.

(10)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi tal-aloġenuri metalliċi (“l-eżenzjoni”), li issa hija elenkata bħala l-eżenzjoni 4(e) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-merkurju jintuża fil-lampi tal-aloġenuri metalliċi biex itejjeb il-kulur, l-effiċjenza, it-tul tal-ħajja, u t-tħaddim stabbli ta’ dawk il-lampi speċifiċi.

(6)

Il-Kummissjoni rċeviet applikazzjoni għat-tiġdid tal-eżenzjoni (“l-applikazzjoni għat-tiġdid”) fil-15 ta’ Jannar 2015, jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE. Applikazzjoni għat-tiġdid imġedda ntbagħtet fl-20 ta’ Jannar 2020. F’konformità mal-Artikolu 5(5) ta’ dik id-Direttiva, l-eżenzjoni tibqa’ valida sa meta tiġi adottata deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjoni għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li attwalment is-sostituzzjoni jew l-eliminazzjoni tal-merkurju fl-applikazzjonijiet ikkonċernati mhix prattikabbli teknikament. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(8)

L-eżenzjoni hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(9)

Għalhekk jixraq li jingħata t-tiġdid tal-eżenzjoni għal perjodu massimu ta’ ħames snin, f’konformità mal-ewwel subparagrafu tal-Artikolu 5(2) tad-Direttiva 2011/65/UE. Fid-dawl tar-riżultati tal-isforzi kontinwi biex tinstab sostituzzjoni affidabbli, x’aktarx li t-tul ta’ żmien tal-eżenzjoni mhux se jkollu impatti avversi fuq l-innovazzjoni.

(10)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi oħra bi skarika elettrika għal finijiet speċjali mhux imsemmija speċifikament (“l-eżenzjoni”), li issa hija elenkata bħala l-eżenzjoni 4(f) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-funzjoni tal-merkurju fil-lampi tal-gass bi skarika elettrika għal finijiet speċjali hija relatata mal-proċess ta’ ġenerazzjoni tad-dawl għall-konverżjoni tal-elettriku f’dawl.

(6)

Il-Kummissjoni rċeviet diversi applikazzjonijiet għat-tiġdid tal-eżenzjoni (“l-applikazzjonijiet għat-tiġdid”) fil-15 ta’ Jannar 2015, jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE. F’konformità mal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tittieħed deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjonijiet għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li attwalment is-sostituzzjoni jew l-eliminazzjoni tal-merkurju fl-applikazzjonijiet ikkonċernati mill-eżenzjoni mhix prattikabbli teknikament. Madankollu, minħabba l-prospetti ta’ sostituzzjoni li jillimitaw l-eżenzjoni fil-futur, jixraq li jingħata t-tiġdid tal-eżenzjoni għal perjodu ta’ tliet snin biss. L-evalwazzjoni kkonkludiet ukoll li huwa possibbli li jiġu definiti iktar l-applikazzjonijiet li jikkwalifikaw għal tiġdid tal-eżenzjoni f’konformità mal-kriterji stabbiliti fl-Artikolu 5(1)(a) tad-Direttiva 2011/65/UE minħabba l-funzjonalità tagħhom u l-qasam ta’ applikazzjoni, jiġifieri lampi tal-merkurju (gass) taħt pressjoni għolja li jintużaw fil-projetturi, li jintużaw għat-tidwil tal-ortikultura u li jemetti dawl fl-ispettru ultravjola. Għal dawk l-applikazzjonijiet speċifiċi, l-eżenzjoni jenħtieġ li tiġġedded għal perjodu massimu ta’ ħames snin. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(8)

L-eżenzjoni hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(9)

Fid-dawl tar-riżultati tal-isforzi kontinwi biex tinstab sostituzzjoni affidabbli, x’aktarx li t-tul ta’ żmien tal-eżenzjoni mhux se jkollu impatti avversi fuq l-innovazzjoni.

(10)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi oħra bi skarika elettrika taħt pressjoni baxxa (“l-eżenzjoni”), li issa hija elenkata bħala l-eżenzjoni 4(a) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-merkurju jintuża fil-lampi bi skarika elettrika taħt pressjoni baxxa biex jiġi prodott dawl ultravjola li jintuża għad-diżinfezzjoni/għall-purifikazzjoni ultravjola tal-ġermi jew tal-batterji mill-ajru, mill-ilma u mis-superfiċi.

(6)

Fid-19 ta’ Diċembru 2014 u fil-15 ta’ Jannar 2015, il-Kummissjoni rċeviet żewġ applikazzjonijiet għat-tiġdid tal-eżenzjoni (“l-applikazzjoni għat-tiġdid”), jiġifieri fiż-żmien stabbilit fl-Artikolu 5(5) tad-Direttiva 2011/65/UE, u waħda minnhom ġiet aġġornata b’applikazzjoni mġedda fl-20 ta’ Jannar 2020. F’konformità mal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tittieħed deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjoni għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li attwalment l-eliminazzjoni tal-merkurju fl-applikazzjonijiet ikkonċernati jew is-sostituzzjoni tiegħu b’sustanza b’prestazzjoni komparabbli attwalment mhijiex prattikabbli teknikament. Dik l-evalwazzjoni kkonkludiet ukoll li l-kamp ta’ applikazzjoni attwali tal-eżenzjoni jista’ jiġi limitat biex ikopri l-lampi bi skarika elettrika taħt pressjoni baxxa u li jemettu dawl fil-medda ultravjola. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawn il-konsultazzjonijiet saru disponibbli għall-pubbliku fuq sit web apposta.

(8)

L-eżenzjoni hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(9)

Għalhekk jixraq li jingħata t-tiġdid tal-eżenzjoni, b’formulazzjoni reveduta, filwaqt li jiġi stabbilit l-kamp ta’ applikazzjoni limitat tal-eżenzjoni, għal perjodu massimu ta’ ħames snin, f’konformità mal-ewwel subparagrafu tal-Artikolu 5(2) tad-Direttiva 2011/65/UE. F’konformità mal-Artikolu 5(6) tad-Direttiva 2011/65/UE, jenħtieġ li tiġi stabbilita data tal-iskadenza ta’ 12-il xahar għall-eżenzjoni 4(a) attwali. Fid-dawl tar-riżultati tal-isforzi kontinwi biex tinstab sostituzzjoni affidabbli, x’aktarx li t-tul ta’ żmien tal-eżenzjoni mhux se jkollu impatti avversi fuq l-innovazzjoni.

(10)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku (EEE) imqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi fluworexxenti (kompatti) b’kappa waħda għal finijiet speċjali (“l-eżenzjoni”), li issa hija elenkata bħala l-eżenzjoni 1(f) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-merkurju jintuża fil-lampi fluworexxenti (kompatti) b’kappa waħda (CFL) għal finijiet speċjali sabiex jiġi prodott dawl ultravjola, li mbagħad jiġi kkonvertit f’dawl viżibbli mill-kisi fluworexxenti fuq il-bozza tal-lampa.

(6)

Fid-19 ta’ Diċembru 2014 u fil-15 ta’ Jannar 2015, il-Kummissjoni rċeviet żewġ applikazzjonijiet għat-tiġdid tal-eżenzjoni (“l-applikazzjonijiet għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, u waħda minnhom ġiet aġġornata b’applikazzjoni mġedda fl-20 ta’ Jannar 2020. F’konformità mat-tieni subparagrafu tal-Artikolu 5(5) tad-Direttiva 2011/65/UE, eżenzjoni tibqa’ valida sa meta tittieħed deċiżjoni dwar it-talba għat-tiġdid.

