ISSN 1977-074X |
||
Il-Ġurnal Uffiċjali tal-Unjoni Ewropea |
L 380 |
|
Edizzjoni bil-Malti |
Leġiżlazzjoni |
Volum 64 |
|
|
Rettifika |
|
|
* |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
27.10.2021 |
MT |
Il-Ġurnal Uffiċjali tal-Unjoni Ewropea |
L 380/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/1880
tas-26 ta’ Ottubru 2021
li jikkoreġi l-verżjoni bil-lingwa Pollakka tar-Regolament ta’ Implimentazzjoni (UE) 2019/317 li jistabbilixxi skema ta’ prestazzjoni u imposti fl-Ajru Uniku Ewropew
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 549/2004 tal-Parlament Ewropew u tal-Kunsill tal-10 ta’ Marzu 2004 li jippreskrivi l-qafas għall-ħolqien tal-Ajru Uniku Ewropew (ir-Regolament qafas) (1), u b’mod partikolari l-Artikolu 11(6) tiegħu,
Wara li kkunsidrat ir-Regolament (KE) Nru 550/2004 tal-Parlament Ewropew u tal-Kunsill tal-10 ta’ Marzu 2004 dwar il-forniment ta’ servizzi ta’ navigazzjoni tal-ajru fl-ajru uniku Ewropew (ir-Regolament tal-forniment ta’ servizz) (2), u b’mod partikolari l-Artikolu 15(4) tiegħu,
Billi:
(1) |
Il-verżjoni bil-lingwa Pollakka tar-Regolament ta’ Implimentazzjoni tal-Kummissjoni (UE) Nru 2019/317 (3) fiha żbalji li jaffettwaw il-kamp ta’ applikazzjoni tad-dispożizzjonijiet li ġejjin: fl-ewwel sentenza tal-Artikolu 14(1), u fl-ewwel sentenza tal-Artikolu 15(1) fir-rigward tal-kriterju tal-valutazzjoni tal-konsistenza fuq miri ta’ prestazzjoni; fl Artikolu 21(3) fir-rigward tal-kundizzjoni ta’ żona speċifika ta' imposti fit-terminal ikkonċernata; it-tielet subparagrafu, tal-Artikolu 22(5), is-sentenza introduttorja fir-rigward taż-żoni tal-imposti li għalihom huma stabbiliti l-kostijiet id-determinati; fit-tieni sentenza tal-Artikolu 22(7), fir-rigward tal-obbligu tal-awtoritajiet superviżorji nazzjonali li jeżaminaw id-dokumenti tal-kontabbilita’ rilevanti; fl-Anness I, Taqsima 1, punt 2.1(c), punt 2.2(a)(iii) u punt 2.2(b)(iv), fir-rigward tal-punti ta’ dħul jew ħruġ li jintużaw għall-kalkolu ta’ indikaturi meta titjira titlaq minn jew tasal f’ajruport barra mill-ispazju tal-ajru Ewropew; fl-Anness I, Taqsima 1, punt 3.1(b) fir-rigward tad-definizzjoni ta’ “ħin ikkalkulat għat-tlugħ”; fl-Anness I, Taqsima 2, punt 1.2(d) fir-rigward tar-rata ta’ ksur tas-separazzjoni minima fl-ispazju tal-ajru; fl-Anness I, Taqsima 2, punt 2.1(b) u punt 2.2(b)(iii) fir-rigward tad-definizzjoni tal-“parti en route”; fl-Anness II, punt 3.3(e), Anness IV, punt 2.1(d)(iii), Anness VII, Tabella 1, punti 3 u 3.4, Anness VII, punt 2.1(i) u Anness XI, punt 1.2(f) fir-rigward tal-kalkolu tal-kost tal-kapital; fl-Anness IV, punt 1.3 rigward il-valuri referenzjarji; fl-Anness VI, punt 1.2(d) u punt 2.1(d) fir-rigward tal-iskop tat-tendenza tar-rapportaġġ tal-obbligi; fl-Anness VI, punt 2.1(a), it-tieni paragrafu fir-rigward tat-tip ta’ data koperta mill-eċċezzjoni; fl-Anness XIII, punt 1.1(a) fir-rigward tal-valuri ta’ referenza li jinformaw l-valur talpern; kif ukoll fl-Anness XIII, fl-ewwel subparagrafu tal-punt 2.1(a) u fl-ewwel subparagrafu tal-punt 2.1(b) fir-rigward tal-kundizzjoni tal-kalkulazzjoni tal-vantaġġ u l-żvantaġġ finanzjarju. |
(2) |
Għalhekk, jenħtieġ li l-verżjoni tal-lingwa Pollakka tar-Regolament ta’ Implimentazzjoni (UE) 2019/317 tiġi kkoreġuta skont dan. Il-verżjonijiet bil-lingwi l-oħra mhumiex affettwati. |
(3) |
Il-miżuri previsti f’dan ir-Regolament huma skont l-opinjoni tal-Kumitat dwar l-Ajru Uniku, |
ADOTTAT DAN IR-REGOLAMENT:
Artikolu 1
(ma japplikax għal-lingwa Maltija)
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’ Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Ottubru 2021.
Għall-Kummissjoni
Il-President
Ursula VON DER LEYEN
(2) ĠU L 96, 31.3.2004, p. 10.
(3) Ir-Regolament ta’ Implimentazzjoni tal-Kummissjoni (UE) 2019/317 tal-11 ta’ Frar 2019 li jistabbilixxi skema ta’ prestazzjoni u imposti fl-Ajru Uniku Ewropew u li jħassar ir-Regolamenti ta’ Implimentazzjoni (UE) Nru 390/2013 u (UE) Nru 391/2013 (ĠU L 56, 25.2.2019, p. 1).
27.10.2021 |
MT |
Il-Ġurnal Uffiċjali tal-Unjoni Ewropea |
L 380/5 |
REGOLAMENT TAL-KUMMISSJONI (UE) 2021/1881
tas-26 ta’ Ottubru 2021
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għal imidacloprid f’ċerti prodotti jew fuqhom
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) u l-Artikolu 49(2) tiegħu,
Billi:
(1) |
Il-livelli massimi ta’ residwi (MRL) għal imidacloprid ġew stabbiliti fil-Parti A tal-Anness III tar-Regolament (KE) Nru 396/2005. |
(2) |
F’konformità mal-Artikolu 12(1) tar-Regolament (KE) Nru 396/2005 (2), l-Awtorità Ewropea dwar is-Sigurtà fl-Ikel (“l-Awtorità”) ressqet opinjoni motivata dwar ir-rieżami tal-MRLs eżistenti għal imidacloprid. L-Awtorità rrakkomandat li d-definizzjoni tar-residwu tiġi stabbilita bħala imidacloprid biss. Hija identifikat riskju għall-konsumaturi fir-rigward tal-MRLs għall-iskalora/indivja bil-weraq wesgħin. Għalhekk huwa xieraq li dan l-MRL jitbaxxa għal-limitu speċifiku ta’ determinazzjoni (LOD). L-Awtorità rrakkomandat li jitbaxxew l-MRLs għall-ġewż Amerikan, il-banana, it-tadam, il-bżar ħelu, il-brunġiel, il-ħjar, il-ħjar tal-pikles, iz-zukkini u l-prodotti li joriġinaw mill-annimali. Jenħtieġ li l-MRLs għal dawk il-prodotti jiġu stabbiliti fl-Anness II tar-Regolament (KE) Nru 396/2005 fil-livell identifikat mill-Awtorità. |
(3) |
L-Awtorità kkonkludiet li fir-rigward tal-MRLs għall-frott taċ-ċitru, l-għeneb, il-mirtilli, il-cranberries, il-bamja, il-kukurbiti b’qoxra li ma tittikilx, il-fażola (bil-miżwed u mingħajru), il-piżelli (bil-miżwed u mingħajru), il-fażola, il-karawett, il-kafena u l-ħops, xi informazzjoni ma kinitx disponibbli u li kienet meħtieġa aktar kunsiderazzjoni mill-maniġers tar-riskju. Billi ma hemmx riskju għall-konsumaturi, l-MRLs għal dawk il-prodotti jenħtieġ li jiġu stabbiliti wkoll fl-Anness II tar-Regolament (KE) Nru 396/2005 fil-livell identifikat mill-Awtorità. Se jsir rieżami ta’ dawn l-MRLs; ir-rieżami se jqis l-informazzjoni li tkun disponibbli fi żmien sena mill-pubblikazzjoni ta’ dan ir-Regolament. |
(4) |