(7)

L-evalwazzjoni tal-applikazzjonijiet għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li attwalment l-eliminazzjoni tal-merkurju fl-applikazzjonijiet ikkonċernati jew is-sostituzzjoni tiegħu b’sustanza b’prestazzjoni komparabbli attwalment mhijiex prattikabbli teknikament. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(8)

L-eżenzjonijiet mir-restrizzjoni għal ċerti materjali jew komponenti speċifiċi jenħtieġ li jkunu limitati fil-kamp ta’ applikazzjoni u t-tul ta’ żmien tagħhom, sabiex tinkiseb eliminazzjoni gradwali tas-sustanzi perikolużi fl-EEE, u l-valutazzjoni kkonkludiet ukoll li, minn naħa, il-kamp ta’ applikazzjoni tal-eżenzjoni jenħtieġ li jiddejjaq għal iktar applikazzjonijiet speċifikati u, min-naħa l-oħra, it-tul ta’ żmien tal-eżenzjoni wiesgħa attwali jista’ jitqassar.

(9)

L-eżenzjoni hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(10)

Għalhekk jixraq li jingħata t-tiġdid tal-eżenzjoni għal perjodu massimu ta’ ħames snin, f’konformità mal-ewwel subparagrafu tal-Artikolu 5(2) tad-Direttiva 2011/65/UE, għal lampi CFL għal finijiet speċjali ddisinjati biex jemettu dawl fl-ispettru ultravjola, peress li ma hemm l-ebda alternattiva affidabbli disponibbli attwalment. Għat-tipi kollha l-oħra ta’ lampi CFL li jaqgħu fil-kategorija ta’ lampi CFL għal finijiet speċjali, l-eżenzjoni jenħtieġ li tiġġedded għal tliet snin, biex l-industrija tkun tista’ tħejji l-informazzjoni dettaljata li tiġġustifika l-kontinwazzjoni ta’ din l-eżenzjoni għal kategoriji speċifikati ta’ lampi speċjali, skont l-għan tad-Direttiva li l-eżenzjonijiet jenħtieġ li jkunu limitati fil-kamp ta’ applikazzjoni u t-tul ta’ żmien tagħhom. Fid-dawl tar-riżultati tal-isforzi kontinwi biex tinstab sostituzzjoni affidabbli, x’aktarx li t-tul ta’ żmien tal-eżenzjoni mhux se jkollu impatti avversi fuq l-innovazzjoni.

(11)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi mhux lineari b’fosforu bi tliet frekwenzi b’dijametru tat-tubu ta’ > 17 mm (eż. T9) (“l-eżenzjoni”), li issa hija elenkata bħala l-eżenzjoni 2(b)(3) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-merkurju jintuża f’lampi mhux lineari b’fosforu bi tliet frekwenzi sabiex jiġi prodott dawl ultravjola, li mbagħad jiġi kkonvertit f’dawl viżibbli mill-kisi fluworexxenti fuq il-lampa. Il-kompożizzjoni tal-kisi, li fiha l-merkurju, tiddetermina l-kulur tad-dawl u l-apparenza tal-kulur.

(6)

Fid-19 ta’ Diċembru 2014 u fil-15 ta’ Jannar 2015, il-Kummissjoni rċeviet żewġ applikazzjonijiet għat-tiġdid tal-eżenzjoni (“l-applikazzjoni għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, u waħda minnhom ġiet aġġornata b’applikazzjoni addizzjonali f’Jannar 2020. F’konformità mal-Artikolu 5(5) tad-Direttiva 2011/65/UE, eżenzjoni tibqa’ valida sa meta tittieħed deċiżjoni dwar it-talba għat-tiġdid.

(7)

L-evalwazzjoni tal-applikazzjoni għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li attwalment is-sostituzzjoni jew l-eliminazzjoni tal-merkurju fl-applikazzjonijiet ikkonċernati mhix prattikabbli teknikament. Dik l-valutazzjoni kkonkludiet ukoll li l-limitu tal-konċentrazzjoni tal-merkurju fil-kategoriji ta’ lampi koperti minn dik l-eżenzjoni jista’ jitnaqqas minn 15 mg għal 10 mg għal kull lampa. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(8)

L-eżenzjoni hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(9)

Għalhekk jixraq li jingħata t-tiġdid tal-eżenzjoni, b’formulazzjoni reveduta, filwaqt li jiġi stabbilit l-kamp ta’ applikazzjoni limitat tal-eżenzjoni, għal perjodu ta’ tliet snin, f’konformità mal-ewwel subparagrafu tal-Artikolu 5(2) tad-Direttiva 2011/65/UE, sabiex tinġabar iktar data relatata mad-disponibbiltà ta’ sostituti għat-tipi ta’ lampi speċifiċi koperti minn dik l-eżenzjoni. F’konformità mal-Artikolu 5(6) tad-Direttiva 2011/65/UE, jenħtieġ li tiġi stabbilita data tal-iskadenza ta’ 12-il xahar għall-eżenzjoni 2(b)(3) attwali. Fid-dawl tar-riżultati tal-isforzi kontinwi biex tinstab sostituzzjoni affidabbli, x’aktarx li t-tul ta’ żmien tal-eżenzjoni mhux se jkollu impatti avversi fuq l-innovazzjoni.

(10)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi (gass) tas-Sodju Taħt Pressjoni Għolja għal finijiet ta’ tidwil ġenerali li ma jaqbżux (għal kull burner) f’lampi b’indiċi tal-apparenza tal-kulur imtejjeb ta’ Ra > 60 (“l-eżenzjoni”), li issa hija elenkata bħala l-eżenzjoni 4(b)–I, 4(b)–II u 4(b)–III fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-merkurju jintuża f’lampi tas-Sodju (gass) ta’ Pressjoni Għolja għall-proprjetajiet tal-kulur tad-dawl u tal-għoti tal-kulur.

(6)

F’Jannar 2015, il-Kummissjoni rċeviet applikazzjoni għat-tiġdid tal-eżenzjoni għall-applikazzjonijiet fl-entrati 4(b)–I, 4(b)–II u 4(b)–III (“l-applikazzjoni għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE. F’Jannar 2020, l-istess applikant ressaq applikazzjoni għat-tiġdid aġġornata rigward l-entrata 4(b)–I biss. F’konformità mal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tittieħed deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjoni għat-tiġdid, li qieset id-disponibbiltà ta’ sostituti u l-impatt soċjoekonomiku tas-sostituzzjoni, ikkonkludiet li s-sostituzzjoni jew l-eliminazzjoni tal-merkurju fl-applikazzjonijiet ikkonċernati kienu prattikabbli xjentifikament u teknikament fir-rigward ta’ parti tal-entrata 4(b)–I, kif ukoll l-entrati 4(b)–II u 4(b)–III tal-Anness III tad-Direttiva 2011/65/UE. Madankollu, l-evalwazzjoni kkonkludiet li l-eżenzjoni jenħtieġ li tiġġedded għall-parti tal-entrata 4(b)–I rigward il-lampi b’apparenza tal-kulur għolja iktar minn 80, ugwali għal 105 W jew inqas u li, filwaqt li l-użu tal-merkurju għadu meħtieġ, li tista’ titnaqqas iktar. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(8)

Għalhekk jixraq li tiġġedded parti mill-eżenzjoni 4(b)–I, b’numerazzjoni mill-ġdid bħala l-entrata tal-eżenzjoni 4(b), għal perjodu massimu ta’ ħames snin f’konformità mal-ewwel subparagrafu tal-Artikolu 5(2) tad-Direttiva 2011/65/UE. Din l-eżenzjoni mġedda għandu jkollha formulazzjoni reveduta li tistabbilixxi l-kamp ta’ applikazzjoni iktar limitat tal-eżenzjoni. Fid-dawl tar-riżultati tal-isforzi kontinwi biex jinstab sostitut affidabbli, it-tul ta’ żmien tal-eżenzjoni x’aktarx li ma jkollux impatti avversi fuq l-innovazzjoni.

(9)

L-eżenzjoni mġedda hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(10)

Peress li l-kundizzjonijiet għat-tiġdid tal-eżenzjoni, stabbiliti fl-Artikolu 5(1)(a) tad-Direttiva 2011/65/UE, mhumiex issodisfati iktar għall-applikazzjonijiet elenkati fil-kumplament tal-entrata 4(b)–I kif ukoll fl-entrati 4(b)–II u 4(b)–III tal-Anness III ta’ dik id-Direttiva, l-eżenzjoni għal dawk l-applikazzjonijiet jenħtieġ li tiġi rrevokata. Jenħtieġ li jiġu stabbiliti dati tal-iskadenza għall-eżenzjonijiet f’konformità mal-Artikolu 5(6) tad-Direttiva 2011/65/UE.

(11)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III tad-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju fil-lampi fluworexxenti lineari b’żewġ kapep għal finijiet ta’ tidwil ġenerali (“l-eżenzjoni”), li issa hija elenkata bħala l-eżenzjoni 2(a)(1), 2(a)(2), 2(a)(3), 2(a)(4) u 2(a)(5) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mat-tieni subparagrafu tal-Artikolu 5(2)(a) ta’ dik id-Direttiva.

(5)

Il-merkurju jintuża fil-lampi fluworexxenti lineari b’żewġ kapep għal finijiet ta’ tidwil ġenerali sabiex jiġi prodott dawl ultravjola, li mbagħad jiġi kkonvertit f’dawl viżibbli mill-kisi fluworexxenti fuq il-lampa.

(6)

Fid-19 ta’ Diċembru 2014 u fil-15 ta’ Jannar 2015, il-Kummissjoni rċeviet żewġ applikazzjonijiet għat-tiġdid tal-eżenzjoni (“l-applikazzjonijiet għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, u waħda minnhom ġiet aġġornata b’applikazzjoni mġedda fl-20 ta’ Jannar 2020. F’konformità mat-tieni subparagrafu, tal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tittieħed deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjonijiet għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li s-sostituti ħielsa mill-merkurju li huma affidabbli biżżejjed għat-tipi ta’ lampi koperti mill-eżenzjoni saru disponibbli u li s-sostituzzjoni tal-merkurju f’dawn il-lampi hija prattikabbli xjentifikament u teknikament. Barra minn hekk, dik l-evalwazzjoni kkonkludiet li huwa ċar li l-benefiċċji tas-sostituzzjoni jikkumpensaw għal kwalunkwe impatt negattiv.

(8)

L-evalwazzjoni tal-applikazzjonijiet għat-tiġdid kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(9)

Ladarba l-kundizzjonijiet stabbiliti fil-punt (a) tal-Artikolu 5(1) tad-Direttiva 2011/65/UE ma għadhomx issodisfati iktar, l-applikazzjoni għat-tiġdid jenħtieġ li tiġi rrifjutata. Id-dati tal-iskadenza għall-eżenzjoni jenħtieġ li jiġu stabbiliti f’konformità mal-Artikolu 5(6) ta’ dik id-Direttiva.

(10)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Skont l-Artikolu 300(3) tat-Trattat, il-Kumitat tar-Reġjuni għandu jkun kompost minn rappreżentanti tal-korpi reġjonali u lokali, li jew ikollhom mandat elettorali ta’ awtorità reġjonali jew lokali jew ikunu politikament responsabbli quddiem assemblea eletta.

(2)

Fl-10 ta’ Diċembru 2019, il-Kunsill adotta d-Deċiżjoni (UE) 2019/2157 (2), li taħtar il-membri u l-membri supplenti tal-Kumitat tar-Reġjuni għall-perijodu mis-26 ta’ Jannar 2020 sal-25 ta’ Jannar 2025.

(3)

Konsegwentement għal tmiem il-mandat nazzjonali li abbażi tiegħu ġew proposti għall-ħatra s-Sur Joseph CORDINA u s-Sur Paul FARRUGIA saru vakanti s-siġġijiet ta’ żewġ membri fil-Kumitat tar-Reġjuni.

(4)

Siġġu ta’ membru supplenti fil-Kumitat tar-Reġjuni kien ilu vakanti mis-26 ta’ Jannar 2020.

(5)

Il-Gvern Malti ppropona r-rappreżentanti li ġejjin ta’ korpi reġjonali jew lokali li għandhom mandat elettorali ta’ awtorità reġjonali jew lokali bħala membri fil-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025: Is-Sur Paul FARRUGIA, Reġjun Port – President, u s-Sur Mark GRECH, Kunsill Lokali Ħaż-Żabbar – Kunsillier Lokali.

(6)

Il-Gvern Malti ppropona wkoll lis-Sur Stephen SULTANA, rappreżentant ta’ korp lokali li għandu mandat elettorali ta’ awtorità lokali, Kunsill Lokali Santa Venera – Sindku, bħala membru supplenti fil-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025, fir-rigward tas-siġġu vakanti msemmi hawn fuq,

(1)

Skont l-Artikolu 300(3) tat-Trattat, il-Kumitat tar-Reġjuni għandu jkun kompost minn rappreżentanti tal-korpi reġjonali u lokali, li jew ikollhom mandat elettorali ta’ awtorità reġjonali jew lokali jew ikunu politikament responsabbli quddiem assemblea eletta.

(2)

Fl-10 ta’ Diċembru 2019, il-Kunsill adotta d-Deċiżjoni (UE) 2019/2157 (2), li taħtar il-membri u l-membri supplenti tal-Kumitat tar-Reġjuni għall-perijodu mis-26 ta’ Jannar 2020 sal-25 ta’ Jannar 2025.

(3)

Konsegwentement għar-riżenja tas-Sur Michael SCHNEIDER, sar vakanti siġġu ta’ membru fil-Kumitat tar-Reġjuni.

(4)

Il-Gvern Ġermaniż ippropona lis-Sur Sven SCHULZE, rappreżentant ta’ korp reġjonali jew lokali li huwa politikament responsabbli quddiem assemblea eletta, Minister für Wirtschaft, Tourismus, Landwirtschaft und Forsten des Landes Sachsen-Anhalt (Ministru għall-Affarijiet Ekonomiċi, it-Turiżmu, l-Agrikoltura u l-Forestrija tal-Istat Federali tas-Sassonja-Anhalt), bħala membru tal-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Permezz tad-Deċiżjoni 2010/571/UE (2), il-Kummissjoni tat, fost affarijiet oħra, eżenzjoni għall-użu tal-merkurju f’lampi fluworexxenti lineari oħra għal finijiet oħra ta’ tidwil ġenerali u għal finijiet speċjali oħra (eż. lampi tal-induzzjoni)(“l-eżenzjoni”), li issa hija elenkata bħala l-eżenzjoni 2(b)(4) fl-Anness III tad-Direttiva 2011/65/UE. L-eżenzjoni kellha tiskadi fil-21 ta’ Lulju 2016, f’konformità mal-punt (a) tat-tieni subparagrafu tal-Artikolu 5(2) ta’ dik id-Direttiva.

(5)

L-eżenzjoni tkopri grupp mhux omoġenju ta’ lampi b’għamliet, teknoloġiji, applikazzjonijiet u finijiet differenti. Il-merkurju jintuża fit-tubu bi skarika, li huwa essenzjali biex l-enerġija elettrika tiġi kkonvertita f’dawl.