Fl-opinjonijiet motivati tal-Awtorità tqiesu l-limiti massimi tar-residwi tal-Codex (CXLs). Fir-rigward tas-CXLs, l-Awtorità kkonkludiet li mhumiex kompatibbli mad-definizzjoni tar-residwu tal-UE u rrakkomandat li s-CXLs eżistenti ma jiġux inklużi fl-Anness II tar-Regolament (KE) Nru 396/2005. Huwa għalhekk xieraq li dawk l-MRLs jiġu stabbiliti fil-livell identifikat mill-Awtorità. |
(5) |
Fir-rigward ta’ prodotti li fuqhom mhux awtorizzat l-użu tal-prodott għall-protezzjoni tal-pjanti kkonċernat, u li għalihom ma teżisti l-ebda tolleranza għall-importazzjoni jew CXL, jenħtieġ li l-MRLs jiġu stabbiliti fl-LOD speċifiku jew jenħtieġ li japplika l-MRL prestabbilit, kif stipulat fl-Artikolu 18(1)(b) tar-Regolament (KE) Nru 396/2005. |
(6) |
Il-Kummissjoni kkonsultat mal-laboratorji ta’ referenza tal-Unjoni Ewropea dwar ir-residwi tal-pestiċidi fir-rigward tal-bżonn li jiġu addattati ċerti limiti ta’ determinazzjoni. Dawn il-laboratorji kkonkludew li għal ċerti komoditajiet, l-iżvilupp tekniku jirrikjedi li jiġu stabbiliti LODs speċifiċi. |
(7) |
Abbażi tal-opinjonijiet motivati tal-Awtorità u filwaqt li jitqiesu l-fatturi rilevanti tas-suġġett ikkunsidrat, il-modifiki xierqa tal-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
(8) |
Is-sħab kummerċjali tal-Unjoni ġew ikkonsultati dwar l-MRLs il-ġodda permezz tal-Organizzazzjoni Dinjija tal-Kummerċ u l-kummenti tagħhom tqiesu. |
(9) |
Għalhekk, jenħtieġ li r-Regolament (KE) Nru 396/2005 jiġi emendat skont dan. |
(10) |
Sabiex il-prodotti jkunu jistgħu jiġu kkummerċjalizzati, ipproċessati u kkunsmati b’mod normali, jenħtieġ li dan ir-Regolament jipprevedi arranġament tranżizzjonali għall-prodotti li jkunu ġew prodotti qabel il-modifika tal-MRLs u li l-informazzjoni dwarhom turi li qed jinżamm livell għoli ta’ protezzjoni tal-konsumaturi. |
(11) |
Jenħtieġ li jitħalla jgħaddi perjodu raġonevoli qabel ma jibdew japplikaw l-MRLs modifikati, sabiex l-Istati Membri, il-pajjiżi terzi u l-operaturi tan-negozji tal-ikel jingħataw biżżejjed żmien biex iħejju ruħhom ħalli jkunu jistgħu jikkonformaw mar-rekwiżiti l-ġodda li jirriżultaw mill-modifika tal-MRLs. |
(12) |
L-approvazzjoni tal-imidacloprid skadiet fil-1 ta’ Diċembru 2020 (3). Kwalunkwe perjodu ta’ grazzja li seta’ ngħata mill-Istati Membri se jiskadi fl-1 ta’ Ġunju 2022. Rieżami ulterjuri tal-livelli massimi ta’ residwu huwa previst wara dik id-data. |
(13) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf. |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati f’konformità mal-Anness ta’ dan ir-Regolament.