(6)

Fil-15 ta’ Jannar 2015, il-Kummissjoni rċeviet applikazzjoni għat-tiġdid tal-eżenzjoni (“l-applikazzjoni għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, li ġiet aġġornata fl-20 ta’ Jannar 2020 b’applikazzjoni għat-tiġdid addizzjonali. F’konformità mal-Artikolu 5(5) ta’ dik id-Direttiva, l-eżenzjoni tibqa’ valida sa meta tittieħed deċiżjoni dwar l-applikazzjoni għat-tiġdid.

(7)

L-evalwazzjoni tal-applikazzjoni għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li attwalment is-sostituzzjoni jew l-eliminazzjoni tal-merkurju fl-applikazzjonijiet ikkonċernati mhix prattikabbli teknikament. Dik l-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawk il-konsultazzjonijiet saru disponibbli għall-pubbliku fuq sit web apposta.

(8)

L-eżenzjoni hija konsistenti mar-Regolament (KE) Nru 1907/2006 tal-Parlament Ewropew u tal-Kunsill (3) u għalhekk ma ddgħajjifx il-protezzjoni tal-ambjent u tas-saħħa mogħtija minnu.

(9)

Għalhekk jixraq li jingħata t-tiġdid tal-eżenzjoni meta jitqies l-għan ġenerali li l-eżenzjonijiet mir-restrizzjoni għal ċerti materjali jew komponenti speċifiċi jenħtieġ li jkunu limitati fil-kamp ta’ applikazzjoni u t-tul ta’ żmien tagħhom, sabiex tinkiseb eliminazzjoni gradwali tas-sustanzi perikolużi fl-EEE.

(10)

Sabiex tkun tista’ ssir rivalutazzjoni f’waqtha tad-disponibbiltà ta’ lampi ta’ sostituzzjoni ħielsa mill-merkurju għall-varjetà wiesgħa ta’ tipi ta’ lampi koperti minn din l-eżenzjoni, jixraq li jingħata t-tiġdid tal-eżenzjoni għal perjodu limitat ta’ tliet snin. Madankollu, għal kategoriji ta’ lampi speċifiċi, b’mod partikolari l-lampi li jemettu dawl fl-ispettru mhux viżibbli (is-subentrata 2(b)(4)–II ġdida tal-Anness III) u l-lampi ta’ emerġenza (is-subentrata 2(b)(4)–III ġdida tal-Anness III), hemm informazzjoni suffiċjenti li s-sostituzzjoni mhijiex prattikabbli teknikament fis-snin li ġejjin u għal dawk il-kategoriji ta’ lampi, perjodu ta’ validità ta’ ħames snin għandu jkun ġġustifikat, f’konformità mal-ewwel subparagrafu tal-Artikolu 5(2) tad-Direttiva 2011/65/UE. Fid-dawl tar-riżultati tal-isforzi kontinwi biex tinstab sostituzzjoni affidabbli, x’aktarx li t-tul ta’ żmien tal-eżenzjoni mhux se jkollu impatti avversi fuq l-innovazzjoni.

(11)

Għalhekk, jenħtieġ li d-Direttiva 2011/65/UE tiġi emendata skont dan,

(1)

Id-Deċiżjoni Nru 1313/2013/UE tistabbilixxi l-qafas legali tar-rescEU. Ir-rescEU hija riżerva ta’ kapaċitajiet fil-livell tal-Unjoni li għandha l-għan li tipprovdi assistenza f’sitwazzjonijiet ta’ urġenza partikolari fejn il-kapaċitajiet eżistenti ġenerali fil-livell nazzjonali u dawk impenjati mill-Istati Membri għar-Riżerva Ewropea ta’ Protezzjoni Ċivili ma jkunux jistgħu jiżguraw rispons effettiv għal diżastri naturali u dawk ikkawżati mill-bniedem.

(2)

F’konformità mal-Artikolu 12(2) tad-Deċiżjoni Nru 1313/2013/UE, il-kapaċitajiet tar-rescEU għandhom jiġu ddeterminati billi jitqiesu r-riskji identifikati u dawk emerġenti, il-kapaċitajiet ġenerali u l-lakuni fil-livell tal-Unjoni. Hemm erba’ oqsma li fuqhom jenħtieġ li r-rescEU tiffoka b’mod partikolari, jiġifieri t-tifi tan-nar fil-foresti mill-ajru, inċidenti kimiċi, bijoloġiċi, radjoloġiċi u nukleari (chemical, biological, radiological and nuclear, “CBRN”), ir-rispons mediku ta’ emerġenza, kif ukoll it-trasport u l-loġistika.

(3)

Id-Deċiżjoni ta’ Implimentazzjoni tal-Kummissjoni (UE) 2019/570 (2) tistabbilixxi l-kompożizzjoni inizjali tar-rescEU f’termini ta’ kapaċitajiet u r-rekwiżiti ta’ kwalità tagħha. S’issa, ir-riżerva tar-rescEU tikkonsisti f’kapaċitajiet ta’ tifi tan-nar fil-foresti mill-ajru, kapaċitajiet ta’ evakwazzjoni medika mill-ajru, timijiet mediċi ta’ emerġenza, il-ħażna ta’ tagħmir mediku jew tagħmir protettiv personali (“kapaċitajiet ta’ ħażna medika”), jew it-tnejn li huma, kapaċitajiet ta’ dekontaminazzjoni CBRN u kapaċitajiet ta’ ħażna CBRN.

(4)

Analiżi tar-riskji identifikati u emerġenti kif ukoll tal-kapaċitajiet u l-lakuni fil-livell tal-Unjoni tiżvela l-ħtieġa għal kapaċitajiet ta’ kenn temporanju.

(5)

Il-ħtieġa li jiġu indirizzati l-lakuni kwalitattivi u kwantitattivi fil-kapaċitajiet ta’ kenn ġiet identifikata f’diversi operazzjonijiet tal-Mekkaniżmu tal-Unjoni għall-Protezzjoni Ċivili (“il-Mekkaniżmu tal-Unjoni”) matul dawn l-aħħar snin, u kienet riflessa fl-“Evaluation Study of Definitions, Gaps and Cost of Response Capacities for the Union Civil Protection Mechanism” (3) (Studju ta’ Evalwazzjoni ta’ Definizzjonijiet, Lakuni u l-Kost ta’ Kapaċitajiet ta’ Rispons għall-Mekkaniżmu tal-Unjoni għall-Protezzjoni Ċivili) tal-2019. Barra minn hekk, l-esperjenza operazzjonali mit-terremoti li laqtu lill-Kroazja f’Marzu 2020 u f’Diċembru 2020 ikkonfermat il-lakuna għal kapaċitajiet ta’ kenn minkejja operazzjonijiet ta’ rispons fil-pront fil-qafas tal-Mekkaniżmu tal-Unjoni li fihom ipparteċipaw diversi Stati Membri.

(6)

L-għan ewlieni tal-kapaċità ta’ kenn temporanju tar-rescEU, meta tiġi skjerata matul operazzjoni ta’ rispons fil-qafas tal-Mekkaniżmu tal-Unjoni, huwa li tipprovdi kenn temporanju lill-popolazzjonijiet affettwati, li jinkludi spazju għall-akkomodazzjoni, għall-iġjene u s-sanità, għas-servizzi mediċi bażiċi u għal-laqgħat soċjali.

(7)

Jenħtieġ li l-kapaċità ta’ kenn temporanju tar-rescEU tikkonsisti f’riżerva fiżika ta’ assi ta’ kwalità għolja għal rispons rapidu jew riżerva virtwali ta’ assi modifikabbli li jistgħu jiġu skjerati f’fażi sussegwenti meta meħtieġa għal operazzjonijiet ta’ rispons fil-qafas tal-Mekkaniżmu tal-Unjoni, jew it-tnejn li huma.

(8)

Skont l-Artikolu 12(4) tad-Deċiżjoni Nru 1313/2013/UE, ir-rekwiżiti ta’ kwalità għall-kapaċitajiet ta’ rispons li jiffurmaw parti mir-rescEU għandhom jiġu definiti f’konsultazzjoni mal-Istati Membri. Jenħtieġ li l-istandards minimi għal kapaċitajiet ta’ kenn temporanju jkunu bbażati fuq l-istandards ta’ kenn fil-kapitlu “Shelter and Settlement” (Kenn u Insedjament) tal-iSphere Handbook (Il-Manwal Sphere) (4).

(9)

Jenħtieġ li l-kapaċitajiet ta’ kenn temporanju jiġu stabbiliti biex jirrispondu għal riskji ta’ probabbiltà baxxa b’impatt għoli, f’konformità mal-kategoriji msemmija fl-Artikolu 3d tad-Deċiżjoni ta’ Implimentazzjoni (UE) 2019/570 u wara konsultazzjoni mal-Istati Membri.

(10)

Sabiex tingħata assistenza finanzjarja mill-Unjoni għall-iżvilupp ta’ dawn il-kapaċitajiet ta’ kenn temporanju, f’konformità mal-Artikolu 21(3) tad-Deċiżjoni Nru 1313/2013/UE, jenħtieġ li l-kostijiet eliġibbli jiġu stabbiliti billi jitqiesu l-kategoriji stipulati fl-Anness Ia ta’ din id-Deċiżjoni.

(11)

L-inizjattiva tat-Tim Mediku ta’ Emerġenza tal-Organizzazzjoni Dinjija tas-Saħħa (WHO) reċentement irrevediet l-istandards (5) għall-kapaċitajiet tat-Tim Mediku ta’ Emerġenza tat-tip 3 (Kura Inpatient b’Riferiment). Għaldaqstant, jenħtieġ li r-rekwiżiti ta’ kwalità għal dan it-tip ta’ Tim Mediku ta’ Emerġenza tar-rescEU jiġu mmodifikati kif xieraq.

(12)

Ir-riflessjonijiet fuq it-tagħlimiet meħuda mill-kriżi tal-COVID-19 komplew juru l-ħtieġa għal aktar flessibbiltà u modularità tal-kapaċitajiet tat-tim mediku ta’ emerġenza tar-rescEU. Għaldaqstant, jenħtieġ li r-rescEU jinkludi kapaċitajiet tat-Tim Mediku ta’ Emerġenza tat-tip 2 (Kura Inpatient Kirurġika ta’ Emerġenza) ikkomplementati minn servizzi ta’ kura speċjalizzata, f’konformità mal-istandards tal-inizjattiva tat-Tim Mediku ta’ Emerġenza tad-WHO.

(13)

Għaldaqstant jenħtieġ li d-Deċiżjoni ta’ Implimentazzjoni (UE) 2019/570 tiġi emendata kif xieraq.

(14)

Il-miżuri previsti f’din id-Deċiżjoni huma f’konformità mal-opinjoni tal-kumitat imsemmi fl-Artikolu 33(1) tad-Deċiżjoni Nru 1313/2013/UE,

(1)

Il-Bulgarija, iċ-Ċekja, id-Danimarka, Franza, l-Italja, il-Finlandja u ċ-Ċentru Internazzjonali għall-Istudji Agronomiċi Mediterranji Avvanzati ppreżentaw applikazzjoni lill-Kummissjoni biex jiġi stabbilit l-ERIC Analiżi u Esperimentazzjoni fuq l-Ekosistemi(AnaEE-ERIC) (“l-applikazzjoni”). Il-Belġju ħabbar id-deċiżjoni tiegħu li jipparteċipa fl-AnaEE-ERIC inizjalment bħala osservatur.

(2)

L-applikanti qablu li Franza tkun l-Istat Membru ospitanti tal-AnaEE- ERIC.

(3)

Ir-Regolament (KE) Nru 723/2009 ġie inkorporat fil-Ftehim dwar iż-Żona Ekonomika Ewropea (ŻEE) permezz tad-Deċiżjoni tal-Kumitat Konġunt taż-ŻEE Nru 72/2015 (2).

(4)

Il-Kummissjoni vvalutat l-applikazzjoni skont l-Artikolu 5(2) tar-Regolament (KE) Nru 723/2009 u kkonkludiet li din tissodisfa r-rekwiżiti stabbiliti f’dak ir-Regolament. Matul il-valutazzjoni l-Kummissjoni kisbet il-fehmiet ta’ esperti indipendenti fil-qasam tal-Analiżi u l-Esperimentazzjoni fuq l-Ekosistemi.

(5)

Il-miżuri previsti f’din id-Deċiżjoni huma skont l-opinjoni tal-Kumitat stabbilit fl-Artikolu 20 tar-Regolament (KE) Nru 723/2009.

(1)

Fit-30 ta’ Ġunju 2020, il-Kunsill adotta r-Rakkomandazzjoni (UE) 2020/912 dwar ir-restrizzjoni temporanja fuq vjaġġar mhux essenzjali lejn l-UE u t-tneħħija possibbli ta’ tali restrizzjoni (1).

(2)

Fit-2 ta’ Frar 2021, il-Kunsill emenda r-Rakkomandazzjoni (UE) 2020/912 dwar ir-restrizzjoni temporanja fuq vjaġġar mhux essenzjali lejn l-UE (2) u t-tneħħija possibbli ta’ tali restrizzjoni sabiex jaġġorna l-kriterji użati biex jiġi vvalutat jekk vjaġġar mhux essenzjali minn pajjiżi terzi huwiex sikur u jekk dan jenħtieġx li jkun permess.

(3)

L-istess emenda introduċiet mekkaniżmi biex trażżan it-tixrid tal-varjanti ta’ tħassib tal-virus SARS-CoV-2 fl-UE (3).

(4)

Fl-20 ta’ Mejju 2021, il-Kunsill emenda r-Rakkomandazzjoni (UE) 2020/912 (4) biex iqis il-varar u l-effetti pożittivi tal-kampanji ta’ tilqim biex jillimitaw it-tixrid tal-virus, kif ukoll biex ikompli jillimita l-importazzjoni u t-tixrid fl-UE tal-varjanti ta’ interess u ta’ tħassib emerġenti.

(5)

Fl-14 ta’ Ġunju 2021, il-Parlament u l-Kunsill adottaw ir-Regolamenti (UE) 2021/953 (5) u (UE) 2021/954 (6) dwar iċ-Ċertifikat COVID Diġitali tal-UE. Iċ-Ċertifikat COVID Diġitali tal-UE wera li huwa għodda fundamentali biex in-nies jerġgħu jitħallew jivvjaġġaw fl-UE.

(6)

Minn mindu ġie adottat ir-Regolament (UE) 2021/953, il-Kummissjoni adottat diversi atti ta’ implimentazzjoni li jistabbilixxu li ċ-ċertifikati COVID-19 maħruġa minn ċertu pajjiż terz għandhom jitqiesu ekwivalenti għaċ-ċertifikati maħruġa mill-Istati Membri f’konformità ma’ dak ir-Regolament. Għalhekk, iċ-ċertifikati tat-tilqim, tal-irkupru u tal-ittestjar koperti minn tali atti ta’ implimentazzjoni jistgħu jiġu awtentikati b’mod sigur u affidabbli. Għalhekk, iċ-Ċertifikat COVID Diġitali tal-UE, u b’mod partikolari d-deċiżjonijiet ta’ implimentazzjoni adottati abbażi ta’ dan, ukoll iffaċilitaw il-ftuħ mill-ġdid sikur tal-ivvjaġġar minn pajjiżi terzi lejn l-UE. (7)

(7)

L-approċċ attwali stabbilit fir-Rakkomandazzjoni (UE) 2020/912 jenħtieġ li jiġi aġġornat biex iqis l-istabbiliment taċ-ċertifikat COVID Diġitali tal-UE kif ukoll iqis l-evoluzzjoni tal-pandemija, inkluż il-feġġ tal-varjant ta’ tħassib Omicron, iż-żieda fit-teħid tat-tilqima u t-tneħħija progressiva tar-restrizzjonijiet fuq l-ivvjaġġar madwar id-dinja.