Artikolu 2
Fir-rigward tas-sustanza attiva imidacloprid fil-prodotti kollha u fuq il-prodotti kollha għajr l-indivja bil-weraq wesgħin, ir-Regolament (KE) Nru 396/2005, kif kien qabel ma ġie emendat b’dan ir-Regolament, għandu jibqa’ japplika għall-prodotti li ġew prodotti fl-Unjoni jew li ġew importati fl-Unjoni qabel is-16 ta’ Mejju 2022.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mis-16 ta’ Mejju 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Ottubru 2021.
Għall-Kummissjoni
Il-President
Ursula VON DER LEYEN
(2) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for imidacloprid according to Article 12 of Regulation (EC) No 396/2005. EFSA Journal 2019;17(1):5570.
ANNESS
L-Annessi II u III tar-Regolament (KE) Nru 396/2005 huma emendati kif ġej:
(1) |
fl-Anness II, tiżdied il-kolonna li ġejja għal imidacloprid: "Residwi tal-pestiċidi u livelli massimi tar-residwi (mg/kg)
|
(2) |
fil-Parti A tal-Anness III titħassar il-kolonna għal imidacloprid. |
(*1) Tindika l-limitu tal-kwantifikazzjoni analitika l-aktar baxx
(1) Għal-lista sħiħa tal-prodotti li joriġinaw mill-pjanti u mill-annimali li japplikaw l-MRLs għalihom, jenħtieġ li ssir referenza għall-Anness I.
DEĊIŻJONIJIET
27.10.2021 |
MT |
Il-Ġurnal Uffiċjali tal-Unjoni Ewropea |
L 380/20 |
DEĊIŻJONI TAL-KUNSILL (UE) 2021/1882
tal-25 ta’ Ottubru 2021
dwar il-kontribuzzjonijiet finanzjarji li għandhom jitħallsu mill-partijiet fil-Fond Ewropew għall-Iżvilupp għall-finanzjament tal-Fond fir-rigward tat-tielet pagament parzjali għall-2021
IL-KUNSILL TAL-UNJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidra l-Ftehim Intern bejn ir-Rappreżentanti tal-Gvernijiet tal-Istati Membri tal-Unjoni Ewropea, imlaqqgħin fi ħdan il-Kunsill, dwar l-iffinanzjar ta’ għajnuna mill-Unjoni Ewropea taħt il-qafas finanzjarju pluriennali għall-perjodu mill-2014 sal-2020, f’konformità mal-Ftehim ta’ Sħubija AKP-UE, u dwar l-allokazzjoni ta’ assistenza finanzjarja għall-pajjiżi u territorji extra-Ewropej li għalihom tapplika r-Raba’ Parti tat-Trattat dwar il-Funzjonament tal-Unjoni Ewropea (1), u b’mod partikolari l-Artikolu 7(2) flimkien mal-Artikolu 14(3) tiegħu,
Wara li kkunsidra r-Regolament tal-Kunsill (UE) 2018/1877 tas-26 ta’ Novembru 2018 dwar ir-regolament finanzjarju applikabbli għall-11-il Fond Ewropew għall-Iżvilupp, u li jħassar ir-Regolament (UE) 2015/323 (2), u b’mod partikolari l-Artikolu 19(5) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