(8)

Fit-22 ta’ Ottubru 2021, il-Kunsill Ewropew, fil-konklużjonijiet tiegħu u fid-dawl tal-iżvilupp tas-sitwazzjoni epidemjoloġika, appella għal aktar koordinazzjoni biex jiġi ffaċilitat il-moviment liberu ġewwa l-UE u l-ivvjaġġar lejha, u għal reviżjoni taż-żewġ Rakkomandazzjonijiet, inkluż ir-Rakkomandazzjoni tal-Kunsill (UE) 2020/912.

(9)

Jenħtieġ li l-perijodu standard ta’ aċċettazzjoni għaċ-ċertifikati tat-tilqim maħruġa minn pajjiżi terzi wara t-tlestija ta’ sensiela ta’ tilqim primarju jkun ta’ 270 jum. Sabiex jiġi żgurat approċċ koordinat, jenħtieġ li l-Istati Membri ma jaċċettawx ċertifikati tat-tilqim maħruġa wara t-tlestija tas-sensiela ta’ tilqim primarju jekk ikunu għaddew aktar minn 270 jum minn meta tingħata d-doża indikata fihom. F’dan il-każ, jenħtieġ li l-Istati Membri jaċċettaw ċertifikati tat-tilqim li jindikaw li tkun ittieħdet doża addizzjonali wara t-tlestija tas-serje primarja tat-tilqim.

(10)

Biex jiġi ffaċilitat aktar l-ivvjaġġar sikur lejn l-UE, jenħtieġ li l-livell limitu għar-rata kumulattiva fuq 14-il jum tan-notifiki tal-każijiet ta’ COVID-19 jiżdied minn 75 għal 100 għal kull 100 000 abitant. Fl-istess ħin, kif ukoll biex jitqies it-titjib fil-kapaċitajiet ta’ ttestjar kważi sentejn wara li feġġ il-virus għall-ewwel darba, jenħtieġ ukoll li r-rata minima ta’ ttestjar meħtieġa fil-ġimgħa tiżdied minn 300 test għal 600 test għal kull 100 000 abitant. Jenħtieġ li dan ikompli jżid l-affidabbiltà tad-data użata biex tiddetermina sa liema punt jenħtieġ li jkun possibbli vjaġġar mhux essenzjali minn pajjiż terz partikolari.

(11)

Sabiex jippermettu vjaġġar mhux essenzjali lejn l-Unjoni u jżidu l-prevedibbiltà għall-vjaġġaturi minn pajjiżi terzi, jenħtieġ li l-Istati Membri mhux biss jaċċettaw il-vaċċini kontra l-COVID-19 li jkunu ngħataw awtorizzazzjoni għat-tqegħid fis-suq skont ir-Regolament (KE) Nru 726/2004 tal-Parlament Ewropew u tal-Kunsill (8), iżda wkoll dawk li jkunu lestew il-proċedura ta’ tqegħid fuq il-lista għall-użu ta’ emerġenza tal-Organizzazzjoni Dinjija tas-Saħħa (WHO).

(12)

Barra minn hekk, bħala alternattiva għat-tilqim, jenħtieġ li l-Istati Membri jippermettu vjaġġar mhux essenzjali lill-persuni li jkunu rkupraw mill-COVID-19 fi żmien 180 jum qabel ma jivvjaġġaw lejn l-UE u li jkollhom ċertifikat COVID Diġitali tal-UE jew wieħed meqjus ekwivalenti għalih.

(13)

Fl-istess ħin, biex jitnaqqas aktar ir-riskju ta’ trażmissjoni tal-virus SARS-CoV-2, l-Istati Membri jistgħu jirrikjedu wkoll prova valida ta’ test negattiv ta’ reazzjoni katina bil-polimerażi f’ħin reali (real-time polymerase chain reaction, RT-PCR) qabel it-tluq tal-vjaġġatur, meta dan jew (i) ikun irċieva vaċċin kontra l-COVID-19 li jkun lesta l-proċess ta’ Tqegħid fuq il-Lista għall-Użu ta’ Emerġenza tad-WHO iżda li ma jidhirx fil-lista ta’ vaċċini awtorizzati fl-UE skont ir-Regolament (KE) Nru 726/2004 jew (ii) ikun irkupra mill-COVID-19 fi żmien 180 jum qabel ma jivvjaġġa lejn l-UE.

(13a)

Minħabba l-fatt li jista’ ma jkunx possibbli li jiġu vverifikati l-awtentiċità, l-integrità u l-validità taċ-ċertifikati tat-tilqim maħruġa minn pajjiżi terzi li ma jużawx il-qafas ta’ fiduċja taċ-Ċertifikat COVID Diġitali tal-UE jew ċertifikat tat-tilqim li jkun ġie rikonoxxut bħala ekwivalenti għalih, l-Istati Membri jistgħu jirrikjedu wkoll prova valida ta’ test negattiv tal-RT-PCR qabel it-tluq meta l-vjaġġatur ikun imlaqqam kompletament b’vaċċin kontra l-COVID-19 li jkun ingħata awtorizzazzjoni għat-tqegħid fis-suq skont ir-Regolament (KE) Nru 726/2004 iżda ma jkollux Ċertifikat COVID Diġitali tal-UE jew wieħed li jkun ġie rikonoxxut bħala ekwivalenti għalih.

(14)

Jenħtieġ li t-tfal li jkollhom aktar minn 6 snin u inqas minn 18-il sena ikunu jistgħu jivvjaġġaw bil-kundizzjoni li jipproduċu test negattiv tal-RT-PCR qabel it-tluq. F’dawn il-każijiet, l-Istati Membri jistgħu jirrikjedu ttestjar addizzjonali wara li jaslu, kwarantina jew awtoiżolament. Meta tfal ta’ aktar minn sitt snin u taħt l-età ta’ 18-il sena jkollhom fil-pussess tagħhom prova valida tal-vaċċin kontra l-COVID-19 maħruġa abbażi ta’ vaċċin kontra l-COVID-19 awtorizzat fl-UE skont ir-Regolament (KE) Nru 726/2004, jenħtieġ li ma jkun meħtieġ l-ebda test. Tfal taħt l-età ta’ sitt snin li jivvjaġġaw ma’ adult jenħtieġ li ma jkunux soġġetti għal rekwiżiti addizzjonali.

(14a)

L-Istati Membri jistgħu jippermettu vjaġġar mhux essenzjali lil persuni li għalihom il-vaċċin aċċettat kontra l-COVID-19 huwa medikament kontraindikat dment li dawn il-persuni jkunu ppreżentaw id-dokumentazzjoni meħtieġa u jkunu ttestjaw negattivi għal test tal-RT-PCR qabel it-tluq.

(15)

Fid-dawl taż-żieda fit-teħid tat-tilqima madwar id-dinja, huwa adegwat li jibda jitqies li l-approċċ ibridu attwali bbażat fuq il-pajjiż/fuq il-persuna gradwalment isir approċċ ibbażat purament fuq il-persuna u t-tneħħija tar-restrizzjonijiet fuq l-ivvjaġġar tkun ibbażata biss fuq l-istatus tat-tilqim jew fuq il-funzjoni/il-ħtieġa li jissodisfaw il-vjaġġaturi. Madankollu, bħalissa għad hemm pajjiżi terzi b’aċċess limitat għall-vaċċini jew b’rata tat-tilqim baxxa. Għalhekk, sabiex jingħata żmien lill-pajjiżi terzi jżidu r-rati tat-tilqim tagħhom inkluż l-għoti ta’ dożi booster biex tiġi żgurata l-validità taċ-ċertifikati tat-tilqim u fuq valutazzjoni ġenerali minn qabel tas-sitwazzjoni tat-tilqim f’pajjiżi terzi abbażi ta’ data pprovduta, fost l-oħrajn, mid-Delegazzjonijiet tal-UE, sat-30 ta’ April 2022, jenħtieġ li r-Rakkomandazzjoni tiġi rieżaminata mill-Kummissjoni bil-ħsieb li jitħassar l-Anness I b’kont meħud taż-żieda fit-teħid tat-tilqima madwar id-dinja. Jenħtieġ li l-Kummissjoni tirrapporta lill-Kunsill, u tista’ tippreżentalu, kif xieraq, proposta biex jitħassar l-Anness I.

(16)

F’konformità mal-Artikoli 1 u 2 tal-Protokoll Nru 22 dwar il-Pożizzjoni tad-Danimarka, anness għat-Trattat dwar l-Unjoni Ewropea u għat-TFUE, id-Danimarka mhijiex qed tieħu sehem fl-adozzjoni ta’ din ir-Rakkomandazzjoni u mhijiex marbuta biha jew suġġetta għall-applikazzjoni tagħha. Peress li din ir-Rakkomandazzjoni tibni fuq l-acquis ta’ Schengen, jenħtieġ li d-Danimarka, f’konformità mal-Artikolu 4 ta’ dak il-Protokoll, tiddeċiedi jekk hijiex ser timplimentaha fi żmien sitt xhur wara li l-Kunsill ikun ħa deċiżjoni dwar din ir-Rakkomandazzjoni.

(17)

Din ir-Rakkomandazzjoni tikkostitwixxi żvilupp tad-dispożizzjonijiet tal-acquis ta’ Schengen li l-Irlanda mhijiex qed tieħu sehem fihom, f’konformità mad-Deċiżjoni tal-Kunsill 2002/192/KE (9); Għaldaqstant l-Irlanda mhix qed tieħu sehem fl-adozzjoni tagħha u mhix marbuta biha jew soġġetta għall-applikazzjoni tagħha.

(18)

Fir-rigward tal-Iżlanda u n-Norveġja, din ir-Rakkomandazzjoni tikkostitwixxi żvilupp tad-dispożizzjonijiet tal-acquis ta’ Schengen fis-sens tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawn iż-żewġ Stati mal-implimentazzjoni, l-applikazzjoni u l-iżvilupp tal-acquis ta’ Schengen (10), koperti mill-qasam imsemmi fl-Artikolu 1(A) tad-Deċiżjoni tal-Kunsill 1999/437/KE (11).

(19)

Fir-rigward tal-Iżvizzera, din ir-Rakkomandazzjoni tikkostitwixxi żvilupp tad-dispożizzjonijiet tal-acquis ta’ Schengen, fis-sens tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen li jaqgħu fil-qasam imsemmi fl-Artikolu 1, punt A, tad-Deċiżjoni 1999/437/KE (12) moqri flimkien mal-Artikolu 3 tad-Deċiżjoni tal-Kunsill 2008/146/KE (13).

(20)

Fir-rigward tal-Liechtenstein, din ir-Rakkomandazzjoni tikkostitwixxi żvilupp tad-dispożizzjonijiet tal-acquis ta’ Schengen fis-sens tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-adeżjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen li jaqgħu fil-qasam imsemmi fl-Artikolu 1, punt A, tad-Deċiżjoni 1999/437/KE (14), moqri flimkien mal-Artikolu 3 tad-Deċiżjoni 2011/350/UE (15).

(21)

L-istatus legali ta’ din ir-Rakkomandazzjoni kif imfakkar fil-premessi 15 sa 19 huwa mingħajr preġudizzju għall-ħtieġa li l-Istati Membri kollha, fl-interess tal-funzjonament tajjeb taż-żona Schengen, jiddeċiedu dwar it-tneħħija tar-restrizzjoni fuq vjaġġar mhux essenzjali lejn l-UE b’mod ikkoordinat,

(1)

Mill-1 ta’ Marzu 2022, fil-punt 2, it-tieni paragrafu, iċ-ċifra “75” tinbidel f’“100” u ċ-ċifra “300” tinbidel f’“600”;

(2)

Mill-1 ta’ Marzu 2022, fil-punt 6a, l-ewwel, it-tieni u t-tielet paragrafi huma sostitwiti b’dan li ġej:

“Mingħajr preġudizzju għall-punt 6 (a) u (b), meta l-Istati Membri jaċċettaw prova tat-tilqim sabiex ineħħu r-restrizzjonijiet fuq l-ivvjaġġar biex jillimitaw it-tixrid tal-COVID-19, jenħtieġ li fil-prinċipju, l-Istati Membri jneħħu r-restrizzjoni temporanja fuq l-ivvjaġġar mhux essenzjali lejn l-UE fir-rigward ta’ tali vjaġġaturi li jkunu rċevew l-aħħar doża rakkomandata ta’ wieħed mill-vaċċini kontra l-COVID-19 awtorizzati fl-UE skont ir-Regolament (KE) Nru 726/2004 (*1) mhux aktar tard minn 14-il jum qabel ma jidħlu fiż-żona UE+, dment li jkunu għaddew inqas minn 270 jum minn meta tkun ingħatat id-doża indikata fiċ-ċertifikat tat-tilqim għat-tlestija tas-sensiela ta’ tilqim primarju, jew tkun ingħatat doża addizzjonali wara t-tlestija tas-sensiela ta’ tilqim primarju.

Jenħtieġ ukoll li l-Istati Membri jneħħu r-restrizzjoni temporanja fuq l-ivvjaġġar mhux essenzjali lejn l-UE fir-rigward ta’ tali vjaġġaturi li jkunu rċevew l-aħħar doża rakkomandata ta’ wieħed mill-vaċċini tal-COVID-19 li jkunu lestew il-proċess ta’ Tqegħid fuq il-Lista għall-Użu ta’ Emerġenza tad-WHO mhux aktar tard minn 14-il jum qabel ma jidħlu fiż-żona UE+, dment li jkunu għaddew inqas minn 270 jum minn meta tkun ngħatat id-doża indikata fiċ-ċertifikat tat-tilqim għat-tlestija tas-sensiela ta’ tilqim primarju, jew tkun ngħatat doża addizzjonali wara t-tlestija tas-sensiela ta’ tilqim primarju.

Jenħtieġ ukoll li l-Istati Membri jneħħu r-restrizzjoni temporanja fuq vjaġġar mhux essenzjali lejn l-UE fir-rigward ta’ tali vjaġġaturi li jkunu rkupraw mill-COVID-19 fi żmien 180 jum qabel ma jivvjaġġaw lejn l-UE.

Għal dak il-għan, jenħtieġ li l-vjaġġaturi li jixtiequ jagħmlu vjaġġ mhux essenzjali lejn Stat Membru jkollhom fil-pussess tagħhom jew:

Għall-vjaġġaturi li jaqgħu taħt il-punti b) u c) hawn fuq, l-Istat Membru jista’ jirrikjedi wkoll prova valida ta’ test negattiv ta’ reazzjoni katina bil-polimerażi f’ħin reali (RT-PCR) li jsir mhux qabel 72 siegħa qabel it-tluq. Għall-vjaġġaturi li jaqgħu taħt il-punt b) l-Istati Membri jistgħu japplikaw miżuri tas-saħħa addizzjonali bħall-iżolament, il-kwarantina jew li jirċievu vaċċin awtorizzat fl-UE skont ir-Regolament (KE) Nru 726/2004.