F’konformità mal-proċedura stabbilita fl-Artikoli 19 sa 22 tar-Regolament (UE) 2018/1877, il-Kummissjoni għandha tippreżenta proposta sal-10 ta’ Ottubru 2021 li tistabbilixxi l-ammont tat-tielet ħlas parzjali tal-kontribuzzjoni għall-2021. |
(2) |
Skont l-Artikolu 46 tar-Regolament (UE) 2018/1877, il-Bank Ewropew tal-Investiment (BEI) għandu jibgħat lill-Kummissjoni l-estimi aġġornati tiegħu tal-impenji u l-pagamenti fl-istrumenti li jimmaniġġa. |
(3) |
Skont l-Artikolu 20(1) tar-Regolament (UE) 2018/1877, is-sejħiet għal kontribuzzjonijiet għandhom l-ewwel jeżawrixxu l-ammonti previsti fil-Fondi Ewropej għall-Iżvilupp (“FEŻ”) preċedenti. Għaldaqstant jenħtieġ li ssir sejħa għall-fondi skont ir-Regolament (UE) 2018/1877 għall- Kummissjoni u għall- BEI. |
(4) |
Skont l-Artikoli 152 tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (3) (“il-Ftehim dwar il-Ħruġ”), ir-Renju Unit tal-Gran Brittanja u l-Irlanda ta’ Fuq (“ir-Renju Unit”) għandu jibqa’ Parti għall-FEŻ sal-egħluq tal-11-il FEŻ u ta’ kull FEŻ preċedenti mhux magħluq. Skont l-Artikolu 153 tal-Ftehim dwar il-Ħruġ, madankollu, is-sehem tar-Renju Unit f’fondi diżimpenjati minn proġetti taħt il-11-il FEŻ, meta dawk il-fondi jkunu ġew diżimpenjati wara l-31 ta’ Diċembru 2020, jew FEŻ preċedenti, m’għandux jerġa’ jintuża. |
(5) |
Id-Deċiżjoni tal-Kunsill (UE) 2020/1708 (4) tistabbilixxi l-ammont annwali tal-kontribuzzjonijiet li għandhom jitħallsu mill-partijiet għall-FEŻ għall-2021 għal EUR 3 700 000 000 għall-Kummissjoni Ewropea, u għal EUR 300 000 000 għall-BEI. |
(6) |
Sabiex il-miżuri previsti f’din id-Deċiżjoni jkunu jistgħu jiġu applikati minnufih, din id-Deċiżjoni jenħtieġ li tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea, |
ADOTTA DIN ID-DEĊIŻJONI:
Artikolu 1
Il-Partijiet għall-Fond Ewropew għall-Iżvilupp għandhom iħallsu l-kontribuzzjonijiet individwali tal-FEŻ lill-Kummissjoni u lill-Bank Ewropew tal-Investiment, bħala t-tielet pagament parzjali għall-2021, f’konformità mal-Anness.
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, il-25 ta’ Ottubru 2021.
Għall-Kunsill
Il-President
G. DOVŽAN
(2) ĠU L 307, 3.12.2018. p. 1.
(4) Id-Deċiżjoni tal-Kunsill (UE) 2020/1708 tat-13 ta’ Novembru 2020 dwar il-kontribuzzjonijiet finanzjarji li jridu jitħallsu mill-Istati Membri biex jiffinanzjaw il-Fond Ewropew għall-Iżvilupp, inklużi l-limitu massimu għall-2022, l-ammont annwali għall-2021, l-ewwel pagament parzjali għall-2021 u tbassir indikattiv u mhux vinkolanti tal-ammonti annwali mistennija tal-kontribuzzjonijiet għas-snin 2023 u 2024 (ĠU L 385, 17.11.2020, p. 13).
ANNESS
STATI MEMBRI U R-RENJU UNIT |
Skema tal-11ax-il FEŻ % |
It-tielet t pagament parzjali tal-2021 (f’EUR) |
Total |
|
BEI il-11-il FEŻ |
Il-Kummissjoni il-11-il FEŻ |
|||
IL-BELĠJU |
3,24927 |
3 249 270,00 |
29 243 430,00 |
32 492 700,00 |
IL-BULGARIJA |
0,21853 |
218 530,00 |
1 966 770,00 |
2 185 300,00 |
IĊ-ĊEKJA |
0,79745 |
797 450,00 |
7 177 050,00 |
7 974 500,00 |
ID-DANIMARKA |
1,98045 |
1 980 450,00 |
17 824 050,00 |
19 804 500,00 |
IL-ĠERMANJA |
20,57980 |
20 579 800,00 |
185 218 200,00 |
205 798 000,00 |
L-ESTONJA |
0,08635 |
86 350,00 |
777 150,00 |
863 500,00 |
L-IRLANDA |
0,94006 |
940 060,00 |
8 460 540,00 |
9 400 600,00 |
IL-GREĊJA |
1,50735 |
1 507 350,00 |
13 566 150,00 |
15 073 500,00 |
SPANJA |
7,93248 |
7 932 480,00 |
71 392 320,00 |
79 324 800,00 |
FRANZA |
17,81269 |
17 812 690,00 |
160 314 210,00 |
178 126 900,00 |
IL-KROAZJA |
0,22518 |
225 180,00 |
2 026 620,00 |
2 251 800,00 |
L-ITALJA |
12,53009 |
12 530 090,00 |
112 770 810,00 |
125 300 900,00 |
ĊIPRU |
0,11162 |
111 620,00 |
1 004 580,00 |
1 116 200,00 |
IL-LATVJA |
0,11612 |
116 120,00 |
1 045 080,00 |
1 161 200,00 |
IL-LITWANJA |
0,18077 |
180 770,00 |
1 626 930,00 |
1 807 700,00 |
IL-LUSSEMBURGU |
0,25509 |
255 090,00 |
2 295 810,00 |
2 550 900,00 |
L-UNGERIJA |
0,61456 |
614 560,00 |
5 531 040,00 |
6 145 600,00 |
MALTA |
0,03801 |
38 010,00 |
342 090,00 |
380 100,00 |
IN-NETHERLANDS |
4,77678 |
4 776 780,00 |
42 991 020,00 |
47 767 800,00 |
L-AWSTRIJA |
2,39757 |
2 397 570,00 |
21 578 130,00 |
23 975 700,00 |
IL-POLONJA |
2,00734 |
2 007 340,00 |
18 066 060,00 |
20 073 400,00 |
IL-PORTUGALL |
1,19679 |
1 196 790,00 |
10 771 110,00 |
11 967 900,00 |
IR-RUMANIJA |
0,71815 |
718 150,00 |
6 463 350,00 |
7 181 500,00 |
IS-SLOVENJA |
0,22452 |
224 520,00 |
2 020 680,00 |
2 245 200,00 |
IS-SLOVAKKJA |
0,37616 |
376 160,00 |
3 385 440,00 |
3 761 600,00 |
IL-FINLANDJA |
1,50909 |
1 509 090,00 |
13 581 810,00 |
15 090 900,00 |
L-IŻVEZJA |
2,93911 |
2 939 110,00 |
26 451 990,00 |
29 391 100,00 |
IR-RENJU UNIT |
14,67862 |
14 678 620,00 |
132 107 580,00 |
146 786 200,00 |
TOTAL UE-27 U R-RENJU UNIT |
100,00 |
100 000 000,00 |
900 000 000,00 |
1 000 000 000,00 |
Rettifika
27.10.2021 |
MT |
Il-Ġurnal Uffiċjali tal-Unjoni Ewropea |
L 380/23 |
Rettifika għar-Regolament (UE) 2019/876 tal-Parlament Ewropew u tal-Kunsill tal-20 ta' Mejju 2019 li jemenda r-Regolament (UE) Nru 575/2013 dwar il-proporzjon ta' lieva finanzjarja, il-proporzjon ta' finanzjament stabbli nett, rekwiżiti għall-fondi proprji u obbligazzjonijiet eliġibbli, riskju ta' kreditu tal-kontroparti, riskju tas-suq, skoperturi għal kontropartijiet ċentrali, skoperturi għal impriżi ta' investiment kollettiv, skoperturi kbar, rekwiżiti ta' rappurtar u divulgazzjoni, u r-Regolament (UE) Nru 648/2012
( Il-Ġurnal Uffiċjali tal-Unjoni Ewropea L 65 tal-25 ta’ Frar 2021 )
Din ir-rettifika għandha titqies nulla u bla effett.