Minbarra ċ-Ċertifikat COVID Diġitali tal-UE, jenħtieġ li l-Istati Membri jaċċettaw tali provi tat-tilqim kontra l-COVID-19 jew tal-irkupru minnu jekk dawn jikkorrispondu għal ċertifikati li jkunu tqiesu ekwivalenti għal dawk maħruġa f’konformità mar-Regolament (UE) 2021/953 tal-Parlament Ewropew u tal-Kunsill (*2) f’att ta’ implimentazzjoni adottat mill-Kummissjoni skont l-Artikolu 8 ta’ dak ir-Regolament.

Fejn ma jkun ġie adottat l-ebda att bħal dan li jikkonċerna ċ-ċertifikati maħruġa minn pajjiż terz, l-Istati Membri jistgħu jaċċettaw, f’konformità mal-liġi nazzjonali, prova tal-ittestjar u tat-tilqim maħruġa mill-pajjiż terz, filwaqt li titqies il-ħtieġa tkun tista’ ssir verifika tal-awtentiċità, tal-validità u tal-integrità taċ-ċertifikat, u jekk ikunx fih id-data rilevanti kollha kif previst fir-Regolament (UE) 2021/953.

F’każ bħal dan, jistgħu jirrikjedu prova valida ta’ test negattiv tal-RT-PCR qabel it-tluq għal vjaġġaturi mlaqqma kompletament b’vaċċin kontra l-COVID-19 li jkun ingħata awtorizzazzjoni għat-tqegħid fis-suq skont ir-Regolament (KE) Nru 726/2004 tal-Parlament Ewropew u tal-Kunsill iżda li ma jkollhomx Ċertifikat COVID Diġitali tal-UE jew wieħed li jkun ġie rikonoxxut bħala ekwivalenti għalih.

Sakemm ma jkunux koperti mid-dispożizzjonijiet stabbiliti hawn fuq, tfal bejn sitt snin u 18-il sena jenħtieġ ukoll li jitħallew jagħmlu vjaġġ mhux essenzjali lejn Stat Membru jekk ikollhom prova valida ta’ test negattiv ta’ reazzjoni katina bil-polimerażi f’ħin reali (RT-PCR) li jkun sar mhux qabel 72 siegħa qabel it-tluq. F’dawn il-każijiet, l-Istati Membri jistgħu jirrikjedu ttestjar addizzjonali wara l-wasla, kif ukoll kwarantina jew awtoiżolament. Tfal taħt l-età ta’ sitt snin li jivvjaġġaw ma’ adult jenħtieġ li ma jkunux soġġetti għal rekwiżiti addizzjonali.”

(*1)  Ir-Regolament (KE) Nru 726/2004 tal-Parlament Ewropew u tal-Kunsill tal-31 ta’ Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta’ prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (ĠU L 136, 30.4.2004, p. 1)."

(*2)  Ir-Regolament (UE) 2021/953 tal-Parlament Ewropew u tal-Kunsill tal-14 ta’ Ġunju 2021 dwar qafas għall-ħruġ, għall-verifika u għall-aċċettazzjoni ta’ ċertifikati COVID-19 interoperabbli tat-tilqim, tat-testijiet u tal-fejqan (Ċertifikat COVID Diġitali tal-UE) għall-faċilitazzjoni tal-moviment liberu waqt il-pandemija tal-COVID-19 (ĠU L 211, 15.6.2021, p. 1)."

(3)

Jiddaħħal il-punt (12) ġdid:

(1)

Il-punt (d) tal-Artikolu 164(5) tal-Ftehim dwar il-Ħruġ jagħti s-setgħa lill-Kumitat Konġunt stabbilit skont l-Artikolu 164(1) tiegħu (“il-Kumitat Konġunt”) li jadotta deċiżjonijiet li jemendaw lil dak il-Ftehim, dment li tali emendi jkunu meħtieġa biex jikkoreġu żbalji, biex jindirizzaw ommissjonijiet jew nuqqasijiet oħrajn, jew biex jindirizzaw sitwazzjonijiet li ma kinux previsti meta ġie ffirmat il-Ftehim, u dment li tali deċiżjonijiet ma jemendawx l-elementi essenzjali ta’ dak il-Ftehim. Skont l-Artikolu 166(2) tal-Ftehim dwar il-Ħruġ, id-deċiżjonijiet adottati mill-Kumitat Konġunt huma vinkolanti għall-Unjoni u għar-Renju Unit. L-Unjoni u r-Renju Unit iridu jimplimentaw it-tali deċiżjonijiet, li għandu jkollhom l-istess effett legali tal-Ftehim dwar il-Ħruġ.

(2)

Fl-interess taċ-ċertezza legali, jenħtieġ li l-Parti I tal-Anness I tal-Ftehim dwar il-Ħruġ tiġi emendata billi jiżdiedu ħames deċiżjonijiet u żewġ rakkomandazzjonijiet tal-Kummissjoni Amministrattiva għall-Koordinazzjoni tas-Sistemi tas-Sigurtà Soċjali li ma kinux elenkati qabel fiha u billi jiġu sostitwiti żewġ deċiżjonijiet.

(1)

Skont l-Artikolu 171(1) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (“il-Ftehim dwar il-Ħruġ”), il-Kumitat Konġunt stabbilixxa, sa tmiem il-perjodu ta’ tranżizzjoni stabbilit skont dan il-Ftehim, lista ta’ 25 persuna li huma lesti u kapaċi jservu bħala membri ordinarji ta’ bord ta’ arbitraġġ. Il-Kumitat Konġunt għandu jiżgura li l-lista tkun konformi mar-rekwiżiti fi kwalunkwe mument.

(2)

Skont l-Artikolu 171(2) tal-Ftehim dwar il-Ħruġ, il-lista ma għandhiex tinkludi persuni li jkunu membri, uffiċjali jew aġenti oħra tal-istituzzjonijiet tal-Unjoni, tal-gvern ta’ xi Stat Membru, jew tal-gvern tar-Renju Unit.

(3)

Waħda mill-persuni fuq il-lista li proposta mill-Unjoni nħatret bħala membru bħala istituzzjoni tal-Unjoni u għalhekk ma għadhiex tissodisfa r-rekwiżiti biex tkun arbitru skont il-Ftehim dwar il-Ħruġ.

(4)

Għaldaqstant hemm bżonn li dik il-persuna fuq il-lista ta’ persuni stabbilita fl-Anness I għad-Deċiżjoni Nru 7/2020 tal-Kumitat Konġunt (2) tiġi sostitwita,

1.

2.

3.

4.

“7.

Il-pakkett finanzjarju għandu jinkiseb billi tiġi mmultiplikata l-intensità medja tal-għajnuna per capita u kull sena ta' EUR 62,9 bil-popolazzjoni eliġibbli. L-allokazzjoni ta' kull Stat Membru eliġibbli għal dan il-pakkett finanzjarju teoretiku tikkorrispondi għal perċentwal ibbażat fuq il-popolazzjoni tiegħu, iż-żona tal-wiċċ u l-prosperità nazzjonali, u għandu jinkiseb bl-applikazzjoni tal-passi li ġejjin:

“7.

Il-pakkett finanzjarju għandu jinkiseb billi tiġi mmultiplikata l-intensità medja tal-għajnuna per capita u kull sena ta' EUR 62,9 bil-popolazzjoni eliġibbli. L-allokazzjoni ta' kull Stat Membru eliġibbli għal dan il-pakkett finanzjarju teoretiku tikkorrispondi għal perċentwal ibbażat fuq il-popolazzjoni, l-erja u l-prosperità nazzjonali tiegħu, u għandu jinkiseb bl-applikazzjoni tal-passi li ġejjin: